رواية مرج البحرين يلتقيان الفصل السادس 6 - بقلم ★الكَاتِبَة غَيَاهِبُ★

╔══ஓ๑♡๑ஓ══╗

صفيت السيارة بمكان و ضليت افكر ليش اني دائما الي لازم يضحي اني الي لازم اصير شيخ العشيره من بعد ابوي و اني الي دخلت عسكريه عكس اخوتي واحد دخل طبيه و الثاني هندسه
بقى التفكير ياكل براسي اكل كلش تعبت عايش بامر سوي هذا و سوي ذاك صفنت لحد ما تذكرت من كتله اريد ادخل طبيه

___
العوده للماضي

باسم: بويه درست خارجي و اريد ادخل طبيه طلعت المعدل

جواد: شنو طبيه؟ غير انتَ عسكري و الشيخ من بعدي

باسم: بويه اني حلمي طبيه خليني ادخلها و شغلي اني ممقصر بي و الشيخه الله يطول بعمرك

جواد: بس هم ماتدخل

باسم: بويه افهمني اني اريد ليش تمتعني؟

جواد: انجب ولك

جواد: والكافل الخدر ادرس و طز بيكم و طز بالعشيره كلها
_
العوده

انفجرت ضحك من تذكريت شلون كلت طز ماكدرت اتحمل لحد ما دمعن عيوني سكتت على صوت الموبايل شلته و شفت اسم عباس اخوي

جواد: ها؟

عباس: ولك ارجع ابوك كاض گلبه

جواد: شنو؟ سده سده جاي اني بالطريق

مشيت بسرعه حتى ردت اسوي حادث وصلت للبيت نزلت ركض طبيت و ركعت بصف ابوي و اني افرك ايده و اكول

جواد: والله اسف و الله اتزوجها ميخالف

باسم: ماكو شي و نهيت الموضوع

جواد: شنو شلون؟

باسم: اي ها هيا انتهى راح يسجنون سلام

جواد: شنو؟

باسم: اي عمك مايرضى ينطي بنته فصليه لو ينطيها لو سجن

جواد: يعني شنو؟

باسم: انسى اروى

جواد: كول وعلي؟

باسم: وعلي ها هيا بعد ما اجبرك تتزوجها

كمت بلهفه و بست راسه و كلت

جواد: اعتذر بويه

انتهت المشكله بكل هدوء و تعشينه سوه باوعت للسفره امي جانت مسويه كباب و تدري بيه احب الشوربه ويا الكباب وجانت مسويه باوعتلها و كلت

جواد: عاشت ايدج يمه

خوله: حبيبي بالعافيه

كملت عشاي و صعدت لغرفتي بديت ادرس بهدوء غرفة بارده و طافي الضوه و بس ضوه الايباد الي ادرس بي اندك الباب

جواد: منو؟

عباس: عادي ادخل؟

جواد: ادخل

دخل عباس و باوعلي

جواد: ما انطي

عباس: شنو؟ شمعرفك شنو اريد؟

جواد: تريد السيارة ما انطيها

عباس: لا حباب اريدها

جواد: تريد تتفيك كدام النسوان ما انطيها

عباس: ماريده

جواد: بعد احسن

كملت قرايه بهدوء بعدين اشتهيت گهوه نزلت بالشورت اسوي گهوه طبيت للمطبخ و شغلت باسم بديت اسمع باسم لو نويت تروح و اني اسوي الگهوه بهدوء
كملتها اخذتها و صعدت لغرفتي مره ثانيه كملت قرايه
______
زينب: ولك شلعته لگلبي فضهااا

علي الدُر: ماااا مااريد

زينب: مو بكيفك اشرب الدوه لتخليني اصيح

علي الدُر: ماريددد

باوعت لعلي الدُر بده يكح بقوه ركضت لصادق

زينب: صادق علي

باوعلي صادق و فز بسرعه ركض لعلي و بدا يفرك بظهره بهدوء لحد ما خف الكحه و بعدين انطاه الدوه و شربه علي الدر بهدوء باوعتله و كلت بدموع

زينب: ليش وكفت گلبي عليك

حضنته بقوه و بديت ابجي

صادق: زينب حبيبي كافي ماصار شي

باوعت لعلي الدُر و كلت

زينب: احبه بش هو يشلع گلبي

صادق: اي صحيح يلا خل نصعد انام اني كلش تعبت

كلتها و اخذت علي بين يدي و صعدت للغرفه حطيته على الچربايه و احييت الليله بهدوء و بعدين حطيت راسي على المخده و نمت و اني اصلي على محمد

