مرارة الحب الفصل الثالث وستون 63 - بقلم بنين الزبيدي

أصبّر الرّوح بيش وإنت بيه الرّوح
وإذا تطلع أظلّن بس جسد خالي
لكيتك من جنت ما لاكي كل النّاس
أنت أول محبّ وأنت صرت تالي يلكلّك
محبّة وأنت أحنّ مخلوق
معقولة الحمامة تصير كتالي
صح ماكو بجمالك أني أدري بهاي
وروجه رقّتك ما كظها أي جالي
حرام عليك تزعل وأنت
الصّوج أجيك أنا أعتذر
وبلا ذنب خالي
/////////////////////////

صابرين..كلامي ويا اهلي مو هلكد ادوره بيت عمي حاكم اشترو بيت بصفنه واثثو وكعدو بي صرنه حايط على حايط كل يوم ابويه وجدي يلحون عليه اقبل بجاسر وبسرعه وليش نضيع وكت واني ارفض كل مينفتح الموضوع اترخص منهم واصعد الغرفتي الحد ما يوم كاعده بغرفتي اقره رسايلنه القديمه شكد جان بارد وجاف ويايه حتى كلمه حلوه مجان يسمعني ندك الباب مسحت دموعي وكمت غسلت وفتحت الباب نصدمت من شفت جاسر واكف بلباب جاسر

جاسر..ممكن احجي وياج

صابرين..تفضل دخل للغرفه جان عندي كرسين بغرفتي كعد واني كعدت نعم اخذ نفس وحجه

جاسر..مااكدر افرض نفسي عليج

صابرين..قاطعته جاسر اني موافقه

جاسر..صابرين اذا متكدرين تبدين حياة جديده انسحب من طريقج

صابرين..اخذت نفس لا موافقه ابدي حياة جديده وياك بس اطلب منك طلب

جاسر..انتي تأمرين

صابرين..اول شي شغلي اني احبه ومااكدر اعوفه حاربت الكل علموده

جاسر..ولو هيه صعبه بس يجرالج بعد

صابرين..انطيني وقت انسا الي صار ويايه مو هينه عليه بسنه وحده هذا كله صار ويايه

جاسر..مستعد انتضرج من اليوم الاخر نفس بيه

صابرين..هزيت راسي هاهيه اني موافقه كام وكمت ويا باسني من راسي وطلع كلبي ميرف غير على حسام بس خلص هاهيه لازم انسا وابدي لازم حياة جديده اني وحسام وصلنه طريق مسدود ومثل ما هوا مكون اسره اني هم راح اكون اسره واعلم كلبي يكدر على كلشي صابرين انتي قويه اني راح اصون جاسر واحافظ عليه واحافظ على بيتي واسرتي وكل واحد يروح بطريقه طريقي ويا حسام جان نهايته حطام من بدايته غلط جنت اصبر عليه وهوا كلشي عنده اوامر ونتر كلمه حلوه مسمعني بس من نفصلنه بس بعديش هيهات ارجع الكمينك يسحام اذيتني وكرهتني بطيبتي طلبت الخطبه تصير بعد ما تولد طيبه بكم اسبوع حتى تكدر تحضر هما يجهزون واني بس كلمه وحده احجيها اي بكيفكم بس اجاوب على كد السؤال ميوجهون السؤال الي اضل ساكته وصافنه ابويه وامي من عرفو قراري محجو شي بس بعيونهم مبين فرحو ولدت طيبه بسلامه الحمدالله وراها بكم اسبوع جان يوم جمعه الصبح كعدت خابرت بنين متكدر تطلع رانيه هم اخر شي خابرت على صبا وطلعنه اني وجاسر مرينه عليها ورحنه للصالون اذكرت خطوبتي اني وحسام الي انتهت بأهانتي دخلت جانت البدله محضريها رصاصي نفشها خفيف وبيها حزام ابيض بي وزو بيضه دخلت بدلت وساعدتني صبا وطلعت كاعده مختريت شي كلشي هما اهل الصالون سو مالي خلك حتى كوشتي والغراض امي اختارتهن تعبانه مالي خلك النفسي هدومي احسهن ثكال عليه خلصو مكياج وسوو شعري يله فتحت عيوني المكياج جان حلو بس اني مجان الي واهس لبستهن صبا البرنص وكعدت هيه خطيه مسوت شي خابرت على جاسر اجه اخذني ساعدتني صبا اصعد بسياره كلشي ديجي ابالي من اجه اخذنه حسام من الصالون من لزم ايدي من كمنه نركص اني ويا هزيت راسي هاهيه صابرين وصلني البيتنه نزلت دخلت بنص الصاله اجتي بنين هيه وبطنها جنها بطه من تمشي اخذت البرنص وحجت

