رواية متمرد و قاسي الفصل السادس 6 - بقلم Nasma Aliraq

جوري
مجنوني ،،،،وينك تعال يامجنوني
وينك حبيبي ياوفي ،،،اشتعل بيك وانطفي
انت الهوا وانت الحياة

كنت استمع لاغنية مجنوني وانا اتمدد في سريري وافكر هذا الحب الذي تربع وسط قلبي ،،، رن هاتفي رساله من زيد
زيد : حبيبتي كاعده لو نامت ؟؟
كتبت له
جوري : ههههه راح تخليني من هسه اذووب
كتب لي
زيد :لا ياعمري لتذويين تره اني مثل الشمع اذووب وراج
جوري : شدتسوي انت
زيد :يعني متمدد عالسرير ولابس شورت بس وانتي شدسوين
جوري :جنت اسمع اغنيه مجنوني وليد الشامي
زيد :مجنونج منو اني !!! يعني اني مخبل
جوري : لا ياعمري بس انت الي مجنني
زيد :جوري راح اخابرج اضوج من الكتابة اني
جوري :اوك
اتصل بي هاتفيا
زيد :اي هيجي حلو صوتج يطخ بشفايفي
جوري : فديتهه
زيد :شنو هيه
جوري :شفايفك ههههه
زيد :خرررب لتخليني اصعد هسه اطخها صدك
جوري :لالالا يمعود وين لحد يحس بينه وين ننطيً وجوهنه
زيد :وشنو اني خايف من احد الي اريده اسوي هيييي يا الله اني اخاف من الخدم ليشوفوني
جاوبته بغضب
جوري :وشبيهم الخدم يعني مو بشر لو ماعدهم مكانه لازم تستحقرهم
زيد :يمه اكلتني وشربتني مو هيج قصدي لحظه بس اني ماخاف من احد اني ممسوي شي غلط اذا حبيت ولا انتي
جوري : اي بس الفرق الي بيناتنه جبير انت مكانتك الاجتماعيه مو نفس مكانتي يعني الناس والمجتمع كله راح يحاربنه زيد ممكن اسئلك سؤال وتجاوبني بصراحه
زيد :كولي
جوري :انت ليش هيج تصير قاسي مرات يعني عصبي حتى نظراتك تصير جاحده مرات احس بيك وحيد مرات احس بيك اناني لتزعل مني عبالك بيك داء العظمه
زيد :كملي
جوري :مرات اشوفك قاسي حيل لدرجه حتى امك تقسي عليها
زيد :امي !!!!!
جوري :اي الحجيه
زيد :هااا جوري هذا الحجي يرادله كعده طويله واني كتلج قبل يمكن الطفوله القاسيه الي عشتها خلتني اصير هيج بس صدكيني اني قلبي طيب ومو كل واحد يحس بهالشي
جوري :اي واني اشهد كلش طيب طلعتني بالليل بالبرد اشتغل بالحديقه
زيد : صدكيني اني كلش اتاسف على هذا اليوم وراح اعوضج عنه بيوم تبقين تتذكري طول عمرج
جوري : ولا يهمك اني مضايجه منك ع الاقل بيومه نمت بحظنك
زيد :ملعونه ههههه ،،، عينج عليه جانت مو ؟؟
جوري :مممم يعني بس والله مجنت ادري بس يوم الي بستني بي اول مره حسيت بشي تجاهك حسيت قلبي دق لاول مره بيومها بحياتي
زيد : جوري انتي شكد عمرج
جوري :٢١
زيد :يعني اصغر مني بسبع سنين ،،، جوري طكيلي صوره هسه وانتي متمدده
جوري :لا هسه شنو محلوه اطلع بالصور
زيد :تخبلين معليه اريد صوره حته ابقى احظنها وانام
جوري :تمام لخاطرك بس ولو اني ماحب اخذ صور لنفسي
التقطت صوره وانا ممدده ارتدي الكيمونه وشعري الطويل مفتوح ومنثور على السرير وارسلتها له برساله
زيد :خررررررررررب
جوري :شكوو
زيد :شنو هالجمال تدرين عيونج بيها سحر يجنن وشعرج فد شي ديري بالج تكصي تره اذبحج خليني اريده الي اشم بي
جوري : اي بس اذا بيوم تضوجني اكص منه
زيد : منو يضوج حبيبتي اموته

