رواية مرج البحرين يلتقيان الفصل الثامن 8 - بقلم ★الكَاتِبَة غَيَاهِبُ★

السلام عليكممم شلونكمم؟ 🤭🤍🤍

╔══ஓ๑♡๑ஓ══╗

البصره/الساعه
8:00

نزلت و اني لابسه العبايه و كعدت بالحديقه مال البيت لحد ما يجن البنات

صادق: زينب

سمعت صوته يصيح و هو بظهري حط ايده على جتفي و اني كمت بسرعه و ابتعدت عنه

صادق: زينب؟

نرجس: ا-اني مو زينب

صادق: اعتذر اختي اااا زينب وين؟

نرجس: ف-فوك هسه تجي

صادق: من تجي كليلها خل نصعد لغرفتي

نرجس: ها؟

صادق: من تجي زينب كليلها صادق يريدج بغرفه

نرجس: ها اي اي

عافني و صعد حطيت ايدي على كلبي يدك بسرعه ايدي ترجفف خفت رجعت كعدت على المرجوحه انتظر البنات

ملاك: نرجسس

باوعت عليها صافنه ضحكت و كتلها

ملاك: حبيبي الصفنه مو الج

فزيت على صوتها

نرجس: ها؟ تحجي ويايه؟

ملاك: اي كومي البسي حذائج راح نروح للمزرعه

نرجس: كلنا؟

ملاك: اي

كمت لبست حذائي بهدوء و انتظرت لحد ما اجتي زينب بيدها عبايتها

نرجس: زينب صادق يريدج

رفعت حاجبي و كلت

زينب: اني؟

نرجس: اي

حطت بيدي العبايه و ركضت طبت للبيت طلعو الزلم و شغلو السيارات جانن 3سيارات
سياره اخذ الزلم الكبار و سياره اخذت النسوان و سياره تاخذنه احنه البنات و ولد

نزل صادق و اجتي زينب سحبتني و خلتني اركب بسياره ركبت و ركبت بصفي ساره و ملاك و هيَ ركبت بالصدر

علي الدُر: اريد اكعد بحضن نرجس

صادق: اكعد بحضن عمتك

علي الدُر: ما ما اريد اكعد بحضنها

نرجس: تعال حبيبي زينب عبري خل يجيني

انشك حلك علي الدُر من الابتسامه و اني خزرته

صادق: يلا اكعد خل نروح

كعدته بحضني و لعبت بشعره

نرجس: شعرك خلو و ناعم ماشاء الله

علي الدُر: اي طالع على بابا شعري ناعم

ابتسمت بهدوء و كرصت خده و هوَ رجع راسي على صدري و غمض عيونه رفعت حاجبي و حجيت ويا زينب

نرجس: شنو الطريق طويل؟

زينب: ها؟ مادري صادق الطريق طويل؟

صادق: تقريبا اي نص ساعه ساعه

ماحجيت و عدلت وضعية علي الدُر شويه و طخيت زينب بجتفها

نرجس: زينب

زينب: ها عيني؟

نرجس: اريد اكل ما تريكت

زينب: ماجبنه شي ويانا بس مي

رغما عني سمعت حجيهن وكفت يم محل صغيروني بي شايب طفيت السياره و نزلت رحت جبتلها كيك و عصير و هواي اشياء و مانسيت الاندومي جبت كارتونه علمود يسون منه هسه و الباقي يضل الهن بالييت رجعت و شمرتهن على رجل زينب و ركبت مشيت بالسياره بدون ما احجي

زينب: هلا بعضيدي

ضحكت

صادق: شكد مصلحجيه

زينب: هاج نرجس انطي للبنات هم

اخذت منها الكيك و انطيت للبنات هم و العصاير هم و كعدنا ناكل بهدوء

ملاك: اكلك صادق

صادق: ها؟

ملاك: عماد شوكت رجع؟

صادق: البارحه قبل لا يجون عائلة حجي جواد

ملاك: هااا تمام

بدن البنلت يسولفن سوه و علي الدُر فز

نرجس: اسم الله حبيبي

صار صمت بالسياره و صادق ابتسمت زينب لفت علي

زينب: فز؟

نرجس: ها؟ اي

علي الدُر: ماما

باوعتلها بهدوء و كمل حجي

علي الدُر: اريد مي عطشان

فتحت المي و انطيته شرب و فرك عيونه

علي الدُر: وصلنا؟

صادق: اي يلا صحصح

كعد علي الدُر و وكفت السياره نزلن البنات و اني حطيت علي الدُر بالكرسي الي بصفي لبسته الحذاء و نزلت و نزلته وياي راح كض ايد ابو و اني و البنات ضلينه واكفين

