رواية مياس قلب الشهم الفصل الثالث 3 - بقلم لبنى الموسوي

#مياس_قلب_الشهم

للكاتبه #لبنى_الموسوي

راجع من دوامي حاره موت ما عاولي بس اوصل حتى اذب تعبي ،، بالطريق ودگت عليه مرتي

نهى.. ها حبيبي وين صرت

شهم.. بالطريق راح اوصل فتحيلي الباب الحر مينحمل بره

نهى.. الله يساعدك صار هسه افتحه الك

سديت الخط دا اخلي موبايلي وگع مني ،، دنگت شلته ومن رفعت راسي لمحت شي بالقطعه مالت جيرانه

شهم.. هاي شديصير هنا منو هذوله وشديسون بهالظهريه ؟!!

رجعت السياره ليوره حتى لينتبهون عليه ونزلت ع السريع

وگفت اعاين عليهم من بعيد واگفين ويا بنيه يتغزلون بيها ويتلمسون بجسمها وهي تضحك

شهم.. لا يالساقطين على هالعمله

طبيت عليهم وعطت بيهم بكل صوتي ،، شديصير هناااااااااا ؟!!

بس صاح عليهم وخرو مني والتفتو علي وهم خايفين

- شعليك انت ليش دتدخل

تقرب منهم يخزر بيهم ،، من يمي خفت من شكله واني اشوف الشر ينط من عيونه

شهم.. تحچون شديصير هنا لا احچيكم بطريقتي

جفلت بمكاني من سحب السلاح من حزامه رجعت ليوره من الخوف ،، اعاين عليهم بعد ميعرفون شيحچون وكل واحد منهم طفر بمكان

ركض عليهم وفتح ايده حضنهم كلهم بحركه وحده لان هو ضخم ومبين علي مو انسان عادي

شهم.. هوب هوب هوب هوب ،، وييييييييين وين تردون بعدنه كلشي ما حاچين انطونه صبر نتفاهم شبيكم

يحچي وياهم وهو لازمهم تلاثتهم بأيده ما اعرف شلون مسيطر عليهم بهل شكل

طبعا محد من عدهم گدر يجاوب لان مبين عليهم خافو منه مثلي رفع راسه عليه وعاينلي صفح

شهم.. شدتسوين هنا وياهم ولچ

فتحت عيوني علي من حچه هيچ وعرفته افتهم الموضوع غلط ،، حچيت بصوت يرجف

مياس.. والله معليه بيهم وما اعرفهم اصلا

شهم.. متعرفيهم مووووو ،، امشي ويايه امشي

مياس.. جفلت بمكاني من الصدمه وجاوبته بتردد ،، وو وين

شهم.. امشي لچ ما اريد اسمع نفسچ

مياس.. والنبي فاهم الموضوع غلط بس خلي اشرحلك

شهم.. اي طبعا راح تشرحيلي كلشي وغصبا عنچ بس مو هنا

مياس.. وين لعد ؟؟

شهم.. تحركي وما اريد اسمع حسچ سمعتيييييي

من صاح بيه رجفت من صوته وحسيت گلبي راح يوگف من الخوف

اخذهم وهو لازمهم من ياختهم ومشيت ورى لحد ما شفته صعدهم بالسياره ليوره

فتح باب الصدر دار وجها عليه وعاينلي بنظره حاده

شهم.. اصعدييي

دنگت منه لان خفت كلش من نظراته ،، بس صعدت رگع الباب حيل وفززني

مياس.. ياربي هذا منو هالدور ،، شنو هالورطه الگشره

صعد شغل السياره وساق كلش سريع ،، شويه و وگفنه يم مكان كله سيارات شرطه يمكن هذا مركز .. لا يا الله

مياس.. عفيه ليش جبتنه هنا اني مالي شغل بيهم

شهم.. انزلي ولتلغين لغوه زايده

نزلهم وهو يصيح عليهم ،، عاط بيه حتى امشي گدامهم

اول ما طبينه للمركز صاح على واحد اسمه تحسين وگله افتح باب غرفتي

انصدمت من كلامه ودرت وجهي علي اعاينله باستغراب ،، شنو يعني هذا شرطي ؟!!!

