رواية مينا الفصل الرابع 4 - بقلم Chra

🌻🌼🌷

مينا 4

مادري استعجلت بقراري لو لا كاعد اسمع امي وابويا وعلي يحجون على بيت عمي علي اهم شي يتزوج ويسافر مو مهم عنده منو تكون حتى لو فلبينية المهم وحدة تخدمه وتشوف طلباته تليفوني يدك رقم ارضي بالبداية قررت ماجاوب بس بأخر لحظة جاوبته طلع أيهم

سلامتك ردت أسال على بيت عمك مريت عليهم موموجودين ببيتهم كلت احتمال يمكم

لا مو يمنا واحنا ماعلينا بيهم

حيدر صدك تحجي شلون كدرت تعوف فيروز لحد الان ممصدك

ماعليك ولا تحاول تتدخل ماشي مو كافي الفضايح اللي صار علينا من ورا مصطفى ماعدنا وجه نطلع من البيت واذا شفتهم بلغهم احنا متبرين منهم لافيروز ولا غيرها تهمني

مع الاسف عليك هذولة شرفك على العموم اني غلطان خابرتك مع السلامه

طلعنا من بيتنا بس شايلين ويانا جنطة ملابس وحدة حتى فلوس مباقي عدنا كلها اخذوها ويا السيارة نزعنا التراجي وحلقة ماما بعناها حتى نروح بيها الناحية خارج مدينتنا تبعد عنا ٦ ساعات أجرنا سيارة أني وفيروز بس نبجي وامي تسكت بينا تكول ماريد السايق يحس عدنا شي ودنهرب سكتو كافي اباوع على بيتنا وعلى منطقتنا اكول يجي يوم ونرجع نعيش بيتنا بأمان مثل قبل أني أنظف وفيروز تطبخ لو العكس وحديقتنا جان ٢٠ متر بس مخليها جنة أنواع الزهور بيها نزرعها بيدناأهواية فرحانين بيها وكعدتنا العصرية كلها بالحديقة أتذكر وأبجي ياربي شيصير بينا بعد اخ منك مصطفى أشسويت بنفسك وبينا حرام عليك أهلنا مقصرو وياك جان تتزوج وتستر نفسك ملكيت تحب بس زينب الساقطة تروح تسوي علاقة وياها اخ منك الله يعلم شيصير بيك لما أهلها يعرفون جنت ويا بنتهم من الصبح نايمين سويه لو بيدي هسة أروح لبيتهم وأفضحها بالمنطقة بس أخاف من أخوية راح يكتلوه أبويه هددنا نقفل على هذا الموضوع يكول حرامي أحسن من مغتصب أندار علينا بالسيارة كال أتحملو وصيرو اقوياء وشنو أقرر ماريد معارضة من عدكم أفتهمتو .

فدوة أروحلك فاضل ماتحمل مصايب بعد أكو شي .

أي أم مصطفى مقرر شي أستر البنات لان بيت القصاب ناويين ياخذوهم وأني الموت أهون من أنطي بناتي لهيج عالم.

كلش خفت كلت الله يستر بعد شيصير انداريت على فيروز كتلها أشبيج تنتحبين

متصورت حيدر هيجي أبد أني وهو من وأحنا اصغار مسمين لبعض هسه شون هيجي رخصني ولج أني بالكلية يوميه يطلبوني أكوللهم مخطوبة ساتره نفسي علمود حيدر جنت أموت عليه وهسة أموت منه مدا أستوعب حالتي اكول بلكي حلم وراح نعقد الخميس وراها نتزوج وأبقى وياه وهسه شصار كل أحلامي بح من ورا أخويه شون أباوع بوجه الناس والكليه ماكو بعد منو يرضى بينا كزوجة احنا صرنا ولاشي.

فكرت بيها حجيها مضبوط احنا انتهينا بس موضوعي ويا ابن عمي ميهمني اصلا ماحبه قبلت علمود بابا منطيهم كلمه اني اصلا ماريده بس رضيت بي حتى تكتمل فرحة عائلتنا بينا والمدرسة راح بعد شيصير وأبويه بس صافن طول الطريق يجر حسرات ماعرف بشنو يفكر مو متطمنه وماما تون على مصطفى واحنا ولايهمها كتلها هاي نهاية دلعج لمصطفى شوفي شسوا بينا علمود رغبته فضحنا الحيوان.

سکتي أنتي حيوانة والله أني ممربيتج عدل تتبلين على اخوج زمالة.

