مرارة الحب الفصل الخامس وستون 65 - بقلم بنين الزبيدي

بـ أطراف اصابعها برد
واشتهيت انطيهه إديه .
/////////////////////////////

بنين..وهيج اكتملت حياتي ويا احله شي صارلي بهل دنيا ضليت يومين بلمستشفى بيوم الثالث طلعت ومن طلعت شاهين مقبل اروح البيت اهلي ومصعدت الغرفتي ضليت بلغرفه الي جوا جانو مزينيها عباره عن زراق نفاخ ابيض وازرق معلكين وبلكاع ابتسمت تمددت على الچربايه تعبانه مالي خلك طلعو وعلي ابني بحضني باوعت عليه شاهين وكاعد بس عيونه زرق عليه الباقي كله شاهين وجهه وشكاره وبياضه وكلشي بيه يشبه رب العالمين نطاني نسختين من شاهين بسته من راسه وحجيت يعني بهاي الحالة اني احب ابوك اكثر ممن ما هوا يحبني نفتح الباب باوعت شاهين دخل ابتسم

شاهين..ها جهالي

بنين..ههه اجه باسني من شفتي وعضني من ركبتي اي شاهين ركبتي

شاهين..من اشتعلت صفحته الخالج

بنين..هههههههه ليشش

شاهين.. هيه بوسه و……… وهيج عجل اذا…….. شلون

بنين..كوم كوم اطلع منحرف ابد مراح تصيرلك جاره وين عشق صارلي يومين مشايفتها

شاهين..عشق بابا تعالي

بنين..شويه دخلت عشق تباوع عليه بزعل اجتي وحضنت شاهين شبيها بنوتي الحلوا

عشق..اني ماحبت (اني ماحبج)

بنين..برطمت ليش

عشق..دبتي نونو ونفتيني( جبتي نونو وعفتيني)

بنين..لا امي انتي بنوتي الكبيره الاحبها تعالي نطيني بوسه وشوفي النونو شكد حلو اجتي بستها وباستني وكعدت تباوع على علي وبتبتسم خلت ايدها على خده وباسته

عشق..نونو ئلو( النونو حلو)

بنين..اي اسمه علي مو شويه يكبر نلعب اني وياج وهوا

عشق.. اي بوته( بوسه)

بنين..يمه بستها ونامت بصفي باوعت على شاهين صافن علينه

شاهين..فزة عيوني

بنين..روحها يبعد عيوني

شاهين..احله شي صارلي بهل دنيا انتو

بنين..وانتي احله واحسن واجمل شخص عوضنه بي الوقت باسني من راسي وهمس بأذني

شاهين..شدي حيلج ام الاكبر نريدله اخ

بنين..مشكور حبيبي بعد الشفته التوبه

شاهين..حجي يفيدج حبيبي بس تطلع الاربعين ونشوف النسوان شجيب

بنين..شاهيننن عيب

شاهين..يله ابويه ارتاحي ماخذ عشق

بنين.. لا عوفها حبيبي خاف تزعل

شاهين..خاف تأذيج

بنين..لا ابقه انت هم اخذ دوشك ومده واخذ عشق وتمدد خليت علي بصفي ولزمت ايد شاهين

شاهين.. بنتي الچبيره وحبيبتي والنفس الي اخذه وابني بنفس الغرفه اشكرج بنين

بنين..على شنو حبيبي

شاهين..فرحتيني وفرحتي عائلتي اشكرج لين نطيتيني اجمل هديه اشكرج لين صرت اب بسببج اشكرج لين نورتي حياتي اشكرج لين جعلتيني اسعد مخلوق بهل دنيه اشكرج لين تحملتي المحد يتحمله مني

بنين..نزلت دموعي بست ايده اني الي اشكرك عوضتني عن كلشي اشكرك لين صرت بحياتي اشكرك لين تحملت خبالاتي اشكرك لين عاملتني بصوره طفله اشكرك لين جعلتني اصير ام اشكرك لين جعلتني اسعد وحده بهل دنيا ولكل تتمنى تصير بمكاني اشكرك لين انت بحياتي باس باطن ايدي ونمنه مرت الايام مابيها شي جديد غير الخاطر الي كل شويه رايح جاي وعلي الي ثبر البيت ثبر والكل تحبه