فتحله الباب طبب الولد اول شي بعدين اشرلي بأيده اطب بلا ميحچي

گعد ع الميز وشمر سلاحه على المكتب وهو يعاين عليه صفح ،، بهلأثناء دگ جهازه رفضه ورجعه لجيبه

شهم.. احچي يلا اسمعچ

مياس.. والله اني طلعت اشتري لبن من العطار

شهم.. هههه لبن ؟!! بهالظهريه ،، حلووووو

مياس.. حقه يستغرب وميصدگ ميدري بالظيم العايشه بي ... بس اسمعني خلي اكمل

شهم.. كملي عيني كملي

مياس.. العطار بعيد كلش عن بيتنه لان بس هو اليفتح بهيچ وقت

شهم.. منو ابو علي

من گال ابو علي انصدمت و وسعت عيوني علي ،، شنو يعني هذا من المنطقه مالتنه

شهم.. هييي شبيچ مو دا احاچيچ

مياس.. العفو ،، اي ابو علي

شهم.. خو كملي وبعدين

مياس.. دا امشي بالطريق وگفت گدامي سياره ونزلو هذوله الولد الدتشوفهم گدامك ،، بدو يشمرون بالحچي عرفتهم ديتحارشون ونيتهم مو زينه
حاولت اشرد منهم بس ما گدرت ولا اكو احد يطلع بهيچ وقت ويخلصني منهم لحد ما اجيت انت

رفع تك حاجبه باستهزاء وگام من مكانه باتجاهي

وگف بصفي كلش وحط ايده على خاصرته

شهم.. والضحكه الشفته بوجهچ من چانو ديتلمسون بجسمچ شنو تفسيرها
والمكان المهجور الشفتكم بي شتسمي

مياس.. عاين والله من ركضت وركضوا ورايه صارت گدامي الخرابه التحچي عنها ومن خوفي طبيت بيها لان مچنت اعرف شسوي وشلون اخلص منهم
واذا على الضحكه فصدگني تصرفت هيچ بس حتى لا ابينلهم خوفي وامنعهم يسيطرون عليه

انصدمت من سمعت واحد منهم حچه فجأه

- چذابه سيدي

مياس.. درت وجهي علي باستغراب ،، الله لا يوفقك ان شاء الله فوگ سواد وجهكم يعني

شهم.. اشششش لتحچين خلص دورچ
احچي انت شنو چذابه ؟!!

- سيدي هاي البنيه مو زينه واحنه يوميه نتونس وياها بهيچ وقت وبهذا المكان مقابل الفلوس

مياس.. نزلت دموعي بسرعه وحچيت بصوت مخنوگ ،، والله چذاب ما اعرفهم وروح امي ما اعرفهم

شهم.. شتگول انت حچي صاحبك صحيح

- اي سيدي صحيح

شهم.. وانت

- صح سيدي كفيلك الله هاي وحده بايعه ومخلصه احنه شنو ذنبنه اذا هي ك×××

بس حچه هيچ عاينتله ركض علي دفره برجله حيل وهو يعيط بي

شهم.. من توگف يمي هذا الحچي مال ولد الشوارع ما اريد اسمعه منك تفهم لو لاااا

- العفو سيدي مو قصدي

شهم.. احچي لچ هذا الحچي شنو

مياس.. والله مو صح ثق بالله ما اعرفهم ولا شايفتهم من قبل

شهم.. شسمها بما انو انتم تعرفوها ومتعودين على السوالف التعبانه وياها

عاينتلهم شلون ارتبكوا وبعد ميعرفون شيحچون ،، فرحت كلش لان راح يعرف الحقيقه واخيرا

شهم.. شو محد يحچي شبيكم ؟!!

