رواية مينا الفصل الرابع والعشرون 24 - بقلم Chra

#مينا24 الأخير

خالد الشاحنة اليوم توصل ديربالكم من الغراض وعينك على العمال لان اني اتفقت ويالشركة يرتبوها بنفسهم

اي حقك خايف من نسوانك مأجر عمال هاي لو اني فوك مامسويلهم بيت ومشتريلهم غراض جنت اموتها واغصبها هي ترتبها

على كيفك عيني هرقل خايب لو ماعرفك جنت اصدكك فيروز اطلع برا لو لا فيروز نروح نتونس لو لا فيروز اروح اكعد ويا اهلي لو لا هسة يمكن استأذنت منها تجاوبني لو لا هسة كمل اللي وصيتك بي وخابرني انشالله هالاسبوع وأحنا يمكم كملت معاملات نقلي اليوم راح ارتاح من هالدوام

شوق كومي عفية نروح للسوبر ماركت مشتهية شي يكون حامض حلو ليمون حلو هيجي شي

لمست جبينها حرارتج طبيعية لعد هالخبال منين طلع شنو ليمون حلو لو نطلع وحدنا للسوبر ماركت الظاهر مشتهية كفخة لو ضربة حزام من أحمد

لا حبيبتي احمد يحبني الضرب والكفخات هاي الج مو اليه فديته حبيبي

اي صدكتي قبل ايام مو انضرب ابويه

على الاساس انتي يجيبلج كل يوم هدية  شوق لاتصيرين حقيرة مجرد ضربة بسيطة تعبير عن الحب والاشتياق هسة كومي نروح قبل لايرجع ويضربنا احنا الاثنين بايد وحدة لبسنا حجاباتنا اني وياها واخذنا الجهال طلعنا سيارته هو بالدوام ماخذين راحتنا وصلنا للسوبر ماركت كل وحدة اخذت سلة اني خليت يمي ابنها الصغير والباقين يمها علاقتنا صايرة حلوة مو على كيفنا اكيد من ورا احمد وسيطرته علينا خلانا هيجي وشوق تغيرت من رجعت تدرس وتمتحن خارجي صارت انسانة ثانية وجهالها اعتبرهم جهالي وهي اهلي من يجون يمنا تطبخ وترحب بيهم احسن مني مرات نتعارك لحظات ونرجع نتصالح لان نبقى ايام وحدنا واخر قرار اله غصبنا احنا الاثنين نرجع للقرية ونعيش ببيت وحدنا بصف بيت ابوه طابقين كلش حلوة تصميمه حاسبنا وطلعنا طول الطريق احس بتعب دخلنا الغراض وشوق بدت ترتبهم واني اخلي بالثلاجه وكل دقيقة اشتهي شي

مينا ولج لايكون تتوحمين وحامل

ها فتحت عيني مصدومه بلا حجي سخيف مسوية نفسج دكتورة نساىية متخلفة بعدج ممكملة امتحان السادس كعدي راحه

حقج ترى هالمواضيع متحتاج دكتورة مبينه ياجهاله زعطوطة ابشرج احس نفسي حامل انتظر احمد يجي واروح للدكتورة اتأكد

عفت الغراض ودخلت لغرفتي سديت الباب وكفت كدام المرايا هاي تحجي صدك لو تقشمرني يعني اكو اهنا لمست بطني بيبي واصير ام اخاف اروح احلل وانصدم ميطلع شي ونفسيتي تنكسر بس هاي تعرف مخلفة قبل لحظة تذكرت كالت حامل طلعت من الغرفة شوق صدك تحجين حامل

فزيتيني ياربي شبيج اليوم ليش تصيحين مو قبل جم ساعه كلتلج عفتيني ومشيتي لغرفتج هسة تذكرتي خلي اخابر احمد يرجعلنا مالي حيل 3 قرودة ومخبلة بالبيت

