رواية ميل اوطاني(الجزء الأول) ....مكتملة الفصل الثاني 2 - بقلم laylaabd

البارت٢
(ميل اوطاني)

شفق:اليوم نروح لبيت عمي حته يتفقون ع الخطبة صح احنه مردنه رفاه بس بعدين من شفنه تمسك احمد تقبلنه الوضع عادي اصلا كلنه جنه طايرين من الفرح رحنه لبيت عمي اول مطبيت سلمت ع البنات وكعدنه كلنه النسوان بلهول الجبير مالتهم وجانو الزلم بلاستقبال ولد عمامي وعمامي كاعده اسولف واضحك جتي رفاه كعدت بصف بنات عمي اني صرت مقابيله بس بلركن يعني قريبه عليه مهتميت ابتسمت بوجة ودرت وجهي ع النسوان الباقيات سمعته تحجي لبنات عمي

رفاه:فدوه لقلبه احمد صدك كال اخذج وخطبج وسواهه واني كتله ماعندي حجاية وياك اله لمن ننخطب مو مثل بعض الناس اكو يشمرون نفسهن شمر وتالي حته ميعترف بيه ويجي يخطبه

شفق:ضلت تركز ع الكلام صفنت هاي شقصده معقوله دتقصدني بس هيه متعرف بسالفتي ويه مسلم غلست ومشت السالفه بيومه رجعنه والزلم متفقين ع كلشي وعمي طاير لان احمد طالب بنته احمد شاغول وماعنده زايده ناقصه همه عمامي اصلا يحبو وهو هم شفته جان فرحان

احمد:يمه تفقنه نعقد اول يم سيد ونلبس حلق وبعدين نسوي حفله عقد بيناتنه

ام احمد:بكيفك يمه شوكت تعقدون سيد

احمد:باجر

ام احمد:ها مو جن مستعجلين

احمد:لا شمستعجلين نروح نزور بلكاظم ونعقد

ام احمد:منو يجي ويانه

احمد:عمي ومرت عمي ورفاه وانتي وشفق

ام احمد:خير ان شاء الله

شفق:صدك ثاني يوم رحنه
طبعا رفاه ويه احمد يمشون احمد يعرف احب الحلاوه الرمليه مدري يسموهه الراشيه وكف يم ابو المحل وصاحني

احمد:شفق حبيبتي تعالي اخذلج حلاوه

شفق:يمه فدوه العمرك الله ليحرمني منك
مدري شلون انتبهت رفاه جانت مخنزره عليه وضربت احمد بعكسهه ظليت صافنه هو شكو غير اخويه ردت اتجنبهم كمت امشي اخر وحدة وره امي ومرت عمي ومدنكة افكر راح يصير عدنه عرس فرحانه كلش رفعت راسي شفت احمد مخنزر عليه

احمد:شفق ليش دتمشين اخر وحدة تعالي هنا كدامنه امشي

شفق:ها لا موعلمود شي بس صدفه صارت

احمد:ميخالف ياعيني اخاف عليج اريدج يمي تمشين

شفق:وصلنه وعقدو ورجعنه همزين عصب عينه الرفاه مشكل هلكد مخنزرت عليه حته خلتني مااعرف اتصرف اني مااريد مشاكل ولخاطر اخوية مستحيل احجي وردهه كلت اكيد تغار ع احمد حته مني يعني مين تحبه
بيومه جنه تعبانين احمد كال لتسون عشه اجيب من بره طلع واني سبحت وكعدت بلهول امي تتفرج واني لازمه التلفون نشرت ع خطوبتهم وسويت اشاره لرفاه لان ويايه وكتبت الله يحفظكم ويسعدكم حبيبتي وخليت صوره عن اخ واسم احمد رفاه مردت كلت يجوز مشافته بعدهه واني مندمجة بلتلفون طب احمد

