تحميل رواية «مرج البحرين يلتقيان» PDF

السلام عليكمم شلونكم مشتاقييننن؟

اليوم راح اشوفكم الاشباه اوكِ؟

يلاااا

علي الدُر و هو طفل 🤏🏻

علي الدُر من كبر

دُره و هي صغرونه🤏🏻

من كبرت

نختم عائلة صادق بعيونه

فاطمة بنت حسن

خلصنهههه هذولي الابطال المهمين ادعو ماتصيرلي مصيبه 😂😂

يلا مع السلامه

الانستا

التيك توك

السلام عليكم و رحمة الله و بركاته شلونكممم؟ 😂😂🤍

عمي مشتاقيننن🌚🌚🌚🤍

╔══ஓ๑♡๑ஓ══╗

مرت الاشهر على خير و ماكو مشاكل الف الحمدلله ياسمين اجتي و تعذرت من يمنه و علاء طلعها بيت وحدها بس قريب علينا و اليله اول ليالي شهر محرم الحرام دخل على بيتنه سكون و حزن كلنا عقولنه يم الحسين(عليه السلام) اجه شهره و لازم ننطي حقها

صادق: نرجس وينج؟

نرجس: ها ها؟

ركضت و وكفت يمه اباوع منتظرته يحجي

صادق: لا اله الا الله نسيت شنو ردت

ضل صافن فتره يلا تذكر

صادق: اي الليله اول ليالي محرم طلعي الملابس السود و غسليهن و الرايات مو تنسيهن يلا حبيبي

نرجس: اي اي طلعتهن بس التهيت و ما غسلتهن هسه اغسلهن

صادق: شنو مسويه غده؟

نرجس: سويت تمن ابيض و تبسي

صادق: اروح فدوه لديناتج الحلوه

ابتسمت و عفته و رحت اكمل شغلي سمعت صوت باسم من الشاشه الي بالمطبخ رفعت راسي

نرجس: صادق علي الصوت خل يجيني

صادق: صار

علاها و سمعت جانت قصيدة خطار اجاني عفت كلشي و نزلت دمعتي صفنت شلون طفله تحجي هيج و بهاي الحزن كزبر جسمي من ذكرت السيده رقيه(عليها السلام) كملت شغلي و حطيت الملابس السود رحت احضر الصينيه الي راح ناكل بيها

زينب: ولجج نرجسسس

نرجس: ها؟ خيرج؟

زينب: النتائج

نرجس: مال منو؟

زينب: اخذي نفس عميق

سحبت نفس عميق و هديت نفسي

زينب: ناجحينننن

نرجس: كولي وعلي؟

زينب: وحك داحي الباب

ضحكت و رحت كلت لصادق

نرجس: صادق

صادق: همم؟

نرجس: عوف الموبايل و باوعلي

صادق: يلا باوعت

نرجس: انتَ مو كلت اذا تنجحين اجيبلج ذهب؟

صادق: اي؟

نرجس: يلا وينه؟

صادق: دخيل علي شكوت لحكتن؟ ولجن اني الاستاذ و بعدني ما ادري

زينب: استخبارات

صادق: حاضر من عيني اجيبهن الج

نرجس: سالمه عيونك

رجعت كملت و صبيت الغده كعدنا ناكل اندك الباب

كمت افتح الباب

صادق: منو؟

فتحت الباب و لكيته علاء ابتسمت

صادق: نرجس طبي جوه هذا علاء

كمت و طبيت عفتهم ياكلون سوه

طبيت و وياي اخوي كعدت بمكان نرجس و خليت علاء يكعد بمكاني سحبت اكل نرجس و خاشوكتها و خليت علاء ياكل من ماعوني

علاء: ايي هذا الاكل الزين مو اكل المطاعم

صادق: اكل اكل

علاء: والله لو ما المره رايحه لامها جان تغديت من اديها

صادق: الله وياها ميخالف يا خويه

علاء: راح تخليني ابجي

ضحكنه و خلصنه كام علي الدُر و ركض لنرجس

علي: ماما

نرجس: همم؟

علي: شنو راح تاكلين؟

نرجس: مادري عود اسويلي اكل بعدين

راح علي الدُر و شويه و اجاني و بيده ماعونه

نرجس: ها شكو؟

علي: تعاي اكلي وياي

نرجس: حبيبي

كعدت اكل ويا و من خلصت تانيت زينب لو صادق يجيبون الصينيه بس محد اجه

نرجس: علي

علي: ها ماما؟

نرجس: روح شوفهم خلصو اكل؟

علي: تمام

علي: ماما تكول خلصتو اكل؟

غص علاء و صادق طكها ضحكه و زينب غطت وجهه بالثوب من الفشله

نرجس: يا ذكي كتلك شوفهممم

صادق: نرجس حبيبي

سمعت صوته بظهري باوعت بخجل عليه

نرجس: والله ماكلتله هيج يكول

صادق: اعرف اعرف هاي سوالف علي يسويها من  يضوج من احد

ضحكت بخجل و كملنه حضرتلهم الچاي و خلصت الحمدلله كعدو يشربون چاي و اجتي زينب كعدت يمي لان بدو يحجون بالشغل ما مر اقل من ساعه و سمعت صوت الباب الرئيسي

صادق: علاء اخوي راح

طلعت نظفت البيت ويا زينب و خلصنه كل واحد صعد لغرفته

جنت نايم على الچربايه و نرجس على التسريحه جاي تمشط شعرها

نرجس: صادق

صادق: عيونه

نرجس: احمم اريد شي

صادق: شنو؟

نرجس: اريد اروح لامي اشتاقيتلها

باوعت عليها و بلعت ريقي

صادق: تباتين؟

نرجس: اي اربع ايام

صادق: صار، شوكت تردين؟

نرجس: بكيفك وكت فراغك

صادق: الله كريم

عفتها و طلعت من الغرفه ركبت السياره و بديت افتر مرت ساعتين و اني بس افتر حتى ضجت نزلت يم السوبر ماركت جبت حلويات و اشياء للبيت شفت كارتونة الاندومي و ضحكت شلتها و هم حاسبت عليهن طلعت حطيت الاغراض بالسياره و رجعت للبيت

صادق: نرجس زينب

نرجس: ها؟

صادق: هاج اخذي من ايدي

اخذت من ايده و طببتهن للمطبخ نزلت زينب

زينب: اندوميييي

شلت الكارتونه و طلعت منهن ثنين و ردت اسويهن

صادق: احمم نرجس

نرجس: ها؟

صادق: اذا مابيها زحمه يصير تاخذين زينب وياج؟

نرجس: وين؟

صادق: لبيت اهلج

نرجس: اي عادي بس ليش؟

صادق: عندي شغل بالبيت و راح يجون الولد

نرجس: خاف تريد تخوني؟

زينب: اي اي يريد يخونج

صادق: تعرفين عليا هيج؟

نرجس: شمدريني اني بيك

صادق: لا والله صدق اخذي زينب و الجهال وياج

نرجس: اي ها هيا صار بس شكوت تاخذنه؟

باوعت للساعه اخذتلي صفنه الساعه بال7:30بليل

صادق: هسه؟

نرجس: اي يلا خل اروح الم جنطتي زينب يلا بسرعهه

صعدنا كل وحده لمت اغراضها و لبست علي و خليته ينزل لبست عباتي و نزلت

صادق: يلا نتوكل على الله

رحنه و ماطولنا نص ساعه احنه يم بيت امي نزلت و دكيت الباب طلعت امي و سلمت عليها

نرجس: اشتاقيتلج

سناء: يمه بنيتي تفضلو تفضلو

دخلن البنات و صادق ما دخل

سناء: تفضل وليدي

صادق: لا حجيه مستعجل والله

سناء: اتفضل بس اشرب چاي

صادق: على غير مره بس لو تصيحيلي نرجس

سناء: صار

سناء: نرجس تعالي صادق يريدج

نرجس: ها؟

صادق: هاج هاي فلوس خليها يمج و اي شي تسوينه خابرنيي تمام؟ حتى لو طلعين للاسواق تره مخلي يمكم نشرة اخبار

نرجس: منو؟

صادق: علي الدُر الله يسلمج يحب ينقل

نرجس: توكل حبيبي توكل

صادق: مثل ما كتلج و اني فتره و اجيج من اخلص البيت

نرجس: ان شاء الله يلا الله وياك

شفته ركب السياره و طبيت دك هورن فتحت و اشرلي بيده مع السلامه ابتسمت و سديت الباب دخلت و لكيت امي تحجي ويا زينب و مندمجات كُلش شفت علي الدُر يتلفت و يفحص البيت بعيونه كعدت يمهن

نرجس: احمم ماما

سناء: ها بنيتي؟

نرجس: اريد اسوي شي

سناء: احجي شنو؟

نرجس: اختبار حمل بس استحيت اكول لصادق ينزلني يم الصيدليه

سناء: اي بعيني اني هسه راح اطلع اجيبلج و اجي

زينب: نكول مبارك؟

نرجس: مَدري الله كريم هسه تجيب و نشوف متوتره اني

زينب: ليش ما رحتي انتِ؟

نرجس: وين؟

زينب: للصيدليه

نرجس: حلفني

زينب: ولا يجوز من سوالفه

نرجس: عجزت ويا

زينب: ادر يشبيج متوتره؟

نرجس: مادري مادرييي

زينب: اهدي ماكو شي

نرجس: ان شاء الله

علي الدُر: ماما

نرجس: ها عيوني؟

علي الدُر: بيبي وين راحت؟

نرجس: راحت للصيدليه هس تجي

علي الدُر: اريد اشتري

نرجس: اني اشتريلك حبيبي بس خل تجي بيبي روح العب بسيارتك

راح علي يلعب بسيارته و اني متوتره اندك الباب و ركضت

نرجس: منو؟

سناء: اني يمه افتحي

فتحت الباب و انطتنيالعلاكه سويت الاختبار و حطينه علمود نشوف مرت فتره و احنن كلنا متوترين مر الوكت و شلتها اريد اشوف طلع خطين بس خط خفيف

نرجس: ماما شوفي

سناء: لو نروح نشوف يم الدكتوره مو احسن؟

نرجس: و صادق؟

سناء: كليله

نرجس: و اذا لح الا يعرف؟

سناء: جربي حضج لح كليله ليش رايحه ما اح ها هيا

نرجس: تمام اروح احاجي بغرفتي

شلت موبايلي و رحت لغرفتي فتحت الباب و طبيت سديته و كعدت على جربايتي بتوتر دكيت على صادق فتره و رد

صادق: السلام عليكم

نرجس: وعليكم السلام

صادق: اشتاقيتلي؟

نرجس: هاه؟ لا بس اريد احجي وياك بشي

صادق: خيرج؟

نرجس: اريد اروح للدكتوره

صادق: مال شنو؟

نرجس: نسائيه اريد اشوف شي

صادق: اي شنو؟

نرجس: شوف اني سويت اختبار حمل و طلع خطين بس خط مو واضح فا اريد اتاكد

صادق: ارجع؟

نرجس: بكيفك

صادق: راجع حضرو نفسكم

قفلت الموبايل و نزلت باوعت عليهن

نرجس: راح يرجع

سناء: اي ها هيا براحتكم

نرجس: شنو براحتنه تعالي ويانا

سناء: اخذي زينب اني رجليه توجعني

نرجس: لا ماما عليج الله تعالي

سناء: ماشي ماشي

كعدنا ننتظر صادق فتره و سمعنه الباب يدنك فتحت و دخل صادق

صادق: السلام عليكم

نرجس: وعليكم السلام ادخل

دخل صادق و كعد بالصاله و اني بديت الف بشالي

صادق: نرجس استعجلي

نرجس: صار

كملت و زينب هم جبت لامي العبايه و الربطه مالتها لبستهن و ركبنا متوجهين للدكتوره فتره و وصلنا للدكتوره دخلت و صادق و امي و زينب و علي الدُر ضل باره

