رواية ميل اوطاني(الجزء الأول) ....مكتملة الفصل الثالث 3 - بقلم laylaabd

بارت٣
(ميل اوطاني)

لتنسون التصويت الي يقره ياريت يصوت 😍❤️🥰

شفق:انداريت والكه احمد مجتف و واكف ورفاه تبجي كتله تعال شوف مرتك

احمد:لا شفت وسمعت
شوفي شفق ماطول اني موجود رفاه اني احاسبه مااقبل تحجين وياهه بهيج اسلوب هلمره حذرتج مره الثانيه اتصرف غير تصرف

شفق:هه
غير تصرف مثليش مثلا تمد ايدك عليه لخاطر هاي

احمد:ششسشفففق

شفق:اخو خيتك يااخوية اخو خيتك
عفته وركضت فوك قفلت الباب وظليت ابجي هيج صارت توكف ويه مرتك ع اهلك وياريت عدهه الحق شبعت بجي لزمت تلفوني وبقيت اكلب بلفيس شفت جاني طلب صداقه من ولد ورساله ع الخاص مسحت الرساله وحذفت الطلب جان مكتوب الرجل الاصعب هزيت ايدي كلت لا مبين رجال كلش بقيت افتر بلكروبات لحد ممليت فتحت الباب ونزلت لخاطر امي خطيه تبقه وحدهه نزلت شفتهم بلهول احمد ورفاه ديباعون تلفزيون لبستهم ولا جني شايفه بشر رحت للمطبخ شفت ماعين العشه لهسه ع السنك وكفت غسلتهن وعود مبقيلي عشه تعشيت ورحت لغرفه امي شفته كاعده ع الجربايه ومبينه باجية

ام احمد:ها شفق حبيبتي تعالي

شفق:شبيج يمه

ام احمد:مابيه شي بس غسلت ايدي من اخوج بعد
اريد افهمه مرته شحجت وشلون تجاوزت كلي كافي سدي الموضوع اني سمعت وشفت
هم شريد اسوي ظليت ساكته لو تدرين مكلت الكباب اني كليته ونزلو تعشو ولا كال اخوج منو حضر العشه شفق فوك زعلانه غير يكله امي متشتغل كومي انتي ولا يمه هاي تعشت وكعدت

شفق:واني غسلت الماعين
صدك نغسل ايدنه منه
يوم عن يوم احمد كام ينسحب من عدنه لا يتحمل من عدنه حجاية ولا يسمع وهيه تنزل تتعشه وتتغده وتصعدلو تسوي شغله لو لا وبيوم كالت اني شاكة بروحي حامل اي فرحت طارت من الفرح سوده عليه وكلتله اليوم نروح للدكتوره شو هاي كلتله لا اني واحمد بس نروح وصدك اخذهه وراح وره وين اجوي هيه مبتسمه وهو الضحكة شاكه حلكه وكال ل امي رفاه حامل والدكتوره كلتله ابره متشيلين من الكاع موزين

ام احمد:الف مبروك حبيبي يارب تكوم من بلسلامه وافرح بي واشوفه قبل لا اموت

احمد:ليش هيج تكولين يمه ان شاء الله تشوفي وتشوفين اخوته هم

شفق:اني ولا يمي الموضوع حته مباركتله ولا حجيت ومباوعت عليهم هيه صعدت فوك كلعاده حضرنه العشه نزلت تعشت ورجعت صعدك واني النار تغلي بيه وبيوم اجه احمد كال تعالي عندي حجي وياج اني من يوم الي رزلني بعد مباوعت بوجه ولا حجيت وياه

احمد:مو وياج هيييي

شفق:شتريد احجي مو طرشه تره اسمع

احمد:يمه شفق اجوهه خطابه

ام احمد:ها صلوات منو

احمد:ولد صاحبي حاجاني عليه

ام احمد؛اي شكو بيه اذا صاحبك وخوش ولد ليش لا

احمد:اي بس تره عايش بلبصره

شفق:سدو الموضوع مااروح ولا اريد اتزوج

احمد:ليش ياثوله وين تلكين احسن منه

شفق:حياتي واني حرة
زواج مااريد اتزوج حته خوش انته ومرتك تلعبون طوبه باامي

احمد:ايا ادبسز ليش شمسويله حته هيج تحجين

شفق:انته تعرف كلش زين شمسوي

احمد:صايره فدمره انتي شوفي لج اذا منعدلتي والله حضج اطيحة

شفق:عفت الغرفه وطلعت
صعدت فوك خابرت حرير بجيت كتله تعالي ضايجة وصدك خطيه ثاني يوم جابه وليد هيه من تزوج احمد قللت كلش تكول اخاف تصير مشاكل جابت جهاله وجتي فرحت بيه كلش
سويت اشكال كيك ولحم بعجين وبيتزا اطلع حركتي بلطبخ والشغل هيه اول مطبت باوعت بعيني بنظره راسا بجيت وشبكته حضنتني طبطبت عليه