- اسمها نور

دار وجها عليه رافعلي حاجبه ،، هزيتله راسي بمعنى لا

شهم.. هههه لا اسمها مو نور ،، بعد منو يحزر ؟؟

محد بيهم گدر يحچي شي بعد لحد ما صاح على نفس هالشحص وهو يگوله

شهم.. تحسين اخذ هذوله اشمرهم جوه لحد ما اجي باچر واشوف شغلي وياهم عدل

اخذهم وطلع شفته راح گعد على الميز وگام يضرب بي باطراف اصابيعه ويعاين عليه بخزره

شهم.. شسمچ

مياس.. جاوبته بالگوه لان من خوفي حسيت نفسي نسيت حتى اسمي ،، مياس

شهم.. شعندچ طالعه بهيچ وقت

مياس.. مو گتلك اشتري لبن

شهم.. صدگ تحچين ؟!! لچ بابا هذا يا لبن التشتري بهالظهريه

دنگت بلا ما اجاوبه لحد ما عاط بيه

شهم.. انطيني رقم اهلچ بسرعه

مياس.. عاينتله بخوف ،، شتسوي بي ؟!!

شهم.. انطينيا ولتسألين

مياس.. الله يخليك لتخابرهم والله ابويه يذبحني اذا عرف واني ممسويه شي

شهم.. لعد ابوچ الهيبه شگال النفسه من طلعچ بهيچ وقت ،، لو ما جاي اني شچان صار بيچ متخيله انتي لو لا

مياس.. دنگت راسي وجاوبته بصوت ناصي ،، اي

شهم.. احچي مياس شنو قصتچ

مياس.. ما عندي قصه كل الموضوع طلعت مجبوره وصار الي صار

شهم.. لعد بعد لتعيديها لان مره ثانيه اذا صادفتچ بمثل هالموقف ما افوتها الچ

مياس.. يحچي واني صافنه علي ميدري بسميحه لو بيدها حتى نومتي تخليها بالشارع ،، ان شاء الله متنعاد

شهم.. امشي بويه خلي اوصلچ بطريقي

مياس.. شكرا اني ارجع وحدي

شهم.. هزيت بايدي ،، هههه ترجع وحدها والله يا الله .. لچ يابه اني صارلي ساعه شاحچي وياچ تفهمين بالحچي انتي لو لا الخاطر ربچ وين عايشه

درت وجهي عنه بلا ما احچي شي فتحت الباب مشيت وحسيته ديمشي ورايه

وصلت يم سيارته سمعت صوت الباب نفتحت

صعدت ليوره ،، شفته ديحچي ويا واحد من بعيد شويه واجه شغل السياره وتحركنه مسافه واحنه ساكتين

شهم.. وين بيتكم

مياس.. قريب على المكان الشفتني بي

شهم.. يعني قريب على بيتنه شو ما شايفچ اني ؟؟ بيت منو يصيحولكم

مياس.. وليش تسأل انت شعليك !!

شهم.. ضربت بريك حيل درت وجهي عليها واني خازرها ،، شگلتي شگلتي ؟؟!!!

مياس.. متت خوف من شفته بهالمنظر وگمت امتمت بالحچي احاول اضيع السالفه ،، شسمه يعني قصدي شتريد من اسم بيتنه شسوي بي

شهم.. لتخليني اراويچ وجهي الثاني تأدبي وعرفي شلون تحچين ويايه ضبي براغي حلگچ احسن ما تشوفين مني شي ميعجبچ تسمعيني ولچ لو لا

هزيت راسي والدمعه بطرف عيني واني اعاين بعيونه شلون عصبي ويخزر بيه

رجع شغل السياره ظليت افكر هسه اكيد ابويه راجع من شغله ،، شصار من ما شافني وشگلتله سميحه ما استبعد حچت عني حچي يفشل حتى تستغل الفرصه لان هي تنتظر هالشي بفارغ صبرها

شهم.. مو احچي وياچ وين صافنه

مياس.. شنو حچيت ويايه

شهم.. لا أله إلا الله على هاليوم الميقبل يخلص

مياس.. ما سمعتك شبيك

شهم.. شلون تسمعيني وانتي صافنه ،، يمعوده فضيني اريد اولي للبيت مو هلكت من وراچ .. احچي بيا فرع بيتكم

مياس.. بفرع الخباز ابو خالد

وصلنه واول ما طبينه للفرع تفاجأت بابويه واگف بالباب

مياس.. صحت بكل صوتي بلا ما انتبه على نفسي ،، عزه بعينچ مياس شراح تسوين

شهم.. سمعتها صيحت فجأه درت وجهي عليها وحاچيتها باستغراب ،، شبيچ ؟!!

