رواية ميل اوطاني(الجزء الأول) ....مكتملة الفصل الثالث عشر 13 - بقلم laylaabd

البارت الاخييير
(ميل اوطاني)

شفق:نزلت من فوك حاصرتني البجيه كتله اني مااريد اروح اريد ابقه هنا

منتهى:اني حجيت وتندمت كلت اخاف البنيه تريد اهلهه ممرتاحه هنا

شفق:لا عفيه مااريد ارجع اريد هنا اجيب وهنا اربي ابني اله اذا انتي مستثقله الشغله

منتهى:شمستثقله بلعكس اني اريدج يمي نعيش اني وياج راسي وراسج نربي جهالنه بس هاي اذا خلونه ماعدهم نسوان تبقه وره رجله وحته اذا بقت ميقبلون يسكنون وحدهم اني تدرين بالي ديودي ويجيب الف فكره وفكره براسي اذا خلصت العده شحيحكمون علينه

شفق:يعني شنو

منتهى:انتي لتضعفين ظلي مصره عكلامج واني هم اعرف شحجي

شفق:الله يستر
وصدك مره ثانيا اجه ابوهه وحجة ع اساس احمد مخابره وضال يصيح شنو مترجع تريد تمشي ع حل شعرهه ابتسمت كلت متغير ولا راح يتغير اخاف جنت متردده شويه قبل من سمعت كلام ابوهه عن لسان احمد كلت ابد اجلب بيدي ورجليه وبطني جبيره معذبتني قيصر سوده عليه شكد فرح من سمع بيه ولد تذكرت فرحته وكلامه وظليت ابجي راح ابوهه لمنتهى وصعدت شافتني ابجي

منتهى:شبيج شفق ليش البجي موزين كافي انتي حامل

شفق:تذكرت فرحت قيصر من عرف بيه ولد كال راح يصير اخ لكرار

منتهى:اي حيصيرون واحد سند للثاني احنه نربيهم سوه

شفق:بس صعبة منتهى منو يقبل

منتهى:معليج انتي
اصبر بيه واريدهه قويه واني خايفه اكثر منه ومرت ايام وراحت ايام وصار ع موتت قيصر ٣اشهر شفق دخلت بشهرهه تجي سعاد خطيه تاخذهه للدكتوره بدت تخلص شهرهه والدكتوره تكول ماكو الطفل صاعد اخر اسبوع بشهرهه رجعت هيه وسعاد تبجي يابه شبيج كايلين عملية لازم تسوي

شفق:دخلت بشهري وراح يخلص والطفل صاعد الدكتوره كالت بنتي انتي تجيبين عمليه هيه كالت هيج واني ظليت ابجي شنو ادخل عمليات تذكرت بعمليه الزايده جان يمي قيصر هسه لا قيصرولا اهل عيني ع منتهى صارتلي كلشي اخت وام وكلشي من رحعت ظلت تهدي بيه وكالت ولج احسن الطبيعي تموتين والله عمليه تنامين تكعدين جايبه وصدك حددت العمليه واني وبوشيتي طلعنه الصبح اني وشفق وسعاد طبعا براء دائما تجي علينه بيت منتهى تكعد ساعه نبجي ساعه نضحك بس خطية انطوهه خبر حيزوجوهه لواحد كرايبهم هو متزوج وهيه الثانيه حتصير بس تمر فتره ع وفاة قيصر وحسين وعمتي كالو ياخذوهه سكتاوي كلشي ميسون وهيه مراضيه بس مجبورة
وبيومه جبت وبيتوني ليله مكدرت منتهى تبقى علمود جهالهه بقت يمي سعاد وثاني يوم اجه ابن عمهم رجعنه بلسياره لباب بيت منتهى نزلت جانت ساعه ١٠ الصبح نزلنه وكال تره اهل شفق حيجون يردون ياخذوهه اني سمعت هيج تخبلت مقبلت وصدك ب١٢هيج اندت الباب جانت امي من شافتني كامت تبجي واني هم بوري ونفتحت عيوني اريد اسكت مااكدر احضن بيه وابجي وهيه هم نفس الشي كالت يمه موزين عليج انتي نفسه يمه احمد بره يكول ترجع ويانه
يمه شنو هذه تخبل بطني مشكوكة شلون ارجع بهلطريق وحته لو ماارجع خل ينساني