حرير:بعد خيتج تحملي ميخالف ادري وحاسه بيج بس تحملي لخاطر امج مااريده تشوفج هيج تتاذه

شفق:اي خطيه واني علوده ساكته
رفاه فوك منزلت صبينه عشه وتعشينه وتقصدت بيومه مااعزللهم
كضيناهه ضحك وشقه بلهول ويه جهال حرير دزيت ابنه الجبير جاب حلويات وحب وجبس وكعدنه كله ناكل ونضحك طب احمد سلم وركض صعد فوك

حرير:تهي تهي هذه شبي اخوج شو صاير فدمره

شفق:سكتي حرير هذه الي دتشوفي قليل
وره شويه نزلت رفاه طبت للمطبخ وطلعت جتي للهول جان تكول

رفاه:خاله هاي شنو ممسوين عشه

ام احمد:ليش ممسوين
سوينه وتعشينه وغسلنه ماعين

رفاه:لعد شو معازلينه

ام احمد:حبيبتي ذاك المطبخ وروحي سوي اكل الج ورجلج

شفق:شو هاي خزرته وراحت صعدت فوك وره شويه نزلو مبدلين واحمد ضايج

ام احمد:ها يمه وين رايح

احمد:نتعشه بره

ام احمد:صدك جذب مو هذه مطبخ مطب مرتك تسوي عشه

رفاه:عمه شسوي عشه وين الحك ثانيا انتو مكلتو نشيللهم ليش اني اليوم مو ساعدتكم بلتنظيف مع العلم موزين عليه كايله الدكتوره

شفق:صفنت عليه شساعدت بلتنظيف
لزمت المكناسه ام العوده شلون مجان كنست وصعدت واني عدت وراهه ظليت ساكته اني هو اخذه وطلعو

حرير:هذه شبي من كل عقله شو صاير خيخه فدمره

شفق:هو هذه اخوج

حرير:والله هاي مال الزمه ابسطه بسطه حته تعرف الله حق

شفق:امي ظلت تحجي وكالت عوفوهه ومالكم دخل بيه وصارت رفاه اضرب من قبل احنه نسحبنة فدمره منه هيه والماكو سوه مره نزلت كالت

رفاه:بضحك شفق شراح تلبسين

شفق:البس ع شنو

رفاه:عرس مسلم الخميس

شفق:اي ع الخير واني شنو دخلي بلموضوع

رفاه:ليش متحضرين

شفق:لا طبعا مااحضر مالي خلك

رفاه:ليش عوفج من الكرابه ع الاقل حسبي حساب العشره ههههههه

شفق:ولي من وجهي رفاه خلفله ع اخويه الي طلع كد كلمته وتزوجج لان جان صار حالج حالي بس هو حظ