الدكتوره: تفضلي ماما اكعدي هنا

كعدت بتوتر و هي لاحظت ضحكت و بدت تلطف الجو

الدكتوره: شنو اسمج؟

نرجس: اسمي نرجس

الدكتوره: شكد عمرها الحلوه؟

نرجس: 20

الدكتورة: بعدج كتكوته

ضحكت و راح التوتر مني جانت دكتوره لطيفه هيَ مره جبيره يعني بين ال40-50

الدكتورة: اممم شنو الاعراض الي تصيرلج؟

نرجس: غثيان صارله سبوعين و صداع اني صح اعاني من الضغط بس مامريت بهيج شي من قبل

الدكتوره: اي هسه انتِ اطلعي تاني بره و من اتصيح اسمج السكرتيره ادُخليلي

طلعت بعد ما عدلت ملابسي و اول ما كلعت لكيت صادق رافع حاجبه و يفر بالسبحه

صادق: بشري؟

نرجس: شنو؟

صادق: باع الفاهيه

نرجس: شنو والله مو فاهيه صحيح و ين ماما و زينب و علي الدُر؟

صادق: اكو حديقه كبال المستشفى طلعن يلعبن علي

نرجس: امم تمام

صادق: هسه شكلتلج الدكتوره؟

نرجس: كلتلي اطلعي و من تصيحج السكرتيره طبي

صادق: السالفه جايصه

نرجس: كول يا الله هستوك اجيت

صادق: ولج صارلنا ساعتين مو اكلج فاهيه حتى الوقت ما تحسبي

نرجس: صادق عفيه لاتكلي فاهيه

صادق: ليش؟ اني مجذب؟

نرجس: تمام لعد راح اصيحلك شايب

صادق:اني شايب؟

نرجس: اي شايب

صادق: امم انوب اني الشايب

نرجس: اي شايب غير عُمرك 37 سنه شنو شاب؟

صادق: يمه منج سهله يا نرجس سهله

نرجس: تهدد؟

صادق: لا وين

نرجس: عبالي

السكرتيره: نرجس علي

كمت و رحتلها دخلت للدكتورة بتوتر

الدكتورة: امم انتِ نرجس علي؟

نرجس: اي دكتورة بشريني؟

الدكتورة: ضنج ماخاب فعلا حامل صارلج اسبوعين

نرجس: يمه فرحتيني شكرا دكتورة

كلتها و طلعت لصادق و اني راح اطير من الفرحه

صادق: همم؟

نرجس: حامل باسوبعين

صادق: دخيلك يا ابا الحسنين

نرجس: صادق

صادق: عيونه

نرجس: اريد ابجي

صادق: شكد نكديه

نرجس: اوي اسكت

ضحكت عليخا و مشينه نزلنا وره ما دفعت الفلوس

سناء: ها بشرو؟

نرجس: حامل صارلي سبوعين

سناء: مبارك حبيبي شوفي گلب الام مايخيب

ضحكت و اجتي زينب

زينب: ها؟

نرجس: حامل باسبوعين

زينب: خل نرجع للبيت و اطكج بهلهوله

ضحكنه و اجه علي الدُر

علي الدُر: يعني راح يصير عندي اخ لو اخت؟

نرجس: مَندري حبيبي

علي الدُر: اذا بنيه اني اسميها

نرجس: ها هيا انتَ تمسها اذا بنيه

ضحك علي الدُر و رجعنا للبيت مال امي جابلنا صادق اكل من بره و كعدنا ناكل و هو راح للبيت

مشيت بعد ما وصلتهم و دخلت لبيتي

باسم: شنو يابه؟

صادق: سلم اول

باسم: يابه السلام عليكم؟

صادق: وعليكم السلام هام هاي لفات جبتهن من بره

باسم: اويلي كصص

ضحكت علي و صفنت

باسم: خيرك؟

صادق: المره حامل

باسم: الف مبارك بعد اخوككك شايف خير و بركه

صادق: حبيبي چا وين حسن؟

باسم: راح للاسواق يجيب اندومي

صادق: كل واكد بعرض الباب و تاكلون اندومي؟

باسم: چا شنو نسوي مانظدل بالمنطقه شي و حتى اذا نوصي منعرف شلون

اندك الباب ووكمت افتح لكيت بوجهي حسن

حسن: لك هذا منوو ابو صكر

ضحكت و دخلت و هو وراي

حسن: اويلي لفاتت

صادق: ادري شنو ماشايفين اكل؟

حسن: ولك موتتنا جوع وين جنت؟

صادق: وديت المره للدكتوره

حسن: خيرها؟

باسم: عقبالك مرته حامل

حسن: چا عقبالك شنو؟ احبل مثلا؟ وين اصرف كلمتك هسه؟

باسم: چا شمدريني حبيت اكوله هستوني مخلص فلم مصري

حسن: اسكت لاتفتح حلكك

اني بهاي الاثناء تمددت بالكاع من الضحك ماسيطرت على نفسي

حسن: هسه هذا انوب تمدد

باسم: خطيه سوده عليه تعبان يشتغل عماله من الصبح لليل سوده عليه خويهه اههه

باوعت عليه اخذه عضه مال لفه دخيلك يبو الحسنين موش عضه ضيم هزيت ايدي باوعت للثاني متمدد بالكاع سحل روحه من الضحك هنا هزيت ادي ثنينهن وحده لباسم و الثانيه لصادق

باسم: لا والله جديات المن جايبنه؟

صادق: اريد اغير البيت

باسم: چا ادري عماله احنه؟ شنو شايفني خلفه؟ وين افتهم اني بهيج سوالف؟ عمي انطيني فصول عرگ دك هذني افتهم بيهن

حسن: اين هم ما افتهم بس بالطبخ

صادق: يلا عساس اني افتهم و اني اصلا مو قصدي على البيت هو بس نصبغ الحيطان و اغير غرفتي

باسم: مابيه حيل خل نام و باجر نبدي

صادق: ما ندل وين الفراش تمددو بالكاع

حسن: انعم الاه على الخلفوك

صادق: على راسي

ضحكنه و نمنه كعدنا ويا صلاة الفجر صلينا و بدينا نسحل بالغراض

صادق: ولككك باسممم اغراض المره وهلي لو تدري اطلكنييي

باسم: يبووو راح يطلك الزلمه

حسن: ولكم الحكولي

ركضنه علي و نزلنا ويا الچربايه

صادق: ادري متوزاي؟

حسن: بوييهههه ظهريييي

صادق: بعد بعد اكو ثلاثه بالمنطقه ماعرفو احنه جاي نصبغ

باسم: اني اسمعهم يبووووو ظهرييي

صادق: فشلتوني سدو خشمكم و خل نكمل

كملنا شغل و نمنا بالكاع من التعب

صادق: شنو تاكلون؟

باسم: تريد مندي

حسن: اني قوزي

صادق: هسه شنو اجيب؟

باسم و حسن بدو يلعبون حجره ورقه مقص و محد فاز

صادق: السلام عليكم خويه

ابو المطعم: وعليكم السلام تفضل؟

صادق: رايد واحد ريزو و ثنين زنجر و وحده بركر

ابو المطعم: بس هذا؟

صادق: اي حبيبي

ابو المطعم: فد نص ساعه و يوصل الطلب

صادق: تسلم الله وياك

سديت الخط و باوعتلهم صافنين بوجهي

صادق: ها؟

باسم: شنو؟ چا و الحجره ورقه مقص؟

صادق: صدك منو الفاز؟

حسن: اني

باسم: لا اني هذا جذاب

___

علاء: ياسمين

ياسمين: ها عيني؟

علاء: وين الجهال؟

ياسمين: والله نايمين

علاء: خوش اخذي هاي الالعاب ضميها الهم و تعالي ناكل

رحت ضميت الالعاب و جبت صينيه و اجيت كعدت بصفه

علاء: اكلي

ياسمين: بس خل اضم للجهال شويه

علاء: جبتلهم بس انتِ اكلي

بديت اكل ويا فجاة خطرت على بالي نرجس و كلت بخنكه

ياسمين: مرت اخوك شلونها؟

علاء: شنو ذكرج بيها؟

ياسمين: مادري والله

علاء: على الله بخير و نعمه

ياسمين: تتوقع سامحتني؟

علاء: ياسمين انتِ ما سويتي شي هيَ فتره و عدت و سامحوج كافي بعد تفكرين بالموضوع

ياسمين: نرجس بنيه خلوقه و مؤدبه

علاء: سدي سيرتها ماتغارين و انتِ فاتحه سيرة بنيه يمي؟

ياسمين: اعرفك تحبني

ضحكت وياها و كرصت خدودها

علاء: الغالي يعرف مقامه

ضحكنه و اجو الاطفال

يُسر: ماما

ياسمين: هلا تعالي

ياسر: ماما جوعان

ضحكنا اني و علاء و طلعنا اكلهم و بدينا ناكل

__

مكان اول مره نروحله قصر ابيض بي سيارتين سود نزل من السياره شخص طويل معضل لابس مناظر شايف روحه على الكُل باوع على نقطه مُعينه  و شال المناظر بنيه واكفه لابسه ثوب و تزكي الزرع الورد الي هو امر يزرعوهن الها مخصوص

تمشى لحد ما وكف وراها

رضا: شلونها اميرتي؟

ضُحى: رضا؟ شوكت اجيت؟

رضا: هستوني تعالي يلا ندخل جوه

دخلنا سويا اني وياها و هي مچلبه بيه ضحكت عليها ضُحى اختي عُمرها 19 سنه بنيه لطيفه عُمرها ما خالفتلي كلمه

رضا: شنو جبت لضُحى؟

باوعتلي تريد تعرف شنو جبت طلعت الها كلادة ذهب محفور اسمها عليه

ضُحى: الله يجنن

رضا: البسيها

لبستهن و باستني بخدي

مر الوقت وهي كُل شويه تباوع على الكلاده تشوفها لحد ما اجتي مربيتنا و كالت العشه جاهز كمنا و رحنه نكعد ناكل سوه

رحمة المربيه: رضا

رضا: ها؟

رحمة: اريد اعرف شوكت تتزوج؟

رضا: لا تلحي ما  ماتزوج الا ازوج ضُحى

رحمة: وشلون تتزوج و انتَ حتى مطلعها؟

رضا: ماطلعها محد يخاف عليها بكدي

رحمة: ها هيا بكيفك

تعصبت و كمت من ااسلره عفتهن ياكلنا و طلع ركبت سيارتي و توجهت الى لا مكان رحت ضليت افتر مابقيت مكان ما رحتله لحد ما طبكت و ضليت واكف اشم هوه شفت رجال جبير يشوي ذره رحتله و كعدت بصفه

