رواية مرج البحرين يلتقيان الفصل التاسع 9 - بقلم ★الكَاتِبَة غَيَاهِبُ★

السلام عليكمممم مشتاقيننن🤭🤍🤍🤍

╔══ஓ๑♡๑ஓ══╗

البصره/ الساعه 8:00 صباحا

صادق: روحي، نرجس حياتي

نرجس: همم؟

صادق: يلا كعدي خل ننزل نتريگ وياهم

نرجس: بس شويه انام

صادق: شكد كسوله يا محمد

فتحت عيني و انداريت عليه

نرجس: اني كسولهه؟

ضحك و كام من يمي راح يسبح

نرجس: صادق اني كسوله؟

صادق: لا يابه لا انتِ بنيتي الشاطره

نرجس: اي عبالي

كمت و حضرت ملابسه حطيتهن على الچربايه و اني طلعت ملابسي و العبايه مالتي هم لان اخوانه جوه و ميصير و هوَ الله يسلمه يغار

طلع صادق و اني دخلت اسبح كملت و طلعت نشفت شعري و كعدت على الميز اباوع للمرايه و امشط شعري اجه من وراي

صادق: امشطلج؟

نرجس: تعرف؟

صادق: شنو يرادلها

نرجس: هاك

انطيته المشط و بده يمشط شعري

صادق: احمر طبيعي؟

نرجس: شنو؟

صادق: ابوي

نرجس: لا عليك الله شنو؟

صادق: شعرج

نرجس: اي طالعه على ابوي

صادق: صهباوي؟

نرجس: اي و جانت اكو نسبة چبيره اطلع عليه وصدك طلعت عليه

صادق: ابوس راسه على هيج انتاج

ابتسمت بخجل و ضربته بصدره و سحبت المشط كملت تمشيط شعري و هو يباوع علي مدري يخزرني مدري يتامل محد يعرف بس الله

نرجس: شكو ليش هيج تباوع؟ اكلتني اكل شكو؟

صادق: حلالي و بكيفي

نرجس: نزل عينك صادق ادبسز

صادق: منو الادبسز ولج؟

ضحكت ضكة المتورط

نرجس: اني اني ادبسز حبيبي انتَ

كام يركض وراي و فررني الغرفه كلها و بالاخير كضني و اني بديت اصيح

نرجس: لا صادق بروح امك لا

صادق: ما

نرجس: صادقق لاتصير طفل

صادق: يلا روحي بس لاتعيديها

نرجس: تمام

رحت لبست بسرعه و كملنا كض سبحته جانت بصف محابسي

صادق: والله وكت خلاني احط سبحتي يم خواتم الخانم

نرجس: شو معاجبك؟

حضني بقوه

صادق: عاجبني و نص

ابتسمت بخجل

نرجس: يلا مشينه خل ننزل

نزلنا اني ويا و الكل من شافنه هلهل صادق ظل وره موت مرته 8 سنوات بلا زواج و من شافوني بصفه و هيج يعاملني بطيبه و حب الكل فرح

باوعت لخاله لكيته تبجي و اجتي تحضني

وفاء: الف مبارك حبييي عسى ماتشوفون شر بحياتكم كلها

نرجس: تسلميلي خاله

وفاء: كليلي ماما

نرجس: ها هيا ماما ماما

الكل ابتسمت و كعدنه ناكل بهدوء من خلصنه كمت ويا زينب بحكم ماكو وحده تساعدها و ياسمين بيت اهلها زعلانه و احنه صادف عدنا خطوبه و حنه و عرس فا محد اهتم بس علاء كل شوي يتردد لبيت اهلها يطلعوله كنان يشوفه و يرجع حتى ميطب للبيت يوكف براس الشارع و يدك على ابوها يجي كنان

