مرارة الحب الفصل الرابع وستون 64 - بقلم بنين الزبيدي

وإذا الحبيبُ أتى بذنبٍ واحدٍ ‏
جاءت محاسنهُ بألفِ شفيع
‏قالوا أساءَ حَبيبُكِ فَأَجَبتُهُم ‏
إِنَّ الحَبيبَ وَإِن أساءَ حَبيبُ.
/////////////////////////////////

بنين..من كلي استشهد خليت ايدي على الكرسي ردت اوكع من سمعت صح اذاني وصح جرحني وبسببه عشر سنين ضاعت مني بس نقهرت عليه بنته شنو ذنبها تعيش بدون اب وبدون ام اريد دموعي تنزل بس ماكو مااكدر كعدت صافنه على امه الي انتهت مبقالها حيل حتى تحجي بس تلطم والدمع يجري بنته جانت نايمه بغرفه خاله ام طيبه دكيت على شاهين مجاوب ضليت كاعده شويه والبيت انترس عالم الحد الصبح جابو مرتضى بس جابو بتابوت وملفوف بعلم العراق باوعت شاهين جان مبين عليه الحزن حيل رجعت نضري على التابوت وحجيت اني مسامحتك مرتضى سامحتك على كل اذيه سببتها الي سامحتك ومحلل وموهب اريد ابجي بس مداكدر اختنكت حيل احس ماكو هوا كمت بصعوبه اخذ نفس الدنيا اسودت بعيوني اخر شي شفته شاهين وهوا يحجي ويايه وراها محسيت بنفسي غير بلمستشفى فتحت عيوني جانت امي يمي وابويه واخواني وصبا وصابرين ورانيه شجابهم ماعرف باوعت دكتورتي فوك راسي حجيت بتعب دكتوره

الدكتوره..ها ملازمنه البطل الحمدالله على السلامه

بنين..الله يسلمج بس شبيه

الدكتوره..لتخافين حبيبي الي صار وياج طبيعي بهل شهر ضغط ارتفع واغمى عليج

بنين..وطفلي

الدكتوره..لا كشفنه عليه ومابي شي الحمدالله بس انتي لازم تهدين ولتنقهرين كتلج قبل انتي حاليا بيج ضغط من حملتي صار بيج لازم تنتبهين على صحتج كلش زين

بنين..هزيت راسي بـ اي طلعت سئلت على شاهين

رانيه..راح للنجف حبيبي بس امنج يمنه وحلفه الـ1000 يمين بس تصحين تخابري

بنين..ماريد بابا اريد اطلع

ابو عباس..اي بابا كولي يالله وتعالي استندي عليه

بنين..استندت على ابويه وطلعنه من المستشفى طلبت منهم اروح البيت اهلي اخذوني للبيت صعدت كبل لغرفتي بجيت على مرتضى والله مو حباً بي بس يبقى روح نقهرت حيل عليه ابد متوقعت بيوم هيج اشوفه جانت الدنيا غاويته بطوله وسوالفه وضحكه وشقا اذكرت بعرسه شلون جان يركص كرهت ندى لين مكدرت تحافظ عليه وهوا حبها اذكرت من جان دائما يقهرني وتالي وين راح الحفرته بس اني مسامحته ومحالل موهوب من كلب والسان نسيت كلشي سوا بيه لين بلتالي كل واحد عاش حياته واني لكيت حب عمري الي ربي عوضني بي ضليت بغرفتي منزلت بنفس اليوم بليل جنت متمدده ومتغطايه والغرفه ضلمه بس اكو تبيلام عباره عن كره وبيها ضوا ابيض خفيف صافنه عليه ندك الباب مجاوبت نفتح باوعت اجه شاهين كعد من ناحيتي على جانب الچربايه باوعت عليه ساكت وصافن بلتيبلام كضيناها سكت جر نفس وحجه

شاهين..يله كومي

بنين..لزمت ايده اني بنين ترا وادري بيك منقهر عليه جانت اول مره شاهين تنزل دمعته على شخص