فاطمة: صادق

صادق: ها ينظر عيوني؟

فاطمة: خطبتها

صادق: منو؟

فاطمة: بنيه كُلش حلوه خطبتها الك

صادق: وانتِ؟

فاطمة: اذكرني بفاتحه و بثواب لا اكثر عيش حياتك

صادق: اعيشها بدونج؟ و علي الدُر؟

فاطمة: راح تعوضه صدكني

صادق: ماكدر فاطمة اني احبج ماكدر

فاطمة: والله راح تحبها اكثر

صادق: عادي امشي وياج؟

فاطمة: لا زوجتك متانيتك و علي الدُر هم اختك قويه بوجودك تنهدم هاي القوه لو رحت هسه

مشت من كبال عيني و اني بجيت كعدت من نومي و كلت

صادق: شلون انساج؟

تنهدت و كمت توضيت و صليت بهدوء و سجدة سجدة الشكر
__
فزيت من نومي و مشيت اتوضى كملت صلاتي و سجدة سجدة الشكر اجتي امي و هي تكلي

سناء: خلصت الريوگ

كمت و بديت اتريك وياها كملت و كمت بهدوء و رحت لغرفتي تمددت و رجعت نمت
__
من كملت سجدة الشكر ماكدرت انام ضليت كاعد اسبح لحد ما طلع الصبح كضيت جهازي و دكيت على ابوي

صادق: السلام عليكم

مهدي: وعليكم السلام

صادق: شلونك بويه؟

مهدي: هسه يلا تذكرت عندك اب تسئل عليه؟ شهرين مارفعت التلفون تسئل علي لو على امك

صادق: اعذرني بويه

مهدي: شلونه علي؟

صادق: بخير الحمدلله

مهدي: زينب جاي تدرس؟

صادق: اي وياي بالجامعه

مهدي: سلملي عليها مشتاقلها هاك هذا اخوك

علاء: السلام عليكم

صادق: وعليكم السلام

علاء: شلونك خويه؟ شلونه زينب؟

صادق: الحمدلله بخير انتَ شلونك الاولاد؟

علاء: احنا بخير الحمدلله

صادق: رايدين شي؟

علاء: لا سلامتك الله وياك

سديت الخط و باوعت لعلي الدُر حاضني و نايم ابتسمت و نمت اني هم جنت كلش تعبان بحيث بسرعه نمت
___

فزيت على صوت الموبايل رفعت و كلت

نرجس: السلام عليكم

سناء: وعليكم السلام، شوفي حبيبي نرجس كومي سويلج غده لان اني راح اتاخر

نرجس: ليش وين انتِ؟

سناء: بالسوك

نرجس: اممم تمام

سناء: يلا كومي مو ترجعين تنامين

سديت الخط و كمت بتعب جسمي متكسر تكسير مشيت لحد ما وصلت المرايا بوعت لنفسي و خفت شعري صاير كفشه هزيت ايدي و كلت

نرجس: هيا هاي هم خلقة بنيه؟ استغفرالله

بديت امشط شعري و اني احلف بتد مة انام و هو مفتوح شعري طوله وسط يعني لا كلش قصير ولا كلش طويل بالنص فا من امشطه ايدي تنكسر اخيرا كملت و سويته ظفيره حلوه مشيت للمطبخ جان بعقلي اسوي دجاج مشوي و تمن برياني

صغنت صفنة الجوعان سويتلي لفه اكلتها و بديت اسوي مقلوبه كطعت الدجاج و سلكته بين ما اكلي البتيته و الباذنجان و البصل و الفلفل بديت اسويهن لحد ما خاصت كعدت بتعب

نرجس: ناخذ استراحة شويه

بديت اكلب بالتليفون لحد كا بالكروب وحده دزت صوره دخلت بفضول و شفت الصورن جان لشاب باوعت بسرعه و طلعت من عرفت بيها مال شاب

طليت اقره رسائلهن و انو هذا الاستاذ مالتنا استغربت كلش منين جابن صورته؟ بعدين عفتهن و عفت الموبايل بديت انظف و اني اسمع لباسم
__
كعدت بهدوء على صوت زينب