احمد:ها الله يساعدكم

شفق:هلاوو

ام احمد:ها يمه والله لو مجايب اني اكوم اسوي

احمد:لا يمه ارتاحي
كومي شفق خلي بصينيه ورتبي وجيبي

شفق:صار
رحت رتبت العشه وجبته كعدنه ع الصينيه

ام احمد:احمد مخابرت ع حرير ليش مجتي اليوم مو اني كتله تعالي

احمد:وليد مقابل كايل الجهال وين تخليهم

ام احمد:اي هم صدك بس كلت لازم اكله خاف تزعل

احمد:ع شنو تزعل هسه مو خوات رفاه مجني

ام احمد:ميخالف انته اخوهن الوحيد وعندك بس هلاثنين مو مثل رفاه ماشاء الله عده اهواي خوات

احمد:شفق انتي شلون متباركين لرفاه ع الخطبة

شفق:تفاجاة من حجة هيج
كتله لا ليش باركتله حته نزلت منشور مخصوص باركت وسويتله اشاره

احمد:لا شنو بلفيس حته عيب غير وجة لوجه تباركيله

شفق:بس اني كتله مبروك من عقدتو

احمد:يله هاهيه اذا دتكولين باركتي يجوز هيه مسمعت

شفق:ليش هية شتكتلك

احمد:شنو اشتكتلي اني رجله غير تسولفلي

شفق:اي مكلت شي بس جنت اسال
بيومه كلش نهضمت حسيت اخويه الي دوم يدافع عني من نظره عينه حسيته ديحاسبني و واكف ضدي الدمعه بعيني بس مبينت اله تعشينه وكملنه وصعدت فوك شفت رفاه راده ع المنشور كاتبه بس شكرا
شمرت التلفون واني نار هاي شنو معناه تصرفه يعني دور مشاكل بعدين هديت نفسي كلت يله يجوز بحسن نيه كالته
وراهه جتي حرير وكالت ع اساس عمي كايل خل يستعجلون محلو الخطبه طول واحنه هم رتبنه امورنه علمود حفله المهر شو تفاجانه من امي خابرت تنطيهم خبر تكلهم خل تحجز ويحددون يوم العقد مرت عمي تكله ميحتاج حفله مهر بس مصاريف زايده خليه كبل حنة وعرس احنه مو غربه وهسه كلهم يعرفون رفاه نخطبت ل احمد بعد عليش حفله وصرف وخلي الذهب يلبسه اياه بلحنه طبعا امي مقتنعت كالت هذه ابني الوحيد اريد كلشي اسويله شلون منسوي حفله خطبه

حرير:اكلج يمه ذوله شنو قصدهم كبل حنة وعرس اخاف يردون هلشهر يزوج

ام احمد:يا ولج يا هشهر ليش هو شبقه بلشهر وين نلحك ثانيا اني اضوج من سالفه السرعه ليش شعدنه خلينه ع راحتنه نجهز ونحضر

حرير:اي والله مدري شعدهم الي تكولين احمد حينهزم

ام احمد:مااعرف يا يمه اني هم اخاف احجي لا اخوج يضوج وهم اخاف يكولون كامت تحجي ودور مشاكل امشي ع ميهم وماطول ابني مرتاح هاهيه

شفق:صدك يمه ع كولتج واحد كام يخاف يحجي لتروح تنحسب غير شي
خليهم همه شيردون خل يسون
الي صدمنه احمد بلليل من اجه كال الامي وصيت ع غرفه واريدج هلااسبوع تخلصين كل نواعم الغرفه امي حجت وكلتله لتستعجل شعندك هو مقبل كله عمي يكول استعجل لتصير مشاكل امي مقتنعت بس مرادت تكسر خاطر وصدك ثاني يوم طلعت هيه وحرير عافو الجهال يمي خطيه كلشي شترن امي رجعت هلكافه جراجف وفرشه تخبل مال جربايه قماش بردات لان كالت اوديهن خياطه يمنه تخيط بردات كلش حلو تخيط بس تنطيه الفصال وهيه وبناته يخيطن وحته ملابس شترت ل احمد كالت جديد طبعا هو لازم عود يجهزو بيت عمي بس هم شكد يردون يجيبون امي منه اخذتله كم قطعه من جوي فرحانه اباوع ع الغراض شكد حلوات وحته احمد عجبنه الغراض يوم ثاني راحو للخياطه كلتلهم اسبوع يله تخلصه لان عدهه خياطات قبلنه بيوم الي جابو الغرفه ونصبوهه امي راحت عليه لكته مخلصته جابته وجابت شغلاته البوري وصعدت اني دكيت البوري وعلكته كلش حلوة احمد كال اروح اجيب فراش راح واحنه فرحانين نصفك ونغني وحرير كل شويه مهلهله جاب احمد الدوشك امي خلت عليه جرجف بس مفرشت الفرشه كالت مو هسه خاف تتوسخ كالت شفق نظفيه زين للغرفه واني هم مصدكت حته الكاع جلفته طلعت تلمع وهيه جديده اشتغل واني طايره بااخوية يوم ثاني تفاجانه جان احمد جايب رفاه كال تريد تشوف الغرفه امي ضاجت لان مكال بس محجت ومشت بسرعه نست وكامت تسولف ويه مرت عمي ورفاه لازكة بااحمد