زينب: ولجج

نرجس: ها؟

زينب: راح يطلكون علاء و ياسمين

نرجس: يا ستار

زينب: ولج حوبتج

نرحس: استغفرالله

زينب: وعلي من عيطت عليج و كضتها عرگ هيَ و علاء تمالخ من الروس

نرجس: كافي سدي الموضوع لاحوبتي ولا شي و الله يهيد نفوسهم

زينب: على كولتج الله يهدي نفوسهم

نرجس: منو بالمضيف؟

زينب: هذا الغثه باسم صديق صادق

نرجس: تؤ لا تكولين هيج (التؤ هذا الصوت الي يطلع من نسع شي ما عاجبنه)

زينب: وعلي لعبها لنفسي كُل شويه جاي و اني اطيح بيها اسوي چاي و عصير و ودي البسكت و جيبي الفواكه

نرجس: ميخالف غير خطار

زينب: اي دشوفي الناس الي راح تجي من باجر

نرجس: ليش؟

زينب: باع الفطيره چاي غير چبير ال مهدي اتزوج

نرجس: صادق؟

زينب: نرجس اطلعي اطلعييي لا دوخينيي

ضحكت بقوه حتى كضيت بطني

نرجس: نسوان هم؟

زينب: اي شكد خير من الله راح يدوخنج

نرجس: يمههه استحي

زينب: اندك الباب خل اشوف منو

نرجس: شلون؟

زينب: من الكامره

راحت زينب تشوف و ان كملت مسح الكاونتر بهدوء

زينب: ولججج نرجس هاي عمهه

نرجس: اي هلا بيها

زينب: اكيد اجتي تبارك

نرجس: اي حضري العصير

بدينه نحضر سوه و تقريبا حفظت اماكن الاشياء

زينب: هاج طببي

نرجس: انطيني

طبيت و رفع صادق عينه ابتسم و الكل رفع عينه و بدت الهلاهل

عمته جنان: هلا هلا

بنتها ميس: لا صادق ذوقق ماشاء الله

انطيت العصير و سلمت و مثل ما نكول بحجينه فحصني من اصبع رجلي الصغير لحد وجهي مابقن شي ماباوعن علي

جنان: اي حلوه ماشاء الله بس مو بحلات مرتك الله يرحمها

صادق: عليها الف الرحمه عمه بس نرجس مرتي حاليا و مامرخوص كدامها تذكرون المرحومه

جنان: يا خاله شكلنه

صادق: لا عمه ما كلتي بس اني جاي اكول شورط يعني اتمنى توصل للكل

كام صادق وراي و راح كعد ابو علمود يكعد يم اخته طب للمطبخ و شافني هادئه اجه وكف يمي

صادق: شبي وليدي؟

مانتبهت و باوعتله بسرعه

نرجس: شبي يعلي الدُر؟ صارله شي؟

ضحك صادق و حضني

صادق: انتَ وليدي

نرجس: اويي صادق خوفتني

صادق: يمهه جعل بين ولا بيج

نرجس: اسم الله عليك

ضحك صادق و اجه علي الدُر

علي الدُر: بابا اريد احضن ماما وخر

صادق: اي يابه هاك هاي امك اشبع بيها

عافني و راح و اني شلت علي الدُر كعدته على اكاونتر انطيته جكليته و كملت تنظيف بعد مدة نزلت زينب تركض

زينب: نرجس

نرجس: ها عيناي؟

زينب: ولج طلع عندي امتحان لازم نرجع لبغداد

نرجس: دقيقه

فتحت موبايلي و طلع فعلا بدت الامتحانات مال الجامعه ارتبكت لان الفتره الي فاتت كلها مرت خطوبتي و الحنه مالتي و عرسي و شهر العسل مالحكت اقره شي كعدت على اكرسي و بديت اسحب النفس كوه اجتي نوبة الهلع كامت عيوني دمع و اني اجر النفس كوه حسيت الغرفه مابيها هوه تذكرت موت ابوي و زاد الحاله خفت كلش و بديت ارجف

زينب: صادق صادق نرجس نرجس ماجاي تتنفس

ركضت صادق علي و سحبني وكفني على رجلي و اني اطيح لحد ما شالني و صعدني للغرفه سد الباب و كعد جوه رجلي و بده يفرك بيدي

