رواية ميل اوطاني(الجزء الأول) ....مكتملة الفصل الأول 1 - بقلم laylaabd

يسعد مساكم متابعيني الغالين 🥰

لتنسون التصويت للبارت 🌹❤️

(ميل اوطاني)

شفق....شفق وينج

اي جيت ها عيني

احمد:حبيبتي اكوي قميصي بسرعه حتاخر ع الحنة عيب ميصير اوصل حالي حال المعازيم

صار هسه اكوي بس مو تنساني بلاكل شيوزعون جيب

احمد:ايا ام بطن ترديني اكعد الم اكل وجيب للبيت والله شنو اختي تريد هاهيه اني اشتريلج شوفي انتي مو تحبين البيتزا اجيبلج وياي لتتعشين

لا والله احمد راح اتعشه وانتضرك اخلي البيتزا تعلوله لان امي مسويه كبة واني ماافوته

احمد:ههههه الي يشوفج ميكول هلكد تاكل

ليش شبيه

احمد:تخبلين يله روحي اكوي القميص اهواي لغيتي

اسمي (شفق) بابا سماني جان يعشق قراءه الكتب روايات كتب تاريخيه وقاري هلاسم بروايه بزمن المماليك بمصر وسماني شفق عندي اخت جبيره اسمه حرير واخ واحد احمد اختي حرير متزوجة وعدهه اطفال امي بعد حرير بسبع سنين جابت احمد وراهه بااربع سنين اجيت اني صار عمري تسع سنوات والدي توفه كلشي مابي جان طلع الصبح مثل كل يوم للشغل ومرجع بوكته خابرو كالو هو متخربط وناقلي للمستشفى وضاربته اكثر من جلطه وتوفه عشت ويه اهلي مدللهه بابا جان يحبني كلش وع حبه ودلاله اهلي كذلك اخويه احمد يحبني كلش علاقتي وياه مو اخ واخته عبالك صديقي امي مرات تحجي عليه من يشاقيني تكله اختك كبرت بطل هلسوالف يجي يحضني حيل ويكله شما تكبر تبقه بعيني اختي الصغيره هذه الشعور جان يخليني طايره بلسمه امي تعبت بتربيتنه وهيه من النوع الهادئه كلش ومتحب المشاكل مسالمه حيل وهذه هو سبب دماري
حرير تزوجت ابن عمي وليد وعن حب ولحد هسه صار ١٢ سنه اعتقد متزوجين ونفس الحب بس هو بي طبع معقد وعنده بس مرته وجهاله اي شخص ثاني مو مهم وميستاهل شي اهم شي عنده مرته وجهاله

ام احمد:شفق يمه وينج

شفق:اي يمه جيت بس خلصت القميص

احمد:اي والله عاشت ايدج هسه صدك تستاهلين البيتزا

شفق:الله ليحرمني منك حبيبي

احمد:شوكت تزوجين واخلص
يله باي

شفق:الله وياك ههههههه
اتزوج ضحكني هو لو الحجر يتحرك جان مسلم تحرك
مسلم هو حبي احبه ويحبني يصير ابن عم ابويه معرفت غيره من فتحت عيني عليه ولحد هسه صار عمري ٢٣سنه واني احبه تخرجت من السادس وكعدت بلبيت مالي واهس بلدراسه كلمره اكول حيدز اهله يخطبني وماكو شكد يجون عليه ناس وارفض رفض قاطع والقسم الي تجيني كله زينه بس اني عيني عليه انتظره هو يجي مااريد غيره

