رواية مياس قلب الشهم الفصل السادس عشر 16 - بقلم لبنى الموسوي

#مياس_قلب_الشهم

للكاتبه#لبنى_الموسوي

صارت الساعه ب١١ خلصو شغل طلعنه للصاله ... گعدنه يم الحجيه نتفرج تلفزيون

نص ساعه وطب شهم تفاجأت من شفت مهيب ويا بس شحاله

تخبلت شنو هذا الدم التارس ملابسه !! نسيت كلشي ورحتله اركض وگفت گدامه بخوف

مياس.. شبيك مهيب ؟؟

مهيب.. ما بيه شي

مياس.. شنو يعني ما بيك شي لعد والدم هذا ؟؟!

شهم.. جهاد
مهيب
مياس
للاستقبال گدامي بسرعه

ظليت صافنه على مهيب مقهوره علي رغم كلشي صار لان كل السوا حقه الغلط بيه اني النطيتهم فرصه يأذو ويأذوني بهل شكل

تحرك من گدامي بقيت اعاين ورى ظهره كله دم ... اشرلي شهم بيده حتى يصحيني

شهم.. مياااااس وين صافنه

مياس.. ها شنو ؟!!

شهم.. تحركي للاستقبال وفضيني

مياس.. اي اي

رحت للاستقبال لگيت جهاد ومهيب واگفين ينتظرون ... طب شهم ورايه وسد الباب

حليت الموضوع بمعرفتي ويا اهل عماد وخليتهم يتنازلون عن الشكوى بسرعه

گعدت بغرفة الضابط محمد انتظر مهيب انصدمت من طب عليه وشفت شكله

شهم.. هاي شنو شصاير وياك ؟!!

مهيب.. الحمد لله على سلامتك

شهم.. شبيك ضاربيك لو متعارك ؟؟

محمد.. نعتذر عن هالشي بس الاخ زودها كلش ... حاولنه نهدي بس بلا نتيجه لحد ما صار الصار

شهم.. مشكور ابو جاسم ،، استأذن منك ونتشاوف عن قريب اذا الله راد

محمد.. كل الهلا بيك بأي وقت حبيب گلبي

طلعت من الغرفه سحبت مهيب من ايده وطلعته من المركز حتى اگدر احچي ويا براحتي

شهم.. شمسوي ولك

مهيب.. شمسوي يعني واحد معتدين على عرضه شتريده يسوي ،، يوگف يتفرج مثلا ؟؟؟!!

شهم.. مو هيچ تنحل الامور مهيب ... تصرفاتك كلها غلط من مدت ايدك على مياس لحد هجومك على بيت اهل عماد

مهيب.. بشرفك شهم اسكت وخليني بضيمي

شهم.. لا ما اسكت وغصبا ما على راسك تسمعني فاهم لو لا

مهيب.. بالشارع ؟؟!!

شهم.. لا هسه رايحين للبيت .. جهاد هاك انت سوق تعبت كلش

جهاد.. صار خالي

رجعنه للبيت اول ما وصلنه تفاجأت مياس بشكل مهيب وگفت يمه خايفه علي تسأل شبيك .... قاطعت كلامها واخذتهم للاستقبال حتى احل السالفه بيناتهم

شهم.. شوف جهاد انت الكلام هواي عليك لذالك راح اعاقبك بطريقة تلوگ الوجهك الحو بس الاريده منك هسه تعتذر حالاً عن كلشي سويته بهل يومين لمياس

جهاد.. خالي

شهم.. اعتذر

جهاد.. بس اسمعني

شهم.. اعتذررررررررررر

جهاد.. عاينلي بحقد : اعتذر

شهم.. لا مو هيچ

جهاد.. شلون لعد ؟؟!

شهم.. نظراتك الخبيثه هاي ما اريد اشوفها على وجهك ... تمشي توگف گدامها مثل الشاطر وتگولها اعتذر منچ يا ريت تتقبلين اعتذاري وخلي عيونك بالگاع مو عليها

جهاد.. شتحچي خالي !!