كضيت ايد علي بهدوء و بالايض الثانيه كارتونة الاندومي طبينه للمزرعه و الكل جان كاعد متانينه

كعدنا نسولف و نضحك رحت اني و البنلت مكان بعيد علمود ننزع الاعبي و نصور

سناء: يمه يوليد

صادق: ها حجيه؟

سناء: انتَ ابن منو؟

صادق: ابن حجي مهدي

سناء: ابن وفاء

ضحكت بقوه

صادق: اي حجيه ابن وفاء

سناء: انتَ البچر صادق

صادق: اي حجيه اني صادق

علي الدُر: بابا بابا

سناء: يمه فدوه هذا ابنك؟

صادق: اي حجيه علي الدُر، روح وليدي سلم على خاله

راح علي الدُر و سلم عليها كعدته بحضنها و بدت تلعبه

سناء: وين امه؟

صادق: ترحميلها

سناء: يا الله يرحمها و هذا الطفل منو يعينك عليه؟

صادق: والله اختي زينب

سناء: زينب الحلوه؟

ضحكت و كلت: اي حجيه

سناء: ليش ما تزوج يا يمه؟

صادق: بنت الحلال ماكو

سناء: الله كريم وليدي

صادق: ونعم بالله

كملت شوي و كلت بعقلي

لو تزوجيني بنتج مو احسن ضحكت بصوت عالي و كلهم باوعولي بستغراب

صادق: ماكو شي بس تذكرت شي

كملت شوي و رحت اصيح البنات وكفت بعيد عنهم

صادق: زينب

ماكو رد تقربت اكثر بظهري

صادق: زينب

محد ترد لفيت وجهي و مشيت ادور عليهن جانت اكو وحده واكفه و مطيتني ظهرها شعرها طويل و احمر غضيت بصري بسرعه و صحت

صادق: احمم زينب

زينب: ها ها؟

صادق: يلا الاكل كمل

زينب: بنات اللبسن الشالات و الاعبي و تعالن

رحنا ويا و اني كلب يدك جان رواي بس لا شافني؟ ضل التفكير ياكل بعقلي اكل كعدنا على سفره وحدنه 

وفاء: اكلج فدوه نرجس

نرجس: ها خاله؟

وفاء: فدوه اروحلج روحي صيحيلي زينب

نرجس: وين ملاك؟

وفاء: راحت للحمامات تكرمين

نرجس: ها هيا راح اروح اصيحها

سحبت وياي ساره و كتلها

نرجس: تعالي وياي

مشينه لحد ما وصلنه لمكان مثل البيت دكيت الباب و طلعلي ولد

صادق: زينب تعالي

وكف كلبي من صوته ابتعدت عن الباب و وكفت بصف ساره

زينب: ها؟

نرجس: خاله وفاء تريدج

زينب: ولكم خل اخلص الچاييي

ضحكت عليها

نرجس: منو هنا؟

زينب: محد بس اني صادق بالطابق الثاني

نرجس: روحي شوفي خاله و اين راح احط الچاي و اجي

زينب: تمام

دخلت و حطيت الكيتلي مال الچاي ترسته مي و حطيته على النار و طلعت رجعنه اني و ساره كملنا اكل و صادق ماكو

زينب: ها ادورين على منو؟

نرجس: ها؟ مادور

زينب: صعد فوك يريد يرتاح

باوعتلها بتوتر

نرجس: منو؟

دنكت عليه و همست باذني

زينب: صادق

رجعت كمل اكلها و اني توترت باوعتلها و همست

نرجس: ضميتيله اكل؟

زينب: لا

نرجس: يااا ليش خطيه؟

زينب: مادري عوفي هو ليش ما نزل ياكل

باوعتلها و كلت

نرجس: ام بطن ضميله اكل

زينب: ماا عوفيني

كملنه اكل بدينه نشيل السفره و وكفنه نغسل ماعين تفكيري يم صادق استحقرت نفسي لان افكر بي بديت استغفر هواي و اصلي على محمد علمود ابعده عن راسي

زينب: اكلجن انزل صادق و نصعد بالغرفه؟

ملاك و ساره: اي

صعدت زينب تحاجي صادق و نزل يضحك و مدنك راسه طلع من البيت و احنه صعدنه نزعنه احجبتنه و كعدت بتعب مددت على الچربايه اخذلي نومه صغيرونه

