رواية ميل اوطاني(الجزء الأول) ....مكتملة الفصل السادس 6 - بقلم laylaabd

بارت 5
(ميل اوطاني)

ملحوظه:الي سألني معنى اسم القصه
(الميل)هو مرادف لكلمة ظلم
وبلنسبه( للاوطان) قصدت بيه العائله
الاهل الاخ الام الاخت الي همه السند

شفق:فرت راسي الرساله ترددت بلرد بس الفضول كتلني ورديت

-منو
متاخر راسا رد

-اني عاشكج ميت بيج شتردين تسميني سميني انتي ملك حصري بس الي حظل وراج واجي بعد مره ومرتين لحد متوافقين بس مال تصيرين لغيري انسي

-اذا مكلت انته منو احضرك

-دسويه وشوفي اذا مااجي افلش الجهاز براسج

-شنو هلاسلوب غير يحجي منو انته

-قيصر

شفق:من كال قيصر تبسمرت بمكاني اني شسويت عزه العزاج شفق حيروح يكول ل احمد يمه بس لا صدك

-بيش احلفك متكول ل احمد والله لان كلت ع التعيين كلت تعرفني

-شبيج بابا شلون اكله حجيت ويه اختك
اني والله العظيم لو ما البيه ورفضج مااحجي بس من سمعت تردين تشتغلين كلت هاهيه معناهه راح الزلم تشوفج واحرك الدنيه غير تكعدين بلبيت وتسكتين

-وباي مناسبه دتحجي هيج انته ممسؤول عليه اعرف حدك

-لا انتي صرتي مالتي والي يخصني مااريد احدك يشوفه ويتمتع بي بس اني

-لالا انته كلش تجاوزت حدك

-شايفه انتي شمسويه بيه وحق الله يوميه صورتج كدامي من انام اتخيلج بدشداشتج ركبتج عليه قطرات مي والخاولي الي لافه شعرج بي لو العطر مال شامبو الي كفخني شسويتي بي بيومه عبالج اني مشايف بنات والله مار ع راسي اشكال الوان مفديوم وحدة جذبتني مثلج

-ها

-شنو ها
شكلتي حبيبتي ارجع اتقدم والله العظيم احبج شفق ومتعرفين شكد

-انته متزوج شكلت لروحك من دتراسلني وانته متزوج

-اني مزوج صح بس والله هيه قابله برضاهه مريضه و٢٤ساعه روحة بخشمه لحد ما لميت هدومي وطلعت من البيت كعدت يم امي وردت اادبهه دزيت خبر بيد خواتي راح ازوج تدرين شكالت

-شكالت

-كالت خل يأشر واني اروح اخطبله

-صدك
يعني شنو قصدك انته متروح الهه

-ههههههههههههه
لا مااروح هيه متريدني تكلي اريد بس جهالي من اشوفك اكره روحي لان مااكدر اقدملك شي واني محسستهه بشي الله شاهد عليه هيه تتحسس من يمهه صارلنه ٣سنين ع هلحاله اني يم امي وادزلهم مصرف اشوف جهالي عندي ثنين هبة وكرار

-بس اني ممجبورة ازوج واحد متزوج

-شنو ممجبوره اكلج والله احبج وحق هو الله اعشك التراب التمشين عليه ليش مصدكين
شوفي اكلج شغله اني رجال جبير و واعي مو مال العب عليج و لا مشاعري متقلبه انتي اول وحدة يدك الهه قلبي زوجتي بت عمي وصار زواجنة مثل فدشي عادي ابن عم تزوج بت عمه لان هيه بت عمه مو لان حبة او حبته

