رواية ميل اوطاني(الجزء الأول) ....مكتملة الفصل الثامن 8 - بقلم laylaabd

بارت7
(ميل اوطاني)

*رجاااااءا الي يحس القصه مو مقنعه وماكو هيج واقعيا ليقراهه

لتنسون التصويت حبايب🌹❤️

شفق:كتله وديني ل اختك كال امشي اجر تكسي صعدنه وظل يمشي وره شوية دك جهاز قيصر اندار عليه كلي هذه اخوج قلبي رجف كتله شيريد

قيصر:الووو
ها اي وياي شبيك احمد وحق هو ابو فاضل ماعندي شي وياهه بس حجيت وياهه علمود تقتنع يابه هاي مسجات وشوفهن واني شتعرفني هيج ناقص
بس تنطيني الامان
ها احلف بروح ابوك
ماشي ماشي هسه جايين

شفق:سد الخط وكل للسايق وديني وانطا عنون بيتنه كتله قيصر شنو

قيصر:احمد كال تعالو عمامي هنا واذا تريدهه اطلبه منهم

شفق:صدك
والله ماادري يله احسن من مااروح ل بيت اختك بله شتكول عليه
وصدك وصلنه شفت اثنين من ولد عمي بلباب شكد خفت وكفت السياره نزل قيصر نزلت وراه اجه واحد من ولد عمي راد يجرني وكف قيصر كله وحق هذه الله سوت عمليه مااخذته وشردت الحجية موجوده وسألوهه باوع عليه من وره قيصر كلي امشي طبي
طبيت للمطبخ شفق رفاه واكفه وامي وحرير كتلهم متصدكون مو رفعت دشداشتي امي شهكت كامت تبجي كالت والله كتلهم تخربطت فدمره وكلت خل الولد يلحكة كتله يمه الي يريد يصدك جان صدك وباوعت ع حرير جانت ساكته محجت شي كتلهم اريد اتمدد الجرح كام ياذيني اخذتي امي للجرباية وقيصر جان بلاستقبال وره شويه اجتي حرير للغرفه كالت وين تلفونج كتله مااعرف عفته بلبيت كامت امي انطته اياه وراحت اظاهر عمامي رايدي جانت هدوء وراهه سمعت عياط من الاستقبال فرزنت صوت احمد جان يعيط وهوسه جتي رفاه كالت ارتاحيتي هسه من تكاتلو ارتاحيتي الولد من اجة ليش مقبلتي
ظليت ساكته مالي خلك احجي وره وين دخل احمد عيونه جانن دم كلي سمعي هلكلمتين اسبوع الاخ يجون هو واهله لا عرس ولا حنه ولا هم يحزنون تعقدون وتولين للبصره بس اكو شغله تخليه بالج اهل ماعندج بعد فاهمه اذا رجلج عتبت هلباب اكسره والله العظيم اذبحج والله جربي وشوفي تطلعين من هلباب مااريد اشوف وجهج ومااسمع بيج ولا عندي اخت فاهمه كتله انته ليش مدصدك قريت الرسايل شفت والله مسويت شي ومنهزمت هاي ضربتك هلكد ماقويه صار بيه مصار اعور التهب وشالو امي مو كالت

احمد:اي جنت عبالي دتضم الج
المهم هسه مو زين من عدنه رحمناج ومحد طخج حظلين عايشه ويه الي ردتي وهو الي طعني بظهري مااريده بعد صاحب مع الاسف عود دخلته بيتي هيج يسوي وياي هو انتو واحد لايك للثاني تزوجين وتنسينه فتهمتي

شفق:عافني وطلع ظليت ابجي وامي تبجي وياي

رفاه:ع شنو البجي مو الي ردتي صار بعد شكو

شفق:انتي تنلصمين حقيره الي يسمعج انتي شريفه مجنتي مسويه علاقه ويه احمد قبل الخطوبه والله اعلم شكو بعد صوتج مااريد اسمعه فاهمه واريد اشوف بيج يوم ع الي سويتي بيه
ضاجت وطلعت لو بيه حيل والله جان كتلته هو متبري مني متبري مني خل اطلع ظيم كلبي وشيريد يسوي خل يسوي
قيصر قبل ليروح رايد امي يحجي وياهه منطيه فلوس كايللهه شتريد تشتريله اعتبري هذه جهازهه والي عرفته اهلي كلشي مرايدين منه كايليله بس اخذهه ومنريد نشوفه بعد شكد انقهرت هاي حظل لازكه بيه طول العمر اهلي هيج سوو
كضيت الاسبوع كله بغرفه امي اطلع ع كد الحمام مره وحده صرت بوجه احمد باوعت عليه جان بكلبي عتب ليش هيج يااخوية لحظه حسيته حن عليه ورجع مثل قبل بس محجة حرير الي سمعته وليد محذرهه متحجي وياي وهو مقابل ع تصرف احمد وعمامي لان حيعوفوني اتزوج يريد عقوبه اقسى ولذلك سحب حرير من عدنه
ابد مطلعت لا سوك ولا اشتريت امي طلعت ممخليه شي بلسوك ممشتريته اباوع عليه نقهرت معتبرتني صدك عروس شوف كلب الام
شكد مااوصفلكم امي قليل فقيره وتتحمل وحنونة باوعت عليه ابتسمت طلع تشوفني كلشي جايبته حلو بس اني الي نفسي مدتتقبل قبل يوم طلع جابتلي كوستم ابيض وماروني القميص الجواه يخبل جان
قبل بيوم اني حضرت كلشي مااعرف شسوي او شراح اكول لان حته اتصال بقيصرماعندي رتبت الجنط والغراض كلهن ونمت الصبح امي كالت نحجز عند ام الصالون مقبلت كتله اني اخلي اعرف للمكياج شي بسيط وهاهيه
وره الغده احمد كال تحضري وبدلت رتبت روحي وكعدت انتظرهم الظهر اجوي جانو زلم اهواي ونسوان ٣بس امه ومرت عمهم واخته ارملة اسمه براء حبابه شفته لان من طبت تضحك عمتي الي هيه ام قيصر وجة ميكصه السيف عبالك جايبيه كوة اني لعنت الشيطان وظليت اتبسمعاد حجت الام