رضا: السلام عليكم

حجي مُناف: هلا و عليكم السلام هلا وليدي

رضا: حجي شنو هذا؟

حجي مُناف: ذره تريد؟

رضا: اريد وحده

سوالي وحده و حط عليها المطيبات و مدها الي

رضا: بيش؟

حجي مُناف: خليها علي

رضا: لا شلون حجي كلي بيش؟

حجي مُناف: بخمسميه

رضا: ليش هلكد رخيص؟

حجي مُناف: مو كل الناس تكدر

طلعت الف و ماسئلته على الباقي ضليت اكل و افكر

حجي مُناف: لاتفكر نفذ

باوعت عليه

رضا: تعبت

حجي مُناف: الي ويا الله ميخاف

رضا: بس اني بعيد

حجي مُناف: بعده يريدك

رضا: يرديني و اني متكبر؟

حجي مُناف: لو متكبر چا ما كعدت يمي هسه تاكل مني

صفنت و افكر بحجايته

رضا: حجي معقوله الله يدزلي بنيه تهديني؟

حجي مُناف: تدري اني هم جنت ما اصلي بس ربك حنين دزلي مرتي الله يرحمها سعديه دزلي ياها و اني عمري 22 خلاها تخليني اصلي و اقضي الصلاة الي عليا دزلي بنيه شابه تهديني ربك كريم و ماطول انتَ تفكر بي هوَ هم يفكر بيك لا تخاف من شي و الشغله الي ترضي الله لا تمتطل بيها تره تروح بركتها

رضا: حجي كلامك كلام عاشق

ححي مُناف: و ما الحبيب الا الحبيب الاولي و هو حُب الله و محمد و ال محمد

رضا: العشق صعب

حجي مُناف: صدكني متحس بي هو فجاة يجيك

حط ايده الترجف على صدري

حجي مُناف: يبدي يدك بسرعه بدون سابق انذار

ضحكت و كمت اريد اروح لسيارتي

حجي مُناف: تعال مانسيت

رضا: اسمي رضا

حجي مُناف: هاك رضا هاي خمسميتك

رضت: بقيها يمك عود المرة الثانيه انطيني بيها

ضحك حجي مُناف و وافق يبقيها يمه ركبت سيارتي و بديت اسوق متوجه للبيت بس اكو بنيه رفعت ايده توكفني وكفت بستغراب و نزلت الجامه

زهراء: عمو

رضا: عمو؟

زهراء: عمو وين اسواق ابو حسن؟

رضا: هناك بذاك الفرع

زهراء: شكغا عمو (شكرا)

صفنت هيَ مشت بسرعه بس اني ضليت صافن هاي لدغه؟ حاولت استرجع كلماته اي ولعباس لدغه

رجعت للبيت و اني اضحك طبيت غرفتي سبحت و رحت انام اجتي بفكاري و ضحكت عليها نمت بتعب وراي روحه للشركه

__

رحت لاسواق ابو حسن و بعدها حسب ثلاث بيوت و دكيت باب البيت الرابع و طلع صحي بيت عمتي دخلت و انطيتهم الحلويات

زهراء: ولعباس بعد ما اغوح اشغيلكم من ذاك المحل البعيد(ماروح اشتريلكم)

وفاء: ليش شكو؟

زهراء: تيهت البيت غغدت اضيع (ردت)

وفاء: يلا ميخالف منو دلاج؟

زهراء: ماغدي عمو دلاني (مادري)

وفاء: عمو؟

زهراء: اي لكيته بالفغع الي بصفكم و غحت سألته (بالفرع'رحت)

وفاء: امم دكعدي لا تسمع امج

كعدت و كعدنا ناكل اني و وفاء

وفاء: حلو؟

زهراء: منو؟

وفاء: عمو الي دلاج؟

زهراء: شمدغيني مانتبهت(شمدريني)

وفاء: امم

╚══ஓ๑♡๑ஓ══╝

باعو اسفه على السحبه و قصر البارت بس كلت انزللكم بارت حتى لو قصير لحد ما ارتب الامور 😂😂🤍

╔══ஓ๑♡๑ஓ══╗

الكاتبة: رُقيه

مرج البحرين يلتقيان

╚══ஓ๑♡๑ஓ══╝

التيك توك

الانستا

التلي تلكونه بالبايو مال الانستا☝🏻

════ ⋆★⋆ ════

الحمدلله"3"

استغفرالله"3"

لا اله الا الله"3"

الشكر لله"3"

اللهم صل على محمد و ال محمد"3"

════ ⋆★⋆ ════

السلام عليكممم 🌚🤍

شكو ماكو؟ 🥹✨

╔══ஓ๑♡๑ஓ══╗

فتحت عيني على صوت شخص مدري يدعي مدري يبجي مافهمت شي الدنيا ظلمه و بس اسمع صوت من مسجد كمت على حيلي و فتحت الشباك مال غرفتي مافهمت الكلمات بس اختنكت حاولت افهم شنو جاي يكول مافهمت اي شي

رجعت على جربايتي ردت اغمض بس اجاني صوت بعقلي

: لاتنام راح يأذن

صفنت و فعلا مامرت خمس ثواني و صار الاذان

: الله اكبر الله اكبر لا اله الا الله لا اله الا الله

سمعت الاذان كامل حسيت بقشعريره تسري بدمي من خلص الاذان ردت اكوم اصلي بس ماجان بيه حيل ردت انام ما كدرت ظليت كاعد و كمت نزلت جوه بديت اسوي ريوگ عقلي مشغول بالصوت الي سمعته لحد الان ما اتذكر شنو هوَ حلم لو حقيقه

ضُحى: رضا؟ شَداتسوي هنا؟

رضا: ريوك انتِ شنو تسوين هنا؟

ضُحى: اريد اتوضى علمود اصلي

رضا: امم يلا روحي صلي علمود نتريك سوه

ضُحى: تمام

كملت الريوك و كعدت اتاني ضُحى من اجتي تذكرت الابنيه الي عدها لدغه بحرف الراء

رضا: احمم ضُحى

ضُحى: ها؟

رضا: اكو بنيه هنا بالمنطقه عندها لدغة بحرف الراء تعرفيها منو؟

ضُحى: لا شمدريني ماعندي وحده عدها لدغه ليش؟

رضا: لا هيج اسئل اشتبهت

شفتها هزت راسها و سكتت كملنا ريوك و هيَ كامت تغسل الاماعين بيها سوله الا هيَ تغسل تجاهلت الموضوع و كمت لبست ملابس الشغل و ركبت سيارتي متوجه للمكتب

عسكري: سيدي اكو حالة اختطاف

رضا: يا ستار يا ربي، دخلي الملف و الاهل

عسكري: حاضر سيدي

دخلت و جاب العسكري كهوتي و الملف و هم العائلة دخلت

باقر: سيدي بنتي رايدها من شواربك

رضا: بس اهداء و اريد تعاونكم

باقر: عيوني الك

رضا: شنو اسمها الابنيه؟

باقر: ز-زهراء باقر فلاح

رضا: بنت حضرتك؟

باقر: اي نعم

رضا: شوكت صارت عملية الاختطاف و شاك باحد؟

باقر: اي اي سيدي شاك

رضا: بمنو و اريد الاسم

باقر: ابن عمها قاسم

رضا: امم تعرف وين ساكن؟

باقر: بغداد

رفعت حاجبي بتسغراب

رضا: شوكت كلتلي صارت عملية الاختطاف؟

باقر: ماعرف هوَ صبح الصبح مالكينا زهراء

رضا: تقريبا اخر مره شفتها بيش ساعه؟ و هيَ شكوت تنام؟

باقر: اخر مره جانت ب1 باليل طلعت تشتري من اسواق ابو حسن بس رجعت مابيها شي و حتى كعدت ويت بنت عمها وفاء

رضا: وفاء تصير اخت قاسم؟

باقر: لا وين هذا عمها الثاني

رضا: جيد هسه انطيني رقمك و ان شاء الله نلكاها

باقر: سجل يمك 077*********

رضا: تمام بس صحيح شكد عمرها؟

باقر: 16 سنه

رضا: يعني قاصر؟

باقر: اي نعم

رضا: اريد بعض الاشياء الي تخصها مثلا موبايلها و اذا تعرفون الرمز تسهلون علينا هواي اشياء

باقر: اي هذا موبايلها يمي و مابي رمز بس شنو تسوي بي؟

رضا: اريد اشوف الموبايل اذا جايها تهديد من احد او احد مبتزها بشي

اخذت الموبايل و بديت افتش برامج لحد ما لكيت رساله

: ولعباس الي و ماتصيرين لغيري

: عفيه عوفني ماريدك ماريدك ليش تلح؟

: والزهراء اخذج و اكسر خشمج هم

: والله ما اوافق

: سهله زهراء سهله هسه تشوفين شنو اسوي

: شنو تسوي سوي و ويعت ابوي شلون مهتمه طسه بالشارع ما اخليك عود زلمه و يهدد بابا روح العب مراجيح صاير زلمه براسي بيك خير كض اختك

قريت اخر شي تم الحضر

ضحكت و كلت بصوت ناصي

: صلفه

سديت الموبايل  و بديت نشوف السيطرات الي بكل الطرق مال بغداد و امرناهم يفتشون كل السيارات و دزيت صوره الهم اذا شافو هاي الابنيه يسجنون الي وياها لحد ما اجي اخذت سلاحي و طلعت متوجه لبغداد من وصلت للسيطره الاولى محد شاف الابنيه رحت على السيطره الثاينه كذالك لحد ما وصلت لحدود بغداد لكيت سياره موكفينها

رضا: ليش هاي السياره واكفه؟

عسكري: سيدي مابيها رخص

عفتهم و رجعت ركبت سيارتي بقيت بغداد متعكر مزاجي لحد ما تذكرت الرقم اتصلت علي

رضا: السلام عليكم حجي

باقر: هلا سيدي بشرني؟

رضا: والله ماكو اي خبر زين هو عنده مكان معين بغداد؟

باقر: سيدي مادري بس هو عايش بغداد وين محد يدري

وفاء: عمو شوف

سمعت بص صوت صياح

رضا: حجي؟

باقر: س-سيدي دز فيديو الها

رضا: دزه بسرعه

اندز الفيديو فتحته جانت بنيه مربطه بس عيونها الزرگ طالعات بلعت ريگي نفس الابنيه الدغه لاحضت هذا البيت نفس البيوت الي قريبه على الحدود يعني مو بغداد كلش بدايات بغداد ركزت اكثر احاول اخذ اي علامه ماكو فايده فتحت الموقع طلع بيت مهجور ركبت سيارتي و بديت اتحرك وصلت للبيت فتشته كله مالكيت اي اثر كسرت كلشي من العصبيه كل ما جاي نتحرك خطوه جاي يتقدم عشر خطوات كعدت بالسياره بعصبيه و راسي صار حار غمضت عيوني لحد ما ندزت رساله

: ها يا سيدي النقيب؟ شلونك؟

صفنت على الرساله و بيدت اجدح نار

: وين الابنيه؟

: و اللهِ اني ماعرف بس مجرد ساعدت ايدي اليمنه

: قسماً بالذي احق القسم اذا كضيتك يا سعد ما يفكك مني بس عزرائيل اذا انتَ زلمه تعال و خل نتواجه و اني حاليا وحدي بلا قوات تعال و خل نشوف منو الزلمه بينا

دزيت الموقع بلكي يجي ضلت نار بس فجاة صارت كبالي سياره و نزل منها سعد

ركضت عليه و بديت اضرب بي بموكسات ماخليت بوجهه شي سليم بس النذل طلع جايب ويا عصابه بديت اقوص عليهم بالمسدس بس اجتي طلقه بجتفي من سعد باوعتله و ضربته برجله ثنينهن علمود لا يتحرك

رضا: وين وديتو الابنيه؟

سعد: ماكول

رضا: سعد تعرفني مخبل اسويها و اكتلك هنا منو يفيدك؟ ذاك الخنيث؟ كلي الابنيه وين؟

سعد: الا احرك گلبك يا رضا و اخلي الناس كلها تكرهك

رضا: سعدددد لاتخبلني الابنيه وين؟ اخر مره اسئلك و حگ العباس ابو فاضل افرغ الطلقات براسك

