رواية متمرد و قاسي الفصل السابع 7 - بقلم Nasma Aliraq

زيد
لم افهم كيف جرت الامور هكذا بسرعه ،،، طال بحثي ليومين عن جوري دون جدوى ،،اهملت نفسي طالت لحيتي قليلا
فلم اعد اذهب للشركة مطلقا
كيف لها ان تاخذ حياتي معها هكذا ،، فقدت احساسي بالحياة منذ رحيلها
ياربي ساعدني مداعرف وين ادور بعد ،،،

دخلت للبيت وجلست على الطاوله الموضوعه في الحديقه جلست كثيرا وانا انظر الى البعيد شاردا باقكاري ،،،اين حبيبتي وكيف ساجد لها طريقا وضعت يدي عليها ولم اشعر الا وقد غفوت قليلا لشده تعبي وسهري طوال اليوميين الماضيين
احسست بيد توقظني فتحت عيناي بصعوبه كانت ام سجى تلك المراءه اللطيفه التي تعمل طباخه لدينا منذ ولادتي تقرييا
كان الليل قد حل والجو قد اصبح اكثر برودة
ام سجى :خالة كوم نام بغرفتك ليش هيج هنا نايم برا وبارده الدنيا
لم اتكلم بل نهضت واتجهت لغرفتي التي كرهت دخولها منذ رحيلك ،،
كنت اسعل طوال الوقت استلقيت بسريري بدات اشعر بحرارتي ترتفع ،،، اعتقد اني مرضت حقا من نومي في الخارج
طلبت من خوله ان تحضر لي شرابا دافئا وحبوب خافضه للحراره
خوله :استاذ لازم تخابر طبيب حرارتك كلش مرتفعه
زيد : لا مابيه شي انام شويه وارتاح اصير احسن

لاول في حياتي تنزل دمعتي وانا اتذكر ذلك اليوم الذي وجدت جوري مغمى عليها في الحديقه بسببي كيف مرضت بسببي وتحملت الالم ،،،
ربما كنت اعاقب نفسي وانا ارى حرارتي ترتفع وجسمي يستسلم للمرض لم اشعر بنفسي بعدها الا وانا غفوت

جوري
منذ رحيلي عنه وانا عيناي لا تفارق الدموع وانا اتذكر منظرك وانت تحتظن تلك الفتاة وتقبلها تلك التي وعدتني سابقا انك لن تراها حتى ،،، كيف وثقت بشخص مثلك مغرور لا يحب سوى نفسه ،،،
دخلت والدتي،،؟مسحت طارف عيني مي لاتشعر بحزني
ام جوري :بنتي خيرج صار يومين مرايحه لشغلج صاير شي هناك
جوري :لا ماما بس سافرو وميحتاحوني هسه
التفت بعيدا كي لا تظهر تلك النظره بوجهي التي ستكتشفها والدتي بسرعه
ام جوري : حبيبتي اشو دا احس بيج ضايجه وصاير شي بس متريدين تحجيلي
جوري : ماما صدكيني لو اكو شي جان حجيتلج
ام جوري :خلاص بنتي براحتج بس كومي اتغدي لتبقين بلا اكل
وصدك نسيت حضريلي هويتج اريد اكمل المعامله التموينيه مالتنه ماشي قلبي
جوري :صار ماما

وفجاءه نهضت من مكاني وانا اضع يدي على فمي
خررررب جنطتي بقت هناك ابيته وبيها مستمسكاتي
ياربي شون راح ارجع اخذها ماريد اشوووفه
في اليوم التالي فكرت كثيرا يجب ان اذهب لاحضار حقيبتي ولكني اخترت الوقت الذي يكون فيه زيد خارجا للمكتب
وقفت امام المنزل وانا اضع يدي على صدري
جوري :ياربي بس افوت اخذ جنطتي ماريد اشوف احد ويسوولي تحقيق ،،،
دخلت للمنزل لم يكن هناك احد في المطبخ ،،،
الحمد لله ماكو احد اصعد لغرفتي بسرعه ياربي ماشوف احد
اتجهت لغرفتي وفتحت الباب وانا ادعو ربي ان اكمل مهمتي بسرعه اخذت حقيبي المعلقه ووضعتها على كتفي نظرت للغرفه وانا اتذكر لقائاتنا وقبلاتنا هنا التي نسرقها من وقتنا
نزلت دمعتي دون ان اشعر مسحتها واتجهت لاسفل لاغادر ىصلت الى الطابق الثاني حيث غرفه زيد اطلت النظر كثيرا وانا اقف قرب باب غرفته وفجاءه سمعت صوت الباب يفتح فاختبأت بسرعه نهاية الممر خلف احدى التحفيات الكبيره جدا
خرجت خولة من الغرفه ومعها شاب ثلاثيني يبدو انه طبيب فهو يحمل سماعه طبيه في عنقه وحقيبه سوداء صغيره
التفت الى خوله وهو يعطيها ورقه بيضاء
الطبيب : هذا الدوا تجيبو من الصيدليه بسرعه اني هسه انطيته ابره خافض حراره رح ينام شويه يرتاح ومن الليل تبدين بهذا العلاج وقت بىقته ،،،
خوله :زين دكتور واذا بقت الحراره مرتفعه
الطبيب :اني مو بعيد قريب بالشارع الي بصفكم بس اتصلي بيه اجي اذا متحسنت حالته
خوله :شكرا دكتور عذبناك ويانه
الطبيب :لا اصلا زيد صديقي وهذا واجبي

