رواية مينا الفصل الثامن عشر 18 - بقلم Chra

#مينا18

شفت جنطة ملابسنا اللي حضرتها من جيت لأهلي حتى نسافر كم يوم  طلعت ملابسه اشم بي وابجي امي تتوسل بيا بس ميفيد اصيح واكوللهم عوفوني والله اموت نفسي عوفوني ركضت على الصالة واني أصيح بابا اريد احمد ليش زوجتوني ليش هيجي خليتوني ضحية ولك مصطفى الله لايوفقك دمرتني مطلقه بعد مصارلي  أشهر متزوجة شيكولون علية الناس بابا ابن اخوك دمرني الله ياخذه ابجي  واصيح ظليت شهر هاي حالتي .

من يوم اللي أطلكت من مينا واني روحي طلعت مني احبها اعشكها  خلص الي بينا انتهى ماكدر ارجعها لأن كلما اشوفها اتذكر حجي حيدر اعوفها احسن بلكي الزمن يداويني دخل خالد ويا ابوية نزلت راسي عرفت ابويه عنده علم بسالفة حيدر ومينا رفع راسي باسني

أنساها أبني الي خلقها خلق غيرها ابني بريلي ذمتي اني ورطك وياها

بست أيده لا تلوم نفسك هاي قسمتي وأني راضي بيهابابا خالد سالفة مينا اهنا تندفن اذا احد عرف بيها راح اهج واسافر متلكوني بعد وابوها تروحون تحجون وياه تكولون ماكو نصيب بيناتهم ابني اكبر من بنتكم ومشكله اللي صارت بيها زواج خلص فهي حرة وانت دبرها بابا .

بعدك يازمال تحبها بعد سواتها شنو هذا الحجي اروح ويا بابا افضحها قابل احنا غلطانين لو بنتهم ساقطة اخ لو الزمها املخها لاتستر عليها اكسرها.

  اسكت  خالد اني كسرتها  طلكتها بطلاكي الها راح يدمرها

لا عيني باجر تشوفلها واحد هاي متعودة بعد شيوكفها وصارت مرة خلص بعد تسوي الاعظم بابا يطلع منا نزوجه شوق بنت عمي حتى تكسرها اكثر

اشبيك لاتنسى اني اخوك  الجبير ماكدر اتزوج مرة ثانية عوفوني بحالي

  شنو متريد انت رجال متكعد تنوح وتبجي على مرة وياريتها تستاهل فكر ابني

مو هسة خلوني اوكف على حيلي والله كريم

خالد  أبنيكوم نروح لبيت مينا اسمعيني  نروح وانت متفتح حلكك افتهمت والله اتبرا منك اذا اتصرفت تصرف محلو لاتنسى انت ابن منو.

مينا  حبيبتي كومي أجه الشيخ كاعد ويا ابوج

مصدكت بدلت وغسلت وجهي اكيد احمد يرجعني يحبني مثل ماحبه جنت متاكدة مراح يصدك بحيدر الجلب الحمدلله يارب الحمدلله وصلت يم الباب شفت امي واكفة تبجي لزمت ايدي ماتقرب بعد وكفت سمعت

شيخنا البنت بنتكم لو شايفين منها شي اني بنفسي أتخلص منها احنا سكتنا هالفترة لحد ماتستقر حالة أحمد

  استاذ فاضل مينجبر قلب على قلب أسال بنتك ممتفاهمين طلاق أحسن حل الهم لاتطولون موضوع وهي قصيرة بنتكم يمكم وفيروز تبقى ويا رجلها ماعليها خلاف وهاي فلوس المؤخر واني اترخص

مهتميت  لأمي وهي تجر بيه حتى مادخل  دخلت  ليش هيجي شيخنا انت حقاني لاتخلي ابنك يظلمني حرام عليكم ياناس الله ميقبل الظلم.

ابني مو ظالم يا مينا ابني مظلوم ومجروح الله يجازي السبب.