سعد: بالمخزن

رضا: يا مخزن منهن؟

سعد: المخزن الثالث لو تلحك لو لا

عفته و ركضت جتفي يوجعني احس روحي طلعت بس مامهتم بنيه بعدها طفله مو مال تكون بيدهم لثواني مو ليلة من وصلت نطقت الشهاده و رسلت  اشاره يجيبولي قوات وراي ضربت الباب و دخلت كمز واحد جان بس هوه و بنيه باوعت للبنيه و عرفتها هيَ طلعت سلاحي و ضربت الولد بيه فكيت الابنيه

رضا: زهراء؟

زهراء: اي منو انتَ؟

رضا: معليج هسه

احس شي لجمني بديت انزع القميص بس شفتها خافت اكثر كمت طلعت من يمها رحت لمكان ثاني و نزعته و شديته على الجرح

زهراء: عمو

رضا: همم؟

زهراء: بابا وين؟

رضا: هسه اوديج لابوج

زهراء: زين اني وين؟

رضا: بغداد

بدت تبجي و هي كاتمه شهكاتها

زهراء: اغيد بابا معلي (اريد)

رضا: كافي لاتلحين كتلج راح اوديج

زهراء: لاتصيح علي

رضا: اي سدي حلكج

سكتت و بقيت صافنه عدلت حجابي منا لحد ما دخلو هواي اشخاص لابسين زي عسكري و بيدهم اسلحه توجهت اله

زهراء: عمو اكعد

رضا: خيبه ويعت ابوي عمو و عمو كتلتيني تحسسيني عمري 50سنه

زهراء: اكعد غاح يكتلونه (راح)

رضا: لا ماغاح يكتلوج، تعال ساعدني و ودوها لاهلها كتلتني بس تبچي

زهراء: مابجيت هواي هي بس مغه (مره)

رضا: اي اي بس مغه و صرعتي راسي بيها، يلا كومي فضيها

كمت ويا و اني امشي وراه لحد ما وصل لسيارة و كدامه هواي ناس مقيديهم

زهراء: يمههه

رضا: ويعه اركبي خلصيني

ركبت بالكشن الي وره و هو رفع حاجبه

زهراء: شكو؟

رضا: سايق الخلفج؟

زهراء: لاتغلط

رضا: اسكتي ماسمع صوتج

سكتت و اصلا نمت اني و هو ضل يسوق مرت الساعات كعدت لكيت نفسي بسيطره

زهراء: اني وين؟

رضا: صلوات كعدت

زهراء: عمو

رضا: شلعتي گلبي بالعمو شتردين؟

زهراء: مو كلتلي غاح اوديج لابوج؟(راح)

رضا: ابوج بالطريق اصبري ماعرفنه بيتكم وين لان حضرتج نايمه فا جبناج لاقرب سيطريه على بيتكم

ضليت صافنه لحد ما شفت بابا نزلت من السياره و ركضت حضنت بابا و هو شم الهوه بقوه و ويا امي

سحبتني امي تبوس بيا و ابوي ضل يشكر من الضابط

باقر: اشكرك  والله ماعرف شنو احجي

رضا: لاتحجي شي حجي هذا واجبنه 

باقر: والله يا سيدي اشكرك رديتلي روحي

رضا: سيدي شنو صيحلي رضا

باقر: ونعم من اصلك وليدي، تفضلو ويانا

رضا: وين نتفضل حجي توكل انتَ و عائلتك و احنه هم متوكيلن

باقر:  و العباس ابو فاضل الا تتعشون يمنا

رضا: حجي مانريد نكلفك خليها غير مره و رقمي يمك شوكت ماتحتاج شي خابرني

باقر: ان شاء الله

__

كعدت الصبح اباوع الاخوان متجطلين جنهم شهداء

صادق: باسم باسم باسم

كام حسن و دفر باسم برجله بس مو قوي

حسن: خايب اكعد اكعددد ادري تنمبل مال نومم؟

ضحكت بقوه عليهم و حسن بقى يكعد باسم و باسم كل شوي يكوم يضرب حسن و يرجع ينام دخلت للمطبخ بديت اسوي ريوك صفنت هسه اذا نسوي المطبخ وين نودي الكاونتر و الطباخ؟ ظليت صافنت افكر لحد ما كلت اطلعهن بالستقبال و اكمل البيت

صادق: يلا اكلو خل نكمل

باسم: اريد اتزوجج شنو هل عيشهه؟

صادق: احمد ربك شبيها؟

باسم: اريد مره تسويلي ريوك بي خير تجي تحجي وياي بصوتها الرقيق

صادق: دسكت اسكت سويتلي جالي من الصبح

باوعت لحسن ياكل بسكوت بدون ما يحجي و يتلذذ بطعم الطماطه و بيض

حسن: شنو تعرف تطبخ بعد؟

صادق: هي طماطه و بيض و بتيته و بيض

حسن: على هذا طبخ تنافس الشربيني

صادق: حبيبي اكل الف عافيه على گلبك عاد انتَ يغزر بيك الملحات

باسم: لاتبسمر ما اتأثر من واني صغير سويت عمليه شلت الاحساس

صادق: وسفه ابو جعفر

رفعت حاجبي بستغراب

باسم: منو ابو جعفر؟

صادق: انتَ

باسم: منو اني؟

صادق: ادري شبيك سمي ابنك جعفر

باسم: اريد اني اسمي حسن بكيفك وهوَ؟

صادق: چا ما تسمي صادق لو اسمي يبزز

باسم: اسمي حسن على الامام الحسن(عليه السلام)

صادق و حسن:(عليه السلام)

باسم: شوكت نكمل؟

صادق: ما ضل شي بس نرجع البتي مثل ما جان

باسم: مابيه حيل

صادق: لا بشرفك المره حامل منو يرجع الاغراض؟

باسم: اهووو يلا كومو

حسن: لاتصيح

باسم: أوييي

ضحكنا و كمنه بدينه نرجت الاغراض اني دخلت لغرفتي اني و نرجس و بديت ارتب الاغراض و كنست الكاع من التراب و جبينه مي و غسلنه البيت غسل بعد تنظيفة شباب تعرفونها باسم ذب زاهي و تايت و معطر و بدا يفرم البيبان و الكاع و حسن يجلف بالكاونتر كملنه قبل الاذان الحمدلله

صادق: يلا طبو سبحو راح اجيبلكم ملابس من يمي

باسم: صادق اردي شامبو

صادق: استخدم الي عندك مالي خلگ اجيك

باوعت على الحمام لكيت علبة تشبه علب الشامبو اسمه لوكس حطيت شويه و جلفت راسي بي و جسمي هم من خلصت و طلعت صادق و حسن باوعو عليا

حسن: شنو هل ريحه الطيبه؟

صادق: دقيقه انتَ شنو استخدمت؟ بس لا لوكس؟

باسم: مادري بس هوَ ابيض و بي ورده بنفسجيه

صادق: انهجم بيتك يا صادق

حسن فطسان ضحك من دره شنو مستخدم دفرته برجلي

باسم: شنو هذا؟

حسن: غسول مال جسم

باسم: كول و علي؟

حسن: وعلي

باوعنه لصادق و هو طالع من الحمام و بدا يصيح

صادق: ولك نص الغسول مستخدمه ادري تغسل ثوررر؟ فمهنيييي؟

باسم: بس اهداء اني افهمك

صادق: هداءة فهمني

باسم: انتَ مو كلت استخدم اي شي؟

صادق: بس مو مال اغراض المرههه هسه شنو اكللها؟

باسم: مادري كللها اي  شي كللها وكع بالكاع من جنه نظف

باوعت عليه بعصبيه و شفت حسن ميت من الضحك

صادق: تردون غده؟

باسم: اي حباب

حسن: اني عندي شغله لازم اطلع هسه

صادق: اكعد يمنه شويه

حسن: لا والله لازم ارجع للبصره

صادق: امم اذا تمر على بيتنه سلملي

حسن: يوصل

كام حسن لبس ملابسه و طلع ركب سيارته و توجه للبصره كعدنا اني و باسم جبنه لفات و بدينا ناكل بهدوء

باسم: اعذرني اني هم لازم اروح

صادق: انتَ شعندك؟

باسم: لا والله تعبان اريد اروح انام

صادق: الله وياك

طلع باسم و اني ظليت وحدي دكيت على نرجس

صادق: السلام عليكم

نرجس: وعليكم السلام

صادق: يابه شلونها الاحوال؟

نرجس: الحمدلله على الله انتَ شلونك؟

صادق: الحمدلله بخير

نرجس: خلصت البيت؟

صادق: اي و سويتلج مفاجاة من تجين شوفيها

نرجس: اممم شوكت تجي تاخذنه؟

صادق: براحتكم

نرجس: تكدر هسه؟ علي الدُر خبلني يريدك

صادق: صدك وينه هوَ؟

نرجس: علي ماما تعال

علي الدُر: ها ماما؟

نرجس: هذا بابا يريدك

علي: بابا

صادق: ها عيون بابا؟

علي: شوكت تجي؟

صادق: اليوم، اح اجيكم

علي: مو تنسى لعبتي اريدها

صادق: صار هسه انطيني ماما

نرجس: ها عيني؟

صادق: حضرو نفسكم جاي اخذكم

نرجس: تمام

___

رجعت للبيت رحت لغرفتي و طبيت اسبح و طلعت نمت على الچربايه سمعت صوت دك على باب غرفتي

باسم: ادخل

سارة: باسم

باسم: ها حبيبي؟

سارة: اريد احاجيك بشي

باسم: كولي خيرج؟

سارة: اريد اطلع

باسم: هسه حاره

سارة: حباب

باسم: والله حاره هسه راح انام و بال6 كعديني اخذج و نطلع

سارة: وعد؟

باسم: وعد

طلعت و اني تمددت اجتي الوطنيه و بدست اباوع شويه بالموبايل لحد ما نعست و نمت بتعب

__

توجهت للبصره لصديقي يريد يشوفني ظروري رحت و اني بالطريق خابرني

حسن: همم؟ جايك والله

رضا: ادري تعبتك وياي و هيَ بس شغله وحده سويتها الك بس عذرني صدك رايدك هسه

حسن: حبيبي اخوي انتَ لا تكول هيج لو تطلب عيني انطيك

رضا: سالمه عيونك

سديت التليفون و تذكرت شلون تقابلنه

بغداد/6:00مساءً

حسن: اني متانيك و جبتلك الفلوس

شخص: اي اهم شي الفلوس

بعد نص ساعه وكفت سيارة كبالي و نزلو هواي ناس منها و بدو يضربوني و بوكتها جنت صغير عمري 22 و اخذ فلوسي و راحو و تم النصب عليه ضليت بالكاع مرمي شبه ميت نزلت دمعتي و اني اشوف نفسي شلون مرمي ليكول شخص مامنه فايده غمضت عيني بس فتحته من سمعت صوت

رضا: هاي شنو؟ منو سوه بيك هيج؟

باوعتله و درت وجهي منه للجهة الثانيه بس هو تقدم علي و سحبني عليه باوعت بوجهه جان شاب حلو مرتب

