رواية مزهق للإقتصاص الفصل الرابع عشر 14 - بقلم رمش عقيل

مزهق للإقتصاص.

بقلمي:رمش عقيل

تصويت لطفاً.التعليق بين الفقرات.🤍

꧁ـــــــــــــــــــ꧂

والله اشعل الروح اشموع لو جيت
تدري انت شكثر تكتل الفركه؟
احرك عمري الك لو يوم رديت
واليابس و الأخضر هم احرگ.

꧁ـــــــــــــــــــ꧂

"همس"

گتله ينطيني وبعدني أسولف وياها حطيت إيدي على الميز يم الجهاز التفت الولد يسولف ومد إيده علمود أخذها بعدني أحچي ومديت ايدي فجاة زلگ من إيده وطاحت الگهوة دفعة وحده على أيدي

أول ما لامستني الحرارة حسيت كأنه نار مشت بجلدي چانت حارة حيل ما خلتني أسيطر وصرخت وسحبت ايدي بسرعة

الكوب تهشم عالأرض صوت الزجاج امتزج ويا ونيني والولد تجمد بمكانه مرتبك ما يعرف شيسوي ولا شلون يعتذر كلشي صار بثواني

وگع التلفون من أيدي إيدي أشتعلت نار تگرص جلدي النادل ظل واگف بمكانه ما يعرف بأي طريقه يعتذر يمد إيده ويرجعها

بلمح البصر ركض واحد وسحب ايدي

::-لا تتحركين

والثاني يصيح

::- ثلج بسرعة

وفعلاً جابوا كيس ثلج وحطوه عإيدي الصوت مال الثلج وهو يتفتت فوق الحرگ چان أنقاذ بس الحرارة ما خفت بسرعة الولد الي حاط الكيس ويهفي عليها هوه ابو الجود ودياب الجاب كيس الثلج ابسحبت ايدي من ابو الجود وهو عافها يبلع بريگه وأبتعد يرزل بالنادل وهو بعده يتعذر درت على صيحه ميراڤ الجت تركض رايحه روحها

::-ماله دخل اني چان الصوج مني

عاينت على ميراڤ ضامه وجها بيدها

::-شبيج

ردت عليه وهيه خانگتها الغصه وتنفت

::- عبالي صار حادث وأنتِ عابرة الشارع گمت حتى ما أعرف أمشي

رحنه گعدنه وأحس حرارة أيدي جوه الثلج خفت شويه أبتسمت الها وگلت

::-هم زين شفت خوفج لعد ما تخافين من تخلين امچ هيج تخاف وانتِ ما تردين عليها

هدت شويه وگامت جابتلي العصير والولد بعدهم على وكفتهم درت على الي شمر العصارة باوعت چان سديم گال

::-هاچ هاي علمود يطول السانچ اكثر

::-انتم ليش ما تحترمون

دنگ يم الطاوله وگال

::-أحفاد شدهان شنطلع

لزمتني الضحكه هاي كلمتي اني واخواني وگلت

::-موو أگول الكم وصدك انتم مو خلصت قضيتكم شعدكم

::- اكو فندق بعد عن العمارة مسافه كلش صغيرة شايفته اسمه ****

::-اي

::-احنه بي فأحنه ما جاين على سواد اعيونچ يا عزيزتي

::-اعيوني مو سووود االأجلح
::-جيد

جابت اكلنس ميراڤ وگالت

::-سديم حطلها

::-ما أحط الها اني تولي الحسن يحطلها

التفتت چان نفس الولد الي حط كيس الثلج ويهفي على ايدي

همس::-جزاكم الله خير الجزاء عزلنه يلا لمكانكم

::-اخت احفاد شدهان شطلعين

دياب::-ومن دمهم هم

گعد الحسن بدون صوت دهنها الي لأن ميراڤ تخاف التفتنه على صوت واحد

::-موو گلت انتضروني شمالكم

چان تيمور بس من شافنه

::-السلام عليكم هلا ميراڤ هلا ...... ما أذكر اسمج

همس::-وعليكم السلام همس

كملوا وگاموا متجهين يطلعون واني اخذت كيس ثلج ثاني وهو يتعذر

::-اني چنت ما منتبه والله الصوج صوجي

::-والله اضل متندم

::-عليش السبب مني

رحنه والنادل حتى فلوس العصير ما أخذهن ميراڤ خزرته وخلتهن على الرف فوك الميز واليوم كله انتهى بدون أي وجع راس إضافي رجعنه ومر اليوم عادي بهدوء والجو كله صار يطيب گلبي شوي بعد تعب اليوم الطويل.

بليل أجه خالي يمنه وگال اريد احچي وياج رحنه للمطبخ وحدنه گال

::-يوشع خطبج اليوم من يمنه اني واخوانچ

::-يوشع؟

::-اي

صدمني كلش بحيث حتى ما عرفت شنو اجاوبه گلت

::-خالو ما أريد احنه بيا حال هسه

::-خوش قسمه زينه وانتِ بعد كملتي وشاهدتچ شنو المنتضرته

::-لا ما أريد

::-بقت يمچ فكري

::-ما أريد اني شايله الموضوع كله من بالي اخواني شگالو

::-ما حچو شي گالو يمها وقرارها بيدها هيه أعرف أريدج تفكرين واني گلت هم ما تاخذين واحد غريب وتروحين لغير ديره وهم اضلين يمي

::-ان شاءلله خير

طلعنه رجعنه لمكاناتنه وأمير بالگوه متحمل روحه وحمزة بس يريد يروح كلساع وگال

::-يلا يابه

::-يلا احنه نترخص

أمير::-بعد وكت

::-هم يلا باچر عدي سفرة

گاموا طلعوا وأمير گبل لغرفته

هيف::-شكو شبي

رفعت اكتافي بمعنى ما ادري وسما باقيه يمنه اعيونها وراه بقت يمنه شويه وگامت

"سما"

گمت من يمهن ودخلت الغرفة دخلت ريحت الجكاير تارسة الغرفة هاي چانت أول مرة أسئلة على شي مضوجه.

::-صاير شي شو ضايج

رفع راسه أشر لا گعدت يمه بس كانت مسافه

::-شكو أمير

التفت علية وگال

::-لا تشغلين بالج

گام يم ميز طلع منه مسدسين أنصدمت بلعت ريگي وگلت

::-شنو هاي شلك بيهن

ما جاوبني عباهن طلق وضمهن وراح تمدد بس من دگو عليه طلع يسولف بالساعة برا رحت غسلت ورجعت اتمدد انام بعدني ما عافيه وحسيت من أجه گال

::-سما

::-همم

::-گعدي شويه احچي وياج

دارني عليه فتحت عيوني بنعاس

::-احچي يلا أريد انام

صفن بعيوني وسحبني عليه حضني فتحت عيوني مصدومه أريد أصدك صدك هاي لو احلم صايرة يم نحرة