أنصدمت شنو هذا الحجي اويلي كلهم عرفو بالسالفة اني لازم اشوف احمد مراح اخلي يظلمني اكثر لازم يصدك بيا دخل  ابويه ومصطفى بعد ماودعوهم  واني بعدني واكفة ومصدومة

بنتي كل شي قسمة ونصيب الله يعوضج انشالله سامحيني بنتي أني ورطتج بهالزواج والله يجازي حيدر

لا مراح اقبل اريد احمد ماقبل يطلكني والله اني بريئه بريئه هجم عليه مصطفى ضربني

ولج حيوانة شمسوية حتى الرجال يطلكج احجي

يضرب واني ابجي واكول والله العظيم بريئه امي جرتني من بين ايده بالكوة سمعنا صوت ارتطام شفنا ابويه واكع رحت عليه بجيت بابا لاتعوفني مثل احمد جرني مصطفى من شعري اخذني لغرفتي وقفل الباب عليه واني اصيح بابا بابا سمعت صوت صياح امي وبعد مدا اسمع شي.

حتى المنوم متجيب نتيجه أخ مينا ليش هيجي ليش أشكد أحبج شلون انساج ياربي ليش خليتني احبها رجع ابوية وخالد حجولي اللي صار مدري افرح لو ازعل مينا صدك تحبني لو تريدني ستر وغطا عليها مثل مايكول خالد شلون اتحمل بدونج مينا خسارة حبي بيج اتذكرت اول ما اجوي لبيتنا وعرفت بمشكلتهم جان وقت العصر  سافرت واخذت جماعتي طبينا لبيت القصاب شبعتهم  ضرب خليت بنتهم وامها بغرفة ولزمت ابوها واخوانها ضربتهم ضرب جانو يتوسلون بس اعوفهم لزم ايدي ابوهم ابني الله يخليك ابوس رجولك والله راح اتنازل هسة اروح للمركز والسيارة والفلوس والذهب هسة اجيبهم الله يخليك كافي رحت وديته للمركز اتنازل شفت مصطفى حجيت وياه طمنته على أهله وانطيته تليفون حجه وياهم وصيت مسؤول عليه كال خلال يومين ويطلع

محبوسه بغرفتي حتى زهرة اخذوها مني امي وابويه ميقبلون ارجع مو كافي هم  مينا اني هم  أرجعلهم ضغطت على نفسي ودست على كرامتي وبقيت يمهم شبعوني أهانات خالد من جهه وأهله من جهه كل خوفي على مينا بعدها صغيرة متتحمل .خالد كافي اللي تسوي بيه ألف مرة كتلك أختي شريفة حيدر جذاب ليش متصدكني خلينانتفاهم .

على شنو نتفاهم فيروز انتي اول وحدة لازم تتبرين من أختج بعد ماخانتج ويا حيدر

انت زوجي واني ميهمني لاحيدر ولاغيره واعرف كلامه كله جذب حتى ينتقم من عدنا لان ممصدك رحت من ايده 

وين جنتي متوبين من حركاتج شلون تطلعين من غير اذني ولا تنطيني خبر

شلون أنطيج خبر وتليفوني يم أبنج رحت أشوف فينوس الله يخليج ماما ساعديني اوكفي ويايه ماريد حياتي بدون أحمد

حبيبتي شنو بيدي اسويها الج ميريدج منكدر نجبر الرجال الله يجاز بيت عمج دمرونا عوفي أحمد خلي أختج تعيش بسلام شفتي فينوس

لا مسافرة ماعرف امها اصلا مخلتني ادخل لبيتهم اخذت  تليفون أمي خابرته جاوبني احمد الله يخليك لاطلكني الله يخليك والله ماتحمل انت تظلمني والله حيدر جذاب والله اني شريفه سمعت صوت توتوتوت ميريد يسمع دزيتله مسج هم مجاوبني ضليت اخابره وأرسله رسايل لشهور وهو ولا يجاوب وفينوس اختفت كل مرة امها تتحجج بشي

لا ليلي ليل ولا نهاري نهار قدمت أجازة أرتاح ماكدر اسوي شي حابس نفسي أكثر الوقت بغرفتي كلما اكول انساها بس أسمع صوتها لو أشوف رسائلها اتذكرها شينسيني أخر مرة جاوبتها  لاتخابريني مينا كافي  نفسي عافتج

الله يخليك احمد انت تظلمني وديني للدكتوره خلي تفحصني اذا اني جذابه راح يبين

شفحص صخام وجهج انتي متستحين مينا كافي انتي غريبه بالنسبه الي عوفيني اذا تردين اختج تعيش براحة انسي شي اسمه احمد ترا اختج حامل وسديت التليفون بوجها .رحت للديوان كلت لأبويه جان كاعد هو وحبوبة  أني موافق راح اتزوج شوق

الف مبروك ابني هسة كلبي ارتاح الحمدلله نسيت هالعوبة كلها دعواتي الك الله نساك اياها والله شوق احسن منها .

