رواية مرج البحرين يلتقيان الفصل السابع 7 - بقلم ★الكَاتِبَة غَيَاهِبُ★

السلام عليكممم طبعا ختمتها بنكد فا كلت ما اعوفكم هيج لا لا لااا اني رقوش لازم اخليكم تفرفشون 🤭🤍🤍🤍

╔══ஓ๑♡๑ஓ══╗

رجعت من ذكرياتي على صوت علي الدُر

علي الدُر: بابا بابا

صادق: ها باباتي؟

علي الدُر: باجر حضور اولياء الامور تجي؟

صادق: اي اكيد

علي الدُر: تمام هسه اريد اتريك و زينب نايمه

كمت بهدوء شلت مصلايتي

صادق: اسبقني للمطبخ نسوي ريوگ و نطلع

زينب: سمعت اكو طلعه وين؟

صادق: بسم الله دخيلك يا ابو الحسن منين طلعتي؟

زينب: شبيك؟ ليش تحسسني اني اخرع

صادق: لا ابد بس فجاة بديتي تحجين

زينب: هسه وين الطلعه؟

صادق: للكبور تجين؟

زينب: اي عادي اروح

ضحكت عليها

صادق: لا رايحين للاسواق

زينب: و الكبور؟

صادق: كلت هاي بكلي يطلع بيها انوثه تكول لا اخاف اروح بس الله يسلم الوالد مخلف جعفر

زينب: اتخيل اني ولد و صدك مسميني جعفر و انتَ صادق الله حبيت

هزيت ايدي عليها و لبست الساعه بيدي

صادق: اكلج على شي؟

زينب: شنو؟

صادق: اني احلاكم

زينب: يمه فدوه للثقه نص ثقتك و احتل العراق

صادق: شعبالج اني اخوج صادق

زينب: سحبان الله اخوي؟

صادق: اي والله اخوج للاسف الشديد

زينب: ولعباس ابو فاضل بس اجيب عباتي و اجي وياكم انتظروني

شلت علي الدُر و طلعت من البيت فتحت السياره و كلت

صادق: انخوك الشمس تصكع صكع

زينب: عفتونيي؟

صادق: اي و هذا قريني فضيها

ركبت زينب

صادق: شكد فاهيه

زينب: اذا اخوي و مامتحملني منو يتحملني الغريب؟

صادق: اي يتحملج اني شعليه

ضربتي بيدها على جتفي و كتله

صادق: الله يعين الزلمه راح يتورط

زينب: حبيبي ماراح اعامله مثل ما اعاملك

باوعتلها صفح و رفعت حاجبي

زينب: ها؟ ولعباس اتشاقه

صادق: مشكوك بامرج

زينب: تربيتك حبيبي

صادق:  و شبيها تربيتي؟ هل راح تخليج دكتورة اسنان

زينب: حبيبي على راسي هذا شرف الي

صفيت السياره و نزلنا انقضو على الحلويات و اني اتاكد اذا جايب البطاقه هم ماكو بس نص ساعه و اجتي زينب شايله سلتين حلويات صفنت عليهم علي الدُر يلكط بالحلويات و هوَ يمشي درت وجهي ردت اعوفهم و اطلع اورطهم بالحساب بس صاحتني زينب

