رواية مزهق للإقتصاص الفصل الخامس عشر 15 - بقلم رمش عقيل

مزهق للإقتصاص.

بقلمي:رمش عقيل

تصويت لطفاً.التعليق بين الفقرات.🤍

꧁ـــــــــــــــــــــــ꧂

وانتَ المَا تحبني ، شَلون بالله وياك ؟.
أمرن بيكَ مَا مُر بِالحَبُوني .
عفت الي شَرُوني ومِنْ ارد شلون ؟.
هم اسوه بعد ونوب يسووني !.
حبيتك شجاني وماحسبت حساب
خيعونك علية مو انه خَيعُونَي .

لـ جبار رشيد

꧁ــــــــــــــــــــــ꧂

::-أتندم إذا خسرتج مو إذا حبيتج.

أخذني عليه حتضني منومني بحضنه أحس گلبي يرفرف

الأمير::-تحبيني

سما::-لا

رفع راسي علمود أباوع بعيونه

الأمير::-علوية جدج رسول الله شمالج أچذبين

سما::-ما أجذب اني

الأمير::-البچي من طلگتج ومن رحت كله هاذا وما تحبيني؟

::-اي بس اخاف عليك وأحن الك وغار عليك

أبتسم

الأمير::-چاا هنيالي

ضميت وجهي بحضنه وهو رفع راسي بأيدي توقعت بعده يريد يسولف بس لا بلحضه أخذ شفايفي بين شفايفه وكلشي من عدنه اختفى الزمن وگف لحظة وحدة گلبي يدگ بسرعة أتحكم بيها وكل أنفاسي صارت مختلطة بين خوف وحنين بعد لحظة ابتعد شويه بس بعده قريب أحس نفسهه على وجهي

ما عرفت شگول لو أحچي بس ما أريد انام ما أريد حتى أرمش خاف يطلع حلم بس بعد وقت غفيت لليل يلا گعدت ايده علية وخرتها وگمت فتحت التلفون الساعة بالـ1 طلعت ضوة الصالة طافي رحت للمطبخ توضيت ورجعت صليت هيه وصلاة الوتر ورجعت نمت صاير عدنه نقص نوم من وره الأيام الفاتت رجعت انام گعدت ثاني يوم من وكت كمت غسلت وخليت القوري على الطباخ ورجعت فتحت لغرفه لگيتهن نايمات أبتسمت الهن ورحت يمهن عبالك طايرة من الفرحه كرصت همس وگمت أصيح عليهن گامت همس معبسه وجها رحت وراها سلگت بيض وگليت وطلعت الجبن اجت يمي همس رحت اگعدة وهيف لگيتها گاعدة وتلف بشعرها هيه ويوگع وهمس مو بحالها رحت شديته الها وهيه وحده ما متحمله الثانيه اخذت الجاي حطيته شويه وسمعتهن يتلاسنن وأجه أمير يتمشى على كيفه خزرهن وگال

::-شكو شبيجن من الصبح

هيف راحت وهيه تشكيله وبنص الحچي بچت حچيها نصه فتهمته ونصه لا

::-اريد ابقه يم ريفان مريضه البارحه اجت اصيح واخذتني انوب اجت تعاركت وياي سحبت التلفون تفتش بي

باسها وهوه يهدي بيها بس ما حچه أي كلمه ويه همس بس خازرها مسح وجه هيف وگالها

::-روحي بدلي راح يجي عليچن شيث

وعاين علية وراها

::-انتِ هم

::-ما أداوم اني

دخلت جوه احچي وياه

::-أميرر

::-روحة

أبتسمت ورحت أتمشى يمه عاينلي

::-ماكو أمشي يلا

هزيت راسي لا

::-فدوه أروحلك

::-بس اليوم باجر اداومين

هزيت راسي بأي راضيه ...

"همس"

دخلن جوه وهو شوية ورجع يعاين علية گال

::-شايفه عليها شي وتفتشين وراها

::-الحذر واجب

رفع حاجبه ما مصدك

::-عارفها عارفها أول وتالي

بقه گاعد وسما اجت يمه اصب الريوك واني رحت شفت هيف وگتلها

::-لا زعلين مني

::-ما زعلانة بس لأن جبتيني انقهرت

::-والتلفون؟

دارت عليه تعاين

::-شبي؟

::-هيج

فاهيـة وثوله وعلى نيتها كلشي بيها بريء رحت لگيتهم يتريگون والنهار مشى عادي بليل رادوا يرحون لبيت جدهم وأمير چان يلح علي "امشي ويانه" بس ما قبلت چنت كلش مشتاقه لروان وبتها رحت جبت حلويات وخابرت كامرة عليهن وظليت أسولف وياها وهمه راحوا والبيت بيه بس شوي ارتاحت روحي من خابرتهن وبقينه نسولف اني وميراڤ.

"سما"

گعدنه كلنه بالصالة وعبالك خطّار جايين حسيت نفسي غريبة لحد ما التموا كلهم للـ9 ونص خفت الگعدة وبقوا بس الولد والبنات يسولفون ويضحكون مهدي وهو يباوع علينه أقترح علينه لعبة

مهدي::-اسألكم وجاوبون

الأمير::-چا اني رايح

هيف::-لاا لا بعد وكت فدوه

باوعله مهدي رافع حاجبه ما عاجبه

::-كوم ولي اطلع

شال كلاص الماي يريد يضربه بي عيونه كلها عصبيه بسرعة مديت يدي أخذته منه بدون ما أحچي غيرت مكان الكلاصات بعيد عنه خاف ما يگدر يگوم الهم يصك واحد بگلاص ويفتح راسه..

الأمير::-تعالن تعالن ميليس ورفل

باوعن عليه مصدومات اثنينهن

::-ها

::-ليش ما داومتن اليوم؟

::-باجر ان شاءلله

رفع حاجبه ما عاجبه

مهدي::-لا تدخل بختي

::-حضك وحض اختك

سيف::-يلا شبيكم سؤال ديني يگول اول نبي نكتب بالقلم

بقوا صافنين واني هم صفنت وياهم

مهدي::-هاا علي

هيف::-اندري هيه هاي علوية بنصنه صفنتها

سما::-ثنين بالي لو النبي سماعيل عليه السلام لو نبي ادريس عليه الصلاة والسلام

مهدي::-حددي بنت الخال

أمير اشر لخته بصابعه اثنين وصحنه اني وياها بنفس الصوت

::-النبي ادريس

صفنه وهارون گام يحلف ويتكفر أمير گال النه

مهدي::-غشااش جا ما تكول انتَ

الأمير::-ما يعجبني لو بيه حيل ولا ابقه

هارون::-دومك متبطر على نعمة الله لحد ما بلاك الله بعمليتين شككنك شكك

الأمير::-الحمدلله والشكر من باقي اشتم الهوى وغاثكم

هيف::-الحمدلله

هارون::-زينننن سؤال هالمرة بربكم ليعرف يجاوب گبل لا تغشون وهسه نحسبت ترا النقطه لأمير يگول السؤال...