::-أمير

ما جاوبني بلحضه فكرت صدك حلم طفرت اگعد عدل وأعدل بروحي گمت غسلت ورجعت طلع صدك

::-ها شبيج

::-انتَ شبيك

كلشي ما گال ورجع لمكانه متمدد واني رجعت لمكاني گال

::-بعدج على قرارج مال الأنفصال

::-اي

درت اعاين عليه گال

::-متأكده

رجف گلبي واني اعاين عليه 

::-شلون هالگد عندج سهلة وعادي

::-ليش أنتَ عندك صعبه

::-لا

أبتعدت عنه واني اگول

::-ما راح أثر على حياتك بشي وأتمنى لو بيوم زعلتك تعذرني واذا چنت سبب بشي يفرحك تدعيلي بس متأگدة ولا بمرة چنت

صافن بوجهي درت وجهي خانگه روحي ودموعي تنزل

::-تراجعي وفديج روحي

شهگت احچي بخنگه

::-ماا يفيدد والله واني أدري ميفيد چاان تغير شي بهالسنتين لو يفيد

::-جااا عليمن تبچين موو قرارچ هوه

::-أي

::-هاي هيه

گمت، مدري شنو أخذ وطلع وأنا بقيت گاعدة للفجر أحس گلبي ثگيل صليت وغمضت عيوني

وحطيت راسي على الچرباية منتظره يرجع وما حسيت من غفيت طفرت على صوت همس وهيه گاعده يمي مسحت وجهي وگلت

سما::-ها

همس::-شبيج ليش هيچ عيونچ

سما::-ما بيه شي اخوج وينه

همس::-هوه دگ گال جاي خل تحضر روحها

هزيت راسي بأي وگمت وهيه هم ما سألت جهزت روحي وطلعت صعدت واني ساكته وهو هم ما حچه منا لمن وصلنه.

صفط باب المحكمة حسيت گلبي نخمش غمضت عيوني وأعيد كلامي بالي گلت هايه هيه يا گلبي انتهت وما منها رجعة بلحضه فكرت أتراجع أحس گلبي ينفطر أريد أحچي أنطق أگول بس نبلع الساني وما گدرت احچي كلمة.

نزلنه غفل السيارة دار إلي يمشي لزمني من إيدي واني ما أنطيت أي ردة فعل اتجاها مشيت وياه بهدوء گلبي يدك بسرعة

ساكته وأحس ماخذني أوقع على ورقة موتي بس بالنهاية أني الي ارتاح أگول لنفسي أهدي كلشي راح يكون تمام ما يصير غير البي خير دخلنة سلم واني وراه گعدت بصفه طلع الأوراق المحامي اخذهن قراهن أمير هز راسة بأي گال المحامي

المحامي::-تريدون اضيفون بعد شي؟
الأمير::-لا كلشي واضح
المحامي::-وأنتِ
سما::-لا

مارضه الأمير نوقع اله يجون شهود شويه ودخلوا شيث ودياب وهوه وقع وأنطاني أيدي رجفت ودموعي گامت تنزل بدون سابق أنذار ما أگدر أسيطر عليها.

أحس گلبي راح ينفجر كلشي داخلي صار مشوش وأيدي ترجف من شدة التوتر والخوف لزم أيدي عاينت عليه وهز راسة بـ لا ينتضرني أتراجع

هزيت راسي بـ لا ونهيتها بتوقيعي ...

واخذها المحامي يكمل وگمت واني أرجف بالگوه أمشي وهو صاح علي أنتضر أجه وراي بس ما گدرت ألزم، ودموعي تنهال صعدنه بالسيارة بس رجعني للشقه ما خلاني أرجع لأهلي.

::-بليل سديم ياخذج لو الولد

::-اهلي يدرون

::-لا

::-شلون لعد

::-اني احچيلهم

رجعنه للشقه وأول ما دخلت ركضت للغرفة وغفلتها للعصر أني وحدي والبنات يجن ويردني أطلع بس ما طلعت غير من چان ما موجود علمود همس أكلت وگعدت يمهن شوية ورجعت بليل سمعت أصياح بين همس وأمير خلاني طفرت واگفه بس ما فتحت الياب

:-بس باوعي اگلج

::-ماااا أريدد ماا أريد

::-بس كم يوم واني وكلني جاي يمج انعل والدي ال يدخل بينه

::-تروح مثلهم والله انوووب اثنينكم ترﮂون ترحووون شيل اجنازتي قبل لا تطلع

خفگ گلبي طلعت بالباب وهو يباوع بوجها

::-ما ترديها ما تردين تلمينه

وگعت تلطم وتبچي وسمعنه طبه قويه صارت باوعنه وهيف واگعه على وجها ما حس غير صرخت همس ال رنت البيت بس الحمدلله ما چان بيها شي بس فقدت

الأمير::-سما ماي سماا

واني نسيت كلشي نسيت حتى الحجاب وگع من شعري نسيت اني محرمه عليه نسيت وباقيه انطيته رش عليها ماي وحضنها على صدره وهمس باقيه بالگاع بعيده عنهم اثنينهم

هيف::-منو منهم منو

صرخت تبچي

همس::- گلبها أميرر فدوه

يسكت بيهن همس ضمت غصتها وگامت يم اختها گال

::-ترجعن اثنيجن بالبيت اهناك همس نفس ما گتلج سما تبقين وياهن

هزت راسها بلا

::-أموت يدونكم والله ما أحمل

::-تگدرين وأعرف راح ياكلوچن بگشورجن بس أريد افتهم السالفه والله مراقبچن

عقلي صار يدور وين يريد يروح گوم هيف على القنفه وهمس گامت لزمت إيدة تبوسها وتحچي بغصه بس تحاول تقنعة

::-اني اختك وصيه امك مو كالت وصيتي اخواتكم لاا تعوفونه اني انطيك روحي ترخص روحي الكم لا تروحون فدوه

::-كااااافيييي لااا تعارضين

دفعها منه أجت توگع بس صارت ايدها على الحايط بقت صافنة بوجهه ما مصدگة التصرف هو ما التفت إلها مشى بخطوات سريعة ودخل الغرفة يبدل وهيه أخذت التلفون بسرعة تخابر صوت أنفاسها متگطع وعيونها حمر

واني بلا وعي حطيت الشال على راسي وركضت وراه للغرفة گلبي يدگ مثل الطبل وكل خطوة أحسني راح أطيح من الخوف والارتباك.

::-وينن تريدد وينن

::-رايح روحي ويه اخواتي لبيتنه باجر يجنج اوراق اخذيهن وضميهن

::- انتِ شبيك وينننن تريددد وهيج عايفهن

::-رايح لختهن

رحت يمه رفع راسه اجه يمي سحبني عليه

::-أمانه برگبتج هيف وهمس اذا ما رجعت خليها ترجع لأبوها هسه تروحن اهناك وانتِ لا تروحين لأهلج ولا تگولين شي اني اگلهم

هزيت راسي ودموعي نزلت

::-فدوه لا

::-سما كااافي

دخلت همس

::-نويتها

::-ناويها من زمان يبعد اخوج

::-وأحنه اذا رحتوا اثنينكم احنه منو النه بعد

راح الها رفع راسها يمسح بوجها

::-أريد بس دعائج يالچنه دعاء أمي وراجعلج

راح وعافنه وراه نصارخ صوتنه يعلى وهو يبتعد سد الباب عبالك سد الدنيا بوجوهنا

حمزة خاف يشوف دموعهن حتى ما لفه علينه بعد مده اجت روان وميراف دخلت واني دخلت للغرفه ضميت وجهي بالفراش اصرخ احس راح اموت بقينه للفجر بالگوه علينه صلينه گاعدين بالصالة كل وحده بجه وروان تواسي هيه وميراڤ گامت همس تعاين وصاحت