مياس.. نزلني هنا عفيه

شهم.. وليش

مياس.. ابويه واگف ما اريده يشوفني وياك

درت وجهي شفت رجال واگف من بعيد ،، تقربت بالسياره وتفاجأت بالخلفه اشرف

شهم.. اشرف ابوچ ؟!!!

مياس.. تعرفه

شهم.. اي طبعا اعرفه ،، امشي انزلچ واحچي ويا

مياس.. لا عفيه شتگوله غير يذبحني

شهم.. اذا ما نزلت وحچيت ويا متأكد ساعتها راح يذبحچ نزلي وبطلي ثول

نزلت ونزلتها ويايه مسافه عن بيتهم ،، تمشيت اله بس شافنه من بعيد اجه يركض عليها جرها من ايدها

اشرف.. وين چنتي دايحه و ويامن بت الكلب

شهم.. جريت ايده حيل ونبتت اصابيعي بيها واني احچي ويا ،، كلش عيب عليك ابو مصطفى من هيچ تحچي ويا بنتك هاي عرضك ،، تشك بعرضك ؟!!!

اشرف.. هذا انت ؟!! شجابك هنا وشدتسوي ويا بنتي

شهم.. اسأل نفسك هالسؤال ،، شلون تخلي بنتك تطلع الظهريه علمود تشتريلكم لبن صاحي انت لو شنو بالضبط

مياس.. لتحچي هيچ ويا ابويه هو ميدري بيه من طلعت چان بالشغل

اشرف.. يمعود دهد ايدي شبيك تخبلت

شهم.. هديت ايده سريع واني اگوله ،، اسمعني ابو مصطفى ويا ريت تخزن كلامي بعقلك احسن ما تندم بعدين ،، فتح عيونك على بنتك وحافظ عليها ترى هالدنيا عباره عن غابه وناسها وحوش فالتخلي هالوحوش ينهشون بعرضك وانت واگف تتفرج اتمنى كلامي يكون وصلك

اشرف.. غير افتهم بلاول شعدها بنتي وياك

شهم.. چانو تلث شباب محاصريها بالطريق والله دزني الها ما اعرف شلون

بس گال هيچ شفت ابويه دار وجها عليه وفتح عيوني

مياس.. والله بابا مالي علاقه هم ما اعرف منين طلعولي

اشرف.. طبي للبيت بسرعه

راحت وهي تتلفت علينه وشفت الخوف بنظراتها ،، عرفت سالفتها مو خاليه

اشرف.. شكرا يابه الله يجازيك بالخير ويستر على عرضك

شهم.. رحم الله والديك بس اتمنى تدير بالك عليها من ولد الحرام لتخليها تطلع بعد بمثل هيچ وقت وحدها

اشرف.. شنو توصيني على بنتي ترى ما صايره

شهم.. لا صايره ،، مع السلامه

صعدت بالسياره واني ادردم ويا روحي

شهم.. ادري ابو لو جيس حب بس اريد افتهم دخيلك ربي على هيچ عالم تعبانه

وصلت للبيت واول ما طبيت چانو كلهم گاعدين بالصاله ومبين عليهم منتظريني

شهم.. السلام عليكم

نهى.. صدگ تحچي شهم وين صرت لخاطر ربك وليش اخابرك ترفض وبعدين متجاوب

الحجيه.. يمه خلف الله عليك على هالسالفه الما تتسولف شدعي عليك

مهيب.. شهم ترى والله ظل بالنه كلش شلون تخابر تگول واصل وتختفي اكثر من ساعه وفوگاها حرگنه الدنيا عليك بلاتصال وانت ولا يمك

شهم.. هههه يمعودين والله صارتلي شغله مهمه اخرتني وما گدرت ارد بعدين خليت موبايلي صامت ونسيت ارجع اخابركم