بقه يفكر لأن يردوها اسئلة كون صعبة

::-أول من آمن بالنبي محمد صلى الله عليه وآله وسلم من النساء؟

ميليس::-انييي اگول

::-اي

::-السيدة خديجة رضي الله عنها

مهدي::-كفوووو

مُنتهى::-جذااابههه اني گلت لدياب ردتت اتأكد وسمعتني

رفل::-لاا ميليس گالت

مُنتهى::-ولج اني اختج ليش اجذبين

سديم::-احچي بختك دياب

أبتسم دياب وگال

::-صحيح بس بعدنه نحچي بيها ما متأكدرين

هارون::-چا اني شگلت مو لا تحجون مالي شغل النقطه لـ ميليس

مُنتهى::-لوگيي

مهدي::-قواعد العبه محد يجاوب اله يرفع ايده هسه منو اليسئل؟

الامير::-سما؟

هزيت راسي بأي وگلت

::-چم سنة بقي النبي نوح عليه السلام يدعو قومه إلى التوحيد؟

بقوا صافنين وهارون گال

::-الله ينطيج العافيه منين جبتي

رفعت اكتافي مبتسمه لأن الي ما يعرفه ويجاوبه نفس الشخص تسجل اله نقطه بقوا صافنين حتى أمير الچان متدد گعد ساند ضهرة على المخدة

سرور::-950 سنهه

صفنه بوجهاا وصااح سديم

::-يااا غشااشه

وهيه تغمز اله

::-ولكممم شااافت بالتلفون والله

مُنتهى::-بطلنه ما نلعب بعد

وصدگ شغلنه التلفزيون والصالة چانت چبيرة كل واحد ماخذ صفحة أمير تحرك يريد يروح بس ظل متردد من شاف هيف مندمجه وسولف وتحلل

"مُنتهى"

نعاين على التلفزيون وگبل لا يخلص الفلم اجت ورقة طايرة التفت كلهم صافني فتحتها مكتوب بيها "اني شمرتها" أستغربت ورجعت لفيتها بسرعة وشمرتها على ميليس لأن بس هيه چانت تتلفت رجعت أسوي نفسي عادي ورجعت عيني عالتلفزيون بس ثانيه واحد بعد واحد گام يشمر على الثاني وصارت ما تعرف من الي يشمر بس صارت عينه ع هيف ودياب وسرور من ضحكتهم طاحت هيف على زوليه من الضحك

سرور::-ثوله

وما تشوف عينك بس أوراق متطايرة بكل الصالة صارت كرنفال ورق زهرة نزلت من فوك بقت تعاين مصدومة عيونها كلها على الصالة گالت بصوت عالي وهيه رافعة ايدها

::-شنووو؟ هاي الصالة چانت حرب بيها

الأمير::-رجال مريض مالي بيها اخذ اهلي واروح

هارون رفع تليفونه

هارون::-ها اي اجيت

سرور::-اني عندي باجر دوام يلا معه سلامه

ميليس::-كومي رفل نخابر مهرة ناخذ منها دروسنه

كامن ثنينهن وكل واحد روح روح لحد ما فرغت الصالة تقريبًا ما بقى غيري أنا وزهرة نعاين صافنين وسديم ودياب ميتين من الضحك گاموا لموهن وزهرة رجعت من وين ما أجت وسديم دك تليفونه ودياب خذهن بالجيس يذبهن انا لملمت كلشي بسرعة ورحت أصعد الدرج لاگتني سرور تركض

::-شكو

سرور::-اريد الحك سديم يشتريلي

::-ثول

راحت، وأنا صعدت ولگيت ميليس يم رفل گاعدين بالگاع ويخابرن بمهرة يسولفن يوم يصيرن صديقات ولا أحلى منهن، ويوم يصيرون عدوات ولا أتعب منهن. عفتهن ورحت فرشت أسناني، أخذت التلفون وتمددت وأخذت التلفون أوقته رفل گالتلي .

::-قبل شويه چان يدك تليفونج

فتحت أشوف ثلاث مكالمات فائتة من طاهر بلعت ريگي وسديت التليفون وتمددت وأحس مغص ببطنـي گامن رفل وميليس بعدهن يخابرن ويسولفن طلعن فتحت التليفون أريد أدك بس مترددة لحد ما دگ بيدي هو فتحت الخطزگال بصوت هامس

::-السلام عليكم

حچيت بتوتر

::-وعليكم السلام

::-شلونج وينچ ليش ما تجاوبين

::-اچنت جوه والتلفون باقي اهنا ما أدري

::-شلونج

::-بخير

::-شلونها دراستج ماشيه

::-زينه

::-مشتاقلج وطاگ گلبي على ما أشوفج

حسيت گلبي نبض وكزبر جلدي بقيت ساكته وصوت أنفاسي يبين من التوتر گلبي يرجف مثل الطير المحبوس گمت أمتمت أتمشى بالغرفه يم المراية حتى ألملم حچي بس كل كلمة بلساني تتيه وهوة بعده ساكت عالخط.

::-مُنتهى وياي

::-اي اي وياك

::-أريد نطلع

::-وين

::-أريد اشوفج قابلة علمود احچي ويه اخوانج اذا ما عندج شي

::-أن شاءلله

بقيت شويه و سلمت وطفيته منه چنت حايرة وحطيت راسي عالمخدة أفكر بي ما متقبلة فكرة اني خطيبته أبد گلبي ما يستوعب غمضت عيوني ودموعي نزلت شعور صعب كلش حبني واني لا مو يعني ما حبه بس فكرة أعوف اخواني وخاصة رفل تكسرني مسحت وجهي من أندك الباب

دياب::-نهو

درت وجهي للحايط وغمضت عيوني بقوة كلشي ما أريد أحچي وياهم هو دخل بهدوء وسد الباب حسيت بجسمه من گعد يمي

::-مُنتهى

سند روحة على الحايط گال

::-كومي يهون عليج أضلين زعلانه مني ادري بيج كاعده كومي

گمت گعدت سانده ضهري أعاين عليه وهو صافن بعيوني گال

::-باجر أروح

درت وجهي عنه وگلت

::-روح وتمنى لو ما ترجع وتبقى اهناك أفضل وأحسن

سحبني باسني براسي

::-ولعباس ما يهون علية بس شسويي خاايف عليجن

مُنتهى::-لااا تگول تخاف علية ومدري شنوو من شنوو تخااف من شنو بس گلي

دياب::-لاحگه تعرفين

أندك الباب مسحت وجهي بسرعة وگمت افتحه
من شفت شيث بوجهي عاينت عليه ورفعت حاجبي باستغراب.