احمد:ياه تعالي تشوفين الغرفه

رفاه:اي حبيبي يله

احمد:شفق وين المفتاح

رفاه:شنو ليش المفتاح عد شفق

احمد:اي عند شفق

رفاه:ليش متخلي يمك

احمد:مو همه ديشترون ويجهزون وذاك اليوم شفق نظفته واذا خليته يم شفق

شفق:الحلو الكلام كدامنه يعني عيني عينك مو تكول احاجي بيني وبينه لا كدامي عادي
كتله فوك هسه اجيبه صعدت لغرفتي جبت المفتاح طلعت لكيتهم واكفين باب الغرفه انطيته المفتاح ورجعت الغرفتي همه طبو سمعت شهكت رفاه رحت لباب الغرفه غرفتهم يم غرفتي يعني ينسمع سمعته تكله
رفاه:ايييع ايييع شنو هلبرده وين كاعدين

احمد:ليش كلش حلوة

رفاه:شحلاهه لا عفيه احمد هاي غرفتي واني الي راح اعيش بيه لا امك ولا اختك

احمد:شنو هلحجي شجاب امي واختي بلنص

رفاه:مو اكيد هذه ذوقهم
عفيه مااريده

احمد:لعد شتردين

رفاه:اريد هاي المكتبيه الي تنسحب بلخيط

احمد:بس هاي مو مال غرفه عرسان حلاه الغرفه بلبرده القماش

رفاه:حبيبي اني عاجبتني الله يخليك

احمد:ماشي صار تدللين اخذج فديوم ونشتريلنه وحده بعد عندج شي الغرفه شلونه عجبتج

رفاه:اي حلوه الغرفه

شفق:هزيت ايدي ونزلت
البردات جانن كلش حلوات ونازكات بعدين كلت صدك مثل مكالت هيه حتعيش بلغرفه مو احنه اني محجيت ظليت ساكته كلت هو احمد يكول لماما اذا يريد وصدك اجه بلليل كله ل امي هاي البردات خليهن لغرفه شفق اني حجيب غيرهن امي فد ضاجت وراهه اندار عليه كلي جيبي مفتاح الغرفه بعد خلي يمي اني ضحكت كتله صار هسه انطيك اياه وصدك انطيته اله سحبت نفسي كلش منهم حته اخوية كلت بعد مااحجي ونخبص هو بلتحضيرات واحنه بس انفذ حته حرير مدخلت بشي كله همه هو وياهه بيوم العرس حضرنالهم الاكل مال يومين ورحنه لبيت حرير كلنه نعوفلهم البيت خطيه عرسان وره مرجعنه بيومين ونشوف السنك مينشاف من الماعين ظلينه صافنين صحيح هيه عروس ولازم متشتغل بس وحدهه بلبيت لو احنه موجودين سكتنه هيه فوك واحمد يمه اسبوع كعد بلبيت نظفت الماعين والسنك والبيت كله طبخنه غده طبيت سبحت وطلعت شفته دتنزل من فوك باوعت عليه ودارت وجه اني هم كلت خل اندك بيه كتله شلونه عروستنه

رفاه:هلا
زينه الحمدالله

شفق:ان شاء الله دوم

رفاه:شطابخين غده

شفق:تبسي وتمن

رفاه:اوووو تبسي لا عفيه مااحب البيذنجان

شفق:متحبين البيذنجان
لعد بلفاتحة مال بيت ام ياسر(كرايب بابا)منو كال البيذنجان الي بلدولمه متردو حولو عليه