زينب: اكلج

نرجس: همم؟

زينب: شعرج هوَ احمر لو صابغته؟

نرجس: ابوي جان صهباوي و طلعت عليه

زينب: امممم عندج صوره؟

نرجس: لا والله

ملاك: اكلجن شنو رأيجن بهذا الفستان؟

نرجس: بلا اشوف؟

انطتني الموبايل و بديت اشوفه

نرجس: يجنن اكو غير لون؟

ملاك: اكو ثلاث اللوان ماروني و اسود و ازرك

نرجس: جيبي الماروني يطلع عليج يجنن

ساره: بناتتتت

الكل: ها؟

ساره: مسوين كعده جوه تجنن تعالن

نرجس: اين راح انام

زينب: بكيفج يلا بنات

نزلن و اني نمت بهدوء كعدت على صوت فتح الباب كمت

نرجس: منو؟

علي الدُر: اني عادي ادخل؟

نرجس: اي تعال

اجه بحضني و هوَ يبچي

نرجس: شبيك ليش تبچي؟

علي الدُر: كنان ابن عمو ضربني

نرجس: ليش؟

علي الدُر: يكلي ماعندك ام ادافع عنك و شفت عمه تضحك

نرجس: عمتك زينب؟

علي الدُر: لا مرت عمو علاء

نرجس: وين ابوك؟

علي الدُر: كاعد ويا اصدقائها

كمت لبست حجابي و نزلتلهن و كفت كبال مرت علاء و بديت اصيح

نرجس: ادري ابنج وين جنتي من كايل لعلي الدُر انتَ ماعندك ام ادافع عنك؟ بالغلط اضربي ابنج علمي الادب هيج يحجي ويا؟ صادق لو يدري يسكتلج؟

ياسمين: و انتِ شعليج؟ ابنج و اني مادري؟

سحبتها من شعرها

نرجس: اني امه انتِ معليج و هسه مايفكني منج بس عزرائيل

اضرب بيها لحد ما اجتي زينب فكتها من ايدي و اجو الزلم

صادق: شكو؟

علي الدُر و هو يضحك: ماما كتلت عمه

علاء: شنو؟

ياسمين: اي اذا هاي الادبسز ساكته الها و هي تشوفها تضرب بمرة اخوها

زينب: ليش تخليني اكمل عليج؟

ياسمين: ولعباس الا اهجم البيت فوك روسكم

نرجس: انتِ تعرفين ويامن تحجين؟ اني علويه بنت رسول الله اعرف الادب و الاخلاق و من الاخلاق تعلمين ابنج ما يعاير طفل بعمره و يكله انتَ ماعندك ام لان يجي يوم و يفقد واحد بيكم بس شنو نسوي ويا ناس ماتفهم بالاخلاق

ياسمين: فال الله ولا فالج جنج بومه

دمعت عيني بقهر لان اني هم اعتبر يتيمه

نرجس: انتِ لو فاكده واحد من اهلج جان حسيتي بالي نسحه اني و علي الدُر من يوكف واحد كدامنه و هيجي كللنا بس ماكو حساس و اني من قهرتي على هذا الطفل الي فقد امه و صار علج بحلوكم انتِ و ابنج بس اسئل الله ان تطلع حوبته بيج يا حيه تس مو بيدج

كلت هذا الحجي كله دفعه وحده و كمت طلعت انضربت بصادق بس تجاهلت الموضوع و صعدت للغرفه بديت ابچي بحركه احس نار بگلبي چمر يسري بدمي

وفاء: كم مره كايلتلج علي الدُر خط احمر؟ ماتفهمين؟ لو ناويه على خراب بيتج؟

ياسمين: فد قندره هسه علي الدُر؟

صادق: هذا القندره الي ابوه معيشج و معيش اهلج و تاكلين من خيره اني ما اعيرج و مثل ما كالت البنيه كون تطلع حوبت هذا الطفل اليتيم الي ماضاك ساعه وحده من حنان امه بيج يا مرت اخوي

سحبت ابني و صعدت للغرفه سمعت صوتها تبچي

صادق: روح اكعد يمها و لا تطلع

علي الدُر: ماشي بابا

دخلت الها لكيتها تبچي

علي الدُر: ماما؟

نرجس: ها حبيبي؟

علي الدُر: اني احبج

نرجس: حبيبي اني هم

علي: بابا كلي اكعد يمج و ما اطلع منا لحد ما يجهز السياره يرجعنه

نرجس: اي حبيبي ماشي

علي: اني نعسان اريد انام عادي انام بحضج؟

نرجس: اي حبيبي تعال

اجه نام بحضني و بعد ساعتين نمت اني هم ويا

_

باسم: شكو؟

صادق: ابن اخوي كايل لعلي الدُر ماعندك ام تحميك

باسم: اي و شنو صار؟

صادق: صديقة اختي هم يتيمه فا كابه على مرت اخوي و صارت عركه

باسم: منيه؟

صادق: بنيه شنو معرفني بيها

باسم: اممم و اخوك شنو سوالها؟

صادق: ماسوه يحبها ميكدر يضوجهه

باسم: اممم هنا الحجي

صادق: حسن وين؟

باسم: راح للمزرعه

صادق: امشينه نروح ويا

رحنه سوه و اني عقلي يمها شلون تصيح عليها بحرگه ليكول ابنها ابتسمت و تمنيت لو تكون هي نصيبي