::-شعدكم اليوم كل دقيقه واحد جاي

طب يفر بيده

::-تطرد من الباب تعلمي الأداب

أشرت على الباب وگلت

::-طلعوا طلعوا برا طلعواا گاعد أكول

شيث::-هسه بربج لو رحت باجر ومتت شدكولين ربج تتندمين

شهگت وصرخت بي

::-أنجبب أنچب وطلع أطلع شيث أطلع كافي بالگوه علية أحچي وياكم جوه

حضني دياب ويستنشق بشعري

دياب::-وحق ربي يمعزچتن عندي بس شلوون أفهمچ شلون

بودي أحضن واحد من عدهم وأفضفض أگله شكد تعبت وشكد محتاجه أضل بحضنهم أحتاجهم يشيلون همي مو انه أشيل همهم بس ولا واحد بيهم فارغ إلي غفار ملتهي بمرته من دكتور لدكتور واني ما أريد أزيد همه وهمهاووالباقين غرگانين بشغلهم وكل واحد ماخذ الدنيا من جهة والثالث محتفي من أكثر من ثلاث سنين فجأة أجه عبالك الزمن يختبر صبري.

دياب::-تعالي ولج خل أحچي

مُنتهى::- أريد انام لا تجون وراي

سحبني باسني وشيث جاب عباية لبسني واني ما أعرف وين ماخذيني

::-وين

شيث::-نموتها خنگ لو نحر

دياب::-لا طلقه كافي تودع

شيث::-خوش حل

مُنتهى::-ياااا

سحبني من إيدي مشاني وراه بخطوات سريعة گلبـي يدگ ما فاهمة وين رايحين وين ما خذني طلعنه من بين البيوت رايحه وياه مثل الغريبة لحد ما وصلنه للبستان الهوا غير ريحة التراب والمي العذِب والليل مسوي غشاوة دخلنه جوا ورق النخيل تمشينه للأخير واني كل لحظة أگله

::- وين ما خذني

وهو بس عاين بعيوني وگال

::-شويه وتعرفين

گعدنه يم شجرة نبگ الحمدلله من بعدك مذكرها

::-مُنتهى لا زعلين والله مو بيدي

::-والله خايفه عليكم والله أني ميته ما أعرف شسوي أريدكم يمي رفل كل يوم وهيه تسئل عليكم خلي تحس بحنانكم عليها شوفها من أجيتوا واليجاي حتى ما سولفتوا وياها وهيه گاعد تتقاضكم هلبت تحنون عليها

بقيوا واگفين ثنينهم صافنين على واحد بوجه الثاني شويه وشيث راح وخلانا بس أني ودياب شويه وأجه علاكه ورفل باليد الثانية يضحكون گعدوا يمي

::-باجر عدها دوام المن رحت جبتها

واحد صفن على الثاني

::-والله حيرتينه وانتِ ماعندج

::-لا

::-ليش؟

::-عاجبني عدك اعتراض استاذ شيث مدام انتم ما تكولون اني هم يعجبني وما أريد أگول

نزل راسه يطلع طلع كل واحد ببسي ونساتل وجبس بوشار وحطهن اني ما رددت وگمت عنهم اتمشى وهمه بقت عينهم علية بس رفل مكيفه بيهم وگامت أسولف بحماس عن كلشي خفگ گلبي بخوف من سمعت واحد شهگ درت ادور بس ماكو أحد صحت

::-منووو اهنا.

درت من وره شجرة الورة وشفت همس رحت الها مفزوعه

::-شكو شصاير

هزت راسها وگالت

::-كلشي ماكو

مسحت وجها وگامت تعدل ملابسها وحجابها الدنيا ضلمة بالگوه الضوء واصلنا من الساحة يكشف ملامحهم.

دياب::-مُنتهى وينج ولج

التفتت عليه أريد أگول اهنا وگالت همس

::-اشش خل اروح

تريد محد يشوفها بس شافها گال

::-شبيها

::-ما كو شي

ما علق ومشينه وهو گام يفتحلي سوالف قديمة بس علمود أسولف لحد ما وصلنا عن أهلنه ومن، مرة زهرة من كتلتنه وامي تعاركت ويه أمها صار الطابوگ من فوك البيت وحده أشمر على الثانيه وأمير واگف هوه وأخواته بعيد عنه يشجعون ونگله تعال ويانه وهو لاويانة ولا وياهم متكتر إحنه ويه أمي واليسع وزهرة ويه أمهم حضنته واني أشهك وبنفس اللحظة ميته عليهن من الضحك شلون چانن.

"همس"

أحس گلبي جمر على أخواتي وبودي أموت خصوصًا بعد ما حلمت بهزار دخلت للبيت وأول ما دخلت صار بوجهي أمير بالحوش يريد يطلع وسما بالباب مال المطبخ.

الامير::- وين چنتي

همس::-بالبستان

اجه يمي رفع راسي

::-ليش باچية

::-هيج اذكرت اخواني

حضني من چتفي وأخذني وياه جوه البيت واني ساكته غسلت من المطبخ وشربت ماي

همس::-تصبحون على خير راح أنام

الأمير::-لا تبچين ينضر عيني

خليته ورحت تمددت ودموعي على وجهي كل اللي أريده بس أسكت وما أگدر صعبة والله مر وقت أهواي وبالأخير غفيت ...