زينب: صادق كوم جيب صمون ماعدنا

صادق: اي كايم

كمت لبست الدشداشه و ركبت السيارة ابو الصمون كلش بعيد على البيت الي احنه كاعدين بي رحت جبت صمون و ردت ارجع شفت حجيه شايله هواي علاليك ظليت افكر ادخل لو لا بالاخير مشيت الها

صادق: حجيه انطيني اساعدج

الحجيه: شكرا

صادق: تعالي حجيه اوصلج

الحجيه: خاف بيتي بعيد على بيتك؟

صادق: ميخالف تعالي

صعدت الاغراض بالمقاعد الخلفيه و كعدت بديت اسوق على وصفها لحد ما وصلنا بيت حلو و هادئ بس سمعت بي صوت باسم الكربلائي باوعتلي الحجيه

سناء: اكيد هاي بنتي جاي تنظف

ضحكنه بهدوء و اني نزلت بديت انزل المسواك و انفتح الباب و انرفعت عيني لا اراديا عبالي الحجيه طلعت البنيه نزلت راسي بسرعه و كلت

صادق: اعتذر

مشيت بسرعه و رجعت للبيت وكفت السياره و فتحت الباب دخلت لكيتهم كاعدين متانين الصمون حطيته يمهم و بديت اكل وياهم

جانت زينب مسويه بانيه و تمن كملنا اكل و الحمدلله

زينب: وين جنت شو اتاخرت؟

صادق: ماكو شي بس سويت شغله و تعطلت بيها

سكتنا و كملنا اكل كعدت بهدوء و صحت

صادق: علي تعال بابا

علي الدُر: ها بابا؟

جان يمشي و هو تعبان سحبته لحضني ووحط راسه على صدري و غمض عيونه

صادق: شبي البطل مالي؟

علي الدُر: مابيه شي بس تعبان

صادق: اممم و هسه البطل شنو يريد؟

علي الدُر: اريد حلويات

صادق: اممم و بعد؟

علي الدُؤ: العاب

صادق: صيح زينب

ركض علي الدُر و صاح زينب باوعتلها و كلت بهدوء

صادق: البسي العبايه خل اطلعكم

ركضو ثنينهم بسرعه مامرت 10دقايق و لكيتهم يمي رفعت عيني من الموبايل و انصدمت

صادق: شنو السالفه 10دقايق مامرت

زينب: احممم يلا كوم

كمت و فتحت الباب طلعنا و ركبو ثنينهم يمي بالصدر شغلت السياره و كلت

صادق: يا الله اللهم انِ استودعك مالي و محفضتي

ضحكو ثنينهم و كالت زينب

زينب: تره احنه مانصرف

علي الدُر: اي صحيح مانصرف هواي

صادق: اي متصرفون بس على الدلفري و الحلويات و الملابس ابدا وين انتم تصرفون؟ لاااا وين مكرودين

ضلينا نضحك لحد ما وصلنا للمول باوعتلي زينب و كالت

زينب: صدك تحجي؟ جايبنه للمول؟

صادق: اي علمود تشترين لبسه جديده

زينب: وليش ماكتلي البس شي حلو؟

صادق: انتِ خبله؟ انتِ غير لابسه عبايه؟

زينب: احممم اي صدك نسيت

هزيت ايدي و كضيت علي الدُر بدينا نفتر لحد ما لكت لبسه اشتريته الها بهدوء و كلت

صادق: ها بعد؟

زينب: اريد ربطه جديده

صادق: يلا شوفي وحده ثنين بكيفج شكد محتاجه

بدت زينب تختار و الالوان تنسقهن ويا ملابسها ظليت صافن عليها والله الها خلك بعدين شفت ربطه حلوه سحبتها و كتلها