رضا: امشي اخذك للمستشفى

حسن: ماريد

رضا: مو بكيفك

اخذني و ركبني سيارته و فعلا اخذني للمستشفى و دخلني ينظفون جروحي

الدكتور: اشياء سطحيه مابيهن اي ضرر حسابك يصير 25الف

طلع رضا فلوس و انطاها للدكتور و طلعنه و هو يسندني لان جسمي متروس كدمات كعدني بمكان هادئ و جابلي مي و انطاني

رضا: منو سوه بيك هيج؟

حسن: واحد

رضا: ليش؟

حسن: جنت متفق ويا على شغل و كلي اريد فلوس و جبتله بس طلع شخص مو زين و خله عصابته تكتلني و تاخذ فلوسي

رضا: شكد المبلغ؟

حسن: مليون

رضا: وياك الملازم الاول رضا

حسن: تشرفت بيك اسمي حسن

رضا: والي يرجعلك فلوسك و يخليك تبدي مشروعك؟

حسن: ابوسه من راسه

ضحك بهدوء و باوعتله اني بس فعلا اخذ رقمي و مرت ايام و حست جان بس يچذب علي بس بيوم اجاني اتصال من رقم غريب

رضا: السلام عليكم

حسن: وهليكم السلام منو وياي؟

رضا: هاي شنو نسيتني؟ اني رضا صديقك

حسن: اعذرني بس عبالي تچذب علي

رضا: ههههه شلون اجذب و اني وعدتك ارجعلك فلوسك؟ المهم الفلوس موجوده و شوكت ماتريد تجي هلا بيك و صحيح على ايدك راح اخذ ترقيه معدله

حسن: مُبارك راح تصير نقيب صحيح؟

رضا: اي نقيب رضا شكد حلو اسمي من يصير قبله نقيب

ضحكت و كملنا حجينه و فعلا رجعت فلوسي و هو ساعدني لحد ما فتحت اسواق صغيرونه بس اكبر من الي قبلها تذكرت من مات الحجي و ولده اجوي سدو الاسوق بوكتها ظليت ابجي عليه جان ابوي الثاني المهم ساعدني رضا و وكف بصفي لحد ما فتحت الاسواق بسلامه و بديت كل شويه اسدد الدين الي علي

رجعت من صفنتي و اني اشوف نفسي بالبصره اتجهت لرضا بعد مدة وصلت طبكت السيارة و نزلت

حسن: السلام عليكم

رضا: وعليكم السلام تفضل

حسن: شلونك شخبارك؟

رضا: الحمدلله بخير انتَ شلونك؟

حسن: بنعمه، احجيلي خيرك؟

رضا:ضايج

حسن: اركصلك؟

رضا: ههههه يلا

حسن: صدك ضايج؟

رضا: اي وعلي

حسن: كوم خل نفتر نروح للكورنيش

رضا: و سيارتي؟

حسن: انتَ روح بسيارتك للبيت و اني راح اللحكك تحط سيارتك بيتكم و بعدين نطلع اني وياك بسيارتي

رضا: ماشي يلا

ركبت سيارتي متوجه للبيت و حسن وراي وصلنا للبيت و اني نزلت فتحت البيت و طلعت ضُحى حضنتني بقوه و اني هم حضنتها بس دخلت جوه و سديت الباب و بست راسها

رضا: ليش طلعتي؟

ضُحى: شفتك بالكامره

رضا: ماقصد هيج بس جان وياي صديقي لو شايفج؟

ضُحى: اسفه

عفتها و رحت للمطبخ جبت مي و عصير و رجعت

رضا: لا طلعين بالبلكونه

طلعت و شمرت كلاص المي على حسن

رضا: يلا نتوكل؟

حسن: يلا

ركبنا سويه و رحنه نتونس وصلنا للكورنيش و كعدنا نسولف و نضحك

حسن: شوكت تجي مشايه؟

رضا: يمكن ما اجي

حسن: ليش؟

رضا: مادري بقت يم الله و الحسين

سكتت ماريد احرجه بالكلام طبطبت على ظهره اواسي ادري بحالته شنو

حسن: ميخالف ربك كريم مايعوف عبَده

هزيت راسي و اني ابتسم اله شربت المي الي بيدي و اني افكر شوكت اخاص من هل عيشه شنو لا اصلي و لا اصوم و اذبها بحجة اني ضابط و مدري شنو العذر اقبح من الفعل

__

لبست الدشداشه و شفت بصفها الربطة الي جبتها ضحكت و رجعت علكتها و حطيت عطر و شحبت سبحتي و توجهت للسيارة علمود اجيب المره و الجهال

ركبت سيارتي و طلعت باسم و توكلت على الله بعد مدة وصلت ركنت السايره و نزلت دكيت الباب و فتح علي الدُر

علي: بابا

صادق: هلا بعيون بابا

نرجس: عليي مو كتلك لا تفتح الباب؟

صادق: ليش علي يفتح الباب؟

نرجس: اي صاير وكيح ميكعد

صادق: صحيح هل كلام؟

علي: باباا

كالها و هو يدفن وجهه بركبة صادق بعد ما انطه وجهه الطفل البريئ

صادق: يلا ميخالف بعد ما يعيدها

نرجس: شلونك؟

صادق: بخير يا نور عيوني انتِ شلونج؟ الحجيه شلونها؟

نرحس: الحمدلله بخير، تعال ادخل

دخلت و شفت الحجيه نزلت علي و بست راسها

صادق: شلونج حجيه؟

سناء: بخير و نعمه انتَ شلونك؟ احوالك؟

صادق: الحمدلله بخير

زينب: صادققققق

صادق: هلا هلا

زينب: شويت غرفتي مثل ما كتلك؟

صادق: اي صديقي باسم سواها

زينب: اممم بالضبط؟

صادق: اي والله نفس الصوره باسم جاب الاغراض و كملهن و عدلها و صبغها

نرجس: و غرفتي؟

صادق: نفس ما ردتيها بالضبط، حتى سويت غرفة علي الدُر رتبتها و شلت الكاروك و جبتلها چربايه جبيره احلا بهواي و صبغت غرفته و رسمنه على الغرفه سبايدر مان

علي: صدك؟

صادق: اي والله

باسم علي الدُر ابو بقوه و كعد بحضنه كعدنه شوي نسولف

صادق: يلا بويه مشونه

سناء: وين رايحين خل نتعشى؟

صادق: اعذرينه حجيه هم يلا نروح

سناء: بس نتعشى و روحو

صادق: والله حجيه مانريد نتعبج

سناء: هوَ كباب من بره مانسوي شي

صادق: خوش چا راح نروح نجيب اني و علي الكباب و نجي

نرجس: اريد اندومي

صادق: مو زين

نرجس: حبابببب عليك الله

صادق: والله مو زين

نرجس: لخاطري

صادق: حبيبي اسمعيني

نرجس: صادق لخاطري

صادق: اوففف حلفتيني بالعزيز

نرجس: يلا حباب يمه فدوه لهل شوارب

صادق: نرجس

نرجس: يلا يلا نسنس

صادق: شطولني شعرضني تكليلي نسنس؟

نرجس: يلا حبيبي توكل مو تتاخر

صادق: حاضر شي ثاني؟

نرجس: جيب لبن و ببسي

صادق: صار

نرجس: و جبوسه و نساتل

صادق: صار

نرجس: و ككو

صادق: صار

نرجس: وووو

صادق: كافي حبيبي الميزانيه هيج راح تخرب

نرجس: انتَ متحبني

صادق: لا لا كولي شنو بعد؟

نرجس: و موطه

صادق: صار من عيني

نرجس: سالمه عيونك مو تنسى؟

صادق: لا ما انسى يلا بويه علي امشينه

سحبت علي و ركبنه السياره و طلعنه نجيب الكباب وصلنه و وصينه كباب و رحنه للاسواق نشتري الاشياء بين ميخلص الكباب خلصنه كلشي و رجعنه لابو الكباب جبنا الكباب و رجعنه للبيت

صادق: نرجس

نرجس: ها حبيبي

صادق: هاج اغراضج

زينب: الكباب ويننن؟

صادق: هاج انتِ الكباب

زينب: اويلييي شوف الكبابب

رحن حضرن الصينيه و الموابه و اجني صبن اللبن و ببسي و بدينا ناكل و نضحك سوه من خلصنه توكلنا على الله وره ما غسلن البيت للحجيه و خلنها تنام يلا طلعنه و اني بالسياره اتصلت على باسم

صادق: السلام عليكم؟

باسم: وعليكم السلام

صادق: شنو بعدك نايم؟

باسم: اي

صادق: شنو اليوم ماكو طلعه؟

باسم: وين نروح للكبور؟

صادق: هيج صارت؟

باسم: اي وين نروححح؟

صادق: ماعرف

باسم: چا المن مخابرني؟

صادق: هيج اريد اكعدك

باسم: صادق

صادق: ها؟

باسم: روح من وجهي خل ارجع انام

ضحكت و سديت المكالمه و اني ادري بي ماراح يرجع ينام دخلنه للبيت و صعدنه اني نمت و البنات بقن سهرانات ياكلن

╚══ஓ๑♡๑ஓ══╝

كلمة غلط منا مناك سوو سكب بعد گلبي 3158كلمة لحد يحجي وياي 😂😂🤍

╔══ஓ๑♡๑ஓ══╗

الكاتبة: رُقيه

مرج البحرين يلتقيان

╚══ஓ๑♡๑ஓ══╝

فتره و انزل صورة رضا و زهراء و ضُحى يعني الابطال الي دخلو لىساحه جديد🫂🤍🤍

════ ⋆★⋆ ════

الحمدلله"3"

استغفرالله"3"

لا اله الا الله"3"

الشكر لله"3"

اللهم صل على محمد و ال محمد"3"

════ ⋆★⋆ ════

السلام عليكم و رحمة الله و بركاته

احممم حبيت انهي الروايه على خير لان اذا استمريت بكتابتها اقسم بالله راح اموت واحد 😂😂🤍

╔══ஓ๑♡๑ஓ══╗

كعدنا ثاني يوم تريكنه و الحمدلله اتصل علي باسم

باسم: السلام عليكم

صادق: وعليكم السلام

باسم: صادق تعال للجامع الي دائما نكعد بي

صادق: جايك

كمت لبست دشداشتي و طلعت ركبت سيارتي لان الجو يصمط مو مال امشي اخيرا وصلت نزلت و دخلت للجامعه باوعت للزويه الي دائما نكعد بيها

صادق: ها شلونك؟

باسم: بخير الحمدلله،  صادق؟

صادق: ها؟

باسم: انتَ تتذكر الي صار صحيح؟

صادق: شنو بالضبط؟

باسم: سفرتنه للمزرعه

صادق: اي اي

باسم: احمم انتَ تدري حسن يريد ساره؟

صادق: صحيح

باسم: و اني راح انطيها لان هيَ تكول اردي اتزوج و بعدين اكمل جامعتي

صادق: الموضوع راجعلها

باسم: عوفها هيَ و حسن اريد شي منك

صادق: كول

باسم: اريد اتزوج اختك على سنة الله و رسوله

صادق: باسم

باسم: والله اريدها على سنة الله و رسوله و ابدا ماراسلتها ولا سويت وياها مكسوره و اصلا انتَ جبت طاريها هواي كدامي و اصلا شفتها بالمزرعه بس والله شلت عيني بسرعه و حتى ما فكرت بيها غير و هيَ على اسمي