زينب: لا عليك ابو فاضل

رجعت سحبت منها الحلويات و رحت للكاشير علمود الدفع

صادق: السلام عليكم

الكاشير: وعليكم السلام

بدا يحسب بيها و طلعت اغلب الاشياء غاليه و مشترين منها كميات باوعتلها صفح

الكاشير: الحساب 60الف

باوعت لزينب و طلعت المبلغ انطيته للكاشير و شلت العلاليك

صادق: اشوف زلمه ياكلهن كلهن بيوم واحد الا اشك حلكه

زينب: هاي شبيك هيَ 60الف

صادق:هسه ياهو حاجي على المبلغ اقصد الحلويات متنوكل كلها بيوم واحد

شلت علي الدُر

صادق: بابا مو تاكل هواي؟ تره يصعد السكر

علي الدُر: لا جبت جباسه

باوعت للعلاليك اغلبهن جباسه و جيس واحد بي حلويات و اندومي و باقي الاشياء

صادق: اي جاي اشوف حبيبي مو اعمى اني علاكتين جباسه جبس ينطح جبس

__

باسم: يمه يوم ماما حجيه

خوله: ها ها؟ رجيت البيت رج شكو؟

باسم: الدشداشه البيضه وين؟

خوله: بالكنتور معلكه

باسم: مكويه؟

خوله: مادري

رحت اشوفها و طلعت مكويه لبستها و رشيت العطر لبست الاعكال لبست الساعه و كملت

باسم: يابه خلصت؟

جواد: اي يلا

طلعنا ركبنا السياره رحنا للمضيف مالتنا لان اوسع من الديوانيه(الاستقبال)

نزلنه بهدوء و الكل كام احترامنه لابوي كعد ابوي بالمقدمه و كعدت على يمينه

جواد: الله بالخير

الكل: الله بالخير و العافيه

جواد: نبدي على حب محمد و ال محمد

بدينا انحل المشكله بهدوء تمر ثلاث ساعات و ما نحلت لحد ما اخيرا اقتنعو و خلصنا السالفه طلعنا اني و ابوي من المضيف مالنا بهدوء

باسم: هو بس عناد

جواد: اي والله راسي نفجر

باسم: اجيبلك دواء؟

جواد: لا لا بس خل نرجع للبيت تعبت

ساعدت ابوي يصعد بالسياره بهدوء بديت امشي بالسيارة راجعين للبيت نزلنا و ساعدت ابوي طبينا للبيت و طببته الغرفه طلعت بهدوء

طبيت للغرفه سبحت حسيت بتعب بطني مو طبيعي تجاهلت الموضوع و كملت سبح و طلعت كعدت كبال  السبلت نشفت راسي و نمت
___
زينب: صادققق تعال شوف ابنكك

علي الدُر: وعلي ما يلا شوفي منو يطلع يشتريلج

صادق: ادري ما تملون شكو؟

علي الدُر: تريدني اطلع اشتريلها اكللها و الخلويات الي جابهن بابا تكلي شعليك

زينب: شوف ابنك ابو لسان

صادق: شكو حبيبي؟ ليش تردين تشترين؟

زينب: اريد اجيب حلويات بعد

صادق: اني هم اخذج و نجيب حلويات مره ثانيه ميخالف بس اريدك اكللكم شي

زينب و علي الدُر: شنو؟

صادق: راح نرجع للبصره

زينب: و دراستي؟

علي الدُر: و المعلمه الي جنت حاط براسي تتزوجها و تصير امي؟

صادق: شكد ساقط المهم ماراح نروح و نبقى هنا لا راح نرجع بس لان اليوم خميس و انطوها عطله فا خل نروح و بالسبت نرجع

زينب: اي دكول هيج من البدايه

صادق: يلا روحو حضرو جنطكم بين ما اكل لان جوعان

راحت زينب و علي الدُر حضرو جنطهم و اني جوه اكل و استمتع بصريخهم كملت اللكمه و صحت

صادق: و الزهراء الي مايسكت اصعد اجنزه

مرت خمس ثواني  ماكو صوت ضحكت عليهم و رجعت اكل الحميسه بهدوء و روقان

اجاني شعار من تليفوني فتحت الموبايل و لكيت

علاء: السلام عليكم

صادق: وعليكم السلام

علاء: عادي تطلع بره و تتصل؟

صفنت عفت الاكل و كمت طلعت بالحوش اتصلت عليه

صادق: شكو شنو السالفه؟

علاء: بس اهداء ما كو شي ابوك

صادق: شبي؟

علاء: تعبان و..

صادق: سده هسه جايين احنه بالطريق

سديته و ركضت لزينب و اني اصيح

صادق: زينب زينب

زينب: ها؟

صادق: بسرعه يلا ابوي تعبان

دخلت شلت الجنط و نزلنه لبست عبايتها و طلعنا حتى عفنه البيت هوسه

الطريق كله اخذته ادعي

صادق: نادي علياً مُظهر  العجائب تجده عوناً لك في نوائب كُل هماً بغماً سوف ينجلي بعظمتك يا الله يا علي يا علي ياعلي
ياعلي استرها يا علي دخيلك