"ميليس"

بعد حادث أمير كلنه أخذنه إجازة من الدوام دوامنه بس أسبوعين أول أيام رحنه ويه الغثة وصل أول هيف ومُنتهى ما قبلت تداوم مدري شبيها وبعدين أنا ورفل وسرور وگال

::-اني لو واحد من الولد يرجع ياخذجن اتصال واحد يا ويلچن اذا ما رديتن

رفل هزت راسها بأي وأنا وسرور مشينه نعيب عليه مسوي روحه فد مرة لاگتنه مهرة بالكافتيريا گعدنه سوه منتظرين المحاضرة ومهرة بالگوه عليها جايه

::-وعلي على هاي الاجازة بوسن أمير من راسه سحلونه ذهاباً وأياباً

ميليس::-ايعع رجعنه لغثه دوام فددد اكره هسه ما يسونه العصر

رفل::-تراا يجنن والله احلى من الگعدة بالبيت وطلايب

ميليس::-حچت السجاجة

مهرة::-اي والله

ميليس::-اگوم اجيب چاي تردن

::-لا

گمت اجيب

رفل::-يلا بعد ميدخلونه

مهرة::-بعد خمس دقايق

سرور::-رايحه اني

رفل::-واني هم

ميليس::-جاايين

اخذت الچاي بأيدي وصعدنه سوه سرور راحت لقاعتها واحنه هم كلنه نفس القسم ونفس الاختصاص بس الفرق سرور مرحلة ثانية وإحنه أولى

دخلنه للقسم مالتنه وچان القسم مليان بالطلاب والأكثر جايين والأقل الي ما جايين رحت گبل بدون ما أعاين على مقعدي بس من عاينت شفت واحد گاعد بمكاني ومكان رفل هم چانت گاعدة بي بنت گالت رفل

::-تعالي نگعد بالمقدمه احلى وأحسن

::-لا أريد مكاني

::-ترا بجامعة مو مدرسة حتى حاجزة رحلتج

::-ون چان مو اقل من الشهر نگعد بي احنه

چنه نحچي بصوت هادي مهرة گعدت بمقعدها چانت ورانا ما تدري رحت يم الولد وگلت

::-من رخصتك مكاني

رفع راسه مستغرب وگال

::-مسجل بأسمج؟

::-عفواً بس هاذا مكاني

گامت مهرة مستغربه وگالت

::-ميليس تعالي اهنا

::-لا

::-مو تكلج اهناك شمعنى اله هاذا

::-هاااذا مقعدي من اول دوام شلون بالله

::-بابا انتِ مو صغيرة

::-لا صغيرة كبر عقلك وگوم

دخل الدكتور والولد والبنات چانوا يعاينون علينه بس اللي بالأخير واللي گدامنه ما چانوا يسمعون رفل ما عافتني بقت يمي والدكتور سلم وراح گدام البروجكتر وهو ما منتبه ألي گال واحد من الطلاب

::- دكتور اهنا اكو مشكلة

التفت علي

::-بخصوص شنو

گامت مهرة من مكانها استأذنت وحچت گال الدكتور

::-اگعدي بغير مكان وره المحاضرة ارجعي لمكانچ بابا

::-لا دكتور مقعدي ما اريد اغيرة

::-أريد اشرح

::-تمام

سحبت جنطتي من رفل وتوجهت للباب

::-من رخصتك دكتور

طلعت متوجه للسنتر التفتت على صوتهن ليورة لگيت مهرة ورفل رحت الها

::-ليشش طلعتننن

::-ليش تردين اسوين عركه بالگوه چان گعدتي بأي مقعد عادي

::-مقعدي وما اگعدد بغيرة لو مدري شيصير انتن روحن ارجعن

مهرة::-ما اريد

رفل::- واني هم

وصدك ما رجعنه للمحاضرة الثانية لگيناهم طالعين ورجعنه كل واحد يمقعده من خلص الوقت أجى نفس الولد علينا وگال

::- صاحب مشاكل وشتردين أصير خوش گومي بابا ولا تلعبين وياي.

ابتسمت بتحدي ورفل بسرعة لزمت إيدي قربت خطوتين گدامه عيوني تصير بعينه وگلتله بصوت واضح ومسموع

::- إذا إنتَ صاحب مشاكل وشريد أصير أني أصيرلك صاحبة مصايب وما أگوم منا

ويّه حچايتنه دخل دكتور غير چان يمنه سلم وبس رفع عينه صارت على الولد الگدامي گاله

::-مارتن ما تگعد

::-المس اخذت مكاني

::-أگعد بغير مكان ياعيني

::-دكتور ما أريد غير هاذا

::-دكتور واني هم ما اغير مكاني واني الأجيت اول

هز راسه بأي وگال

::-مارتن أگعد بغير مكان

::-ما اگعد اذا مو مكاني

وضرب على المقعد كدامي حيل جفلني عاينت عليه خازرته

مهرة::-اكسري الشر وگومي شصارت هاي وأنتَ صدك مارتن

الدكتور::-مارتن وانتِ اطلعوا برة

::-بس دك...

مخلاني اكمل وگال

::-برا بابا

اخذت جنطتي وگلت بصوت شبه مسموع

::-والله العظيم اندمك محاضرتين سنتين معناها

ودرت على البنات واني احچي

::-لا طلعن لأن مبينه مطولة

گلت واني اعاين عليه وهو فاير واصدقائه يحاجونه

::- نخابر دكتور مهند يجي

::-لا ليوصل خبر امه ماجابته

ابتسمتِ واني طالعة وكأنو ما مهتمة بس واللهچنت محترگه وحاسه مولعة.

مشيت وهو وراي ولا كأنه رجال شكبرة كل خطوة ثگيلة رحت تمشيين برا شوية تهواين وبعدين رجعت للكافتيريا ساعتين ونص وأني أنتظر وهو مل واچه گعد گدامي بمسافة بس من مل متوجه علية

مديت إيدي عالتليفون خذت صورة للطاولة چانت كيكه نصها مأكول
كتبت عليها "أسعد بطني تكسب قلبي" وخليتها معلگه چنت مفعلة النت من مهرة بس هسه بعيد فراح.