::-ميراڤ تليفونج

انطته الها

::-الباسوورد؟

::-258077

اخذته وراحت تريد تطلع لزمتها روان

روان::-وينن

::-اهنا هسه اجي ما تأخر

روان::-ولجج ساعه بال4 ونص شعندجج أبوج يلعب بيه طوبه أمنج يمي

::-روان فدوه هاي رايحه اهنا ما تأخر

::-جاية وياج

هزت راسها بلا

::-همسس

::-فدوه اهنا يم سديم

::-وانيي شعرف منه شعرف

أخذت المفتاح اللي على الميز مال سيارة روان وطلعت صدگ وللعصر ما رجعت و إحنا عبالك گلوبنه حاسه الراح يصير كل ساعة تمر نموت بيها الف موته

گمت طبخت اني وروان علمود هيف وبالگوه يلى قنعتها تاكل علمود تشرب تشرب العلاج بليل دخلت همس وانطت التلفون لميراڤ.

ودخلت المطبخ تشرب ماي وروان ترزل بيها واني وهيف نفتر وراها

همس::-خابرتهم من عند احفاد شدهان زينين وگال نرجع لبيته اهناك

روان::-انتِ ما تروحين

::-لا ما أعوف اختي وحدها بس يرجع ارجع

همس::-سما لملمي كلشي بغرفتكم راح نطلع الفجر يجي احد من الولد ياخذنه

روان::-وتاليي، ابوج يدري

::-اي

گامت بالكوه عليها تمشي واني گلبي احسه ينزف ولازمه گلبي بيدي خايفه وصدك الفجر اجه شعيب اخذنه الطريق كله ساكتين وكل وحده بضيمها ...

"مُنتهى"

مرات، تحس الموت أسهل من العيشه ويه عائلة ما تعرف شنو المحبة كل همها الفلوس عندك فلوس تحبك ما عندك كلشي يتغير.

ويوم عرفوا أمير راح لمكان خطر ويمكن ميت ويمكن عايش اعمامي كلهم گلبو ضد مرته وهيف خطتهم واضحه يردون ترجع مرته لأهلها وهيف يزوجونها واحد من الولد حتى الورث ما يروح للغريب وبكل هذا چانت أمنيتهم وحدة مو أكثر هوه موت أمير لأنهم يعرفون شنو عنده من قوة وأسرار ممكن توديهم وره الشمس

وأول ما وصلوا هيف وهمس وسما صاروا الهن بالباب ومن همس شافوها وياهم أقابلتهم والضحكة على وجها چانت تحاول تخفي خوفها ودمعها ولو هيه مبينه اعيونها حمر

همس::-مو اني ال لأدخل البيت ما يريدني بس دخلته لأن الي نص بي

أبراهيم::-شنوو النص شنوو هسه ترجعين واني عليه بس الغرررب

اخذهم اليسع للدوانية

همس::-اي خاله ماا گلتيلي اجي اهنا لو اخذ بيت من هذنيج احسن اضل اهنا علمود اضغطكم اكثر

غمزت ومشت وسما راحت وراها تمسح دموعها صعدت وراهن ودگيت الباب على غرفة أمير لما طبيت لگيتهن گاعدات همس بالگاع بزاوية الغرفة وساندة ضهرها على الحايط وسما على الچرباية عيونهن حمر ووجوههن شاحبة

::-سم الله ميت الچن أحد شمالجن

همس::-هيف وينها

::-يم عمتي ام هيثم

هزت راسها بأي

طلعنه وگبت من طلع بيت مسجل بأسم مرته وبيت ببغداد باسم همس ونص الثاني من هاذا البيت باسم هيف كلشي بيت والمحل وقسم من البستان بأسمه هم دايرها وفلوس والسيارة بأسم اخو مقسمهن بتساوي بين مرته واخواته وأخو بحيث أعمامي عقل ما بقه براسهم واحدهم راد ينجلط شاب راسهم من الصدمة

طب مهدي وهو يغني من باب المطبخ

::-العب بيها يابو سميرة ولجنن انطني ليمونن ضروري اعمامجن طگتهم جلطه

سرور::-بعد طگتهم ميفيد اليمون

زهرة::-أحنه بيا حال وهمه يردون يورثونه وهو عايش

مهدي::-أعمامج بيهم شي والله ولو ما مسجلهن لگوهن چان همه كتلو

مراً يومين واخوتي ولد عمي طلعو وراهم وهمس وهيف لازماً الفراش وكون اهنا همه عبالك ولا مهتمه وسما بس اعيونها حمر وتگول

::-وصاني عليهن وراح أموت اذا ما رجع

باليل نزلن يمنه علمود هيف الي سائت حالتها گعداً بالصالة ومرة عمي ام هيثم هم احتارت بأديان وريفان اجت يمنه شويه سولف وياهن گاعدين ...

"سما"

صعدت فوك شويه أندك باب الغرفه لبست حجابي والصايه فوكهن وطلعت شفته شيث

شيث::-خويه أنزلي شويه أحچي وياج

هزيت راسي بأي بدون ما احچي نزلت لگينه زهرة جوه رادت تطلع صاح عليها

::-لا أطلعين

وگفت بالمطبخ انطاني أوراق بدون ما أسئل فتحتهن چانن نفسهن الوقعنه عليهن اني وأمير بالمحكمه

::-هاي مالات البيت وكلشي بيهن رسمي وحتى هاذا ختمهن

چانت الي اكبر من صدمه رجف گلبي واجيت اجذبه بس من قريتهن چاانن فعلاً مال ملكيه ومو طلاگ وأذكرت اني بالمحكمة ما قريتهن وقعت بدون ما اعاين

مدري أفرح لأن بعدني على ذمته مدري اضوج لأن ما موجود وقشمرن أخذتهن منه بدون ما أحجي وطلعت رحت للغرفه لگيت همس انطيتهن الها وطلعت ...

"همس"

شفت الأوراق نفسهن مال البيت ضميتهن وي باقي الأوراق الجابهن شيث اخذتهن ورحت لغرفة أمير لگيت سما گاعده گلت الها

::-ضميهن اهنا لأن غرفه هيف مو أمان

اخذتهن فتحت الكنتور وضمت الأوراق وغفلت عليهن لبست شالي وطلعت چنت ناوية اروح أشوف أديان بس بعدين غيرت رأيي من شفت أبوها يم الحايط اليعبر عليهم رجعت للبيت دخلت ورحت لغرفة سما لگيتها تصلي.

::-راح اخذ صايه

فتحت الكنتور وأخذت منه صايه وطلعت للبستان هناك أكو نهر صغير بالآخر رحت وكعدت يمه حضنت روحي وطلعت صور هيلين وأباوع عليها هي وهزار وراها صور أخذناها قبل أسبوع جان حمزة حاضن هيف واني وأمير واگفين وراهم همه يضحكون واحنه ضايجين.

::-وينكم شلون انطاكم گلبكم

نزلت جوه وصارت عيني على صورة تيم

::-وانتَ يبعد حيل اختك

غمضت عيوني واني اذكر من چنه نسولف بيوم ...

