ناراحيدرة الفصل التاسع وثلاثون 39 - بقلم Namarq

رواية :نــاراحــيدرة

////بقلم نمارق رحيم ////

بارت _38

گلبي ويه غيرج لآ تظنين يتهنةه
الدنيا نار وأنتي گربج جنة .

⭐⭐⭐⭐⭐⭐⭐⭐

صوت الهلاهل والضحك طك طبل اذني ما اريد اسمع واتأذئ اكثر سديت اذني بقوا وبقهر والألم ياكل احشاء گلبي

بقيت اضرب راسي على تاج الجربايه بقوة رغم ادري هذا الزواج تمثيل بس يبقى الشعور حقير حتى لو صفقة شغل حتى لو على ورق

طلعت من الغرفة طيبة ونبراس گاعدات على الدرج وايدهن على خدهن وحالهن مثل حالي مقهورات ، وما راضيات

نزلت بدشداشتي واطكطك اصابيعي يارب حتى لو صفقة حتئ لو چذب بس صعبة حييل صعبة على گلبي المشتعل نار

افتر واني ساكتة ما بيدي اسوي شيء واخرب شغلة وخططة لان وعدته ما اتدخل ولا اسويله مشاكل

يمكن اذي وأتاذه لذلك اتخذت الصمت وداخلي شعلة من نار ما ترضى تنطفي..

تنهدت ومسحت دموعي هذا زواج چذبه وكله تمثيل هو وعدني ما يلمسها وما يتعبرها زوجة بس على الورق وما رح يخلف بوعده

دخلت للمطبخ باوعت من شباگ المطبخ حسن واگف بالطارمة يم اشخاص غريبين شكلهم

طلعت من المطبخ خالتي صح بالأول مارضت على الزواج بس من عرفت لأجل الشغل وفترة مؤقتة ويطلگها ما اهتمت وراحت نامت تگول تعودنه بين فترة وفترة رئيس شغلهم يطلب منه يسوي شيء

رجعت للشباك حسن سلم عليهم وطلعو كلهم وهو طلع وراهم وسد باب الكراج واخيرًا طلعوا

دخل وشافني ظل واكف بمكانه ركزت بعيونه تنهدت والدمعة بطرف عيني ما ردت ابچي گدامه مسحت وجهي بيدي وانطيته ظهري ركضت بسرعة صعدت الدرج ..

وهو يصيح بأسمي ما رديت وصعدت للغرفة تمددت على السرير حاضنه مخدتي چان يفتح الباب ويدخل واضح على عيونه إنو مقهور

صرخت بوجهة شكو اجيت ؟؟؟ سد الباب واجا گعد يمي.. اطلع من الغرفة حيدرا

-ما اجيت حتئ اطلع

-رووح لمرتك..

-انتي مرتي

شهگت وگلت.. إذا إلي خاطر عندك أطلع!

تقرب يمي و گال :- ناردين ليش تبچين فهميني؟ انا البارحة گلت الچ اذا ماتگدرين تبقين أهنا اخلي حسن يوديج لغير مكان صح لو لا ؟

كافي بويه الصار صار عفت الكل واجيت اراضيچ ما انطاني گلبي تنامين مقهورة!

-قصدك عفت رقاوي واجيت هه خاف تضوج روح الها !

-الوكحة شوكت تبطلين خبالچ مو شيبتي شعر راسي بلا أشوف ضحكتچ الحلوة أضحكي ؟

-ضحكتي محلوة روحلها هي تضحكلك..

-يابه غير تشنقيني إذا سويتها

-زين تعرف شبيدي اسوي..

سكت ودمعت عيوني مره ثانية انتبه عليه رح ابچي گعد يمي وجرني لصدرة بچيت بصوت مسموع بحضنه وراسي بركبته..

-تعبت حيدرا هواي تعببببت..

-افاا ناري تعبانه يابه وداعة العزاز ما تسوه كل هاي الدموع والقهر..

بقيت ابچي بحضنه مسح علئ شعري ويتنهد ابتعدت عنه مسحت دموعي ..

-ناري انتي مو تكولين تحبيني؟

هزيت راسي "اي"

- چاا يا بعد روح حبيبج لاا تبجين والكائنات ما معترف بيها زوجة أصلاً شلون أبدلها بيچ أنتي زوجاتي الأربعة

-اوعدني ما تتقرب الها ؟؟

-وعد بس لا تبچين دموعچ شبيهن؟

-غـاليات

-چا خلص يلا نامي

-وانت وين تنام؟

-بحضنچ..