باسم: شو صافن

صادق: ها؟

باسم: بيمن صافن؟

صادق: لا ماكو شي

حسن: صادق

صادق: ها؟

حسن: اريد شغله منك

صادق: اي كول

حسن: اريدك تجي وياي علمود اخطب بنية گلبي

صادق: اي بظهرك بنت منو هيَ؟

حسن: بنت حجي جواد

صفنت و شفت باسم دنك راسه رفعت حاجبي مدري شنو اكول

حسن: اي اخت باسم

باسم: مانطيك

حسن: ليش؟ شايف عليه شي مو زين؟

باسم: سد الموضوع اختي بعدها تريد تكمل دراستها

جواد: و اختك تدري؟

التفتنه كلنا و كمنا

باسم: يابه بعدها صغيرونه

جواد: حسن ساره الك ماطول اجر النفس

راح حسن و شبك جواد بقوه بجه بحضنه و هو يبوس بجتفه

جواد: الك والله الك مو الغيرك

حسن: حجايت زلم؟

جواد: حجايت زلم

ابتسمت

صادق: چا اني هم اريد اخطب

جواد: انتَ بس كول و اني اخطبلك عوفك من ابوك

مهدي: ها شكو شنو تخططون؟

صادق: ا..

جواد: صادق يريد يخطب

مهدي: اي محمد صلوات كول منو؟

صادق: يابه بعدني مامقرر

مهدي: ميخالف كول منو؟

صادق: بنيه

مهدي: ادري بنيه چا زلمه منو هاي الابنيه؟

صادق: بنت سنا..

مهدي: والله عرفت ها هيا تعالو

صادق: يابه وين رايح؟ يابه؟ لا اله الا الله

باسم: محمد رسول الله منك المال و منها العيال

حسن: علياً ولي الله شايف خيرا اخوي

صادق: اسكتو لا اكطع الخيزرانه على ضلوعكم

ركضت وره ابوي احاول اوكفه

مهدي: وين الحجيه سناء؟

وفاء: ليش؟

مهدي: بشاره

وفاء: با الله منو صاحبها؟

مهدي: هسه تعرفين

اجتي سناء و كعدت

مهدي: جايج بشغله

سناء: اي حجي كول مايردك غير لسانك

مهدي: نتشرف نطلب ايد بنتج لابنه

سناء: يوم المنه حجي لمنو بالضبط؟

مهدي: لابني صادق

سناء: والله حجي اشوف الابنيه و هذا حقها.

مهدي: اي اي اكيد اسئليها و خل تستخير و تاخذ راحتها احنه رايديلنه مره

كامت زينب و ركضت للغرفه بدت ادك بالباب بقوه

نرجس: شكو شكو؟

فتحت الباب و وكعت علي زينب وكعنه بالكاع

نرجس: اخخخخ ظهرييي

زينب: ولجج خطبوججج

نرجس: منو؟

زينب: اخوي

نرجس: اي منو؟

زينب: حبيب الگلب صادق

علي الدُر: يعين راح تصير ماما؟

زيب: ايييي

بده علي يركص ويا زينب و يهوسون لبست عباتي و نزلت

سناء: هل نزلت و اسئلوها بنفسكم اني مالي دخل

نرجس: شكو؟

مهدي: شوفي بنيتي اريدج لابني صادق

ماحجيت و خجلت كلهم كاعدين و شفت صادق جاي من بعيد و باسم و حسن يركصون وره لبدت وره ساره بخجل