لحظة يمه احمد ابني فكرت زين بعدين ماكو تراجع هاي عرضنا فهمتني

فهمت بابا

فيروز مو كافي الزعل حرام عليج حارمتني منج هالمدة اذا مو لخاطري لخاطر اللي ببطنج

انت اختاريت هذا الشي خالد اهواية ذليت نفسي ألك مجنت تسمعني حارمني اروح لأهلي مكدرت ادافع على اختي حرام عليكم أخوك كسرها والله راح يندم .

ماعلينا منهم خلص احمد راح يتزوج وينسد موضوع اختج وبالنسبة لأهلج راح اوديج الهم المهم الحلو يرضى علينا

رجعت لحياتي ولدراستي  طلع اسمي بالمعهد حمدت ربي لان مجنت اكدر اركز هلكد ماافكر بأحمد مرات اخابر فيروز لو هي تخابرني بس أسأل على أحمد تسد التلفون بوجهي متقبل تحجي كل لحظة وكل يوم أشتاقله ولا دقيقة اكدر أنساه رجعت من الدوام شفت سيارة أحمد واكفة يم بابنا  من الفرحة ماعرف امشي لو اركض طبيت شفت خالد وفيروز جايين كل امالي اتبخرت سلمت عليهم شفت بطنها كبران بستها وبست بطنها  الله راح اصير خالة يارب بنية تشبهني

شكل ميخالف بس طبع لا انشالله

خالد كافي شنو هالحجي وين اتفاقك ويايه

خلي يحجي اللي يريده فيروز اللي جان يهمني راح اسمع خالد مادام الله موجود وشاهد عليه متهمني لا انت ولا غيرك

استغفرالله مينا خلينا نسد الموضوع احسن زين اني رايح احمد ينتظرني مع سلامة

يعني هو موجود اهنا الله شنو هذا اليوم عيد لو شنو لزمت ايد فيروز وينه احمد الله يخليج اريد اشوفه ابوس ايدج حتى لو من بعيد

لزمتها وبستها واني أبجي عليها  انسي هو  مو قسمتج أحمد خطب وهسة احنا جايين نحضر تجهيزات عرسه افتهمتي انسي احمد عيشي حياتج وشوفي مستقبلج.

مستحيل  منطقت بحرف صيحت وركضت على غرفتي طلعت تليفوني ابجي خابرته لاتتزوج اموت والله الله يخليك لاتتزوج ماتحمل ترتبط بغيري منو اخذتك مني.

وأناديك ودموعي هماليل وفي الصدر تنهيده و حرّه
أحبك وما للحب تأويل ولا شفت منك إلا المضرّة

جيت ويا خالد وفيروز بعد ايام زواجي من شوق  أشتري غراض وأتذكر مينا بكل خطوة اخطيها شفت رقمها تخابرني جاوبتها

من قهر قلب ذبحته بين ايديك
ودي اصرخ وادعي من قلبي عليك
ماتخاف الله انا شسويت فيك
ذا جزا الوافي يا ناكر عطاهم

ابتعد عني وانا راضي الشقى
واترك النار لخفوقي تحرقه
مابقى فيني بقايا مابقى
خلني بهمي روح اتبع هواهم.

تاج راسج شوق وسديت تليفوني.

هذا نهايتي لا مااقبل  كسرت غراضي امي وفيروز صعدوا يلزموني ميكدرون عليه خابرو مصطفى

شبيج حيوانه شنو صايرة مستهترة تصيحين تخبلتي ضربتها ضرب جريت تليفونها شفت رقم أحمد ولج ادبسز تخابرين رجال مو محرم الج ومتزوج شيكول عليج هسة راح يصدك كلام حيدر رجعت اضربها اكثر وكعت على  ميز تواليت كسرتها راسها جان ينزف خفت لا اكون قتلتها.

الله ياخذك مصطفى قتلتها خابرت خالد الحكني اختي راح تموت