صادق: هاج خليها ويا مالاتج اريدها

زينب: ماعندي هيج لبسه المن جبتها؟

صادق: ب ساخذيها مالج دخل

وكفت احاسب بهدوء شلت العلاليك

صادق: ها خلصتي؟

زينب: اريد بعد بس حذاء

صادق: يلا امشي نشوف

يدينا نمشي لحد ما دخلت لمكان جان يبيع جنط و احذيه باوعت عليها و كلت

صادق: والله ذكيه بس من هسه اكلج كعب ماكو

زينب: تمام

بدت تشتري حذاء و جنطه

حاسبت و طلعنا

صادق: خلصنا من الانسه زينب؟

زينب: اييي

صادق: خل ناكل و نتجه للبطل علي الدُر

كعدتهم بمطعم و جبت ريزو و زنجر و بيتزا و ببسي رجعت بهدوء و كعدت وياهم

صادق: يلا ابدو بسم الله

بدينه ناكل و اني ااكل علي الدُر اكثر من نفسي

لمعت عيني من تذكرت الربطه ابتسمت و هزيت راسي

صادق: زينب الربطه الي اختاريتها حطيها بكنتوري

زينب: ليش؟

صادق: اريد اوديها لمرتي شعليج انتِ؟

زينب: ياااا متزوج من وراي؟ و مخليني انظف البيت وحدييي؟

انفجرت من الضحك و حاولت اكضها عيب من الناس

زينب باوعتلي و دارت وجهه عود ماتعرفني علي الدُر راد يغص جان شكلنه يضحك كدام الوادم

صادق: ولكم فضحتوني

زينب: احنه لو انتَ كافي اسكت

صادق: لا والله عود صدك احجي خلي الربطه بكنتوري

زينب: تمام

خلصنه و كمنه بديت اشتري لعلي الدُر الملابس و العاب و حلويات خلصنا و طلعنه من المول حطيت الاغراض بالصندوك مال السياره و ركبت بديت اسوق لحد ما وصلنا للبيت

زينب: جبت اندومي؟

صادق: لا

زينب: ماااا اريد اندومييي

صادق: اي اني اجيبلج

زينب: اي يلا روح هسه جيب

صادق: صدك تحجين؟

زينب: اي والله بعد ساعه تكلي معزلين روح جيب هسه ووجيب همين موطه و ببسي

باوعتلها بحقد و رحت جبت الي رادته و رجعت

صادق: هاج

زينب: شكرا اخووووييي

صادق: ابوي الي اكل بالمطعم

زينب: شنو تعد علي الاكللل؟ ماتوقعته منك لا لا لا

باوعتلها و هي تسوي مسرحيه ووحركات بيدها باوعتلها بقرف و عفته و صعدت للغرفه لفيت راسي و نمت
__
جنت كاعده افكر بالشخص الي شافني صفنت و كل الحمدلله لبست الحجاب قبل لا افتح الباب

سناء: نرجس يااا ولج نرجس وين صافنه؟

نرجس: ها ماما؟

سناء: سويلي چاي

نرجس: تمام

رحت اسوي لماما چاي كملت و اجتني رساله حطيت يم ماما الچاي و فتحت الرساله

ملاك: بناتتت باجر عدنا محاضره مال دكتور صادق اويلييي

نسرين: كولي والله؟

ملاك: والله يمههه گلبييي

سما: اخيرااا نشوف وجهه حلو

سارة: اويلييي

سارة: اني راح احط مكياج علمود يشوفني حلوه

ياسمين: انيي همم

ضحى: اكلجن باجر البس فستان؟

سما: اي فستان

ملاك: اي اي

نسرين: اني راح البس تنوره

باوعت بصدمه و استغفرت ربي و طلعت من البرنامج صبيت چاي الي و بديت اكل كعك وچاي

سناء: بنيتي جيبيلي المناظر

نرجس: هاج ماما

كعدنا نشوف مسلسل مصري بهدوء و بدينا نضحك

المسلسل جان كوميدي
___

تعبت من القرايه عفت كلشي و لبست ملابسي جانت الساعه 11بالليل صفنت على المفتاح مال السايرة سحبته و طلعت ركبت السيارة و بديت افتر و اني ادخن فريت بغداد كلها حتى وصلت للمطار وكفتها شويه و نزلت طبيت للمطار فتريت و طلعت مره ثانيه صتدت بالسيارة باوعت ردت واحد احجي ويا مالكيت

باسم: انقرضو الوادم

ركبت السياره و رجعت طبيت بمنطقه و رحت للاسواق اشتريت حلويات و طلعت وصلت للبيت نزلت بديت تكل حلويات و اباوع مسلسل جان المسلسل ايراني حلو
مر الوكت طفيت الحاسبه و لفيت راسي و نمت

__
ضليت سهرانه بملل لحد ما تذكرت الاندومي ركضت للمطبخ سويته و كعدت اكل باوعت مسلسل كوري و باوعت على كارتون من الملل بالاخير ضليت سهرانه لل3 الفجر اذن الاذان و كمت صليت شفت صادق بلعت ريگي بتوتر

