رواية متمرد و قاسي الفصل الثالث عشر 13 - بقلم Nasma Aliraq

جوري
غبت عن الوعي بعد انحرفت السيارة عن الطريق واصطدمنا بشجره كبيره .،، اجتمع الناس من حولنا وهم يحاولون اخراجنا من بين تلك الحطام ،،،
فتحت عيناي لانظر حولي كان زيد لازال بمقعده وراسه على المقوود التفت لزيدون وهو يستلقي في المقعد الخلفي والدماء ملئت وجهه كان قد قد فقد الوعي صرخت بقوتي
حوري :زيدووون
حاولت الوصول اليه ولكني لم استطع فهناك شيئا يعيق قدمي
صرخات حولي واضواء تقترب ولم اشعر بعدها بشئ سوى ظلام دامس

فتحت عيناي بصعووبة وانا اشعر بألم في راسي وجسمي كله يبدو اني تعرضت لاصابات وخدووش حاولت ان ارفع جسمي قليلا ولكني لم استطع
نظرت حولي كنت استلق على سرير في مشفى وفجاءه تذكرت زيدون ابني حين كان مرميا بلا حركه
جوري :زيدووون وينك ابني زيدوون
بدأت يالصراخ دون وعي حضر على صراخي اثنين من المرضات حاولي تهدئتي ولكني لم اكن استمع لاحد سوى صراخي وانا اترجى ان يخبروني اين ابني
الممرضه : سيدتي ارجو ان تهدئي قليلا
لم افهم ما اخبرتني لاني لا افهم اللغه التركية
كانت الممرضه الاخرى تحضر حقنه وانا اترجى ان لاتجعلني انام لاني اريد رؤيه ابني
حقتني احدى الممرضات ولم اشعر بعدها سوى باستغراقي بنوم ثقيل ،،،،

زيد
استيقظت وانا في المشفى كانت قدمي ملفوفه وراسي كذلك لم استوعب مالذي حصل اولا ثم تذكرتي حوري وابنها عندما كنا في السياره واصطدمنا بشيئ ما ،،،
حاولت النهوض ولكن الالم كان يمنعني من تحريك قدمي
دخل طبيب ومعه ممرضه وهو ينظر لي
الطبيب :كيف اصبحت ايها الشاب
كانو يتكلمون باللغه التركيه ولحسن الخط اني اعرف تكلم التركية
زيد : اصبحت افضل ارجوك اخبرني كيف حال من كان معي في السيارة
الطبيب : الفتاة بخير وهي في الغرفه المجاورة ولكنها تعرضت للعديد من الرضوض ستشفى عن قريب
زيد :وكيف حال الطفل
الطبيب :الطفل يبدو انه تعرض لضربه قويه في رأسه لازال الطبيب الاعصاب عنده يفحصه سياخذ له اشعه ثم يخبرنا ان كان يحتاج لاجراء عمليه مستعجلة
زيد :ارجوك ايها الطبيب دعني اذهب لرؤيتهم الان
الطبيب :ليس الان ولكنك بالتاكيد ستراهم عن قريب
دخل شرطيان للغرفه وهم يقفون بالقرب مني
الشرطي :استاذ هل انت من كنت تقود السيارة ؟؟
زيد :نعم انا كنت اقووود السياره
الشرطي :عند وصولك للمشفى كان هناك مقص مغروس في فخذك هل تعرضت لمحاولة قتل ياسيدي
شردت قليلا وانا ااتذكر كيف طعنتني جوري في ساقي بكل قوه
الشرطي :سيدي سئلتك هل تعرضت لمحاولة قتل
رفعت رأسي
زيد :كلا سيدي كان المقص موجود في السياره وعند انقلابنا انغرس في ساقي
الشرطي :هل كنت تحت تاثير الكحول وانت تقود السياره
زيد :نعم كنت قد شربت قليلا
الشرطي :والاشخاص الذان كانو معك ماصلتهم بك
زيد : قريبتي وولدها الصغير
الشرطي :حسنا سوف اقوم بعمل محضر الان وسنكمل الاجراءات بعد خروجك معافى شكرا لك
بعد خروج الشرطيان طلبت من الممرضه ان تساعدني للذهاب الى غرفة جوري للاطمئنان عليها
احضرت المممرضة لي كرسيا متحركا وبالكاد استطعت حمل جسمي والجلوس على الكرسي
اوصلتني الممرضه الى الغرفه التي تنام فيها جوري
كانت تستلقي على ظهرها وهي في نوم عميق
الممرضه :لقد اعطوها ابره مهدئه قبل قليل كانت تصرخ بشده يبدو انه ابنها الذي تعرض للحادث معكم
زيد :اجل ،،، عفوا هل استطيع البقاء معها قليلا بمفردي
الممرضة :حسنا ولكن صحتك ايضا ليست على مايرام يجب ان ترتاح في سريرك
بعد خروج الممرضه اتقربت من جوري كانت نائمه كالملاك هناك بعض الكدمات على وجهها ورقبتها ويديها
تلمست اماكن الخدووش براحة يدي
زيد : شفتي حبنه وين وصل ،، شفتي شصار بينه
تعرفين شي !!! اني ولا يوم كرهتج بي شكد حاولت اكرهج واني بالسجن بس مكدرت ،،، مكدرت ولا يوم اكرهج كل يوم جنت اكره نفسي لان جنت احبج بي

كنت اكلم جوري التي كانت لاتسمع تلك الكلمات التي تخرج مني ،،، سحبت يدها لاضعها بين يدي
زيد : جوري ليش هيج سويتي بينه جان حلمي تصيرين مرتي ونخلف اطفال ونكون عائله جبيره بس انتي بعتيني باول الطريق
شمرتيني بالسجن بلا قلب ،،،شنو الي سويته الج حتى استاهل تعاقبيني هالعقاب
وضعت راسي على يديها وانا انظر لها
اني اسف جوري لان اذيتج هوايه ،،، اسف
اغمضت عيناي وانا اشعر بالتعب