زينب: بابا شبي؟

صادق: مابي شي مابي بس تعبان شويه

علي الدُر: جدي تعبان؟

صادق: اي

حاولت اوصل باسرع وقت بس رغم هذا ما وصلنه الا بعد 6ساعات من بغداد للبصره

و اخذ الطريق من الحدود للبيت مالتنا 3 ساعات اخيرا شفت البيت نزلت بسرعه و دكيت الباب

علاء: ادخلو ادخلو

صادق: وينه ابوي؟

باوعت الكل يضحك رفعت حاجبي و طلع ابوي يمشي بهدوء و هوَ يكول

مهدي: هسه يلا نور البيت هلا بسورها و نورها هلا ببنيتي زينب

ظليت صافن مادري شنو اسوي ضغطت على راسي بقوه

صادق: صدك تحجون؟

مهدي: شلونج بنيتي؟

زينب: بابا خوفتني عليك

مهدي: لاتخافين ابوج بعده بصحته

صادق: شنو مسويني على الصامت؟

مهدي: شبيك؟

صادق: جبتوني من بغداد للبصره ادعي و اكول يارب سترك و بالاخير طلع كلشي ماكو؟

علاء: والله هاي فكرت ابوك احنه مالنا دخل

صادق: حجي شكبرك شوكت تبطل سوالفك؟

مهدي: ادبسز شنو اسويلك ماتمشي الا بهاي الطريقه

صادق: اصلا ردنا نجيكم حتى اسئلهم

مهدي: تعال علي انتَ متجذب

صادق: شوف اختار منو

علي الدُر: ها جدي؟

مهدي: صدك جنتو راح تجونا؟

علي الدُر: اي صحيح

صادق: هلا بزلمتي هلا ببوليدي

علي الدُر: شعبالك لعد؟ ابنك اني حزام ظهرك

صادق: هلا هلا طسه بالشارع ما اخليك

علي: حبيبي ابويييي

ضحكنا و صبو العشه تعشينه و كملنه كعدنا نسولف و نضحك

صفا: اكلك صادق

صادق: كولي

صفا: احمم ردت منك خدمه

صادق: اي كولي

صفا: اريدك توصل امانه لاهلي

صادق: شنو؟

صفا: هسه دقيقه

جبت جنطه و جيت حطيتها كبال صادق

صفا: هاي و انتَ تعرف وين بيت اهلي

صادق: اي اندل  من ارجع لبغداد اوديها

كعدنا نسولف و نضحك صعدنا نمنا بهدوء
__
جواد: باسم عباس رضا

باسم: ها حجي؟

عباس: ها بويه؟

رضا: ها يابه؟

جواد: عدنا زياره

باسم: وين؟

جواد: لبيت حجي مهدي

باسم: حجي مهدي ابو قاسم؟

جواد: لا ابو صادق

عباس: ابو صادق؟ منو هذا؟

رضا: ابو صادق الي عنده ولد اسمه علاء؟

جواد: اي ابو صادق هذا الي عنده ابن اسمه علاء الوسطاني

باسم: صادق صادق؟ صاحبي؟

جواد: بعد ماعرف بس انتَ جنت تلعب ويا طفل بعد ماعرفه علاء لو صادق

باسم: صادق ولد اسمراني عيونه عسليه عنده شامه على فچه؟

صفن ابويه شويه

جواد:  اي اي هو هذا صادق

باسم بضحكه: والله جان عراگ ابو نسر

جواد: اي ابو عيون النسر

باسم: عيونه جانت احلا عيون بيت حجي مهدي

جواد: اي عيونه عيون النسر ماخابت نظرته

عباس: حسيت نفسي منبوذ

جواد: لا بس انتَ جنت صغيروني

باسم: شوكت الزياره؟

جواد: باجر الظهر عزمني على الغده و كال جيب العائله وياك

باسم: يلا خوش نروح الصبح علمود نوصل من وكت

جواد: اي الله كريم

باسم: يلا حجي اني راح اطلع محتاج شي؟

جواد: اختك مدري شنو رادت روح اسئلها

باسم: ساره؟

جواد: اي انتَ عندك غيرها؟

باسم: لا هيَ سوسو وحده

مشيت الها دكيت الباب و دخلت لكيتها حاطه الكتب و كاعده شعرها هوسه و لابسه تراكسود المجامه شي و الفالينه شي ضعفانه ضحكت