بقينا نتكلم حتى الفجر تقريبا ،،، بدأت اشعر بالنعاس حقا على الرغم من اني لا اريد ان اتركهه ابدا
جوري :زيد باجر ورايه كعده من الصبح وانت هم يعني خل نلحك شويه ننام اهئ اهئ
زيد :بعد وكت حبيبتي ماكدر انام اليوم اني
جوري : اي بس باجر الحجيه تخبصني خبص من الصبح اني بلا الشي اليوم مرحتلها
زيد :تريدين اجيب بنيه تداريها وانتي تشتغلين يمي
جوري :ششتغل يمك اني 😳😳
زيد :تداريني الي 😂😂😂
جوري :لا عيني خليني يم الحجيه اكمل شغلي انت مو امان
زيد :اني مو امان!!!
حوري :اي اذا ابقه يمك كل شويه تبوسني حتى شفتي الفوك ورمت من وراك باجر شكولهم اذا انتبهووو
زيد : صدوووك تحجين انتي !!!!! شفايفج الفوك ورمت دقايق بس
جوري : اي ورمت الووو زيد وينك الووو الووو يمعود شنو نمت

كنت لا اسمع صوته نظرت للهاتف كان الخط لايزال اتصال وانا انتظر سمعت طرقات خفيفه على الباب نهضت بسرعه
منو يجيني بهالساعه خير يارررب
فتحت الباب وتفاجئت به يقف امامي يتكأ على الباب وهو يبتسم تلك الابتسامه الماكره عاري الصدر يرتدي الشورت فقط
جوري :عززززه شجابك هسه لا احد يشووفك
زيد :ترضيها شفايفج  الفوك مورمه والجوه مابيها شي
جوري :شنو !!!!
وقبل ان اتكلم اكثر دفعني للداخل واحتظنني ورفع جسمي لاصل الى مستوى راسه قبلني بقووه ،،،كنت اشعر برغبته بي بدقات قلبه السريعه ،، بقبلاته ،، بلمساته ،،
انزلني ولازلت بين ذراعيه
زيد :اي هسه تمام الجهتين مورمات حتى الي يسئلج كولي مسويه نفخ ،،، هههه
جوري :هههه شنو انت هوايتك البوس متعرف غيره
نظر لي بتلك النظره الماكره
زيد : منو كلج ماعرف غيره،،،
كان يقترب مني اكثر
زيد :جربيني وىشوفي اعرف غيره لو لا ،،، تردين اشوفج نموذح صغير !!!
جوري :ها لا لا لا اسحب كلامي ماريد شي خليها عالبوس بس
زيد :اششششش لتخافين شبيج قابل راح اكلج
كانت يتكلم بهمس حتى اني فقدت صوابي معه واكمل
بس اريد اكولج شي اني كلش ادب سز بهاي الشغلات تره
جوري :ها لا عفيه بلا ميانه زايده اني اخجل
ريد : ههههه يعني عندي استعداد هسه ابقى بلبوص ههههه
دفعته واغمضت عيناي بيدي واستدرت
جوري :خرررب اذا سويتها صدوك اعيط هسه الم عليك الناس كلها
زيد : تعالي لتخافين ماسوي شي
كنت اشعر بابتسامته الماكره فوق شفتيه
جوري :ما معليه انت مو امان
زيد :تمام ماسوي شي وداعتج تعالي
ادري ليش المستحه اول وتالي حتشوفيني بلبوص حتشوفيني بلبوص
جوري :خررررب  بس كل شي بوكته حلوو
فتحت عيناي نظرت له من بعيد
جوري : تره انت صدوك ادب سز اني شون بيه هنا انت مراح تعوفني اهى اهى
زيد : هههههه تعالي خليني اشبع بوس قبل مانزل
حوري :بوس بس ماكو شي ثاني تره احلف حتى بوس ماكو بعد
زيد :ههه تعالي وداعتج ماصير ادب سز
اقتربت منه وحتظنني مره اخرى
زيد : يلا نامي تصبحين ع خير.
جوري :وانت منً اهله حبي

