رواية مينا الفصل العشرون 20 - بقلم Chra

#مينا20

بابا باع السيارة وسفرني لتركيا علمود علاجي بقينا شهرين كمت امشي شوية شوية مو مثل قبل بس احسن من اصير مشلوله تعبت وتعبت اهلي ويايا ومدى اكدر اكرهه والله ميستاهل حبي شفت حيدر بتركيا كأنه شفت شيطان مو بشر تذكرت كل اللي مريت بيها وبابا جان يراقبني من بعيد افتهمت هو شايفه قبلي شتريد مني مكفاك اللي سويته

مينا حلليني الله يخليج لحظة شيطان ترى من حركتي على فيروز هيجي سويت

بس فيروز بعدها عايشة ويا زوجها وحامل بس اني صرت مشلوله من وراك

شفت نظرات زوجج كلها شموخ وكبرياء وكل الناس تمدح بيه اولهم ابويه زوج مينا واصل زوج مينا هيج عرفت يحبج ومن اول يوم كلشي جنت اعرف شيصير بيناتكم من فينوس فاستغليت هالنقطة وكسرت بي زوجج كلش ندمان الله يخليج سامحيني ابوس ايدج من

شلون  وصلتلها

خابرني مرة ايهم من تليفونهم الارضي من بعد حادثة مصطفى وراها رجعت خابرته هي شالت التليفون تذكرت هي صديقتج الوحيدة وراح استفيد منها  اتقربت من فينوس بس  مجانت تعرف اني حيدر انطيتها اسم وهمي وعلقتها بسوالف حب جنت اسالها على صديقاتها وهي جانت غبية متعرف شكو كل شي تحجيلي وانتي اقرب شخص الها فاغلبية كلامنا عليج

  الله يخليك كوم وعوفني ماريد اسمع شي اللي ردته يعرف حقيقه راح من ايدي هسة صار ملك لغيري

شوفي حالتي مينا جنت ولد عز وهسة اشتغل فراش اهنا اكنس وانظف حمامات وانام بالشارع ابوية اتبرى مني ربج كريم اريد منج رقم احمد

ماعندي وحتى لو عندي  مراح انطيك ميصدك حتى لو تحلفله الي بينا انتهى  عفته ومشيت بقينا اهناك مع علاج صرت احسن وحيدر يومية اشوفه طلبت من الممرضة مقص  وكتلها تسد باب غرفتي كصيت شعري كلها خليتها بكيس  الصبح شفت حيدر تريدني اسامحك مو

ياريت مينا

حيدر  هذا الكيس غلفها الي ودزها  على هذا العنوان .

اشكرج مينا لان سامحتيني ولو مااستاهل الحمدالله ريحتيني هسة لو اموت هم ميهمني ثقي بالله راح ارجع كلشي مثل ماكان

تزوجت سمعت حجي ابوية وخالد بس ماكدر اتقبلها اغصب نفسي من اتقربلها هي ممقصرةبس اني كل حواسي يم مينا اتخيلها مينا اتقربلها مرات اغلط اكوللها مينا اثناء علاقة تكوم وتعوفني تكولي ليش تزوجتني مادامك تحبها صدك ماكو امان جانت بيدك طلكتها هسة حنيت الها ويايه اوف منج مينا مينا كل شي بحياتي متعلق بيها حتى حملها مو فرحان بي رغم اهلي طايرين بيها

رجعت بعد فترة فيروز ولدت وجابت بنية رحتلها للمستشفى ازورها شفت  البنية تشبهني نسخة مني خالد باوعلي

مينا راح اسميها على اسمج

لا

ليش يعني بعدج مسامحتيني

لا ماريد تطلع مثلي سموها غير اسم بلكي حضها يطلع احسن مني قبل مارجع حيدر جان مخابر عليهم ماخذ رقم احمد من بابا بس بعد ايش خالد اعتذر مني اهواية .طلعت من مستشفى شفت احمد لازم ايد شوق اويلي نار كلبي اشتعلت ليش حظي هيجي ماريد اشوفه سلمت على شوق وباركتلها جان بطنها منفوخ

شلونج مينا كلش زينة الله وياكم ملتفتت ناحية احمد وجوده يمي كافي يدمرني طلعت طول طريق ابجي .

من يوم اللي خابرني حيدر واني صاير انسان ثاني بدون مشاعر فرحت من برأتها بس بعد ايش شوق حامل واني وهي صرنا ضحية اتأذت اهواية مني ماتصور تسامحني شفت بنت خالد تشبهها نفس العيون اتقربت من خالد الله عليك خالد سميها مينا

والله  مقبلت كالت اني حظي تعيس خلي هي تطلع احسن مني.

حتى الاسم راح انحرم منها باوعتلها ممصدك حتى متريد تباوع عليه ولا سلمت رغم سلمت عليها مجاوبتني جانت مركزة على بطن شوق وهي مقصرت من شافتها لزكت بيا

رجعت لحياتي اتخرجت من المعهد ومصطفى اتزوج بنية اسمها هدى بنت صديقة ماما وجابت ولد اني سميته احمد لان مناوية اتزوج راح ابقى اربي احمد الصغير بيدي عائلة هدى كلش ناس مثقفين وراقين وهي كلش حبابة عبالك اختي مو مرت اخوية عدها اخ واحد اسمه يوس خطبني ٣ مرات رفضته وهسة رجع خطبني من جديد ماما كالتلي فكري ولاتستعجلين مو كل مرة يجيج هيجي قسمة جنت ناوية ارفض بس لما خابرتني فيروز وعرفت شوق حامل للمرة الثانية عرفت احمد عايش حياته وناسيني نزلت بعد صراع طويل من البجي ماما اني موافقه على يوسف

كللش الف مبروك بنتي عين العقل حبيبتي واخير رجعتي الفرحة لقلبي الله يهنيج

من يوم اللي وصلني طرد من تركيا فتحتها شفت بي شعر طويل اسود عرفت شعر مينا بس مفتهمت معناها جانت بيه ورقة كصيت شعري لان انت تعشقها  من جنت انام جنت تبوس وتشم بشعري هسة شعري يمك هاي عقوبتي الك كلما تشوفه تتذكر شلون خسرتني وبعتني بر خيص والله كل ليلة اشتم بشعرج ياعمري احسن وأسوء عقوبة عاقبتيني بيها.