اليوم بالدوام سوولي حفلة توديع مخابرت البيت ردت اسويلهم مفاجأة رجعت تعبان بس اريد انام واني اسمع قبل لا افتح الباب صياح الجهال حسيت براحة واني اسمع حسهم فتحت الباب ودخلت وكفت بمكاني سلام قول من ربي الرحيم اعوذبالله من الشيطان الرجيم شنو هذا شوق ومينا لافين راسهم باكياس وجههم عليها خلطة سودة ميبين بس عيونهم شنو هذا مينا متمددة وشوق كاعدة فزو اثنيناتهم واكفات ممنتظرين وصولي شنو هاي والجهال واكفين يم الحايطين خايفين من شكلهم اول ماشافوني ركضو عليه واني اشيلهم وابوسهم

جنا معزومين اني وشوق يم بيت اهلي زوجة مصطفى مسوية حفلة عيد ميلاد لأبنها  وكفت  من الهبطة  وكعت بمكاني

أحلى خبر سمعته مينا حامل رغم شوق جابتلي ثلاث ولد وهي هم حامل بس فرحتي غير بمينا رجعنا للقرية وسط اعتراضهم طبعا طول الطريق اثنيناتهم يدردمون واني مسوي نفسي مااسمعهم واحجي ويا جهالي شوية وينفجرون من برودي بنيت بيت احلامي اهواية تخيلت يصير عندي بيت واتزوج ويصير عندي جهال اهواية بس بعمري متصورت اتزوج اثنين واعيشهم سويا بمكان واحد رغم ابويا الشيخ متزوج اربعه ومسيطر عليهم كدامه كلهم زينات ومتفقات بس يختفي تبدي سوالفهم قسمت الطابقين بيناتهم الطابق الاول شوق وجهالها والثاني لمينا حتى ناخذ راحتنا

صعدت للطابق الثاني نفس الموجود بالاول ماكو اي نقص بي بيت كامل كلش فرحانة بحملي مخبلتهم بطلباتي حتى شوق حامل بس مو مثلي عادي ولا كأنه حامل كل الاعراض السيئة بالحمل اني احسها يمكن من الوسواس حتى من انام اخلي ايدي على بطني عبالي يتزحلك صايرة فلم كوميدي بلاش بالبيت احلى شي اهنا تجمعات تلنسوان السوالف 24 ساعه شغالة متوكف وخصوصا من ادخل للبيت الجبير انسى الوقت ويا فيروز وتعليقات الحجية مرات ارد عليها مرات شوق تدافعلي حتى على امها متقبل تحجي او تعلق على شي يخصني لو تدخل بحياتنا مرات نكعد اني وياها نتذكر سوالفنا بداية حياتنا نموت من الضحك حتى احمد يشاركنا اهواية اشياء جنا نسويها وهو ميدري مرات يعصب مرات يضحك

أحمد حبيبي روح يم مينا لاتخليها وحدها شوية تعبانة من كل كلبي حجيتها

نيخالف شوق هاي ليلتج باجر اني يمها واذا رادت شي هي تصيح لو تخابر أصعدلها الله يكمل بعقلج اريدكم دوم كلبكم على بعض

أحمد تصدك مااغار منها ولا انقهر لان تحبها أكثر مني اعرف مو بيدك وانت مقمقصر ويايه معيشني ملكة حتى أكمال دراستي جان حلم مستحيل بالنسبة اليه بفضلك وبفضل مينا كدرت احققها انتو كلشي بحياتي الله لايحرمنا من بعض ويخليك خيمه على راسنا لو يرجع بيا الزمن مراح اختار غيرك رجال لان ماكو مثلك ولو مرات تعصب وايدك تسبقك بس من تجي تمام متخلينا ننام زعلانين تصالحنا وطيب خاطرنا بكلمة حلوة منك وهسة روح يمها اني مابي شي تعودت على الحمل بس هي خطية اول مرة وحامها صعب .