بعد ذهابه استلقيت على سريري وانا ابتسم واتذكر منظرك هههه
حبيبي الفاسد

زيد
لاول مره في حياتي اشعر بطعم الساعات التي اعيشها على الرغم من كون صوفيا عشيقتي وكنا نقضي الكثير من الليالي معا ولكن مشاعري كانت متجمده لحين رؤيتي لجوري وتقربي منها فقد اذابت الجليد المتعشعش في قلبي واشعلته نارا بعشقها ،،واحاسيها ،،، ونظراتها ،،
احببت كل شي فيها حتى اني بدأت اتغير ،،، كانت عيناي تبحث عنها دوما تلك العينان الساحرتان الخضروان التي لا استطيع الا والتفكير بهما
بعد اعترفنا بحبنا اصبحت علاقتنا وحبنا يزداد يوما  بعد يوم
مرت الايام وانا انظر لها خفية كي لا يشعر احد من الموجودين بعلاقتنا لكونها هي من طلبت مني ان نبقي هذا الامر سرا حاليا كانت هي تاتي لزيارتي بين الحين والاخر لغرفتي في الليل كنت لا اشبع منها ومن وجودها في حياتي ،،
ايعقل ان هذا هو مايسموه الحب !!!!
فان كان هذا الحب فانا اعشقك اكثر من الحب نفسه
اصبحت اتعامل معً الخدم بطريقه مختلقه ،،، اصبحت حياتي لها طعم ،،،اشعر بحلاوت ساعاته ،،،