ام احمد:شفق تعالي خل نحضر العشه راح تجي اختج

شفق:اهووو هاي وين حاكله لبيتزا ذوله جهالهه قروده

ام احمد:شبيج شدتحجين

شفق:لا هيج يمه
اكلج مها مكلتلج شوكت عرس حيدر حته نروح

ام احمد:كالت اسبوع الجاي وعزمتنه

شفق:حيدر ومها اخوان مسلم جنت طايره لان اخو ديزوج يعني نروحلهم صار اهواي مشايفته بس بلتلفون وهم مااكدر كل الوقت احاجي اخاف لا امي تعرف لو احمد واني اموت ولا همه يعرفون واوكع من نظرهم اكثر شي ادزله مسجات بلليل ابد ابد مااقبل نتخابر وصارلنه اهواي ع هلحاله تعودنه يعني ظليت سارحة بخيالي شحلبس زين شحيكلي من يشوفني عيوني للسكف وبيدي ماعون مبتسمه ويه احلامي حسيت باب البره نفتح عرفت حرير جتي وصدك ماهيه الا ثواني اقل من الثانيه والبيت صار سوك هرج
دخلو جهالهه اذا هيه ممصدكة مخلفه خمسه ومن تحجي امي عليه تضحك
حرير:هلو شفق شلونج قلب

شفق:هلا بخيتي وبعد كل خياتي شلونج رجلج وين

حرير:راح

شفق:يسوي فضل

حرير:انجبي وتالي وياج الف مره اكلج وليد خط احمر
لتحجين عليه تره موشقه مااقبل والله

شفق:خاب دطيري انتي وياه هو هم ينبلع

ام احمد:تعالي يمه حرير شلونج يمه نور البيت والله بشوفتكم ترد روحي

حرير:هلا بلغاليه شلونج حبيبتي

شفق:اكلج حرير عفيه شوفي جهالج شنو السالفه بعدج مكاعده كلبو البيت سمعت حتبقين يومين شحيصير بينه

حرير:شفق سكتي وحضري عشه يله تره جواعه حمودي وين

شفق:معزوم بحنة صاحبة

حرير:ها
ديله صبي عشه

شفق:دكعدي جري نفس بدلي
واني حضرت العشه انتي صبي

حرير:ايا ادبسز ايا ماعندج ذوق اني خطار تصبين العشه وتبدلين للجهال

شفق:لا والله حجي يفيدج هنوب تبدلين للجهال وانتي شنو يمه

حرير:اني اجي هنا اريد ارتاح انسى نفسي مااريد اسوي شي

شفق:استغفرالله ربي

حرير:يله حبابه يله حبيبي فدوه لهلوجه الحلو

شفق:حكوم امري الله
كمت احضر العشه واصيح لك اكعد لج كعدي روحو منا تعالو هنا طلعو من الغرفه متت هلكت صبيت العشه وتعشو وشلت الصينيه غسلت الماعين حرام فلبينيه معدله فرشتلهم كدام التلفزيون وكعدنه فوك راسهم اني وامي وحرير نسولف شويه شفناهم نامو حمدالله امي هم نعست كالت حكوم انام من يجي اخوكم قفلو الباب راحت امي وبقينه بس اني وحرير

حرير:اكلج شفق شنو سالفه مسلم وتالي

شفق:اني مااكدر اكله تعال اخطبني صعبة والله

حرير:اااخ لج انتي والله حدمرين روحج هذه سكط عوفي وين اكو هيج واحد ميحبج والله ميحبج ابصم بلعشره ميحبج

شفق:حريربس اني احبة اني مااشوف غيره ليش متصدكين

حرير:مصدكة حبيبتي مصدكة انتي كلبج نظيف بس اني اكبر منج واعرف وافهم اكثر منج واكلج هذه ميفيدج تعالي شوفي صديق وليد لهسه مجلب والله ميتعيب بيت وحدج لج عوبه لا عمه ولا حماة تسرحين وتمرحين

شفق:شنو اني صخله

حرير:لا والله حشة الصخله
فكري بمصلحتج وحته اذا مسلم راد يتزوجج وين تكعدين يمه وين حيدر هسه حيتزوج وعنده خوات وبعد اذا باقي اخوته تزوجج تصيرين خدامه وياريت يرضون عليج

شفق:بس هو يكلي احبج

حرير:اكو اسهل من الحجي

شفق:دنحجي وطب احمد شاف حرير سلم عليه راد يفتح الضوه طفرت عليه كتله دخيلك ليكعدون انطيني البيتزا وتوكل اصعد فوك