صادق: مادري راجعلها

باسم: خليها تصلي استخاره

صادق: ان شاء الله

سكتنه و صار الوضع هدوء باوعت عليه لكيته مدنك راسه و يلعب بالسجاده

صادق: راح اروح اني

باسم: الله وياك

صادق: تعال اوصلك

باسم: لا اريد اصلي هنا

صادق: براحتك

طلعت و توجهت للبيت دخلت و صحت نرجس و اجتي

صادق: زينب وين؟

نرجس: جاي تلعب ويا علي

صادق: نرجس تعرفين صاحبي باسم؟

نرجس: بلي مو هوَ هذا الب شوالنا بالسفره؟

صادق: اي هوَ

نرجس: شبي؟

صادق: يريد زينب

نرجس: ماعرف والله غير تسئلها

صادق: كليلها و هم خل تصلي صلاة الاستخاره

نرجس: تمام

صعدت بتعب على الدرج لحد ما وصلت لغرفة علي الدُر طبيت لكيتها وحدها كاعده تلعب بالموبايل و علي نايم

نرجس: زينب

زينب: همم؟

نرجس: اردي احجي وياج بموضوع

زينب: اي كولي

نرجس: تعرفين صديق اخوج باسم؟

زينب: اي؟

نرجس: طلب ايدج من صادق و يريد يعرف علمود نرجع للبصره و يتقدملج يم بابا

زينب: هاه؟ ماعرف

نرجس: كومي صلي ستخاره

زينب: خايفه

نرجس: صفي ذهنج و كومي

كمت توضيت و فرشت سجاتي و صليت من خلصت حسيت براحه بس مو ميه باليمه عدتها و عدتها لحد ما صارن اربع مرات باوعت لنرجس و كلت بخوف

زينب: كلهن مرتاحه بيهن

نرجس: باجر هم صلي و عكبه لحد ما يروح هذا الخوف

زينب: ماشي

فعلا مر يوم و يومين لحد ما زينب بنفسها حاجت صادق و الان نتوجه للبصره بعد فتره دخلنه و سلمنه و عتاب و الحمدلله الجد مهدي وافق و بالليل جنه كاعدين و زينب جانت لابسه عبايتها و متانين شوكت يصيحون علينا

وفاء: يُمه نرجس كومي صيحي زينب

نرجس: ماشي

كمت و صحت زينب بعد عشر دقايق اقنع بيها تدخل يلا دخلت و بيدها العصير وزعت و كعدت بصف صادق و اين رحت كعدت بصف امي

عماد: احممم اي شلونك باسم شخبارك

باسم: الحمدلله بخير انتَ شلونك؟

عماد: بنعمه

باوعت عليه طلع السلاح و حطه كبال باسم و ضحك باسم

باسم: اي؟

عماد: اي؟

صادق: والله لو تسكتون فشلتونه

حجي جواد: والله صحيح، احمم جاينك حجي مهدي نطلب ايد بنتك زينب صاحبة الصون و العفاف لابني الساقط باسم

ضحكنه على شقاوت حجي جواد

مهدي: نتشرف بيك حجينا و انتَ عشرة عمر

ضحكنه و قرينه الفاتحه الموضوع جان مفتوح بس مو بصوره صحيحه و جان عبالنه شقه

عماد: حجي شوكت تخطبلي؟

مهدي: حرك نفسك

عماد: كملت بيتي اريد مره

نرجس: اي اخذ ملاك

حجيتها و دخلت ملاك و الكُل باوعلها

صادق: الخير بذچره

ملاك: على شنو جنتو تحجون؟

نرجس: عماد يريد يخطب

باوعت عليها و هيَ تباوع لعماد بقهر

ملاك: اي منو؟

نرجس: انتِ

عماد: نرجس اسكتي بعد اخيج

ضحكت بهدوء و سكتت و كعدت ملاك بخجل بيناتنه لحدما خلصنه

مهدي: سوولنا چاي

زينب: بابا مو هذا عصير

مهدي: بنيتي اريد چاي

زينب: تمام

كلتها و طلعنه كلنا اني و نرجس و ملاك هم كعدنا بالمطبخ

زينب: اعتبر خطيبته؟

نرجس: لا بعد عقد القران

ملاك: امم صحيح

زينب: نرجس

نرجس: ها؟

زينب: الزواج حلو؟

نرجس: ويا اخوج اي

زينب: دكولي ولعباس؟

نرجس: ولعباس

زينب: يالذكيه اقصد من ناحية انتِ شايله بيت

نرجس: مادري

زينب: شوف اني اسئل منو

ملاك: باسم خوش ولد اكيد راح يدللج

زينب: احسه عصبي

ملاك: اركصيله

زينب: ماعرف

نرجس: ماعتقد يحتاج انتِ بس كليله بسومي

ضحكنه و اني صبيت الچاي و دخلته ملاك الهم و احنه كعدنه بالصاله الثانيه نحجي

نرجس: اجلو العرس خل اجيب

زينب: شعلي اني

نرجس: لعد شنو البس؟

ملاك: اكو بغداد هواي محلات تبيع للحوامل

زينب: ملاك منين تجيبين فستانج؟

ملاك: من باغي

زينب: لا عليج الله منين؟

ملاك: منا ماعندي احد ياخذني لبغداد

نرجس: ليش عماد ياخذج

ملاك: عماد يصير ابن عمي شلون ياخذني؟

نرجس: اخذي امج وياج

ملاك: اممم ماعتقد ترضى تجي

نرجس: ربج يسهلها

كعدنا نحجي لحد ما صاح صادق

صادق: نرجس

نرجس: ها؟

صادق: يلا خل نرجع

نرجس: مابيه حيل خل نبات هنا؟

صادق: شلون هنا لا خل نرجع

نرجس: لخاطري

صادق: اوففف يلا ميخالف

كملت كعدتي ويا البنات و صدفه اجه الكلام على حملي

ملاك: صدك يا شهر انتِ؟

نرجس: نكدر نكول الثاني

ملاك: بالضبط؟

نرجس: لا بعد كم يوم

ملاك: اممم الله يتمملج على خير

نرجس: تسلمين عمري

كملنا سوالفنه و جتي سالفه على سالفه لحد ما حسيت نفسي خلاص تعبت اريد انام تمددت و نمت و هنا ضلن يحجن فزيت على صوت طفل

علي: ماما

نرجس: ها حبيبي؟

علي: بابا يكول خل تجي اريدها

نرجس: جايه

كمت لبست حجابي و عباتي و نزلت لكيت صادق كاعد و بحضنه علي كعدت بصفه

نرجس: بيش الساعه؟

صادق: 2بالليل

نرجس: علي شتندك كاعد لحد هسه؟

صادق: بقى يمي

تثاوبت بخمول و صفنت

نرجس: ليش كعدتني؟

صادق: شو صايره كسوله؟

نرجس: شنو تريدني اللعبلك ضغط مثلا؟

صادق: لاحبيبي بس اقصد خل نحجي صار هواي ما حاجي وياج

نرحس: احجي حبيبي خايني؟

صادق: لا والله شبيج اقصد خل نتعرف على بعض اكثر

نرجس: اممم يلا

صادق: اني اسمي صادق مواليد 1990 احب القراءه و هم احب اقره لمجالس الحُسين استاذ جامعي بمحرم اخدم عندي موكب اسمه(نور من المهدي عجل الله فرجه) و هم اني من مواليد البصره بس شغلي بغداد احب الاكل و الحلويات هم

نرجس: اني نرجس مواليد 2001 احب الاكل و النوم و السهر و احب دراستي طالبة طب صارلها مأجله الدراسه سنتين بسبب زواجي منك و احب الحلويات كُلش هواي و هسه اشتهيت ككو بالفستق و هسه حبيبي صادق يروح يجيبلي مثل الملاك لان اني حامل و جاي اتنسه

صادق: هوَ صوجي اني كعدتج امشي بابا نروح نجيبلها ككو بالفستق و افررك البصره

كمت و اني شايل علي و رحنه للسياره و بديت افر البصره احد ما لكيت سوبرماركت مفتح جبت الككو و شويه حشبكلات هم و رجعت من رجعت شمرتهن بحضنها و صعدت اني و ابني و هيَ ورانا تاكل بالككو هيَ طبت للبنات و اني طبيت لغرفتي

ملاك: ولج منين جبتي هاي الحلويات؟

نرجس: صادق جابهن الي

زينب: الله يرحم جنت اتوسل بي يجيبلي وسفه على هيج خوه

باوعتلها و انطيتها العلاكه

نرجس: هاج جابلجن هذني

ملاك: هلا بابن العممممم

زينب: كافي لواكه و اكلي و فضيني يا لون تجيبين؟

ملاك: مادرييي اردي اجيب ماروني

زينب: صدككك نسيتت سارهههه دكو عليها

نرجس: اني عندي رقمها

دكيت عليها و شويه و جاوبت بصوت نعسان

سارة: الو؟ السلام عليكم

نرجس: حبيبي وعليكم السلام بس صحصحي

سارة: شكو؟

نرجس: يا لون فستان راح تجيبين؟

سارة: طبعا لان اني اخت العريس فا راح اجيب ذهبي

زينب: و اني شنو البسس؟

سارة: البسي ازرك فاتح

زينب: اممم لا ما اطلع حلوه بي اني راح اجيب ذهبي و انتِ جيبي غير لون

سارة: اجيب بنخضري؟

نرجس: اي حلو

طكيناها ضحكه كُلنا لحد ما قررن سارة تلبس احمر و ملاك تلبس وردي و اني البس اسود و زينب تلبس ذهبي

صبح علينا الصبح و احنه ما نايمين صفنت عليهن

نرجس: اريد انامم

زينب: ما تنامين ياهو كاضج؟

نرجس: اويي وخريي

وخؤن و نمت اني كعدت على ايد تمسح شعري فتحت عيني لكيته صادق

صادق: صباح الخير

نرجس: صباح النور

صادق: انزلي تريكي

نرجس: تريكت؟

صادق: لا متاني مرتي تسويلي

ضحكت و كمت اسوي الريوك وره ما لبست ملابس يو العبائه لان جوه جان الكُل موجود عماد اخو صادق

ملاك: نرجسسس

نرجس: ها؟

ملاك: ولجج بالغلط كلت اريد اجيب فستان احمر و عماد من يمه كب و كال لا

نرجس: صدك تحجين؟

ملاك: اي والله

نرجس: هسه غير يخطببب

ملاك: لوح ثلج مايحس

نرجس: الله كريم

زينب: بناتت عماد يكول اللون الذهبي مو حلو

نرجس: شنو سالفة لعماد اليوم؟

زينب: والله راح ابجي

نرجس: استهدي بالله شبيج جيبي ذهبي يلوكلج مالج دخل بي

سارة: ولجننن تخططن بدوني؟

نرجس: لا والله اني ولا خططت لشي

سارة: اممم عبالي

جابت ملاك مي لسيارة لان هل مره اجتي ويا امها و ابوهم و ابدا ما لمحنه باسم اني و ملاك نباوع لسارة حتى تحجي بس سارة مغلسه

ملاك: ساره ليش ما اجه باسم؟

سارة: هسه يجي وين يروح بس كال حسن صديق باسم يريده و هم راح يجي وياهم صديق حسن فا اذا تردن تسون چاي كثرن

ملاك: تمام همزين حجيتي جنه مسوي بس على العدد

حطينه الچاي على النار و صدك ما مرت ساعه الا و الباب يندك شفت صادق كام يفتح الباب و من فتحه طلع حسن و باسم