بعد مرور سبعه اشهر………

بنين..مرن سبع اشهر الحمدالله ماكو شي حياتي اني وشاهين احله مايكون علي كل ميكبر يصير يشبه شاهين اكثر بس بعد دبدوب وخدوده كل شويه اعضه منها ويبجي هذا عوضي من ربي الحمدالله المهم علوشتي صار يزحف وشاهين متخبل عليه يجي من دوام يشوفه بلكاع يلعب يشيله يبوس بي وعشق نفس الحالة مرات اغار منهم يعني جنت بس اني من يجي من الدوام هيج يبوسني ويحضني هسه لا صار عندي شركاء اليوم خميس كاعده العب اني وعشق وعلي باوعت الساعه جانت بـ12:30كمت حضرت الحمام الشاهين لين اكيد هسه طلع من الدوام طلعت شفت عشق كاعده ودتلعب علي وكل شويه تبوسه وهوا الحقير يضحك كعدت ها جهالي الحلوين شدسون

عشق..ماما الاوي يليد اميه( علاوي يريد عميه)

بنين..اي مامي هسه اسويلكم كمت نزلت سويت اكل العشق صبيت الها تمن ومركه وعلي سريلاك صعدته وكعدت اوكلهم وهما يلعبون سمعت صوت خطوات يم الباب نفتح باوعت دخل شاهين كامت عشق ركض عليه حضنته هواي حضنها وباسها اجه اخذ علي وباسه وكعدهم بحضنه باوعت عليه

عشق..بابا اليد تاتو( اريد كاكاو)

شاهين..ادللي ابويه وبعد

عشق..امم بيتتا وتات( بيتزا وصاج)

شاهين..تأمرين

بنين..باوع عليه وحجه

شاهين..شلونج بنتي

بنين..بعد وكت همزين شفتني

شاهين..شنو ماشوفج غير محد سكن روحي غيرج

بنين..خطيه من جرمنه اول شي اجيت عليه عشق وعلي

شاهين..باعيني بابا انتي شي وهمه شي انتي النفس الاخذه

بنين..اي صح نطيني ابني وبنتي عيني وادخل اسبح حضرتلك الحمام ضحك وناطني علي وعشق كعدت اوكلهم هوا سبح وطلع مشط شعره وكعد ومدد وخله راسه على رجلي ويباوع عليهم من يلعبون

شاهين..ديتعبوج

بنين..لا عشقي حبابه وتحب علي وتلعب ويا وعلي روحي من الدنيا حتى تعبه عندي راحه

شاهين..بيها الخير

بنين..باوعت عليه ابتسمت شعندي غيرهم اني

شاهين..فزة عيوني مو جنج ادورين حجه على كتلتج

بنين..افاااا متكدر بعد تضربني عيني

شاهين.. بهاي صدكتي يبلوتي

بنين..هههههه انزل اسويلك غده واجي

شاهين..ماريد بنتي

بنين..ليش حبيبي

شاهين..ابقي كاعده

بنين..لا عيني انت تعبان هسه اجي نزلت سويتله غده وصحته نزل وبيده علي وعشق لازمها بليد الثانيه شلت عشق وكعدت على الميز يتغده شويه واجي بيبي سعاده

بيبي سعاده..ها يمه الله يساعدك ابويه

شاهين..هله بيج حجيه الله يسعد ايامج

بيبي سعاده..يمه ادري هسه جاي من الدوام تعبان بس انت الوحيد الي تكدر الفريد رجل غاده

شاهين..شبي

بيبي سعاده..يمه المكموع مزوج عليها ولبنيه متخبله متريده وادك وتلطم

شاهين..شك بيها حجيه الشرع حلله اربعه وغاده لو مابيها نقص مازوج عليها

بيبي سعاده..لا والله يمه مدللته بس هوا عيونه زايغه

شاهين..حجيه كلنه تعرف غاده وشنو اطباعها وهاهيه ولا يهمج اليوم اخابره واحجي ويا وافهم السالفه منه

بيبي سعاده..ينطينك الصحه والعافيه ابويه الله يحفضلك علاوي وام علاوي

شاهين..غاليه حجيه

بنين..كامت بيبي وراحت باوعت عليه خير ابو الشباب شو الشرع محلل اربعه

شاهين..عاجبني انزلج الثانيه

بنين..شنوو

شاهين..خير

بنين..تريد تزوج عليه شاهين والنبي بيوم عرسك افجرك وافجرها واخليكم تزوجون بلجنه هيه الناقصه تزوج عليه