شاهين..صعبه انزل صديقي بأيدي الحفرته

بنين..بس هذا قدر رب العالمين وكل واحد اله مكان وزمان تنتهي بيها قصه حياته

شاهين..بنته كل عمرها 3سنوات وتيتمت من الناحيتين امها مسافره ومترجع وابوها استشهد

بنين..بس اني وياك موجودين شاهين

شاهين..كومي بنتي جيت اخذج

بنين..شاهين مااكدر اجي

شاهين..تعبان بنين كومي

بنين..رغم اني تعبانه مااكدر اتحرك خطوه كمت لبست شال وجبتي ولزمني من ايدي ونزلنه سلمت على اهلي وطلعنه البيتهم وصلت جانو ناصبين جادر يم باب البيت والشارع عباره عن عالم فر السياره من الباب الثاني باوعت عليه انزل

شاهين..ساعه وارجع

بنين..شاهين دير بالك على نفسك

شاهين..لتخافين ابويه

بنين..نزل ساعدني انزل دخلني للبيت ورا دخلت صارت بوجهي ام مرتضى ماعرف شوصفها وجهه وارم من كثرة الطم وجهه اصفر الدموع شلال على خدها وحاضنه بنت مرتضى وتبجي نزلت دموعي عليها دخلت سلمت عشق كامت من حضن بيبيتها واجتي تمشي على كيف وصلت يمي ومدتلي ايده عود شيليني اخذتها وكعدت بحضني

عشق..بابا

بنين..حضنتها والدموع تجري كتلها بابا راح يم الملائكه

عشق..حلو يعني

بنين.. اي حلو تبقين يمي مو هزت راسها بأي حضنتي ونامت على جتفي ترخصت منهم واخذتها وصعدت الغرفتي دخلت ذبيت الجبه واخذت عشق ونمت على الچربايه اجتي وخرت ايدي وخلت راسها على ايدي ونامت ضليت ابجي بدون صوت عليها بهل عمر لا شبعت من حضن امها ولا شبعت من ريحه ابوها عشق جانت ضحيه طيش من ام هبله كل رغبتها وارادتها فلوس واب غير مسؤل ورا ساعه دخل شاهين اخذ ملابس ودخل سبح طلع دنك باس عشق وتمدد من الجهه الثانيه وضلينه نباوع عليها راح نربيها اني وياك محجه شي بس مدلي ايده بست باطنها ولزمتها

شاهين..استشهد وعاف هل طفله

بنين..انا الله وانا اليه راجعون حبيبي كلنه النه يوم وساعه ودقيقه ومرتضى اجه وقته صح الفراق يوجع بس هذا امر وعهد رب العالمين

شاهين..بس انتي اطلعين سالمه

بنين..نشالله حبيبي ضلينه نحجي شفت بعيون شاهين حزن مشايفته قبل ابد متوقعت هيج علاقته بمرتضى ثاني يوم جان اول يوم فاتحه كعدت ساعه 4:30الفجر كعدته باسني من راسي وكام شطلعلك ملابس

شاهين..دشداشه سوده وشماغ بنتي

بنين..طلعلته دشداشه سوده وشماغ اسود وسبحه وساعه ومحبس بدل وكف كبال المرايه سوا الشماغ وباوع عليه