مهدي: ها؟ نقره الفاتحه

نرجس: مادري اسئلو ماما

سناء: اين شعليه اين راح اتزوجه لو انتِ؟

نرجس: مادري بكيفكم

جواد: نقره الفاتحه؟

هزيت راسي بخجل و مشيت بسرعه للبيت دخلت و بديت اضرب بزينب بخجل لان جاي تركص

زينب: يااا و ابوي ما كادر بس على امي؟ اني شعليه

ساره: منه المال و منج العيال

ملاك: شايفه خير حبيبي

زينب: وهلااااا و نرجوسه صارت زوجة اخويييي

ملاك: چا غير اخوج الشفيه يطلبني من ابوي

زينب: والله ما يحجي هذا اخرس

علي الدُر: ماما جدو يكول تعالي يردونج

نرجس: ما ما انزل

زينب: شنو متنزلين؟

نرجس: ماااا ماريد

ملاك: تعالي وياي

ساره: اين هم وياج امشي

مشيت وراهم نزلنه و صلنه الهم

مهدي: شوفي بنيتي صادق يريد يحجي وياج

نرجس: ش-شنو يريد؟

صادق: شوفي اذا ماترديني كولي عادي بس اني افضل تصلين صلاة الاستخاره و اذا ماحسيتي براحه نلغي الموضوع و عادي

نرجس: م-مادري

ضحكت عليها صادق: شنو متدرين؟ متعرفين تصلين استخاره؟

نرجس: اعرف

صا. ق: صليها و صليها امثر من مره و انتظرج سنه و براحتج

عماد: اني هم اريد

مهدي: انچب انتَ

عماد: والله ما اريد شنو چا بس صادق و حسن يخطبون و اني شنو ناقصني؟

جواد: حاط عينك على بنيه؟ علمود نفضها

باوعت على ملاك و ابتسمت

جواد: هلاو هلاو هاي كلهم عشاق ولهانين

باسم: وين الكه بنت الحلال اني اهههه اههه يائلبي المئسور

حسن: دسكت دسكت فشلتنه

باسم: دنچب خل اعيش اللحظه

خوله: حسن خطب منو؟

جواد: خطب ساره

ساره: هااا؟

حسن: هااا؟

باسم: بقت عليه هااا؟

ضحكنه على باسم و كال حجي جواد

جواد: شكو؟

ساره: لا ماكو شي

جواد: اني انطيت كلمه لوليدي حسن انتِ اله

حسن: ساره ترديني لو لا؟

ساره: ماعرف

باسم: خرب انه خل وحظه بيجن تحجي علمود يصير عرس و اركص

نرجس: و تركص على حسابنه انطي مجال

باسم: حجت العلويه كلها تسكت احتراما لبنت رسول الله

نرجس: اني اصلي و بعيدن اكللكم

ساره: اني هم

الكل: ها هيا هذا حقهن

علي الدُر: يعني هسه نرجس صارت امي؟ يعني صار عندي ام؟ صح؟

زينب: اي صح

علي الدُر ركض لكنان و طلع لسانه

علي الدُر: على عنادك صار عندي ام و احلا من امك هم

كنان: اي شفت تره

ركص علي الدُر كدامه و كلنه ضحكنه باوعنه لصفا وجهه انكلب و ياسمين هم

ياسمين: اي هم تجي وحده تنظف البيت

وفاء: البيت نظيف و الحمدلله بس شنو نسوي اذا اكو نواسن قذره عليشه بي

ياسمين: شنو تقصدين عمه؟

وفاء: والله كلمن و تفكيره

علاء: ياسمين اسكتي

باوعت لزينب طكتها بضحكه و كرصتها ملاك

زينب: اوي شنو مايصير اضحك؟

باسم: مو وكت ضحك

زينب: وانتَ منو اصلا؟

صادق: زينب لسانج

زينب: ماشفته ليش يدخل؟

صادق: زينب اخذي البنات و اصعدي

مشيت و اني مطنكره

باسم: عنيده

صادق: انطم انتَ الثاني

حسن: اكلكم ساره اخذها مالي دخل و اني ماشي وره حجايت حجي جواد هسه لو تصير جنازه هنا اخذها اخذها

باسم: دكافي شلحيت الا اكوم امرعدك بالكاع يلا تسكت؟

صادق: اسكتو جنكم زعاطيط، بابا علي الدُر

علي الدُر: ها بابا؟

صادق: روح يم عمتك زينب

علي الدُر: ماما وياها؟

صادق: اي اي روح

ركض علي الدُر و صعد يمهن بديت الم بالشاويات و ارتبهن و اصعد اغراضنه للسيارات علمود نتوكل

مهدي: صادق بويه سويلنه چاي مالتك الي على الفحم

صادق: صار يابه، باسم حسن عماد تعالو وياي

كمنه و بدينه نسوي الچاي

عماد: صادق حجي قاسم وين

صادق: بيته وين يعيني

عماد: ولكك هل ذكاء منين؟

صادق: جهد

عماد: لا والله صدك وين؟

صادق: مادري ،  بس هو بالبيت بس ماكدر يجي ويانا

باسم: منو حجي قاسم؟

صادق: ابو ملاك

حسن: باسم

باسم: ها؟

حسن: ضايج مني؟

باسم: لا ليش؟

حسن: وعلي و داح الباب اذا ماتريد اتزوجها وعلي اوكف هذا الزواج باسم انتَ اخوي ماريد تعوفني عليك الله راضي لو لا؟