شاهين..افاااا ترافتي طلعت تفكيرها اجرامي

بنين..اي لعد شعبالك كمت داروح جرني من ايدي كعدني بحضنه وهمس يم اذني

شاهين..مو رجال اليزوج وعنده هل جمال وهل تنعوص

بنين..ابتسمت اي عبالي انت مالتي بحدي

شاهين..فزة عيوني اليوم نيمي زعاطيطج من وكت

بنين..هاا

شاهين..لا الحمدالله فزنه من الها مالتج

بنين..ههههههه وخر منحرف

شاهين..بس يمك ملازمي ينحرف

بنين..سمعت حمحمه ورايه فزيت كمت من حضنه ركض باوعت جانت خاله ام طيبه هنا حرفيا احس كلبي راح يوكف من الخجل هيه تبتسم وشاهين كمل اكل وهوا يبتسم ااا اني صاعده ابدل ملابس علي صعدت ركض بلغرفه ضليت اكمز شكد عيببببب عزلت الملاعيب الي مطشريها علي وعشق ورتبت الغرفه واني من الخجل خدي احش يطلع من نار دخل شاهين ويا عشق سد الباب باوعت عليه شاهين والله عيب

شاهين..مو جنتي كاعده بحضن صاحبج بويه مو رجلج

بنين..هفف هسه شتكول علينه خاله

شاهين..متكول شي بنتي عرسان جدد

بنين..مو بالله صارلنه 3سنين مزوجين وتكول علينه عرسان جدد

شاهين..بعد 100سنه تبقين عروستي

بنين..ابتسمت عشق نعست اخذتها الغرفتها نيمتها غطيتها وبستها من راسها وعلي نام بحضني هم خليته بسريره وغطيته وبسته واكفه وصافنه على علي شكد حلو حضني من ورا وراسه بركبتي شاهين علي يشبهك

شاهين..يشبهج

بنين..لا والله باوع بس عيونه عليه الباقي عليك شوفه من نايم حواجبه مطبوكه مثلك شكاره مني ومنك وبياضه مني ومنك بس حركاته وتصرفاته كله انت

شاهين..تعالي نجيبله اخت تشبهج

بنين..هاا

شاهين..دتعالي من حتركت عشيرة شاهين

بنين..ههههه جرني للچربايه واخذني العالمه باسني من راسي ونام بصفي وجرني الحضنه شاهين

شاهين..دنيته

بنين..حسام عرف صابرين نخطبت

شاهين..مادري

بنين..لا تدري بس متريد تحجيلي

شاهين..بنين بنتي مادري

بنين..الحد هسه هدوء ماكو شي شكله استسلم وتركها الحمدالله خلصت منه

شاهين..ههههههه شستسلم جاسر صارله شهر ونص بلسجن

بنين..كمت من حضنه عزااااااااا ليششش

شاهين..خطب صابرين هاي غلطه جبيره

بنين..لا مو غلطه هاهيه كل واحد راح الحال نصيبه

شاهين.. حسام ميترك صابرين بنتي

بنين..لا يتركها وغصبا ما عليه شاهين طلع جاسر من السجن حرام هيج ديسوي لا رحم ولا ديخلي رحمه الله تنزل

شاهين..بنتي حسام يحب طيبه وعاشك ربها تريد يعوفها بهل سهوله

بنين..لازم يعوفها شاهين تعبت بسببه وهست ديزيدها مو كافي بيوم فرحتها اجتي مرته وفضحتها

شاهين..اليوم يجي ويصير خير

بنين..هفف ضوجني

شاهين..تعالي نتفاهم بموضوعنه

بنين..هههههههه شاهين لا حياة المن تنادي الحد العصريه كعدت من النوم سبحت بدلت كعدت شاهين هم سبح وبدل جريت شالي لبسته واخذت علي رحت الغرفه عشق ماهيه اكيد جوا نزلنه لكيتها كاعده بحضن خاله ام عامر كعدت علي بحضني