هزيت راسي بالرضى بس بعدني ما مرتاحة نزع ملابسه وراح طفه الكلوب صار يدگ عليه حتى انام مثل الطفلة ويسولف إليه على ايامه من چان بالعسكرية حتئ انسى الزواج ويحچيلي على شخصياته بالشغل..

-شگد عندك اسماء.. عددهن؟

-اسد وكشكول وفالح..

-والحقيقي

-حيدرة اكيد..

-مممم.. سولفلي على دورك بشخصية فالح شنو تسوي وشنو شخصيتك..

-ماكو شيء بس اجمع معلومات اشتغل وي شخص مهم عوفي هذا الموضوع دوخه راس وعلي..

-تمام.. شنو الدافع الي خلاك تعقد على رقية..

-صارت مشكلة وگلت إلهم أنا متزوج ف رايحين يسألون ويستفسرون صح متزوج او لا؟ وطبعاً ما يعرفون منطقتي هاي لانو منطيهم عنوان غير منطقة .. وبهذا الأمر المعقد صار خطر عليچ لأنو إذا عرفور اي معلومة عنچ مستقبلاً رح تتأذين وتوگعين بخطر ف اضطريت اتزوج ريام لان معروفة يعرفوها حتى لو عرفوا هي زوجتي ما رح تنظر

-اها

-اي عندچ بعد اسئلة..

-صدگ ما گلتلي منو الي خطفني..

-بشخصية اسد صارت مشكلة ولأن ما وافقت على صفقة بالشركة هددوني بيچ وبـ50 مليون وانا چنت متحظر بهذا اليوم بالأساس مراقبهم ومراقب مكانهم من زمان والحمدلله عدت على خير واعتقلوهم..

-هسه همه بالسجن..

-اي..

-انت شنو شغلك بالضبط!

صاح :- ابيع روبه بالتقاطع ،صدك جذذب ارررررريد انام

-اووووي دنام شبيك..

-بيه انتي..

والله أنا فقير علئ نياتي بس من تزوجت هاي العرمه صارت الكلمة ما تخلي نيتي تصفة وبالي يروح لبعيد كل شيء تحچينه افكر بي مو زين

-انهجم بيتك يلفقير

باسني بخدي وهو يگول ..

-انا فقير وحباب

-تدري مرات شفكر من تقهرني..

-شنو تفكرين..

- اغتصبك

طكها ضحكة عالية اريد يسكت ماكو

-وتالي وي جفصاتج بعد روحي

-الي تصير مرتك تتخبل

-افااا والله؟ الصراحة حقچ بس إن شاءالله كم شهر ويتغير كل شيء نامي يلا بويه ..

-ورقاوي؟

-خاب انطمري يمج هيه

-مو تخليني انام وتروحلها

ضربني بخفه :- العب عليچ قابل؟ نامي هاي السوالف ما احبها اذا مو الج..

سكتت استسلمت ونمت الصبح چان يوم جمعه گعدت وهو ماموجود گمت بسرعة نزلت جوا

طيبة:- يالله إن كان هذا سحر فا ابطلهُ

-شبيج دگولي صباح الخير

-همزين اخوي ماشافچ شعرچ وكفشتج كارثه

-اكلچ انجبي عاد ديلا هو منو يگعد من النوم
وشعره سرح مو مكفشش

-شعندچ كاعدة من وكت واليوم ماكو دوام

-علمودها هي وينها رقاويي عيني

-هاا رقية گاعدة بالطارمة هي واخواني جاي يتريگون

-ماشـي..

غسلت وجهي صعدت للغرفة لبست تراكسود ازرگ حتئ تصير عيوني زرگ وخليت حمره رشيت عطر وأبتسمت علئ شنو قاهره روحي وهي ما تسوه ..

نزلت رحت للطارمة شفتهم مخلين طاولة كبيرة بيها ريوگ وهاي گاعدة تضحك وياهم ومدري شنو يحچون وگفت يمهم گلتلهم.. صباح الخير

حيـدرة:- صباح العافية عافيتي صح النوم..

رقية:- صباح الحب حُـبي

همست "حبتچ الحيه ام سبع كرون واخذتچ
إن شاءالله

خزرتها ما رديت ..