كنت اعود من الشركه وانا اشتاقً لاحتظانها وتقبيلها ،،،
عدت ذات ليله من الشركه وانا لم اسمع صوتها منذ الصباح 
دخلت الى البيت لم تكن موجوده في المطبخ فايقنت انها عند الحجيه ذهبت مباشره اليها طرقت الباب
الحجيه :ادخل منو
زيد :اني زيد خو ما محتاجه شي
كانت تجلس لوحدها
الحجيه :اي اوراق الشركه صار كومه من طلبتها
زيد :كتلج ماكو اوراق انسي
الحجيه :تعرف احقك قانونيا ،،، بس الاوراق الاصليه مو يمي يحي يوم الكاها واخذ كل شي منك
زيد : هههههه اعلى مابخيلج اركبي
خرجت من غرفتها وانا ابحث عن حبيبتي فكرت ان اصعد لغرفتها ولكن لا اريد لها ان تشعر بالحرج امام احد
عدت الى المطبخ كانت خوله تعمل هنا
ريد :خوله وين جوري
خوله :استاذ اليوم خميس راحت ابيت اهلها اجازتها
لقد نسيت حقا اتها تذهب كل اسبوع لرؤيه امها ولكن هاتفها مغلق لم استطع الوصول لها ولا اعرف حتى عنوان بيتها
عدت الى غرفتي وانا اشعر بالملل كيف ساقضي ليلتي وحبيبتي ليست معي
بدأت حقا اعتاد وجودها في حياتي ،،، بدلت ثيابي وجلست في غرفتي اتصفح في هاتفي وانظر لصورتها التي بعثتها لي سابقا
لم اشعر بنفسي الا وغطيت بنوم في عميق لم اصحو الا على تلك اليدين وهي تلامس شعري ووجهي باطراف اصابعها
ابتسمت قبل ان افتح عيناي وامسكت يدها وقبلتها بهدوووء
زيد :لو تعرفين شكد اشتاقيت لهاي الايد وحشتيني موووت
( اني هم اشتاقيتلك حبيبي)
فتحت عيناي بسرعه ونهضت كانت صوفيا تجلس بقربي وتضع يدها على وجهي
زيد : صوفيا !!!!
صوفيا :اي حبيبي شبيك فزيت شنو جنت منتظر احد ثاني
زيد :لا بس متوقعت وجنت غاط بالنوم عبالي حلم
اقتربت مني واحتظنتني
صوفيا :حبيبي اشتاقيتلك موووت يعني الا اني اجي حضرتك متسئل عليه ،،،صار اسبوع ملتهيه ويه امي مريضه شيل تلفون اسئل صدك زعلانه منك اني
زيد :تعرفين بيه ملتهي بالشركة وخصوصا هالفتره موسم سياحه راح يبدي وتبدي رحلاتنا ،،،
صوفيا :حبيبي
وهي تضع يدها على خدي
صوفيا :صار اسبوع وانت مو يمي كلش اشتاقيتلك خلي نكضي هاي الليله سووه امي راحت يم خالتي يعني اكدر ابقى يمك
ابعدت يدها عن وجهي ونهضت
زيد : لا صوفيا تعبان ماكدر واريد ارتاح اليوم كلش تعبت بالشغل
صوفيا :زين حبيبي باجر
زيد :صوفيا !!!!! تعرفين اني ماحب احد يجبرني على شي صوفيا :واني اي احد؟؟؟ ها اني حبيبتك صوفيا لو نسيت
زيد :صوفيا بلا هالحجي مو وكته
صوفيا :ليش زيد لازم نسيت اني جنت بتركيا عايشه وانت جبتني هنا علمود اكون قريبه منك ،،، غيرت حياتي علمودك،، عفت كل شي وره ظهري وجيتك لو هم نسيت زيد
زيد :صوفيا كتلج مو وكت الحجي هسه
اقتربت مني مره اخرى وهي تحاول ان تغريني ككل مره كانت توقع بي بنظراتها وعيناها الزرقاوين كنت اقع اسيرا لهما سابقا ولكن حبي لجوري الان يمنعني من ارتكاب اي اخطاء بحياتي
صوفيا :حبيبي اني ادري انت تعبان ومقدره هالشي بس اني هم محتاجتك اريد احس بوجودك يمي ،،، تعرف شكد تحملت علمودك اني !!!
كانت تنظر لي ودمعتها بطارف عينيها ،،امسكت يدي واكملت
تتذكر من تقدملي ولد بتركيا وانت تخبلت بوكتها منعتني حته من الطلعه حتى محد يشوفني ويخطبني ،، تتذكر زيد موو ؟؟
تتذكر من جنه اني وياك طالعين بازمير وفات واحد تركي تحارش بيه انت ضربته على راسه وصارت مشكله وبتنه ليلتها بالمركز
تتذكر لو اذكرك بعد ؟!!
زيد : صوفيا ميحتاج تذكريني بشي كتلج تعبان محتاج ارتاح
اقتربت مني وهي تحتظنني
صوفيا :حبيبي لتخوفني تعرف اني ماكدر اعيش بدونك يوم واحد ،،،
كنت احاول ابعادها عني لكنها بدأت بالبكاء
صوفيا :صار ثلاث سنين وياك عمري مسئلتك عن شي او حاسبتك عله شي جنت تريدني اجيك ركض انسه كل شي واجيك
ليش هسه دا احس بيك ابتعدت عني احس بيك مو ويايه ابد
مو زيد الي اعرفه مو زيد الي جان يحظني ويبوسني ويباوع بعيوني ويكولي مشتاقلج !!!!
وينه حبيبي زيد ،،،جاوبني وينه حبيبي منو اخذه منيبدات بالضرب على صدري حقا شعرت بالذنب تجاه هذه الفتاه كنت معها لكونها الوحيده التي تعطيني كل ما اريد ،،، ضحت كثيرا لاجلي ،،تركت مكان اقامتها وتبعتني الى هنا ،،،
احتظنتها ووضعت يدي خلف ظهرها كنت احاول ان اهدأ من توترها
زيد :صوفيا كافي ارتاحي هسه وبععدين نتناقش بكل شي تريدين تعرفي ،،
صوفيا :بس كولي انت بطلت تحبني
زيد :صوفيا ارتاخي هسه وكل شي ينحلى
رفعت راسها باتجاهي تنظر لي واقتربت مني وقبلتني
كانت لحظه ضعف مني لم اكن اريد تلك القبله ولكن !!!!
حاولت ابعادها ولكنها تشبثت بي يقوه
فتحت الباب رفعت نظري كانت جوري تنظر لي بعينين دامعتين وخرجت بسرعه قبل ان اتفوه بكلمه واحده
صوفيا :منو دخل للغرفه وطلع منتبهت
زيد :محد يمكن  الخدم روحي هسه صوفيا بعدين نتفاهم
صوفيا : تمام راح اروح بس انتظرك تجي وتشرخلي كل شي

ذهبت صوفيا فخرجت مسرعا واتجهت لغرفة جوري طرقت الباب فلم يرد احد فتحت الباب لم يكن هناك احد ،،،
يجب ان ابرر لجوري موقفي واني لم اكن ابادلها تلك القبله ولكنها فاجئتني بتقبيلي ،،
زيد :
جوري وين رحتي بس لا زعلت اكيد زعلت وانقهرت ياربي وين راحت
بحثت في المطبخ لم اجدها ايضا
كانت ام سجى تحضر شيئا ما في المطبخ سالتها عن حوري
ام سجى :هيه جتي قبل شويه فاتت ماكو عشر دقايق رجعت طلعت حته ملحكت اسألها شي صحتها مسمعتني وطلعت تركض ،،
خرجت بسرعه وانا احمل مفاتيح سيارتي واتجه نحو الكراج خرجت مسرعا لعلي استطيع اللحاق بها،،
ياربي وينها وين راح الكاها حتى عنوان بيتها ماندلهً
ضربت على المقوود وانا اصرخ : شون هيج شووون
لم احد لها اي اثرا كان الارض انشقت وابتلعتها