ام قيصر:اي خيه البنية حلوه وصغيره شعجب لعد مقابلين تسون عرس تردوهه سكتاوي

ام احمد:ها لا موسكتاوي هاي عمامه موجودين ولد عمامه بس هيه سوت عمليه قبل اسبوع الزائده وهم انتو بعيدين كلنه شيجيبكم النه

ام قيصر:ها
خير ان شاء الله

شفق:ظلت تباوع عليه اباوع ع براء بس تضحك شكد تنحب وتدخل للكلب مرت عمهم حاله حال امه هم عبالك كوة جاية متاخرو ساعه وصاحوني كالو يعقدلكم السيد واني هم رحت وصدك عقدنه سيد وقيصر كال بعدين نعقد محكمة شفت جنطي بيد قيصر ديطلعهن ويسفطهن بلسياره متت قهر مدري شبيه بجيت امي حضنتني وكامت تبجي حرير اصلا مجتي اشم بريحة امي وشهك لحد مكالو حنتاخر و ودعت اهلي عفت ناسي عفت اماني حته لو مجانو الي الامان بس يبقون اهلي بلسياره براء ظلت تضحك وتنكت تريد تغيرلي جو وصدك غيرتلي جو

براء:صلوات صلوات بلعافية عليج قيصر هههههه

قيصر:كولي ياالله لتروح بيه البنية

براء:ليش شنو قصدك احسد انه رحم الله والديك

شفق:ابتسمت وشفتهم يحجون بس بضحك يعني مو زعل بعدين حجت امهم

ام قيصر:اول مره اشوف هيج عرس فصليه منطيهه اهله خوما فصليه

قيصر:يمممة شنو السالفة

ام قيصر:داسال غير من الي شفناه

شفق:عرفت حياتي مو سهله والي جاي حيكون صعب
صعب حيل اصعب من الي راح بعد ساعات بلسياره وصلنه دنيه ليل اني متكسره تكسر وداني يم اهله دخلت شفت نسوان اخوته اثنين هو عنده ٣اخوان حازم واثير وحسين
ومن عدا براء بعد اثنين خوات غسق وتغريد
شفت مرة اثير ومرة حازم حسين ممزوج يجي عمره ٢٧سنه اكبر مني يعني وهو اصغر واحد خواته مشفتهن اظاهر مجايات باوعت ع لبسهم دشاديش وحجاب ومبينات من ذني النسوان الشاغولات باوعت ع روحي اني مو مثلهن هن ضخمات اني ناعمه مو ناعمه بس بلنسبه الهن ناعمه كلهم ضخمين ظلن يباعن عليه بنظرات ساعات احسه اعجاب ساعات احسه تعجب

قيصر:حبيبتي متصعدين ترتاحين

شفق:اي هسه اصعد كال يله كومي كمت كتلهم من رخصتكم ابدل كالو اخذي راحتج جان لازم ايدي قيصر شكد خجلت ممتعلمه عليه كلشي حيجي فجاه يربي
فتح باب غرفه طبيت جانت الاخشاب جديده بقه لازم ايدي سد الباب وجرني للجربايه كعدني صرت مقابيله

قيصر:نورتي البيت ياعمر قيصر

شفق:خجلت ابتسمت نزلت راسي واني الافكار متضاربه براسي شيريد يسوي

قيصر:رفعي راسج اريد اشوف عيونج

شفق:رفعت راسي كال نزعي حجابج اريد اشوف شعرج
كتله بس مخلاني اكمل شعري صح سرح بس بي رده يعني من انزع الشال لازم ارتبه منطاني مجال

قيصر:اشششش نزعي

شفق:نزعته واعدل بشعري
مد ايده جر الشال شمرة ع الجربايه وخر القراصه نزل شعري وهو طويل ظل صافن كلي شكد حلوه بدون حجاب شكد تخيلت شعرج متوقعته هيج حلو هذه اذا ينكص اعدمج
ضحكت كتله لا ابد اصلا اني كلش احبة

قيصر:واني احبج اكثر

شفق:محيت اله هو يقترب مني حط شفايفه ع شفايفي هيج فد رجفه خفيفه سرت بجسمي عيوني ثكلن وخر عني وضحك

قيصر:هاي مقبلات بعد ورانه الليل طويل كومي بدلي خل اجيب عشه

شفق:خجلت منه بس مرافضته مستحية اي بس كرفض لا نزل جوة اني فتحت الجنط شفت دشداشه اوف وايت شكد حلوة امي تعرف ذوقي ستن تخبل بيه كشكش من فوك من نفس القماش والصدر فيونكة صغيره وذابه ع جسمي الغرفه بيه حمام رحت غسلت ايدي عدلت وجهي جان المكياج مخربط طلعت واكفه كدام المرايه جان يطب

قيصر:يايمه لحكيلي احتركو عشيرتج لج هاي شنو

شفق:اني الفطيره مدري الثوله اندمجت وكتله عود هاي استر شي حجيته وصفنت عليه شكد عيب .....

يتبع...