احمد:ها هيج صارت بلا شكرا بلا الله يخليك خوية

شفق:شكرا الله يخليك خويه

احمد:بلعافيه شكم شفق عندي
حرير حبيبتي اني حصعد انام تعبان والله ونعسان

حرير:اخذ راحتك باجر نكعد نسولف

شفق:صعد احمد ينام واني هم كتله اريد انام صعدت لغرفتي لزمت التلفون وظليت افكر بحجي حرير دزيت مسج لمسلم

-شنو حبيبي نمت

-هلا
لاوالله كاعد شعجب دازه هيج وكت انتي مو عندج بلليل عيب بس الصبح حلال هههههه

-تستهزء طبعا بلليل مااكدر شيصير موقفي لو احمد سمع او امي وين انطي وجهي شكلهم

-اي يابة حقج
مكلتي شرايده دزيتي

-شنو
معجبك ادز طبعا انته صدك متحبني

-هاي شعليه بهاي
طبعا احبج بس قصدي شعجب دازه اكو شي

-لا هيج بس شتاقيتلك جيت ع بالي وكلت ادزلك مسج

-يله مبقه شي ونتشاوف تجين بعرس حيدر مو

-اي اجي امي اليوم كالت

ومرت الايام واني مخبوصه شتريت فستان ورتبت نفسي رحت للصالون وياي حرير ورحنه قبل يوم لبيت مسلم شفته وهو لا لهفه لا نظره كلش ضجت ولا عبالك صار شهر مشايفني حرير انتبهت كالت ها هذه الي كاتله روحج عليه باوعت عليه هيه لا سنه ولا سنتين اني احبه شترديني كاعدين والبيت بي اهواي بنات وعمامي هم جايين بيت عمي عدهم بنات هم بكصتي وحده من بنات عمي رفاه هيه تكهرني تموت مني مااعرف ليش كلما نكعد نسولف لو نحجي هيه بس تنغز بيه جنه كلنه واكفين بلمطبخ وطب احمد شفته يباوع عليه بنظرات كلت هاهيه مبقت بس رفاه يحط عينه عليه
اريد اشوف مسلم ماكو ضجت اكثر وكلت هاهيه الي يريدني يجيني بس ظليت ابجي يم حرير ليش هو هيج لابسني شلون لعد يكول احبج اي اهتمام مجاي اشوف منه

حرير:هو ميحبج الج يحب غباريتج وفهاوتج وثولج وين لاكي هيج بنيه كلشي متعرف لا طبه ولا طلعه لا تلفونات لكاج بليانصيب يااختي والله ميلوكلج خل يولي

شفق:اي هاهيه خل يولي
وكضيت ٣ايام يمهم لبسته وهو هم ولا يمه كلت ع شنو بعد رجعنه للبيت اني ضايجة مكتأبه اجه احمد كال اليوم صاحبي جايني من البصره يبات هنا حضرولي الاستقبال وعشه مرتب تره الرجال معدل وابن عشاير لاتفاشلوني وياه وصدك امي سوت كبة وحضرت دجاجة تكول عبالك خمس نفرات جايين مو واحد كومة سوينه اكل