نهى.. يا ربي يضحك !!! احنه وين وبس الله يعلم شصار بينه من خوفنه عليه وهو گاعد يضحك

شهم.. لتكبرين السالفه نهى كل الموضوع انشغلت وما گدرت ارد فضوني عاد

جهاد.. ميصير هيچ خالي مره ثانيه شما چان ضرفك فكر بينه وحاول تطمنه ولو برساله الف فكره اجت على بالنه منا لما طبيت للبيت

شهم.. صار بس فكو عني ياخه ترى تعبان كلش

عفتهم وصعدت فوگ ابدل ،، هم حقهم اكيد بس شسوي الشي الصار نساني حتى روحي همزين لحگت على البنيه قبل ليسولها شي ولد الحرام

طبيت للغرفه غيرت ملابسي وهستوني دا انزل اتغده فتحت الباب نهى صفنت بوجهي وعيونها تلمع

شهم.. شبيچ

نهى.. گلبي يوجعني

شهم.. حچيت بخوف ،، خير شنو تخربطتي مره ثانيه

نهى.. لا بس من سوالفك

شهم.. هههه ولچ والله مو بيدي وتالي وياچ

نهى.. ليش سويت هيچ شهم والله ردت اموت من خوفي عليك مو تدري بيه مو حمل هبطات

شهم.. فتحتلها ايدي واني اضحك ،، تعالي يبعد امي انتي

ركضت لحضني وانهدت بالبچي

شهم.. كافي ولچ ليش تزعليني منچ والله بعد ما اعيدها واجاوبچ حتلو دا انازع الموت بس اسكتي

نهى.. عفيه لتحچي هيچ ترى ما اسكت للصبح

شهم.. هههه تهدديني وتستغلين نقطة ضعفي مع الاسف عليچ والله هاي الما مرجيه منچ

نهى.. هههه لعد شعبالك لازم اسوي هيچ حتى اعرف غلاتي عندك

شهم.. دضحكي من الله لا يحرمني هالضحكه الحلوه

نهى.. ولا يحرمني منك يروحي انت

شهم.. شلون تالي اليوم تغديني لو لا مو متت جوع

نهى.. سوده عليه حبيبي تعال انزل واسويلك اطيب غده

شهم.. هههه ديلا خلي اشوف فوتي گدامي

اول ما طبيت تلگتني سميحه وهي تهز بيدها

سميحه.. شرفتي يال××× وين چنتي ولچ

ما جاوبتها وگعدت على الكرسي انتظر ابويه شويه وطب

اشرف.. شطلعچ بهالظهريه بت الكلب

لزمني من شعري وهو يكفخ بيه وسميحه تحشي بي

سميحه.. حيل ربيها لهل ساقطه فلتت وبعد منسيطر عليها چم مره گتلك يرجال زوجها كافي كبرت وانت معاند ظل هيچ لحد ما تلبسك العار وساعتها تعض اصابيعك ندم

مياس.. عاينتلها والدموع تجري من عيني ،، انتي جبرتيني اطلع حتى اجيبلچ لبن وهسه جايه تحچين عليه

سميحه.. يا يا يا من الله يشيلچ كون يا ام المشاكل ،، اني دزيتچ ولچ لو انتي طلعتي تردين تشترين ومن منعتچ ظليتي تغلطين وطلعتيلي لسان الدلالات
بس غير اني ما احچي لان لو اسولف لابوچ على سوالفچ الطايح حظها چان ذبحچ من زمان

اشرف.. شبيها احچي شمسويه

سميحه.. كلشي ممسويه ليظل ببالك مسيطره عليها عود لو فلتت من ايدي اگولك تضبها

اشرف.. اسمعي ولچ حدچ ل١٢ مو اكثر ورجلچ بعد هالساعه متعتب عتبة الباب تسمعين لو لا

مياس.. مخنوگه والنفس گوه اجره من الغصه البگلبي بحيث احس كل الدنيا طالعه من عيني .. جاوبته من ورى خشمي ،، صار بابا

