رواية ميل اوطاني(الجزء الأول) ....مكتملة الفصل الحادي عشر 11 - بقلم laylaabd

بارت ١٠
(ميل اوطاني)

صوتو حبايب لتنسون 🌹🌹

شفق:ظليت حايره اشوف البيت كله قلق قيصر طلع بعد مشفته خفت احجي بعد من سمعت من براء يصير كاتل ومكتول خفت حيل شفت عمتي كاعده بلصاله رحت متردده كتله شنو عمه مااسوي غده

ام قيصر:وهو منو اله نفس
بكيفج سوي الي تلكي

شفق:اني هم لهيت روحي بلشغل وعيني ع الباب وبراء هم نفس الحاله معبسه وكل شويه تكعد يم امه يحجن ويجيبن اسماء ناس اهواي عبرت ساعه وحدة وجتي سعاد طبت تلطم اول مشافتني بلمطبخ كامت تحجي وتصيح

سعاد:ولج صدك الي سمعته تعزينه وتصخمنة لك ليشش خوية ليش مكلت وراي اهل مكلت وراي اخوه اخاف عليهم يبووو تصخمنه

شفق:اني واكفة صافنه بوجه حتة مااعرف شكول وجة احمر كلبه محروك مبين الي انتبهت عليه كلهم ماخذين كرايب حته لو من بعيد بس تلكي كرايبهم يمكن اني الوحيدة غريبة طبت يم امه وعمتي هم ظلت تحجي وتبجي راحوو الولد الله يصخم وجهك ع هلدكة ياريت ميته ولا سامعه هلخبر عساك لا جيت لهدنية وشفتك ليش هيج ليش
اني اسمع واكول هلسالفه جبيره دكيت ع قيصر اول مرة انطا رفض بعدين مغلق خفت اكثر وننتظر وماكو احد للمغرب جوي الزلم اخوته لقصير ولد عمه وعمامهم نترس البيت زلم اني رحت يم البنات ظلو يحجون وصبي الجاي ودي الصينية وجيبي الصينية ويردون مي اخر شي تعبت دزيت بت سعاد كتله اوكفي يم الباب خل اكعد شويه ظهري مجاي احس بي رحت كعدت يم البنات سمعت تغريد تكول هو الفكر لفانه من دخلنه الغريب وعمتي تكله اي والله اني كلت وحجيت محد سمعني ضليت صافنه عليهن كلت معقوله اني المقصوده بعدين مشيته كلت اكيد مو عليه وره وين طب قيصر واخو اثير بس شنو وجهم احمر مبينين صايرين نار وشرار تلكتهم امهم تسالهم

قيصر:يمه خليه سكته انطونه مهله اسبوع اهل البنية يردون الولد والبنيه يكولون انتو تعرفون مكانهم شكد حجينة وياهم ابوهم زين بس اخوته منطونه مجال ولا يقبلون يفضوهه بشي دم وداكين رجل يكولون اذا متسلمونه اياهم خلال اسبوع تصير دمايه

شفق:اني اسمع وكلبي يرجف شنو هلحجي ليش هيج دم البشر رخيص من حركة كلبي حجيت كتلهم هاي كله سببه الظلم من الولد يريد البنية ليش ميزوجوه اياه

قيصر:ابن عمه ناهي عليه

شفق:شنو هلتخلف شوكت تشيلون هلاحكام من حياتكم شنو ينهي عليه هيه مو بشر متعرف تختار مو من حقه تعيش ويه الي تريده ماكو شي بلغصب

ام قيصر:اكلج عيني يبت بغداد انتي مو بت اول امس جاية تعلمينه الي يصير ولي ميصير يله انكلعي فوك لغرفتج

شفق:اني هم مكذبت خبر عفتهم وصعدت
وره شويه صعد قيصر صفن بوجهي جان يكول كومي لبسي ولمي هدومج لوني نخطف كتله وين تاخذني

قيصر:مالج دخل لمي ملابسج

شفق:لميت هدومي ونزلنه كله راح اوديه يم ام كرار تكعد اخاف ذوله يغدرونه لازم منبقه بلبيت وصدك طلعنه تمشينه عبرنه كم بيت وكف دك الباب شويه وطلعت منتهى شفت نفس القلق الي هناك عدهه

منتهى:ها قيصر شنو بشر يمعود

قيصر:باجر حنجتمع ونروح نكعد وياهم انتو بس ادعولنه كون يرضون وتنحل احنه رايحين نخطبه منهم

منتهى:وحسين شنو اخباره

قيصر:حسين مخابر ع حازم كايله البنت وياي عقدنه قبلو وان ماقبلو

منتهى:عزه بعيني تصخمنه والله

قيصر:هاج شفق تبقه عندج كعدن وقفلن الباب
الناس مجاي تتفاهم منتهى الوضع مطمن ع فجاه يثورون ويردون ياخذون ثارهم موسهله هذه عار بتهم تنهزم