لم اشعر الا وشخصا يقف خلفي وهو يسحب يديها من تحت خدي رفعت رأسي لانظر اليه
احمد : انت شتسوي هنا ،،
التفت كان ذلك الشاب الذي رايته مع جوري سابقا يبدو انه زوجها
زيد :جنت اتطمن عليها بس
وانا امسح تلك الدمعه المتساقطه على خدي
احمد :واللك عين تجي بعد الي سويته بيها اللك عين تئذيها بعد فوك العذاب الي شافته منك
نظرت له بغرابه كان يبدو انه يعرف عما حصل بيني وبين جوري سابقا
زيد :ارجوك مو وكته هسه احنه بمستشفى اترجاك
واستدرت بالكرسي لاخرج من الغرفه ولكن دخول احد الاطباء بسرعه اوقفني وهو يكلم زوج جوري
الطبيب :استاذ لقد ادخلو الطفل الى صالة العمليات الان يبدو انه بحاجه لاجراء عملية مستعجله في الدماغ ييدو ان لديه نزف داخلي ،،
اسرع احمد مع الطبيب وذهبت خلفهم وانا على ذلك الكرسي المتحرك ،، وصلنا لصاله العمليات
احمد : دكتور ارحوك اخبرني هل حالته خطره
الطبيب :لا نعلم بعد لازال في العمليات ادعو له
مرت ربع ساعه كنا لازال نقف امام العمليات التفت لي ذلك الشاب بنظرات مليئك بالكراهية وهو يتحدث معي
احمد : انت ليش هنا هااا ؟،، جاي تريد تنتظره يموت حتى يرتاح
اشرت له باصبعي وانا اشعر بالغضب من كلامه
زيد : شدتحجي انته اني بالي مشغول عالطفل
احمد :اي صدكتك من هاي رجعت تريد تنتقم من جوري وابنها مكفاك الي سوته بيها قبل انت انسان مريض نفسيا
زيد :اسمع لو ما احنه بالمستشفى جان عرفت شون اجاوبك بس مراح اجاوبك احترام للمكان هذا وابتعدت قليلا عنه

بعد دقائق خرج طبيب من غرفه العمليات وهو يتحدث مع الشاب
الطبيب :سيدي اسررع هل انت والد الطفل الذي تجري له العمليه الان الذي تعرض لحادث سيارة
احمد :ماذا يحصل ايها الطبيب طمني هلً هناك مشكله ما
الطبيب : يبدو انه يخسر الكثير من الدماء وهو بحالك حرجة. نحن بحاجة الى متبرع الان وفصيلة دمه ليست متوفره الان لانه يحمل زمرة الدم O- ارجوك سيدي ان كنت والده فلنذهب لمصرف الدم لنسحب منك الكمية المطلوبه
كان ذلك الشاب لازال ينظر بوجه الطبيب وانا كنت على مسافة لم افهم ماذا قال له
الطبيب :سيدي هل سمعتني نحن بحاجه الان الى تلك الزمرة هل انت والده ؟؟؟

اقتربت منهم وانا اسال الطبيب
زيد :مالذي يخدث هل هناك مشكلة
ولكن ذلك الشاب قاطعني وهو يتخدث مع الطبيب
احمد : دكتور ساجلب له الدماء الان لا تقلق
وذهب مسرعا وهو ينزل للاسفل
اوقفت الطبيب قبل رجوعه لغرفه العمليات
زيد :من فضلك مالذي يحدث للطفل هل هناك مشكله
الطبيب :نعم انه يخسر الكثير من الدماء ذهب والده الان ليتبرع له
زيد :حسنا شكرا لك
رغم الالم الذي كنت اشعر به في قدمي وجسمي ولكني بقيت هناك عند صالة العمليات انتظر ان اطمئن على ذلك الصغير

احمد
بعد خروج الطبيب ليحدثتني عن حالة زيدون كنت اشعر بالارتباك لكونهم يعتقدون اني والد الطفل وقبل ان يتحدث الطبيب مع زيد قاطعته واخبرته اني ساجلب فصيلة الدم
خرحت مسرعا وذهبت الى قسم مصرف الدم
احمد :عفوا سيدي اتتوفر لديكم فصيله الدم O-
الطبيب :كلا سيدي هنا يتم سحب الدماء من متبرع اخر واذا كنت بحاجه لهذه الفصيله يجب ان تحضر متبرع ام تبحث عن مشفى اخر لديه هذه الفصيله ولاتنسى انها فصيله نادره لايمتلكها سوى القليل من الاشخاص
احمد : حسنا وكم يستغرق الوقت لاحضار الدم من مشفى اخر
الطبيب :ساعتين او اكثر حسب بعد المشفى

احمد :ياررربي شنو راح اسوي يارب ساعدني لخاطر لهذا الطفل المسكين ،،،مسكينه جوري هسه اذا عرفت زيدون بالعمليات تتخبل اوووف ياربي شنو راح اسوي هسه