رحل الاثنان وابتعدو عن غرفة زيد ،،، لم افهم شعوري وانا ارتجف وبالي مشغول عليك رغم مافعلته بي ،، نهضت وانا اقترب من باب غرفته لم استطع ان اقاوم اشتياقي الكبير له رغم اني غاضبه منه كثيرا
مددت يدي لافتح الباب ولكني ترددت كثيرا واخيرا فتحتها بهدووء
كان الهدووء يعم المكان وزيد يستلقي في سريره وهو يأن من الحراره المرتفعه كان يرتجف كأن الغطاء لايكفيه وهو يحاول الصاق جسده اكثر بالغطاء كي يشعر بالدفئ
اقتربت منه وانا انظر لتقاسيم وجهه
اه كم اشتقت لتلك الملامح القاسسيه كم اشتقت لتلك الشفتين اللتان ترتجفان من شده البرد ،،، كم اشتقت لاحتظانك وانت ترفعني في الهواء وتدور بي
نظرت له ولازلت متردده في تفكيري مددت يدي باتجاه وجهه كانت حرارته لاتزال عاليه جدا
بدأ يتحرك قليلا وهو يهذي بنومه كان يقول كلمات لم افهمها
اقترب منه اكثر وانا استمه لهمساته كان يردد اسمي بلا توقف
ايعقل ان يخونني وهو يعشقني ،،،
كان يبحث عني في نومه وهو يناديني ويبحث عني
للحظه تركت كل غضبي جانبا وازحت الغطاء واستلقيت بجانبه وانا اضمه لصدري ،،،
استنشقت رائحته التي غابت عني طوال تلك الفتره
كيف استطعت ان تتركني اذهب هكذا كيف جرحتني وفعلت بي هذا ،،،تحدثت معك وانا اعاتبك بشده لم اشعر بعذها سوى باستغراقي بنوم عميق
لا اعلم كم مر من الوقت وانا احتظنه وانام ،،، بدات بالاستيقاظ ورفعت يدي لازيح الغطاء عني
رفعت نظري كان يستلق بجانبي وهو يتكأ على احدى يديه وينظر لي بنظراته التي اعشقها،،، مر اصبعه باتجاه وجهي
زيد : واخيرا جيتي تدرين عبالي جنت داحلم وانتي مو يمي
حاولت النهوض من السرير لكنه استوقفني
زيد :جوري لتسوين هيج بيه الله يخيليج تره اني صار يومين ذاموت بلياج
جوري : ماكو داعي لهذا الحجي الي شفته ىضحلي كل شي
زيد :انطيني فرصه ابرر  موقفي
جوري :كتلك ماكو داعي اني جيت لهنا اخذ جنطتي ىطالعه
زيد :ليش بقيتي ونمتي يمي لعد
استدرت له
جوري :هذا دين جان برقبتي اني من تمرضت انت دفيتني واليوم اني رديتلك هالدين حته ميبقه فضل الك عليه
وانا اتجه لباب نهض خلفي بسرعه وامسكني من يدي
زيد :جوري الله يحليج لتعوفيني تره اموووت والله
جوري : لا متموت عندك هوايه حبايب يرجعولك الحياه
زيد :جوري اني ماذري بصوفيا من جتي وداعتج وهيه لزكت بيه وباستني كوه مجنت اريد اني
نظرت له بحده
جوري :وانت صغير وهيه جبرتك مو وايدك الي جانت وره ظهرها هم هيه رفعتها وخلتها
زيد : اعرف شما احجي مراح تصدكيني بس وداعه حبي الج مخنتج اني
اقترب مني وهو يحاول ان يختظنني فتذكرت حين كان يحتظن صوفيا فدفعته بعيدا
جوري :لتلمسني انت واحد جذاب واناني خدعتني بحبك الي
بدات دموعي تنزل دون ارادتي
جوري : تعرف بيه شكد حبيتك اني تعرف لو لا ؟؟؟
استدرت لاخرج بسرعه فلم اعد اتحمل نظراته التي ساقع اسيره لها مره اخرى
لم اشعر الا وهو يحتظنني من الخلف بشده
زيد :جوري والله احبج واموت عليج وداعة اغلة شي بحياتي والي هيه انتي مخنتج والي صار كله لحظه جنت اريد اطردها بس هيه بقت تبجي وردت اهذئها بس وصار الي صار
لتعوفيني جوري صار يومين ادور عليج بالشارع مثل المخبل لتعوفيني وتاخذين روحي وياج سامحيني هالمره واوعدج عمري مراح ائذيج ويوم الي اغلط بي مره ثانيه الج الحق تسوين بيه اي شي اي شي تريدي واني قابل وهذا وعد مني