رفاه:هههههه عاذرتج والله لو شماتكولين صدك صعبة الله يعين كلبج
ههههههههههه

شفق:نرفزتني كوة لزمت اعصابي صعدت الوب بلغرفه ياربي شنو هاي تجي تعيرني وهو ياريت يسوه مسلم امده حضي ااااخ اني صوجي شجنت اكول لروحي من احبه هو هذه شنو هذه
وبيوم عرسه مرحت وامي علمودي هم مراحت
راحو بس احمد ورفاه وحرير
وجتي حرير هلكد عيبت ع مرته كالت الفرق بينكم السما والكاع كالت انتي وين هيه وين بس جسمج يسوه عشره منه
ضحكت كتله اي وبلتالي منو الي حضه كعد عمر الجسم والجمال ميكعد حظ وبخت كالت والله صدك
وكل شويه معيبة عليه لحد ما عطت كتله تسدين الموضوع لو شلون
ضحكت وسكتت
راحت ايام واجت ايام ورفاه كلما بطنه تكبر كلما تتنعوص بلزايد خلك الهه مضل عندي حته كمت ماارد من تبسمر مره كال احمد نروح لبيت مسلم كتلهم مااجي رفاه عرفت السبب وزت احمد كلتله شلون تبقه وحدة بلبيت هو هم نفش ريشه وشلون يصير وعيب اني هم من لا جاره بدلت وحطيت كحل بس يبرز عيوني واني بشرتي ابد ممتعبته ومعتنيه بيه مكياج مااخلي اهواي ونزلت رحنه جان مار ع زواج مسلم اربعه اشهر وجانت تقريبا رفاه داخله بلسادس وطلع بيه ولد
رحنه واني عادي اصلا ولا عبالك جان اله بكلبي حب بلعكس الحب تحول حقد وكره دخلت وكعدت بلاستقبال جني امه وخواته ونسوان اخوته وبنيه اول مره اشوفه عرفته مرته اكو بنات جسمهن ضعيف بس حلو مرتب اكو بنات جسمهن هم ضعيف وهم مرعبل هيه هيج جانت ضعيفه وجسمه مخربط درت وجهي عنه اني وظليت ساكته ساعه اكلب بلتلفون ساعه العب بااظافري لحد ما سمعت صوته ومهز مني شعرايه سلم ع امي وسلم عليه اني هم رفعت عيني ورديت السلام شفته صافن عليه درت وجهي ولا عبالك بعده يباوع بكلبي كتله عسى عينك بلفكس خلصنه منهم ورجعنه للبيت بلليل جنت دايخة ونعسانه يادوب بس سبحت وخليت راسي ع المخده ونمت كعدت الصبح اشوف ساعه بيش لكيت رقم غريب داك عليه مكالمتين ب٣ بلليل صفنت هذه منو عفت السالفه للعصر اجاني مسج من نفس الرقم
(اسف
صدك لو كالو جرب غيري تعرف خيري واني لو الف العالم مااتوقع الكه مثلج بعد)

صفنت واجتي بالي الافكار منو هذه مسلم معقوله شيريد مني سنين واني وياه من المتوسطه جنه بس من نتشاوف نتبادل نظرات لحد الاعداديه من صار عندي جهاز وتخرجت وصار عمري ٢٣سنه هسه جاي يكلي ماالكه مثلج كلت الف الحمدالله وشكر من مصار من نصيبي اني مو هذه الي اتمناه مسحت المسج وخليت الجهاز ع الميز وراه بفتره امي حجت ويه امهم وسولفتله مشاكل هو ومرته فدمره صايرين دمايه حته ضرب يضربه اني اسمع وابتسم رفاه كدامي

رفاه:شو ضحكين جنج متشمته

شفق:لا حشاه بس فرحانه لان الله يحبني

رفاه:اممممم بس ع حد علمي هو بمشكله من مشاكله وياهه كله اني اريد اتزوج عليج الي تسوه راسج

شفق:شنو

رفاه:اي كايل يريد يتزوجج يعني انتو رجعتو علاقه
شنو مستحيتي رجال تزوج بعد تردين تهجمين بيته

شفق:انتي شدتخربطين اني لا يمه ولا حواليه هو الي رجع دزلي مسج واني حته حضر انطيته

رفاه:ها شوفي شكي طلع بمحله

شفق:انتي شرايده مني ليش هيج كارهتني شمسويتلج اني

رفاه:او ليش تعتبري كره ليش متعتبري من خوفي عليج وادري نهاية هلشي شنو جاي انصحج

شفق:حمدالله عقلي براسي ممحتاجة نصيحة من احد

رفاه:بكيفج عيني اني شداخل بجيبي

شفق:ظليت افكر هذه ليش هيج ديااذيني مااجه خطبني من جنت وياه جاي هسه وره مزوج يحجي بيه بس يريد يخرب سمعتي واطلع هجامه بيوت حسبي الله ونعم الوكيل هن يومين مرن ع حجي رفاه ودخلي احمد بيوم اكشر عيونه براسه وجة احمر جنه كاعدين بلهول

احمد:لج شششفففققق

شفق:ياستار شكو

احمد:شعندج ويه مسلم كلبة

شفق:احس قلبي صار بين رجليه احمد من قبل الزواج ميتفاهم بهيج مواضيع هنوب تزوج رفاه حية ترسته سم شحيسوي ظليت اجر بلحجايه
كتله شعندي ماعندي شي وياه

احمد:شلوون ماعندج شي وابو خابرني كلي ابني اذا مسلم اجه ع اختك لتوافق لان احنه كلنه مقابلين ومنجي وياه وشمرلي كم كلمه حسيت ديكلي لم اختك

