رواية مينا الفصل الحادي عشر 11 - بقلم Chra

🌻🌼🌷🌺
#مينا11

مينا اي شي تردينه اخذي ماعليج من فلوس زين ولا تستحين اني زوجج ومسؤول عليج اعتبري نفسج ويا امج وابوج جاية شتسوين تجين هيجي مكان وياهم

غير افلسهم باوعلي

اني راضي فلسيني ضحكت بوجهها

اول مرة اشوف ضحكته تخبل يمه شلون هذا صدك حلو لواني هسة احلو بعيني من ورا السوك فتنا اشتريت واخذ غراض كومه هو هم يختار ويايه بعدين اتذكرت اني وين راح اعيش نزلت الغراض خلي نطلع ماكدر اخذهم وين البسهم واني بيتكم ميصير البسها.

ليش هيجي تكولين وين تلبسيهم باوعي بعيني صح راح تعيشين ويا اهلي ولايمكن اسمحلج اهناك تلبسين هيجي لبس بس اني دايما اسافر وشغلي خارج ناحيتنا ولايمكن اعوفج يمهم فراح اخذج وياية واهناك تلبسيها اتفقنا ولما ترحين بيت امج تلبسيها

صدك يعني اكدر ارجع لبيتنا .

من كتلها تروحين لبيت اهلج شفت الفرحة بعيونها عبالها راح ترجع للأبد كلت خلي أنبهها اي تروحين زيارة خوما تبقين يمهم اخذتها وطلعنا فتنا بغير محلات اشتريت كل شي الها جهاز جديد

ايدي بأيده ميقبل يعوفني وهو كلش مريح بالسوك يختارلي ويشجعني اخذ غراض باوعت على وجهي بالمرايا من قست الملابس الحمدالله ميبين اهواية خليت شعري على وجهي عبالك علي بابا لازم اشتري خافي عيوب ومكياج كعدنا بكافتريا طلبنا عصاير

مينا اني هسة قصرت وياج

خفت كلت أكيد يريدني الليله واني هاي حالتي صدك ذيل الجلب مينعدل جاوبته لا

اني اطلبج بشي ولاتعارضيني اريدج تتحجبين انتي كلش حلوة وحرامات شعرج ناس تشوفها انتي تقبليها امشي وياج والناس تباوعلج بنظرات محلوة وتكسريني .

لا اوك اني موافقه ارتاحيت وحسيته عنده اسلوب حلو بالاقناع عزه اني وين راح تفكيري صدك اني منحرفة .

وافقت ارتاحيت نوعا ما وأخذتها لمحل ذهب كالت ماريد انت اشتريتلي اهناك مهري هذاك للمستقبل كلهم اوزانهم ثقيله مو نواعم اني يعجبني نواعم اني غير شي ابالي اخذتلها اشياء ناعمه

كافي والله اهوايه خجلني بتصرفه

سألت البايع اريد سلاسل مال خصر انطاني اياه

أحمد هذا متنلبس على ملابس وين البسها

عاجبني هاي تنلبس ويا ملابس النوم واني اعض بشفايفي وهي صارت حمرة باوعتلها تباوع على اثنين مخطوبين يردون حلقات بيها اساميهم عرفت هي هم جانت تريد تنخطب وتطلع وتنحب حقها بس ظروفها يختلف لزمت ايدها فزت حبي تردين احنا هم نسوي

لا

عفتها وكلت للبائع اريد حلقات مميزة تكتب اسامينا بيها اتفقت بعد يومين نجي ناخذها انطيت فلوسها هي صاحتني

والله اهواية ماريد تشتريلي حرامات اهواية تكلفت

هاي الج مو اهواية قليل بحقج نزلت راسها وطلعنا.

غصة بكلبي شفت احمد يشتريلي ذهب مع العلم بحياتي مجنت متصورة يصير عندي هلكد ذهب شفت اثنين مخطوبين لازمين بعض ويشترون حلقات واشياء خفيفة عرفت امكانيتهم مو هلكد بس فرحانين مبين عليهم يموتون ببعض انقهرت على نفسي اني ليش وضعي يختلف شنو ذنبي الله ياخذك مصطفى شلون رخصت بينا حسيت احمد لزم ايدي فزيت لان جنت اباوع عليهم كلت هسة يكولي ليش تباوعين بس لما حجه ويايه عرف اريد مثلهم سألني تريدين نسوي حلقات باسمنا فرحت بداخلي اي والله اريد واتمنى بس مراح اكولك جاوبته لا معبرني طلب من البائع حلقات مميزة عجبتني حيل فخمة وحلوة طلعنا من محل رحنا لمحل ملابس داخلية كلت اهو هم رجعنا لسوالفه التعبانه بس لا حرام مقصر وياية خلي اني هم الزم حلكي وماحجي باوعلي واني محجيت شي دخلنا باوعنا يبو شنو هاي الملابس يفضح اكثر مايستر اشلون البسها مستحيل هاي الي اشتريناه قبل احسن مية مره احمد طلب كتلوكات سألني تباوعين كتله امم جان يختار افسخ شي واني ادور على شي ساتر وماكو اتقرب مني مينا كافي خلينا نعيش اختاري وياية اختارينا وهو يدفع فلوس .