صادق: والله تعدي بس تفسي على كيف وليدي تنفس على كيف بهدوء

شفت خوفه و زاد خوفي بديت افقد الوعي و هو يضرب خدي علمود لا يغمى علي زادت الحاله و هو بده يفر الغرفه بخوف فتح الباب و شاف الكل واكفين عاط و عيونه حمر

صادق: الاسعاف دكو عليهم

ركضت زينب ادك على الاسعاف

باسم: لبسها حجابها خل ناخذها للمستشفى

اجاني صادق و عدل حجاب لبسني العبايه و شالني وداني للسياره ركب بالصدر و زينب يمي

صادق: ياعلي احضرنه ياعلي دخيلك دخيلك يابو الحسن نادي علياً مظهر العجاب تجده عونا لك في النوائب كُل هما بغما سوف ينجلي بعزمتك يا الله ياعلي ياعلي ياعلي اللهم صل على محمد وال محمد اللهم انِ استودعك نبض قلبي ياالله يارب يارب يارب

ارتاحيت و اني اسمعه هيج يحجي غمضت عيني فاقده للوعي بس على وجهي ابتسامه باهته انتهت الحاله بس اني تعبت و من كثر التعب فقدت الوعي

صادق: ياعلي ياعلي دخيلك ياعلي

دخلت المستشفى و ماعرفو شنو بيه ظل قلق لحد ما بحث عن الموضوع و عرف ان هاي الحاله هي نوبة هلع تصيب الشخص من يحس بالخوف او التوتر الزايد رجعنه للبيت

ظليت كاعد يمها و اني كل شويه ابوس بيدها نمت
__

جنت كاعد بالبيت وحدي لحد ما خطر على بالي اسمع باسم طلعت باسم و بديت ابچي بجيت اوه من تذكرت موت اهلي

_
العوده للماضي

صلاح: حسن حسين تعالو

حسن: ها بابا؟

صلاح: حسين وين؟

حسن: بابا جاي يدرس

صلاح: صيحها الي

رحت اصيحه

حسن: حسين بابا يردنا تعال

ركضنه اني و حسين و كفنه كبال بابا

صلاح: هاك

حسن: الله

حسين: الله

صلاح: راح نروح اني و امكم لكربلاء و راح تجي خالتكم هنا يمكن خوش؟

حسن و حسين: اي بابا

رحنه نلعب بالالعاب و فعلا راحو لكربلاء و اجتي عمه كعدنه و مر اليوم بهدوء لحد ما اجه لعمتي اتصال

شخص: السلام عليكم

عمه: وعليكم السلام

الشخص: ليكنه جثتين على الخط السريع و هذا احد الهواتف من الجثتين

نزلت صاعقه علينا كلنا خوفا ان هذا فعلا جثته ابونا

العمه احلام: م-ممكن تكول شنو الجنس؟

الشخص: رجال و مره تتراوح اعمارهم بين ال50-40

وكع الموبايل و ركضنا للمستشفى بعد ما عرفنه عنوانها طلعو حاطينهم بالثلاجه

كعدت بهدوء بالكاع و صافن صافن بالاشيء وكف الزمن بيه شفت اخوي ينهار كدامي و يبچي يريد ماما عمتي تبچي و تصرخ باعلى صوتها وكف بيه الزمن فجاة بصرخه من صرخات اخوي غمض عينه شفتهم يركضون علي الدكاتره و عمتي تصرخ تهز بيه علمود اصحى اجه صوت صفير باذني عالي كلشي صار بثواني بديت اضحك بقوة و الدموع تنزل من عيني فقدت امي و ابوي و هسه فقدت اخوي عضيدي الي كلت راح اتحمل علموده كلشي راح من ايد باقل من الثواني وكفت على حيلي و اني طفل شنو شكد يطلع عمري بوكتها؟ 9 لو 10؟وكفت و كلت بهدوء

حسن: ادفنوهم

انصدمت عمه شلون وكفت و كلت هيج صفكتني بقوه تريدني ابجي تريدني اطلع حركة كلبي بس اني ماكو مجرد شعور بالوجع كلبي يوجعني غصه بصدري بس ماكدر اطلعها