أجن رفل ومهرة بس رفل وجهها شاحب مو مثل عادتها گعدنه شترينه أكل وهنه گامن يضحكن علي
بقيت صافنة عليهن بس من اجت سرور غلسن اثنينهن وما فتحاً الموضوع

بس رفل واضح بيها شي مو طبيعي وصدك حسيناها ترخه حتى ضحكتها أختفت

سرور::-رفل

گمت مفزوعه الها احس روحي راحت

::-رفوله

راحت سرور اجيب ماي ومهرة نخبصت ونخطف لونها ما حسيت واني التفت لـ سرور وطاحت هيه والكرسي صرخنه اني ومهرة صرخه وحده وگمنه نركض الها اجن بنات ويانه حسيت روحي رايحه ما أعرف شسوي بس أيدي ترجف وصاحوا الولد

::-مااي مااي ذبن عليها

فتحت البطل سرور ورشت على وجهها واني حاضنتها على طول إيدي ترجف من الخوف بس ضميت الخوفة كله مني تعاركت ونسن ثنينهن ياكلن لا هيه ولا مهرة صديقه سرور گالت

::-لا تخافن ما بيها شي بس اضن صار عدها هبوط

گومناها واني بعدها أيدي ترجف من شفتها مهرة تتطمأن عليها

ميليس::- ولجج من وراي حتى نسن ياكلن وهيه عدها هبوط نسيت من وراي

سرور::- ليش شكو

مهرة عاينت علي أشرت إلها أحچي مسحت وجهي وگمت أروح للحمام من نهد ريفان گمت أخاف لا يصير شي بوحدة رحت غسلت ولگاني نفس الولد بعده گاعد مكانه بودييي أموته صارت عينة علية غمضت أعيوني الزم أعصابي ومن وصلتهن ضربت على الطاولة بقوة اجيت لا محاضرة حضرت وما تهنيت بيومي سرور بقت عينها علية خازرتني ورفل بعدها إيدها بيها رجفه سحبتها علي أفرك بيها گالت سرور

::- خل نروح للعيادة هاي اليمنه نشوف ضغطها

هزت راسها بلا

::-لا گومي

اخذت التلفوة مهرة تريد تخابر على واحد من الولد بس رفل گامت

ميليس::-الخوف يعدل شوف

رحنه چانت عدها هبوط بالسكر رجعنه ناكل ونسولف ضلينا لحد ما خلص الدوام طلعنه لگينه مهدي منتضرنه ومهرة راحت للخط مالها

"همس"

باليوم الثاني خابرتني ميراڤ تحلف بيه ارجع

::-وهاا حيدر يريدج وربي گال وصليلها خبر من ترجع للبيت

::-أستلم وهاذا شيريد الثاني

::-ما أدري الله أعلم بس عايني والله گال محتاجج

::-خوش ان شاءلله

طلعت أشوف أمير لگيته گاعد بالصالة الساعة بـ 11 هيف بالدوام گلت اله

::-أمير أريد أرجع

::-بعد وكت

::-ما أگدر بعد والله

::-خوش

چنه بس اني وياه وسما بدوامها حچيت وياه وگمت اسوي غده وهو گاعد بالصالة نسولف اني وياه ...

"مُنتهى"

بعد ما راحوا للدوام مر اليوم عادي لحد الضهر كلشي هادي فزينه على أصياح شعيب طلعنه من المطبخ مفزوعين وهو يصيح بصوته العالي فزز كل الميتين مو بس النايمين

::-منوووووو يرووح يم ريفاان يوميه منوو

ام هيثم::-هاا خيرك

شعيب::-منووو

::-اني اني واخوتك وابوك

::-غيررركم يمهه غيركم

::-محد شمالك

::- يمه العلاج أجبته الها متغير اكول ما گاعد تتحسن مغير مغير كلشي

أنصدمت وحسيت ريڤان نهايتها مثل نهاية جدتي تمرضت وبعدين توفت طبوا أعمامي وجدي وسولفوا السالفة وگالوا كلشي وجابوا العلبة الجديدة والقديمة والعلاج الجديد مو نفسه القديم بي تغير كلش صغير بحيث محد يگدر يلاحضه بس هوه مدري شلون لاحضه

::-انييي كتااالة وروح اخوي مو أبن امي

صالح::-لاااا تصيح وتهوبز من وحدك منو اله نيه يأذيها

شعيب::-مبينه عمي مبينه جاا ما خليتوني اخذها أعالجها اهناك يميي مو انا موجود ودياب وسديم ليش ما خليتوني مبينه الشغلة

بعده ما مكمل واجاه راشدي من جدي

::-قصدك احنه شلك بهالحجي

دفار::-لااا يرادله كصه السان طولان السانه من طلع منا

وعمي صالح يفور يريد بس يلزمه

شعيب::-راضين ما راضين باجر الفجر طالعين لبغداد وشنو يصيررر مالكممم دخل

دفار::-انيي ابوهاا

شدهان::-اخذها شهرين ما تبقه اكثر اهناك وترجعها

شعيب::-ما تكمل الشهرين والله

وگبت بين عمامي ما چانوا راضين على حچي جدي واحنه والبيت من أصياحهم يرن ظل الوضع هيچ لحد ما رجعوا من دواماتهم رفل وميليس راحن خنسن بالغرفة وسرور اجت تسأل وتستفسر وصدك للعصر هدأ البيت وكأنه هدوء ما قبل العاصفة.

"همس"

بعد العركة والإقناع أخيراً قبلت أرجع ويه ريفان أخوها ما أجرعهم ما أگدر أغص حس من أشوفهم أموت منهم أموت حضرت نفسي والثاني يوم الفجر طلعنة وچنه اني ودياب وشعيب وريفان أخذت الطريق كله وحاطه السماعة بأذاني لا سولفت ويه أحد ولا سمعت أحد رفعت راسي أباوع ليگدام وشفت دياب يباوع علية أزل ما صارت عيني بعينة كسرها طفيت التلفون بنص الطريق وهمه تبادلوا المكانات دياب وشعيب نمنه اني وريفان حطت راسها على كتفي واني على الجامه وغفينه مدري شكثر مر وقت وسمعت صوت شعيب يصيح علينة

شعيب::-بالله هاي ادري بيها ما تگعد هاي الثانية بأي طريقه يگدوها خاف اذب عليها ماي وتفضحنه
يلااا ولچننن

گعدت أعدل بحجابي خازرته

شعيب::-الياخذج امه داعية علي بليلة ما بيها قمر وبليلة الوحشه من كل گلبها الله يساعدة ان شاءلله بهليوم هاذا

وريفان ما تقبل تگوم مد يدها واني فتحت البطل ورشيت بوجها بس چنه هستونه نايمين قبل ساعة ويردونه ننزل للمطعم نزلنه ناكل وبنص نزل شعيب باجه

دياب::-صدك جذب ولك

شعيب::-نعمة الله شمالكم

خلانه بالگوه أكلنه ريفان أخذت أكلها بعلاكه وتعاركنه اني ودياب هوه يگول على حسابي واني اگول لو أموت ما أريد

شعيب::-اني أدفع

همس::-شتختلف عنه أنته

ريفان::-كافيي شبيج خلوها هيه تدفع

دياب::-حلتهاا بت دفار

وردت أروح كل واحد دفع مالته وشعيب دفع لريفان وهمه أخذوها الطريق كله يسولفون من وصلنه حسيت روحي تكسرت وكل ساعة واحد مخابرني: الأمير، روان، ميراڤ، حمزة، وخالي.من وصلت، لگيت حمزة باب البيت ابتسمت إيده صايرة زينه ضحكت ورحت له باسني نزل الجنط ويه دياب واني دخلت وصرخت ميراڤ وروان ضربتها وهيه اجت فرحانه شويه ودخل حمزة.