عدت مسرعا مررت بغرفة جوري اولا كانت لاتزال تحت تأثير المخدر ،،، اقتربت منها وانا الا اعلم ما علي فعله
احمد : سامحيني جوري بس هذا الحل الوحيد حتى انقذ زيدوون بي سامحيني اعرف هالشي مراح تقبلين بي بس ماكو غير حل
خرجت مسرعا واتجهت لغرفة زيد لم يكن في غرفته سئلت احدى الممرضات في الاستقبال
زيد :عفوا انستي اين الشاب في تلك الغرفة
الممرضه :انه يقف امام صالة العمليات يبدو انه يقرب لذلك الطفل فلم يعد لغرقته ابدا
ذهبت مسرعا الى صالة العمليات كان زيد لايزال يجلس على ذلك الكرسي المتحرك قرب البوابه
اقتربت منه رفع رأسه لينظر لي
احمد :امشي ويايه
زيد :وين ماروح منا اذا ماتطمن على الولد
احمد : ولهذا اريد منك تحي ويايه بسرعه
زيد :شنو متفهم عربي كتلك ماروح منا
احمد :زيدون حالته خطره ومحتاج دم
زيد :اي حجيت ويه الطبيب وراك وكال انته رحت تتبرعله
احمد :اني ما اكدر اتبرعله
نظر لي باستغراب
زيد :وليش يعني مو ابنك لو خاف تشرب ممنوعات مسحبوو من دمك
احمد :لا ممنوعات ولا ابد الوقت ديفوتنه ومو مال اكعد افسرلك هسه انت راح تجي ويايه وتتبرع لزيدوون بالدم
نطر لي مره اخرى وهو يبتسم باستهزاء
زيد : يعني مدافهم منو يكول دمي متوالم ويا اذا انت دمك بي شي متكدر تتبرع لابنك
قاطعته وبدأت بالصراخ بصوت عالي حتى التفت الجميع لي
احمد :كتلك هسه امشي ويايه مو وكت نقاش الولد بخطر. ومحد يكدر يساعده غيررك لان هو ابنك !!!!!!!!!
كان ينطر لي بتلك النظره البارده التي امتزجت بالاستغراب والقلق
زيد : شنووو انت شدتكول
وضعت يدي على فمي وانا اشعر بالتوتر
احمد :الي سمعته زيدون ابنك وهسه هو بحاجتك انت الوحيد الي تكدر تنقذه هسه هو فصيلة دمه اووو سالب واني متاكد هيه نفسها فصيلك دمك ،،، اترجاك زيد اني صح اعتبر زيدون ابني وربيته بيدي وكبرته واحبه بس اني مو ابو وهسه هو كدامي بين الحياة والموت وماكدر انقذه اترجاك ساعد زيدوون
نزلت دموعي وانت اتوسله لينقذ ابنه !!!!

زيد
حضر ذلك المدعو احمد وهو يتنفس بصعوبه يبدو انه كان مسرعا طلب مني ان اذهب معه ولكني لم افهم السبب اولا وبعد ان انتباته نوبة الغضب اخبرني
احمد :كتلك هسه امشي ويايه مو وكت نقاش الولد بخطر. ومحد يكدر يساعده غيررك لان هو ابنك !!!!!!!!!
نظرت له باستغراب وانا لم افهم ماقاله لي
زيد :شنوووو

لم استوعب اولا ولكنه حين ذكر فصيلة دمه التي تشبه فصيلة دمي ارتبكت حقا وشعرت بالتوتر ايعقل ان يكون زيدون هو ابني
تذكرت تلك اليلة التي قضيتها مع حوري قبل الزواج وضعت يدي على فمي ودموعي لاتتوقف عن الجريان
زيد : يعني زيدوون ابني اني
نهضت من ذلك الكرسي وانا لا اشعر بألم جسدي فقط بل بألالام في روحي وقلبي
طعنة تلو اخرى قد تسقطنا في ظلام لا حدود له ،،،
ركضت مع احمد الى مصرف الدم وانا بالكاد استطيع الوقوف على قدمي كنت لا اشعر سوى بذلك الشعور الذي جعلني اركض بلا خوف او الم
تبرعت بالدم ونقلووه للعمليات بسرعه عدت الى صالة العمليات وانا لا اشعر بوقع قدماي من شدة الالم
زيد :يارب انقذ زيدوون يارب ماعندي غيرهم بالدنيا لتعاقبني على اغلاطي يارررب لتئذي حوري وزيدوون بسببي
احمد : اذا جوري هيج جانت مهمه الك ليش هيج سويت بيها ايش اذيتها
انزلت راسي وانا اشعر بدموعي تغسل خداي
زيد : اني عمري وحياتي ما أذي حوري مستحيل جان المفروض نتزوج وماعرف شنو الي غيرها بيوم الزواج ورفضتني ومكفاهاهالشي دخلتني للسجن واني برئ
احمد : بس انت هم سجنتها بالحياة ودمرتها
زيد :مستحيل ماسويها خمس سنين واني اسأل نفسي شمسوي ولهسه معرفت السبب الي خله جوري هيج تسوي بيه جنت احبها وعمري محبيت قبلها ولا بعدها
احمد :الي يحب شخص ميخونه قبل زواجه بيومين ميعوفه ويروح ينام بحظن وحده ثانيه
نظرت له باستغراب فلم افهم ماكان يعنيه بكلامه
زيد :مفهمت بس اني مخنتها لجوري
احمد : بلي خنتها والمشكله هيه شافتك بعينها وانت نايم ويه ذيج البنيه الي جنت تعرفها قبل وبيتها وبغرفتهاً
تجمدت في مكاني وهو يحدثني عن تلك الليلة التي ذهبت بها لرؤية صوفيا ولم اشعر حينها الا وانا مغمى علي وبعد ساعه من افاقتي كنت استلق على سريرها وانا عار تمام
اخبرتني صوفيا اني قد حدث اختلال في ضغطي وارتفعت حرارتي فاظطرت لتجريدي من ملابسي
زيد :بس اني مخنتها هيه شون هيج تصورت اني خنتها
احمد :امك هيه الي اتصلت بيها وكالتلها انت وين وويامن وراحت حوري للعنوان ىشافتك وياها
وضعت يدي على فمي من الصدمة ايعقل ان نكون محرد ضحية لانتقام اعمى ايعقل ان نذهب تلك السنين من اعمارنا لاوهام تفاهة لا وجود لها
زيد /خرررب جانت كلها خطه خطة منهم حته يبعدونه عن بعض ويذبوني بالسجن واني طول السنين ذيج جنت اتصور جوري وياها جانت متئامره عليه
وضعت يدي على راسي وجلست على الارض ابكي لعمرنا الذي ضاع منا ذون ان نكون مع بعض
كم جرحنا بعضنا ،،،كم قسونا على لنفسنا ،،،كم جرحنا مشاعر بعضنا
زيد :كله جان خطه منهم حته يوكعوني وياخذووو الي يردوو
ويدخلوني السجن
احمد :منو همه
زيد :الحجيه وصوفيا همه الي خططو لكل شي شون محسيت شوون
بدات بضرب راسي على الخائط من الخلف من استلق على الارض
كل هاي السنين واحنه ننتقم من بعض اذتني واذيتها جرحنا بعضنا ايش هيج صار بينه منو راح يعوضنه السنين الي راحت من عمرنه اني خسرتها لجوري وخسرت ابني الي جنت راح ائذي بيديه ،،،اني عمري مراح اسامح نفسي لان عاقبتها على شي هسه مالها ذنب بي ،،،
ظلمتها وذمرتها ودمرت روحي اني دمرت كل شي ذمرت كل شي
اني ما استاهلها
نظرت لاحمد وانا اقف على قدمي لاصبح امامه وضعت يدي على كتفه
زيد :اترجاك اريد منك طلب اخير دير بالك عليهم انت انسان طيب ساعدتها وماتخليت عنها وتزوجتها رغم معرفتك بكل هالشي عني وعنها
اقترب احمد مني وهو يعطيني زجاجة ماء
احمد :زيد تعال ارتاح واشرب مي شكلك كلش تعبت
بس اني مو زوج،،،،،،،،،،،
وانا اتحدث معه لم اشعر الا بالارض تدور حولي ولم اشعر سوى بصوت ارتطامي في الارض وغبت عن الوعي