مجتمعين اني واخواني وامي گاعده تصب النه الچاي اجت هيلين اخر وباقي اخواني گاعدين

هيلين::- اذا ما مخليلي اگلاص المن صحتولي رايحه

حمزة::-گومي جيبي من المطبخ

::-ما أريد

گامو يتعاركون وأمير يصيح وأمي أحترگ گلبها من وراهم وتيم اجه گعد يمي گال

::-من اكبر نعزل وحدنه

عاينت عليهم وعلى هوستهم

::-هوه يرادلها هيچ بس شيقنع امك

::-يمي مالچ شغل وأذا ما رضت اخذج وأشرد

::- اي خوش

چنه مقتنعين بهاي السالفة من نكبر نعزل أني وياه چا وين ذاك الحچي ووين وعودك ضميت التلفون على صدري

الجو بارد ويطك بالعضم لفيت نفسي عدل وغمضت اعيوني هدوء تام شويه أحتضنت روحي وحسيت أحد حط علية غطه شغلت الضوة أشوف منو صارت گدامي مُنتهى

::-باردة أمشي أنطب جوه

::-أهنا مرتاحه

هزت راسها بأي وگعدت

مُنتهى::-ماعليج منهم يرجعون

::-ان شاءلله ...

"مًنتهى"

همس::-هم اتصلتي بخوانج

::-اي

::- شلونهم

::-زينين

::-هم حجو بأخواني

::-اي

دارتلي وحچت بلهفه

::-صدك

::-اي

جذبت هالمرة بس حتى تتطمأن لأن همه ودوا على أسلحة شويه گمنه جوه ورحنه كل وحده لغرفتها الصبح گعدنه وچان الجو هدوء بس هالهدوء ما طول غير ساعة سمعت بچي سما وصياحها رحت وشفتها بالصالة تبچي وگدامها مصطفى منزل راسه.

::-فدوه گلي بروح اخوك

گامت تبچي وبصوت مبحوح صاحت ولطمت على رجليها سمعت صوت همس وركضه همس جايه من ورانه اجت همس گبل گعدت گدام سما مصدومه وتحچي وياها بصوت يرجف.

::-شكو شصاير

::-اخوج بالمستشفى ولجج اني سمعته يحجي وهسه يجذبني

فرت راسها تعاين عليه

::-صدكك

::-والله حالته مستقرة

::-صخااام بوجهي والثاني والثاني وينه ياهو ياهو

::-مابيهم شي

::-ياهوووه

گامت لفت شالها عدل وهيه تصيح عافها وطلع وشيث گال

::-التطلع اكسر رجلها

وهيه بس تحاول تطلع تريد تعرف منو فجأة اجو أعمامي يصيحون ركضت برا ووگفت عمتي أم جلال بالباب وهيه تحچي وياها وهيف والبنات وراها يردون يهدوها .

::-وخروواا

على صياحها وعرك احنه نحاول نهديها وشيث يحلف بألف نبي ما ياخذها ولا يطلعها دخلناها للبيت وهيه تخابر ساعة وبعدها دخل اليسع والولد بيدهم تفگهم للبيت يحاولون يفرقوها بيدهم وهيه تعاين تدور بعيونها على أخوتها

::-وينهم

مسح وجها اليسع

::-جايين ورانا

::-ماپيهم شي

هز راسه بأي وطلع والولد دخلوا هيه گعدت بالحوش وجت سما گعدت يمها طلعت هيف وسرور يمهنزكلهن گاعدات منتظرينهم والـ3 همه ماكو گامن يخابراً ماكو وهيف وسرور دگوا على سديم أخذته همس وراحت عن هيف تحچي وياه.

شويه ورجعت گعدت متوترة سمعت صوت السيارات وركضت تتعثر طلعت تركض واني وراها. بالباب لزمتها تريد تطلع والحجاب نصه واگع حمزة إيديه مچبسه والأمير بعربانة شهگت من شفت أخوي أي دياب وياهم ساندينه هيثم وغفار شافتهم وركضت الهم تريد تضربهم مدت إيدها على حمزة ضربته ورجعت على أمير وصار گدامها هارون وسديم يمنعوها.

::-ولجج هستوه طالع من العمليه كولي يالله

صرختت بوجها بصوت

::-انتَ اخرر من يحجيي عودد اخابرة حفيدددد شدهااان

::-والله ما ...

::-أسكتت تردون تموتوني انتم مو كافييي ليي ماتم كدامييي مووو كاافي الشهدتت ذبحهم

يردون يلزموها وحمزة بيد وحده اخذها حاضنها وگامت تصرخ وأصيح

::-تدريي شصاررر بيه لووو لاااا انتَ شلوننن عادد كولي شلوننن شسويي والزمكم يمههه

مد ايده عليها أمير يريد يلزمها گعدت گدامه عاين عليها وحضنها يبوس براسها

::-همس

::-متت والله

وهيف راح لها حمزة وحضنها وهيه منهارة بعد حتى ما تكدر تبچي واني عيني تتحول من واحد للثاني عيني على دياب بس چانت صدمتي چبيرة وما حسيت من أجه وحضني يبوس راسي اعاين عليه وأحس اعيوني راح تطلع صريخهن منا وبچي رفل وگعت تبچي همس گالت بصوت مبحوح.

::-سما وين

ما جاوبتها مشيت اطب للبيت گعدت بالغرفه وحدي عبالك ضايعه وما اعرف شنو ما شنو ...

"همس"

مشيت أدورها چانت يمي تبچي وينها؟

دخلت ولگيتها خانگه روحها تبچي رفعت راسها عيونها ذبلانات وشفايفها ترجف شهگت بخنكه

::-گومي أمشي وگلت لها راح أنروح لبيتكم ودوه الولد وزهرة چانت تدري ومنضفه البيت

::-ماا أريده ما أريد ولج اخوج موتني ولچ أسبوووع شفتي اصار بينه ما يتعااايشش بس يطيب ما بقه يمه حده يطيب ولچ شنوووو عنده من عقل عنددهه شنيي

گامت ترجف وتمسح دموعها الغاسلة وجها حسيته طگگ واني گمت وراها عدلت شالي وسحبت الصاية من مالاتها لأن ملابس بيت وجنه مفصل جسمي لبستها على ملابسي وطلعت راحوا الولد وخالتي وهيف گعدت گدامنه بس حمزة بقه يم مرتة ...

"سما"

لگيناهم گاعدين بالأستقبال راحت همس واني دخلت للمطبخ ولگيت زهرة مشغولة تسوي چاي ومحضرة الأكل.

زهرة::-هلا

::-هلا بيج تعبناج

::-لا والله ماكو أي تعب

رحت للغرفه مالتنه اجت هيف گالت

::-يردون يسبحونه

رحت نظفت الحمام وخابرت ميليس حتى تجيب كل المستلزمات مال الحمام وبعد شويه أجانا حسين ابن جلال انطانياهم وراح حضرت الحمام طلعت مناشف ورجعت أاهناك أخذت جنطة وملابس النه وكل الأوراق المهمة وفلوس والجنطه الضمتها همس وغفلت الكنتورات مثل ما علّمني وغفلت الغرفة ورجعت البيتنه طلعت اله تراك بس چان شورت وتشيرت حطيتهم اله وطلعت للمطبخ وهمه دخلوه يسبح ويكمل بهالوقت اجت عمتي أم هيثم.