شنو اتبلى عليه بعيني شفته الصبح طالع جنه عريس حتى يلحك يروح يم زينب لويش يعني يروح يصلي بيتهم لو شنو .

أنجبي أخوج شريف ميسوي هيجي شي ميروح للحرام تربيتي عمري مقصرت وياه بشي .

ترى هاي مو أول مرة أشترى سيارة علمودها بين فترة وفترة يروحون مكان بي أشوفها يوميا تطلع من المدرسة وياه .

ولي حيوانه أدبسز شمعرفج بهيجي سوالف ليش تدورين سوالف مكسرة تردين تتهمين اخوج بيها ولج هو سندج بالدنيا بعدج متعرفين شنو قيمة الأخ.

سمعته بالتليفون يحجي وياها شنو يسوون سوية ترى أبنج يموت عليها وأنتي ضلي أحجي عليه عبالج مصطفى حمامة سلامه وهو شيطان كرصتني من أيدي .

ولج كافي سكتي أم البلاوي تريدين أطيرن راس أخوج لزمي لسانج لا أكصها الج اياني واياج تحجين شي لأبوج.

سكتت أنداريت فيروز نامت وابوية بغير عالم وامي طلعت قرأن تقرا بيه حتى متسمع سوالفي على ابنها المبجل وأني أتذكر قبل أسابيع رحت أكعد مصطفى من النوم أقتربت من غرفته جان يحجي بالتليفون وصوته رايح .

ولج زنوبة شون صدر عليج يخبل ولا ركبتج وبوساتج عسل بعدها طعمها بحلكي اموت عليج وعلى جسمج ولج خبلتيني مدا اتحمل بعد لازم نتزوج اريدج كل دقيقة يمي انتي دمار بس كملي السادس لان أعرف اهلج مينطوج لحد ماتكملين دراستج اوف اتذكر لمساتج .

اتقرفت منه يع شنو هالمدح كله لزينب العوبة يع دكيت باب كال منو كلت مينا الوردة

اذا انتي وردة زنوبة شتطلع

والله زباله راسا ركض على الباب راد يضربني بس اني انهزمت من ذاك الوكت عرفت علاقتهم مو بريئة علاقة جسدية تفو عليج زينب الله ياخذج انشالله ويفضحج ام البلاوي .وصلنا بعد ٦ ساعات للناحية اللي جان أبوية بيها معلم ويا أمي بس أتزوجو قدمو نقل للمدينة شفتها اكثر البيوت بعدها طين وأكو بيها بيوت بناء حديث والشوارع بين مبلط وبين لا اقرب للقريه من المدينة مشينا مسافة وصلنا لمكان ابويه سأل جهال وين بيت شيخ عارف كالو ميت بس ابنه بمكانه هسه شيخ جابر وبيتهم بعد شارعين من أهنا بيت أصفر وصلنا شفت بساتين ومزارع أهواية بالمنطقه وبيت الشيخ كلش مبين جبير مساحته دخلنا من الباب الحرس سألنا كال منو تردون.

أخويا جايين ونريد الشيخ جابر اني أستاذ فاضل هو يعرفني .

دخل الحارس ورجع بعد ١٠ دقايق طلع ويا واحد كلش طويل وضخم بس جان كلش حلو بس طلع صار عينه بعيني واني نزلت راسي .

هلا بيكم من وين جايين اتفضلوا الوالد هسه مشغول عدنا ضيوف راح اخذكم لمجلسنا بداخل البيت بس بلا زحمه غطي راسج مجلس الضيوف متروس بالرياجيل عيب علينا تدخلين وانتي سافره .

جاوبت شنو سافره ماغطي شعري بعدني صغيره باوع على جسمي كال اي مبين اني بكلبي اكول صدك الحلو ميكمل أدبسز شون يباوع عليه عبالك مفصخة كدامه ابويا اندار عليه سكتي و فيروز طلعت حجاب من الجنطة لبستها على السريع.

ولج انتي ام لسان فضحتينا شون تجاوبين الرجال هيجي مو كلتلج لبسي عدل شوفي اختج لابسة تنورة طويلة وقميص طويل وحجاب وانتي لابسه بدي وبنطلون كابوي عبالج جايه للمتنزه أمشي ونزلي راسج اخ منج كله من ابوج

زين متصدكين تهجمين عليه اخذت الحجاب ولبسته دخلنا للمجلس اشكد جان جبير وطويل جان بيها اكثر من طخم قنفات أباوع والله يمكن مجلسهم أكبر من بيتنا وجان بيها تلفزيون مرتب ونظيف كعدنا رحب بينا كال.