جوري
استيقضت بعد نوم عميق نطرت حولي كان احمد يجلس بجانبي
احمد :حمد لله عالسلامة جوري شون صرتي
جوري :بخيررر احمد زيدوون وين ليش مديخلوني اشووفه
احمد :لتخافين زيدون بخير قبل ساعه طلع من العمليات
رفعت راسي بقوة لامسك بيد احمد وانا ارتجف خوفا على ولدي
جوري : عمليات شصار بي زيدوون ليش سووله عملية اخجي احمد الله يخليك
احمد :لتخافين جوري مابي شي صار عنده شويه نزف براسه وهسه الحمد لله زين وتكدرين تشوووفي
جوري :اريد اروحله هسه احمد وديني علي
طلب احمد من الممرضه احضار كرسي متحرك لينقلني لغرقة زيدوون
جلست بصعوبه فالألم في جسدي كان كالسم ينتشر بلا توقف
دخلت لغرفة زيدون كان مستلق وهو نائم وراسه ملفوف بشاش ابيض
حوري :حبيبي زيدوون
منعتنا الممرضه من الاقتراب منه كثيرا لكونه لازال تخت العناية
جوري :يارررب نجي ابني ماعندي غيره بهالدنيا يااارب
احمد: يلا جوري انتي هم لادم ترتاحين شفتي لزيدون وطمنتي
جوري :اريد ابقه هنا
احمد :ميصير ممنوع واحنه بالليل هم نرجع نشوفه يلا عيني
خرجنا ونحن في الممر تذكرت زيد وكيف طعنت ساقه في المقص
جوري :احمد وزيد شصار منه
رد احمد ولكني شعرت بقلقه حيال سؤالي
احمد :زيد بغرفته عنده رضوض هوايه وقبل ساعتين جان يم صالة العمليات واغمى علي
جوري : وديني لغرفته
احمد :جوري هسه انتي تعبانه
حوري :احمد وديني لغرفته اريد اشووفه
احمد :اووك
ادخلني احمد غرفة زيدوون وطلبت منه الخروج لاستطيع البقاء معه لوحدي
كان زيد نائم على ظهره كان يبدو عليه التعب والارهاق الشديد
اقتربت منه ورفعت نفسي بصعوبه لاجلس بجانبه على السرير
كنت انظر لتلك العينين والشفتين وذلك الانف المتغطرس
كم كنت اعشق تلك الملامح ،،،كنت طفلة بحبي لك ،،، كانت مشاعري صفحات بيضاء ولكنك ملئتها اسودادً

لمست خديك باطراف اصابعي
جوري : شنو الي راح يرجع الي انكسر بيناتنه حبنا جان مثل الزجاج واتكسر بلحظة خيانة ،،، انتقمنا لبعض واذينا بعض بس احنه نعرف بداخلنا ان احنه نحب بعض بقووه بس شنو الفايذة ه وقلوبنا انجرحت وانكسرت منو راح يكدر يلملمنه
كنت اتحدث ولم اتوقع ان يفتح عيناه في تلك اللحظه كان يستمع لكلماتي نزلت دمعتين على خديه وهو ينظر لي بألم ونظر لي بنظرة فاقت كل الوصف ،،، لو تعمقت بها لرميت نفسي في احظانكً بلا تردد ولكن اسائتنا لبعض قتلت الكثير داخلنا
حاولت ان انهض ولكنه امسكني من يدي !!!!!!!!!!!!