احمد:ها شفق خلصتو تره الولد جوعان

شفق:اي عيني خلصنه اناوشك وانته ودي
وصدك صبينه وكملنه شفت ريحتي كله تكلاه كلت خل اطب اسبح المغسله يم باب الحمام كلت اسبح ع السريع واطلع امي طبت تصلي صلاته تاخرت لان التهينه بلشغل واني هم ردت الحك ع الصلاه طبيت سبحت ولبست دشداشه قصيره وربع ردن دلعه ولفيت راسي بلخاولي شلون مجان فتحت الباب دااطلع وشفت واحد واكف يغسل ع المغسله تبسمرت راسا اندار ظل يباوع عليه صافن واني هم مدري شبيه ظليت صافنه وبالي شغله وحده شراح اسوي بعدين راسا طبيت للحمام وسديت الباب واني الخوف كاتلني والرجفه بجسمي عزه العزاني لو احمد يدري هسه هذه شبساع خلص عشه صدك جذب وضليت بلربع ساعه بلحمام حسيت هدوء فتحت الباب شفت ماكو احد طرت طير ليفوك واني الفشله ماكلتني اباوع ع دشداشتي فضيحة اني لبسي هيج بلبيت ماعدنه احد واحمد اخوية هم متعلمه عليه هو ميحجي بلبيت لو شماالبس
سرحت بلتفكير وذكرت ملامحة شكد حاده اسمر حواجة مو ثخان بس مشموره ضخم بعدت هلافكار من راسي كلت شعليه بلولد بس لا يكول ل احمد يملخني والله
مسلم كمت ماادزله ابد نزلت فيس بجهازي وتعرفت ع بنات ودخلت كروبات التهيت حيل وياهم كمت يومي كله ع التلفون انتبهت صار اسبوع مسلم مدازلي ابتسمت كلت وليدز طز وراه دز كتله كلمن يروح بدربه اني ماافيدك شو هذه دزلي اوك وانتهت بجيت بجي لان هيج واحد جان اول حب بحياتي فتره وهم دز تعاركت وياه وكتله هاهيه انساني ممر علينه شهر ولكيت امه تخابر امي ونصدمت تكله مسلم خطب والاطكع الي خاطبه جان ع علاقه وياهه ويحبه لعد اني شنو جان يضحك عليه بيومه لزمت السيم كارت طحنته طحن من قهري وكضيته بس بجي مو عليه لا عليه اني وع اختياري الغلط وع تفكيري ردت احرك روحي كلت اني هذه يسمه اول حب بحياتي والله حرامات كضيته كله نايمه بلغرفه اهلي سالو ع السيم كارت كتلهم تعاركت ويه صديقتي وكسرته اجتي حرير لان سامعه من وليد هو خطب رايدين وليد وياهم بلمشيه هيه جتي يمنه

حرير:اني مو كتلج خل يولي لج يااما نصحتج يا مالمحتلج ميفيد اله اكلج مره جنت كاعده يمهم وكالو يعرف وحده ويريد يخطبه وهيه غريبه والله ظليت مااعرف شسوي منا انتي مكدرت اكلج ومنا كلبي نار شلون اسكت

شفق:شنو شنووو يعني عرفتي وسكتي ليش مكتيلي ليييش يعني لو ما اني انهي وياه جان هسه شنو مصيري كليلي شنو مصيري هاي عود انتي اختي

حرير:مكدرت حبيبتي والله مكدرت

شفق:اريد ابقه وحدي حرير رجاءا وانسي الموضوع مااريدج تذكريني بي
مرت عليه ايام كأبه ع قهر متت حته وجهي تغير احمد خطيه يطب ويطلع يشاقيني يكلي بس كليلي شبيج ليش هيج ذبلانه شسامعه اكله ماكو شي مرتين طلعني يعشيني بره شويه تحسنت بس صار التلفون والانترنيت هو منفذي الوحيد وبيوم كاعدين شفت احمد يحوص و وجة احمر مدري شبي

احمد:يمه رايدج بشغله

ام احمد:شنو يمه شغلتيش

احمد:اريد اتزوج

ام احمد:يا صلوات مو تامر انته حبيبي تعرفني شلون انتظر هليوم كول المن تريد بس اشر بالك وحدة لو اني اشوفلك

احمد؛لا اكو وحدة بالي

شفق:ها ها ها شو مكلت محجيت ابو الحب

احمد:انجبي انتي
يمه رايد رفاه بنت عمي

شفق:هو كال رفاه واني وامي فتحنه حلكنه و حده تباوع ع الثانيه هاي وكحة وتموت مني وحته امي مترغبله مو لان بت عمي بس نعرفه شنو بوكته امي حجت وكلتله اشوفلك غيرهه بس شافته مصر واظاهر عاجبته وحابهه مرادت تكسر بخاطره ومرت يومين امي مخابرت مرت عمي الان هو احمد جاب التلفون وكله هاج يمه خابري كولي للام تسال البنيه وبعدين نحجي ويه عمي خل نشوف البنية موافقه بكلبي كلت يارب متوافق بس الي صدمنه هيه موافقه وحته واصل الحجي لعمي وكايل خل يجي احمد ويكبع وياخذ...

يتبع...