بنين..رب العالمين يعوضج صابرين كولي يالله وابدي حياة جديده صعبه ادري بس هذا القدر مكتوب

صابرين..بس اني تعبانه

بنين..بس اني داشوفج جبل واكف كدامي تحملتي كومه شغلان لتنهارين هسه بستها من راسها ورحت علكت البرنص ورجعت وطبعا شاهين افندي لازم يخنكني بلبس جنت لابسه فستان ماروني وفوكا تول اسود وحذاء فلان لين مااكدر البس كعب ولابسه شال وطيبه كاعده بصفي وبيدها ابنها سمو غياث وصبا كاعده من جهتي الثانيه كلنه صايرن بصف صابرين الي اصلا ممبين عدها فرح اذكرت نفسي من جنت بمكانها كل علامة من الفرح ماالي خليت ايدي على بطني الحمدالله رب العالمين عوضني احله عوض بشاهين وبطفل منه دعيت لصابرين من كل كلبي رب العالمين يعوضها بجاسر خطيه عاد كاعدين سمعنه صوت مزيقه وهوسه عرفنه اجوي اخذنه صابرين للصاله الثانيه وكعدناها وخلينه طشت مي وبي ورد وقران بيدها سوره الفتح ومرايه من الشيخ بده قرا ايات بدت دموع صابرين تجري اخيرا نطقت وكال موافقه الهلاهل تعالت والناس تبارك وجاسر هم وافق كومناها واخذناها للكوشه كعدت

صابرين..من الشيخ صار يقرا الايات اذكرت من اني وحسام جنه بهيج موقف بس الفرق جنت طايره من الفرح واحس كلبي يرفر من الفرح وهسه كل فرحه ما ماكو احس نفسي داوقع على اعدامي تحديت نفسي وافقت من البدايه لازم يصير هيج خلصت مراسم العقد وطلعوني كعدت على الكوشه جاسر وخر البرنص من وجهي وباسني من راسي رفعت راسي عليه صارت عيوني بعيونه جان فرحان عكسي باوعت عليه لابس قاط رصاصي وهوا جسمه حلو جتوفه عريضات حلوه بس محد يحله بعيوني غير حسام لبسني حلقه ولبسته حلقه ولبسني بتوت وبليد الثانيه ملاوي ومحبسين وحزام ذهب وتراجي كعدت وهوا كعد كصينه الكيك وكلته وكلني من اليوم اني صرت تابعه الجاسر مو الحسام صرت زوجه جاسر وحسام انتهى كلشي بينه رحنه اخذنه صور ورجعنه للبيت قبل مااانزل باسني من راسي

جاسر..مبروك صابرين

صابرين..الله يبارك بيك جاسر شكرا

جاسر..باعيني مراح اضغط عليج وكتلج مستعد انتضرج العمر كله

صابرين..تسلم واعذرني بس والله اني تعبانه

جاسر..ادري ابويه يله ارتاحي وباجر اخذج للكاضم

صابرين..هزيت راسي بـ اي ونزلت صعدت كبل الغرفتي ذبيت البرنص وكعدت بنص الغرفه نهاريت ضليت ابجي واشهك هاهيه صابرين هاهيه انسي بعد انسي صرتي على ذمه شخص غيره كمت سبحت وصليت وجيت نمت بس الدموع غضب عني تنزل لحد منمت شعور صعب حيل من انت حبيت شخص وصرتي اله برمشه عين كلشي يخلص وتصيرين الشخص ثاني حيل تأذي نمت واني عباره عن حطام واثار جروح حسام بداخل تنزف

بنين..خلصت مراسيم العقد واجه عليه شاهين رجعني للبيت بلطريق كتله شاهين اريد كيك

شاهين..صار ترافتي بعد

بنين..واريد هيج كون كيكه وبس افتحها يسيح الكاكو منها يمي

شاهين..ههههههه وبعد

بنين..هاهيه اريد بس كاكو بسرعه

شاهين..ادللي

بنين..وكفنه يم سوبر ماركت كله حلويات ونزل شاهين واني ضليت كاعده دك تلفوني باوعت جانت صبا جاوبتها الو

صبا..ها بنانو

بنين..هله صبوش

صبا..وين انتي بلبيت

بنين..لا يم السوبر ماركت ليش

صبا..هيج حبيبي داسئل عليج شفتج تعبانه بلحفله

بنين..فدوه الكلبج حبيبي اي مااكدر اتحرك هوايه

صبا..افاااا وينها بنين التركض ركض

بنين..رحت ههههههه

صبا..هههههههه يله حبيبي باجر اجيج

بنين..هله بيج حبيبي ختمت ويا صبا واجه شاهين بيده كومه حلويات خلاهن ورا وجاب كيكه عباره عن كاكاو خلاها بحضني