حسن: شنو منتظرين ادفنوهم اكرام الميت دفنه

فعلا بدو يدفنون و خلصنه رجعت للبيت الي جنت اعيش بي وياهم كل ركن عندي ذكريات بي حسيت بضيق و غمضت عيني مدري نمت مدري انغمى علي المهم انفصلت عن هذا العالم اجو ثاني يوم الناس تعزي و يلطمون تجاهلت كلشي و صعدت لغرفتي اني و حسين دخلت قفلت الباب و فتحت الكنتور شفت اغلب ملابسنه متشابها حتى جنه نتعارك عليهن نزلت دمعتي و شفت اللعبه الي جابها النا ماتهنينه بيها كضيته و حضنت مال حسين صرخت اخيرا صرخت طلعت الي بداخلي بس للاسف حطيت مخده بوجهي و بديت اصرخ باعلى قوه عندي مرت الايام و تمتي اطرت ترجع زوجها جان قاسي من اخذتي وياها بيوم رحتلها

حسن: اريد ارجع

احلام: وين؟

حسن: لبيتي

احلام: بعدك صغير وين تعيش وحدك؟

حسن: مالكم دخل اني اريد ارجع مابقى هنا على ذلة رجلج ارجع لبيتي عسى ما اموت

سكتت احلام و فعلا رجعتني للبيت حضرتلي هواي اكل بالمسواك الي جان موجود تمر الايام و عشت شلون ما جان الصبح ادرس و باقي النهار اطلع بالشارع اروح للاسواق ارتبله البضاعه جانت هاي اسهل شي ممكن اسوي لحد ما كبرت و وصلت للعداديه جنت اني ادير المحل للرجال الجبير (حجي سعد) جنت انظف و ارتب المحل و حتى خط يمي المفتاح يوم واحد ما انباك المحل و اني جنت ابيع و اروح اشتري المسواك مال المحل و مسواك للبيت مالته و هم الي جنت اجيبلي بس الاشياء الضروريه و اكثر من الطماطه و البتيته علمود اسويهن و اسوي وياهن جاي و اكل بهدوء
__
عوده للحاضر
__
باوعت للبيت صار وكت اذن صاح المسجد الي قريب عليا

: الله اكبر الله اكبر لا اله الا الله لا اله الا الله

طفيت القصائد و بدلت طلعت و اني اصلي على محمد وصلت للمسجد رحت توضيت و بديت اصلي بي جان المسجد الي كضه والدي بي نص عمره او نكدر نكول فترة زواجه من امي رجعت للبيت نزعت ملابسي حطيتهن على صفحه لبست ملابس البيت و بديت اطبخ لنفسي سويت بتيته و چاي جبت الصمون وياي من اجيت كعدت اكل بهدوء لحد ما دك تليفوني رفعته

حسن: السلام عليكم؟

جواد: وعليكم السلام

حسن: هلا حجي جواد خيرك خوما صار شي؟

جواد: لا والله بس شو شفتك سكتت على الموضوع

حسن: والله يا حجي لا بنتكم ردتلي خبر و لا باسم

جواد: ليش باسم مو يمك؟

حسن: لا والله

جواد: يا ستار اني دزيته يكلك موافقة الابنيه

حسن: دخيلك ياعلي هسه اني راح اكوم ابدل و ادور عليه اشوفه خاف بالكهوه

سديت الموبايل و عفت كلشي بدلت بسرعه و كمت ادور على صاحب عمري اجتي افكار براسي خاف مات خاف عافك خاف و خاف ووووو دكيت عليه

باسم: الو السلام عليكم؟

حسن: ب-باسم انتَ وين؟

باسم: يم صادق

حسن: شكو؟

باسم: كلت امر اباركله

حسن: رجع من ايران؟

باسم: اي اي رجع الحمدلله

حسن: خوفتني عليك

باسم: اعتذر خويه

حسن: ابوك خابرني عباله انتَ يمي

باسم: مانتبهت للموبايل

حسن: يلا الله وياك

سديت الخط و كعدت بتعب ما جان الي حيل الفراق مره ثانيه باوعت و نمت بتعب تعبت من الدنيا و مادري شوكت تخلص