حسـن:- تونه گلنه صباح الخير

-معليك انت ابو جوعه..

حسن :- عاجل ناردين سوف تنفجر بقنبلة من النار بسبب حيدرها الملعون

سكتت وهما ضحكوا..

رقـية:- تعالي حبي تريكي قبل شوي صبيت الچاي حار

سكتت ما جاوبتها سحبت كرسي بصفه وهي گاعدة گبالي بكل عين صلفة تباوع لحيدرة وتبتسم ..

كاهي وكيمر وعسل وزيتون وصمون كهربائي وچاي

اكل وعيوني عليها باوعت لحيدرة وگلت اله .. خليلي كيمر بصمونتي

- صار كيمر ياكل كيمر

ابتسمت وهو وكلني لكمه سحب ايدي وباسها وجرني لحضنة وباسني بخدي گدامهم..

حسن :- اشتعل جدك السابع مو يمي ولكم راعو مشاعري المعوقه

حيدرة : اطمئن مشاعرك مائيه ما تنجرح انت

ضحكنة وبداخلي فرحانة إنو حيدرة مهتم بيه ومو يمها مطنشها وهي تتصرف طبيعي ما عبالك اجت البارحة ماخذه راحتها وتفتر بالبيت وتسولف وي خالتي تريد تكسبها حتى طيبة الفطيرة حبتها تگول فقيرة وصارن يسولفن

واني محترگة وصلت لمرحلة اغار على اختي نبراس لان تضحك وياها رغم نبراس ما مطيتها وجه ابد بس تجامل كضيت اليوم كله اخزر وايدي حاضنه ايد رغد..

ما مرتاحتلها احسها حقيرة ومو راحه، و رح تسوي مشكلة

...

نور :- بالليل خابرني رائد، بقيت صافنه تالي رديت :- الوو

-صلوات على محمد من رديتي..

-شنو تريد رائد ليش اتصلت ؟؟

- رايدج، نور باجر رح احاجي سالار عليج واكله رايد اخطبج

-عزاااا شنو تخطبني !؟؟؟

- باعي صارلي شهور مسموط جد جدي و بعد ما اتحمل رح اخطبج وعود بنت ابوج وارفضي حتئ اشوي علئ اذاناتج بصل

-هوو شنو گووووه ؟؟

-اي رح اجيج ولج يمته عاد تحسين مو شيبتي شعر راسي وانتي بعدج كاضيتها لو عاجبني لو ماعاجبني

-تره شوف هذا زواج مو غصب

- بابا انتي اليه اتفهمين شنو يعني الييه ؟

-اهوو والله خوش عيني مخلي عليه سيف علئ ركبتي وتعالي حبيني غصبا عليج

-هو غير كلبي زمال ابن مطي وحب وحده بكد بنته

-ليييش تغلط

- وين الغلط هو زمال ومطي وكلب ابن سطعش كلب

-هسه المطلوب شنو؟؟

- طلقه براسج وراس الخلفني جااااي احجييي كردي ؟؟ اكلها اخطبج اتكلي شتريد بت اللذين
- اكولك ناقص بعد بس تضربني راشدي

ضحك :- يابه هو غير احصلج وتصيرين مرتي اكبر محظوظ وعلي.. احبج

سكتت ماعرفت ارد ..

-بويه كبرت رح اشيب واشيخ رايدج اليه شلوون بيج انتي بنت الاودام..

-هسه انت تريد تخطبني مُصرر؟؟

-ايييي وبروح جدي المات

-لعد تعال

-ها صددگ؟

-مع السلامة

سديته منه متفاجئة من نفسي ومنه .. اكيد يسويها وينفذ بقيت الليل كله اكلب يمنى يسرى وافكر شنو موقفي لو صدگ خطبني اوافق لو ارفض؟

اني ما اعرف عنه ايدي شيء فقط ان هو اسمه رائد وصديق حيدرة حتى شغله ما اعرف شنو يشتغل ولا اهله وهو من كربلاء ليش عايش ببغداد؟؟

نمت ثاني يوم العصر سواها صدك فعلاً اجا ! رن الجرس وسالار جان موجود وهو فتحه ف استقبله جاي لوحدة محد جاي ويا !