باسم: الك مو الغيرك و انتَ اخوي و عضيدي

باوعله حسن و كام حضنه بقوه بادله الحضن باسم و خلص على هاي اللحظه ودينه الچاي للحجاج و كعدنه وياهم بس كل واحد باله يم شغله حسيت بطاقة حزن ملت جسمي كمت بصعوبه و رحت للمطبخ توضيت و فرشت السجاده صليت ركعتين ز بديت اسبح و استغفر ربي ماردت الحزن يملي قلبي و اني على طريق الرحمـٰن اتعوذت من الشيطان و حصنت نفسي و كمت صحنه الكل و رجعنه نفس الجيه جنت بالطريق امشي و علي الدُر كاعد بحضن نرجس و هي تلعب وياه كملنه الطريق و وصلنا الف الحمدلله نزلنه كلشي ووطبينه للبيت نمنه كلنا و اتفقنه باجر العصر كل واحد يروح لبيته

__
البصره/الساعه7:00 صباحا

نزلت بتعب و كعدت بالحديقه على المرجوحه اهز نقسي و اني مغمضه عيني

سناء: ها يمه شو كاعده هنا؟

نرجس: لا ماكو شي بس كعدت اصلي و بعد ماكدرت انام

سناء: امم شنو كلتي؟

نرجس: على شنو؟

سناء: على زواجج من صادق

نرجس: مادري بعدني افكر

سناء: صليتي؟

نرجس: اي اربع مران

سناء: شوكت؟

نرجس: هسه قبل لا انزل يعني وره صلاة الصبح

سناء: و شنو حسيتي؟

نرجس: راحه و سعاده

سناء: صلي بعد و شوفي

نرجس: تمام

وفاء: شو كاعدات هنا؟

سناء: وين روح كلنا نطلع هنا نحجي شويه

وفاء: هسه شويه و ينزلون علمود نتريگ سويه

كعدن يسولفن و بالي مو يمهن ظليت افكر بهواي اشياء اتمنيت لو وحده من البنات يجن

نزلت زينب و شعره مخربط ز تفرك بعينها و الشال على ركبتها ضحكت عليها

زينب: شلونج يمه شلونج خاله

وفاء: هلا يمه

سناء: هلا هلا

كعدت بصفي و حطت راسها على حجري و رادت تنام لعبت بشعرها

نرجس: تعاي بالمطبخ نحجي

رحنه للمطبخ و كضيت ايده

نرجس: احلفي اخوج رجال متدين و يخاف الله؟

زينب: ونظر عيوني اخوي ولد زين و يخاف الله

نرجس: يعني اوافق؟

زينب: و بهاي الرگبه

نرجس: اني صليت اربع مرات و بيهن كلهن حسيت براحه و سعاده

زينب: اي ها هيا

نرجس: اي ها هيا

نزلن البنات الباقيات

ملاك: صباح الخير

ساره: صباح الخير

نرجس: صباح النور

زينب: صباح النور

نزلو الكل و الشباب راحو للمضيف بدينه نسوي ريوك و سوينه سفرتين سفره للنسوان و سفره للزلم اجه صادق و عماد و علاء ياخذون الاشياء

صادق: زينب الصمون و الخبز

علاء: زينب الچاي

عماد: زينب مي

زينب: شنووو شنوو دوختونيي نرجس انطي الخبز و الصمون لصادق انتِ الفاهيه ملام انطي لعماد المي و انتِ ست الحسن كومي انطي لرجل الچاي لاتكعدين هيج

توترت و كمت شلت الخبز و انطيته لصادق و ماعرفت شنو اسوي

صادق: الصمون

نرجس: ها اي اي

انطيته الصمون و طلع و هو يضحك كعدت بتوتر

نرجس: عفيه اخوج يوتر

زينب: اي كلش

ملاك: اني راح اروح

نرجس: وين؟

ملاك: لبيتنه

نرجس: وين صاير؟

ملاك: بالفرع الي بصفهم

نرجس: توصلين بالسلامه

طلعت ملاك و هيَ زعلانه لاحظت الوضع بس سكتت

زينب: يلا كومن نتريك

رحنه تريكنه و كملنه بدينه نغسل مواعين خلصنه و كعدنه صار وكت الغده وكفنه نسوي الغده طلعو الشباب يشوون السمج و احنه سوينه التمن الاحمر و البصل و الطرشي و الخضره حضرنا كلشي بدينه نصب و صادق يجيب بالسمج