::-سلمتي على زلمتج

::-لا

::-شمتانية ما شوفينه اصاير بي

هزيت راسي وهيه شافت أذا كمل الأكل وطلعت أنا امسح وجهي وأمير أخذ علاجه ونوموا بالغرفة وأنا ما دخلت أبد معنو چان گلبي طاگ عليه اجوا دياب وحمزة صبينه الأكل أنا وهمس وهارون ومهدي وسيف ينقلون بي عضت شفتها وراحت تودي البن وتأكدت وراح أذب كلمة عليهم وگالت

::-ييارب اللهم شتحسبها احسبها بس اني مشمته خيرات الله بس لو راگع احفاد شدهان كلهم والله العضيم لصليت الف ركعه نذر علي وخاصه ذاك الرجال

وچان بسمار لسديم وعرف هوه المقصود وبلعها
كعدت تاكل يمي وهيف گعدت يمهم واني اسئل بيها على اخوها گالت

::-هذاك رجلج وروحي شوفي

::-شگلت هسه اني

گمت سويت جاي وأنطيتهم شربوا وطلعوا وياهم دياب البنات كعدن يم حمزة وهمس شويه بعدين اجت تغسل وياي المواعين مدة ساعة وما أدري شلون متحملة وما راحتله أنا الجيت،ك اكتل روحي من اعرفت بي دخلت للغرفة مطفين الأضوية.

شغلت الضوة الخفيف ودخلت الغرفة چنت واعدة نفسي لو أموت ما أروح ألة ولا ألي أي شغل بيه بس من شفته دموعي تجمعت ودنگت أبوس إيده مخليلها لزكة نزلت دموعي على إيده تحسس سندت ضهري على الحايط وشهگت مختنگة حاول يسند روحه متوجع گمت أريد أساعده وهو فر راسه وصاح.

::-اخخ

باقيه مثل الصنم واكفه فتح اعيونه عاين علية تعبان ودموعي تنزل غمض اعيونه وصاح

::-سما

تقربت عليه حضنته ارجف وأبچي بصوت

::-سما يروحي باوعي

أبجي بصوت عالي على صوتي دخلت همس سحبتني عنه حضنتني

::-اش كافي سما فدوه حتى مزين عليج عايني

مسحت وجهي وگتله

::-بسس هاذا الشهر حدي وياك بس هاذا

گال بصوت تعبان تارسه المرض والتعب

::-تعالي

دفعتني همس عليه

::-روحي عيني لو بس كتلتي روحج من راح

همس طمأنت عليه وطلعت واني باقيه على وگفتي مد أيده سحبني عليه

::-ماكو الحمدلله على السلامة

بلعت ريگي اريد صوتي مخنوك

::-ليش شسويتلكك شسويتلكك بس گلي اني قصرت بشي وياك

::-لا

::-كرررهتكك أميررر ولكك اخخ تقشمرنيي أميرر انيي تقشمرني لاا ونووب شني ما قريتهن مصدگه بي گبل وقعت عادي

سحبني مقرب وجهي عليه باسني بخدي رجف گلبي ضغطت على صدرة وهوه كام يتلوه

::-كايلتلك الف مرة لاا تتقرب محسبني لي بالك

رجعني يسحبني وهو اعيونه صايرة حمر گال

:-اني ما محسبچ غير العلوية بت سيد هاشم

حسيت بطني مغصتني

::-بهالسهولة هيه تردين؟ تردين تعوفيني

أمسح بوجهي

::-اي

::-تدللين

رجع راسه متوجع گال

::- هسه؟

::-من اطيب

::-ليش؟

::-ما أدري

::-گولي

::-شعندي عندك اني لا اقدم ولا أخر منك

::-وهسه يلا حسيتي شنو چنتي اسوين طول هالسنتين

::-خايفه

::-على اخوج؟

هزيت راسي مترددة اجذب عليه وچانت الشغله نص على اخوي ونص لگلبي بس غدرته ما أنساها

::-سما طلعتي مصالح

::-مصالح ولا غدارة ولا حارگه گلب واحد

محترگ دميي أحس لو هسه يطلگني ما طيح دمعه مني

::-لا تغيرين الموضوع

::-هوه أتفاق انتَ گلت

::-واذا غيرت رأيي

::-ما أريد

گمت منه اسويلة شي ياكله بس لگيت اخته محضرة شوربه ومخليه الكرفس كله بيها

::-ليش هالگد كرفس بالشوربة

::-أحسن علموده شمالج ويااه هاا

::-مع احترامي الچ بس أخووج مستهتر

دارت علية مصدومة

::-ماكوو غيررجج مستهترة ولج شو ما تحترمين

::-انيي الكم بعد انتهت

::-شايفه لوو ما مريضين اخواني هسه احطج اهنا وأسحلچ وأشووفف

::-تعاليي تعالي

فرت أيدها ودارت اصب واني رحت أغسل گلت الها

::-لعد وين هيف

::-راحت يم عمامها

گالتها وهيه تعيب عليهم

::-شمالج وياهم

::-كفيلجج الحسين ادجج

::-لا يمه اساعدج

::-امممم اي او لا

رفعت حواجبها تفكر

::-رحم الله والديج صدكك وأهلج اهنا

::-والله

::-اي هيف گالت جاين همه وأخوتج بس گالولهم انسيب نايم بقى اهناك يمكن شويه ويجي يعني حضري نفسج والأستقبال

::-اخوج اهناك

::-لا ديحو وياهم

رحت كنستها لأن واگع بيها أكل من تغدوا ورجعت عطرتها دخلت للغرفه فتحت الكناتير اعاين اخذت ثلاث فساتين ضامتهم چنت من اريد اجي منا مخليه قليل اهناك طلعتهم محتارة گلت منو منهم اختار يعاين علية دگت الباب همس ودفرته دفرة أرگع بالحايط طفرنه اثنينه رحنه سندنا اثنينه گعدنا عدل وهو لازم بطنه رفع التشيرت چان ضماد على البطن وصاعد للصدر جابت كرسي همس وگعدت گدامه

::-أي ملتهيه بأناقتها وعايفه رجلها

::-هوه مو طلگني خل ياكلها مالي شغل

باوع علية متحلف ودرتهن لهمس اخذ رأيها

::-منوو منهم

::-مالي شغل

::-عايفه العدهم رأي وجايه لرأيج

::-شووف مرتكك شوف هاي گدامك تعاركت مساع وياي وهسه هم لو شايف البارحه سوت بينه الحيه

تباوعلي بطرف عينها اخذت الفستان الطويل چان واسع من قماش خفيف ومطبع بألوان متدرجة بين الوردي الفاتح والبني بشكل غيوم مشجر ناعم.
قصته فضفاض طويل منفوش والحجاب لونه بني فاتح وويا لون الفستان من عند الخصر مضايگ بحزام من نفس القماش يحدد الخصر وينطي شكل حلو.