__
جنت كاعده لحد ما سمعت ابوي يصيح

قاسم: ملاك ملاك

ملاك: ها يابه؟

قاسم: البسي عباتج و روحي لزوجة ابن عمج نايمه بالفراش ساعدي زينب

ملاك: حاضر راح اروح

ركضت لبست عباتي و طلعت دخلت البيت و اني اركض لغرفة زينب اريد افتهم

ملاك: شكو زينب؟ شنو صار؟

زينب: ياريتني ما حجيت كله من وراي اني اني العوبه الي ماعرفت تسكت

ملاك: اهدي شبيج شكو؟

زينب: شفت الممثل مال دفعتي ناشر و كايل راح تبدي الامتحانات و رحت كلت لنرجس هم و كتلها لازم نرجع لبغداد و هي ماقاريه شي من بداية السنه لان انخطبت و تزوجت و صارت عليها هوسه فا مالحكت تقره شي و اجتها حالة اسمها نوبة الهلع و كوه طلعت منها و هسه هي نايمه

شفتها تبچي بحرگه مو طبيعيه

ملاك: ميخالف اسكتي انتِ اهدي علمود نعرف شنو نسوي

زينب: ولعباس مو قصدي و كافل الخدر

ملاك: نعرف حتى نرجس تعرف مو قصدج بس هي يمكن خافت على مستقبلها

نمت بصف زينب بالكوه سكتتها ثاني يوم كعدنا و نزلت شفت صادق و رحتله

ملاك: صادق

صادق: ها؟

ملاك: اريد اصعد للغرفه اشوف نرجس تسمحلي؟

صادق: اي اي روحي اطمني عليها اليوم ما رضت تحجي وياي ساكته من كعدت لحد هسه

رحت للغرفه و دكيت الباب

نرجس: ادخل

دخلت بهدوء

ملاك: السلام عليكم

ابتسمت ابتسامه باهته

نرجس: هلا وعليكم السلام

دخلت شفتها كاعده على التسريحه و تمشط بشعره بتعب

ملاك: الحمدلله على سلامتج

نرجس: حبيبي

تحجي وياي بتعب و ارهاق ليكول هاي الحاله نزفت كل طاقتها انقهرت عليه و عفتها و نزلت لان ضلت صافنه ماحبيت ازعجها

صادق: ها؟ حجت وياج؟

ملاك : لا والله ضلت صافنه حجت كلمتين ثلاثه

تغيرت ملامحه و صعد ما سمعنه غير ركعت الباب كلنا وكف كلبنه

صادق: شكو شبيج؟ هي حالة اجتي و ها هيا ليش هيج تسوين بنفسج؟ راح توكفين حياتج علمود حالة ما دامت بس ل30دقيقه

نرجس: هاي ال30 دقيقه شفت بيها عذاب اني مو جاي ادلع اني اتكطع من تجيني الحاله و عانيت منها لسنين و ظنيت انشفيت منها و الحمدلله بس ويا اول مصيبه رجعتلي صادق اني تعبانه اني شخص مايتحمل هيج شي

حضني بقوه و هو يردد

صادق: جعلها بيه ولا بيج جعلني اشعر بالي تشعرين بي والاسوء المهم ما تشعرين بشي يضوجج

بديت ابچي بحرگه المرض اخذ طاقتي كلها بديت ابچي على صدره و جسمي يرجف ايدي صارت صفره بسبب فقر الدم تعبت غمضت عيني و اني اشهك و هو كاتم شهكاتي بصدره

نرجس: صادق

صادق: عيونه

نرجس: لا تعوفني

صادق: اموت اذا اعوفج

سكتت و غمضت عيني بحضنه رجعت نمت

تمر الايام و الاسابيع و الحمدلله عدت سلامات قررت اول سنه ااجلها لان كلشي فاتني و زينب كذالك علي الدُر نجح و طلع الاول على مدرسته رجعنه نعيش بغداد بيت صادق جانت حياتنه عاديه تمشي و الله كريم