حمزة::-شووو وخري وخري خل اشوف اختي

سحبني منهاا حاضني ويهمس بأذني

::-ولج أجي اهنا احس فارغ لو فارغ مو هيج ينحس وحشه اخلافج البيت

أبتسمت وسلمت على روان وگعدنه نسولف ونضحك ...

"ميليس"

رحنه للقاعة واني أصيح وتحلف "إذا گاعد مقعدي يااويلهه" بس المقعد مالي محد گاعد بيه والولد نفسيته ماكو رحت گعدت مكاني ورفل يمي ومهرة گعدت مقعد يم صديقتها گدامنه دخل دكتور مهند اللي من أول أسبوع داومت شفته وبعد لا ابتسموا الولد وسلموا عليه وتحمدوا اله بالسلامة واني أصلاً ما أعرف شبي غلست شويه ودخل وراه نفس الولد اللي تعاركت وياه، مارتن گله ...

::-ليش متأخر

::-اعذرني

::-زين اليوم مشيت بس من باچر أريد حضور مضبوط وما أريد واحد يتأخر واللي يتأخر ما يدخل واضح

عاين علية مارتن خازرني وگعد مغير مكانه بيناتنه كرسي وبنت بنصنه گال طالب من الطلاب

::-دكتور غبت عنه يومين سواله عركتين

::-ادري بي ما يگعد

ما عبالي يقصدونه اله من گالت رفل أخو انصدمت وچان مكمل وراجع يدرس مرة ثانية بتخصص غير تخصصه فتحت عيوني على وسعهن، عزاا ومن وقت ما نصدمت بقيت أباوع عليهم ثنينهم فرغ بينهم من السمة للگاع بس هوه من حجه وياه الدكتور ما جاوبه بالمحاضرة الثانية راجع گاعد مكاني تعاركت وياه ودخل دكتور مهند

::-مااارتنن

صار أعصاب ومهرة بس تحاول تهدي وتتعذر منهم عفتهم وطلعت من وصلت للفصل بالمحاضرة الثانية غلست عنهم گعدت مكاني چان عدنه كويز واني ما درست وكل التوقعات مالتي تگول ما يصحح الورقة فكتبت اسمي فقط وطلعت

بالمحاضرة الثانية چانت المحاضرة بالمختبر رحنه وبلش يعلمنه لحد ما وصل كيفية تحديد مكان الوريد عن طريق اللمس والنظر شرح وگام يگوم بينه مشي بين الطلبة لحد ما گوم مهرة وولد ورزان رزان فحصت وبيّن خبرتها زين النوب رجع گال لـ مهرة ونوب هيه مطفيه جابته منا حطته منا گالت أله

::-انتَ متأكد بيدك وريد

::- لا صوندة توصيل

::-حتى لو صونده چان بينت بس ماكو

تتلمس ايده بطراف اصابعها دارت على الدكتور وهيه تحلف

::-دكتوور ماكو وريد تعال جرب

وأهنا القاعة كلها ضحكت والدكتور رجع يعلم بيها لحد ما فهمت كلشي من گمت ضغطت إيده من فوگ شويه كملنه الدرس معاه بعدين دخل دكتور مهند جايب أوراق الكويز وبلش يعدها بأسمائنا واحنه الي أوراقنا فارغة رزلنه .

::-عدكم بدل الامتحان اثنين مخلين أوراقكم فارغة بدون كتابة أي شي بس الاسم السبوع الجاي وأنتم خاصة من الصبح تتعاركون على المقعد ومن وصلت للدراسة أوراقكم فارغة

گالها وهو يأشر علينا فتحت عيوني على وسعها صافنه رزلنا، أنا وأخو سوه من الفشلة ضميت وجهي بالملزمة ورفل تضحك علينا إحنا خمسة اللي كاتبين بس أسماء بس ركز علينا أكثر شي

::-شنو أسمج

چنه گاعدين سوه ومهرة ورفل يضحكن

مهرة::-ميليس

گلب بالأوراق طلعها على صفحة هيه ومالت أخو

::-بالحفظ والصون

گالها وطلع

رفل::-علمود من اگلج ثاني مرة أسمعين الحچي

گامن هيه ومهرة وأنا خذت جنطتي وطلعت وراهن هالأيام صحبة كلش حتى ناسياتني رحت گعدت وكل ساعة أغلط عليهن وأسب بيهن وهنه ياكلن مستمتعات گمت ونترت بيهن

::-ياا ويلچن تحچن وياي بعد

گمت منهن أمشي أشوف سرور لگيتها بعدها ما طالعه رجعت بالحديقة وأحس راسي راح ينفجر ليمت نطلع ما أدري وبعد محاضرتين الكل مبتسم يسولف وأنا مزاجي تعكر من الصبح من ذيج العركه كملت ألطريق للسنتر ولگيته گدامي أجه وگال

::-دير بالج بعد طلعين گدامي

::-شنوو؟

::-مثل ما سمعتي اني خلگي على كدي

::-لا بالله عليك گلي الجامعة بأسمك خاب شوف لا أنتَ ولا أمثالك تخوفني

::-اليعجبج

دار ضهرة واني نترت بي بالنكليزي

::-Man up Take care of your boys if you roll with them your luck's screwed you bastard!

دار علية فاتح عيونه وحسيتها تريد تطلع من مكانها نطقتها سريع ما عبالي افتهمها

::-شنوووو؟؟ ياهو الگواد؟

رحت وهو سحبني من أيدي درت عليه مصدومه وگال

::-احچي

نزلت عيني على أيدي بعدني ما ناترتها منه وسمعت صيحة من وراي

::-ولككك

نترتها منه واني أمسح بيدي

::-أي مثل ما سمعت.

