رواية مينا الفصل السابع عشر 17 - بقلم Chra

#مينا17

شلون جانت مينا وياك خايفة

لزمته و بديت اضربه واني أسأل نفسي شلون يعرف اكو شي ياربي لاتفجعني

شلون تقبل تاخذ وحدة مستعمله

شنو موته من الضرب  هي اشرف منك ياحيوان يانجس شلون تحجي على شرفك بيضت وجه اهلها تربية عمك ياجلب

  أسالها شلون جنت امارس وياها

مخليته يكمل الحجي ضربته على حلكة وكع صاحني خالد جاوبته لاتجي ماريد يسمع شي عن مينا كافي اللي سمعته ليش هيجي حسيت شي دخل بصدري سكين بيد حيدر على كلبي وكعت وفقدت عبالي حلم طلع حقيقة واني بالمستشفى فتحت عيني حسيت بألم  اسمع صوت اجهزة بعدها عيوني مغوشه فتحت شويه شويه سمعت صوت خالد احمد جاوبني انت زين الله يخليك يابعد كل هلي

ماي اريد ماي رجعت نمت بعد فترة هم صحيت شفت الدكاترة واكفين على راسي فحصوني كالولي حمدالله على السلامه نقيب احمد انت الله رجعك للحياة جنت ميت اي استجابة ماكو منك طلعو وعافوني .

ابجي وأبوس بيه كبرني وكسرني جرحك بيا ولابيك يابعد عيني يابعد كل هلي

جان يبوس ايدي وجهي ضحكت  اني بخير كافي تبوس شيخنا

اي شيخنا مبقيتلي شي

بعدك زمال ياخالد

شسوي طالع على اخويه الجبيرمو بيدي حضنته ياحيوان متت وراك هسة روحي ردتلي

زاروني اخواني وعائلتي واهلنا كلها ورؤوسائي بالعمل ضليت اسبوع بس استقبل الزوار بقينا اني وخالد سألته وين مينا  بس هي الوحيدة مشفتها وبداخلي أغلي منها اني الج ياساقطة

  شتريد منها  ورا اللي صار بعدك تريدها زوجة الك من يمتى صرت متهتم للشرف  احمد اني سمعت حيدر اشكلك اذا هي سلمت نفسها لخطيب أختها وتسوي ويا بلاوي شلون تأمن بيها أحمد اذا رجعت مينا فانت لا اخويا ولاعرفك افتهمت ولازم تبقى موطي راسك اللي مسويتها حرام والله حرام وانت بعد كيفك .

جنت اتمنى اموت ولا اكوم اللي مسويتها مينا متغتفر  ليش هيجي مثلتي عليه دور البريئة اشلون انخدعت بيج ياربي عاقبتني اسوء عقاب مرتي تطلع أنكس من بنات الليل تخون أختها ويا خطيبها ليش مينا ليش اخ ياربي اريد اموت الله  ياخذج انعمت عيوني من بين النسوان اخذتج وحبيتج .غفيت واني ابجي من بعد وفاة امي اول مرة ابجي وبحركه والله حبيتج هسة اني جسد بلا روح اكيد حيدر راح يحجي بين الناس عليه يكوللهم شوفو ابن الشيخ ماخذ فضلتي ورافع راسه بيها 

لاتبجي على هالجلبة اني راح اطلق فيروز ونخلص منهم

لزمت أيده لا وداعتي لاطلقها اذا صدك خالد تعزني وتحبني لاطلقها هي مالها ذنب بنيه ساترة تخاف الله مو مثل مينا بايعتها جان لازم اعرف من لبسها اول مرة شفتها هي مو تمام بس انعمت عيوني من شفت عينها عبالي اشوف امي اهواية تشبه عيون امي راسا عشكتها من عيونها كلت اكيد الله يريد يكافأني دزلي مينا حتى اتذكر امي بيها شلون اباوع عليها اضعف كدامها

لاتسوي بنفسك هيجي لا اروح هسة اموتها واجيبلك جثتها تدوس عليها وفيروز متهمني بعد حالها حال الجلب

لا خالد ماقبل اني حياتي انتهت بنتك اتعلقت بفيروز لاتيتمها مرة ثانيه ماريد زهرة تعاني من اليتم مثلي صير عاقل اريد انام عوفني هسة

