رواية ميل اوطاني(الجزء الأول) ....مكتملة الفصل الخامس 5 - بقلم laylaabd

بارت٤
(ميل اوطاني)

شفق:تخبلت شنو يعني يزوجني اني مرافضه فكرة الزواج بس مو بهاي الطريقه و وين بلبصره شيوديني للبصره اكلب الدنيه والله عفتهم وصعدت اخذت جهاز امي خابرت ع حرير كتله

حرير:تلمين هدومج وتجين يمي واريد اشوف منو الي حيمشي كلمته هذه تخبل فدمره

شفق:حرير فدوه مااريد ازوج هذه بلبصره تعرفين شنو هنا هناك البصره اني متعلمه ع بغداد وشلون اجي اشوفكم بعيده حيل لا مستحيل مااقبل

حرير:اسكتي هسه اني اجي العصر واخذج واريد اشوف من يجي الولد المن يطلعله ستهتر فدمره

شفق:بقيت بلغرفه وصدك مت لميت ملابسي ولبست وكعدت انتظر حرير وره ساعه اكثر صعدت امي كعدت يمي

ام احمد:شفق يمه قبلي بلي جاي تره اني بعد حيل مظل بيه حموت من المشاكل والقهر

شفق:يمه اني شعرف عن الولد حته اتزوجة ثانيا ياخذني للبصره

ام احمد:وشنو يعني شبيه البصره

شفق:مابيه شي بس بعيده

ام احمد:مو بعيده هذه مو عذر

شفق:يعني انتي قابله

ام احمد:اي قابله
وهاي شنو الجنطه وليش هيج لابسه

شفق:حتجي حرير تاخذني

ام احمد:استغفرالله ربي وعبالج احمد يقبل طلعين والله يكلبه عزه علينه

شفق:خلي شيريد يسوي اكثر من هذه
وظليت انتظر لحد مسمعت صوت حرير نزلت وياي الجنطه باوعت عليه ونزلت راسه
كتله ها شبيج

حرير:حبيبتي عذريني وليدكلب الدنيه من سمع وميقبل اجيبج يمي

شفق:صدك حرير يعني حته انتي تخليتي عني

حرير:والله مابيدي شي شفق

شفق:لا ميحتاج تكولين شي مشكورة ع الاقل كلتيه تعالي
صعدت وصعدت جنطتي نزعت ملابسي بدلتهن وكلت هاهيه اوافق ع هذه لان مال انتظرغيره ميقبل احمد يأست وصدك ثاني يوم الظهر كال تحضرو راح يجي الولد امي كلتله شنو السالفه فصليه ميجيب اهل شي وياه احمد شبيك كله ميكدر لان البصره بعيده عود يجون بلخطوبه اني ممرتاحة ابد شلون زواجة هاي وصدك للعصر اجه الولد طب للاستقبال احمد كال تجين تكعدين تشوفي وتحجين وياهه وامي هم تكعد
هزيت راسي بلموافقه ورحت بدلت ورتبت روحي وامي لبست عبايه راس ودكت الباب وطبت واني وراهه جنت مدنه وكلت السلام عليكم رفعت راسي وتفاجاة هذه هو نفسه الولد الي شافني طالعه من الحمام ظليت صافنه لحد منتبهت ع نفسي مشيت كعدت بصف امي واني افكر شلون مذكرت هلولد من كلي صاحبي ومن البصره

قيصر:الله بلخير يابة
اكيد احمد حجالكم عني وتعرفون اني اليوم جاي وشنو غرضي بس هم لازم اكوله يمه اني جاي اطلب ايد كريمتكم تكون زوجة الي واني حاضر هسه ل اي سؤال تردون تسالون عليه

شفق:شخصيته حلوه هيبة ورجوله اباوع عليه مابي شي يتعيب سمعت امي تكله احجيلنه عن اهلك عنك شلون بنتي حتعيش وياك يعني انته شناوي عليه شعندك ماعندك

قيصر:يمه اني عمري ٣٤سنة خريج كلية اداره واقتصاد ماخذ الشهاده من بغداد بس اهلي بلبصره جنت اروح واجي عليهم حالتي الحمدالله زينه وارث شغلي عن ابويه وعمامي همه تعبو وكبرو الشغل واحنه هسه مستلمي اني واخوتي و ولد عمي يعني عدنه خير من الله الي تامرون بي اني حاضر

ام احمد:يعني شفق حتسكن ويه اهلك؟انتو كم واحد بلبيت؟

قيصر:لا شفق تدلل اني ابني مشتمل وتكعد بي وحدهه حاله حال ام كرار

ام احمد:منو ام كرار

قيصر:زوجتي الاولى

ام احمد:ها

شفق:بدون وعي شهكت وضربت ع صدري كتله مزوج

احمد:اي مزوج وشنو جريمه الشرع حلل اربعه

شفق:كمت وكفت كتله الشرع حلل اربعه بس ماكوزواج بلاكراه اني مستحيل انزل ع ضره هاي وحده ومستحيل اهجم بيت جنت احجي واباوع بعيونه شنو هاي شنو هلشخصيه يباوع بعيني وعيونه مرتاحه وعبالك مستمتع مبتسم واني بركان اغلي

قيصر:اني متمكن وبيت وحدهه يعني مراح تشوفه ولا تحتك بيه

شفق:حجيت بعفوية
هه ويوم الي ويوم الهه

قيصر:بمكر تردين كله الج ماعندي مانع

شفق:عرفت فهمهه بغير شي وجهي حسيته كام يطلع نار وردت بس اتلافه الفشله كتله لا الي ولا الهه اني اسفه ان شاء الله تلكة ل احسن مني اترخص درت وجهي وطلعت رحت للمطبخ اضرب ع كصتي من الفشله جتي رفاه