باسم: صادق

صادق: هلا ادخل

باسم: لا مو جايب صديقي وياي

صادق: حسن؟

باسم: لا رضا

صادق: هلا بي خل يتفضل

حسن: مايريد يدخل يكول خاف اسوي زحمه

رجعت لبست شحاطتي وطلعت  باوعت لكيت ولد طويل رزن مدنك راسه متجي على السياره

صادق: الله بالخير

رضا: الله بالخير و العافيه

صادق: تفضل جوه حاره هنا

رضا: لا والله مادخل

صادق: شنو ما تدخل تضل وحدك؟

رضا: اعذرني

تجاهلت كلامه و سحبته من ايده  ودخلنه للبيت

رضا: السلام عليكم

الكُل: وعليكم السلام

حجي مهدي: هلا بكُل خطار نسيبنه

حسن: و اني شنو حجينه؟

حجي مهدي: انتَ وليدي

حجي جواد: هلا بويه شنو اسمك انتَ؟

رضا: هلا حجينه اني اسمي رضا

جواد: اي شنو تشتغل عرفنه على نفسك؟

رضا: نقيب

جواد: امم و النعم منك و من شاربك

صادق: اجيبلكم چاي

صادق: نرجس حضرتي چاي؟

نرجس: اي اي هاك اخذه

ابتسملي و شاله و طبلهم وزع الچاي و رجعلي الصينيه

كعدو و اني طبيت لغرفة عمتي بديت انظف بيها لحد ما سمعت صوت زينب تصيح علي

نرجس: ها زينب؟

زينب: صادق يكول خل تضم ذني

باوعت لكيتهم المحفظة مالته و السويج اخذتهن و ضميتهن يمي و رجعت اكمل بالاخير عطرت الغرفه و طلعت

وفاء:بنيتي تسلم ايدج

نرجس: لا عامه عادي تردين بعد شي؟

وفاء: بس اريد تجيبيلي موبايلي اتصل على سناء

ضحكت و جبتلها الموبايل و رجعت انطينه و طبيت للمطبخ كعدت ويا البنات لحد ما دخل صادق

صادق: نرجس اريد السويج و المحفظه

طلعتهن و انطيتهن اله

صادق: اخذتي الخرده؟

نرجس: لا

طلع حمره و هم انطاني الخرده ووطلع

باوعت للبنات و اني اكللهن بغرورو

نرجس: اليوم نمنميات عليا

زينب: اويلييي راح ادلعنه اليوم

ضحكنه و فعلا الكُل بات و رضا كوه خلينا يبات يمنه بعد ما حلف صادق ما يعدي باب البيت حاليا هما طالعين بره يتونسون و اني و البنات بالغرفه مالتي نشوي مكياج و مشغلين اناشيد و نضحك و متونسين

نرجس: و اذا البحرين يلتقيان نتيجة لؤلؤ و مرجان و جبريل بسماء يصيح يامداحح غنيليي

زينب: صحت يطيور غنيلي و على عشك الذهب ميلي

ملاك و سارة: صحت يطيور غنيلي و على عشك الذهب ميلي

ضحكنه و جانت اجواء تجنن مليانه فرح

تمشي الايام لحد ما صار موعد عقد قرأن زينب و سويت نفس الي سويته و قريتلها دعاء الميامين و اني ابجي بفرحه و هم هلهلنا كُلنا بفرحه و سعاده

اني جنت لابسه الفستان الاسود و عباتي بيدي خاف يطبون الولد و فعلا طبوا و صادق باوعلي و اني اصلا جنت لابسه الحجاب و بس لبست العبائه و زينب ماجان احد غريب طب للغرفه دخل بس عماد و صادق و باسم علمود يلبسها الذهب و بعد ما طلعو رحت للمطبخ  و لكيت حسن حمدت ربي جنت لابسه العبايه اخذت الي اريده وطلعت رحت و انشغلت ويا زينب و باسم

ضليت صافنه و حسيت بعطش رحت للمطبخ جنت لابسه فستان وردي طويل و محتشم مايبرز اي شي و لا حاطه مكياج و لابسه حجابي دخلت للمطبخ و لكيت حسن دنكت راسي بخجل و اخذت  كلاص مي بهدوء

حسن: ما حجيتي ويا اهلج؟

سارة: على شنو؟

حسن: وعلي رايدج

سارة: خل اخلص كليه

حسن: تعالي بيتي و خلصيها

سارة: مايحتاج شفت شلون نرجس كعدت من الجامعه بسبب الزواج اذا صدك تحبني اخطبني و ها هيا

حسن: ماشي هسه احجي وياهم

طلع و اني ردت اوكع من اخوف و التوتر و فعلا حسن سواها و حجه ويا ابوي و شفت ابوي يباوع عليه و هز راسه

جواد: الك

حسن: اشكرك عمي و اوعدك احطها بعيني

جواد: تكمل دراستها و اخذها

حسن: اريد اخطبها

جواد: تمام شوكت ما تريد تعال و اني اخطبها الك

الكُل دره حسن لسارة و سارة لحسن و كُلنا فرحنه و صارت الفرحه فرحتين تمر الايام و اني صرت خطيبة حسن بس هو لا انطاني رقمه ولا شي بقينه غُربه لحد ما اخلص و اصير مرته بالحلال

اما عن زينب و باسم

اكتفو بس بالعقد قران و زينب رفضت تسوي عرس و تحط بي اغاني فا راحو لمدينة الزائرين بكربلاء و وره اسبوع هم يروحون للرضا

فعلا مر اسبوع و حضرو الجنط متجهين لانيس النفوس

ملاك: ادري شوكت اتزوج؟...

نرجس: الله كريم

صادق: نرجس حبيبي حضري چاي راح يجيني حسن و رضا

نرجس: تمام

بديت احضر الچاي الهم و هم اني مسويه كيك بس صفنت و تذكرت بنيه بالحفله حضرت كُلشي و ركضت جبت موبايلي و السيمكارت الي صار بي العرس ضليت ادقق بالفيديوهات لحد ما ركزت و لكيتها بنيه لطيفه و جانت لابسه لبس محتشم و لطيفه جدا

نرجس: ملاك تعرفيها هاي منو؟

ملاك: وينها؟

راويتها الفيديو و هيَ دققت

ملاك: اي هاي جانت جايه ويا رضا صديق صادق

نرجس: جذابه؟

ملاك: وعلي

نرجس: اريد اتعرف عليها مبينه لطيفه

ملاك: اسئلي صادق

نرجس: تمام

كمت كملت الچاي و دكيت الباب على صادق و طلع صادق

نرجس: صادق

صادق: عيوني

نرجس: سالمه عيونك اكلك اريد اعرف رضا عنده اخت؟

صادق: اي اجتي بالعرس

نرجس: امم تمام

طبيت و كلت لملاك الي كاله صادق ضلينه نسولف على العرس و شلون جنه فرحانين خلص اليوم و اني مشتاقه لزينب بس ماكدرت اتصل عليها

تمر الايام و جان يرجعون من الرضا و ستقبلناهم بالهلاهل و الچوكليت

بعد مدة من الزمن صارت اكو حفلة لبنت عم صادق و كُلنا رحنه نبارك و جان اكو ولد انعجب بملاك

حمزه: احمم انسة ملاك

ملاك: نعم؟

حمزة: منو والدج؟

ملاك: حجي قاسم هذاك ليش؟

حمزة: الصراحه انعجبت بيج و اريد اخطبج

سكتت اني و هوَ راح و فتح الموضوع ويا ابوي بس الحمدلله جانت كعده عائليه و الابنيه انزفت لبيت رجلها و ما نسمع غير ضربه قويه و صياح باوعنه من الشباك تماد كاض حمزه و يكتل بي بوكسيات و صادق يريد يخلص حمزه منه ماكدر لحد ما اجه رضا و سحب عماد بقوه

عماد: اكص لسانك يا نكس

حجي مهدي: عمادد اسكت

سكت عماد و عافهم و طلع ركب سيارته و لحكه صادق و رضا ضل يهدي الوضع ويا باسم و حسن و احنه ميتين خوف

نرجس: يمهه هذا شنو سوه

ملاك: يمهه ثور

سارة: يمهه شو هذا يخوف من يعصب

زينب: اي عماد مو مثل صادق عماد عصبي

نرجس: اي مو مثل رجلي

كعدنا ساكتين و ملاك بدت تبجي من الخوف خاف ابوها عبالها اكو شي بينها و بين عماد

ملاك: والله راح يشك بيه ابوي و اعرفه

نرجس: استهدي بالله مايصير شي بس اهدائي

ملاك: هذا كله من وره الغبي عماد

زينب: احترميني عاد

ملاك: اسفه بس تصرفاته تكول بينا شي

سارة: ماكو شي و سوء تفاهم

__

رحت وره لحد ما وكف السياره على الكورنيش و اني هم وكفتها و نزلت

صادق: انتَ صدك تحجي؟

عماد: احبها و ماريدها لغيري

صادق: تخطبها مو تتعارك و توكف قسمته

عماد: قمسته وياي اني الها و هيَ الي و ماتصير لغيري

صادق: انچب مو بكيفك

عماد: وحق ابو فاضل احرك الكون

صادق: استغفرالله ابويه اهداء الموضوع مو هيج

عماد بعد ما دمعت عيونه و اصلا عيونه صارن حمر

: والله احبها و اريدها

صادق: روح و حاجي ابوها مو تضرب الولد

عماد: اصلا جان غاثني من اول العرس

رجعنه للبيت و لكينه حجي قاسم ماخذ ملاك و راجعين لبيتهم باوعت لعماد بعتب و فعلا ضل شهرين ملاك ما جايتنه جانت بالعادة تجي و تبات لو نرجس موجوده راحت زينب لبيت حجي جواد ويا ساره و نرجس ضلت وحده بالبيت مكضيتها على الموبايل و علي الدُر وين ما اروح يروح وياي

نرجس: ملاك ليش ماتجين والله ضجت و صادق يريدنه نبقى هنا لحد ما اجيب

ملاك: ماكدر ابوي حلفني بعد ما ادخل لبيتهم

نرجس: ولج راح اموت من الوحده

ملاك: صدك يا شهر صرتي؟

نرجس: الرابع

ملاك: امم الله يتمملج على خير

نرجس: شكرا حبيبي يلا مع السلامه

ملاك: الله وياج

دخل علي صادق و اني باوعتله

نرجس: جيب امي

صادق: ليش؟

نرجس: ماعرف اكعد وحدي هنا و شوف بطني شكبرها صايره

صادق: امم بعدين نشوف الموضوع

نرجس: تره راح ادخل الشهر الخامس

صادق: اعرف

نرحس: جذاب

صادق: راح اظخلين الشهر الخامس بعد اسبوع

نرجس: صحيح

ابتسمت: حبيبي والله مهتم الج و احبج

نرجس: عبالي

ضحكت و طبيت اسبح خلصت و طلعت بديت اقره زيارة عاشوراؤ و اني حاط ايدي على بطن نرجس و هيَ غفت

رفعت ايدي و بديت ادعي

صادق: يارب بحق فاطمة الزهراء تكوم الي نرجس بخير و سلامه يارب عينها يارب

لميت مصلايتي و تمددت و نمت كعدنا على بوسه من علي الدُر

علي: بابا بابا بابا

صادق: هممم

علي: بابا عمو عماد يكول تعال اريدك

صادق: نازل

كمت غسلت وجهي و لبست دشداشتي و نزلت لعماد

صادق: صباح الخير

عماد: صباح النور

صادق: خيرك؟

عماد: اليوم اخطب ملاك

صادق: شنو؟

عماد: مثل ما سمعت و ابوي موافق

صادق: شوكت؟

عماد: اليوم بالليل

صادق: على بركة الله

سكتنه و بعيدن باوعت عليه و طبطبت على ظهره عفته و صعدت كعدت نرجس

صادق: نرجس

نرجس: همم؟

صادق: كومي حضري روحج

نرجس: وين؟

صادق: راح نخطب لعماد

نرحس: منو؟

صادق: ملاك

نرجس: شنووو؟ كول وعلي؟

صادق: وعلي

كمت و طلعت ملابسي و ملابس صادق و دشداشة علي الدُر

مر الوكت و اني كملت تنظيف البيت و فعلا بدلنا و رحنه لحجي قاسم و دخلنه

حجي مهدي: والله يا حجي قاسم اني اعتذر عن اخر مره ب ساليوم جايين و املنه بالله و بيك نخطب الانسة ملاك لعماد على سنة الله و رسوله