باسم: ها سوسو؟

ساره: باسم؟ الله جابك تعال

دخلت بهدوء و كعدت بصفها

باسم: ها؟

ساره: اريدك اطلعني

باسم: وين؟

ساره: مادري بس بابا ميرضه اطلع يكلي عندج دراسه

باسم: كومي بدلي

شفته و هيَ تكمز من الفرحه طلعت رحت لابوي

باسم: حجي

جواد: ها؟

باسم: راح اطلع و اخذ ساره وياي

جواد: مو عدها دراسه؟

باسم: اي ميخالف راح اطلعا شويه و ارجعها مانطول

جواد: ميخالف

نزلت ساره شفتها و هيَ نازله بفستان ازرك و كعب اسود و شال اسود و جنطه بيضه ضحكت و رحت وكفت يم الدرج و مديتلها ايدي

ابتسمت و حطت ايدها بايدي

عباس: هلا هلا اميرة بيت حجي جواد

رضا: أويلييي لك شنو هل جمال؟

خجلت و خدودها صارن طماطه اخذتها و طلعنه

ركبتها بالصدر و بديت اشغل السياره

رحنه للمول و فررتها بغداد

باسم: اكلج اجيبلج ازبري؟

ساره: اممم اي

باسم: احمر؟

ساره: اي

نزلت جبت الازبري و وكنفه يم مطعم خلصنه من الازبري

باسم: شنو تاكلين؟

ساره: كص

باسم: دجاج؟

ساره: اي و خلي يحطلي ثوميه و طرشي

باسم: وين اكو بنيه تاكل ثوميه؟

ساره: اي عساس ماتاكلها

باسم: احمم اجيب بصفها ثوميه؟

ساره: اي و مو تنسى الببسي

رحت جبت الطلبات رجعت لكيتها مغيره الاماكن و كاعده بمكاني باوعت جريتلي صفنه عليها

باسم: ليش غيرتي الاماكن؟

ساره: اريد اسوق

باسم: ها؟

زينب: حباب

باوعتلي بذيج النظره الي من وراها راح انلصم و اسوي الي تريده

باسم: تعرفين؟

ساره: لا علمني

باسم: يلا كولي يا الله

ساره: يا الله

بديت افهمها شنو تسوي و سواقتها جانت نوعا ما زينه

باسم: يحتاجلج شويه تدريب و اطلعلج اجازه سوق

ساره: بالعطله مال السادس علمني

باسم: الله كريم

رجعنا للبيت و نزلت زينب

باسم: باعي راح اروح شويه و اجي

ساره: وين؟

باسم: لصدقائي

ساره: ها تمام

رحت لاصدقائي و كعدت وياهم شغلتلي جكاره و كعدنا نسولف

حسن: باسم

باسم: ها؟

حسن: اريدك بموضوع

باسم: شنو؟

حسن: لا بعدين احجيلكم مو كدامهم

باسم: تمام

كعدنا خلصنه سهرتنه سوه و ردت اروح نسيت الموضوع الي راد يحجي بي حسن بس حسيت بيده

باسم: ها؟

حسن: الموضوع

باسم: اي صحيح يلا تعال اوصلك و نحجي بالسياره

صعدنا و من ابتعدنه عن اصدقائنا

حسن: اريد شي منك بس فكر قبل لا تحجي

باسم: كول

حسن: اريد اتزوج

باسم: اي يوم المبارك منو العروس؟

حسن: هو هذا الموضوع

باسم: شنو تريدني اروح اخطبها الك؟

حسن: لا بس افهمني

باسم: شكو احجي؟

حسن: تعرف اني يتيم

باسم: اي؟

حسن: و ما كو احد ينطي بنته لواحد يتيم و ميعرفه

باسم: اي؟

حسن: جاي اخطب ايد اختك ساره

باوعتله بهدوء و كملت طريق لفيت و مشينه بغير طريق اريد اكمل حجي ويا

باسم: ساره؟

باوعتله توتر حيل

حسن: ها هيا انسى الموضوع

باسم: جاوبني ساره اختي؟

حسن: بداعت الخوه انسى الموضوع ماريد اخسرك انت اخوي انسى و زينب راح اطلعها من بالي

