رواية ميل اوطاني(الجزء الأول) ....مكتملة الفصل الثاني عشر 12 - بقلم laylaabd

بارت11
(ميل اوطاني)

اريد اوصل للمطبخ رجلي رخت طبيت وشفت منتهى دموعه تجري كاعده بلكاع ودك ع رجله وتحجي مداركز شدتكول

منتهى:اطمن بعمتي وكلبي ممرتاح حالي حاله واكفه بلمطبخ سمعت الباب نفتح وهوسه مديت راسي احنه عدنه حمام خارجي وبصفه مثل المخزن جانو الولد مخلين بي سلاح شفت ابن عم ابويه طب الدشداشه بيه دم اباوع اي هذه دم صحت عليه ابو حسن شصاير اندار عليه وعيونه مغوركة وكلي غدرو بينه ام كرار غدرو بينه ويه نزلت حسين والبنيه اخوهه خرطهم بلرشاشه وطب للغرفه الصغيره بصف التواليت
كمت ادك والطم راح حسين اويلي ع شبابه وبدت الاصوات تعله صياح نسوان بجي جهال وعمتي كاعده لونه مخطوف تبجي بهدوء رفعت راسه كلتلي منتهى بس حسين
اناشخ واحجي شنو عمه بس حسين عفته والتهيت كلنه طلعنه بلكراج باوعت شفق واكفه باب المطبخ وسمعنه خرط طلق كلنه تهسترته عياط وصياح كلت راحو الزلم وره ربع ساعه كلهم جوي الوجوه متتباوع ابويه وكف بنصنه وصاح وين ام قيصر وغص بلكلمة اني ظليت صافنه طلعت عمتي كوه تمشي كله العمر الج حجية بااثنين ولدج

ام قيصر:منو بعد حجي غير حسين منو راحلي

منتهى:كال قيصر لو الدنية نكلبت تخبلنه ملخت روحي نسيت كلشي عبالك اني وحدي عيطتي يمكن سمعت سابع جار فقدت

شفق:بجي وعياط واني ابجي ع بجيهم واريد المح قيصر بس اريد كلبي يطمئن طلعنه بلكراج اجة عمهم تقدمت اريد اسمع شكال وياريت مسمعت كله العمر الج بولدج قيصر شنو يعني شفتهن كلهن فقدن اني مثل واحد نضرب ع راسه اريد اعيط اكلهم اسكتوو اريد افتهم اريد اعرف اريد استوعب الكلمة ماكو الاصوات تعله وتعله واني بعقلي الف فكره شنو يعني مات
يعني مثل الناس الي تموت وبعد مترجع يعني مااشوفه بعد يعني السند الي جان الي راح وين اروح المن اروح محسيت بروحي غير عطت عيطه جتي بت سعاد لزمتني تبجي وصوته كوة يطلع وتكلي عمه انتي حامل عمه موزين عليج باوعت ع منتهى منتهيه ولهسه تلطم طببونه جوة
عمتي مدري شبيه كوة تمشي كالو طبو جوة اول مفتنه للهول وكعت عمتي اخذوهه للمستشفى واجه ابن عمهم عيونه حمر كلنه ركضنه عليه اولنه منتهى لزمته من فانيلته كلتله كول قيصرمابي شي احجيييي
باوع علينه ودمعته نزلت وبده يحجي شلون مااول مواصل حسين والبنية اخوهه جارالرشاش وراميهم قيصر واكف يمه عايط بيهم كايللهم ها غدرتونه هاي الزلم واكف بصف حسين ولايحة الطلق والي صعب الامور موبس قيصر و حسين و واحد ثاني يصير هم كرايبهم من جهه العمام هو ويحجي والنسوان يعيطن ويلطمن اني مااعرف هيج اسوي مثلهم بس ابجي كال ع اساس عشيرتهم من شايفه هيج بلسلاح خارطه بيتهم وميعرفون منو مات الهم الي عرفناه همه اخذو حسين وقيصر والولد كرايبهم للمستشفى كال طبو جوة هسه خل نشوف شراح يصير

منتهى:لا الدمع يفيد ولا العياط يفيد الراح راح بعد الى متى نبقى هيج اثنين نسوان ترملن و٣اطفال تيتمت واحدهم تيتم وهو بطن امه لشوكت نبقى بلجهل كومتهن لبسنه اسود وكعدنه سعاد تنعى وتحجي عن اخوته تخلينه نتخبل هلكد ما لطمت تعبت حيل للصبح عيونه مشافت النوم خابرنه عمتي ضاربته جلطه وحالته خطره كلش عمامي مزرفين بيت البنية وكايليلهم تشيلون منا
كالو حيجيبوهم كلبي احسه برد رجليه خدرت وفكري شسوي اول ميطب هذه الي جان يسعد عين الشمس طول وضخامه مااعرف شسوي بلحظته عرفت صح اني ابتعدت عن قيصر بس المهم اسمي زوجته هذه الشي جان مريحني ملخت روحي لطم وبجي وهو بعد مجاي لان تندمت ع كل لحظه اذيته بيه هو جان مدللني رغم اذيتي ومشاكلي عافني براحتي مغصبني ع شي كرهت نفسي شكد اذيته