عماد: ملاك وين؟

زينب: راحت ابوه دك عليها

ضاج عماد كلش و بده يركه بالاشياء و وكع على ايدي مي حار

زينب: اخخخخ

فز عماد و ركض عليها

عماد: اسف مو قصدي

زينب: ايدي ايدي. تحركنيي

صادق: شكو؟

جابولها المرهم و حطو كامت تبجي و هي تلوي بنفسها

زينب: ايدييي توجعني حيل

باسم: ناخذها للمضمد؟

صادق: اي اي

لفيتلها الشاله و رحت وياهم وصلنه للمضمد حطلها مخدر و مرهم و لفها الها

المضمد: حرك طبيعي بس جلدها حساس

رجعنه و اني كاعده يمها ابچي وياها

صادق: هسه هيَ محتركه و تبچي انتِ تبجين ليش؟

نرجس: خطيه انقهرت عليها

ضحكو عليه و طبينه للبيت كعدت و احنه كملنهالاكل و بدينه ناكل و اني اوكلها لان ايدها اليمنه الي احتركت كملنه و وكفت اني و ساره نغسل الاماعين و نظفنه البيت و خلصنه

سناء: ها يمه نرجع؟

نرجس: ها؟ اي اي بس خل انظف المضيف و نروح

دخلت للمضيف و لكيت صادق كاعد عدل كعدته من طبيت

نرجس: ب-بس اريد انظف

صادق: اني انظفه

نرجس: لا اني انظفه بس اريدك تطلع

ضحك و طلع اجه علي الدُر

علي الدُر: شو بيبي سناء تكول راح ترحون صدك؟

نرجس: اي حبيبي

علي: ليش؟

نرجس: وراي جامعه

علي: يصير اجي وياكم؟

نرجس: لا حبيبي ميصير

علي: ليش متحبيني؟

نرجس: لا حبيبي احبك بس لازم تبقى ويا ابوك

علي: ليش اني اردي اضل وياج ماريد ابوي

ضحكت عليه نرجس: ليش تبريت من ابوك؟

علي: عصبي ماريده

نرجس: ممم و ليش تخلي عصبي؟

علي: هو ميرضى اللعب بالايباد

نرجس: اي غير انتَ بفترة مدرسه؟

علي: اسف

نرجس: اوعدني بعد ماتخلي ابوك يعصب؟

علي: وعد

نرجس: هاي بوسه لعلي الشاطر

بسته من خده و هو باسني من خدي ضحكت و كملت كنس خلصت وكفت طكطكت ظهري مامتعوده على هيج بيت جبير و ماشاء الله جان نفس القصر

زينب: اسفه حبيبي تعبتج

نرجس: لا عادي

زينب: بس مو تغيرين رأيج؟

نرجس: بشنو؟

زينب: بزواجج من صادق

ضحكت عليها

نرجس: لا ما اغير

سناء: يلا نرجس ما خلصتي؟

نرجس: اي اي خلصت

رحت ابدل و لبست عبايه ثانيه من نرجس غير الي نظفت بيها لان تبللت من المي

نزلنه و لكيت امي واكفه يم صادق استغربت بس وكفت يمها

سناء: صادق راح يوصلنه

نرجس: تمام

باسم: ابو نسر

صادق: عيونه؟

باسم: سالمه عيونك بس اريد اعرف راح ترجعون لبغداد؟

صادق: اي بس متاني زينب و علي يجون

باسم: اي ها هيا توصلون بالسلامه انا وراكم جايين

صادق: اي ها هيا

زينب: شويه

وخر باسم و ركبت زينب يمي و علي الدُر اجه بحضني طلعت حلوياته و ضلينه كاعدين تحركت السياره متوجهين لبغداد

مشينه شويه و استاذن صادق يطلع باسم طلع قصيده  بديت اردد وياها دون علمي ان صوتي طالع كملنه الطريق بتعب و الحمدلله وصلنه
وصلنه اني و امي اول و بست علي الدُر و زينب و دخلت للبيت و جبيت رواهم مي

تمر الايام و احنه على نفس الحال لحد ما راسلتني زينب

___
زينب: اكلج انطيني رقم امج

نرجس: دقيقه 077. . . . . . . . . . .