خاله ام عامر..يوم نطينيا

بنين..نطيتهيا شويه وشاهين كام فتح الباب دخل حسام واهله واحد سلم على الثاني وكعدو ضلو يسولفون عاد فتحو موضوع جاسر مألف عليه سالفه وساجنه وحالف ميطلعه الحد ما يطلك صابرين باوعت عليه بس الي انت دسوي انانيه كلهم سكتو وباعو عليه شاهين خزرني بس مااكدرت اسكت مهما يكون هيه صديقتي واعرفها صابرين هوايه فاهيه

حسام..مو انانيه صابرين اسجلت بأسمي من سابع المستحيلات احد ياخذها

بنين..لا مسجلت بأسمك هيه هسه بأسم جاسر هيه مو زوجتك زوجة جاسر حسام اني هسه مداحجي وياك بكونك رأيسي بلغشل بكونك اخويه بس مو كافي صابرين هوايه تأذت منك عوفها تعيش حياتها ويا الشخص الي الله ختاره الها

حسام..هاي بدل متوكفين ويايه وتكولين اخويه چا الاخت غير توكف ويا اخوها

بنين..وصابرين اختي واعز من اختي هم واني جنت فرحانه راح تصيرون البعض بس بعد السوته زوجتك لا وبعدين جاسر ما اله كل دخل طلع من السجن وخلي يتم عرسهم وانت رجع زوجتك لين اهل صابرين وصابرين مايقبلون بعد ينطوها الك انت عندك طفله

حسام..ابنهم تحت رحتمي وداعتها الصابرين الاغله من النفس الاخذه ابزعهم واخذها

بنين..لا متاخذها لين الخطبها ابن عمها واحنه كلنه نعرف قانون العشاير يكدر ينهي عليها وياخذها والي عرفتها منها حاولت ويا ودتنجح بمحاولاتها اترجاك عوفها حرام انت لا دترحمها ولا دتخلي رحمه الله تنزل عليها حسام صابرين بسببك غدت رماد

حسام..ومثل ما هيه تأذت اني تأذيت بنين احبها

شاهين..هاهيه خويه اساعدك ترجعها

بنين..بس داحجي شاهين خزرني سكتت بس ضجت ونقهرت من شاهين وكف ويا حسام وموكف ويا صابرين الي بسببه تأذت بس اني اوكف وياها ضلو يمنه تعشينه سويه وسويت جاي وقدمت الهم ورحت غسلت الاماعين خلصتهن سويت اكل العلي وكعدنه بلمطبخ اوكله وهوا يضحك دك تلفوني باوعت صابرين جاوبتها الو

صابرين..شلونج بنين

بنين..بخير يانضر عيون بنين انتي

صابرين.. محتاجج بنين مداعرف شسوي

بنين..والله اليوم عرفت بسالفه جاسر

صابرين..خطيه بسببي نسجن الولد حسام مديقبل يطلعه الحد ما يطلكني

بنين..صابرين اسئلج سؤال انتي تريدي الجاسر لو لا

صابرين..بنين صح اني ماكنله اي مشاعر بس يبقى ابن عمي وحرام ينسجن ضلم واني مستحيل اقبل بحسام مره ثانيه اني ختاريت حياتي ويا شخص هاهيه

بنين..هاهيه ابويه اليوم احجي ويا العميد عامر واكيد ميقبل بلضلم

صابرين..اي فدوه ساعديني اطلعه خطيه امه انتهت من البجي

بنين..صار كلبي ادللي والله احجي ويا ختمت ويا صابرين وسمعت اهل حسام يرحون ضليت اوكل علي لحد ما شبع اجتي عشق كعدتها بحضنه ونامت على جتفي

عشق..نعتانه( نعسانه)

بنين..سوده عليه يروحي يله امشي نصعد انام اترخصت منهم وصعدت للغرفه نيمت عشق وبستها من راسها وضليت احجيلها قصه الحد ما مانمت على واهسها علي نام اخذته للغرفه خليته بسريره ورا نص ساعه دخل شاهين باوعت عليه ومحجيت شي

شاهين..شهل خبل بنين الرجال رايدها

بنين..لا مرايدها رايد يذلها لين متريده هيه بعد واني زعلاهه منك توكف ويا حسام وانت شاهد وتعرف الي سوا بيها