صادق: هاي بعدج كاعده؟

زينب: اي

صادق: اني شكلت؟

زينب: شمدريني اخذني الواهس

تقدم علي و كضني من اذاني و اني صرخت

صادق: اشلعهن و الزهراء اذا متسمعين كلامي بعد انتِ مو عندج ضغط؟ متخافين يصير بيج شي؟

زينب: اي يلا هو تاليتي متره ونص

صادق: و ترديني ارجع ادفن عمري مره ثانيه؟

باوعت عليه و عرفت شنو يقصد كلت بضحكه اريد اللطف الجو

زينب: شكد عمرك هسه؟

صادق: احممم بعدني عشرينات

زينب: يا چذابببب

صادق: انتِ الچذابه

زينب: ياااا ولك غير انتَ طكيت ال30؟

صادق: تغارين مني

زينب: اي بشيباتك هاي

صادق: من الضيم

بده يمثل و هو يحط ايده على عينه و يهز جتافه عود يبچي طبطبت على چتفه و اني اكول

زينب: يعوضك الله شنو بيدنا دنيا

صادق: دنيا مابيه بس هم و غدر دنيا

زينب: و منين اجيبلها الصبر دنيا

صادق: راوتني نجمات الظهر

زينب: كاف يحبيبي لاياخذك الواهس

صادق: على راسي اني رايح اصلي

زينب: الله وياك ادري تكلي هيج رايح للجهاد

صادق: يمكن يوم اجي و اكلج راح اروح

ضحكت و طبيت صليت و نمت

خلصت صلاتي و كعدت على السجاده تذكرت حياتي قبل

__
العوده للماضي:

فاطمة: صادق

صادق: عيونه

فاطمة: غمض عينك

صادق: ها و بعدين؟

طلعت من وره ظهري اختبار الحمل و كلت

فاطمة: افتح

باوعتله و شفت الاختبار

صادق: چذابه؟

فاطمة: والله

بدة ايدي ترجف و اني اباوع عليها كعدت على الچربايه ماكدرت اوكف حضنته و كلت

صادق: الله راح يرزقني منج بطفل

ضحكت و عرف اكل مرت اشهر الحمل بصعوبه على فاطمة جنت اشوفها و هي تتالم بقوه تكس باقي النسوان الحامل و جان يجي يوم الولاده جابت علي الدُر جان نايم بصفها شافتني و اني ااذن باذنه و ذكرت الاسم الي هيَ تريده علي الدُر حطيته بين اديها

فاطمة: علي الدُر امانه بركبتك

صادق: شنو هل حجي؟

فاطمة: روح جيبلي مي و صيح الممرضه

رحت اجيب و صحت الممرضه

فاطمة: هاج علي الدُر امانه عندج تنطي لابوه الي صاحج

باوعت عليه و كلت

الممرضه: تمام حبيبي

غمضت عيني و ابتسامه على وجهي صفر جهاز التنفس و ضربات القلب حطت الممرضه الطفل بالكاروك و بدات تسعفها صاحت الدكتور و شفتهم و هما يتراكضون استغربت و مشيت بسرعه اريد اوصل الها شفت الدكاتره ملتفين حوله طاح من ايدي المي و اني اشوف الجهاز يصفر بصوت عالي صرت مثل التمثال اباوع عليهم و هما يحاولون وياها بس ماكو فايده فاطمة ماتت راح من بين ايدي وكعت بالكاع اسودت الدنيا بعيني ماشفت شي

"‏وقد أخذت مني القبورُ أحبتي
وافردني من كنتُ فيهم أكاثرُ
وبطنُ الثرى مأوى الكنوزِ ومهدها
فإن غيَب التربُ الكنوزَ فعاذرُ وللقبرِ
بالجسمِ الكريمِ تفاخرٌ
كما للسرايا بالفتوحِ تفاخرُ"

╚══ஓ๑♡๑ஓ══╝

╔══ஓ๑♡๑ஓ══╗
الكاتبة رُقيه
مرج البحرين يلتقيان
╚══ஓ๑♡๑ஓ══╝

════ ⋆★⋆ ════
الحمدلله"3"
استغفرالله"3"
لا اله الا الله"3"
الشكر لله"3"
اللهم صل على محمد و ال محمد"3"

════ ⋆★⋆ ════