اني أحمد الابن الجبير للشيخ أنتو منو.

بابا : احمد انته ابن فلانه مو

اي حجي شون عرفت اول مرة اشوفك حضرتك

ابويه حجاله هو منو كام على حيله اني خفت عبالي يضرب ابويه اشو كام حظن بابا وباس راسه

حضرتك مو غريب شيخنا أهوايه يسولف عليك الف هلا بيكم وجدي الشيخ الله يرحمه جان اهوايه يمدح بيكم وبست لميعة وحبوبة هسه تكيف بيكم اهوايه جانت تتمنى تشوفكم مادري شكوللكم فرحتونا وشرفتونا

دخل شخص ثاني مثل أحمد طويل بس مبين بكد او أكبر من بابا أحمد كام على حيله كال للولد جانوا ورا الشيخ لادخلون اكو حرمه جوا فتراجعوا بقى هو والشيخ وسد الباب صاح من الباب الثاني حضرو السفرة والضيافه عدنا ضيوف غالين وجيبو الحجية للمجلس الشيخ اقترب من ابويه كام وكف وأحنا وياه صافح ابويه كال شكلك مو غريب عليه.

متذكر منو علمك القراية والكتابة وانت جنت متزوج .

شيخ جابر: لاتكول أستاذ فاضل.

ابو مصطفى : أي اني وهاي ست لميعه .

الشيخ فرح وحضن بابا كال وينكم وباسني اني وفيروز من راسنا ورحب بأمي كال كعدو.

شيخ جابر : اشلونكم احوالكم شنو هالغيبه كريم اخوك شلونه .

أبو مصطفى :بجيت متحملت من ذكر اخويه شيخ احنا بمشكله داخلين على الله وعليك .

شيخ جابر: لاتبجي ركبتي كدامك انت بس اشر وكول ركبتي سدادة .

أبو مصطفى :شيخ تقبل ياخذون عرضي

شيخ جابر: لاحول ولا قوة الا بالله لا طبعا احمد اطلع من المجلس شكو احجولي بناتك بناتنا واللي تأمر بي يتنفذ

أبو مصطفى: حجيتله سالفة مصطفى وكتله أريد أمن عليهم أهنا حتى ارجع لمصطفى اشوفله حل .

شيخ جابر :تأمر وولدي كلهم كدامك مراح نخليك ترجع وحدك ونسوانكم بركبتنا نحميهم .

أبويه: أريد أستر عليهم أزوجهم يالله اروح واني هسة بيدك شنو تأمر بي اني حاضر اختارلي من رياجيلكم اللي تشوفه مناسب ويقدر ظروفنا .

شيخ جابر: الله كريم كومو ياجماعةأحمد تعال اخذ النسوان يم الاهل وكوللهم هذوله أغلى من مي العين.

كمت بس شنو كأنما ضاربني سيارة شلون أبويه العاقل هيجي يرخصنا هسه عبالهم أحنا مسوين شي باوعت فيروز وامي مصدومات مثلي دخلنا من باب ثاني سمعت أصوات نسوان وجهال فتنا يم الهول .

أحمد : خيريه تعاي

جتي مرة أمبينه اكبر من احمد طبعا مينزل عينه من عليه واني اردد بكلبي تفو عليك ياناقص بوسط بيتك وماكلني بعيونك لو بالشارع شجنت تسوي.

أحمد: هذوله أهلنا جايين من المدينة وديهم يم حبوبه وضيفوهم الشيخ موصي عليهم واني اغمز للبنية .

دخلنا كل النسوان وكفو رحبو بينه ويبوسونه كأنما يعرفونه من زمان وصلنا يم مره جبيره امي راحت حضنتها وباست ايديها سالتها منو انتي كالت لميعه زوجه معلم فاضل جرت امي ايا بذاته هاي وينج ولج وين رحتو شنو هالغيبة تبوس امي وتبجي مية هلا بيكم اني تقربت ابوس ايدها باوعتلي ولج لميعه هاي منو كالت هاي مينا بنتي الصغيرة وهاي فيروز وبعد عندي ابني الجبير مصطفى ولج لميعه ليش مساتره بنتج هاي فتنه تمشي جرتني من ايدي كعدتني يمها صاحت عويش جيبيلها عباتج ميصير تكعد هيج سألتني منو شافج من الرياجيل كتلها بس شيخ وأحمد ضحكت كالت بعد المن تريدين يشوفج عوبه اشكد حلوه جنج جكليته ولج ستري نفسج اذا رحتي يم رجلج لبسي هالثوب اني صرت قطرة مي حسيت يباوعون ويتبسبسون بيناتهم بعد ما اكلنا سالفه اجر سالفة بس اني كل فكري يم ابويه اشراح يصير وفيروز ساكته داخله بعالم ثاني وامي وحجيه مقصروا بالسوالف وكل مرة تندار عليه اتكول لج لميعه هاي عوبه كلش حلوه بس ستريها ميصير جسمها كله طالع الله يخليج عيب وحرام واني لبست العبايه وسكتت بس داخلي كومه اسئله محسيت بطعم أكل ولا احس بشي من حولي بس اريد اعرف نهايتي شنو كملنا الاكل وأخذونا لغرفة جانت بيها كانتور وفراش اني وفيروز رأسا نمنا محسينه بالوكت أمي ضلت تصلي وتقرا قران ماعرف أشكد ضلينا نايمين سمعت صوت ابوية وامي يحجون فتحت عيني بس جوا الفراش.

