رواية مينا الفصل الأول 1 - بقلم Chra

#مينا 1

مايفضح اللي يحب الاآخر اللحظات

لامد كفه بالوداع وصد بعيونه

معاه رايات الاسى وجيش من العبرات

وبين الحنايا صهيل خيول محزونه

سلام ياللي ناوي الفرقا عدد مافات

وتعداد مامر السحاب وهلت مزونه

سلام من قلب سكنته انت والحسرات

غلاي تكفى يامودع ناظري صونه

ارحل وانا برحل معي هم وتعب وسكات

واسرار مابيني وبين الروح مدفونه

ارحل مادام الله كتب لك يالحبيب شتات

مالي على حكم القدر راي ولامونه

مالي بعدك الاالصبر ومجاذب الونات

وقصيدي اللي كل خلق الله يغنونه

وان طالت الغيبه ابنعي الحب لو مامات

عسى الهوى بك يشتعل وتردك ظنونه

وباحاول انسى ولو يصيح الشوق بي هيهات

وباحاول أسلى ولو يصيح القلب مااخونه.

بسيطة أني أعلمج الا أخلي مصطفى يذبحج اليوم ياحيوانه هيجي تحجين عليه

والله خوفتيني عبالي فد شي انتي

راح تشوفين شسوي بيج

مينا كافي عوفيها لخاطر الله

سكتي فينوس خليني اربيها هالحقيرة سنين واني ساكتتلها عبالها اخاف منها وهسة تهددني بأخويه ولج زينب بنت القصاب مخليتي بنفسج لا رجال ولا ولد بالمنطقة لحد مالفيتي على أخويه

مسحت دموعي بسرعه واني خانكتني العبرة مصطفى صديق أخويه أيهم كلش احبه تمنيت يوم من الايام يكولي احبج تاليتها طلع يحب زينب اللي ويانا بالمدرسة من واحنا صغار وسمعتها تحت الصفر سمعت صوت المديرة والطالبات متجمهرين علينا مينا وزينب يتمالخون احاول اجرها متقبل تعوف زينب

انتي وياها بسرعة على الادارة وين كاعدين

سمعي مينا القردة والله بس تكولي جيبي ولي أمرج فضيحتج راح تكون على كل لسان بس صبريلي

مجاوبتها مشيت للأدارة تذكرت فينوس صديقة الطفولة وعشرت عمر احنا وياهم تموت على أخويا مصطفى واني من عرفت بي عنده علاقة ويا زينب الساكنة بنفس المنطقة ناس مشهورين بالمشاكل والمصايب وهي مو من مستوى أخويا بس الدلال الزايد مخربه وكمفت كدام المديرة وهي تحجي علينا وتنصحنا وتحاول تعرف شنو الموضوع لحد ماام لسان جاوبتها

ماكو شي ست بس ردت منها دفتر يومياتها حتى اكتب اللي فاتتني لان جنت مجازة قبل أيام هي عصبت وغلطت على أهلي

لاوالله ست مو صحيح جذابه

سكتي انتي وياها مينا امج اعرفها خوش انسانة وجانت من احسن المعلمات انتي ليش هيجي وانتي زينب كافي مشاكل هاي اخر تنبيه الج هالمرة مراح اطلب منكم تجيبون ولي أمركم اكتفي بنقص درجاتكم يالله على صفكم

كملنا الحصص وطلعت على بيتنا والدنيا حارة نمشي اني وفينوس ندخل من فرع ونطلع من فرع لمحت سيارتنا وزينب تركب ويا مصطفى وعادي عنده أخته تروح وترجع وحدها للمدرسة بس هي لا ست الخانم شبيج فينوس ساكته مو من عوايدج احجي شي لان اني شوية وانفجر

ماكو شي دايخه من المدرسة قبل لاانسى اليوم مراح اجي يمج نقرا لان طالعه ويا امي

فينوس بلا هالحركات يعني علمود عرفتي مصطفى يحب زينب تردين تكطعين رجلج من بيتنا لعد هو يوميا جاي بيتكم ويبقى ويا اخوج لحد أخر الليل شتسوين تطلعين برا لحد مايروح لزمت ايديها باوعيلي وحق اللي خلق سبع السموات هالحشرة مستحيل تدخل لبيتنا اصلا ابويا ميقبل متعرفيه اشكد حريص على سمعته بين الناس

حضنت مينا وبجيت ماكدر مينا كلش صعب مو بيدي الله يخليج خليني على راحتي

رجعت للبيت سلمت عليهم الاكل جاهز ينتظرون مصطفى أبويا عباله باقي بالمحل لحد الان ميعرف من ساعه طالع ماما صبيلنا خلي ناكل راح اموت من الجوع

خلي يرجع اخوج وناكل خطية من الصبح على لحم بطنه

مراح يجي لان مكملت هو دخل عبالك اعصار يهددني بعيونه بس ميحجي شي

اني صاعد لغرفتي وماريد اكل

شفتي تصرفاته لا حول ولا قوة الا بالله تعالو بنات خلي ناكل هاي اخر مرة انتظر المحروس على الاكل عديم التربية

