رواية مينا الفصل الحادي والعشرون 21 - بقلم Chra

#مينا21

عينايَ .. شفتايَ .. أعصابي .. خيالي .. دمي
يبحثون عنها بين أحضاني

قلبوا الاثاث و ضجوا حول صورتها
متظاهرين كشعب خلف قضبان
نريدها اليوم شمعتنا.. حبيبتنا
لا زاد لا نوم.. عصيانا كعصياني

يا أيها القوم يا جسدي و عاطفتي
كفى ملاما! فجلد الذات أدماني

يخيفني الليل و الذكرى تعذبني
و حارب النوم ذاكرتي و أجفاني.

رجعت قررت أصلح كل اللي سويته بمينا حتى لو على حساب حياتي أشتريت كفن وأخذت سكين ويايه أخذت مصطفى بعد ماشبعني كتل وضرب ورحنا لبيت أحمد حاولت اتواصل ويا فينوس خطهم مكطوع توسلت بمينا تروح يمها تبلغها ندمي موافقت

حيدر علاقتي بفينوس انتهت والماضي اندفن واللي يندفن ميرجع للحياة مو معناته سامحتك يعني كل اللي سويته انتهى خليني انسى واكمل حياتي

الله عليج مينا لاتتزوجين بغير واحد خليني على الاقل اصلح اللي خربته انتي متكدرين تعيشين ويا غيره لاتتهورين

حيدر رجاءا لاتخابرني بعد احمد عايش حياته عنده طفل والثاني على الطريق سديته من حيدر شفت كومه مكالمات من أحمد هزيت راسي تأخرت اهواية ذليت نفسي مسحت الرسائل بدون مااقراها طلعت ملابس ابدل لان يوسف اليوم جاي يزورنا نحجي ونتفق على الخطوبة سمعت صوت الأغاني والهلاهل استغربت ماكو شي رسمي مجرد نتشاف واحتمال منتفق

هدى صوتج عليها أهزاية وهللهلي زين واني أفتح التلفزيةن واخليها على الأغاني من احجي ويا خالد ديربالج تغلطين

فيروز والله لو أخويا يشوفني غير يذبحني بسرعة قبل لايجون امج ومصطفى من السوك

ميخالف علمود مينا خليني ارد كرامتها شوية اريدهم يسمعون خبر خطوبتها وخصوصا احمد

جنا كاعدين بالصالة بعد ماودعنا الضيوف أبني بحضني يلعب واني شارد اباوع على الباب من اهنا دخلت كعدت بهالمكان اللي ماكعد غير بي أخابرها متجاوبني كل يوم أشتياقي يزيد خالد ميعرف شي عنها غير طمني انه هي بخير وتعينت اني متت من الغيرة يعني تداوم وبمكان مختلط راح تشوف غيري دك تليفون خالد وهو كاعد يمي يحجي ويا مرته مو بس اني كلنا سمعنا صوت الأغاني والهلاهل بدون وعي كمت من مكاني وخليت ابني بحضن شوق طلعت من بيتنا مخنوك وين اروح مستحيل اخليها تروح لغيري مينا بس لأحمد

صيحت على فيروز من شفت أحمد طفر وطلع لعد اني مو بأعتبار ومكانة مصطفى صرت أخر من يعلم أختج تتزوج ليش مبلغتوني هسة شكول لأخوية

وأحنا شكو خالد الشغلة صارت بسرعه ميحتاج كل هالتعصيب واذا خايف على مشاعر أخوك فأحب أبلغك مينا وافقت بأرداتها الحمدالله أخوك صار ماضي

رجعت للبيت بعد صراع بين عقلي وقلبي مكدرت اوصل لنتيجه تمنيت هالليلة ماشوف شوق تختفي من كدامي ومن حياتي حتى لو بس هالليلة شيصبرني واوصل باجر لمكان شغل مينا

حمدالله على سلامتك

اللهم صبرني على مابليت نفسي بي الله يسلمج خير شنو هالوقفة الهجومية

كافي أحمد انت تجرحني من وانت نايم ومن انت صاحي بكل مكان وبكل زمان  أني شوق مو مينا اذا هيجي تحبها ليش طلقتها وعفتها أتقي الله اني حامل .

رحمه لأهلج عوفيني هالليلة اتوسل بيج اذا تردين نعيش بهدوء

رجعها أحمد هذا احسن حل قبل لاتدمر الباقي بعلاقتنا اني فكرت وقررت ارجعها بنفسي

ياريت سهل مثل ماتكولين صعب كلش صعب نامي شوق ولاتفكرين بشي خليني بهمي

بعد أيام دخل علينا مصطفى وياه حيدر هجمت عليه أقتله واشرب من دمه بس ابويه مقبل

خالد اوكف لحظة لاتتهور

شيخنا حيدر يريد يحجي كلمتين ونروح

خالد اوكف متستحي تمد ايدك على الضيف حتى لو عدونا تفضل مصطفى ابني  شعندك وحيدر بعدني مناسي سواتك بابني بس انت داخل بيتي ميصير أمد ايدي عليك.

تقربت منه  شيخنا هذا كفني وهذا السكين اذبحني بيه بس قبلها لازم يجي أحمد ونحجي بسالفة بنت عمي .