كنت استمع له وقلبي ينبض بسرعه لا انكر اني اشتاق له كثيرا
واتمنى ان احتظنه وبشده ولكن تفكيري بتلك اللحظه التي جرح فيها مشاعري كان يمنعني من التفكير
زيد :اوعدج مراح ائذيج بحياتي كلها ويوم الي ائذيج بي راح ائذي نفسي واقبل بكل شي منج حتى لو تقتليني بيديج راضي
جوري اني احبج واحبج حيييل ماحدر اعيش بدونج
ادارني لاصبح امامه مباشره ودموعي تمنعني من النظر له جيدا
مسح دموعي وامسك بوجهي بين راحتيه
زيد :جوري دموعج غاليه عليه ماريد اشوفها
نظر لي مطولا دون ان يتكلم واخيرا اكمل
زيد :جورري تتزوجيني !!!!!

لم اصدق ماسمعت ايعرض علي الزواج ،،،
جوري :تتزوجني !!!
زيد :اي وباجر اروح لاهلج اخطبج جوري انتي حياتي كلها وماريد اخسرج بعد
نظرت له مطولا وابتسمت اخيرا بعد عذاب واشتياق طويل
تلك العينان وتلك النظرات كنت اشعر بصدقهما في تلك اللحظه كان ينظر لي بعشق كبير ،،، واخيرا سمحت لقلبي ان يرمي بزعلي جانبا
ووضعت يدي حول رقبته واجبته
جوري :ااااااي

احتظنني بقووه وهو يرفعني لاصل لمستواه وقبلني قبله طويله حتى اصيحت شفتينا للا تفترق سوى للتنفس ،،،
زيد :لتسويها بعد وتعوفيني تره اموووت تعرفين شنو امووت بلياج
جوري :اسم الله حبيبي اني هم جنت اموت بلياك بس انت هم لتسويها وتزعلني بعد
زيد :اوعدج بحياتي يوم الي ازعلج بي اني انهي حياتي بيدي
جوري :حبيبي اشتاقيتلك موووت شون عفتني ولك هيجي
زيد :عفتج !!!! صار يومين ادور بالشوارع مثل المخبل عليج
جوري : يعني راح نتزوج
ابتسم لي وهو يغمز لي باحدى عينيه
زيد :اي وننام سوه على السرير
ضربته على صدره بقوه وابتسمت
جوري :يعني هذا الي هامك انته حتى وانت مريض متجوز من سوالفك
زيد :فديتها للكبد الي تستحي ،،اني دانتظر يوم يوم شوكت تصيرين الي
جوري : ان شاء الله تدري ممصدكة راح اصير زوجتك رسمي يعني
زيد :اي وام جهالي هم واريد خمس جهال وكلهم عيونهم حلوه مثل عيونج
جوري : لا اريدهم يشبهوك انته

احتظنني مره اخرى وهو يقبلني من جبهتي
زيد :ياربي الله ينطيني عمر واسعدج طول عمرج

تلك الحلام ،،،والامنيات كنا نرسمها بألوان على طريق حياتنا ،،، ولكن من يعلم ان كانت تلك الحلام ستتحقق يوماًما
ام ان تلك العاصفه السوداء ستجتاح امنياتنا بغير موعد لتهدم كل مابنيناه وتهشم ماتبقى من تلك الاحلام
من سيصمد حينها الحب ام الثقه ،،،!!!!!

يتبع
،،،،،،،،،،،،
صديقاتي شلونكم ياربي دتعجبكم القصه انطوني ارائكم بالقصه ،،،
يعني راح تتغير الاحداث هوايه بالبارتات الي جايه
اليوم البارت قصير لان التغير بالاحداث راح يبدي من البارت الجاي
انتظر متابعتكم وردودكم،،،
نسمه