اخذتهن وطلعت اسبح چانت الدنيا راح اصير المغرب سبحت بسرعه ونشفت وتوضيت قبل لا البسه وطلعت چان مكمل اكل وهيه تنطي علاج وسولف وهو يجاوبها بصوت هادي مدري حسيت اني ما مهتمتلة وهاذا الشي زعجني كلش اهواي بس أذكرت حتى هوه ما مهتم وباوعت عليه بالمراية وأذكرت هو مريض طلعت كب لبسته وحطيت مرطب لوجهي وركزت شويه بحچيهم شو هذوله بالهمس اخذت الشال الفه وعاين الهم مدري ليش حسيتهم يحچون علية

ضجت وطلعت منهم گعدت بالمطبخ وولعشاء صدك اجوا أهلي والولد سندو أمير طلعوا يمهم بالأستقبال وامي اجت گعدت يمنه اني وهمس بالصالة أنسولف وهمس راحت جابت الاضيافه ماخلتني گمت رحت وراها من طلعت انطت الصينيه لهارون بالمطبخ وگالت

::-كافي اطلعو البنت تريد اسلم على اهلها

وهوه شافني باب الصالة وما جاوب

::-عزاا العزااج والله عيب هسه يگول هيه دزتها

::-واذا گال خل يولون

رجعنه كعدت همس يمنه وگامت من سمعت تليفونها يدك گالت

::-اخذاً راحتچن

ودخلت جوه امي گالت

::-ليش هيج يمه ضعفانه وجهج

::-هوه هيچ

::-هوه هيج هاي سما وذيچ سما

سحبت أيدها أبوسها

::-والله أني نفسي ما أعرف شنو البيه وخاصه هاليام تعبت حيل يجوز لأن هيج

::-ليش يمه هوه هم محاچيج

::-هوه لا بس اني مدري شبيه وخاصه هاليام يعني كلش

::-تروحين وياي

هزيت راسي بلا

::-شنو الاستفادة نفس الشي والله ما أعرف

رفعت حاجبها وكأنها أذكرت شي

::- صلاتچ تصليها بوقتها لو هم تگطعين بيها

::-لا ما گاطعه ولا فرض وحتى صلاة بوقتها بس مرات أخرها نص ساعه او اكثر

::-وقراية القرآن

::-ما قاريه صار بالاشهر

رفعت أيدها طفرت راجعه ليوره من ذكرت شلون تسحبني اذا خربطت

::-ههههههه تعالي ما اطگنج

::-والله خوفتيني

::-گال الله بكتابه الكريم: أَلَا بِذِكْرِ اللَّهِ تَطْمَئِنُّ الْقُلُوبُ هاي وبعد يوميه اخابرج واطمأن عليج

::-ها احسن مخابرة من ما اكون يمج

::-يشهد الله علية اجيج

::-هههههههه لا هاي من اليوم ابدي

::-عفيه

سمعت صوت اركان من برا

::-هم جااين لبيتها وهم ما تجي سلم

گمت اعاين طلعت شفته داير وجه لباب الحوش

::-عيني الما يذكرنه ما نذكره

::-والله؟

التفت عليه مبتسم حضنته بقوه وهوه يقوي بيها ويبوس براسي وخدي

::-يبعد روحي وگلبي وعيوني وطوايفي وكلشي بيه

::-اموت عليكك

رفعت رجليه اريد اوصله

::-رااح يتكسراً اصابعي صاير اشطولك

::-صلي على النبي

شويه سولفنه بالباب ودخلت وأحس ابوي گلبي حن اله اكثر من ما چنت مشتاقه حضني بسته وسحبت ايده ابوسها من باطنها

::-شلونج يبعد كل ناسي وهلي

::-الحمدلله

سحبني واحد من وره درت عليه چان طاهر حضني صارت عيني على أمير منزل راسه دخلت امي وهو تعذر منها لأن ما يگدر يوگف الها

::-يا يمه وانتَ غريب يبعد عيني

::-الله يخليج يا طيبه

كعدوا يسولفون واني گعدت يم ابوي

::-شلونج يابه

::-الحمدلله

::-شو جنج أجذبين علية

::-نسيبك هبطنه العافيه

::-يولي ثاني مرة شفتي هبطج اتصال واحد احنه بالباب

حچاها بصوت دار علينه أمير أبتسم وگال

::-خو بتصالها هاذا تجون تاخذوني اني

طاهر::-ليش بويه فوك ما مهبطها وانتِ على شنو والله يالله

سما::-وانتَ خابرك گالك تعبان بال2 ونص بيها لحد الان اذكرها ركبت وطرت اله هاا على شنو انتَ هيج خفت

::-عبالي يستاهل

::-واني هم...

صفنت عليه أبتسمت وگلت للتسليك

::-فعلاً يستاهل

سحبني ابوي عليه باسني وگال

::-ربي يديمكم

يمه هاي مزعوجة وكل واحد يحچي برأي لو اگلكم البيه شتسون بقينه نسولف وهمه متعشين هنانة ببيت الجد بعد شوية غفلوا اله يروحون مارضه أمير بس ظلوا وبالنهاية راحوا ضجت لأن ما جاين الباقي وضجت اكثر لأن بعدني ما شايفتهم حس علية أمير گال

::-من اصير زين اخذج الهم

::-ابقه اسبوع

اجوي سديم ومهدي واليسع يمة واني وهمس گعدنه بالصالة ضلينا ساعه نحچي ونبدل سوالف همس چانت تحاول تلهي الوضع فجأة خابرت على هيف وهذيج ما رادت تجي تگول تبات بيت جدها تعاركت وياها بالتلفون وبصعوبة رضت.

اجت هيف وجهها معبس تحچي من وره خشمها واضحة ما قابلة الولد جابوا الأمير ساندينه للغرفة وگعدنه يما وهمس يمي سحبت المسكن مالته وانطته لأمير وگالت لـ هيف.

::-يلا امشي

أخذتها وطلعت حطيت غطه ثانية عليه الدنيا باردة ومو زين على جرحه چنت حايرة بگلبي چنت أريد أحسه مرتاح ولو شويه بس لا عيونه صافنات بالفراغ عبالك الفكر شايلته بعيد ملامحه تعبانه

رحت، بدلت ملابسي غسلت وجهي توضيت حسيت بروحي أخف رجعت للغرفة لگيته بعده گاعد، ما نام وگفت يم الباب لحظة أتأمله

::-أسويلك شي انطيك

::-أريد تليفوني

::-ماكو ما جابوا

هز راسه بأي فتحت تلفوني وانطيته اله .

لبست الچادر چنت ألهف گلبي وما تكاسل گمت أدور القرآن حتى أقرأ درت على كل رف على الكنتورات بس ما لگيته.
درت عليه واني أمشي وأدور

::-القرآن وين خليته أكيد هنا چان مو إنتَ من آخر مره قريته

بقيت صافنه ودرت عليه گال

::- بالجرارات المغفوله

::-مفتاحهن

::-ويه المفاتيح مال البيت

طلعتهن اخذته وچانت متروسه أوراق لو أدري ماليش اهناك تارس الغرفه واهنا تارس البيت اخذته ورجعت گعدت اقرا

گعدت أقرأ صوتي هادئ كل كلمة تهدي داخلي أكثر  هوه طفه التلفون وظل يباوع عيونه ناعسه شويه وعاينت عليه

::-بيك شي؟

::-لا علي صوتج

گعدت أرتل كل آية چانت مثل نسمة باردة تلامس روحي الصوت يطلع من صدري ويطير بالغرفة وكأنه يطبطب عليه من أوصل آية حلوه أعيشها أتخيلها صورة گدامي جنة مي جاري نور يتسرب للغرفة.