گعدوا بالصالة واني رحت للمطبخ ابرد مي وعصاير واني متفاجئة واتسأل نفسي شلون اجا لاربيل بهاي السرعة؟ شلون اندل الشقة؟؟

اجا سالار اخذ مني الصينية وراح غسلت المواعين وكعدت بالمطبخ وايدي على خدي بدي اروح واكعد يمهم واسمتع شدايحجون !

معقولة هسه كاله اريد اطلب ايد اختك ؟ معقولة سالار يوافق؟ وهو يعرف رائد من زمان لو لا؟

هواي اسئله ابالي مرت ساعتين وطلع صاحلي سالاح كعدت يمه..

-انتي ضامة عليه شيء ؟؟

تلعثمت، :- هاا لاا ماضامه

-متأكدة نور؟! احجي ما لازم عليج مسدس!

-لا ماكو شيء سالار بس ليش

- رائد طلب ايدج على سنه الله و رسولة

-هاا يا رائد؟

-الي اجا .. رايدج اله

- هاا اي

-شنو اي احجي گوليلي رأيج هاي خطبة مو شي عادي احجي شبيج ساكتة

-اي لعد شسوي

-رووحي لغرفتج رايح اجيب مصطفى من مدرسته اقفلي الباب بعدين نتفاهم..

-ماشي

طلع وكعدت الطم عزه بعيني سواها صدك وخطبني زين شنو كايله !؟

دكيت عليه مغلق ياا هذا صدك يحجي ..قفلت موبايلي وضميته خفت من سالار شنو يسوي بيه من ورا هذا المخبل

نص ساعة واجا مصطفئ من المدرسة الساعة ب5 لان مدرستة اهلية ف يتاخر عكس دوامي صبيتله غدة ورحت نمت

...

ناردين

بليل كاعدة ارتب بالغرفة اندك الباب ودخلت رقيه وهي تكولي بأبتسامة خبيثة هلوو..

-اهلين خير رايده شي؟..

ضحكت واجت تمددت على الجرباية..

رقية :- ما اريد شيء بس هاي غرفه حيدرة موو

-اي غرفتنا..

كامت وفتحت الكنتور .. رحت وسديته ودفعتها.. تره زوتيها هاي غرفتنه وبيها خصوصياتنه منو الي سمحلج ادخلين وتفتحين كنتورنا ؟؟

- عادي شكو بيها حبي

داحجي دخل حيدرة شافني معصبة وهي تضحك تقرب مني وگال.. شجاي يصير ؟؟؟

سكتت وملامحها تغيرت من شافته دخل..

وگفت يمه .. وسولفت اله

گال الها .. صحيح انا گلت الچ اصعدي لغرفتي تجيبين الملفات بس مو بهاي الطريقة الي تقتحمين غرفة نومنا بدون استأذن من مرتي طلبت منج الملف مو انتي تاخذي هي تنطي الج بأيدها..

صفنت بوجهي وابتسمت بوجها .. لان تفشلت اخذ الملف اتصفح بي وهي ساكتة ما حچت شيء ..

حيدرة :- انزلي رقية بعدين نتناقش على موضوع الملف ومرة الثانية لا تعيدي التصرف الي سويتي

رقية:- تمام ماشي واعتذر مو قصدي..

طلعت وسدت الباب گلتله هسه هيه ريام لو رقية؟..

-اثنينهن..

-خبيثة وحقيرة ما ارتاح الها شفت شسوت هسه؟

-ما صار شيء لا تكبرين الموضوع، عبالها تاخذ راحتها بالبيت وتدخل لغرفتنا بدون اذن منچ اطمئني ما رح تعيد الموقف هذا بعد ..

-ماشـي..

-رايح اكمل شغلي ..

اخذ اوراق وطلع گعدت علئ چرباية وهمست .. ياربي هسه اني شسويت بروووحي ! جاي اتدمرر ! ابتليت على عمري وحبيت إنسان طبعه وشخصيته غريبة وحياته غامضة !

مر وقت وطلعت كتبي رحت لغرفه حسن كلتله يدرسني بلگوه قبل جان يشتغل

اجا وكعدنه بالهول وكضيناها ضحك بضحك لو يرسملي وجه حيدرة علئ الكتاب وهو مخوزر لو يكتبلي شعر عليه
يخليني اضحك غصبا عليه ..

واجت نبراس صايرة حبابه وياا حسن وما يتعاركون كعدت يمنه وهو زين بالانكليزي ف هم شرحلها شوي..