شاهين..ديري بالج على نفسج متسوين اي شي بعد ما وصيج

بنين..لتشغل بالك حبيبي وانت هم دير بالك على نفسك باسني بخدي وطلع اخذت ملابس ودخلت سبحت وبدلت وطلعت مشطت شعري جريت شال ونزلت طبعا ماحجيلكم محد نايم خاله ام عامر وبيبي سعاده مكابلات خاله ام مرتضى ويبجن وكل شويه ام مرتضى متخربطه انتهت بعد وفاة ابنها ساعه 8الصبح اجتي اخته من الباب ادك وتلطم وتصيح حيل نقهرت عليهم انتهو من البجي ام مرتضى وبنتها وحده حضنت الثانيه وبجن كعدت على الدرج ابجي عليهن خطيه عافهن وحدهن بهل دنيا ومالهم رجال يسندهم ثالث يوم الفاتحه ام مرتضى ماتت ماحجيلكم شصار بيه كعدت ادك والطم عليها يومين ورا وماتت عشق تبجي تريد بيبيتها وابوها واني ابجي عليها واخت مرتضى انتهت صارت بس تلطم متكدر حتى تبجي مو هينه عليها اخوها وامها بسبوع الجادر ضل منصوب لين علمود ام مرتضى وراها بأسبوع خلصت الفاتحه اني انتهت من التعب يوميه اكعد من الفجر اساعدهم شويه بلمطبخ كاعده وصافنه بهل دنيا الي صرت اخاف منها متتأمن حسيت احد حضني من ورا انداريت شفته شاهين حضنته شاهين

شاهين..يـ دنيته

بنين..اذا صارلي شي الطفل يربه يمك وتحبه وتخاف عليه وتكبر وتسوي ضابط بكد الدنيا ولتزوج وتجيبله مرت اب داحجي باسني من شفتي حاوطت ركبته بأيدي وبادلته اختنكت وخرت خله راسه بركبتي وحجه بهدوء

شاهين..مستحيل يجي يوم واترك تروحين من ايدي اسوي المستحيل لو اعرف روحي انطيها الج واعرفك ملازمي السبع تطلع سلامات تحملتي الاقوه منها

بنين..شاهين الدنيا تخوف

شاهين..الدنيه فانيه بنتي

بنين..بس انت وعدتني متعوفني وراح تضل ويايه

شاهين..ماعوفج يفزة عيوني انتي

بنين..حضني قوي اجتي عشق تركض حضنت رجل شاهين ورفعت راسها عليه عود شيلني دنك باسها من راسها وشالها

عشق..بابا

شاهين..عشقي

بنين..باست شاهين من خده وهوا باسها وضل يشاقه وياها ابتسمت

شاهين..يله نامي بابا

عشق..تعان تعان( تعال تعال)

بنين..باوعت عليها فتحت ايدها الشاهين وحضنته ونامت ابتسمت رحت هاي شنو ست عشق ليش ماخذه مني روحي

عشق..انننن انتي نع هوا اي

بنين..حقيرا وخري وخري من حبيبي

عشق..بيبي الي

بنين..لا الي

شاهين..اويلي ربي وحده وشيبت راسي ادور ثنين

بنين..ههه فتح ايده نمت اني من جهه اليسرا وعشق من الجهه اليمنى عشق نامت باوعت عليه وباسته من خده احبك

شاهين..عاشكج

بنين..صارت عيونه بعيوني باسني من شفتي ابتسمت وحضنته قوي ونمت صارت السعبه مال مرتضى وامه وهم من الصبح كعدت ساعدتهم والملاعين صارت عليه وعلى ورانيه وصبا وصابرين وطيبه متكدر لين جابت ضهري كام يأذيني وبطني

صبا..كتلج عوفي لتشتغلين بس جيب التسمع كلاك شكد عنوديه كعدي ارتاحي

بنين..كعدت صابرين صبتلي ماعون تمن برياني وكعدت اكل اجتي عشق جوعانه كعدتها بحضني وكلتها واكلت شبعتي

عشق..اي

بنين..شلتها غسلتلها وطلعت تلعب ويا الاطفال

صابرين..تحبيها بنين

بنين..اي بغض النضر عن من امها بس هاي الطفله ويا روحي

صبا..وشاهين شمسوي وياها

بنين..متخبل عليها يوميه يحضنها وينام اخذت مكاني ولجن عدها سوالف تخرب ضحك من تشوف شاهين تفتح ايدها وتنيمه بحضنها وهوا يسايرها

صابرين..هههه عمري سوده عليه نحرمت من الاب والام وبعدها بهل سن هذا

صبا..بنين سمعتي انتي قصته شلون استشهد

بنين..اي اعرفه مهددي جماعه مخدرات بس شاهين مديقبل يحجيلي شلون استشهد وشلون كتلو

صبا..باعي جان طالع من المركز اباب المركز فاتت سيارتين نخلو جسمه رصاص وطلعو والحد هسه محد ديعرف منو خطيه شكد نقهرت عليه يكولون حتى مطول ثواني بس وصه بأمه وبنته واستشهد بلطب العدلي طلعو من جسمه 30طلقه