زيد :جوري خليج شويه
جوري :خلاص زيد الي صار بينه هوايه واثنينه اذينه بعض كافي لهنا
زيد :جوري اني بعمري مفكرت ائذيج جنت بكل لحظة ائذي روحي بيها علمود انساج بس مكدرت حبي الج بقه بقلبي مثل الاول طول ما اني بالسجن
جوري :هذا الحجي فات وكته اترجاك
زيد :جوري لترحين سمعي مني هالكلام ووراها انتي حره وللابد
تنهد بقوووه وهو يمسح تلك الدمعة المتساقطة على خديه
زيد : اني اعترف هسه اني خسرتج وللابد يمكن
انتي جنتي كل حياتي ،،،من حبيتج شفت الدنيا كلها بعيونج وجنت انتظر اليوم الي نعيش بس ببيت واحد وتكونين الي
جنت احلم كل يوم انتي تصيرين حلالي ،،، بس الحلم شي والواقع شي واقعنا جان بي ناس ميريدونا نكون لبعض
رادونا نحطم بعضنا بيدينا وهالشي صار
انتي سلمتيني للموت ووصلتيني لمنصة الاعدام بدون ماتقهمين الخقيقه شنووو
جوري :زيد الي راح راح ماريد اعيد الماضي
زيد :اكو شغلات انتي متعرفيها عني ويمكن اني السبب هذا غلطي اعترف بهالشي جان المفروض اخجيلج كل شي عن حياتي
انزل راسه وهو يحاول ابتلاع غصة الحزن التي كانت ترتسم على ملامحه
زيد :من فتحت عيني عالدنيا جان ابويه وامي بحياتي اثنينهم ابويه جان يحبني كلش حته جان يعاملني مثل الامير كل شي اريده يجيني تعلمت عالدلال جنت اكثر شي ويه ابويه ،، جانت امي بعيده عني ماحسها قريبه عليه
وفد يوم عمري ٤سنوات مات ابويه مات الي جان مدلل زيد ويحبه. رحت لامي واني ابجي ردت احظنها لان ابويه الي احبه راح تفاجأت بيها دفعتني حيل وشمرتني بالكاع بقيت ابحي بيومها ماعرف ليش هيج سوت بيه ،،،
جانت تخليني بغرفه لوحدي تقفل عليه الباب حتى حمام مابيها
نظر لي بتلك العينان المكسورتان ثم اكمل
جنت اصيحها من وره الباب واني ابحي طفل صغير اخاف من الظلمة اخاف من الوحده جانت تحي كل يوم تضربني لحد ماتخليني انهار من الالم
ليش هذا السؤال جنت اكوله لروحي واني طفل
فد يوم اخذتني للحمام وذبت المي حار فوك جسمي ولهسه اثار الحرق بظهري بعده
تذكرت ذلك اليوم الذي رايت اثار الحروق في جسده ولكني لم اسأله عنها ابدا
جانت تعذب بيه كل يوم الا ان سمعتها فد يوم تحجي ويه المحامي ان تريد تدزني لمستشفى المجانين وطلبت منه اوراق تثبت اني مخبل حته تحرمني من املاك ابويه
كبرت واني مكسووور كل يوم انضرب الا ان اجه اليوم الي اكتشفت بي هيه مو امي الحقيقيه وان امي ماتت بالولادة من ودلتني وهاي المريه الي جنت اعتبرها امي طلعت مو امي وانسانه تكرهني جان كل همها الفلوس اتزوجت ابويه علمود الفلوًس وراها زورت اوراق ان اني بيه توحد وجنت بمشفى الامراض العقليه وماكدر ادير املاكي وصارت هيه وصيه عليه
كبرت واني تحت امرتها تعقدت وصرت قاسي الوحده الي جنت بيها جبرتني اتمرد على واقعي
وفد يوم لكيت الاوراق وضميتها ورجعت كل حقوقي منها
ومع هذا مطلعتها من البيت لخاطر ذكرى ابويه بس مجنت اتصور هيه راح تبقى تحفر ورايه وتوكعني وتشمرني بالسجن وجان هذا مبتغاها
نظر لي ثم اختظن يدي
زيد : جوري اليوم الي شفتيني بي ويه صوفيا جانت مؤامره منها هيه وصوفيا بيومها اني رحت للن هيه هددتني تخرب زواجنه واني مردت شي يخرب فرحتنا رحت حته احذرها تقترب من عدنه بس هيه جانت اشطر مني ووكعتني خلتلي مخدر ونومتني وخلتنه بمنظر حته انتي تجين تشوفي بعد ماخابرتج الخجيه ودزتج للعنوان
جوري كل شي بحياتنا صار جان مخطط اله حته يبعدونه عن بعض
حوري :بس الي صار بينه اكبر من ان نكدر ننسى يمكن انت كل الي كللته صح بس احنه حطمنا بعض بيدينا

نعم انا من حطمتك وسلمت تلك الاوراق لتلك المراءه بيدي وظلمتك لسنوات طوال عاقبتك على غبائي ،،، لو كان حبي لك كبيرا لما صدقت خيانتك لي ولكني هكذا اوقعت بك دون رحمة
نزلت دمعتي وانا اراه منكسرا هكذا لايقوى على النظر لي
زيد :احنه شسوينا بنفسنا يمكن حبنا مجان كافي حتى نثق ببعضنا ،،،جوري اني حبيتج وعمري مراح احب غيررج واح تبقين بهذا القلب للموت ولاخر نفس اتنفسه
وهو يضع يدي على قلبه
سامحيني جوري على كل العذاب الي شفتي مني ذيج الايام
مد يديه الى شعري وعيناه تفيضان الما
سامحيني لان كصيت اكثر شي جنت احبه بيج
سامحيني جوري سامحيني