...

نور

جنت نايمة المغرب وفزيت علئ صوت سالار وهو يكولي اكعدي..

كعدت و اباوعله وجهه ما يطمن گال جيبي موبايلج ..

انرعبت ناوي عليه كمت طلعته من الميز انطيته اله

- فتحي الباسورد

فتحته كعد يكلب ويفتح البرامج كلهن حسيته شاك بيه.. الحمدلله حاذفة كلشي يخص رائد

تالي اندگ موبايله كام وعاف موبايلي مفتوح اخذته وهو طلع..

...

ناردين

دخل حيدرة بيده موبايل سده وراح كعد على القنفه وفتح اللابتوب فاتح كاميرة وي سالار

كمت يمه سلمت عليه كتله :- هلوو شلونك حبيبي مشتاقتلك والله..

سالار:- الحمدلله حبيبتي شخبارچ..

حيدرة:- ناري سويت گهوة بس بقت بالمطبخ جيبيها بلا امر عليچ..

ناردين:- تمام نازله..
طلعت وسديت الباب..

حيدرة:- اي سالار احجي شنو الموضوع المهم؟

سالار:- انت تدري رائد جان يريد اختي نور ؟!

حيدرة:- اي من زمان اول ما خطبت ناردين هو شافها وراد يخطبها بس صارت شغله جديدة وسكت عن الموضوع ومافتح احد بي انتظر الوقت المناسب بس قبل ما اسافر لندن كالي

سالار:- وليش ما گلتلي؟ شنو كوا* * اني هنا؟

ضحكت :- يول عجل غير الغجال يحبها

- هاا اليوم تحجي مصلاوي

-يخوي لهجتي متكسرة بالمصلاوي جاي احاول اضبطها لان عندي شغل يتطلب هيج لهجة

-ااها موفق إن شاءالله

-التوفيق الك هم

-نور ما انطيها لــ رائد .

-ليش بويه ؟

-شغل رائد مثلك وكلش خطير شلون انطيها واوفق على الخطبة

-چاا هاي ناردين عندي وين الخطر؟؟

-شنو وين الخطر قبل اسبوع مخطوفة همزين الله لطف وما كتلوها وبعدين نور تختلف عن ناردين ، ناردين شخصيتها قوية نوعاً ما تتحمل وصبورة لأنو تحبك بالنسبة لنور ما تتحمل حياة رائد..

-بس ترا سالفة الخطف من ايدها هيه ثوله نبهتها هواااي لا تطلللع !

- نور اثول منها

-اكلك جاي تمسلت مو طيبة اختي انطيتها الك وقبلت

- اني اختلف مو نفس شغلكم حيدرة

-لا اختلف ولا هم يحزنون سالار هو يحبها ويريدها ليش توكف بقسمتها ؟؟

-لك حيدرة يا قسمة رائد صح صديقي وما يعيبه شيء بس فرق العمر جبير هو بالثلاثين وهي سادس بعدها ما مكملة !

-حتى طيبة سادس

-بس عمرها مقارب على عمري ومتفاهمين..

سكتت ...

-ما اريد انطيها ويصيرون مثلكم علاقتكم انتم ما متفاهمين وشخصياتكم ومبادئكم مختلفة ما ناجحة علاقتكم

-لاا ناجحة

-بلي ما ناجحة

-نااااااجحة جااي اكلك

ضحك:- زين تمام

-رائد يتزوج نور

-لااااا

-سالااااار

-يابه على شنو حارك اعصابك

-لك لاا تصير غبي خلي انامن نور عند رائد مثل ما امنت اختي عندك كلشي يصير على اقل رائد بظهرها ! وبعدين انا انطيت كلمة لرائد كلتله نور الك !

زفر نفس وتنهد وگال.. الله كريم يصير خير

دخلت ناردين ..وبيدها گهوة..

سالار:- صدك وين طيبة مشتاقلها روحي ناردين صيحلها

ناردين:- ماشي بعيوني..

..دقايق واجت

حيدرة:- تعالي بويه يكول خطيبج مشتاقلج

كعدت وكالت :- هلوو سالاري

سالار:- هلاا يا بعد روحي شلونج حبيبتي..

طيبة :- زينه وانت

سالار:- إذا انتي بخير اني بخير..