باسم: احجي رايد ساره؟

حسن: اي

باسم: من شوكت انتَ حابها؟

حسن: ماشايفها بس مره

باسم: وين؟

حسن: باسم اني اخوك بداعت الخوه انسى الموضوع

باسم: لا تشلع گلبي وين؟ و جانت لابسن حجاب؟

حسن: اي

باسم: من كتلك ودي الاسلاح للاهل؟

حسن: اي

باسم: بس هاي المره؟

حسن: اي وعلي اقسملك بس ما باوعت هواي بوجهه
وعلي و نظر عيوني

باسم: باجر تعال

حسن: وين؟

باسم: تعال ويانا

حسن: وين وياكم؟

باسم: للبصره

حسن: شنو تسوون بالبصره؟

باسم: ابوي صديقه بالبصره و عازمنه

حسن: و اني شكو رايح وياكم تكملة  عدد؟

ضحكت و طفيت الچكاره

باسم: لا عود صدك احجي امشي اشوفك صديق عمري صادق

حسن: عندك صاحب غيري؟

باسم: والله صارلي هواي ماحاجي ويا

حسن: الله كريم

نزل من السيارة و رجعت للبيت الطريق كله افكر بالموضوع حسن صاحبي من دخلت للعسكريه تعرفت عليه من اول سنه عمره نفس عمري و فارق السن بينا و بين ساره مناسب نوعا ما صفيت السياره و نزلت رحت لغرفة ساره دخلت لكيتها كاعده تسمع باسم الكربلائي و تصبغ

باسم: ساره

ساره: ها؟

باسم: اريد احجي وياج

ساره: اي ادخل تعال اكعد

سحبت الكرسي و سديت باسم الكربلائي

باسم: ساره من وديتلكم السلاح منو طلع ياخذه؟

توترت و صار وجهه اصفر

ساره: والله العظيم محد جان بالبيت و اطريت اطلع اني

باسم: اهدي و كليلي من طلعتي منو جابن الج؟

ساره: ماعرف شاب

باسم: صديقي؟

ساره: ماعرف

باسم: من طلعتي جنتي لابسه حجاب؟

ساره: اي وعلي و نظر عيوني

ابتسمت نفس حلف حسن

باسم: اي ها هيا كومي نامي باجر من الصبح راح نطلع للبصره

ساره: شكو؟

باسم: صديق ابوج عازمنه

ساره: ها تمام

طلعت رحت لغرفتي اختفت البسمه من وجهي و رجعت الافكار لراسي ساعه اهداء و ساعه راسي ياكلني من التفكير حطيت راسي على المخده و نمت

___
نرجس: ماما

سناء: ها؟

نرجس: هاج هذا موبايلج جاي ادك عليج وحده اسمها وفاء

اخذت من ايدي الموبايل و جاوبت و هي فرحانه بعد شويه بجت و بدت تعاتب المره الي اسمها وفاء

مرت ساعه و هنا يحجن انسد الخط  باوعتلها بفضول

سناء: هاي صديقتي من الاعداديه اسمها وفاء

نرجس: اي؟

سناء: و رجعو للبصره بعد دراستها

نرجس: و شنو ذكرها بيج؟

سناء: اكيد ما جان عندي رقم بالعداديه فا هي رجعت لبغداد و بالصدفه صار بينه تواصل لان جنت ادرس بغداد اني جنت مدرسه و سبحان الله رجعنه صديقات و من ذاك اليوم لليوم انتظرها تتصل علي