رفاه:اي بس بلدولمه احبه

شفق:والله منعرف جان مطبخنه تبسي او طبخنه شي وياه
هسه احنه مطابخين بس تبسي

رفاه:اي مو مشكله هسه اكول ل احمد يجيبنه من بره

شفق:راحت واني فتت للمطبخ وره شويه طب احمد صاحني

احمد:شفق ليش هيج تكولين لرفاه احنه طابخين بس تبسي يعجبج يعجبج ميعجبج انتي طبخي

شفق:ها
هاي شوكت هيج كلت
اني كتله احنه هسه مطابخين بس تبسي منعرف بي....

احمد:ديله مو مشكله هسه تغدو انتو احنه حجيب من بره اكل

شفق:راح واني اباوع عليه ليش هيج يااخوية بيومين تصير مو انته لعد بعد عشر سنين شتسوي يمكن تشمرنه بلشارع درت وجهي وشفته منتجيه ع الباب وبتسمت ابتسامه جانبيه وعافتني وراحت كلش ضجت منه لو بدي اكطعه بس تحملت
ومرت الايام هيج ع رفاه بس بغرفته وبس تنام حته تنظيف غرفته متنظفه اله مره بلاسبوع امي تكول احنه معلينه بغرفته عسى متنظفه مالنه دخل وطلعا الجذب عدهه اله حنه بس تعودنه صار شهر ع زواجهم وهيه محاطه ايدهه بشغله من اكول ل امي تكول عوفيه الشغل ميموت بس اني مو علمود الشغل لان تحرك احمد عليه وتجذب ضجت ومااريد اخدمهه يا ما وياما هيه نايمه وينزلي قمصانه يكلي اكويهن رفاه متعرف اكوي واكول اخويه ممسويه الهه
فديوم امي حجت وياه

ام احمد:اكلك يمه متكلي مرتك شوكت تساعد شفق بلشغل خو ميصير كله ع اختك انته حته شغلاتك مرات تشمرهن ع اختك هم خطيه هاي لاحكة ع الشغل باجر عكبة تزوج ولا حكة ع الخدامه خلهه هنا ترتاح

احمد:يمه ليش رفاه شمسويه شو هيه فوك تنزل بس وكت الاكل

ام احمد:ها يعني انته تقبله نخدم مرتك

احمد:لا مااقبله صار منا وجاي تساعد رفاه شغله عليه وشغله ع شفق

ام احمد:اي يمه هو هذه الصحيح

شفق:مر ٣اشهر ع زواجهم مخلت من الحجي والمشاحنات بس نمشي مصار عدهه حمل تخبلت وعبالك احنه السبب صارت تتنتر بينه وتحجي من وره خشمه وكلما حجينه ل احمد نكله عيب خل تحترم يكول عوفوهه نفسيته تعبانه لحد ما فديوم جانت دنيه عصر نزلت من فوك تتأفف امي كلتله

ام احمد:رفاه عجنت عجين كباب وسويت زلاطه انتي بس كلي وعود شفق تغسل ماعين

رفاه:اوووه خو انتي كاتلج الشغل ترديني ٢٤ ساعه اشتغل اذا هيج مجبتيلج وحده من الهور تشتغل ومتمل

ام احمد:شنو هلااسلوب مو عيب متستحين تحاجين عمتج بهلطريقه امج هيج مربيتج

رفاه:شوفي خاله لتجيبين طاري امي
امي مربيتني احسن تربيه
احسن من تربيتج لشفق

ام احمد:شفق شدخله بلنص

رفاه:والله روحي شوفي جانت لازكة المن وهو ميريدهه

شفق:اني سمعت هيج تخبلت كمت اصيح
كتله اكلج شو انتي متستحين من اجي اسحلج هسه احد يكلي ليش شو هاي ظلت ساكته وتبجي كتله والله يارفاه اذا حجيتي شي بعد ويه امي لو رفعتي صوتج والله ادفنج هنا افتهمتيييييي حقيييره

احمد:اي اي كملي ست شفق المن ادفنين .......

يتبع....