هسه أرتاحيت الشيخ راح ياخذ مينا وفيروز لولده أحمد وخالد مو كتلج لميعة هذوله راح يشيلونه بعيونهم أحسن من أهلنا

يمه على بنتي خالد مرته جديد متوفيه صارتلها ٣ اشهر وعنده بنيه رضيعه مينا راح تموت اذا عرفت مستحيل تقبل.

لاتخافين مينا ياخذها أحمد وفيروز لخالد اعرفها عاقلة ورزينه راح تتحمل بينما مينا بعدها صغيره واهواية دلوعه بس يجي يوم وتشكرني وترى وعدني يحل موضوع مصطفى عشائريا بلكي نخلص ويطلع ابنا.

سودة عليه ابني هسه بيا حاله حي ميت الله يعلم شمسويين بك.

ولج حي ماميت أحمد ابن الشيخ أتصل بالمركز وحجيت وياه مابي شي بس يكول طلعوني واني أحل الموضوع بنفسي.

أكول فاضل أحمد منيين يعرف المركز .

هو نقيب بس راح يتقاعد لان حلالهم اهوايه ميلحكون عليها وراح يصير شيخ بالمستقبل فلازم يكون ويا ابوه تذكرين امه الله يرحمها أشكد جانت شاطره اتعلمت تقرا وتكتب وتروح للزرع وجانت توكف تخبز وتردد الحروف ويا نفسها .

واني اكدر انسى جانت أيام تدري الشيخ متزوج ٤ هسه احمد الجبير بعدين خالد وراه ضرغام وناظم بعمر مينا واصغر عنده ماشالله ١٥ ولد وبنات الله يحفظهم وينطيهم أضعاف مضاعفه متصورت هيجي يستقبلوني نسوني حزني على ابني وقهري على أخوك واختك.

اخويه واختي اني مااستاهل منهم هيج تذكرين ابويه وامي ماتو جانت عمرها ١٢ سنه جبتها يمنه ربيناها جنها بنتنا اني وانتي مفرقناها عن جهالنا لحد ماتزوجت ولا يوم راحت بيت اخويه كريم مع العلم هو اكبر مني حتى مجان يصرف عليها.

أي أتذكر وهاي تنسي ميخالف الله كريم اكول فاضل احمد هذاك اللي دخلنا للمجلس واي يومه كلش جبير على مينا مبين عليه عصبي ومسيطر بالبيت ترى النسوان يخافون منه اهوايه حجيه حجتلي عليه كالت كلش ابو قلب طيب بس عصبي نار ايده تسبق لسانه مسيطر اكثر من ابوه اخاف من مينا والله بعدها صغيره وهو ضخم تموت بين ايده.

شنو هالحجي لميعه مو عيب فوك زينهم وديسترون بناتج تكولين هيجي حجي لعد شترديني اسوي ارجع انطيهم لبيت القصاب حتى يصيرون مثل زينب هاي تريديها بناتج خلى يتسترن وانت عقليهم والله العظيم اطلع حركتي بيج افتهمتي صيري عاقلة وعقلي بناتج.

مينا : اسمع ودموعي تنزل صدك جذب اللي سمعته اني وفيروز هيجي يصير بينا كأنما مسوين عار وهذوله يتسترون علينا ليش ياربي بحياتي ممسويه شي غلط بس لبسي وحجاب مالبس بس فيروز محجبه وساتره أني أستاهل بس هي خطية ياربي الطف بينا سمعت فيروز تون عرفت سمعت وتبجي بس لازمه حلكها حتى اهلي ميسمعوهامنمت ضليت افكر بحياتي الجاية.