نرجس: اي؟

سناء: عزمتني على عرس بنت اخوها

نرجس: الله عرس

سناء: اي بعد ثلاث ايام

نرجس: الله اريد اشتري فستان

سناء: اي طبعا بس مو اليوم هستوني راجعه من السوك هلكانه

نرجس: تمام

رحت لغرفتي و كعدت امشط شعري و اني اتخيل نفسي بالعرس ابتسمت و رحت انام

___
ثاني يوم

مهدي: يلا خلصتو؟

صادق: اي حجي

علاء: اي

نزلنا كلنا كعدنا اجتي زينب و بيدها عصير تريد تضوكنه قبل المعازيم

صادق: حلو

مهدي: اي طيب

علاء: عاشت ايدج اخيتي

ابتسمت زينب و راحت تكمل شغلها ماحسينه الا و الباب يندك

كمت افتح بهدوء بس مو الخطار

عماد: شلونها المفاجأة؟

حضنته بقوه و بديت اشم بي

ضحك عماد و بادلني الحضن

صادق: ليش طولت علينا؟

مهدي: منو؟

صادق: حجي رجع عماد

كام مهدي و طب عماد حضن ابوي و بدا يبجي و هو يعتذر منه

عماد: اسف حجي

مهدي: ليش طولت الغيبه؟

عماد: اعتذر بس غير جنت ادرس

علاء: اخوي

عماد: توأميي

ضحكنه بهدوء و مرت الساعات و اندك الباب

كمت فتحت و رحب بالخطار و اين ارحب بيهم رفعت عيني لكيت صديق عمري صفنت بوجهه

باسم: ها؟

صادق: شكو اليوم؟

باسم: هيج ترحب بيه ابو نسر؟

ابتسمت و حضنته بقوه و اني

صادق: اخوي

باسم: شلونك ابو نسر؟

صادق: ابو نسر بخير دامك بخير تفضل

باسم: اعرفك صديقي حسن

صادق: هلا الف مرحب

حسن: هلا بيك

دخلنا و كعدنا جان باسم يمي و احنه بس زلم النسوان كاعدات بالغرفه الثانيه و البنات بالمطبخ

وفاء: شلونج خوله؟

خوله: والله الحمدلله بنعمه

وفاء: ماكتلج؟

خوله: شكو؟

وفاء: تتذكرين سناء الابنيه الي ويانا بالعداديه الي جانت تلبس تنوره و نظارات؟

خوله: لا والله منو؟

وفاء: سناء الشگره

خوله: ياااا سناء  شبيها؟

وفاء: لكيت رقمها بموبايلي القديم

خوله: اي شلونها؟

وفاء: بخير و عزمتها على عرس مريم بنت اخوي

خوله: اي والله مشتاقتلها

وفاء: اي والله اول ماحجيت وياها بدت تعاتب و هي يتيمه

خوله: اي و جانت شاطره

وفاء: اي جانت طموحه

ساره: ظليت ماعده بينهم اسمع كلامهن مليت ردت وحده من البنات تطلع ماكو

وفاء: يمه ساره

ساره: ها خاله؟

وفاء: صيحيلي زينب

ساره: اي خاله

كمت بهدوء و طبيت للمطبخ بخجل

ساره: زينب؟

زينب: ها عيوني؟

ساره: خاله تريدج

زينب: اي جايه

رحنا سوه و خاله رادت منها تلم الاكلاصات باوعت بخجل بس لميت وياها بالصواني و ديتهن وياها للمطبخ

زينب: تعالي اكعدي يمنه احسن

ساره: ها؟

زينب: اكعدي يمنه احسن

ساره: ماشي

كعدت و شفت زينب مخبوصه وحدها بالمطبخ و زوجة اخوها كاعده يم امي و خاله

ساره: اساعدج؟

زينب: لا حبيبي

ساره: لا والله خل اساعدج بس اريد اعرف اذا احد يطب هنا؟

زينب: من الولد؟

ساره: اي

زينب: لا محد

ذبيت العبايه و طلع الثوب حلو جان وردي فاتح و بي وىد بالابيض و جان مخصر بديت اساعد زينب و تعرفنه على بعض اكتشفت اني وياها نفس العمر تقريبا جانت اكبر مني باشهر