زينب: دقيقه

بعد خمس دقايق

زينب: شوفي شويه و احاجيج

نرجس: تمام
____
شويه و سمعت صوت الموبايل

جاوبت امي و ضلت تكول اي اي ان شاء الله على بركة الله

نرجس: شكو؟

سناء: راح يجون يخطبوج رسمي

عرفت منو سكتت و رحت لغرفتي تمر الساعات و خلص اليوم بسلامه
___
بغداد/الساعه 4:30عصرا

اندك الباب و راحت امي تفتح دخلو ابو صادق و صادق و امه و اخته و علي الدُر و عماد و علاء و ملاك هم اجتي و ابوها حجي قاسم  و مرته زهراء

كعدو و الحمدلله جان الجو هادئ دخلت وزعت العصير و وصلت لصادق اخذه و حط جكليته بالصينيه ابتسمت و طبيت للمطبخ

شويه و دخلت امي بقت كم دقيقه و طلعت كلتلهم موافقه

صار صوت الهلاهل عالي و اجتي زينب حضنتني و هلهلت و ملام هم نفس الشي طبت خاله وفاء و هم هلهلت و حضنتني دخلت خاله زهراء و هم سوت نفسهن قرو الفاتحه و الحمدلله باركو لصادق رفعت عيني لكيته لابس دشداشه بيضه حلوه علي و سبحه بيده ابتسمت بخجل و بسرعه وخرت عيني مشت الايام بخير و

اجه يوم عقد القرأن لبست فستان  ابيض و حطن جوه رجلي مي   و ورد  محمدي و جوه ايدي قرأن و بين اصابيعي هيل اجتي زينب هي الي تخليلي و هي تخلي الهيل بدت تحجي

زينب: اللهم صل على محمد و ال محمد
اللهي اللهي بالميامين هدى من بني هاشم بخاتم النبيين اخي الوحي ابو القاسم بمن صام بمن صلى بمن تصدق بالخاتم بمن اثر بالقرص ثلاثا و طوا صائم بمن ردت له الشمس ببابل و الملا عالم بحق البضعه الزهره بحق بضعة الزهره بحق البضعة الزهره و هي ست النساء فاطم بالمسموم بالمقتول ظلما فالعن الظالم بالسجاد بالباقر بالكاظم بالمدفون بال طوس علي و ابنه العالم بحق العسكريين و المنتظر القائم اللهم بارك لهما و بارك بينهما و جمع بينهما بخير

ضج الكل و حتى زينب: اللهم صل على محمد و ال محمد

باوعت عليها بدموع

نرجس: شكرا

باست خدي و كملنا اليوم بخير و سلامه

راحو المعازيم و ضلينه بس احنه

صادق: احمم

سناء: شوف خاله خل احجيلك لان نرجس تستحي

صادق: اي تفضلي خاله

سناء: عرس متريد و تريد تروح للرضا

صادق: من عيني

سناء: اي ها هيا

صادق: اليوم راح تبقى يمكم و الاسبوع الي يجي ان شاء الله نسافر للرضا

سناء: تمام

كامو و قبل لا يطلع اجه و كف يمي و باس خدي و حط بجف ايدي جكليته و طلع

مر الاسبوع بخير و سلامه و صار يوم السفر جهزت نيشاني و سافرنه بس اني ويا للرضا حجزنه بيت و بيوم جنه طالعين و اني كاضه ايده مرينه من محل يبيع محابس و احجار دخل صادق

صادق: السلام عليكم

صاحب المحل: وعليكم السلام

بده صادق يحجي فارسي ويا و اني كلشي مافتهمت لحد ما طلع صاحب المحل حجرين من نفس النوعيه و نفس النوعيه بالاوان مختلفه ثنين خلصنه و من طلعنه

نرجس: هاي المن؟

صادق: ثنين النا اني وياج و الازرك لعلي الدُر و الوردي لزينب

نرجس: هذا عقيق؟

صادق: اي حبيبي عقيق

نرجس: يالون جبت؟

صادق: الي و الج بنفسجي

ابتسمت و كملنه طريقنه رحعنه للبيت و نمنه بهدوء و مشت الايام لحد ما خلص و رجعنه للعراق استقبلونه بجكليت و هلاهل دخلنه لبيت صادق و الحمدلله جانت فرحه ما تنوصف

╚══ஓ๑♡๑ஓ══╝

4083 كلمه
لحد يكتب طولي بالبارت كتبت لحد ما راسي صدعع😂😂

╔══ஓ๑♡๑ஓ══╗
الكاتبة: رُقيه
مرج البحرين يلتقيان
╚══ஓ๑♡๑ஓ══╝

════ ⋆★⋆ ════
الحمدلله"3"
استغفرالله"3"
لا اله الا الله"3"
الشكر لله"3"
اللهم صل على محمد و ال محمد"3"
════ ⋆★⋆ ════
ا

لانستا

تيك توك