-مااعرف بس ارجع واكلك ممجبورة

-زين فكري
وتعرفي عليه اني موجود شتردين تعرفين عني سالي

-ماشي

-الحمدالله يعني اكو امل

-خل افكر

-انتظرج لو اعرف طول العمر

شفق:مشاعر بداخلي متضاربه فدشي حلو ومو حلو
فدشي حلو حسسني بقيمتي عمري محد حاجي وياي وحاسنه اني اعنيله شي بحياته
وموحلو ان اخوية صديقه صح هو اجاني من الباب وخطب ويريد يرجع مره ثانيه بس تظل موحلوه احجي وياه وهو ميدري كلشي مااعرف بس الي اعرفه حبيت نفسي من يومه كمت كل شويه ابتسم اتذكر من عيني تجي بعيونه احسه هايمه بيه رغم كلامي جان الرفض بس هو مبتسم لمجرد اني داحاجي حسسني بااحساس غريب عبالك ديكلي كملي ظلي احجي وخليني مااسمع بس صوتج ومااشوف بس صورتج هو كلي اخليج تفكرين بس ثاني يوم الصبح دزلي مسج صباح الخير وشعر وياه و ورده اني ضحكت واكتشفت الي عشته ويه مسلم ابد مو حب وحسيت شلون جنت مرخصه روحي اله وهو مويمي ولا داير بال كل هذه حسيته من شفت اهتمام قيصر اتذكر اول مره دزلي بيه رساله صباح الخير جان هيج كاتب

(صباح الحب والعشك ع عشقي

عليك شلون ادور وانت العيــون
وانا بليـاك مااندل طريقـي
خيال انت واشوفك بس بالاحلام
جا يمته الحلم يصبح حقيقــــــي

الابتسامه شكت حلكي وكلبي حسيته طاير ردت ادزله شي مميز بس ستحيت رديت بس صباح النور وهو بعد مدز
كمت ع المرايه اباوع ع وجهي رفعت شعري كله ليفوك شعري طويل بس مو سرح بي كسرة يوصل لنهاية ظهري باوعت ع عيوني مااعرف ليش حبيت نفسي يعني هيج الاهتمام يغير ظليت صافنه وكل شويه ابتسم كمت بدلت ونزلت ل امي

ام احمد:صباح الخير عيني شو اليوم شمسج عاليه

شفق:شعندي يمه ورايه شغل عمل
هسه انظف البيت ساعه اني مخلصه كلشي وصدك كعدت تريكت وامي تحضر الغده كمت بكل نشاط نظفت البيت وكل شويه سارحة بخيالي لحد مخلصت تنظيف طبيت سبحت وطلعت صعدت بغرفتي بدلت وجريت جهازي شفت مسج فتحته جان قيصر يكلي ها وين وصلتي بلتفكير ضحكت

-تره البارحة حجينه

-والله الساعه عندي بالف سنة

-صدك تحبني

-بس كليلي شنو الي يثبتلج اني حاضر شتردين
من باجر اجيب كل اهلي وجيكم والله اجيبلج شيوخ واجي بس كولي اي

-والله عاد انته تسويه

-يعني انتي واثقه مني

-كلبي مطمن من ناحيتك

-رحت فدوه لقلبج
هيج يجي يوم وفتح عيني الصبح ولكاج بغرفتي يمي مرتي وملكي والله مااصدك

-هههههههه ليش

-اعرف بروحي متكملي فرحه
يابعد الروح عندي شغل بلليل احاجيج بدي مااعوفج بس والله عندي شغل

-ماشي اسفه عطلتك

-اششششش انتظريني بلليل

شفق:راح ضجت مااعرف ليش
رجعت طلعت المحادثه من البداية اقره وكل كلمة غزل طيرني لسما كلت شنو سالفتي معقوله حبيته لالا مو حب يجوز اعجاب اي عجبني اسلوبه
سمعت صوت جوة كمزت من الجرباية عرفته حرير اختي نزلت فرحانه سلمت عليه

حرير:هلو حبيبتي شفق شلونج

شفق:زينه وفرحانه لان جيتو

حرير:فرحانة امم شعجب ولج شصاير

شفق:مااعرف المهم فرحانة

حرير:الله يديم عليج الفرح تعالي كعدي مدام فرحانة اني جيت علمودج

شفق:خير شكو

حرير:صديق وليد تعرفي الي تقدملج قبل فتره هسه هم رجع رادج

شفق:بربج حرير مو بس طيرتي فرحتي لعبتي نفسي

حرير:ليش ولج والله الولد زين وميتفوت ياعوبه

شفق:بعدني جاي احجي
ويفوت احمد ورفاه كال السلام عليكم اباوع رفاه شصاير بيه رايحة مفججة تمشي ع كيف قهرتني كمت كتله حمدالله ع سلامتج حبيبتي