اشرف.. ولي للغرفه ما اريد اشوفچ گدامي

رحت للغرفه واول ما طبيت شبعت بچي ،، ليش ميصدگني ليش يمشي ورى كلامها وهو مغمض ادري اني بنته لو لاگيني بالشارع بس اريد افتهم

ظليت على هالحاله لحد ما انتهيت من البچي وحتى راسي هاج عليه

صار العصر گعدو اخواني اخذتهم غسلتلهم و وديتهم يم ابويه

رحت للمطبخ طلعت حبايه براسيتول من الثلاجه بلعتها حتى يهدأ راسي من الألم شويه

سميحه.. ها يمگموعه شتسوين بالثلاجه

مياس.. دا ابلع براسيتول لو هذا هم لازم تحاسبيني علي

سميحه.. شوفي عيني اني حتى الهوى التشتمي هم احاسبچ علي لذالك كرميني بسكوتچ وما اريد اسمع حسچ النگس

عفتها ورحت الملم بالبيت لحد ما صار الليل ،، سويت العشه بس كملنه غسلت المواعين ورحت للغرفه لان مطايقتهم كلهم من القهر البيه

ظليت گاعده العب حيه بالموبايل لحد ما اجو اخواني نيمتهم ونمت وياهم

گعدت الصبح كالعاده رحت لشغلي وگفت بالشارع انتظر السيارات لان اول الصبح يمشي الشغل شويه بسبب دوام العالم

دا اعاين على الطريق وانصدمت من شفت سيارة هذا الشرطي او الما ادري شيسموا وگفت يمي

مياس.. خرب حظچ الاغبر مياس ،، ادري وكتك شجابك متگولي

طلعت الصبح الشغلي لزمت موبايلي اخابر نجرحت ايدي جرح قوي بالكفر لان انكسر من وگعت البارحه

شهم.. اوووف شلون حظ ماكو كلنس بالسياره استغفر الله رب العالمين واتوب اليه من الصباحيات

رفعت راسي عاينت بنيه تبيع كلنس بالتقاطع ،، اي اجت والله جابها .. وگفت يمها ونزلت الجامه

شهم.. انطيني باكيت كلنس

مياس.. شلت باكيت انطيته اله بلا ما اعاين علي ولا احچي حتى لا يعرفني

شهم.. باباتي ممكن تفتحي بلا زحمه عليچ لان ايدي مجروحه

مياس.. فتحته اله وطلعتله الكلنس حتى يسحبهن بسهوله دياخذه مني شو هذا صفن عليه

شهم.. استغربت من عاينت عليها متأكد شايفها بس مدا تدور وجهه عليه حتى اتذكر خصوصا هي مغطيته وممبين منها غير عيونها ،، اني وين شايفچ ؟!!

مياس.. ارتبكت من سألني هالسؤال حاولت اغير صوتي وجاوبته ،، هنا اكيد لان يوميه ابيع بهالمكان

شهم.. من سمعت صوتها شكيت بالبنيه مالت حادث البارحه نزلت من السياره وتقربت منها وهي عيونها بالگاع .. انتي مياس ؟!!!

مياس.. بس گال انتي مياس رجلي گامت ترجف ولا اراديا رجعت ليوره ردت اوگع

شهم.. الله الله هاي شبيچ بويه

مياس.. سندني ومن ديگومني فلت الشال لان لافته شلون مچان لبسته سريع بلا ما اعاين علي وگتله ،، اي اني بس الله عليك روح منا

شهم.. شنو يعني انتي تبيعين كلنس بالشارع يوميه !!!

مياس.. اي شنو هم راح تاخذني للمركز علمود هالشي

شهم.. ليش بس فهميني شلون ابوچ يقبل يخليچ بالشوارع وبنص الزلم ؟!!

مياس.. وضعه المادي يجبره

شهم.. ماكو اب يقبل يخلي بنته تشتغل هالشغل حتى لو يعرف يگدي هذا مو عذر مياس

مياس.. روح عفيه العالم دتعاين علينه لتجيبلي حچي اني ما ناقصه

شفته مد ايده بجيبه طلع ورقه وقلم كتب شي بيها وانطانياها

مياس.. شنو هاي ؟!!