شفق:صعدت لغرفتي قفلت الباب واباوع ع الجربايه هنا جان ينام شمرت روحي واشم بلمخده خليت راسي بلمخده واصرخ كل صرخة احس بطني حتنفجر من الوجع ضغط يصير عليه والم بس مهامني من اليوم حياتي انتهت وين انطي وجهي وين اروح كمت لبست اسود وباوع ع روحي بلمرايه تذكرت غزله شكد جان يتغزل بيه وشكد جنت مرتاحة وياه اااه مكرود يلمالك بخت
نزلت وشفتهم منتضرين يجيبو شفت منتهى فاقده دتملخ بروحة ركضت عليه لزمت ايده كتله عفيه صيري قويه

منتهى:شفق اني اذيته مرتاح وياي تعالي كليلي شلون ارجع الراح

شفق:ميرجع بعد الراح ميرجع
سمعنه الزلم ديصيحون
لا اله الا الله
لا اله الا الله
عرفنه جابو لشتي كله رجفت اباوع منتهى تعيط خواته خطيه ملخن روحهن دخلوهم اثنين توابيت اني واكفه شفت منتهى شمرت روحه ع تابوت وتعيط عرفته هذه هو ركضت عليه وكعت واحجي همس ويه البجي
ليش هيج حبيبي مو تدري بيه مالي غيرك مو تعرف اهلي متبرين مني ليش عفتني مكسرت خاطرك مكلت هاي يتيمه ليش تتيتم مرتين كلي شسوي وين اروح من بعدك حسيت احد ديجرني واني مااريد اكوم بعدين جتني رفعه قويه انداريت لكيته منتهى كالت كافي بعد خلص واخذو واني متاكده مو بس روحي راحت الي ساندتني روحه طلعت قبلي وللعصر كالو وين شفق يردوهه بلمطبخ رحت.
ونصدمت شفت اخوية احمد عيونه جانت دم عرفت باجي

احمد:شفق البقيه بحياتج خيتي

شفق:خيتي ليش انته مو تبريت مني شعندك جاي
ليش انته مو مرحمتني شعندك جاي
ليش جيت لا عبالك بس انته اخذت قرارك وطلعتني من حياتكم اني هم طلعتكم من حياتي جان عندي سند اتباهه بي اذب كل حملي عليه ومتاكده ميميل بس هو ممال هو تهدم واختفى هو مات

احمد:شفق الي فات مات اني اخوج راح اظل هنا ايام الفاتحة وراهه حته اخذج ونرجع

شفق:مستحيل ماارجع وياك انسى اني هنا ابقه روحي هنا ابن قيصر هنا يجي وهنا يتربى مستحيل ماارجع وياك وانساني مو انته كلت اختي ماتت الي يموت ميرجع بعد فاهم ميرجع عفته وطبيت

منتهى:تعالي كعدي بصفي بعد لتكومين ميصير

شفق:اي اجيت
رحت كعدت بصفه والقران يقراه
عمتي من تخربطت ودوهه للمستشفى مطلعت منه وره الفاتحة بااسبوع توفت بلمستشفى وهم من جديد نصبت فاتحة البنات صوت كام ميطلع عدهن يحجن بلاشاره اني هم بس يطلعلي صوت مطبك اله منتهى وسعاد وبراء وتغريد ماكو صوت ابد من العياط يحجن بلاشاره وجتي فاتحت امهن جان حالنه يبجي الصخر خو براء جنت حاسه بيه وين حتروح حاله من حالنه اني ومنتهى وخلصت فاتحة عمتي واني لميت غراضي كلهن ورحت عند منتهى اكعد يمه ماعندي غيرهه وهيه هم جلبت بيه كالت هذه البيت بااسم قيصر يعني النه ولجهالنه الج حق بي حالج حالي اني وجهالي منطلع ابد من البيت لازمات عده بس ابوهه ل منتهى يجي يتسوك يشوف شمحتاجين واني من يجي اختل فوك هو ميتاخر خطيه مرات اخوهه يجي مره سمعته يحجي وياهه عليه كله اخوهه خابر يكول اختي لازم ترجع شنو كعدته عدكم سمعت منتهى نترت وكالت ماكو هيج حجي كاعده بيت رجله وين كاعده بلشارع .....

يتبع....