لا فاضل حرام عليك اكيد تعبان اني اصعدله الغدا واشوف اشبي انتو اكلو بالعافية

كعدي بمكانج ولا قطرة مي تصعد فوك افتهمتي خلي يراجع نفسه

كملنا الاكل فيروز كامت تلم المواعين واني صبيت الجاي لبابا
أسمي مينا عمري 18 سنة صف سادس علمي أمي وأبويا أثنيناتهم معلمين متقاعدين عندي أخ واخت اكبر مني فيروز ٢١ سنة فيروز شقرة طالعة على بيبتي شعرها اصفر عيونها ملونة منتشابه اخوية مصطفى ٢٥ سنة عدنا محل قرطاسية وبيت ملك حياتنا عادية ماعلينة باحد عندي عم واحد بيتهم قريب علينا عنده ولد ٢ و٣ بنات اكبر من عدنا متزوجات بس ولد باقين الولد كبير حيدر عمرة ٢٧ سنة خطيب فيروز واخوه علي عمرة ٢٤ سنة خطيبي مسافر للخارج للدراسة وعمه وحدة عايشة بالخليج واختي تدرس بالكلية التقنية حياتنا هادية بابا كلش يحبنا بس ماما متعلقة بأخوي مصطفى أهواية أتفضله علينا ومدلل ميسمع حجي أحد ودايما على خلاف ويانا أني وأختي يتدخل بكل شي باللبس بالاصدقاء بالطلعة يضربنا على أتفه الاسباب حالتنا المادية متوسطة أبوية ممقصر ويانا بشي بس مصطفى ميعجبه حالنا دايما يريد كلشي بالرغم هو ميتعب نفسه وبالغصب يشتغل ويا والدي.

مينا قبل لا تصعدين تنامين وتنسين نفسج سوي كيك لان بيت عمج راح يزورونا بالليل

حاضر ماما من عيوني شفتها تروح لغرفتها تنام صعدت دكيت بابا غرفة فيروز فتحتها جانت طالعه من الحمام وتنشف شعرها فوفا بيت عمي راح يجونا بالليل ماما بلغتني اكولج حتى تسوين كيك وحلويات

قبل ساعه جنت جوا مكالت شي هسة خابرو

ها اي هسة ام حيدر خابرتها وحيدر هم راح يجي وياهم حسبي حسابج للعشا سويلهم كباب طاوة وبورك لان هو يحبها كوة لازمة نفسي لا اضحك على شكلها خطية فرحانة بجيتهم اهواية واني اكذب عليها دايما من اشتهي شي وماعندي خلق اسوي اكوللها بيت عمي يجون وطلبو هالشي هي تكوم تسوي

لايكون تكذبين عليه مثل كل مرة اموتج والله شوفي هالكتلوك بيها فساتين حلوة جبتها من وحدة صديقتي اذا كدرنا نخيط عليها

اخذتها واني اقلب بيها تموت شنو هالاناقة اصلا مستحيل تطلع بالخياط نشتريهم جاهزات احسن

منين ياحسرة تدرين اسعارهم نار كولي الله يطول بعمر أهلنا امي كالت اودي للخياطة حتى تشوفها تكدر تطلع الموديل ولا لا

اني ماعليه اريدها جاهزة عفتها ودخلت لغرفتي ردت أغلق الباب جرني مصطفى من شعري

اني جم مرة نبهتج ماعليج من زينب شسوي بيج هسة اموتج يمتى ارتاح من لسانج انتي شنو من بنية

وخر أيدك بدل ماتروح تحجي عليها تكول على أختك ام رياجيل تقبلها عليه مو كل همك الزبالة مالتك

هاي شكو شبيكم مصطفى ليش تتعارك ويا اختك

ماما أدبي بنتج وخليها تصير عاقلة لا ارتكب جريمه من وراها

مينا ناوية تجلطيني كبرتي وراح تتزوجين وتالي ويا لسانج كله من أبوج اللي مدلعج اكو وحدة تحجي على أخوها روح ابني ابوك راح للمحل الله يفتحها بوجهكم ماعليك من مينا اني اهتم بيها

بدل ماتحجين عليه ليش مسألتي علمود شنو يضربني لو مو مهم عندج المهم الافندي يرضى وميزعل واني بالطقاق

تعالي فيروز احجي ويا هالخبلة ضغطي ارتفع من وراها مادري شلون ازوجها وهاي حالتها لاتحترم احد ولاشي

شفتي امج واخوج ضربني علمود زينب بدل مايلومها كومه حجت عليه بالمدرسة شنو حجي يفضح والاخ صاير عنتر براسي وياها كتكوت اني ارجع بالحر والبرد وحدي وهو يروح يرجعها كل يوم بسيارة يستلف من أصدقائه حتى الخاتون تتباهى بالحب مالتها كدام صديقاتها