من سيطلب السماح من الاخر انا ايضا ظلمتك كثيرا وسلبت منك خمس سنوات من خياتك وانت بين تلك القضبان
نظرت له ودموعي ودموعه قد تكلما ذلك الكلام الاخير ام انه كان الوداع الاخيررر
زيد :جوري انتي تستحقين تعيشين احلى حياة انتي ويايه تعذبتي هوايه واني راح اعيش عمري كله عله ذكراج مراح انساج لحظه بحياتي روحي عيشي وانسي واحد اسمه زيد دخل بحياتج
جوري :مسكته من يديه بقووه كانت عيوننا تتكلم ودموعنا تتألم همساتنا حزننا انكسارنا مشاعرنا ألمنا كل شي كان يتكلم بذلك الصمت الرهيب الذي كاد ان يخنق عبراتنا
اقتربت منه وقبلته من شفتيه قبله طويله تذووقت بها طعم الدموع امتزجت تلك الدموع بنظرات الاشتياق والوداع لم نتحدث كانت تلك القبلة هي الملجئ الاخير لشفتينا وألمنا
ابعدت شفاهي عنك ونظرت لك ونهضت بسرعه لاخرج لم اشعر بألم جسمي قد ما احسست بذلك الالم الذي يقبع بين اضلعي
عدت الى غرفتي وانا احتظن الوساده وابكي
كيف لنا ان ندمر ذلك العشق بلعنه حلت علينا دون ان نثق ببعضنا

بعد ستة شهوووور في بغداد

زيد
كنت اجلس في الحديقه الاماميه للمنزل كان المنزل هو الشي الوحيد الذي بقي لي من املاكي لكونه لازال باسم والدتي بعد ان حرمتني تلك المراءه من كل شي وباعت الشركه واملاك ايي الاخرى
شاردا مع ذكرياتي وانا انظر لتلك الورود الذابله فلم يعد هناك احد يهتم بها ذهب جميع الخدم من المنزل فلم يعد لي عمل ووظيفه اصبحت رجلا عاديا لا يملك سوى القليل
وانا شارد بافكاري اخضرت سجى طبقا من الكنافه ووضعته امامي
سجى : زيد ماما اكول انت تحب الكنافه جبتلك قطعه
زيد :اي احبها وصار هوايه مماكلها
وقبل ان اضع اللقمة في فمي تذكرت جوري ذلك اليوم الذي وجدتها تاكل الكنافه كان اليوم الطي اعترفنا فيه بحبنا
ابتسمت وانا انظر للصحن
سجى :خيرررك شنو الي يضحك بالماعون
زيد :ولاشي تذكرت موقف
سجى:زين لعد اروح اساعد ماما خاف تريد شي

بعد رحيل الجميع بقيت ام سجى معي مع ابنتها كانت امراءه لطيفه جدا لم تتركني ابدا ولكونها لاتملك منزلا او قريبا هنا طلبت منها البقاء بعد ان اخبرتني انها كانت تخبئ ابنتها في غرفتها
كانو لي كالعائلة التي حرمت منها يوما

جوري
مرت سته شهور منذ ذلك اليوم وتلك القبله الاخيره كان اليوم الاخير الذي رايت زيد فيه عندما صحوت في اليوم التالي في المشفى كان قد غادر الى مكان مجهوول
عدت الى حياتي بعد خروجنا انا وزيدون ،،، كان احمد معنا طوال الفتره ولكني كنت دائما شارده البال كان زيد لايفارق مخيلتي ابدا وانا اتذكر حديثنا الاخير.
نعم كنت اشعر بأني ظلمته كثيرا واني كنت كاللعنه في حياته خسر املاكه ومنصبه بسببي انا بسبب تلك الخادمة المشىومة التي عشقته ،،،
كنت اصارع وحدتي والوم نفسي في كل لحظة على مافعلت بك
كان يجب ان ابتعد عنك لتعيش بسلام بدووني
احمد :وين صافننننه وهو يصفق بيديه امامي
جوري :ولا شي
احمد :جوري صار ست شهور وانتي مو عله بعضج من يوم الي راخ بي زيد وانتي ضايعه
جوري : اي احمد اني اذيته هوايه وهو هم اذاني يعني اثنينه صعب ننسى الي سوينا ببعض
احمد :جوري اريد اكلج شي تره الحب مو بسهوله يجي والحي الي يعاني ببذايته يبقى بالقلب ومينمحي يسهوله
جوري :اعرف ولهذا اني بعدت للان احبه هوايه وخايفه يتاذه بسببي بعد
احمد:جوري زيد يحبج حيل يوم الي جنتي بالمستشفه سمعته يحاجيج وانتي جنتي نايمه جان يلوم بنفسه على الي سوا بيج جان يكول اني احبج ومكدرت اكرهج او انساج لحظه
صدكيني جوري اني متاكد زيد هسه مثلج ديعاني كافي تعاندون نفسكم وخلوو قلوبكم تتصافه هو عباله انتي متزوجة يمكن لهذا الشي ابتعد عن حياتج
نظرت لاحمد بتلك النظره العفويه
جوري :تدري اني احبه اكثر من نفسي بس خايفه من كل شي يجمعنه ،،، خايفه نساني وطلعني من حياته حتى مكانه ماعرفه وين راح بعده هنا لو رجع للعراق
احمد :الي عرفته قبل قتره هو رجع لبيته لان هو الشي الوحيد الي ما اخذته منه ذيج المريه
حوري :يعني انته سئلت عنه
احمد :اي وهو هناك عايش لوحده
وقفت وانا لختظن احمد بقووه
جوري :احمد اريد ارجع لبغداد اني شون تحملت كل ذيج الشهور بدونه اهئ اهئ ارريده لزيد اريده والله احبه اكثر من روحي
احمد :حضري نفسج هالاسبوع نرجع
كان قراري الاخير لم اعد اتحمل فراقك كانت صورتك تكبر داخل قلبي ذلك العشق الذي تربع بين اضلعي هو لك وحدك فقط