بسته من راسه وطلعت خابرت فيروز صارلي اكثر من اسبوعين محاجي وياها

خالد حبيبي قره عينك بسلامة الغالي شلونه هسة حبيبي لاتسوي بيه هيجي اني شنو ذنبي

سكتي فيروز خابري اختج تجي تشوف احمد وسديتها بوجهها ماريد لا اسمعهم ولا اعرفهم ياربي ليش هيجي أحمد ميستاهل يتيم اجبر بخاطره ياريتني بدالك ياخوي اجه الشيخ

شبيه اخوك احجي ولك  لاتكذب اشبيه ياربي لاتفجعني بيه ليش تون وتبجي مقهور عليه دخلت وبعد شوية طلعت شبلي جان نايم لزمت خالد سمعت حواركم بس فهمني بدون ماتكذب

حضنت ابويه بابا ابنك مطعون من الظهر ومجروح ادعي الله يجبر جرحه شبلك انكسر من ورا مرة ساقطة اشلون انطيت شبلك بيد هيجي ناس ابويه  مينا طلعت مو تمام لاعب بيها حيدر جلب

شنو يعني مينا مو بنية اتزوجت اخوك

بنية بس ناقصة ناقصة عدها علاقة ويا حيدر خطيب اختها والموضوع  مينحجي  استغفرالله

اني شسويت بأبني ليش هيجي استاذ فاضل هذا جزاتنا الله ينتقم منكم ولكم جيتوني هربانين عزيناكم ورجعناكم مرفوعين راس صنت حريمكم وهاي بنتك تطلع هيج ولك هاي بعدها صغيرة هيجي مسوية اذا تكبر شتسوي

واني ناوي اطلك فيروز

اوكف ابني هي شعليها لاتظلم بنيه حرام عندك خوات انتظر لاتستعجل بس مينا مستحيل تبقى على ذمت اخوك

دخلت للمستشفى واني اركض حتى مسديت باب السيارة شفت الشيخ وخالد سلمت اتقربت من شيخ ابوس ايده مقبل

فوتي جوا لاتحجين ويانا ياعار لو ماأحمد جنت ادفنج بمكانج

مجاوبته صار عندي مناعة من الاهانات محجيت شي دخلت شفت حبيبي نايم وجسمه ملفوف وعليه اجهزة  بست ايده وجهه وراسه واني اشهك وابجي

فتحت عيني مينا

يابعد كلبي اموت عليك من عمري على عمرك حبيبي  . الله ياخذ روحة انشالله الله ينتقم منك حيدر جلب حبيبي لو بس اشوفه اني اذبحه بيدي يمتى يرخصوك اريد ابقى وياك خالد ميقبل اجي اهنا

شتريدين مني مينا

شنو هالسؤال  احبك اموت عليك ماكدر اعيش بدونك

ويا كل كلمه تنطقها تنزف جروحي  سكتي مينا انتي طعنتيني نزلتي راسي واني بحياتي محد دايس على طرفي انتي كسرتيني مينا كلشي ولا الشرف افتهمتي الا الشرف

شنو هذا الحجي حبيبي راح ارفع راسك دوم واعوضك بكل شي

ماريد فضلة غيري الي سويتي ويايه صعب ينجبر من جديد ملكيتي احد تشبعين رغباتج الا زوج اختج المستقبلي مخفتي على مشاعر اختج ولج انتي شنو نوع من البشر تزنين ويا خطيب اختج اللي سويتي بنات الليل ميسووها وبياعين جنتي تبيعين ثكل كدامي وانتي متسوين فلس وخري لاتبوسيني بوساتج خنجر تطعني الف وسفة عليج .

احمد هذا الكلام من وين جبته

من حيدر صاح بيا كدام العالم زوجتك فضلتي اني مسوي وياها ال استغفرالله حتى الكلمة متطلع من عندي

  اني موبس مصدومة اريد الأرض تنشك وتبلعني ياكبر كلمات ياكبرال ظلم اني بحياتي ملازم ايد ولد غير مصطفى هاي تاليتها حتى هاي السوالف ماعرف بيها شلون حيدر هيجي يسوي يالله يامنتقم ياجبار احمد اسمعني

مينا انتي طالك طلعي منا خالد خالد تعال  طلعها منا هي مو حلالي امشي ولي طلعي منا

وكعت بالارض ماسمع شي غير بجي ماما وبابا فتحت عيني شفت نفسي بغير مكان اني وين بغرفتي  اني جنت احلم اني رحت يم احمد مو ماما.

  اي جنتي يمه حبيبتي على كيفج

تذكرت اشصار بجيت يعني الي صار مو حلم طلكني احمد ابجي واضرب بنفسي .