شاهين..هاي الكاكاو ست نعوصه

بنين..اني ماحجيي هيج

شاهين..ههههههههه

بنين..بلسياره اكلت اني وداتوحم بعد الله يعينك شاهين

شاهين..لا صدك. كذب ملازمي شوكت متريد برسم الخدمة

بنين..هههه لزمني من ايدي وباس باطنها اني احبك

شاهين..واني عاشكج

بنين..وصلنه للبيت ساعدني اتزل واخذت الحلويات الي بلسياره ودخلنه للبيت خاله ام طيبه والعميد عامر مراجعين بس لبقيه لا موجودين وجانت ام ناهده موجوده مسلمت عليها صعدت الغرفتي مسحت المكياج ودخلت سبحت طلعت انشف بشعري لكيته كاعد يدخن شافني طلعت طفه الچكاره بلنفاضه وحجه

شاهين..بنين بنتي زحمة. متسلمين على ام ناهده

بنين..وزحمة من هيه تكولي انتي راسمه على ضرغام وعلى عمو عامر

شاهين..شنو

بنين..اي شاهين هوايه اذتني من غبت انت

شاهين..شسوتلج يفزة عيوني انتي

بنين..كعدت احجيله شلون جانت على اقل شغله تحجي عليه ودائما تصيح انتي تريدن ضرغام لين شاهين راح كمت ابجي باسني من راسي ونزل ورا مده صعد اني جنت كاعده اكل كيك واتفرج تلفزيون وجان طالع فلم رعب حلو ومندمجه بي محسيت غير ايد صارت ورا ضهري فزيت عبالي طلعلي شي من المشاهدات مال تلفزيون نداريت شفته شاهين يمه

شاهين..ههههههه ملازمي من خيالك تخاف عليمن هل سوالف

بنين..هههه تعال شاهين باوع هذا الفلم حلو

شاهين..وانتي هم حلوه

بنين..باوعت عليه ابتسمت باسني من شفتي واخذ الكيكه مني

شاهين..اويلي ترافتي مشتاقلج

بنين..واني هم حضني وضلينه ثنينه نتفرج تقريبا ساعه 3ونص الفجر دك تلفون شاهين كام على حيله وجاوب

شاهين.. الو

بنين..جاوب بكلمه وحده

شاهين..جاي

بنين..اباوع شاهين نخبص سئلته شكو

شاهين..ماكو شي بنتي رايح اني

بنين..بس فهمني وين

شاهين..للوزاره

بنين..شاهين

شاهين..بنين لتلحين كتلج للوزاره

بنين..عاط بيه ضليت ساكته بس اباوع عليه لبس زيه كامل عسكري واخذ باجه وكف يلبس الكرب واخذ سلاحه باسني من راسي وطلع كمت وخرت البرده شويه من الشرفه باوعت عليه يمشي صعد سيارته وراح رجعت ضليت كاعده لحد ساعه 6الصبح بس بعد مكدرت نمت ماكعدت غير ساعه 12الضهر وهم بعده مجاي وين راح خفت عليه جريت التلفون خابرته ميرد دكيت عليه فوك الـ 10مرات ماكو اخر شي صار مغلق كمت سبحت وبدلت جريت شالي ونزلت جوا شفت خاله ام عامر كاعد ومبينه خايفه سئلتها خاله شكو

خاله ام عامر..والله يمه مادري عامر وشاهين من البارحه طالعين لحد هسه مرجعو

بنين..متعرفين وينهم خاله صارلي ساعه ادك على شاهين ميجاوب

خاله ام عامر..جعلها برداً وسلام يمه الله يستر

بنين..داشتغل بس خاله مخلتني ضليت افتر وميته خوف عليه والله شاهين راح يموتني احس نص حيلي راح الحد اليل يله اجه باوعت عليه وصعدت لغرفتي دخلت وسديت الباب ذبيت الشال خليت ايدي على بطني الي من الصبح تأذيني وكعدت اخذت ادويتي وشغلت التلفزيون وضليت اتفرج نفتح الباب منداريت ضليت صافنه على التلفزيون فات هوا نزع قميصه العسكري وملابسه واخذ ملابس دخل يسبح طلع مبدل نشف شعر واجه تمدد بصفي مبديت اي رد فعل حتى محجيت خله ايده على خصري دفعت ايده وخر عني

شاهين..بنين تعبان

بنين..واني هم تعبانه وخر داكوم جرني

شاهين..هاجمين على بيت مرتضى

بنين..نداريت عليه عشق؟

شاهين..مابيهم شي بنتي بس مكسرين بيتهم تكسر وطلعت وداعتج من البارحه بلوزارة وتقارير والدنيا محتركه