بستها من راسها تدرين عمري متصورت عقلج يكبر بهالشكل وتفكرين براحتي وبراحة مينا جنت أتصورج غير شي بس مرات المواقف تبين معدن البشر وانتي اصيلة شوق وبنت شيوخ لاتكولين تحب مينا احبج انتي همينه انتي خليتي اول فرحة بحظني واني وياج لحد ماتكملين دراستج وابقى أساندج مو زوجج بس ابن عمج وصديقج وحبيبج همينه مراح اقصر لا وياج ولا ويا مينا صعدت يمها جانت نايمه ومبين اثار التعب على وجها بست خدودها وبين عيونها ابتسمت مكارة مجنتي نايمه تمثلين راح تصيرين ام بعدج على سوالفج احبج يا احلى بنية بالعالم

واني هم احبك بكد شعر راسك ضحكت عليه وهو يلمس راسه جديد مزين زيرو ممبقي شي

نذلة مو بيدج اخ من لسانج مال أكلج هسة انتقام لمشاعر

لالا هههههه ولك احمد عوفني راح اموت احمد جان لازمني ويدغدغني على كيفك اخاف يصير شي بالبيبي

ليش شايلة طفل لو طبق جلي يتحرك شلون مجان خايفة لايخرب احبج مينا احبج يااحلى واعظم أم بالعالم ام بنتي
اتمنى تطلع تشبهج عمري مراح ازوجها ابقيها اريد اكثر من مينا بحياتي

واني هم احبك حمودي ولو ماحب هالدلع تذكرني بسوالفك القديمة

حرام عليج ياسوالف خافي الله لاتتبلين على ولد تلناس وانتي تحت رحمه ربج

والله وحركات احمد نسينا ايام زمان علينا وكيح جريت خده تتذكر اول بوسة من ضربتك ههههه تقربت ابوسه ضربني قديمه مو بطعم اول مرة من سويتها وضربتك خفيفة مو مثلي من كل كلبي رفعت ايدي وانطيتك راشدي معدل

اي والله اول مرة انضرب رغم هاي مهتميت للضربة هلكد ماجنت متحسر اكمل بوستي وأحضنج اشكد جنتي ظالمة مال هسة انتقم منج واخليج تنامين وحدج مو بحضني

متسويها مجرد حجي تتمنى يجي الليل حتى ننام اشرتله على المخدة على هذا أعرفك لان انت نفسي بكلشي

حضنتها تعرفيني لان اني وانتي اشرت على قلبها نحب بعض ونفهم بعض لان قلبي قلبج وقلبج قلبي احس بيج من غير ماتكولين

مرت الايام وجبت بنية وراها شوق جابت ولد وكملت دراستها وقت امتحانها احمد ياخذها للشقة لحد ماتكمل ويرجعون من يروحون احس بوحدة فظيعه تعودت عليهم وعلى حياتي وحتى مشاركتي بأحمد رغم اني اليه بي حصة الأسد أكلنا سويا طلعاتنا زياراتنا حتى السوك سويا الناس عبالهم اخوات مو ضراير وجهالها يصيحوني ماما مينا ويحبوني مثل امهم مصطفى صار أخ مسؤول ميمر يوم ميطمن علينا اني وفيروز وأمي وابويه عايشين بهدوء وراحه ويا مصطفى وجهاله وزوجته ولو اهواية عذبنا بحياته بس هسة يحاول بكل الطرق يعوضنا واهلي راضيين عليه كلش خصوصا امي من تمدحه واحنا نذكرها بسوالفه تكوم تحجي علينا وتكول صرتو ام بس بعدكم متعرفون شنو يعني الامومه تعينت معلمه بالقرية بنتي اخليها يم شوق لحد ماارجع الحمدالله حياتي كلش حلوة مناقصني شي رغم اللي مرينا بيها من ظروف لكن نهايتنا جانت حلوة