زينب: سوسو

ساره: ها عيناي؟

زينب: بس كطعي البصل و ذبي على الشوربه

ساره: اي من عيني

بديت اسوي بهدوء طبت بينه باوعت على زينب

ساره: منو هاي؟

زينب: ملاك بنت عمي

ساره: امم حلوه ماشاء الله

زينب: اي طالعه على عمي

ملاك: زينببب

زينب: ها؟

ملاك: ليش ماكلتي اخوج رجع؟

زينب: عماد؟

ملاك: ايي

زينب: اثگلي

ملاك: امم منو الحلوه؟

باوعت على ساره خدودها صارن طماطه

زينب: ساره بنت حجي جواد

ملاك: حجي جواد؟

زينب: اي

ملاك: أويلي هذا وين جان ضامها؟

باوعت لساره صارت حمره حتى كامت ماتعرف تكطع عدل ضحكت

زينب: ولج كافي صارت دم

ملاك: چا هيَ تخبل

ساره: حبيبي عيونج

ملاك: الصوت موضوع ثاني

ضحكنه سوه و ملاك كل شوي تتغزل بساره

كعدنه بتد ما سوينه الاكل

خوله: ساره

ساره: ها ماما؟

مريت من باب الزلم بدون ما مدري

ساره: ها ماما؟

خوله: امي هالتج تريدج

ساره: ها خاله؟

وفاء: حبيبه جيبيلي الدوه من غرفتي

رحت بهدوء جبته و انطيتها رجعت للبنات كملنا سوالف لحد ما كالو صبو الاكل بدينا نصب و كملنه لبست عباتي و كعدت طبو الولد و بدو ياخذون بالصواني

لحد ما طب عماد و ملاك ضاعت علومها

جريتها علمود ياخذ الصينيه و هي فزت

عماد: زنوبه حبيبي جيبيلي الخبز

زينب: اي اي ملاك ودي الصمون

راحت ملاك بتوتر و انطت الصمون لعماد ه جان مدنك راسه و اخذه و راح بدو ياكلون صبينه للنسوان و بدينه ناكل بهدوء خلصنه و وكفنه على الماعين وحده تغسلهن و الثانيه تنشف و الثالثه تحطهن بمكانها

طبعا زينب اخذت دور الي ترجعهن بمكانهن لان هي تدري وين تحطهن

ملاك: انكطع ظهريي

ساره: خلصنه بعد ماكو ماعين

زينب: اخخ يمه ظهريي

ردنا نكعد جابو صواني الچاي رجعنه نغسل و من كملنه كعدنه

ساره: زينب فدوه اريد اسبح

زينب: اي روحي لغرفتي و اسبحي

ساره: اي يلا تعالن وياي نكتد بغرفتج

صعدنا و اني اخذت ملابسي و صعدنا

طبيت سبحت و كملت كعدنا نسولف و سهرنا بعدين نمنه صادف ثاني يوم هو يوم تجهيز للعرس لان عكبه العرس فا كعدنا و رتبنا البيت و خلصنه و احنه نرتب دخلن ثنين نسوان وحده مبينه صغيره و الثانين بكد امي و خاله

وفاء: هلا بالحبيبه هلا

خوله: هلا بالشگره

سناء: هلا بيجن

كعدن و جانت بتها تجنن غطت علينا كلنا

زينب: شلونج خاله؟

سناء: هلا انتِ بنت وفاء؟

زينب: اي خاله

ساره: شلونج خاله؟

سناء: هلا  انتِ بنت خوله؟

ساره: اي خاله

زينب و هي تسحب الابنيه من ايدها

زينب: تعالي ويانا

كامت نرجس وياهن و كملن تنظيف و صعدن بغرفة زينب كملن سوالف و تعارف

نرجس: اول مره ادري امي عدها صديقات اصلا

زينب: لا امي جانت تحجي هواي بخاله سناء

ساره: امي هم

ملاك: اكلجن

الكل: ها؟

ملاك: شنو رأيجن نركص؟

نرجس: ولج علويه اين بنت رسول الله

ملاك: حبابه؟

نرجس: لا والله الاغاني حرام ماسمعها

ملاك: زين نلعب؟

نرجس: اي

اندك الباب و فتحت زينب

صادق: اكاج زينب ماشفتي وين الدشداشه؟

زينب: بغرفتك

صادق: مكويه؟

زينب: اي اين كويتها

صادق: تمام

مر الوقت و اجه وكت العرس

طبينه يم النسوان و جانت الكعده خلون كلها ضحك و فرحه شغلن اغاني و طلعنا احنه و باقي البنات ظلن جوه يركصن

