رواية ميل اوطاني(الجزء الأول) ....مكتملة الفصل التاسع 9 - بقلم laylaabd

بارت8
(ميل اوطاني)

شفق:حس عليه خجلت ضحك بصوت عالي كلي لعد امشي لبسي غيره وكلما ممستور يكون احسن كتله قييصرر حجيته بدلع

قيصر:من حتركو عشيرة قيصر لج اني مو حمل هيج رجال محروم تجين انتي عليه مااتحمل كل هذه

شفق:ههههههه

قيصر:اروح فدوه لضحكتج
تدرين شفق اني معرفت الحب اله شفتج كمت اتلوع بلليل كله والله صورتج متفاركني اكول صدك هيج وتصير مرتي ممصدك تدرين

شفق:قيصر اريد منك وعد
اريدك توعدني متظلمني بيوم واريدك شيصر تسمعني

قيصر:وعد حبيبي اصيرلك الي تريده تعالي كافي حجي

شفق:اذا اكول عشت احلى ليله ويه قيصر احس هيه اكثر من هلشي يمكن بحياتي مراح تمر عليه هيج ليله مرتاحة وغامرني بحبه وحنانه اول مره اشوف هيج اهتمام اول مره احس روحي صدك بنيه كلامة وغزله جنت احس روحي طير
اني عشت حياتي دائما انطي
نطيت مشاعر وحب لشخص غلط وبلمقابل كلشي مااخذت
انطيت حب وحسن نية ل اهل وكلشي مااخذت
فجاه اجه الي دينطيني بدون مقابل
يعني بدون كلمة احبك وبدون حبيبي وحياتي باابتسامه فقط احس اني مالكة قلب قيصر اذا ادللهه وسمعه كلام حلو شيسوي يمكن صدك مثل مكان اعيش ملكة
اول اسبوع من زواجنة قيصر جان بلبيت بس ميطلع وميقبل ننزل اهواي وكلما اريد انزل يكلي ابقي شتردين اني اجيبلج اضحك ع سوالفه اكله خل انزل يكلي ممنوع من وره الاسبوع بدت معاناتي

طالع قيصر الصبح اندكت الباب كلت تفضل طبت براء تضحك

براء:صح النوم عيني شمسج عاليه

شفق:تحجي وراحت فتحت الشبابيك جرت البردات وفتحت الشباك كتله ليش ساعه بيش

براء:بل ٩

شفق:تره بعد وكت

براء:لا عيني يمه يابعد وكت لازم تكعدين سبعه ونص بثمانية

شفق:ليش شكو

براء:غير نخبز مال يوم كامل
احنه هيج الخبز يوم بيومه الصبح اول منكعد نخبز لليوم ليكدام والغده والتنظيف شنلحك عيني

شفق:ماشي هسه انزل
كمت غسلت ولبست دشداشه هيه مثل لبسهم وشال خليت ع راسي ونزلت للمطبخ شفت عمتي كاعده تتريك كلت صباح الخير

ام قيصر:صباح النور
كلتلج براء شوكت تكعدين منا وجاي

شفق:اي عمه كالت

ام قيصر:اي لان مو بس براء تشتغل انتي هم لازم تشتغلين كافي عليج اسبوع

شفق:حمويني كلهم طالعين بيوت وحدهم وحته مرت قيصر كاعده بيت بصفهم بس لحد هسه مشفته لاهيه ولاجهالهه كلهم بنفس المنطقه حايط ع حايط احنه بلبيت كاعدين ويه عمتي وحماية حسين وبراء ابو قيصر متوفي
تريكت وهيه تباوع عليه بعدين سمعته تتأفف