شهم.. مثل ما سمعت وإلا راح تشوف مني الما يعجبك يتربيتي

تقرب مني جهاد ... وگف گدامي ونزل راسه بالگاع

جهاد.. اعتذر منچ ويا ريت تتقبلين اعتذاري

مياس.. ما صار شي نظل اهل والصار سوء تفاهم مو اكثر

شهم.. اطلع جهاد هسه ... حسابك ويايه بعدين

طلع من يمنه بس اعصابه طافره بعيونه ... ظليت اعاين ورى لحد ما سمعت شهم صاحني

شهم.. مياس

مياس.. نعم

شهم.. اطلعي للصاله شويه واصيحچ

مياس.. اي ماشي

طلعت من يمهم وسديت الباب ورايه ... لگيت جهاد هستوه راجع من المغاسل بس شافني دار وجها لغرفته طب ورگع الباب حيل
ما اهتميت وگعدت بالصاله انتظر شهم

ظليت ويا مهيب لوحدنه حتى احچي ويا براحتي لان ادري بي شديحس ... حقه الصار كلش صعب ماكو رجال يتحمله

شهم.. ليش سويت هيچ مهيب

مهيب.. وشنو هو السويته ؟؟

شهم.. شلون تمد ايدك على مياس

مهيب.. انت وتطلع مرتك بلا علمك ولمن تروح حتى ترجعها تلگاها هي والساقط الحاط عينه عليها وحدهم بعدين تتفاجأ من تشوف اثار شهواته القذره على جسمها

شهم.. اششش كافي لا هيچ

مهيب.. شلون لعد تريدني احچي
فهمني شلوووووووووووون !!!
ولك هذا الساقط اعتده عليها وهي الراحتله برجلها

شهم.. يعني انت دتشك بيها ؟؟

مهيب.. لا طبعا اني اعرف مياس شنو وبنفس الوقت اعرف عماد شنو
بس هي غلطت شهم كلش غلطت من انطت فرصه لهل وصخ ونولته مراده
ما گدرلها من چانت بنيه تالي يگدر يحصل اليريده منها بعد ما صارت على اسمي
ولك هذا اعتده على شرفي تفهم شنو يعني اعتده على شرفي لو لا

شهم.. مهيب اهدأ شويه حتى اعرف اتفاهم وياك

مهيب.. ششايفني مخبل گدامك

شهم.. عاين الشكلك وتعرف الجواب ... ناقصك بس تعضني بعد

مهيب.. احچي شهم ترى ما ظل عندي صبر

شهم.. شوف اني وياك ... مياس غلطت بطلعتها من البيت بلا علم احد
بس هي ما تصرفت هل تصرف إلا من طيب گلبها وطيش عقلها

مرتك بعدها طفله مهيب ... متگدر تلوم الطفل على تصرفاته

انت تعرف بالوضع لو لا ؟؟ مو تعرف كلشي عن مياس ومع ذالك تقبلتها بكل ما بيها وظليت مصر عليها

شصار هسه و وگفت تعيرها بماضيها !! هاي الما چانت مرجيه منك مهيب

مهيب.. اني ما قصدت اعيرها شهم ... بس العصبيه سيطرت حتى على لساني فما عرفت شأحچي بوقتها

شهم.. مهيب هذا الساقط بعده متمسك بمياس
يعني الشغله مو مجرد شهوه مثل متگول
هدف عماد يطلگ مياس منك حتى يتزوجها هو

مهيب.. وانت شعرفك !!

شهم.. مياس حچتلي كلشي اول ما وصلت للبيت

عاينت علي وجها گام ينطي الوان من الخوف ... صفن عليه بصدمه شويه وگدر يسألني

مهيب.. احچي شهم شصار بيناتهم ؟؟

شهم.. يعني تشك بيها ؟!!

مهيب.. لك لا لا والله لا ... بس التفكير راح يموتني شهم
ادري بيها بنيه عفيفه وماكو بطهارتها
بس هذا ال×××× حاط عينه عليها من زمان واجت الفرصه لجوه رجلي .... تريده يفوتها من ايده بلا مياخذ غرضه منها

شهم.. مهيب ثق بالله ما صار شي بيناتهم لان انت اجيت على اخير لحظه وخلصتها منه

مهيب.. احلف بروح ابوك

شهم.. وروح ابويه

فرك وجها بأيده ع السريع ... شويه ودار ظهره الي عرفته يبچي : والله حقه لأن الصار ويا صعب ،،، كلش صعب حتى الجبل ميطيق يحمله

وگفت يمه وحطيت ايدي على چتفه .. دار وجها حضني حيل

مهيب.. تعبان شهم وروح ابويه تعبان كلش

شهم.. فكر بعقلك مهيب حتى ترتاح
صدگني دائما اليفكر بگلبه يتعب ويندم بعدين
انت ما تصرفت كل هل تصرفات إلا بسبب مشاعرك وغيرتك على مرتك يعني ما انطيت مجال العقلك يتدخل ويحل الموضوع
لذالك كل السويته لحد الأن غلط بغلط