ظليت ساعة ما حسيت بالوقت بس الگلب چان يهدى سديت القرآن حضنته عاينت عليه نايم همست بداخلي

::-يا ربي هالقراءة شفاء لأمير

گمت مديت القرآن ولمست بي راسه فتح عيونه حمر كلهن باوع علي حسيت حلگي ينشف ابلعت بريگي وكل نفسي ثگيل

::-شبيك

حطيت أيدي على راسه مصخن بس چانت طبيعيه مو حيل چبت اله مي دافي وكمادات وگعدت يمه لساعة خفت ورجعت نزلت، نزلت الماي خاف ترجع ترتفع فرشت بالگاع وتمددت باليل وحسيت بونينه گعدت مفزوعه شغلت الضوه لگيته عرگان كلش مسحت وجها بشالي

::-أمير

خفگ گلبي

::-أميررر أعاين أگعد

مغمض عيونه ويون ردت اطلع اصيح أي احد خابرت چنت أرجف وأنا أتصل واحد ورا الثاني
وكل رقم يدگ وماكو رد

رحت ركض جبت مي بارد غمست بي الوصلة وحطيتها على كصته مسحت وجه من العرگ وهو بعده بنص نومه گلبت تليفوني ثاني مره خابرت طاهر ظل يرن ثلاث أربع مرات. وآني أعض بشفافي من القهر والخوف لأن مرتفعه ما تنزل حجه بصوت هستوه گاعد.

::-الو ها سماوي

حچيت بسرعه

::-طاهر أمير مرتفعه حرارته حيل

::-سوي كمادات اله

::-گاعدة اسوي

::-عايني وين تسوينهن جوه الأبط وبين فخذه

گمت سويت مثل ما راد حطيتهن وحطيت جوه الأبط وهو گعد يعاين علية ورجع غمض اعيونه

::-سماا سماا

::-ها وياك

::-گاعد هوه

::-بس يون وخابرت مهدي واليسع ما يردون

::-ماكو شي خطر أصير بس أذا ارتفعت حيل خابريني أجي وشربي خافض حرارة

جبت مثل ما گال ومخليه الخط مفتوحه علمود اعرفه ضال وياي شويه حسيتها گامت تخف وخاصه من اطيته الخافض حرارة رحت بدلت الماي وأسوي مثل ما يگول

::-ها سما

::-ها عيوني خفت لا تخاف

::-خوش باقي گاعد اني اذا ردتي شي خابريني

سداه وأمير بس يعرگ للأربعه ونص وهيه ما راجعة طبيعية أذن بس ما گمت صليت من حرارتة خفت يلا ساعه بال5 يلا گمت صليت وهو يعاين علية

::-تعبتج

رحت يما أرجع تحسسه

::-علمود يغزر وما تغدر

أبتسم بتعب وغمض أعيونه

::-سويلك ريوگ

::-ما أشتهي كلشي تعالي نامي

أشر على الصفحه الثانيه من الچرباية

::-لا فرشت اهنا خاف أذيك

::-تعالي ولج

::-لا

غطيته زين وچانت اعيوني من وحدها تغفي نمت گعدت الغرفة ضلمه اخذت شالي والصايه وطلعت لگيت الساعة بالـ 11 عاينت على الساعة حسيت الوقت طاير واني ما حسيت بيه.

::-مساء الخير

::-مساء النور

سمعت صوت بالأستقبال

::-منو عدنه

::-من ال7كفيلج الله واحد يطلع واحد يدخل.

::-منو

::-منهم اصدقائه ومنهم گرايبه ادري بيهم

عاينت على الطباخ بس چاي مسويات ومودياته

::-يبقون

::-أندري

فتحت الثلاجه كلشي ما چان بيها

::-ولجج كلشي ماعدنه شسوي غده

::-خالتي سوت اهناك اصلاً راح يروحون بالمضيف

هديت شويه وراحوا واحنه هم لبسنه ورحنه بس همس ما رضت بقت

"همس"

بقيت وحدي بالبيت شويه الضهر مليت گمت اروح  اشوف ريفان عبرت ما چان أحد بالبيت غيرها هيه وامها لگيتها امها گاعدة گدامها وهيه تسولف

::-ما أدري احلم أحلام مخيفه والله

::-ماما ماكو شي بس انتِ تتحلمين لأن تنامين اهواي گومي وياي يم البنات

::-ما أريد

::-اجيبلج همس مو چنتي تنتضريها

::-لا ما أريدها

::-ياا شمالج يمه

::-ماريدهم يغثون أريد ابقه وحدي

چنت رايدة اطمأن عليها بس اعتقد اطمأنيت كافي رجعت وچانت مغيمه والجو حلو  كلش وهادئ رحت للبستان بضهر البيت مفتوح گدامها الدنيا صافية وريحة الطين والخضار تنطي إحساس بالراحة نزعت من رجلي وگمت أمشي حافية بين الثيل والخضار وألريحة الطازجة بينهن وبين الطين گمت اخذ نفس بقوة وأزفرة.

وصلت للنهر گعدت على طرفه رجلية بالمي بارد

طلعت من من النهر وگمت افتر لمحت شجرة مشمش مليانة بالثمار وشتهيتها رفعت رجلية أحاول أوصل بس ما گدرت عتها وگمت أتمشى المكان چبير وواسع يخبل الجو هادئ وكلشي حواليها طبيعي وجميل گلت حسافه ما عدنه اهناك
ا
مشيت شويه بعد وگعدت عاين الأشجار والسماء حسيت بالسكينة بعيد عن كل الضجة والهموم گلت.

::-ياربي سلمتك أمري

::-شعندج گاعدة اهنا

التفتت التفت فازة لگيته دياب حاط ايده على بطنه أبتسمت وگلت

::-شمدخلك انتَ

راح عني مسافه كلش اهواي وگعدت گبالي گال

::- مدخلني مدام أبن عمج

أبتسمت وگلت

::-اها طه صار عمك

::-اني عارف كلشي مو قشمر

تلفتت لا احد يسمع ورحت يما وگلت

::-واني عارفه كلشي عنك وذاك اليوم من تخابر سمعت كلشي

::-شنو السمعتي؟

::-انتَ واليسع وحچي وگادرة احچي كلشي وهسه

وگف صافن فاتح عيونه دفعته وگلت

::-احفادة مو بس أنتم تگدرون تحچون أني هم حفيدته

::-ياااا ويلجج لو طلع الحچي

::-باوع مال تهددني وتروح تگول روح بعد ما يگدرون يسون شي عمري عابر السن القانوني ما ألهم أي سلطه علية وشوفت عينك محامية بيدي وكلشي خيرات الله يحتاج أوضح أكثر

يعاين علية صافن ذكرت سالفه هيف

::-هييف أبتعد عنها لااا تفكر يوم من الايام أصير بأسمك تحلم بيها دير بالك بأسلوبك تگدر اطيحها

::-شبيججج انتِ شووو ما تعرفين تحچين شلجج بالهخرط شنيي هيف أبتعد عنها انتِ براسج عقل

::-اي مثل ما گلت

درت اريد اروح سحبني من معصم أيدي

::-عود تردين أسوين مشكله بيني وبين اخوانج لو شنو ما خفتي على اختج من گلتي شنيي هاذا عقلج محشه تبن

دفعته حيل وضربته على مكان العملية وخليته يتلوه وعاينت على ايدي صايرة زرگه

::-أنعلللل أهلك لو جستني بعد يا كلب

وگلبي نار هو وراي يصيح من الألم دخلت البيت شمرت الشال وگلبي يفور من الغضب ومن رجعوا العصر الأمير وسما، وهيف باقية يمهم شعور صار أقوى لبست بسرعة وطلعت من الباب.