كافي حبيبتي مسحي دموعج قابل اول مرة وانتي الله يهديج عوفي زينب وماعليج منها

سكتت محد يفهمني بيهم مادري ليش عبالهم اني السبب

روحي اخذيلج حمام لان بيت عمي على وصول اروح اكمل شغلي شنو ألبس فستان لو كابوي

سديت الباب وطلعت ملابسي محتارة شنو البس احتمال اليوم يتفقون على تفاصيل حفلة الخطوبة نزلت بيت عمي جانو كاعدين سلمت عليهم جرتني مرت عمي حتى اكعد يمها وهي تتفحصني من فوك ليجوا لان علي اخر العنقود مثلي

مينا احسج ضعفانة وجهج تعبان بعد ايام يرجع علي ماريد يشوفج هيجي لميعه أخذيها لصالون وانطيها فيتامينات هاي شنو عيونج شبيها جنتي تبجين

اي طبعا اخذها متعرفين مينا وطبعها صعب متاكل زين كله جبس ونساتل منين تصير عدها فيتامينات

عبالك كاعدة بمجلس تحقيقي وياها جاوبتها من الدراسة تعبانه ماكو شي باوعت حيدر يضحك ويسولف ويا فيروز هي فرحانه عكسي اني ماحس بشي اتجاه علي مجرد عمي طلبنا لولده وابويه وافق ومن فتح الموضوع ويانا فيروز وافقت شافني مترددة وكأنما قرا افكاري اريد ارفض سبقني وكال لاتكسرين بخاطري لان ماكدر ارد اخويا اضطريت اوافق علموده بابا طبعه كلش عجيب دايما يحب يفرح اللي حواليه على حساب نفسه عمره مفكر بسعادته وبنفسه كملت السهرة على سوالف ام حيدر وطلباتها حتى الاكل اللي راح نقدمه بالحفلة هي اختارته من مكان تعجبها شخصيا والصالون نفس الشي ماعدا الذهب كالت اجي وياكم وحددت اشكد ناخذ حتى لون البدلات أمي بس تكوللها زين وحاضر وبكيفج ثاني يوم رحت على الدوام شفت زينب غلست عليها سمعتها تضحك ورايا مجان عندي خلك اجاوبها

انتي مو طبيعيه اليوم مينا اول مرة اعرفج هادية وعاقلة انتي منو متشبهين وحدة ام لسان صديقتي اللي احبها واموت عليها

افكر بزواجي مادري مو مقتنعه ابد احس اكو شي يصير لو الموضوع كله غلط

استغفرالله من الوسواس حبي صلي استخارة كل يوم لحد مايرجع راح ترتاحين صدكيني

وداعتج سويت ومشفت شي حجيت لأمي اصلا مهتمت كالت مكبرة الموضوع تدرين مرتين حجيت وياه حسيت اني وهو بعالمين مختلفين

من تتزوجون اكيد راح تعرفي اكثر واحتمال كل احاسيسج تطلع غلط زين هو جان مؤدب وياج لو شنو غمزتلها بعيني

هيي انتي وين راح تفكيرج منحرفه امي جانت كاعدة بصفي وامه مقابيلي كل سوالفه عن الدراسة اشك يعرف شي اسمه حب لو رومانسية وصاني على دراستي وبس كأنما زواج تحصيل حاصل

خليتني بقلق وياج من ناحية منقهرة عليج ومن ناحية تستاهلين كلتلج تزوجي اخويه أيهم يحبج ويدللج ويخليج بعيونه شنو جاوبتي لا احسه مثل مصطفى صعب عوبه

اني وين انتي وين شجاب موضوع اخوج هسة بالنص صدك عقلج فارغ الف مرة كتلج أيهم مستحيل أفكر بي رجعت للبيت شفت امي وفيروز جايين من السوك يعني فيروز مرايحه للدوام ومكالولي خدعوني اني تخبلت شنو هاي رايحين بدوني مو على الاساس نروح سويا

جان ناقصتني غراض واخذت فيروز ويايا وشفنا غراض حلوة اخذناها وخلصتج من موضوع تحضيرات بقت اوديج للصالون وبس

لا ماما حبي ميصرفلي هالطريقة اروح بنفسي حالي حال فيروز صدك تحجون اصلا ذوقكم ميعجبني ضربتني على راسي

اني امج هيجي تكوليها بوجهي شبيها ذوقي سمعي مينا اللي جبتها تلبسيها غصبا ماعليج سوق اني اروح وياج انسيها ماكو اعرف شتسوين تشترين اللي تردي واللي متردي عبالج ينقرض الغراض بالسوك وابوج يسألج تكولين تمام ماريد شي

هالفلم علمود متصرفين فلوس اللي مجمعها بابا تردين تشترين سيارة لمصطفى مو واني حتى لبس تحرمي عليه اختار بذوقي روحي دوريلج على بنية تتزوج علي اني ماتزوجه .