كوم خالد صيح أخوك خلي نشوف تاليتها ويا حيدر

رحت صحت  أحمد تعال للمجلس ابويه يريدك

كلش تعبان خالد متخلون الواحد يرتاح رحت شفت مصطفى وحيدر كاعدين طلعت سلاحي ردت اقتله ابويه وكف بيناتنا وخر بابا لازم يموت هذا العار

ابني اوكف خلي نسمع شعنده بعدها سوي بيه اللي تريده

اني اسف خربت حياتكم سامحوني اني من حركتي على فيروز هيجي سويت من خسرتها وشفتها راضية بيك خالد وشفت نفسي شكد ضعيف كدامك احمد حبيت انتقم لرجولتي بس أني مانتقمت الله انتقم مني أهلي تبرو مني عشت بغربة وحالتي صعبه مينا نظيفه مثل المي ولا يوم بحياتي لازم ايدها حتى فيروز وجانت مسميه اليه ألله يشهد ماكو مثل تربية عمي فاضل حللوني وابروني الذمه شيخنا راسي كدامك

من سمعت كلامه حسيته اشكد شخص تافه وضعيف ضيعت مينا بسبب هذا الحقير ضربته طلقتين على رجله وطلعت من البيت لازم أشوف مينا ميهمني شي بعد .

أحمد ابني اوكف وين رايح خالد كوم ودي حيدر للمستشفى أتخبل الولد 

رجعت للبيت تعبانه من الدوام والحر قررت افتح صفحة جديدة بحياتي أكذب اذا اكول راح انسى احمد لا بس ماريد اتعب اهلي ويايه اكثر سوولي حفلة بمناسبة تعيني وفيروز تروح وتجي تعلق غيرانه

هاي شنو ماما اني حملت مسويتيلي حفلة وللدلوعة بس تعينت  سويتيها بديت اغار راح اخابر خالد يجيني ماعدكم انصاف عائلة دكتاتورية

روحي خابريه بنتي  منو لازمج هو سواج حامل قابل أحنا هههه هاي دلوعتنا رجعتلنا بالسلامه وتعينت وكبرت  واي فديتج مينا

فيروز عقلها ضارب حقج موتي حره اني الملكه مضغوطين مني الله شكد حلو شعوري واني كاعدة بيناتكم أتأمر عليكم انتي ومصطفى شلت احمد وخليته بحضني فديت الحلوين

بعد ماعرفت الحقيقة  اشكد جنت غبي ليش محاولت أفهمها  الغيرة  عمت عيوني رحنا على أبوها بالمحل اني وابويه وخالد اعتذرنا من ابوها خابرت مينا مجاوبتني رحتلها للدوام وكفت يم الباب من طلعت شافتني أنصدمت
تقربت منها صعدي بالسيارة بدون حجي زايد

رغم فرحتي بجية أحمد اشكد جنت مشتاقتله دعيت من كل كلبي مااضعف كدامه نعم وين اركب شنو شايفني ماركب ويا واحد غريب

اني مو غريب لاتخليني اشيلج بأيد وحدة وادخلج السيارة غصب

هههههه والله شلون مو غريب روح على شوق مرتك مو اني الظاهر شارب شي لو الحر مأثر عليك احمد انت اللي بديت والبادي أظلم عن أذنك .

لميعه تدرين اليوم منو جان يمي بالمحل  شيخ جابر وأحمد جايين يعتذرون بيني وبينج حسيتهم يريدون يرجعون مينا

صدك جذب فاضل مصدكنا نخلص من السالفة الحمدلله الله ظهر برائتها بس مينا بعد عيني بعدها تحب أحمد مشفت شلون  تتلكأ بخطوبتهم ليوسف هم زين همه قبلو يزوجون بنتهم لمصطفى

مصطفى: تزوجت هدى بنت صديقة امي بنية حبابة ومؤدبه وعايشين ويا اهلي اليوم رحنا حللت طلعت حامل فرحت اهواية حسيت نفسي اشكد جنت طايش وعديم المسؤولية ياما قهرت ابويه وامي وخواتي الحمدالله تغيرت وتركت سوالفي المكسرة شلت المحل على كتافي

جنت اقنع مينا  تتزوج وتعيش حياتها دايما تسألني على احمد كتلها شوق حامل بعد شهرين راح تجيب طفل ثاني حتى تقطع املها باحمد سمعت صوت تليفوني جان أحمد يريد يحجي ويا مينا .

ام زهرة وداعت خالد خليني احجي وياها

أحمد انت مثل اخويه مينا قررت تشوف حياتها اذا سمعت صوتك راح تبني امال عليك مينا تعالي أحمد يريد يحجي وياج

فرحت بداخلي بس بينت نفسي ميهمني بعد اليوم احلى يوم بحياتي يمكن نعم أستاذ احمد

شلونج عمري مينا سامحيني حياتي أعرف اذيتج غصبا عني

ضحكتني شون غصبا عنك مثلا تزوجت غصب لو زوجتك حامل غصب أحمد هالمرة اني راح اكولك عوفني اني قررت اتزوج وبالمناسبة راح تكون اول المعزومين وسديته .