رواية مينا الفصل الثاني عشر 12 - بقلم Chra

انتظرت احمد طول الليل مرجع موبايلي مو يمي ماكو وسيلة اطمن عليه رجعت نمت واني الوم بنفسي ليش هيجي سويت

رجعت الصبح دايخ بس اريد اوصل للفراش مينا نايمه اكيد ولا عبالها الخاتون رحت نمت بالصالة

يمتى اشوفك والله صار حسرة بكلبي كل دقيقة اتخيلك تشبه شخص يطلع مطرب اكول مثله لو ممثل دخت

ههههه مو هسة خلينا شوية هم نتعرف أكثر مكلتيلي فينوس بيت صديقتج شصار بيهم

رجعو لبيتهم بارحة ايهم راح يمهم ومصطفى هالايام يطلع

وصديقتج

رايحه شهر عسل بس اختها راح تجي اليوم لبيت اهلها حسب ماسمعته من أيهم متصورت مينا راح تنساني حتى تليفونها مقفول

فينوس ليش متروحين يم امها تسألين عليها بلكي انتي غلطانه

شنو غلطانه اكولك رايحه شهر عسل اشكد جذابه طلعت كالت ماريده واخاف منه عبالها احسدها ماعلينا منهم كولي اشكد حبيتني خلال هالفترة اللي حجينا بيها

والله اهواية فوك ماتتصورين

فديتك حبي لو لا وجودك يمي جنت اتخبل من ورا الخاينه مينا

بسيطة فيروز دواج عندي بهالسهولة رضيتي وتزوجتي من غيري

من دخلت لغرفتي بعد زفتي واني اقدم خطوة وارجع خطوات  شفت فيروز كاعدة وتنيم زهرة سلمت كعدت ردت اكوللها انتي زوجتي على ورق ماريدج بس استحيت معرفت شلون ابدي احجي

مبروك خالد

اني استغربت باوعتلها بصدمه  وانتي هم مبروك كلش جانت حلوة عبالي بس مينا حلوة

ردت احجي وافتح موضوع ماكدرت كتلها ليش زهرة اهنا جان خليتيها يم البنات

اسمعني خالد اني وانت زواجنا صار بسرعة بس ماريد احجي بالسالفة اريد اكولك اذا اخذتني الليله راح اخدمك طول عمري وزهرة بنتي واني راح اكون امها واعزها اكثر من روحي واذا قررت العكس فتحرم عليه وراح تبقى بس ابو زهرة فأنت قرر وغراضك بالحمام اذا ميصير زحمة روح غسل وبدل واني هم راح ابدل وفكر

دخلت للحمام محضرتلي كل شي شفت شفرة الحلاقة ومرايه ومعجون باوعت لنفسي استحيت منها بالله هي عبالك كمر وتحجي بثقه ومؤدبه وكلماتها راقية اشلون اسلوب عليها وشلون من اول يوم دخلت بنتي بحياتها ماكو وحدة تقبل هيجي كمت غسلت اتعوذت من شيطان جبت الشفرة وحلقت بدلت وطلعت شفتها واكفة

نعيما انشالله

وطبت للحمام طلعت خلت سجادة واني اباوع عليها بين مستغرب ومصدوم

ممكن نصلي سويه

أستحيت كمت اتوضيت كملت عبالك نور دخل بكلبي حبيت تصرفها ماعرف شلون صليت شكلها صار براسي انداريت خليت ايدي على راسها باوعتلي كمت لزمت ايدها كتلها ممكن تنزعين الحجاب حرم خالد أبتسمت بأبتسامتها فتحت صفحة جديدة بكلبي وطوت صفحه سودة عشتها ويا زوجتي السابقة هالاسبوع خلتني اسعد رجل بالعالم صحيت من شرودي على صوتها الناعم

لودي ممكن نروح لبيت اهلي اليوم تدري امي وحدها والبيت يحتاج تنظيف صارلنه ايام تاركيها على شنو تباوع مو احجي وياك

فديت الحجي الحلو اللي تطلع من هالشفايف تدرين كل لحظة تبهريني بيج وبتصرفاتج خصوصا بعد ماخبرتني حبوبتي انتي مستأذنه منها حتى نروح يم اهلج رفعتي راسي بتصرفج شسوي بيج هسة

وافق خلي نروح هذا كافي

متأكدة متردين مكافأة اني جاهز اغتنمي الفرصة

غير مرة اخذها تسلم متقصر طلعتله لساني واني اضحك عليه فشلته عباله يكدر يخدعني جريته للحمام روح غسل واني دقايق واصير جاهزة .