نرجس: علي الدُر

علي الدُر: ماااا ماريدد

نرجس: علي تعال

علي: بابا بابا

صادق: شكو شنو صار؟

نرجس: ميقبل يسبح

صادق: عوفي

نرجس: راح تخبلونيي غير جان يلعب بالشارع شنو اعوفه صادق؟

صادق: ياعيون صادق هاذ شخص مايفهم عوفي ليش الحلو يتعب نفسه؟

نرحس: اي انتَ ضل هيج تعبتوني

صادق: اني؟ اهمداني اذا صدك تعبتك ياحلو

نرجس: لا عود صدك صادق شوف خل ويا علي وين اكو ابن ميسمع كلام امه؟

صادق: عاق شنو اسويله؟

عفته و رحت شفت زينب تكشر البتيته و مكمله كل الخضروات بديت احمي الزيت علمود انكلي

نرجس: زينب حبيبي

زينب: ها؟

نرجس: اريد البيتنجان

زينب: هاج

بديت اكلي البيتنجان و احطى بالجدر فوك الدجاج كملت بقت بس البتيته كليتها و الحمدلله خلصت كملت جدر المقلوبه جبت معاون و حطيت بي شويه

نرجس: علي علي ماما تعال

علي: ها ماما؟

نرجس: روح وديها لبيت ابو سعد

راح وده و رجع بدينه احنه ناكل و دُره بنتي بحضني عمرها 8اشهر

بدت تبجي و عفت الاكل و كمت اشوفها

صادق: تعالي ارجعي اكلي اني راح اكوم

نرجس: تمام

رجعت اكل لان ميته جوع شفته و هو شايلها و يطبطب عليها علمود تنام و فعلا نامت باسم خده بقوه و حركت راسها بنزعاج من لحيته

نرجس: صادقق عوفها تنام

ضحكت عليها و حطيتها بكاروكها و رجعت اباوع على التفزيون لحد ما طلع كارتون

نرجس: عوفه

صادق: شنو؟

نرجس: عوف الكارتون خل نباوع

صادق: حبيبي صدك تحجين؟

نرجس: اي وعلي عوفه خل نباوع

ضحكت و عفته جان الكارتون اسمه (غامبول) صفنت على تكشيلة العائله

ام بزونه زرگه و اب ارنب و عدهم ابن بزونه و بنيه ارنب ضحكت من عرف عدهم ابن سمجه

صادق: هسه افتهمنه البنيه طالعه لابوها ارنب و الابن على امه بزونه شنو وضع السمجه؟

نرجس: دارون؟

زينب: هذا يصير حيوان غامبول بس صار بينهم رابطه اخويها قويه صار يعتبره اخوه

علي: نفسك انتَ و باسم

ضحكت و كملت الحلقه و هما خلصو اكل لمن الصواني و سون چاي

صادق: اي والله الف رحمه

كعدت بصفه و بدينه نشرب چاي سوه

علي: بابا اريد اشرب چاي

شفت صادق و هو يشربه

نرجس: والله تضحكني من ما ترفضله طلب

صادق: وليدي هذا

مر الوكت و نام علي الدُر بحضن صادق و صادق يلعب بشعره

╚══ஓ๑♡๑ஓ══╝

اعذروني على قصر البارت بس والله مالي خلك و النفسيه تحت الصفر
╔══ஓ๑♡๑ஓ══╗
الكاتبة: رُقيه
مرج البحرين يلتقيان
╚══ஓ๑♡๑ஓ══╝

════ ⋆★⋆ ════
الحمدلله"3"
استغفرالله"3"
لا اله الا الله"3"
الشكر لله"3"
اللهم صل على محمد و ال محمد"3"
════ ⋆★⋆ ════

بخصوص هاي الاكاديميه الي نشرت عنها سابقا هي تدرس و كُل المواد بـ25 بس الي حاب يدرس يتواصل وياهم

صوره توضح كلامي

الانستا

تيك توك