رفاه:يووو يااحمد هسه يجوز الولد يريد يكفر عن ذنبه واذا راد يزوجه

شفق:كمت ادك ولطم كتله لج ياذنب

احمد:شتقصدين رفاه

شفق:هو جان مواعدهه بلزواج قبل ليزوج بس عافهه وراح اخذ غيره

احمد:ها
شلون واعدهه واحنه وين جنة واني شنو مكرن اختي تتواعد من ورايه

شفق:جتي حطت بانزين ع النار احمد كام ميشوف كدامه هجم عليه ل اول مره يمد ايده عليه لزمني من شعري ويعت بي حيل حسيت حينشلع بيده واني احلفله ماعندي شي وياه مبقه لا راشي لا فشار لا غلط تكسرت سحلني ع الدرج لغرفتي الفوك شمرني وقفل الباب واني ادعي ع رفاه وتحسب وابجي واسمع امي تبجي وتتوسل بي يفهم مني ماكو ميسمع من احد وظل قافل الباب وره وينسمعت صوت حريرمن وره الباب دك الباب جنت نايمه كمت جسمي مكسر كعدت وره الباب واحجي وياهه

حرير:لج شفق شصاير صدك هلحجي هذه الكلب مسلم سوه هلدكة

شفق:شفتي الحظ حرير شفتي هسه صرت عزيزه وكاتل روحة عليه مااكول شي بس حسبي الله ونعم الوكيل هذه اخوج ميسمع وميتفاهم ومرته الحية هيه السبب

حرير:باعي شفق الي فهمته من وليد مسلم رايدج ومحد ديقبل ديكولون متزوجه

شفق:اني الي مااقبل بي شبيه تخبلت

حرير:شفتي هاي تاليته شكد كلت شكد حجيت قبلي بفلان قبلي بعلان شكد جوي ولد ميتعيبون بس اااااخ من عنادج هسه زين

شفق:شفايدته هلكلام متكليلي شفايدته
وظليت محبوسه بلغرفه لثاني يوم فتح الباب طب وقفله من جوه وبده يضرب الي يكول اني مسويه مصيبة من خلص فتح الباب

احمد: كومي نزلي حضري روحج انطيت خبر لصاحبي انتي موافقه حته يجي ونتفاهم اي كلمة تطلع منج اي حجاية قسما باالله ادفنج فاهمه

شفق:مااتزوج تريد تذبحني اذبحني بس ماازوج
واني ماعندي شي ويه مسلم ولا غلطت بشي والله راح يحاسبك ع هذه ظلمك وتشوف حوبتي شلون حتطلع
ضربني راشدي صفررت اذني

احمد:تدعين عليه حقيره فوك شينة كواة عينة امشي ولي يله والله لو موامي فلا افتح الباب
سودتي وجهي كدام عمامي شنو يكعدون يكلولون خل اختك تعوفه رجال مزوج خل يكعد ع مرته لتهجم بيته تسوه حياتي هاي

شفق:الله ياخذهم واحد واحد كل واحد حجة عليه كون الله ياخذ حقي منه
جنت كوة امشي جسمي يون عليه بس جوعااااانه ميته جوع نزلت كعدت ع الميز شفت امي اظاهر جانت تبجي جتي حضنتني وصبتلي اكل كعدت اكل نزل هو من ورايه

احمد:اسمعي انتي هييي منا لحد متنكلعين امي ورفاه ابره ميشيلون من الكاع كله انتي تفتهمين شغل البيت عليج والله هذه قليل بحقج

شفق:ليش ع اساس قبل منو جان يشتغل هيه مرتك جايفة خل تنظف غرفته اول بعدين تنظف بيتنه
ظل يغلط عليه وعافني وصعد باوعت ع امي كتله دتشوفين هذه ابنج لو ممخلفته مو احسن

ام احمد:ميخالف حبيبتي فتره ويبرد هسه مقهور والسالفه بعدهه جديده

شفق:يمه يا سالفه حته انتي
اكلت شبعت كمت انظف نزلت رفاه تتمخطر بطنه جبيره باوعت عليه ابتسمت ابتسامه جانبيه وراحت للمطبخ اني جنت امسح الكاع بيه مي ومحد بلمطبخ بس هيه فجاه سمعت عيطته دخلت للمطبخ لكيته واكعه بلكاع وتصيح بطني رحت ركض عليه داكومه جان تدفعني كالت شتردين تموتين ابني تردين تنتقمين من احمد وتصيح ظليت صافنه اجه احمد دفعني وشالهه خلاهه ع كرسي جانت تتبجبج وتكله اختك هيه السبب كتله هيي شعليه اني
اني جنت بلهول وانتي بلمطبخ لو كلشي شفق

احمد:شفق شايفه اذا صار بيه شي وحق الله كتلج حلال

شفق:اني شعليه انته شنو ماالك رداد والله اعوفلكم البيت وانهزم وصخم وجهك

احمد:ايا حقيره حضري روحج الولد جاي واريد اشوف من تصيرين بذمته شتسوين

يتبع....