شاهين..ميطلع جاسر اذا مايطلك صابرين هاهيه حسام خبل وطنكر انتهى الموضوع

بنين..مو بكيفه لين السجن ممسجل بأسم الخلفه جرني من ايدي قوي عليه

شاهين..ابوووو ميتتتتت

بنين..سكتت محجيت شي وخر ايدي دتأذيني

شاهين..روحي

بنين..عفته داطلع قفل الباب شاهين وخر

شاهين..بنتي اجفي الشر ورجعي

بنين.. رجعت كعدت على الكرسي وادردم عليه ودموعي تجري اجه كعد كبالي

شاهين..هسه غير اعرف على شنو تبجين

بنين..انت على كلشي يصير تصيح وتعيط عليه تخليني ابجي بعدين انت اول مره توكف ويا شخص باطل

شاهين..بنين بنتي من زعلتي اربع اشهر تركتج وستسلمت لو بقيت متمسك بيج

بنين..بس اني وياك سالفتنه تختلف عن سالفتهم حسام اذاها الصابرين شتتحمل منه بعد مادري كم شهر مكايل الها مزوج وهسه جاي يريد يرجعها بعدين هيه متريده بعد واذا متصدك اسئلها

شاهين..خابريها احجي وياها

بنين..خابرتها جاوبت وبسرعه حجت

صابرين..ها بنين راح يطلع

بنين..صابرين هاي شاهين يحجي وياج جنت فاتحه سبيكر

شاهين..صابرين بويه تريدي الحسام

صابرين..لا سيدي هوايه اذاني مااكدر اتقبله بحياتي مره ثانيه

شاهين..اطلع جاسر بس مراح يجوز منه

صابرين..سيدي جاسر حتى اذا مكان خطيبي يضل ابن عمي وداحاول انسه حسام ويا مااكدر اتقل حسام مره ثانيه بحياتي مااكدر والله اذاني بكد شعر راسي واني اليوم على الله وعليك مالي غيرك ساعدني وطلع جاسر

شاهين..هاهيه بويه يجرالج

بنين..ختمت ويا صابرين باوعت عليه اني ماجيب حجي من بس صابرين دتحاول تنسه حسام بجاسر وانت بسرعه صيحت عليه داحجي جرني باسني من شفتي اختنكت وخر وباسني من راسي

شاهين..ابويه بنتي يا نور عيوني ميجوز على الميت غير الرحمه وابو ميت

بنين..بس اني ما غطت بحق ابو ولا حجيت شي محلو

شاهين..ابد بويه هاهيه حقج على راسي من فوك

بنين..هزيت راسي بـ لا ماقبل كل مره بسهوله اقبل مره لا كمت دانام جرني من اايدي وكعت بحضنه هسمت بصوت هادء

شاهين..ملازمي زعل مني

بنين..صفنت بعيونه هاا

شاهين..هاا يبعد الها هاا

بنين..باسني من خدي وباسني من شفتي ومن ركبتي

شاهين..عاشكج

بنين..واني سامحتك هاهيه

شاهين..ههههههههه

بنين..نمت بحضنه وللفجر احنه نسولف وشاهين افندي رومانسيته متبطل ساعه 5الفجر نمت ثاني يوم جان جمعه يعني عطله ضلينه نايمين سمعت صوت علي يبجي كمت مفزوعه عليه اخذت ملابسي لبستهن ورحت اشوفه شبيك امي جوعان حبيبي سويتله سريلاك وكعدت اوكله واسولف ويا الحد ماشبع كمت اخذت ملابس وسبحته وسبحت بدلت وطلعت ابدله برا لبسته حفوضته ولبسته اوفر لونه ابيض يخبل عليه رحت من جهه شاهين باباا يله يله اكعد ساعه 1:30 ابتسم وحجه

شاهين..بابا امك هدت حيلي البارحه

بنين..عزا عيب بابا شهل حجي

شاهين..ولو تصير حبابه وتجي هسه نسويلك اخ يتاج ابوك

بنين..شاهين عزا بعيني فسدته للولد لو ادري مجايه يله كوم ساعه 1:30

شاهين..بنتي اليوم جمعه

بنين..اي حتى لو حبيبي كلهم كاعدين عيب

شاهين..حضريلي ملابس ابويه

بنين..حضرتهن ومحضره الحمام الك حبيبي كام سبح وطلع مبدل وكف كبال الامرايه مشط واخذ علي لبست شالي حبيبي انزلو قبلي اني رايحه لعشق