بعد اسبوع عدنا لبغداد وصلت رحلتنا صباحا استقرينا في بيت عمي جاءت والدتي لتسكن معنا ،،،
ارتديت جينزا وتشرت اسوود كان شعري قد طول قليلا حتى استطعت ان اضعه خلف اذني
في المساء جاء احمد وهو يشعر بالقلق
جوري : احمد خيرك اشو مو عله بعضك
احمد :اكو شي لازم تعرفي جوري
جوري :شبيك خوفتني اكو شي زيد صاير بي شي
احمد :زيد مابي شي بس اليوم مريت يم بيته داتاكد منه موجود لولا شفت هوسه وناس وضوه وموسيقى
حوري :اي ؟؟؟
احمد :سئلت واحد بالباب كال اليوم عرس زيد
جوري :شنوووو
بدأت دموعي تتساقط دون توقف
جوري :يعني زيد حيتزوج واني رجعت علموده وحبي اله وحبه الي شون راح يتزوج
احمد :زيد يحبج اني متاكد بس هو كل ظنه انتي متزوجه لهذا السبب يمكن قرر يعيش حياته
جلست على الاريكه وانا ابكي
جوري :زيد راح مني عافني بعد ماشوفه اني شون حعيش بدونه
سحبني احمد من يدي وهو يكمل
احمد :بس بعد اكو وكت تكدرين تحاربين علمود حبج تكدرين هسه تسوين الي مسويتي قبل حته تحصلين حبيبج
جوري :مفهمت
احمد :العرس بعده والي فهمته القاضي ساعه ٨ يجي يعقد عليهم يعني عندج ساعه تكدرين توصلين بيها توكفين كل شي علمود تحصلين حبيبج
جوري : ومنو يكول هو حيتقبلني
احمد :اذا انتي واثقه من حبج اله وحبه الج راح تعرفين حيرجعلج لو لا
شردت بعيدا ىانا افكر بتلك الايام التي خسرنا بها بعضنا دون ان نحرك ساكنا
ارتديت حذائي وخرجت مسرعه من البيت حتى اني لم انظر لنفسي في المرإه
نعم يجب ان احارب هذه المره لاخصل على حبيبي الذي اعشقه
لن اسمح لفتاة اخرى ان تخطفه مني
في سياره الاجرة طوال الطريق وانا اطلب من صاحب السياره ان يستعجل قليلا
كنت ادعو لربي ان اصل في الوقت المناسب
واخيرا وصلت لذلك البيت الذي عشت فيه اجمل ايام حياتي واتعسها كان اليل قد حل والبيت يضووي بتلك الاضواء واصوات الموسيقى من الداخل كادت ان تخترق قلبي لتطعنه الف طعنه
فتحت الباب بسرعه ودخلت اركض لم ارى من حولي رغم العديد من الناس المجتمعين ،،،كان الجميع منشغولون في تلك الصاله الكبيره وقفت قرب الباب وعيناي تبحث عنك بين تلك الحشووود
كان القاضي يجلس على مسافه وهو بانتظار العروسين
واخيررا وقع بصري على ذلك الجسد الطويل وتلك العينان الحاده التي عشقتها دوما
كم كنت وسيما كنت قد تغيرت قليلا بتلك اللحيه الخفيفه والشعر المرفوع ،،، عدت ذلك الوسيم الذي ملئ قلبي عشقا والما لايغتقر
كن يرتدي بدلة سوداء كان يبدو رائع الجمال بتلك الوقفه التي اعشقها فيه كان يتقدم نحو السلم وهو ينظر للاعلى
رفعت نظري كانت هناك فتاة ترتدي فستانا ابيضا وتحمل باقه ورد بيديها وهي تنزل السلم ،،،
كنت انت تنتظرها عند نهايه السلم وتنظر بها بتلك العينان التي لن اسمح لم بان تنظر بها لغيري
وقبل ان تصل اليك خرجت عن وعيي وتقذمت نحوك وانا اصرخ بكل قووه لم اشعر الا وذموعي وصراخي فد جعل جميع المدعوين في حالة صدمة وذهوًل
جووووي :اووووووكف لتسويها
استدار نحوي بسرعه وهو ينظر لي بصدمة جعلتني افقد عقلي اكثر
تقدمت نحوه وانا امسح دموعي لاراك واشبع عيناي منك
جوري :شون راح تسويها ،،، انت مو كتلي انت متكدر تعيش بدوني ،،،انت مو جنت تكول راح تبقه تحبني لاخر يوم بعمرك
ليش هيج بعت حبي انت مو تعرف اني احبك حيل وماحدر اعيش بدونك
زيد :جوري !!!!
جوري :اي جوري الي حبتك من خمس سنوات ونص وبعدها تحبك ومخلت رجال ثاني يقترب منها بان انت الي جنت بقلبها وبس ،،، انت عبالك اني تزوجت وراك واني مسمحت لاحد يلمس ايدي ويدخل حياتي من بعدك لان انت كل حياتي
وهسه انت شنووو راح تتزوج وتعوفني زيد اني احبك وماكدر اعيش بدونك اذا تتزوج يعني راح تحكم عليه الاعدام
شون قلبك انطاك تحب وتتزوج شلون
كان الجنيع ينظر لي بصدمة وهدوووء كنت انت كذلك تنظر لي بتلك العينين الدامعتين ،،،
اقتربت منه لانظر داخل عينيه
جوري : شلون تعوفني وتروح واني ماكدر اتنفس الهوا بدونك
ولم اشعر الا وانا افقد وعيي بين ذراعيك