حجي قاسم: هلا و مية هلا و الابنيه بنتكم بس اني عندي شرط تخلص تعليمها و تكض شهادتها بيدها و تاخذون الابنيه

حجي مهدي: حقها

صفنت على صادق و همستله

: لو ادري جان اني هم كتلك اخلص دراستي

صادق: حبيبتي انتِ مرتي و اصلا ماتحتاجين الشهاده

نرجس: ليش؟

صادق: لان بعون الله تبقين مرتي لاخر نفس بيه

نرجس: تعرف شلون تسكتني

ضحكنه و قرينه الفاتحه و وره فتره تصير الخطوبه يعني وره شهرين لان عدها فتره مراجعه و امتحانات ملاك نفس سارة هم اول مرحله جامعه

وره فتره رحنه للدكتوره علمود نعرف جنس الطفل و اكتشفنه هاي تكون بنيه فرحت كُلش

علي الدُر: بابا عادي اسميها؟

صادق: ماعرف احجي ويا امك

نرجس:اي بس كلي اول شنو تريد تسميها؟

علي الدُر: دُره

ضحكت و كلت: ليش شمعنى دُره؟

علي: لان اني اسمي علي الدُر فا هيَ تصير دُره نفس اسمي تقريبا

نرجس: ها هيا دُره

ضحكنه و انتهى اليوم تمر الاشهر لحد ما صار شهرين و رحنه رسميا خطبنه ملاك لعماد و اني دخلت بشهري السابع و جنت كُلش اتوجع و بطني صارت چبيره و هم صرت امشي نفس البطه و تحدد موعد عقد قرأن عماد و ملاك و بنفس اليوم سارة و حسن

جان بعد شهرين و جنه مطمنين لان الدكتورة كالت ما اجيب اول ما ادخل للتاسع راح اطول لذا ما هتمينه هواي تمر الشهرين و اجه يوم العقد قرأن و الحمدلله عده على خير بس بالليل بديت اتوجع حيل كعدت صادق

نرجس: صادق

صادق: ها؟

نرجس: جاي اتوجع حيل

صادق: شنو اسوي؟

نرجس: مادرييي ويديني للمستشفى راح اموتت

ضليت افتر بالغرفه و اني تايه مدري شنو اسوي لبست شحاطتي و شلتها و نزلت بيها لجوه و بعياطها كعدت الكُل حطيتها بالسيارة و صعدت بصفه ملاك و اتوحهنه للمستشفى و اني ادعي ربي تعدي سلامات دخلنه و جابت طبيعي الحمدلله بعد مدة طلعوها بنيه بغاية الجمال سبحان الي خلقها شعرها على امها احمر و بيضه و هيَ اصلا طلعت تصرخ كعدت بالكاع من التعب حسيت روحي رجعتلي بعد ما هديت و الكُل باركلي رحت لنرجس و بس ايدها

صادق: مبارك حبيبي

نرجس: الله يبارك بيك

عدت الامور على خير و رجعنه للبيت طبينه و الحمدلله سلامات

ثاين يوم اجه رضا و اخته ويا و الكُل جان موجود حسن و سارة و زينب و باسم و العائله كُلها حتى امي كعدنا باجواء عائليه لحد ما طبو عائله صادق عمهم الصغير (ابو حمزه) ليث

ليث: مبارك عليك صادق ان شاء الله الذريه الصالحه و تشوفها عروسه

صادق: الله يبارك بيك عمي

حمزه: مبارك صادق ان شاء الله تتربه بعزك

صادق: الله يبارك بيك

كعدنا و عماد سلم على حمزه و حمزه ضحك و رجعنه سويه مثل العائله و اكتشف حمزه ان ملاك مُجرد اعجاب و راح لكن من شاف ضُحى كلبه بدا يدك بقوه و الكُل لاحظ نظراته و شلون يتجنبها

عماد: ها خويه؟

حمزة: لا ماكو شي

عماد: امم تمام تردي مي؟

حمزه: اي رحم الله والديك

انطه عماد مي لحمزه و جنه نضحك و فرحانين لحد ما حمزه كال: اعذروني لاوم ارجع للشغل

رضا: شنو تشتغل؟

حمزة: عندي محل عطور

رضا: امم

حمزة: تعال و عطرك على حسابنه

رضا: وين هنا لو بغداد؟

حمزه: عندي ثنين بس هنا اني الي اديره و بغداظ عندي صاحبي هوَ الي يديره

رضا: ان شاء الله

طلع حمزه و رجع الكُل لبيته

__

باقر: زهراء بابا زهراء تعالي

زهراء: ها بابا؟

باقر: تعالي بنيتي 

كعدتي يمه و بدا يسولف وياي

باقر: بويه انتِ السنه الي تجي تره وزراي؟

زهراء: اي باب اعغف (اعرف)

باقر: اي بنيتي سادس هذا مو لعبه ارديج اطلعين معدل

زهراء: ماشي بابا اطلع ان شاء الله

باقر: عفيه ببنيتي

ضليت كاعده يم بابا لحد ما كال

باقر:: اليوم عزمت النقيب الي ساعدج رضا

زهراء: اي

باقر : كومي ساعدي امج بالمطبخ شوي و يجي تره

كمت و ساعدت ماما لحد ما كملنه و فعلا اجه رضا و دخل و معد ويا ابوي و اتعذر على التاخير لان عساس جان يم صاحبه اجته بنيه و راح يباركله هوَ و اخته و همين رجع اخته للبيت فا اتاخر

زهراء: ماما

سُعاد: ها ماما؟

زهراء:  ليش بابا عزمه؟

سُعاد: هوَ اصلا من رجعج النا و ابوج يقنع بي يجي

زهراء: تمام

كملنه صب و وديت السفره اني لان بابا ميكدر بس كام رضا و بدا يساعدني و ياخذن مني الصينيه

باقر: والله مادري عود عازمك بس جاي اخليك تكوم

رضا: على بهتك حجينه ميخالف اني مثل ابنك

باقر: والنعم من شواربك

كملنه و بدو ياكلون

رضا: ليش الاهل مايجوني اكلون ويانا؟

باقر: بنتي تستحي

رضا: صيحهم خل ناكل سوه

باقر: بابا زهراء تعالي

طلعت بتوتر و فركت ايدي

زهراء: ها بابا؟

باقر: تعالي اكعدي نتعشه سوه

كعدت بهدوء و بدينا ناكل باوعت لرضا بتوتر لكيته يباوعلي و مانزل عينه

رضا: بيا صف؟

زهراء: سادس اعدادي

رضا: امم شاطره؟

زهراء: اي

باقر: بنيتي الشاطره

رضا: الله يحفظها

سكت شوي و بعدين حجه

: يعني عمرها 17؟

باقر: اي

كمت و اني اكول: غاح اكوم اسوي چاي (راح)

دخلت للمطبخ بتوتر و خجل غسلت ايدي و بديت اسوي چاي سمعت صوت

رضا: سوي مهيل احب  بي هيل

زهراء: يمهه خوفتني

رضا: اسم الله عليج بس حبيت اكلج حطي بي هيل

زهراء: تمام غاح احط هيل اطلع بغه(راح'بره)

طلعت و اني اضحك رجعت و بديت الم السفره ويا الحجيه و اجتي زهراء تريد تشيلها شلت الصينيه لان جانت ثكيله و وديتها للمطبخ

زهراء: شكغا(شكرا)

باقر: تسلم ايدك وليدي

رضا: لا عادي ماسويت شي

كعدنا نشرب چاي لحد ما كلت

رضا: حجينه

باقر: هلا وليدي

رضا: الصراحه اردي اتزوج زهراء

باقر: زهراء؟

رضا: اي

باقر: بس بعدها صغيره

رضا: ونتظرها بس اوعدني ما تصير لغيري

باقر: والله مادري يا وليدي

رضا: كول اي و الباقي علي

باقر: الك انتَ احسن من الغريب

ابتسمت و كمت ترخصت منهم و طلعت ركبت سيارتي متوجه للبيت فرحان دخلت للبيت بهدوء

ضُحى: الحمدلله فرحان مو عصبي

رضا: اممم اكيد افرح

ضُحى: تزوجت؟

رضا: حجيت ويا ابو الابنيه الي احبها و وافق

ضُحى: بدون ما تكلي؟

رضا: اجتي صدفن وعلي

ضُحى: ماشي

صعدت انام و اني مطمن

مرت السنين و صار مار على ذاك الموقف سنتين و هسه زهراء صار عمرها 19 ثاني مرحلة جامعه رحنه و خطبناها و صارت الي رسمي و ضُحى حمزه رادها بس اني ما قبلت الا لحد ما ضُحى توافق لان جانت متردده مرت الايام و اجه عرسنا اني و زهراء و عزمت الكُل و جنه فرحانين

حمزة: شوكت تحنين؟

ضُحى: عفيه حمزه ماردي هسه

حمزة: ليش؟

ضُحى: اخاف

حمزة: تخافين من شنو؟ وهلي احطج بين عيوني

ضُحى: و ملاك؟

حمزة: وحق عيونج جانت مُجرد اعجاب و راح انتِ ساكنه عقلي و گلبي

ضُحى: حاجي اخوي

ركض حمزه لرضا و هو يكولة

حمزة: و الزهراء وافقت هسه اتزوج ماطول الشيخ هنا و بعدين اسويلها عرس

فعلا عقدنا القران سويا اني و اخوي و بعد مدة سوالي عرس و زفوني

____

صادق: ولج دُره تعالييي

دُرة: ماما ماما

ركضت دُره و هي تضحك على نرجس و زينب جانت ترضع بنتها (فاطمة) و ملاك تركض وره (جعفر) لان بيده حصو يريد يبلعه و سارة كاعده لان حامل و ميته تعب و ضُحى بعدها بدايات حملها و زهراء بعدها ما حامل جنه كاعدين متونسين سويا و احنه نسولف و مايخله الجو من الاطفال علي الدُر شال دُره و باسها و هو ينطيها حلويات و دُره باسته و كعدت بحضنه تاكل

╚══ஓ๑♡๑ஓ══╝

╔══ஓ๑♡๑ஓ══╗

و لكُل بدايه نهاية و ها قد جائت نهاية روايتنه الجميله التي كُنا نُطلق عليها اسم: مرج البحرين يلتقيان و قد شاء القدر و التقى صادق بنرجس  و باسم بزينب و حسن بساره و رضا بزهراء و حمزة بضُحى و قد اغمضت عين تلك الفتاة الصغيره و ذهبت للنوم و اغلقت الام الروايه و اغلق الستائر و الاضويه و خرجت من غرفة ابنتها الصغيره و ذهبت للنوم هيَ ايضا

╚══ஓ๑♡๑ஓ══╝

الكاتبة: رُقيه(روكا)

الانستا

التيك توك

استقبل اي روايه حقيقيه الي تردي تراسلني لو على البوت مال تلي كرام لو على الانستا مع السلامه