بنين..نزلت دموعي عليه باعي صبا صح اذاني هوايه بس والله نقهرت عليه مهما يكون هوا جان زميلنه ويانه بلدائره

صابرين..بس كل شخص يتجازه بعمايله

صبا..يوم الحسام نشالله يارب

صابرين..لا صبا اسم الله عنده طفله حرام تدعين عليه ميخالف هاي حياتي وهذا المقسوملي واني رضيت بلي كتبه الي ربي وقبلت بجاسر وداحاول اتعايش ويا الوضع وهوا خطيه حباب ويايه حيل

صبا..شنو من كلب عندج انتي صابرين

صابرين..يعوضني ربي ولو بعد حين اتعب واجازه

بنين..باوعت عليها جانت تحجي وبعيونها كومه حزن ودموع بس صابرين انتي متأكده من قراراج من حياتج ويا جاسر

صابرين..اي بنين متأكده لازم هيج يصير وحسام بعده ميدري نخطبت ولا راح يدري ازوجت خليني هيج دانسا

بنين..سكتنه محجينه شي خلص اليوم واخت مرتضى ورا كم يوم رجعت البيت زوجها طبعا ندى ابد مشفتها مر شهر عشق ويانه متأذي انطيها كارتون والعاب وشاهين مقصر سوالها غرفه عباره عن لعابات وبدت تصيحله بابا ودائما تسئل على ابوها وجوابي الها يم الملائكه متحجي بس بعيونها ادور عليه اني وصرت بلتاسع وماكو ولاده بنص التاسع وماكو الدكتور تكول بعد مو هسه اليوم كاعدين اني وشاهين ناكل اجتي عشق بيدها لعابتها ومبرطمه وكفت كبالي وكبال شاهين

عشق..اليد بابا( اريد بابا)

بنين..فتحت الها ايدي بس مقبلت تجي بحضني راحت الشاهين وحضنته وبجت

شاهين..كافي ابويه عشقي

عشق..نين لاح( وين راح)

بنين..مو كتلج يم الملائكه يا امي

عشق..نال اتج يايه نيس لاح ماتتني( كال اخذج ويايه ليش راح وماخذني)

بنين..نزلت دمعتي مسحتها هوا خلاج يمنه علمود من يجي النون وتلعبون سويه

عشق..نونو

بنين..اي تعالي اشوفه الج نزلت من حضن شاهين واجتي يمي خلت ايدها على بطني ابتسمت

عشق..نونو

بنين..اي هسه يجي ونلعب اني وياج وهما

عشق..اي نعبي يايه هته( لعبي ويايه هسه)

بنين..يله اخذتها تقربت يم شاهين وبستها من خدها وصعدت وياها للغرفه وضلينه نلعب اني وياها الحد ما تعبت صارت ساعه 8بليل كمت بدلت واخذت عشق ونزلت الدكتوره كالت لازم امشي علمود اولد يوميه شاهين ياخذني يمشيني المشكله اني امشي شويه وارتاح ساعتين حضرت غراض للطفل جهزت لبنيه ولد وكاروك ابيض حتى يرهم للاثنين وغرفه سوه شاهين كملت كل تجهيزات الطفل بس هوا بعد مجاي المهم طلعنه نتمشى وكل شويه عشق ريده شغله يجيب الها والي بديت احس بوجع لزمت ايد شاهين ندار،عليه

شاهين..ها ملازمي

بنين..شاهين يمكن راح اولد

شاهين..شنو

بنين..الوجع صار مينحمل مااكدر اصرخ بلشارع وياته عشق بس بدت دموعي تجري واعصر بملابس شاهين وهوا خايف عليه ميعرف شيسوي اخر شي اخذنه تكسي للمستشفى اخذوني بدلو ملابسي ونطوني ابر وكانونه الدكتوره مقبلت اله امشي تمشيت بلممر وكل شويه اوكف كمت ماتحمل شاهين راح اموت