ام احمد:شنو هلحجي شنو ينساني ترجعين يمنه بلبيت معززه مكرمة

شفق:اي كلش معززه مكرمه
يمه ماارجع

منتهى:من رخصتج خاله
تره شفق كاعده بيت زوجهه وابنه ميتربه بعيد عن اخوته

ام احمد:بس ميصير بنيه شابه تبقه هنا غريبه

منتهى:مو غريبه خاله هيه مرت قيصر شلون غريبة

شفق:ظلت امي تحجي لحد معجزت طلعت وطبت كالت احمد يريد يطب يحاجيج كامت منتهى صعدت فوك وطب هو نافش ريشه كلي يله كومي لمي غراضج بعدمااكلج كعده هنا كتله اذا متطلع هسه اصرخ والم عليك العالم وكلهم غريب وتهجم عليه

احمد:ايا ادبسز لج شو انتي متستحين ومتصيرين ادميه تجين ويايه وتسدين حلكج

شفق:كتله مااجي شويه واحد صاح من جوة ع احمد عافنه وطلع يمكن اخو منتهى امي ضاجت كتله انسو مااجي
امي طلعت يم احمد وراهه رجعت سلمت عليه وكالت احنه رايحين راحو نزلت منتهى كتله معقوله راحو بهلسهوله

منتهى:خلينه نشوف شيصير وشنو تاليته
اني اعرف همه بالهم شي ظليت اداري شفق و ابنه سميناه علي فدوه يخبل نسخه من قيصر
جنت اشيله اخلي بحضني اصفن عليه مرات احاجي ملت عليه البيت شفق احبه شاهد الله
مثل اختي واعز داريته لحد ما خلصت العده مالتنه بس شفق بعدهه مطالعه اربعينه واجو عمامي كعدو يمنه وكالو صيحي ضرتج وتعالن كعدن
صدك كعدنه كبالهم كالو انتن ميصير هيج تظلون بلا رجال الناس شتكول علينه تاكل وجهنه
كتله ع شنو تاكل وجهكم شو احنه لا طبه ولا طلعه كاعدات بلبيت
بس انتو كلولي من الاخير شنو الي يدوربالكم
عمي كال اثير وحازم كل واحد منهم حيزوج وحدة منكم بعدني ممجاوبه وشفت شفق كامت وبعلو حسه كالت اذا تجبروني ع شي والله احرك روحي والله وعافتنه وراحت
عمي كال هاي شنو هاي مصيبة احسن شي نرجعه ل اهله اني حجيت كتله عمي الى متى متعتبرونه بشر ومتاخذون بحجينة عبالك ماعدنه راي شوف شفق صغيره من كالت احرك روحي بس اني اكلكم اذا جبرتونه ع شي نشرد ونصير عليكم وصمة عار والله اخذهم ومتلكونه بعد
ابويه كام ديضربني بس عمي مخلا وكلي ميخالف بس اذا شفنه عليكم شغله لو حجاية طلعت والله العظيم اسحلجن سحل وتزوجن عافوني وطلعو نزلت شفق تبجي كتله لتخافين نظل مصرين همه مميتين علينه وداعتج كل همهم حجي الناس

شفق:وصدك مرت اشهر وايسو من عدنه بس الفلوس الي جانت يدزوهن بلبدايه يكفن وزايد شويه شويه بدت تقل والحجة جانو يكولون شغل ماكو بس احنه نشوف نسوانهم متروسات ذهب ومبين عليهم الخير احنه عرفنه ماطول مات قيصر هاهيه بعد كم مره طلعت منتهى قطعت ذهب وباعت بعدين جنه كاعدين عصريه

منتهى:اكلج شفق هذه الوضع ميصرف الذهب باجر عكبة يخلص وذوله كل مالهم دينقصون الفلوس

شفق:شنسوي لعد
اذا نريد نشتغل والله يذبحونه ع قبله

منتهى:لعد شنو يمه نموت جوع

شفق:شنسوي كليلي

منتهى:اني اعرف اخيط بس سوده عليه قيصر جان ميقبل يكلي ليش تكسرين ظهرج انطيج فلوس وجيبي احلى شي بلحاضر اني عندي ليش تعبين روحج