بنين..اي بس تكدر تخابر وتكول مو تخليني ماعرف شي وخايفه شاهين اني مو بحدي اني ويايه روح ماعتدت اتحمل وجع والله

شاهين..سوده بوجهك مرتضى تعالي ابويه ملازمي

بنين..حضني وباسني من راسي

شاهين..عاشكج

بنين..واني احبك بس بعد لتسويها

شاهين..امرك سيدي اي اوامر ثانيه

بنين..ههههه لا حبيبي ضليت ساكته واتفرج الى ان غفيت ونمت

طيبه..صار عندي غياث وفرحتي مانطيها الاحد حبيبي الحلمت بي يمي وطفل منه شريد من دنياتي بعد ماولدت غياث تعبت ليل مانامه لين غياث افندي ماينام ويضل كاعد واني نعسانه وعباس سوده عليه يضل كاعد ويايه هسه ساعه 2ونص وغياث كاعد ويتمصرع وعباس طاير بي طير كل شويه وشامه من ركبته ها عباس ترا اغار

عباس..ههههه ليش نجمتي

طيبه..بس اني هيج تشمني محد غيري

عباس..اويلي ضلي لعبي على الوتر الحساس لحد ماجرم بيج

طيبه..ههههههههههه ترا بعد ماكو…………

عباس..ورب العباد………. بس تطلع لاربعين

طيبه..عزااا عزااا كافي حباب

عباس..ههههههههه تاج ابوك انت حبيبي

طيبه..عباس نعسانه

عباس..نامي ابويه

طيبه.. وغياث شلون

عباس..نامي ابويه اني يمه

طيبه..خليت راسي على المخده ونمت بعد وقت طويل فزيت من نومتي مخترعه على غياث شفت عباس نايم وغياث نايم على صدره ابتسمت عمري شكد منضرهم حلو كمت على كيف واخذت غياث خليته بكاروكه ورجعت اني نمت بحضن عباس باسني من راسي وحجه

عباس..هههههه خبله

طيبه..مكاني

عباس..هههههه

طيبه..حياتي حلوه ويا حبيبي وابني ثنينهم بحياتي هاهيه احمد ربي واشكره انترست حياتي بيهم عباس حنيته عليه وخوفه زادني عشق وحب اله هذا ابويه وحبيبي وحتى ابني هاي حياتي الحلوة الجنت اتمناها غياث الكل متخبل بي محمد وحسين خبلو ياخذو مني يمهم جوا واني اساعد خاله بس خطيه متخليني اشتغل شي ثكيل

حسين..يتاج عمك يله بويه اكبر اخذك وياي

محمد..لا عمي لا تسمع كلام عمك حسين ساقط اكبر اخذك وياي

حسين..لا عمي عمك محمد معقد يمشي ومبوز وبوجهه ارق مخلوق بلكون وهما صنف الاناث

محمد..ك……. شتريد امشي وفاتح حلكي للهوا مثلك

محمد..لا حبيبي اني اعرف شي انت متعرفه

محمد..ديله يله جيب الطفل لتعلمه على دروبك

حسين..هههههههههه

بنين..مر شهر واني بعدلي باجر ادهل بشهر الثامن كل شهر تصعب عليه الامور ضهري يأذيني وخطوتين امشي اتعب اليوم خميس ساعه 12:30بليل جنت نايمه وشاهين بصفي حاضني وهم دك تلفونه مجاوب ضل يدك تلفونه بس ميجاوب اخر شي ملت رفعه وجاوب بنتره

شاهين..الو هاا هيثم

بنين..كام على حيله وكف

شاهين..شوكت هل حجي

جاي دقايق ويمكم

بنين..شكو شاهين مجاوب اخذ ملابس حتى مو عسكريه مدنيه شاهين

شاهين..مرتضى متصوب بنين باعيني بنتي هذا رقم لواء رضا ايشي يصير دكي عليه

بنين..بطني كامت تأذيني شاهين حالته خطره

شاهين.. اي ديري بالج على نفسج

بنين..دير بالك على نفسك

شاهين..الله كريم في امان الله

بنين..طلع شاهين نقهرت على مرتضى ودعيتله ساعه 1:10 سمعت صوت صريخ بلبيت نزلت شفت ام مرتضى جايبها العميد عامر باوعت عليه جانت علامات الحزن واضحه على العميد سئلته سيدي مرتضى

العميد عامر..استشهد……………

للحكايا بقايا……….

احبكم💋

بنات بعد بارت واختم حياة شاهين وبنين تبقالنه بس حياة صابرين