فتحت عيناي وانا انظر اين انا كنت بذات الغرفة التي عشت بها اجمل ايام حياتي على هذا السرير عشت اجمل الذكريات
نظرت جانبي كنت انت ممددا بجانبي تنظر لي بتلك النظره التي اعشقها وتلك الابتسامه التي اذوووب عند رؤيتها
جوري :زيد اني
زيد :اشششش خليني اشبع منج تعرفين شكد اشتاقيت لهاي العيون
بدأت دموعي كعادتي بالنزول
حوري :اني اسفه زيد اكيد خربت عرسك اني كل مره اجي يحياتك اخربها اني ايش هيج حظي شصار جوه البنيه والعرس والمعازيم
وقبل ان اكمل جملتي اقترب مني وقبلني قبله طويله نسيت فيها نفسي وانا بين ذراعيه
رفع راسه وهو ينظر لي ويبتسم تلك الابتسامه الماكره
زيد :اول شي منو قشمر عليج وكالج هذا عرسي
جوري -":شنوووو
زيد :حبيبتي هذا عرس سجى بنت ام سجى همه الوحيدين الس بقو ويايه وبما ان ماعدهم احد اني جنت حسلمها لرجلها لان اني مثل اخوها وبخصوص الكلام الي كلتي جوه
نظر لي ثم ابعد خصله من شعري للوراء
زيد : اني هم احس بي نفسه اني هم احبج وعمري منسيتج ولا كدرت اخلي اي بنيه تاخذ مكانج جنت كل يوم انتظرج واكول راح ترجعلي والله حققلي هاي الامنيه
جوري انتي حياتي كلها وعمري كله وراح ابقى احبج لاخر يوم بعمري
جوري :زيد احبك موووت
احنظنني بشده
زيد :واني اكثر ياروحي واخيرا رجعتيلي مداصدك واخيرا حبيبتي صارت بين ايديه
نظر لي ثم اكمل
بس اكو شي لازم تعرفي اني هسه رجعت للصفر ماعندي غير هالبيت يعني راح نبلش من جديد
جوري :حبيبي اني وياك وزيدوون راح نخلي ايدنا بايد بعض ونعيش احلى حياة
زيد : ابني زيدووون مشتاقله موووت
جوري :يعني تعرف زيدون ابنك
وانا اضع يدي على فمي
زيد :طبعا اعرف اني الي تبرعتله بالدم من صار الحادث
جوري : خرررب احمد
زيد وهوًيضحك ويحتظنني بقوه
: حبيبتي اني اسف على كل الي صار قبل على كل الاذى الي سببته الج

جوري :اششششش اني الي اسفه ضيعت سنين عمرك بالسجن
زيد :خلاص خلينه نعيش حياتنه من اليوم وننسى كل شي
جوري : الله يخلينه ليعض وميفر قنا ابد
نهضت ولكنه امسك بيدي واعادني للسرير
جوري :زيد المعازيم وعرس سجى شكد عيب هسه شكالو عليه خل ننزل قبل لا يخنكوني خربت العرس عليهم
زيد :وين رايحه ماكو طلعه منا
وهو يتقرب مني بابتسامته وعيناه الماكرتي
جوري :شنووو !!!! هسه ؟؟؟ لا زيد من نتزوج
زيد :نتزوج !!! بابا احنه نخلقنه لبعض ماكو طلعه اذا ماشبع منج اليوم
تعانقت ارواحنا قبل اجسادنا عوضنا الم تلك السنين بتلك اللحظات التي عشناها امتزجت افيها اروحنا ىقلوبنا للابد

زيد :يلا بسرعه البسي ننزل راح يصعدولنه ههههه
جوري :اي اي يلا جايه
نزلنا للصاله ونحن نحتظن ايدينا كاننا نخاف ان نبتعد عن بعضنا بعد الان
كانت الحميع ينطر لي ويبتسم شعرت بالخجل وانا انذكر مافعلته
احمد :واخيرا جتي العروس
جوري :احمد !!! تعال اليوم اموتك ليش هيج سويت بيه
احمد : ههههههه لعد شون تحاربين علمود حبج
كان الجميع هناك امي واحمد وزيدون
ركض زيدون باتجهنا وهوً يحتظننا
احمد : زيد هاي مستمسكات جوري كلها يعني اني فكرت اكيد هسه انتو مشتاقين لبعض ومراح تنتظرون حتى تتزوجونً
جوري :شنووو ليش
زيد :شنو ليش هسه راح تنزوج وره سجى يعقد علينه القاضي  تسلم احمد انت ملاك
جوري :اتزوج هسه واني لابسه جينز؟؟؟
زيد :اي هسه نتزوج طلعه ماكو منا بعد انسي
اختظنا بعضنا وتزوجنا في ذلك اليوم
عشنا انا وحبيبي زيد وابننا زيدوون كانت اجمل ايام حياتنا في ذلك المنزل المليئ بالحب وكانت السعادة من نصيبنا دوممما وللابد ،،،ض

لاتيأس فقد تأتي السعادة بغير موعد لتمحي كل اثار الحزن بعاصفه واحده
ان كان الحزن نصيبك يوما فتذكر ان القدر سيجلب لك حظا يوما ما محملا بالورود والسعادة
انتهت

مرحبا صديقاتي يارب عجبتكم الروايه
ولاتنسون تنطوني ارائكم بالروايه
تسلمون عالمتابعه حبايب
😘😘😘😘