شهم.. رقمي اذا احتاجيتي شي خابريني ومستعد اني انطيچ فلوس الكلنس التبيعي يوميه بس بلا هالوگفه المالها داعي

مياس.. ضجت كلش من قدملي رقمه لان توقعته حاله من حال الاف الزلم الاصادفهم يوميه .. عاينتله صفح وگتله ،، شكرا ما اريد ترى اني مو مگديه حتى تتصدق عليه

شهم.. ابويه انتي اني حاب اساعدچ مو اكثر

مياس.. رحم الله والديك بس البي اني محد يگدر يخلصني منه غير رب العالمين

شهم.. ونعم بالله بس رب العالمين هم عنده ادوات بالارض يستخدمهن لتسيير الامور

مياس.. شلون يعني

شهم.. انتي شگد عمرچ ؟!

مياس.. ١٤ سنه

شهم.. حقچ لعد متفهمين كلامي ،، هسه اني افهمچ يعني البارحه منو نقذچ اني لو رب العالمين

مياس.. صفنت على كلامه واحتاريت شاجاوبه بس بعدين گتله ،، اكيد رب العالمين

شهم.. يعني وصلتلچ فكرتي ،، اني مجرد اداة استخدمها رب العالمين حتى يخلصچ من الشغله الصارت وياچ .. دهاچ اخذي رقمي وخابريني شوكت متحبين اساعدچ واني حاضر لأي شي تردي وبأي وقت

اخذت منه الرقم واني اعاين علي ابتسم واشرلي براسه .. ركب سيارته شغلها وراح

ظليت صافنه ورى شنو يعني معقوله اكو هيچ بشر صح اني بالشارع ٢٤ ساعه واصادف اشكال الون منهم الزين ومنهم الشين بس مثل هالبشر ما صادفت بكل حياتي شيعرف عني حتى يطلب يساعدني وبلا مقابل

ربع ساعه عدت واني مصدومه لحد ما صحاني صوت واحد يحچي يمي

- ها يا حلو وين صافن

عاينت علي نفس الولد القبل يومين رزلته هم رجع يبووو عليچ مياس

مياس.. شتريد ترى لعبتها الروحي

- هههه يعني تتذكريني

مياس.. الجهره الزفره متنسي تنعرف من ريحتها الله وكيلك

- والچهره الحلوه هم متنسي تنعرف من عيونها التلمع الله وكيلچ

مياس.. تروح منا لا الم العالم عليك واسويك فرجه لأمة لا اله إلا الله

نزل باتجاهي وهو مبتسم جر الشال من وجهي وفتح عيونه بس شافني

- لا يا الكعبه كل هالجمال وضامته بهالشال ،، دسمعي مني وخلينه نفيد ونستفاد ليش معانده

مياس.. ترى والله عيب عليك ما عندك خوات متخاف على عرضك من تحچي بهلاسلوب ويايه

- قابل اني شامر عرضي بالشارع حتى اخاف علي ،، بعدين مو بيدي دخلتي ببالي كلش وقفلت عليچ فياريت متعبيني وتختصرين السالفه عليه وعلى روحچ

مياس.. ولي من گدامي ترى زودتها كلش

- صدقه گول مي ورد حتى عصبيتها تجنن

مياس.. دكااااااااافي شلحيت الخاطر ربك

عفته ورجعت گعدت على الرصيف ،، رفعت راسي شفته يعاينلي ويضحك دار وجها شغل السياره وراح

مياس.. الله ينتقم منك انت وامثالك يا حيوااااااان

رجعت لبست الشال وما صدگت بعت الكلنس كله حتى ارجع للبيت لان تلفت اعصابي اليوم بسبب النماذج الشفتها بالشارع