ملاك: ما صارلنا هواي عرفناج نرجس و هيج خليتينه نكره الاغاني

نرجس: مو حلوه و كافي كشختنه

زينب: اي

ضحكنه و كعدنا بالحديقه طلعنه نتمشى بيها و العباء بيدينه بس زينب كالت محد يجي هنا لكيت مثل النهر بديت اصور و انداريت لكيت ولد واكف ضخم لبست العبايه بسرعه

صادق: زينب

زينب: ها؟

صادق: الابنيه الي يم النهر خليها تبتعد راح توكع

زينب: نرجس؟

حفظت اسمها نرجس استغفرت ربي و اني احاول ابعد صورتها من راسي

راحت زينب و سحبت نرجس من النهر طبن للبيت و مر الوقت و اني احاول انساها

زينب: واج ردتي توكعين

نرجس: مادري اول مره اجي للبصره و عجبتني الحديقه

زينب: اي بس انتبهي

كعدنا نسولف و نضحك

زينب: اكول لصادق يجيبلنه حلويات؟

ملاك: اي فدوه

راحت زينب و كلت لصادق يجيبلنه حلويات

رجعت و كملنه ضحك اجتني رساله و جانت من صادق

صادق: انزلي اخذيهن

ركضت جبتهن و صعدت

زينب: هنيال مرت صادق بي

رفعت نظري بهتمام

نرجس: ليش؟

زينب: رغم هو متزوج و عنده طفل بس حنين ماينسى احد و ينحب بسرعه

نرجس: وين مرته؟

باوعت ملاك لزينب

ملاك: ميته

نرجس: الله يرحمها و ابنه وين؟

نرجس: جوه اجيبه تشوفنه؟

نرجس: جبير؟

زينب: لا عمره 8سنوات

نرجس: تمام

راحت زينب تصيح علي الدُر و رجعت

علي الدُر: السلام عليكم

نرجس: هلا وعليكم السلام

علي الدُر: مو انتِ الي ودتني للاذاعه يوم ضعت؟

زينب: اييي و اكول وين شايفتهاا

نرجس: انتَ علي الدُر؟

علي الدُر: اي

راح كعد بحضنها و نام

اتفاجئت و كلتلها

زينب: علي كوم

علي: ماا من اول ماشفتها حبيتها عوفيني

حسيت بدمعته على ركبتي حضنته

نرجس: عوفيي ينام بحضني

فعلا عافته بحضني و  كملنه بهدوء سهرتنه نمنه و علي الدُر بيني و بين زينب و البنات على الجهه الثانيه

__

باسم: صادقق بطل سوالفك

صادق: خالي هو ماي شبيك تفطرت

باسم: ها يعني اني تفطرت؟

حسن: بويه بطني

باسم: شوف الثاني راح يخلف من الضحك

صادق: لعد منو صاحبه

ظلينه نلعب بالماي و عماد كاعد يهز بيده

صادق: ها ولك تهز بيدك؟ جنه عاجبك الماي؟

رشيته بالمي و هو كام يكمز

صادق: علمود تعرف شلون تهز ايدك لاخوك الجبير

ضحكنه و رجعنه مثل الصغار علاء كاعد و ابنه بحضنه يوكله حلويات و حجي جواد و حجي مهدي كاعدين يباوعون علينا و يضحكون

╚══ஓ๑♡๑ஓ══╝

اذا اكو اخطا سولها سكب لان مابيه حيل اراجع البارت كلش طويل 😂🤍

╔══ஓ๑♡๑ஓ══╗
الكاتبه: رُقيه
مرج البحرين يلتقيان
╚══ஓ๑♡๑ஓ══╝

════ ⋆★⋆ ════
الحمدلله"3"
استغفرالله"3"
لا اله الا الله"3"
الشكر لله"3"
اللهم صل على محمد و ال محمد"3"

════ ⋆★⋆ ════

╔══ஓ๑♡๑ஓ══╗

بعيدا عن الروايه اكو شي مهم

يابه نعتذر طلعت  تدريس اكاديمي اكترونيه و مثل ما جاي تشوفون بنفسكم ميزات جدا حلوه و مواضيع هم و كل المواد بـ25الف بس فا حبيت افيدكم حبايبي الي يريد يدخل بيها يتواصل وياهم على التلي موضح بالصوره 🥹🤍🤍

╚══ஓ๑♡๑ஓ══╝

الانستا

تيك توك