شفق:حجت وبجت واني هم ابجي وياهه كلهم نسو بس احنه مننساه وصدك بيومه لبست وكالت ابقي يم الجهال هسه اجي راحت ل اهله جابت مكينته وجتي شفته ضايجة عرفت اهله متعاركين وياهه والي عرفته كايليله بعد مطبين علينه حتسودين وجهنه هيه مدارت بال كتبت قطعه بلباب خياطه
وصدك هناك بابت عرب يحبن الخياط اكثر من الحاضر وهيه تعرف دماراتهن كامت تخيط وتخلي الي تجي تراويهه يشترون الي مخيطتهن  خياطه يخبل مرتب حيل واني اطلع موديلات بلتلفون وراويهه وهيه تخيط جان عدنه تلفون واحد بلبيت هو يخابرون عليه مرات امي واهله اثنينه برقم واحد اقترحت عليه اساعدهه تعلمني اني صح اعرف اطبخ بس الطبخ ميمشي هناك هن معدلات يطبخن ويخبزن ميجن يوصني كلت اتعلم خياطه وياهه وصدك شويه شويه تعلمت ومن الفلوس الي دزوهن اخوته مره كتله اريد مكينه سوده عليه ولا كالت لا راحت جابتلي مكينه الاستقبال لغيناه وخلينه مكاينه وحته ملكانات اشترينه اربعه وصت اخوهه كمنه نخيط ونعرض بس ماكو لا طبه ولا طلعه الزبونه تجيب القماش لو بلشهر مره تطلع ويه ابوهه منتهى ومجمعه كم فلس تشتري مجموعة قماش كميه ودانتيلات واهواي سوالف وعايشن

منتهى:هسه مر ع وفاة قيصر ٣سنين ابني كرار سادس ابتدائي وهذه بلرابع وعلاوي حبيبي عمره ٣سنين واني وشفق مكسور ظهرنه ع هلمكينه علمود الجهال وعايشين وميمر يوم اذا منذكر قيصر دائما اسويله ثواب وخلي اخويه يوزعه من يوم نسوان حمويني عرفو يردون يزوجونه لزلمهن عادونه كلش

شفق:مرتاحه احس اني داسوي انجاز اشتغل واصرف ع بيت واربي جهال مره جتي بنيه تخيط يمنه كالت انتو والله ماكو هيج عفيه عليكم وكالت اكو قناة طلع برنامج عن المراه المكافحة كالت اخوية بلكادرسالنه مره اذا نعرف نسوان مثلكم شنو رايجن يسون حلقه عنكم اني ومنتهى عطنه لا يمعوده ستري علينه موزين نسونه ومخلينه عايشين
براء تزوجت وصار عدهه بنيه مكاطعه من عدنه ابد تجي كل خميس وتغريد وسعاد هم يكولون بيتكم صار بمكان بيت اهلنه شلون من جنه نجتمع هناك هسه نجتمع يمكم وتبقه الغصه ان احنة ارامل هاي تذبح بس احسن من غيرنه والف الحمدالله.....

النهاية..

كلام عجبني 👇👇

علموا بناتِكم أنه في هذا الكون أشياء مهمة:

أشياءُ أهم من سفرة الطعام المتناسقة ، وزجاج النافذة اللامع ، وسكر الشاي ..
أشياء أهم من طول شعرها ، ولون بشرتها ، وتناسق جسدها ، ونبرة صوتها ..
أشياء أهم من رضا الناس ، وسخط الناس ، ونظرة الناس ..
أشياء أهم من رجل تفني عمرها معه هباءً ..
أشياء أهم من براعتها في الطبخ ، والمسح ، وغسل الملابس ، ومسح الحذاء . .

علموها أنها قوية ، فالله يحب الأقوياء ..
علموها أنها سكن ، ووطن ، وحضن للضعفاء ..
علموها ألاَّ تخاف من المستقبل لأنَّها فقط فتاة ..
علموها أن الله كرَّمها ورفعها ، وكل من يحاول إيهامها بغير ذلك فهو ليس إلا ساذج آخر من الأغبياء ..
أخبروها أن الله اختتم بخلقها هذا الكون ، فهي مصدر الإكتفاء ..
لا ترهقوها بتفاهات مجتمعكم ، ولا تنهكوها داخل بيوتكم ..
دعوها تخرج ، تتعلم ، تسافر كما سافرتم ، تعيش كما عشتم ، وتجرب كما جربتم ، تصيب كما أصبتم ، وتخطئ كما اخطأتم ..
دعوها تحلم ، وتخطط ، وتنفذ ..
إن لم تكونوا لها عوناً فلا تكونوا عائقاً ..
إن لم تكونوا لها أمناً فلا تكونوا لها حرباً ..
دعوها حرة كما خلقها ربكم ..
وأكرموها كما وصَّاكم نبيُّكم ..
ارحموها من سوء ظنكم ..
واحموها من مرضى النفوس وشاكلتهم .

ودمتم في امان الله ورعايته...........