رفاه:ها شكو شبيج مصفره بس لا الولد عرف بسالفه مسلم

شفق:لج يا مسلم تخليني اسبج سبه هسه يامسلم شو ولي من كدامي

رفاه:ايا ادبسز شكد عينج صلفه فوكاهه فوك شينج

شفق:عفته وصعدت فوك شمرت روحي ع الجربايه واجتي باله عيونه ابتسمت جانت نظرته تحجي بعدين هزيت راسي اوخرهلافكار من راسي واكول هو مزوج شبيج شفق انثولتي ورجعت من جديد تذكرت شكله وبتسمت كلت واثق من روحه (ام كرار)كلته بتقليد والله ياالله نزلت سمعت امي تحجي

ام احمد:انته من كل عقلك لا وجماله ميحجي شوكت ناوي تكول مزوج

احمد:يمة لتكفريني واذا مزوج رجال عنده ومقتدر ويدللهه مو احسن من تاخذ واحد فقير مهتلف يجرعه المر ديكلج بيت وحدهه والي تريدهه هو حاضر

ام احمد:والله انته مينحجي وياك
هذيج اختك قابله اني معليه هيه الي حتعيش مو اني والضره مره لو جانت جرة

احمد:هاي بدل متعقليهه يمه

ام احمد:معليه اني الي عليه كلته هلزواجه فاشله شبيه اختك ناقصه شي شو جمال وادب والف واحد يتمناهه

احمد:خلاص يمه اني هم بعد مااحجي بس فرصه وتضيع من عدهه جاي اكلج

ام احمد:ومنو يكول باجر عكبة ميجي ويكول اريد اخذ الثالثة

احمد:لا هيه مرته مريضه وهيه كلتله تزوج

ام احمد:هاي دروب
مال مريضة
مجبور جنت عليه
ممرتاح

احمد:هاهيه خلص سدي الموضوع

شفق:نزلت وحجيت كتلهم اني رافضه الفكرة ومقابله وانتهت
احمد سكت بس مقابل هو يريد يزوجني ويخلص مني حته ترتاح مرته مدري شمسويتله اني وامي تريدني ازوج حته تخلص من المشاكل واني هم بديت اضوج اريد اتزوج واخلص بس مو اي قسمة
مرت ايام وبيوم صديقتي خابرتني كالت اكو شغله تفيدج روضة وحضانه تشتغلين بيه احسن من ما كاعده بلبيت اني هم فكرت بيه احسن من ما كاعده خل اشتغل كتله انتظري افتح الموضوع ويه اهلي ورجعلج خبر
دزيت المسج وسمعت عيطه هاي عيطه رفاه نزلت اركض شفته واكعه ع ظهره واكو. دم بلكاع تخبلت ركض عليه هاي شوكعج ضهره ع اول بايه بلدرج تصيح ظهري وتبجي امي جانت تصلي طلعت بجادر الصلاه شافته كامت تلطم هيه بلسابع وحرنه بيه جريت التلفون خابرت احمد كتله تعال يمكن رفاه عدهه ولاده مردت اكله واكعه ربع ساعه واجه شافه ظل يعيط علينه واخذوهه هو وامي للمستشفى واني الوب لحد مخابرت امي كالت سكتي البنيه مدمره حافه الدرج كاسره فقره  لظهرهه متهشمه وتعالي شوفي لمت العالم علينه بلعياط كلش متاذايه سالته ع الطفل كالت جيبوهه عمليه لان يرادله ادويه وعلاجات لظهرهه وميصير وهيه حامل الطفل هسه بلخدج وهيه بعدهه ممطلعيه
اني ظليت حايره كلت هاي شلون منا ظهرهه ومنا شكو بطنه شلون حتتحمل حالته جانت كلش صعبه كله مهدءات و وابر كضت اسبوعين بلمستشفى لحد مصارت عمليه بطنه زينه يله كدرو يطلعوهه اسبوعين ونص تقريبا وهم من طلعت ع كرسي متحرك وكالو الافضل يسفروهه للهند علمود ظهرهه لان يحتاجله بعد عمليه وعلاج طبيعي والطفل خطيه لا رضاعه طبيعيه اني وامي محتارين بي احمد وجه متعوب كلش مقهورين عليه بس شبدينه رفاه من طلعت راحت ل اهله ودزت ع الولد همه يدارو كالو بين متصيرين زينه وترجع هيه شصير زينه مدمره
من اخذو ابنهم فكرت احجي ويه احمد بسالفه الشغل حته اذا مو بروضه المهم شغل وانتظرته يجي احجي وياه

احمد:ها شفق شرايده

شفق:اكلك احمد اني اريد منك شغله

احمد:شفق احجي تره تعبان

شفق:اريد اشتغل

احمد:شتشتغلين

شفق:اي مكان المهم مااكعد بلبيت

احمد:حته تجيبيلي مصيبة مو كعدي وسكتي شغل ماكو ولتناقشيني لان والله روحي طافره

شفق:ضجت ومجنت مجلبه بلشغل بس من رفض عبالك صار عندي اصرار ليش رفض اريد اشتغل لعد
مر كم يوم واني الوب صارت روحي بهلسالفه ليش مااشتغل اطلع اشوف ناس عالم جاي اكلب بلفيس شفت رساله ع الخاص لكيت مكتوب
(تردين تتوظفين مو احركج حرك والله العظيم)

ظليت صافنه هاي الي الرساله لو شنو ومنو هذه....

يتبع...