أحمد ممكن احجي ويا اهلي طول الوقت كاعد ساكت ونفسه بخشمه مادري ليش واني اصحى وااشوف شكله ارجع انام

هاج اخذي اني نازل اشم هوا واتمشى شوية من تخلصين مكالمتج شحني طلعت من الغرفة وصلت يم المصعد ردت ادوس على الزر تذكرت شلون انطيتها الموبايل وبيها رسائل ومكالمات من زيزو ركض رجعت على الغرفة هي وكفت من مكانها اخذتها من ايدها

خير شكو كلبي وكع

لا نسيت شي ماريدج تشوفي مفاجأة بعدين احجي ويا اهلج خلي نطلع هسة

اسبوع اهنا مطلعنا غير مرتين محجيت شي دخلت ابدل احسن اغير جو مليت من الغرفة شفت الغراض وحدة احلى من الثانية لبست فستان قصير منفوش وفتحت شعري خليت بس قلم كحل ومسكارا رشيت العطر دخل للغرفة واكف يباوعلي وفاتح حلكه ضحكت بوجهه 

اشسويت بنفسي خبلتني كل دقيقه لو تخابر لوترسل مسج واني ماريد مينا تنتبه هي بلا شي متريدني وتخاف النوب تعرف خنتها باول ايام زواج هاي مصيبة بعدها مناسية سالفة اول ليلة كتلها خلى نطلع نغير جو مصدكت كالت زين فرحت اهواية واني فرحت لفرحها طبت للغرفة ورا ربع ساعة واني ملتهي بمسجات ويا زيزو دخلت وراها للغرفة  شفتها لابسة فستان قصير وفاتحة شعرها تخبل جانت عبالك طفلة واليوم عيدها وكفت اتقربت منها كتلها هاي شلابسة مينا تردين هيجي تطلعين باوعتلي بمكر

خير اكو شي

نعم ياخير ناوية تطلعين بهالشكل

لاتحجي لخاطري مو تريد تفرحني اني هسة فرحانة بلبسي فدوة

واني ينكسر خاطري مو مهم مينا خاتون ردت احجي سكتتني ببوسة

من نرجع نتحاسب خلي نروح نغير جو عفية حباب.فدوة اول واخر مرة اريد احس احساس متزوجين بشهر عسل اريد انسى اللي فات افهمني

وانتي عبالج شهر العسل بس لبس اكو غير شي باوعتلها

اعرف أحاول ارتب نفسي على الوضع الجديد بس لاتكسر فرحتي هسة

ياربي ماعرف شكوللها ماريد تطلع هيجي ويايه كلش حلوة اخاف عليها من الناس بس من كالتلي اريد اتغير وابدي وياك كيفت عرفت بدت تتقبل موضوع كلت ادوس على نفسي وارضيها  ماشي اول واخر مرة مفهوم

سويتله تحية نعم سيدي

هههههه عندج هاألاعيب الحلوة وحارمتني منها أريد تعويضات منج تليفوني دك خفت بس الله ستر طلع امها حجيت وياها وسلمت عليها وانطيتها بيد مينا وهي واكفة متعرف منو تنتظر اكمل امج تريدج

مصدكت راسا أخذت التليفون حجيت وياها ويا ابويه رجعت حجيت ويا امي عاتبتني

ليش صباحيتج مسلمتي علينا رأسا سافرتي عيب حتى مسلمتي على اهل زوجج ترى زوجج احسن منج سلم علينا وباس ايدي وايد ابوج ومدح بيج اهوايه عفية بنتي انتي وفيروز رفعتو راسنا

فيروز شلونها

بخير تخبل الله وفقها وعوضها

مفتهمت شي شنو عوضها بأرمل وميريدها احتمال بعدها بنية وتنام وحدها اي ماما

هسة اني وابوج ببيتنا اخوج باجر راح يطلع واحنا نتظركم تجون

مسحت دموعي واني اتذكر واتخيل بيتنا احس مراح اشوفها ودعتها واني اتمنى اروح يمهم

حضنتها انهارت تبجي وتشهك قهرتني المكالمه جتي بوقت غلط كافي حبي مسحي وجهج خلي نروح لاتخربين وجهج الحلو بالبجي

اسفه مو بيدي صعب اللي مرينا بيها هالفترة والخذلان من الاهل والاصدقاء احساس متنوصف

ماكو اتعس من احساسي واني انحرمت من حضن امي واضطريت اتعايش ويا زوجه اب صح جانت زينه مو حبا بيا خوفا لا ابويا يطلكها اضطرت تمثل كدامهم بالحنية

أسفة احمد مجان قصدي اذكرك يكولون امك جانت حلوة كلش انت طالع عليها لو لا

خليت عيني بعينها انتي شتشوفين حلو لو لا

ها ارتبكت من نظراته

حلو لو لا

أي تمام

هههههه شنو اي تمام ماشي مقبولة منج هاي البداية