اخذت مينا لمحل ملابس نوم اني متعود دايما اجي اخذ من عدهم اذا جان عندي موعد اني على ذوقي جنت اشتريلهم ويلبسونه بس هسة اريد اجرب ويا مينا عاجبتني اعرف نفسي متعلق بيها بس هي تخاف مني اتمنى هي تلزم ايدي لو تشاكسني وتبوسني بس وين هي وين اني بس وراج وراج مينا اذا مخليتج تشهكين بأسمي فلا اني احمد البائع كالي شلونك استاذ احمد حجيت وياه كالي صار فترة ممبين كتله ظروف شفت لونها اتغير بس اني سويت روحي عادي .

شنو هذا منين يعرف صاحب محل ويكوله صارلك فترة وممبين اشجان يسوي بملابس نسوان وملابس نوم همينه اخاف صدك نسوانجي لو متزوج عرفي ياربي شلون اعرف هسة دا اختنق ولو ماحبه بس يعتبر من ممتلكاتي لازم اعرف طلعنا كالي خلي اخليهم الغراض بالسيارة ونرجع جاوبته اوك اريد مكياج ضحك

تتدللين

كملنا رحنا اتعشينا بمطعم رومانسي جو يخبل جان يمنة طاوله كاعدين بيها بنات يدخنون ويباوعون علينا احمد كال اريد اغسل واجي مر من يمهم سمعتهم يكولوله اويلي على الطول تموت الله شنو هالجمال حسيته ضحك وراح اني صرت نار شنو هذولة معتبريني رجل طاوله جاوبتهم عيب عليكم شنو هذا الحجي وحدة بيهم كالتلي بعدج صغيرة والله اخوج يموت اويلي لوهسة اخذه وانهزم باوعت على صديقاتها والله شهر ماطلع من الغرفة ولا اعرفكم شنو هذا انجبي هذا زوجي مو اخوية افتهمتي حيوانه واي حرامات شنو هالطول الج زعطوطة ام بخت كمت من مكاني واني ابجي شفته سألني شكو اشصاير هسة نطلع منا شكو هيجي يكولولي ضحك

تغارين

شنو اغار اني مو زعطوطة كامت هاي الادبسز خلت ورقة بيد احمد وطلعو باوع على الورقه شنو بيها رقم تليفون اخذيها وشكيها

مصدكت جريته من ايده وشكيتها حسيت بالنصر

هسة كعدي خل ناكل

اي ناكل اصلا جوعانة

مسحي دموعج ماريدج تبجين على هيجي نماذج انتي تاج راسهم يروحولج فدوة

اني كيفت كتله اروح اعدل نفسي .

دخلنا للمطعم شفت طاولة بنات يموتون همه يكولون
جانت بينهم وحدة غمزتلها جسمها مربرب متروس كعدنا قريب عليهم اتعمدت اكوم من يمهم سمعتهم يتغزلون بيه بس رجعت مينا تبجي وتتعارك وياهم كتلها شكو كالت يتغزلون بيك اني فرحت كلت يمكن تغار بدت تحس بيا جاوبتني لا ماغار بس كالولي زعطوطة هديتها وكعدت جتي هاي المربربه خلت ورقه بايدي وطلعت شفت بيها رقم راسا حفظتها بكلبي مينا كالت شكو بيها سويت نفسي ممهتم انطيتها كتلها هاج شكتها و راحت غسلت اني راسا خابرت الرقم شلونج

والله من شفتك متت

شلون عرفتيني

مو انطيتك رقمي قبل شوية فأكيد انت شسمك ياحلو

محمد

اويلي اموت عليك حمودي اريدك حمودي خلي نلتقي الليله

زين اني اخابرج لاتخابريني اوك شفت مينا سديتها اتعشينا رحنا للفندق بدلنا هدومنا جنت اتمنى تلبسلي سيت نوم اشوفها لابسة تراكسوت اني بدلت كلت هاي ماكو براسها خير كتلها مينا نروح للهول نباوع على تلفزيون

لا اني انام تعبانة

براحتج رحت كعدت فتحت التلفزيون جتني مسج حمودي انتظرك ودازتلي صورتها بملابس النوم اني متت ماتحمل رحت للغرفة شفتها نايمة اتقربت منها ابوسها فزت وبجت اوف منج ليش تبجين يعني مابوسج حرام عليج اني زوجج ماتحمل ترى عفتها وطلعت خابرتها جانت اسمها زيزو كتلها وين كالت اني بفلان مكان عدنا شقة عرفت المكان رحت وصلت بعد نصف ساعه ضليت الليل كله يمها .