منتهى:اي اعرف ليش متذكر بيت ام محمد خطيه

قيصر:اي ديله طبن واني حرجع اذا حتاجيتو شي خابروني

منتهى:انته هم بات هنا يمنه اخاف يصير شي

قيصر:ها ترديني اختل ويه النسوان

منتهى:مو القصد
يله الله وياك الله يحفظكم

شفق:سدت الباب وطببتني شفت جهالهه نايمين اني ارتاحله لمنتهى كلش

منتهى:اني منتهى وحدة من اهواي بنات انتهت حياتهن بسبب التقاليد بسبب بت العم ل ابن العم بدون لا جدال ولا نقاش من الانسان ينجبر ع شي حته ولو هذه الشي زين بس لمجرد هو اجبار حتتحول الحياة الى جحيم
كرهت كلشي وكرهت عيشتي ويه قيصر خصوصا اني جبت هاوية كرايبنة واخته صارت مرسال كالت اذا موافقه يدز اهله واني كتله موافقه بس الصدمة جانت هو ابويه الي وكف وكال منتهى ل قيصر من دون حته مياخذ راي اني قابله او لا
قيصرزين بس نفسي متقبلته اني بطبعي عنيده ومااحب احد يفرض عليه شي
بدت المشاكل ويه قيصرلا اني ارتاحيت ولا هو ارتاح واذا اكول اطلك يعني هاي عيبة ميصير انطق هلكلمة حياة كرسته لجهالي كمت من اشوف قيصر اتنرفز احسه هو سبب تعاستي تمرضت وكدرت افرض عليه يبتعد
جنت من اكله تزوج اني قاصده الكلمة ردت اخلص واطلع من خطيته وفعلا اجة اليوم الي تزوج بي بنيه بغداديه محد قبل بزواجة اولهم مرت عمي يعني امه بس هو ظل مصر
لحد مخلت شرط ممنوع تطلع بيت تظل كاعده وياهم بيت اهله مجان بيد مرت عمي غير هلشي تعاقب بي قيصر مرادته بحجة بنات بغداد مو من ثوبنه
عقله ع التفكير القديم مرة جبيره
واجة اليوم الي كالو حسين مهزوم ويه بنيه جان رايدهه وابن عمه ناهي عليه كرهت اهلي وكرهت الدنيه كله كرهت كوني بهيج مجتمع نهوه وعشاير وفصول من ساعه السمعت واني ارجف ذوله اذا دكونه اخاف ع ابويه ع اخوتي ع ولد عمومي حته ع قيصر اخاف ذوله الحق عدهم بتهم شرفهم والشرف هنا عدنه فدشي عظيم شلوون بنت تنهزم و يامن ويه ولد عاشكتة وهيه منهي عليه خصوصا من اجاني قيصر جايب مرتة عرفت راد يبعدهه عن البيت زاد خوفي
البنيه حبابة كتله كومي عندي غرفه للخطار اني محضرته ساعه التجيني بنات اختي ينامن بيه طببته وكتله اخذي راحتج

شفق:منتهى شنو الي راح يصير عفيه

منتهى:مااعرف ان شاء الله تنحل بلكي الكباريه يتفقون
وفعلا مر اربعه ايام وسمعنه اهل البنية قابلين يزوجوهه لحسين بشرط يرجعون وحاجين هذه الحجي كدام زلم وعشاير كلنه كلنه حمدالله ولا بحر الدم الي جان صار

شفق:سمعنه اهل البنيه قابلين ينطوهه وكايلين خل يجون خابرت قيصر مشتاقتله حيل سوده عليه صار بي
جان مرتاح كال واخيرا نحلت تدرين لو مقابلين جان شصار يله هاهيه الحمد الله كلي باجر حيجون حسين ويجيبون البنيه بلليل اجي عليج لو تدرين شلون مشتاقلج ميت عليج اني ضحكت كتله والله اني هم اريد حضنك اريد اماني مجاي انام بلليل ممتعلمه كال هانت مظل شي وثاني يوم رحنه اني ومنتهى لبيت عيالي كلنه جنة فرحانين اله عمتي رحت يمه كتله خيرج عمه شو احسج ممرتاحة
كالت مااعرف بس مو بهيج سهوله يقبلون مستحيل

منتهى:كولي ياالله عمه هاهيه

ام قيصر:شنو قصدج ها
شنو كلي يا الله قصدج دنك كومي من وجهي يله كوومي

منتهى:كمت واني اعرف عمتي احساسه بمكانه بس مخليت بالي بيت البنية ورانه بفرعين مو بعيدين
البيت جان متروس نسوان الزلم رايحين كلهم لبيت البنية ينتضرون حسين والبنيه يرجعون
اذكر بوكته نزل قيصر جان لابس دشداشه لونه رصاصي فاتح وشماخ لاف ع راسه
باوعت عليه بكلبي دعيتله ودمعت عيني كلت كون ربي يحفظه ويخلي النه
شفت شفق عينه عليه تباوع ومبتسمه راحت ركضت عليه وباسته بخده هو وخرهه متاكده استحة بين ع وجه همه منتبهو اني جنت اباوع
ابد مغرت ولا حسيت هاي ضرتي واخذت شي مني
قيصر مو الي او يمكن اني مقتنعت هو الي راحو سمعنه صوت طلق ورمي بعدين سكت الصوت يربي شنو هاي انداريت شفت عمتي ام قيصر بعيون مدمعه كالت مو كتلج يمنتهى مو بهلسهوله
كتله عمه صلي ع النبي تره هاي عادي متعلمتي ع الطلق كولي ياالله ان شاء الله ينطوهه وكله تصير سوالف ونكوم نحضر لعرسهم

شفق:ذوله الناس حيروني ساعه كالو نحلت هلهلوو وع اساس حيصير عرس ورحنه لبيت عيالي يم عمتي كلهم جانو مجتمعين بس حسيت عمتي ومنتهى كل شويه يتهامسون
ماكو هيه دقايق وسمعت عيطه ويبووو رجت البيت رجت ركضت للمطبخ شفت منتهى......

يتبع.....