سرور::-شلووون تلزمها

مارتن::-ما گاعد أدخل اهل وچان كل ضني محترمه بس الشفته أبد

التفت يروح وهيه أجت لزمتني من زندي بقوة وگالت

::-لو أحد شايفجج مو تدرين سديم دائماً يجي اهنا وكلها تعرفنه هااا

::-يوميهه مسويله عركه علمود كرسي وياي

::-لوو ما متعاركه من الأول چان ما صار كلشي وهاي هيه مدام صارت بعد اذا سكت عنج

دفعت أيدها عني وگتلها

::-اني شلي شغل

::-الحچي يوصل لليسع ولزمت ايدج هم ما أنساها راحت وخلتني أركض وراها

::-سرور

::-عندي محاضرة

راحت وخلتني محترگه بناري رجعنه دخلنه وما گعدت بالمكان الي تعاركنه عليه معنو محد گاعد بي ومن دخل هوه چان فاير وهم ما گعد بنفس المكان وچان كله هاذا أعناد بيه دارت عليه رفل.

::-رجعتي تعاركتي مو؟

::-لا

::-شنو گالج وعفتي المكان

::-عجبني عندج اعتراض

وزع الدكتور الثاني الأوراق وهم ولأن مأجلين متحانات صار علينا لود وكثرة من أنطاني ورقتي گال

الدكتور::- مستواج مو زين عندي مو رفل بت عمج ليش هيه زينه وانتِ لا

هزيت راسي بأي بدون ما أحچي وحسيتها بقت غصّة بگلبي كلش ما مجاوبة وسالفة مال اليسع يعرف وتندمت لو أدري ما حاچيه ولو يرجع بي الزمن ما حاچيه.ما أدري كل ما أتذكر أحس الندم يزيد أكثر وأكثر وعضيت أصابعي من شدة الندم

ما دريت إن هاي العركه راح تكبر تتحول من شي صغير إلى شي أكبر وتخرب حياتي وحياة الناس ...

"سما"

مر أسبوع بينه يجنن وما كنت متخيلة أحس هيچ شي كل لحظة حسيته تعوضني عن سنيني كلها ومن تم كلشي صار بينه وكأن الدنيا كلها صارت أقرب وأدفى

والحمدلله الأمير تحسن كلش گعدت أستمتع بصوته وبقبلاته اللي تناثر على وجهي كأنها شمس تدفي روحي.

الأمير::-تأخرتي گومي

سما::-ماا أريد ما داوم

الأمير::-گومي يلاا بابا

گام واني هم حطيت الچاي ورجعت أگعد أخته الي بالـ الساعة يلا نگومها من مكانها س الأمير صاح عليها وأجه أنا رحت أحضر الريوگ طلع وگال

::-بسرعة استعجلاً علمود أوصلچن بطريقي

::-أني ما أروح

دار علية بعصبيه

::-لا

::-أوووف أمير

هيف::-اني هم راح أرجع انام

الأمير::-بسرعة ربع ساعة الگاچن مبدلات

راح سبح وبدل واني بعدني أرطن على راسي

الأمير::-فلك مو السااان كافيي لا داومين بس ولي

سما::-غيرر أگلك البيت وصخ أريد أنضفه

أجه عصرني بين يديه باسني وطلع تريگوا وطلعوا وأنا هم.سويت حملة على البيت كله كملت حوالي الساعة 11 ورحت للمطبخ أسوي الغدة چنت حابة كلش أسوي يوم خاص بينه ودگت على حوراء فتحت مكبر الصوت وخليته على الكاونتر يمي لأن محد بالبيت.

حوراء::-الو

سما::-هلا بأم منذر شلونج

::-هلا هلا ومية هلا وين ما وين وينج مختفيه گالولي اليوم ما مداومه

::-اي تعبت اني هيج هيج ما أريد اداوم بالگوه علية

::-شلونها الاخبار؟

::-الحمدلله

::-طيبه يعني

رحت أغسل بالحم وهيه صاحت

::-أم الشبابيك وينج

::-عزاا بعينج لا يسمع احد ولج من يمج

::-اي عيني ضميها العاشگه أم الشبابيك

::-ولجج حورااء لا تفضحينه

::-محد شمالج بس ولجج شلون عقلتيها شوهتي سمعة العلوية شلون چنتي شوفينه من طاح حضج انوووب من الصغرر والله هيج حبيتي

::-حبيته حب عشگته عشگ روميو لجوليت بس ما غزر ازوج أبن الذينه

::-والله لو يدري الأمير

وبقيت أسولف بهالموضوع أفتر وأسولف وياها، واني أضحك وهيه كل ساعة مرزلتني نداريت أحط الجدر على الطباخ وشفت أمير واگف بالباب عيونه ثابته علية فتحت عيوني مصدومه وأني أبلع بريگي وحوراء صاحت

حوراء::-ام الشبابيك ولج

غمضت عيوني صار عندي خفقان ما چنت خايفه من السمعة بس خايفه من اللي راح يخطط بعقله طفيت التلفون وگلت بصوت يرجف أتأمل ما سمع شيء

::-الله يساعدك

هز راسة يحاول يهدي نفسه وگال

::-الچنتي تراقبينه وعشگتي عشگ روميو لجوليت؟

::-منو؟ منو؟

أجه علية بعصبيه وصاح بزجهي

::-تسغليني تستغلينيييي باقيه ويايي وانتِ عاشگه

::-لااا والله بس خل افهمك بهدووء أمير

::-أسمعج يلا

يحاول بس ما گاعد يگدر غسل وجها وگال

::-أحچييي أحچجييي فضينييي

غمضت عيوني من ضرب الصراحية مال الماي بالحايط وعيونه تريد تطلع من مكانها

::-بعدج لحد الان تحبينه؟

هزيت راسي بأي وهو تحول مسودن ما خلى شي بالمطبخ ما كسرة حسيت روحي راح أموت، وچنت أريد أحچي هذا أنتَ مو واحد غيرك بس من شدة خوفي بلعت لساني ضميت وجهي بأيدي بچي بصوت عالي راح ينجلط من الصدمة.

الأمير::-ماا گلتي ما گلتي گولي

سما::-أ ن تَ أن تً والله

الأمير::-لاااا تغيرين الحچي.