رفاه:احمد عفيه اخذني للغرفه تعبانه

شفق:هزيت ايدي كلت مو صوجج والله اظاهر احمد سمعني اندار عليه وبعلو حسة لج شففققق افرك حلكج فرك بعد اذا سمعتج تندكين برفاه بعد
احترك دمي حرك هذه وتاليته وياه فوكاه كتله مد ايدك عليه وشوف شسوي

احمد:شفق ولي من وجهي

حرير:هاي شبيك جاي حامي علينه

احمد:انتي لتدخلين حرير

حرير:اظاهر نسيت روحك اني اختك الجبيره تحترمني وتسمع كلمتي افتهمت لو حته هاي نسيته

احمد:اذا جيتج تسوي مشاكل بعد لتجين لو من تجين لتدخلين

حرير:لا انته صدك طوخته
اني رايحة ياابن امي وابويه بس اكلك كلمة تذكرهه ويه متذكرني اني جان عندي اخ هسه مات دتسمع انته متت

شفق:الدمعه وكفت بعيني حرير اختنه الجبيره شلون هيج يحجي وياهه متت قهر سوده عليه هستوه جتي رجعت لمت جهالهه وراحت
اني هم انداريت عليه كتله واني هم احمد الي يسالني عندج اخ اكله لا ماعندي اخ لان الي مثلك حرامات يسمه اخ

احمد:شمسويلجن كبيتن عليه ها شسويت لو ما بعيني جاي اشوفج تعيلين

شفق:وهاي عينك وين جانت من سلمت عليه ومردت لبستني واحمد صعدني فوك

احمد:طبعا هسه تذكرتي اصلا هيه ماخذه ع خاطره عليج لا خابرتي لا سالتي

شفق:ميفيييد الحجي وياك ضايع

احمد:ها من تعرفين روحج غلطانه يصير الحجي ضايع مو

شفق:مدرت بال عفته وصعدت فوك كمت مااهتم من يحجي اعصب اي بس تعلمت لكيت روحي لا اراديا لزمت التلفون ودزيت مسج ل قيصر

-هلو
انتظرت ماكو رد تندمت كلت هسه اني ليش دزيت شويه ودز هو

-هلا وغلا
تدرين مرتاح حيل

-ليش

-لان احس تعلمتي عليه
شنو سالفتج كل هذه تفكير

-قيصر

-عيونة لقيصر بس امري

-ماشي اني منتظرتك شوكت متجي اني موافقه

-لا بربج
عكب باجر اني يمكم والله

-ههههههه ماشي
شنو شو مستعجل

-والله اخاف اريد اخطبج حته اامن

شفق:ظلينه نسولف كال اريد اتصل مقبلت اخاف حيل وغرفه احمد يمنه يروح يسمعني شكد لح بس اسمع صوتج ردت اتهرب منه كتله باجر من احمد يطلع اني اتصل بيج بس شويه وسده ضلينه نحجي رسايل بعدين نمت كعدت الصبح كلعاده دازلي مسج شفته ساعه سبعه ونص شكد انقهرت عليه يعني عنده كعده من الصبح ومكلي بقه سهران كلت هسه اكيد نعسان اخابره من اخلص شغل نزلت تريكت بس شو مالي خلك للشغل كوة كمت لان اعرف ماكو غيري ينظف لزمت التلفون وتصلت وكلبي يدك وكفت بلمطبخ كدام السنك عيني ع الكراج وظهري ع المطبخ دك واني متردده ومستحية بس كلت وعدته خطيه رد

-الووو

-الووو

-رحت فدوه لهلصوت شلونج عمري

-زينه هاي ليش مكتلي البارحة سهران ويايه متاخر وانته عندك دوام الصبح

-هو اني ممصدك نفسي احاجيج ترديني اكلج غير انتي راحتي يانوم هذه

-ههههههه دائما تغلبني بكلامك
يله هاي وفيت وعدي خل اروح عفيه

-يله روحي ديري بالج ع روحج باجر ان شاء الله يمكم هسه انطي خبر ل احمد

-ماشي
سديته منه وحضنت الجهاز اجاني صوته من وره

رفاه:والله كتله اختك مو راحة مصدك......

يتبع...