شاهين..روحي ابويه

بنين..رحت العشق لكيتها ثابره الغرفه تريد ملابسه من شافتني برطمت

عشق..اليد ملابتي( اريد ملابسي)

بنين..يمه حبيبه امها جيت اني اطلعلج طلعت الها ملابس وسبحتها وبدلت الها وشعرها سويته نصين وسويتلها كعكات ورشيت الها عطر وهسه روح امها صارت تخبل باستني من خدي

عشق..ابت( احبج)

بنين..موت عليج يله ننزل بابا وعلي نزلو قبلنه نزلنه اني وياها هيه راحت ركض الحضن شاهين رحت سويت ريوك وصحتهم تريكنه واخذهم شاهين وطلع واني ساعدت ماري وسمار بلشغل تعبت كعدت وهنا كمل الشغل مصار شي جديد العصريه طلبت من شاهين اروح للدكتوره لين تأخرت صارلها شهر ونص ورحت وهم طلعت حامل اني شلت هم وشاهين طار من الفرح ولكل فرحو وهسه اني بلوقت الحالي بشهر الرابع ادعولي بسلامه الي والعائلتي الحمدالله بعد عناء وبجي وضلم ربي عوضني بحب عمري الي عوضني عن كلشي صح تأذينه ثنينه بس الحمدالله والشكر ربي تحملت وصبرت وربي عوضني بأجمل شي اتمنى اخذتو عبره من قصتي تعبت بحياتي وتجازيت بشاهين حب عمري بحبه اليه وحنانه وسوالفه نسيت كلشي مريت بي هوا كلشي بدنيتي اتمنى تترحمون المرتضى لين سامحته وماكو شخص معصوم من الغلط كلنه نغلط ندى مسمعت اخبار عنها ابد ولا حتى سئلت على بنتها وهذا الشي الي فرحني بصراحه هاهيه عشق صارت بنتي وبنت شاهين صح مو من دمنه ولحمنه بس والله ابد مافرقنه بينها وبين علي شاهين شيجيبلي الي والعلي يجيبلها ثنين منه واني احبها واربيها واكبرها تصيحلي ماما والشاهين بابا هاي حياتي عشتها بكل هدوء ويا حب حياتي واطفالي اتمنى تذكرونه دائما واسفه خاف طولت بقصتي عليكم ادعولي اكوم بسلامه ويجي النونو بخير بخصوص دوامي قررت بعد ما اولد هاهيه اباشر بواسطات شاهين افندي اجازات تركع هههه وهوا اصلا مكيف مااداوم بس لا شغلي احبه اليوم جنه طالعين هوا واني وعلي وعشق وطلعت اغنيه محمو الغياث ربي رزقني وشاهين ندمج يغنيلي وياها باسني من باطن ايدي

شاهين..احبج يفزة عيوني انتي

بنين..عاشكتك ابو الاكبر…………….

للحكايا بقايا………

الهنا واختم وياكم قصه بنين وشاهين بحب وسعاده بعد عناء طويل ختمت حيات حله ثنين شاهين وبنين واني شخصيا تعلمت من قصتهم هوايه شغلات اولها عوض رب العالمين اجمل من اختياراتنه راح ندعى المرتضى بلرحمه لين رب العالمين جازا بفعل اعماله وكل شخص يغلط محد معصوم ومجوز على الميت غير الرحمه و كلنه ندعي البنين تكوملنه بسلامه وتواصلي وياها مستمر الحد هاي الحضه اليوم اعوفهم واطلع واهما تاركيلي ذكريات جميله بحبهم وشقاهم وضحكهم كلنه هسه نودعهم ونكلهم نلتقي وياكم بعد ما تولد بنين بسلامه نشالله تجيهم اخت العلي افندي اسد باب قصتهم واطلع بكل حب واشتياق ودموع لين راح اختم قصتهم وانتو يا متابعيني الابطال بناتي اتمنى متزعلون مني لين تأخرت بلتنزيل بعد عدنه حياة صابرين وهاهيه اختم قصة مراره الحب بعد عذاب وبجي بس نطوني مجال ارتاح لين ضغطت على نفسي هوايه بهاي الفتره اقره دروسي ومتحانات واكتب بارت تخيلو احس عقلي حيوكف ومتحانات هاي الفتره اتمنى تتحملوني بس شويه يا عمري انتو احبكم 💋