مهيب.. مو بيدي شهم والله العظيم مو بيدي ... بس رب العالمين يعلم شصار بيه من شفت مياس بهل حاله گدامي

شهم.. مو ذنبها ليش تظل تلومها على قذارة غيرها
خلي نفرض مياس ما طلعت من البيت بهذاك اليوم
شتتوقع عماد مراح يلگه فرصه ثانيه حتى ينفذ اليريده !!!

لك الساقط يگولها راح اعتدي عليچ حتى يطلگچ مهيب وترجعيلي

يعني مرست بعقله مياس اله حتلو يدفع حياته ثمن لهل شي

مهيب.. حيوان ... ااااخ بس لو يوگع بيدي

شهم.. عوفه عليه ،،، وداعتك اخذ حقك وحق مياس من بين عيونه بس اصبرلي شويه

مهيب.. شهم اني اريد ابوها يعرف بقذارته هو وخالته

شهم.. راح يعرف بس مو هسه

مهيب.. شوكت لعد ؟!!

شهم.. لازم انطي الأمان لعماد حتى يرجع يطلع وجها
بس تروح تحچي ويا ابوها معناها تنسى تلزم عماد بيدك بعد لان اكيد خالته راح تگوله ويشرد بعملته

مهيب.. اي صح بس اني شيصبرني

شهم.. اذا تريد عماد يوگع بيدك لازم تصبر

مهيب.. اخ ربي اخ منك الصبر وحدك

شهم.. اگولك صدگ اذا تريد تطلگ مياس گولي حتى ازوجها الواحد من جماعتي لان مستحيل اخليها ترجع لسميحه وسفالتها

بس گلت هيچ دار وجها عليه خزرني حيل ... لزمت روحي بالگوه حتى لا اضحك

شهم.. ها شبيك ؟!!

مهيب.. طرطور واگف گدامك حتى تگولي ازوج مرتك لواحد من جماعتي

شهم.. لا حشاك بس گتلك اذا تريد تطلگها
مو علمود شي بس حتى احسب حسابي لان مثل ما گتلك مياس بنتي ومن واجبي احميها لأخير يوم بعمري

مهيب.. بشرفك شهم اسكت زودتها حيل

شهم.. ههههههههههههه اذا مو گدها شكو خبصت الدنيا لعد

مهيب.. ناصب عليه انت ؟!!

شهم.. طبعا

مهيب.. رحم الله والديك

شهم.. سحبته الحضني واني اضحك : لك شلون انطاك گلبك تأذيها ؟؟!
انت شفت الخوف البعيونها من شافت الدم على ملابسك
لتضيع هالحب من ايدك مهيب لان راح تعض اصابيعك ندم اذا خسرتها

مهيب.. الله ليگولها

شهم.. لعد راح اصيحها تعتذر منها گدامي والباقي بالغرفه بيناتكم ههههه

مهيب.. هههههه والله عيب عليك

شهم.. ليش راح فكرك لبعيد ،،، قصدت يعني تگعدون تتعاتبون وتتصافى گلوبكم حتى ينتهي كلشي

مهيب.. هههه صدگتك كلش

شهم.. هههه يلا خلي اصيحها

مهيب.. يلا

چنت گاعده بالصاله انتظر شهم يصيحني بس گلبي يفور قلق على خوف على توتر بحيث اعصابي تلفت من التفكير

تأخروا كلش گلت خلص هالموضوع ماله حل اذا شهم گدر يحل السالفه ويقنع الكل فمستحيل يگدر يقنع مهيب ويخلي يتراجع عن قراره

عيوني على باب الاستقبال والافكار تاخذني وتجيبني ... فجأه طلع شهم صاحني

گمت والخوف ماكلني مدري شلون گدرت اوصل ... طبيت وسديت الباب ورايه عيوني صارت على مهيب بس هو يعاين على شهم مو يمي اصلا

مياس.. نعم

شهم.. مهيب يريد يحچي وياچ تسمعي لو لا ؟

مياس.. بتردد : ا اا اي اسمعه

دنگت من الخوف گلت هاي هي راح يطلگني ما بيها كل مجال ،،، فجأه حسيته وگف يمي

رفعت راسي اله شفته واگف گبالي ومبتسم .... ما صدگت الشي الدا اشوفه بعيوني

مهيب.. لزم وجهي بأيده وباسني من راسي : اسف حياتي ريت ايدي النمدت عليچ انگطعت قبل لا تلوحچ