ام قيصر:هاي انتي حتضلين دومج هيج حبيبة خفي ايدج صااار الظهر

شفق:كالته بعيطه بحيث راسا كمت لميت الاكل شفت براء جاي تخبر

ام قيصر:يله اكو دجاجات ع السنك ٣ نظفيهن وطبخيهن وطبخي تمن ومرك

شفق:خاله شدعوه

ام قيصر:شنو شدعوه شنو سوي الي كلت عليه يله

شفق:اني صح اشتغل بيت اهلي بس بيتنه صغير وماعدنه احد نطبخ قليل كلشي ع كدنه هنا كلشي اهواي خليت مي ع النار وبديت اهلس بلدجاجة وهيه واكفه ع راسي بساع راح الوكت واني هم اركض ركض علما خلصت صرت خيسه حته ريحتي تلعب النفس فتحت بطنهن ونظفتهن زين خليت البصل والبهارات هاي كله تباوع عليه ذبيج الدجاج بعدليته سلكته طبخت تمن سويت مركه تبسي هلكت صدك هلكت من نسلك الدجاج طلعته خليته بصينيه الفرن وخليت عليه صلصه وداير مدايره خضروات وذبيتهن بلفرن حسيت روحي دجاجه مو مراه كتله خاله خلصت حروح اسبح كالت روحي ومنا وجاي كعدي من وكت علمود التنظيف كتله صار صعدت دخلت للحمام سبحت واحس بعده بيه ريحة دجاج رجعت مره ثانيه سبحت وطلعت تعطرت ملابسي غسلتهن كلت تصير ريحة بلغرفه كملت شويه خليت مكياج ونزلت شفتهم كاعدين كالت مخابرتي زوجج شوكت يجي كتله لاوالله بعدني مخابرته واني جاي احجي جان تدخل مرت حازم هيه وحازم وجهالهه صفنت جان تصيح عمتي يله حضري الغده زوجج ع جيه هو هيج وكت يجي اني هم كمت طلعت ماعين وبديت اصب وصدك توني داخلص طب قيصر

قيصر:الله يساعدج يالغالية

شفق:كلبي طار عبالك صار سنه مشايفته لا اراديا ركضت عليه حضنته وبست خده

قيصر:ولج ولج كون شايفتج الحجية بووووية شتسوي

شفق:ليش حرام غير انته زوجي
اشتاقيتلك والله

قيصر:بابا اني موحمل دلع يله تعالي اريد اسبح حضريلي الحمام

شفق:بس اني جاي اصب

قيصر:لعد اغسل واجي اتغده بعدين اسبح صبي شنو وحدج لعد وين براء شنو وحدج بلمطبخ

شفق:كتله مااعرف شو خاله كالت صبي
وصدك راحلهم للهول سلم وكعد وسمعته كال روحن ويه شفق هم يله صبن وجيبن الاكل
عاد كامن ساعدني خلصنه الغده جان عمتي كالت غسلي الماعين ردت ابجي هستوني داكول حاضر حجة قيصر

قيصر:لا يمه اريدهه بشغله خلي غير وحدة تغسلهن

شفق:عوجت حلكة وهزت ايدهه
وكضيت هيج وياهم من يجي قيصر ميخليني اسوي اشياء قليله بس الصبح تكرب عليه اذا موغده تنظيف وخبز لازم شغلتين براء حبابة ومالهه دخل بس تضحك كلش تعبت فكرت بحجاية قيصر اول مااجة خطبني كال اخليله بيت كلت من يجي احجي وياه بلكي
اجه وركضت جبتله مي دنيه صيف خطيه واضحك بوجه هو هم مكيف ميدري اني ورايه شغله كتله تعال اسبح كال والغده كتله اني اصعده فوك نتغده اني واياك وحدنه ابتسم
وصدك صعد هو اني حضرت اكلنه وصعدت وراه انطيته ملابسه ونزلت خليت الاكل بلصينيه وصعدت خليت الاكل بساع نزعت حجابي وغيرت دشداشتي وخليت كحل وحمره بساع بساع اخاف يطلع وكعدت يم الصينية هو طلع يفرك شعره بلخاولي شافني ضحك كال شنو هذه كله اليوم
كتله غير حبيبي ودللك

قيصر:اي والله كثريلي دلال
اللله احلى حياة ترجع تلكة هيج وجة يتلكاك وتتغدون سوه امي دائما تدعيلي ويمكن الله استجاب

شفق:ههههههه
يله اكل كمت اكل وسوي حركات دلع وهو صافن عليه متاكدبكلبه كال هاي متخبله اليوم لا والي زيد الطين بله كتله اني اوكلك زحفت وصرت بصفحة حيل وكمت اوكله وهو صافن عليه مره يباوع ع عيوني مره ع ايدي خلصنه كام يغسل اني هم غسلت ولبست حجابي نزلت الصينيه غسلته شفتهم غاسلين ماعينهم داصب جاي لقيصر فاتت عمتي

ام قيصر:هاي الحركة الي سويتيه اليوم متنعاد زين ابني يكعد بنصنه ياكل فاهمه

شفق:بس عمه اني جن....

ام قيصر:اششش كتلج هنا ميمشي عندي هلحجي

شفق:ضجت حيل بس شحجي سكتت كتله عمه من رخصتج اودي جاي لقيصر وصعدت شفته كاعد مرتاح ومسلطن متمدد ع الجربايه

قيصر:هلا بمريتي تعالي يمي

شفق:قيصر اكو موضوع اريد احجي وياك بي

قيصر:شنو حبيبي كولي محتاجه شي فلوس شي كولي

شفق:لا ممحتاجة فلوس

قيصر:لعد شبيج شو احسج موطبيعيه شتردين

شفق:اذكر اول مره من اجيت تخطبني كتلي احطلج بيت حالج حال ام كرار شنو شو كعدنه وية اهلك

قيصر:ها

يتبع....