أهز براسي لا وهو ما مصدگني سحبنيي عليه مدنگ راسه الي

::-منووو؟

::-انتَ والله انتَ الي قاصدته من تجي عدنه چنت أراقبك من تجي ولعباس ما أچذب ومن گلت تالي أزوج من زوجت هاجر والله وها من حچيتلك على الغدر هيه چانت تعرف المرحومه ﺟانت تعرف

أحچي وأشهك

::-هااجر هيه الغدرتني وخلتني ما أثق

يعاين بوجهي مصدوم واني فكي يرجف دفعته عني درت أريد أروح لزمني وگال

::-أوگفي هاجر

فتحت عيوني مصدومه والشهگه صارت بنص گلبي درت عليه وهوه هم ما مستوعب

الأمير::-ما قاصدها

رحت عنه سحبت التلفون أخابر على خواني لحد ما رد مسلم

::-هلا بالمذكرنه اليوم هلا بروح اخوتها هلا بعيني ونضره وروحي

::-هلا مسلم أعرف راح أتعبك بس عادي تجي

مسلم::-خير ان شاءلله شكو شصاير

أسمع من گام وأخذ المفتاح ما كملت ودخل الأمير سحب التلفون مني يعاين بي وصرخ بيه

::-ليش؟

ما جاوبته وگمت الم بغراضي أجت هيف من الدوام تعاين علينه مصدومه گالت

::-شكو ليش هيج المطبخ

ما حاچيتها ما أعرف هيه شلها شغل بس سكتت عنها هوه طلع وهيه أجت يمي

::-شسوالج

::-كلشي ما سوالي

::-لا تروحين فدوه

هزيت راسي بدون ما أحچي وياها وأيدي ترجف كملت گعدة أنتظرهم اجاني وهو يحچي بأنانية آخر شي چنت أتوقعه منه

::-عايني بس طلعين اخوج لو يشعل العشرة شمع ما أنطي وأخر شي أخوتج وانتِ ما أطلگج لو أموت

سما::-لعد عساك بالموت خوش لو ميت ومفتكه منك ولا هالذله الي خلتني أتوسل بيك وباقيه يمك سننتين

هيف::-سماااا

فزيت على صيحتها الي چانت بيها غصه

هيف::-ليش شبيج حتى انتِ وياااه

سحبها وطلع هو وياها وره كم ساعة أجه مسلم وما عرفت شنو أگله بس من وصلت حضنه بچيت وهو مصدوم رفع راسه على الأمير وهو يهدي بيه رفع راسي بأيدة صافنه بوسط عيني وصاح

مسلم::-عليمننن عليمن هاذا عليمن؟؟

الأمير::-أگعد خل احاجيك

::-على شنووو تحاچيني أمير شوف عيونها شلون ممرودة من البچي

يتفحص بوجهي عباله ضاربني

::-هم طاگج

هزيت راسي لا

::-ها

سما::-بس أريد أرجع يمكم فدوه

مسلم::- خوش نرجع بس شمسويلچ؟

سما::-ما مسويلي

الأمير::-أگعد مسلم

مسلم::-احچي

سما::-اني تعاركت وياه وهو عصب ما أريد ابقه اهنا فدوه

مسح وجهي بيده وگال

::-روحي جيبي جيبي عباتج

وأمير يريد يحچي وهو ولا چنه طلعت وياه وما توقعت ما صدگني وگف بنص الطريق وگال

مسلم::-احچي

سما::-شنو؟

مسلم::-شنو أصاير وهيج باچيه

::-گتلك

::-وهوه هم حچه وبررلي كلامه

::-أيي واني ما أريدة كافي والله تعبت

وچان آخر كلام وسكت عني ومن حاچوني گلت لأهلي وگلت واني أرجف

::-غلطت عليه ودعيت

أبوي فتح عيونه على وسعها وچنت بس أريد أگول هوه ماله شغل

هاشم::-ليش

::-هوه صار أعصاب وگام يصيح

صادق::-وانتِ تغلطينن تغلطين

أبوي گام فشلان من أمير أبد وشلون يحاجيه بعد بس ما لامني وطاهر وأركان ومسلم يحاولون يبررون

طاهر::-عصب عليها بس هوه يصيح

وأمي خازرتني لأن زعلت أبوي رحت للمطبخ والبنات گعدن يمي يسولفن علي وما يردني أضوج فرشنه السفرة نتعشه وأجه مرتين يحچي وياي وما طلعت له ما توقعت بهالسهولة كلشي عنده سهل حتى باليوم الرابع.

هيف وهمس وسرور ومُنتهى ومهرة ناشرات استوريات، وهنه يتباركن للأمير على خطوبته من أفنان وهيف ناشرة صورة وهو لابس الدشداشة والبشت ويعدل على المراية مبتسم وهيف من وراه ماخذه الصورة فتحت عيوني مصدومه ...

"ريڤان"

حسيت كل يوم يمر كأنه معركة بيني وبين نفسي كوابيس اللي تجي بالليل چانت حقيقية وكل حلم رعب يضل أثره طول النهار جسمي يتجمد من الخوف وروحي أحس كأنها تريد تشرد عن جسدي

شعيب صار ملازمني مثل ظلي يحرسني وما يخليني أي شيء يوصلني وكل مرة تمر بيها النوبه أگوم اصرخ بدون صوت أحس روحي تريد تطلع من شدة الوجع.

طلع شعيب وهو يوصي علي وما وما أفتح الباب غير دياب وسديم لنص ساعة وأندك الباب فكرته رجع لأن گال شويه وأرجع أول ما فتحته دفعني واحد للداخل ودخلوا ثنين ملثمين وراه حاولت أصرخ "سد حلكي بسرعة" وثاني سد الباب صرخت صوتي مكتوم گاله

::-همه گالوا كتلها شلون ما كان المهم موت

فتحت عيوني على وسعها وما أدري شلون اجتني القوة بهالموقف بس فجأة حسيت لازم أخلص نفسي ضربته بقوة على بطنه ومن هدني موجوع صرخت بكل قوتي

::-نااااايهههه سدييييممممم شعيييييبببب

چان آخر أسم أنطقه أخر أمل الي ونضربت راشدي بقوة من الثاني والثالث فتح شباك الشقة وحاولوا يشمروني منها صرخت وأرفس بكل ما عندي أريد بس واحد يساعدني أريد أنقذ نفسي وما گدرت ما گدرت أساعد روحي وغمضت عيوني أشاهد لأن مستحيل أعيش وكأن العالم كله توقف للحظة من أرفس الباب بقوة ...

يتبع ...