صرخت عليها وسحبتها من إيدها أريد أطلعها أخذتها وياي صارت خالتي گدامي لزمتني مانعتني أخذها

::-شمالج يمه خليها اهنا يم البنات

::-مااا أريد حتى ما تجي بعد

صاح عليها جدها وحجه بهدوء

::-روحي جدي ويه اختج

::-الحمدلله من سويت شي زين

اجت تمشي وياي دخلنه للبيت ضربت الباب وعاينت خازرتني

::-أشلععع اعيونج والله

دخلت راحت گبل للغرفه

::-انطيني تليفونج

::-شبيجج اليوم

فتحته وانطتني دخلت على محادثته هوه وياها چانت عاديه عبارة عن سوالف اجيت احذفها بس طلعت دخلت على الاستوديو چان عبارة عن صورهم هيه ولد اعمامها والبنات شمرته عليها من دگت روان.

"سما"

جبت نص الغراض الباقي لأن من سالته وگتله “من طيب نرجع؟” من اطيب گال لا فطريت ارجع أنقلهن. وگال “لميهن كلهن والولد يجبوهن بس الغرفة خليناها على حالها فتحت الكنتور أسفطت الأوراق وصارت گدامي الجنطه الضمتها همس طلعت نفس الأوراق مال البيت باوعت عليه وگلت

::-اعتقد ذني اوراق الطلاگ بعد ميفيداً انسوي جدد بعدين

عاين علية رافع حاجبه وگال

::-لا عوفيهن يفيداً موقعه وكاملة

::-أميررر تقشمرني بعد گدامك مجديه هااا

::-اي گلت خطيه اموت وضلن حال ضيم حالجن فتكضن بيها

::-والله اشگكها

::-يروح الأول والتالي نگعد على الحديده اخواتي يغطنه انتِ عندج اهلج اني عمامي يشمروني

::-هوه الأحسن غير الي هوه تمن بي

::-لا عليه

جريت الورقه طلع منها صوت شگ

::-من الله أسويچ مثلها

جريتها هم نشگت خزرني وهو اليوم هادي فگلت استقل الفرصه شگيتها بعد

::-گلت اني

شگيتها بعد وصلت قريب النص وعاينت بعيونه متحديته گام يمشي بالگوه لازم صدره واني شگيتها كلها وطبگتها مرة ثانية گلبي يدفعني أشكه وهو لزم أيدي بثبات

::-تعانديني سما؟

::-تغدرني أمير؟

::-لوو أموت زعلت علوية ثاني يوم الصبح نقلوني المستشفى

شهگت

::-يعني أول ما طلعت من يمنا ثاني يوم

::-اي

::-ليش ما جابوك

::-اني طلبت منهم

تقرب سند روحه على الكنتور تعبان وگال

::-ليش شگگتيها

::-ما أريد أي ذكرة منك تبقه عندي

::-هالگد؟

صافنه بعيونه اريد اجاوبه اخاف أگله اخاف اعترف بشي وأنذل اخاف من كلشي

::-أرجع تعبت أرجع

سندته عليه أرجعه گعدته وحطيت وراه أمخاد سند روحه علية ورجع عاد نفس الكلمة

ما گدرت اصيطر على دموعي وگلت

::-ما أكدر اذل نفسي وانتَ تحب غيري ما أكدر

سحبني عليه خفت لا استند على بطنه چلبت بتشيرته من فوگ

::-قبل كم يوم من ردتت ادخل للعملية الثانية وچنت خايف ووصي على اخواتي ونطقت اسمج وياهن ووصيت عليج واني احلف اخوج ونبض گلبي الج وگلت

::-ها يگلبي عشگتها متأخر وأنتَ بحافه الموت عشگتج واني حاسب اخر يوم من العمر حسيت حبچ يجري بدمي

بقت عيوني عليه مصدومة شفايفي رجفت وأحس گلبي راح يطلع من مكانه وگلت

::-حب بيومين؟

::-صارلج سنتين وياي واني أنسان مو حجر

انهارت روحي ضميت وجهي بأيديي وبچيت صوتي ينهد أحس كلشي بداخلي ما گدرت أوصف روحي بهالموقف وأعترف ما چنت متوقعته أبد

::- إنتي تدرين شگد چنت أخاف أخسرج وكل ما توصل حدها وياج ونريد نفترگ أخذتج علمود أجربج من وقعنه أوراق البيت وخفيتهن عنج علمود من تقريهن ما تحسين جبت ورقه مزيفه وخليت صاحبي يكبسها فوك المستند مال البيت علمود اشوف رده فعلج وخليت بس فراغ التوقيع

أعترف ما توقعت عقلة شيطان معنو ما قريتها من گد توتري ودموعي بذاك اليوم

::-هالگد الحقارة وصلت بيك؟

::-موو حقاارة شلون افهمج

سحبني عليه واني أبچي گلبي گام يوجعني چانت حچاياته مثل الوهم عبالك هاذا چان حلم ما أعرف شلون شلت أيدي وحطيتها على گصته وگلت

::-أمير بس لا صخنت

اني دموعي على وجهي وهو نهار من الضحك حسيته چاي يضحك علية من ضحكته صاحن اخواته

::-الله يديمهااا يبعد عين اختك

سحبني باسني ورجفت كل اطرافي حسيت الدنيه وگفت كلشي صار ضباب بس حراره حضنه غطتني
ارتبكت دفعت صدره بخفه وعاينت عليه هو بعده يضحك عيونه تلمع نبرته صارت أهدى

::-هالگد كلامي صادمج

رجف صوتي وگلت وأنا بعدني ضايعه بين دموعي وضحكته وأبتسامته

::-مو صادم بس خلاني أحس إني چنت عايشة بحلم

مد أيده حط أصابعي بين اصابعة گال بهدوء

::-لا جذب ولا صحوة

سكت لحظة يباوع على عيوني چنت أحس كل كلمة منه تثگل الهوا بينه وأنا عضيت شفايفي من الارتباك عزا شلون يباوعلي اول مرة گلت

::- وإذا باچر ندمت؟ إذا كلشي انهار؟واذا حنيت الها؟

هو ابتسم وگال

::-أتندم إذا خسرتج مو إذا حبيتج.

يتبع...

هاي الأيام القادمة اذا ما نزلت بارت اعذروني لأن والله كلش عيوني توجعني بس اصير زينه كم يوم وأرجع وانتم گاعد اشوفون هاي الأيام ما مخربطه أبد وعلى الموعد "شكراً لكلشي" 

#الحمدلله

#رمش_عقيل

#نسمات_رمش