چانت الساعه بالوحده الظهر دا امشي بالطريق وصلت لراس فرعنه سمعت احد يصوفر ورايه

التفتت لگيت هذا الولد نفسه واگف ورايه ويضحك ،، كلش خفت منه وما عرفت شحچي ويا

- هههه شبيچ شو مصدومه وخايفه

مياس.. وليش اخاف قابل گدامي رجال حتى اخاف منه ترى انت مره حالك من حالي

- تقرب مني وهو مبتسم ،، تردين اثبتلچ اني رجال

عاينت علي يتلفت بالفرع ومن شاف ماكو احد تقرب مني سحبني اله حيل وباسني ع السريع من شفتي

مياس.. لعبت نفسي بحيث ردت اتقيئ من الشي الصار كفخته على وجها واني اصيح ،، يا قندره يا قذر انت شلون تتجرأ وتسوي هيچ ويايه

- شسوي حاره وعطشان كلش فاجيت اروي روحي بمي الورد سواء قبلتي او ما قبلتي وغمزلي

مياس.. الله ينتقم منك ويطلعها بعرضك يا تربية الشوارع

مشيت سريع بلا ما التفت علي ،، وصلت للبيت خفت اطب اخاف بعده موجود ويعرف بيتنه .. درت وجهي شفته ماهو الحمد لله

طبيت ع السريع وكالعاده سم من سميحه شويه على رزاله ومسبه على كرب ينتظرني لحد ما صار الغده تغديت واخذت اخواني للغرفه انيمهم

شلعو گلبي على ما نامو ،، شويه وبدت دموعي تنزل لا ارادياً على الشي الصار ويايه

مياس.. يا ربي ارحمني وساعدني لان مو كل مره تسلم الجره واكيد يجي اليوم الينهشون بي لحمي ولد الحرام ،، الهي ما عندي غيرك لا سند ولا معين

مسحت دموعي وتمددت بفراشي ردت انام اتذكرت هذا الرجال الساعدني

صفنت وما شفت روحي إلا دا اتخيله شلون صار عصبي وخزرني واني سرحانه بعيونه

مياس.. شبيچ مياس وين راح بالچ والله عيب عليچ رجال بگد ابوچ صدگ تحچين

گمت من مكاني مديت ايدي بجيب قميصي طلعت رقمه واخذتلي صفنه علي شويه

مياس.. شلون تساعدني ؟!! بس اريد اعرف شلون تگدر تطلعني من هذا الوضع .. صعبه كلش لان عذابي مراح يخلص إلا اذا طلعت سميحه من حياتنه ومستحيل تطلع مستحيل

عاينت لاخواني نايمين مثل الملائكه ،، تمشيت يمهم تمددت بنصهم حضنتهم ونمت للعصر

گعدت من النوم طلعت لگيت ابن اختها العكره جاي

عماد.. عاش من شافچ ميوسه

مياس.. جاوبته من ورى خشمي ،، شكرا

رحت للمطبخ واني ادردم ويا روحي من ضوجتي

مياس.. من كون الله ياخذك انت وخالتك بيوم واحد بجاه رسول الله وكتابه

سميحه.. شبيچ تحچين ويا روحچ

مياس.. اخترعت من شفتها ورايه ،، لا هيچ شنو رايده شي ؟؟

سميحه.. اي سوي عصير برتقال العماد بسرعه

مياس.. صار

سويتله زقنبوت بگلبه وگلب خالته و وديته اله بس شافني گام على حيله اخذ الصينيه مني وطخ ايده بأيدي بالعمدني

كزبر جسمي ولعبت نفسي من طخ بيه ،، خزرته ودرت وجهي رحت للمطبخ حتى اخلص من جهرته الزفره

ظليت اشتغل هناك لحد ما سمعت صار هدوء طلعت ما لگيته لا هو ولا سميحه ،، اييييي راح قلعه بلا رجعه

مياس.. صفاوي وين امك لعد

مصطفى.. بالغرفه ويا خالو عماد

مياس.. لا يا ربي هذا ما راح يعني ،، صفنت شويه واستغربت هذوله ليش طبوا للغرفه شديصخمون وحدهم

صار عندي فضول اعرف شديصير بيناتهم تسحبت لغرفتها على كيف حتى اتسمع عليهم وانصدمت كلش من ....

يتبع..