فتحت عيوني علي مصدومه حتى ما اعرف شجاوبه ... رجع كرر اعتذاره

مهيب.. اسفه والله .. اتمنى تعذريني مياس لان الصار ابد مو قليل بس مع ذالك چان لازم اتصرف بعقلانيه اكثر وما امد ايدي عليچ حتلو غلطتي
مجبور اتحمل تصرفاتچ الطفوليه لان احبچ وانتي لازم تتحملين عصبيتي لان تحبيني

هنا اني شغلت عقلي لأول مره بحياتي ... لازم استغل الفرصه لصالحي حتى ارجع كرامتي واعتباري گدام الكل

مياس.. واسفك هذا راح يرجعلي كرامتي المسحتها بالگاع گبال اهلك

مهيب.. مستعد اعتذر منچ گدامهم بس سامحيني

دنگت بلا ما اجاوبه ... سحبني من ايدي وطلعني للصاله الكل چانو گاعدين باستثناء ايهاب بعده ما راجع من دوامه

مهيب.. جهاااااد

جهاد.. طلع من غرفته : ها مهيب

مهيب.. تعال عندي وياكم حچي مهم لازم تسمعوني كلكم

اجه گعد بصف امه ... الكل يعاينون لمهيب منتظري يحچي واتصور استوعبوا الموضوع لأن چانت أيده بأيدي

مهيب.. هاي اني گدام الكل اعتذر من مياس عن كلشي صار
هي ما غلطت بشي وحتى طلعتها البلا علمي اني قابل عليها
الغلط بيه اني تسرعت وغلطت هم لذالك من حقها عليه اعتذر منها گبالكم
ومن هسه اگولكم بعد اذا اسمع احد يمسها بحچايه حتلو بسيطه ميلوم إلا نفسه
مثل ما تحترموني مجبورين تحترموها ويايه
عاجبكم اهلاً وسهلاً ما عاجبكم اخذ مرتي واطلع بيت وحدنه

الحجيه.. شنو هالحچي مهيب ؟؟!!

مهيب.. مثل ما سمعتي يمه ... لذالك اتمنى متجبروني على هالشي

منال.. حقك خويه ... يلا مصار شي مصارين البطن تتعارك بيناتها سوء فهم وانحل ان شاء الله

هديت ايده ورحت اركض للغرفه ... ما صدگت انتهت السالفه ورجعلي حقي بفضل شهم والاهم من كل هذا مهيب اعتذر مني وفهم غلطه

اخذت ملابسي من الكنتور ... طبيت للحمام وشبعت بچي بس هالمره دموع فرح مو حزن

سمعت مهيب شلون يعتذر من مياس گدام الكل ارتاحيت كلش ... چان لازم هالشي يصير حتى يردلها اعتبارها گدام اهله بعد كل السوو بيها

شفت جهاد دار وجها يريد يطلع نترت بي حيل وگفته بمكانه

شهم.. وين موليييي

جهاد.. ليش خالي رايد مني شي

شهم.. الغرفتك بسرعه

جهاد.. اريد اطلع عندي شغل

شهم.. مو قبل لا احچي وياك واحاسبك على كلشي

دخل الغرفته بدون ميحچي شي .... عاينت المنال تباوع عليه بنظرات خوف هزيتلها راسي حتى اطمنها

دخلت بعده وسديت الباب ... ارتبك من شافني مخنزر علي صفن بوجهي شويه وگال :

جهاد.. شبيك خالي ليش تعاينلي هيچ

شهم.. تقربت منه صرت گباله : لحد الأن ما گتلي شلون تتجرأ وتمد ايدك على مرت خالتك ؟!!!

جهاد.. ساعة عصبيه مو قصدي

شهم.. ومهيب اذا عرف بالصار تتوقع شراح يسويلك بساعة العصبيه التحچي عنها

جهاد.. ليش ناوي تگوله ؟!!