الحجيه
بعد ان علمت بعلاقه زيد بتلك الخادمة كنت اصاب بالقلق لما سيحدث فانا كنت اخطط بزواج زيد من صوفيا تلك القتاة التي اتفقت معها ان تساعدني لاستعيد ثروتي كلها التي سرقها مني
اتصلت بصوفيا واخبرتها عن تلك الخادمة التي ستسرق حبيبها منها ،،
صوفيا : خاله زيد متعلق بيه ماعتقد الي شفتي صح
الحجيه :اكلج صار كم يوم داراقب كل يوم تروحله بالليل تبقه يمه شويه وتطلع هههه تره اني عمري هذا اعرف الي بينهم شي بلا ميحجون سمعيني هسه لازم تجين وتحاولين تبقين يمه
صوفيا :بس هو مديتصل ييه تعرفين اني ماكدر احي اذا ميطلبني
الخجيه :ماعرف شوفيلج حل وتعالي ولازم اليووم لان هااي الخبيثه مموحوده راح اسوي خطه اريدج تسويها
صوفيا :شنو هيه
الحجيه :تجين يم زيد بالليل وتحاولين تتقربين منه حته لو كوه بس قبل متدخلين للغرفه تدكين عليه وتخلينً التلفون بجيبج بحيث اسمع حجيكم اني راح اخلي سماعات باذني واسمع الي يصير
وقبلها راح اخابر جوري اكوللها محتاجتهل هسه تجي لان اني مريضه وماعندي احد يمي
من تحي اني راح اكون اسمع الي بينكم ومن اسمع اقتربتي منه وصار بينكم شي ادزها لغرفه زيد انتي سوي الي كتلج علي وعوفي الباقي عليه
صوفيا :واذا زيد مقبل ابقه يمه
الخحيه :حاولي ميحتاج اعلمج شسوين حته لو لحظه بس تتقربين منه
صوفيا :اوك راح احاول بس خاله اني معتمده عليج انتي وعدتيني زيد يتزوجني الي لهذا راح اسوي كل الي تريدي حته احصله بالنهايه وانتي تاخذين الي تريدي
الحجيه : كله بتسهل بس نفذي الي اكوله

بدات تلك الخطه وانصلت بجوري واخبرتها بمرضي الشديد واني يحاجه لها اقفلت الهاتف وانا انتظر قدومها بعد ساعه تقريبا وبعد دخول صوفيا لغرفه زيد بدقائق معدوده جاءت جوري ودخلت غرفتي
الحجيه :تعالي جوري سدي الباب وراج
جوري :سلامات حجيه خيرج
الحجيه :ماعرف كلش تعبانه احس بروحي ماكدر اتحرك منا لهنا وقلبي يدق سريع
جوري :اخابرلج طبيب
الحجيه :لا بس ابقي يمي وانطيني دوا وقت بوقت واني اتحسن
جوري :تفضلي خاله الدوه عندج العافيهً
الحجيه :يعافيج
كنت استمع لحديث صوفيا وزيد في الهتفون كي لاتسمع جوري شيئا
جوري :خاله شنو تسمعين اغاني
الخجيه :لا يا اغاني داسمع ادعيه ارتاح من اسمعها
جوري :اهااا الله يريحج دوووم
بدات استمع لصوفيا وهي تقترب من زيد كانت الخطه انها ستقترب منه وتحدثه وتسئله ان كان يحبها وبعدها ستقبله حتى لو بالقوه
ارسلت جوري بسرعه باتجاه غرفة زيد وطلبت منها ان نطلب من زيد علبة دواء اخرى فدوائي اكتمل اليوم وهو يملك عليه اخرى
الخجيه :بنتي روحي لزيد بس كوليله ينطني عليه دول لخ هاي خلصت
جوري : اوك خاله
كانت تبتسم وهي توافق على طلبي لانها سترى حبيبها ولا تعلم ماينتظرها هناك
كنت احلس وانا استمع لما سيحدث عسى ان تنجح خطتي بتبعادها عنك

لاشي سيقف في طريقي ،،، ساحطم كل شي امامي لاحصل على ما سلبتني اياه ،،،ولو كان الثمن حياتك !!!!!

يتبع