شاهين..هانت بنتي اهدي

بنين..متحملت كمت اصرخ من الوجع وابجي واوصي هاي دنيا وكلشي يصير بيها شاهين الطفل امانه يمك ولتحب احد ورايه

شاهين..لتكفريني بنين اطلعين سالمه بنتي كولي يالله

بنين..دخلوني عمليه وايدي بأيده الحد ما دخلت نمت على السديه ابجي من الخوف اجتي الدكتوره فوك راسي

الدكتوره..ها ملازمنه شبيج خايفه

بنين..دكتوره خلي يجي شاهين يمي

الدكتوره..حبيبي والله ميصير باوعيني صدكي تنامين وتصحين ابنج يمج

بنين..خلتلي مثل الاوكسجين على خشمي وكالت حسبي من الـ 100الحد العشره بديت احسب الحد 95نمت بعد محسيت بشي

صبا..خابرتني طيبه كالت بنين دتولد بدلت وخليت ابويه ياخذني الصابرين وطلعنه اني وياها للمستشفى بلباب التقينه برانيه وطيبه واهل بنين ودخلنه سويه خايفين عليها هيه متتحمل بنج لين صارلها ضغط مال حمل باوعت شاهين يروح ويرجه بلممر وخايف ومخله احد من اهل البيت منخا اجوي اهل شاهين وياهم جنطه الطفل وكل شويه طالعه ممرضه رايده شغله وشاهين بدل الوحده يجيب ثنين الوقت ميمشي وبنين نايمه جوه منعرف شبيها هيه عمليه ولاده صح بس بيومها كلنه خفنه لين نعرفها متتحمل البنج ومنا عدها ذبحه صدريه دخيلج يا ام البنين طلعيها سالمه

شاهين..ياعلي يابو الحسن رايدها منك يا موسى الكاضم نذر بس تطلع بنين سالمه اربعين يوم اوزع للفقره

عمو سلمان..هدي بويه كول،يالله

شاهين..هاي بنين بويه النايمه جوه روحي

العميد عامر..تطلع سالمه بنين قويه طالبتي المجتهده

صبا..بعد عناء 3ساعات طلعت الدكتوره وبيدها الطفل نطته الشاهين ماخذه كبل سئل على بنين

شاهين..بنين دكتوره

الدكتوره..عمليتها صعبه بس الحمدالله عدت سلامات الطفل والام بصحه وسلامه الحمدالله على سلامتهم

شاهين..ماعرف شوصف احساسي واني اخذ ابني الي قطعه مني ومن اجمل شخص بلكون اخذته جان عيونه ملونه على عيون امه اشكر وابيض ودبدوب بسته من راسه ماسمي الحد متصحه ترافه سنيني

صبا..ضلينه ننتضر بنين تصحه الحد الصبح يله كعدت متوجعه

بنين..ماما راح اموت من الوجع

صبا..هسه اصيح الدكتوره رحت صحتها ونطتها مسكن الم شويه وهدت

بنين..الطفل بخير

صبا..طلع،ولد بنو

بنين..ابتسمت اريد اشوفه

بنين..شويه ودخلت رانيه شايله ابني ابتسمت خلته بحضني بسته من راسه ريحته تخبل نزلت دموعي 3سنين اني محرمه من هذا الشعور بس رب العالمين عوضني الحمدالله باسني شاهين من راسي

شاهين..الحمدالله على السلامه ملازمي

بنين..الله يسلمك حبيبي كلهم تحمدولي بسلامه اخذه شاهين وذن بأذنه وسما علي الاكبر طلعو كلهم بقت بس امي علمتني شلون ارضعه وطلعت دخل شاهين باسني من راسي وحضني

شاهين..3ساعات عايش بدون روح

بنين..اني احبك

شاهين..واني عاشكج ام الاكبر…………………

للحكايا بقايا..…………

وكل عاده احبكم وادعولي عندي متحان😂💋