شهم.. لا تدري ليش

جهاد.. ليش ؟؟

شهم.. لان اذا گتله راح تخسره للأبد .. مهيب اذا عرف مستحيل يسامحك جهاد مستوعب هالشي لو لا

جهاد.. ههههه ميسامحني ،،، لعد شلون سامح بت الشاورع بكل سهوله

بس گال هيچ شلت ايدي ضربته راشدي بكل قوتي ... جريت اذنه وقربت وجها مني

شهم.. ماكو غيرك ابن الشوارع ولك لان بس ابن الشوارع يتلفظ هالكلام
عندك عرض خاف علي ... لتطعن بأعراض العالم حتى لا الله يطلعها بعرضك

جهاد.. ترى ميصير لدتسوي اني مو طفل وتعاملني بهل طريقه

شهم.. هاااااا ... زين لعد همزين گتلي
هسه راح اعاملك معاملة الكبار ومتأكد راح تتمنى لو ما حاچي هالكلام

مديتله ايدي : السويچ بسرعه وكارت حسابك

جهاد.. شنو يعني ؟!!

شهم.. بعد ماكو لا سياره ولا فلوس والمعارض لتعتبها روح شوفلك شغل بعيد عني من تصير ادمي نتفاهم عود

جهاد.. ههههه خالي صدگ تحچي انت ؟!!

شهم.. قابل متشاقي وياك من قبل !!

جهاد.. شنو يعني تريد تاخذ سيارتي وحسابي مني ؟؟!!

شهم.. ليش حضرتك جايبهن من جيبك واني ما ادري

جهاد.. لا بس

شهم.. لعد لتلغي لغوه زايده .. انطينياهن خلي اولي ارتاح

جهاد.. ماشي خالي مثل متريد

شال السويچ وطلع كارته من جيبه ... مد ايده قدملياهن بعصبيه

جهاد.. تفضل

شهم.. هالمره راح اكتفي بالشغلات الماديه بس المره الثانيه روحك متكفيني اذا غلطت مثل هالغلط الچبير
مياس خط احمر ابعد عنها لتخليني اشوفك وجهي الثاني واتصور تعرفه لان شايفه من قبل

جهاد.. رحم الله والديك ما قصرت

شهم.. و والديك بالرحمه

طلعت منه ورگعت الباب ورايه

شهم.. منااال

منال.. ها خويه خير

شهم.. وين النسخه الثانيه مال مفاتيح سيارة جهاد

منال.. يمكن ع الرف

شهم.. جيبيهن بسرعه

منال.. ليش خويه ؟!!

شهم.. بعد ماكو سياره ولا شغل بالمعارض حتى حسابه بالبنگ انسحب منه
خلي يروح يعتمد على نفسه بلكت يبطل غرور وعنطزه ع الناس
واذا سمعتچ منطيته فلوس يا منال نخرب للتالي وروح ابويه

منال.. بس خويه ميصير هيچ

الحجيه.. يمه لا هيچ تعامله الولد صار بطولك
بعدين تريد تمنعه من الشغل وين ينطي وجها متخاف علي يمشي بالطريق الاعوج

شهم.. يطبه مرض خل يجرب الفگر بلكت يقدر النعمه المچان حاس بيها
تماده هواي صار لازم اخليله حد وما اريد نقاش زايد انطوني السويچ خلي اولي انام

نهى.. متتغده ؟؟

شهم.. لا تعبان كلش يا دوب اصلي وانام

انطتني منال السويچ اخذته وصعدت فوگ ... طلعت ملابس وطبيت للحمام بوجهي غسلت ووگفت اصلي هستوني مخلص طبت عليه نهى

نهى.. ها حبيبي شو بعدك ما نايم

شهم.. هسه راح انام چنت بالحمام

نهى.. نعيما

شهم.. الله ينعم عليچ

نهى.. مبين ممشتاقلي

شهم.. ههههه شلون عرفتي ؟؟

نهى.. شنو يعني صدگ ممشتاقلي !!!

شهم.. ههههه الله يهديچ حياتي

نهى.. لا صدگ شو من اجيت لحد الأن ممعبرني

شهم.. ليش اني فرغت حتى اعبرچ ؟؟! ما شفتي بعينچ شلون استلموني من طبيت لحد هالساعه

نهى.. وهسه فرغت ؟؟

شهم.. ههههه تعالي خبلتي

نهى.. ركضت حضنتني : شتاقيتلك موووت

شهم.. واني شتاقيتلچ يروحي انتي ،، شلونچ بغيابي ؟؟

نهى.. مو زينه والله

شهم.. ليش تحچين هيچ !!

نهى.. احبك شهم وما اگدر اعيش بدونك والله

شهم.. ليش هو منو اليخليچ تعيشين بدوني

دنگت عليها بستها بلهفه ... جرت ملابسي لزمت ايدها ع السريع

شهم.. هههه لتتهورين حياتي

نهى.. بس

شهم.. لا بس ولا هم يحزنون ... طفي الضوه خلي انام ولتگعديني اني اگعد من كيفي لان كلش تعبان

نهى.. ماشي حبيبي

دارت وجها طفت الضوه دتطلع صحتلها :

شهم.. وين رايحه ؟

نهى.. انزل جوه

شهم.. ماكو نزله تعالي حضنيني بين ما انام

نهى.. هههه ولك وكت غده لازم انزل اساعدهم قبل لا تصعدلنه سهامه بالعوچيه

شهم.. هههه تعالي حبي ولديرين بال لأي شي شحده اليحچي وياچ كلمه واني موجود

نهى.. والله والنعم هههه

تمددت ع الچربايه .. اجت يمي حضنتها ثواني ونمت من التعب ما حسيت إلا ويا اذان المغرب

ظليت ابچي بالحمام لحد ما حسيت نفسي ارتاحيت كلش

غسلت ورحت للغرفه شفت مهيب واگف ع المرايه يمسح رگبته بالكلنس لان مليانه دم يابس

مهيب.. نعيما

مياس.. شكرا ... منو هيچ مسوي بيك ؟؟

مهيب.. الشرطه

مياس.. ليش ؟ وبشنو ضربوك ؟؟

مهيب.. مو ظليت اتعارك وياهم من لزموني فما تحمل واحد منهم وضربني بنهاية سلاحة على راسي

مياس.. وهسه وگف الدم لو لا ؟؟

مهيب.. واگف بس چنت منتظرچ تطلعين من الحمام حتى اغسل لان لعبت نفسي من ريحته

مياس.. يلا هسه اطلعلك ملابس وفوت اغسل

اخذتله الملابس للحمام علگتهن ورجعت للغرفه

راح يغسل نشفت شعري ع السريع وگعدت الملم بالغرفه لان ما لحگت انضفها بعد الصار خصوصا الكزاز مطشر بكل مكان من عصبية مهيب

هستوني خلصتها طب للغرفه ... ابتسم من شافني مرتبتها

مهيب.. عاشت ايدچ

مياس.. وايدك

نشف شعره گدام المرايه ورش عطر .. توجه للقبله فرش السجاده راد يوگف يصلي حاچيته

مياس.. مهيب

مهيب.. نعم

مياس.. تگدر تعلمني ع الصلاه

مهيب.. فرح كلش : اي طبعا ميرادلها شي جيبي السجاده وفوتي توضي حتى اعلمچ

مياس.. ما اعرف اتوضى

مهيب.. هههه مو مشكله اني اعلمچ امشي ويايه

وگفت ع المغلسه علمني ع الوضوء .. رجعت للغرفه فرشلي السجاده و وگفت ورى اردد نفس كلامه لحد ما خلصنه

مهيب.. التفت عليه : الله يتقبل

مياس.. منا ومنكم

مهيب.. خو ما صعبه

مياس.. لا بالعكس

مهيب.. يا ريت تلتزمين بيها منا وجاي

مياس.. ان شاء الله ،،، يلا راح اطلع اصب الغده واصيحلك

مهيب.. ماشي

رحت للمطبخ لگيت رنا ومنال واگفات يحضرن بلاكل بس نهى ماكو

مياس.. وين نهى لعد

منال.. هههه يم الحب غير

مياس.. هههه وشبيچ تضحكين

منال.. مو هسه راح تنزل شارگتلچ الحلگ من الأذن للأذن بعد ما شافت حبيب گلبها

دنحچي نزل نهى تضحك

منال.. ههههههه هاااااا شگال بهلول

مياس.. هههه دعوفيها شتريدين منها

نهى.. شنو شبيكم ؟!!

رنا.. ديحشون بيچ حبيبتي

نهى.. صدگ والله

مياس.. تتصورين نسويها ؟؟

نهى.. صراحه كلشي يطلع منچن هههه

منال.. ما دام هيچ لعد اسلتمي ،،، اي عيني چنه نحچي عليچ ونگول هسه نايمه بسابع حلم بحضن اخويه

نهى.. ههههه وانتن حاطات عينچن ع الحضن يحضي

مياس.. عززززه ولچ مو هيچ

منال.. خليها حبي من قهر گلبها متعرف شتحچي

نهى.. ههههه اي والله ليش الچذب

جهاد.. الغده وين صااااار

رنا.. يمعوده هذا شبي بس يصيح

منال.. خاله شد ويا شيخلصنه بعد

مياس.. ليش شسواله ؟؟

منال.. اخذ منه كلشي السياره والحساب وحتى شغل المعارض

صفنت على كلامها .. فرحت على ضجت ما اعرف ليش بس المهم رجعلي حقي منه وهذا الشي كلش كافي

صبينه الغده وصحت مهيب .. تغدينه وكلمن راح الغرفته

خلصت شغل المطبخ ويا رنا لأن چان علينه ورحت لغرفتي اخذلي كسره شويه

طبيت لگيت مهيب ديتصفح بموبايله .. طفيت الضوه وتمددت يمه بس درت ظهري علي

هستوني دا اغمض حسيت علي سحبني الحضنه وخله راسه على راسي

مياس.. شويه اريد انام

مهيب.. نامي حياتي اني هم راح انام

مياس.. لعد وخر شلون انام وانت ذاب ثگلك عليه

مهيب.. ماشي هديتچ اخذي راحتچ

دار ظهره الي ونمت بسرعه لان سهرانه وگاعده من الصبح

حسيت العصر بالخمسه عاينتله بعده نايم خطيه مبين علي تعبان كلش

لبست حجابي وطلعت للصاله لگيت الكل گاعدين بس شهم ماكو

مياس.. السلام عليكم

الكل.. وعليكم السلام

الحجيه.. مهيب بعده نايم ؟؟

مياس.. اي خاله

الحجيه.. شلون صار

مياس.. لا الحمد لله زين ليظل بالچ

صار المغرب گاعدين نسمع للقرأن نزل شهم يفرك براسه

الحجيه.. نوم العوافي يمه

شهم.. الله يعافيچ حجيه

نهى.. نمت زين حياتي

شهم.. لا والله بعدني نعسان بس گمت لان صار الغروب وراح يأذن

نهى.. يلا صلي وتعشه بعدين ارجع نام

شهم.. مياس وين مهيب ؟؟

مياس.. نايم بعده

شهم.. فوتي گعدي مو زين يظل نايم الغروب

مياس.. اوك

رحت للغرفه .. طبيت ما حس عليه
گعدت يمه اگعد بي ماكو ،، اخترعت كلش شبي هذا ميتحرك

مياس.. مهيب مهيب ولك مهيب گوم .. عفيه گووووووم

فجأه فتح عيونه يضحك .. ضربته بالمخده على وجها

مياس.. حرام عليك وگعت گلبي من شقاك هذا

مهيب.. هههه لعد ليش تسوين روحچ زعلانه اذا تحبيني لهل درجه

مياس.. الحب شعلي بالموضوع هذا الشي انساني اي واحد بمكاني تصير عنده نفس ردة الفعل من ورى سوايتك هاي

مهيب.. احچيلچ وياها حياتي

مياس.. بطل هالشقه الله يخليك لان كلش محلو ومزعج

مهيب.. هههههه مو بيدي احب اتحارش بيچ
بس مع ذالك اوعدچ راح احاول ابطله لخاطرچ

مياس.. ديلا گوم وكت اذان حتى نصلي سوه

مهيب.. عفيه عليچ عجبتيني ظلي ملتزمه بيها دائماً

مياس.. ان شاء الله

گمنه توضينه ووگفنه نصلي سوه ... طلع مهيب گعد بالصاله ويا الحجيه وجهاد وشهم

شهم.. شلون صرت مهيب

مهيب.. لا الحمد لله زين

الحجيه.. خلي شهم يوديك للدكتور خاف صارلك شي لان شكلك هواي نازف حتى وجهك اصفر

مهيب.. يمه والله ما بيه شي لتظلين تلحين بالموضوع

جهاد.. بيك حيل تطلع ؟

مهيب.. وين ؟؟

جهاد.. الولد خابروني مجتمعين بالگهوه اليوم

مهيب.. لا خليها على غير مره لان تعبان

جهاد.. على راحتك

عفتهم ورحت للمطبخ حتى اسوي العشه ويا البنات

وگفنه نشتغل ونسولف بيناتنا فجأه انصدمنه من سمعنه شهم ديصيح بصوت عالي .....

يتبع..