حيدرة.. طلعت وتركتهم

ناردين:- هااا خاين صاير ما تسأل عليه

سالار:- شلون ما اسأل كل يوم اخابر حيدرة عليج انتي ونبراس الله شاهد..

سكتت ..

سالار:- هاا طيوبتي حبيبي لج اخخخ مشتاقلج حييل ومشتاق لكلشي بيج بكد رحمة الله

-هلاوووو اخوي عبالي يستحي

ضحك وگال عوفينا اريد احچي وياها..

-والله خوش يطردني من غرفتي يلاا كسرتو خاطري هههههه

غمزلي وگلتله.. احجوا براحتكم وخلصو الشحن لابتوبه..

طلعت ..كعدت يم خالتي كاعدة يمها رقية

لابسه ينطرون حصر وقميص صلوخ ..هزيت ايدي هسه لو اني هيج البس غير يموتني سيد حيدرة

بس هاي عادي ومطلعه زنودها .. طلع من المطبخ شافني وحضني وهو ياكل تفاحة حمرة وگال حرام اكل تفاح وخدودج موجودة ابتسمت وباسني بخدي..

وهنه يضحكن ..ورقية تباوعلي صفح بنظرات ما عاجبها

شالني واني اضحك صعدني للغرفة وسد الباب برجله ونيمني على الجربايه ..

حيدرة :- ناري المشاكسة..

تمدد يمي وحضنني من خصري :- اريد انام اتأخر الوقت..

-اي نام تصبح على خير

-على عيونچ يعني..

-ممممم

باس عيوني وگال ناري.. انا اسف

-على شنو؟..
-على باچر..
-ليش شنو رح يصير؟؟..
-انتي صبرتي هواي قوي گلبچ للأيام القادمة..
-خوفتني حيدرا !
-لا تخافين نامي الصباح رباح..

...

حيدرة

ثاني يوم كعدت رقية كلتلها امشي نطلع لبيتي الثاني ما نبقى هنا اخذت جنطتها وكملت

ناردين .. وين رح ترحون؟؟

حيدرة:- متفق بس يوم واحد نبقى هنا وتالي نروح

-اي وين ترحون

-لبيت اصدقائي المشترك.. هناك رح نسكن

-لاا بلاا ليش؟

-افضل جبت اثاث للغرفة حتى يتأكدون وهسه رح نروح لان الشغل كله هناك

-اجي وياكم اني!

-لا تبقين اهنا انتي ، انا اريد احميج وانتي تردين ترحين وياي ! كبرري عقلج رحمة لابوج رغددد رغددد

اجتي شلتها واشرت على رقيه تجي وشلت الجنطة..

طلعنه وصعدنه بسيارتي خليت رغد بحضنها

ناردين :- طلعت اركض صرخت من قهري ..حيدرررا

اجه يمي صرت اضرب على صدرة :- مووو بكيييييفك ارريد ارووح ماا اعوفك وياهااااا سمعتت ما ااااااعوفك !!

دخلني جوا صاح - حسسسن

اجا وكال شكو اشرله عليه اجا يمي لزمني من ايدي وهو طلع وسد الباب..

صرخت من كل كلبي ..حيدررررررررة !

حسسن وخرر ارريد ارووح موو بكيفه هووو

ليشش هيج يرررررريد يعوفني ويروح وياهاا شيسوووووي ؟؟

صعدت لغرفتي متت بجي ..وقفلت الباب ونبراس وطيبة يدكن بالباب

حبست نفسي ابجي من قهري حيل ..احس روحي شاغت واني اشهك

-اكرررهك ! .

...

حيدرة:- صافن بالطريق اسوق وبالي يمها تنهدت وقبضت ايدي.. خلت ايدها رقيه على كتفي بأطمئنان

رقيه :- لاا تفكر بيها فكر بشغلك و انسئ قلبك

بعدت ايدها عني وزفرت نفس..
...

نور

الصبح اجا سالار لغرفتي فتح الموضوع الخطوبة مرة الثانية وصار يسولفلي عليه گال شنو رأيج بي

-ما ادري انت ادرى بمصلحتي

-إذا تحسين رائد مناسب الج كولي ما عندي مانع واشكال كولي موافقة لو لا حتئ اذا لا اكله ماعندك قسمة يمي

-هاا لااا مووواافقة..

ضحك وگال
- ادري انتي ما مسويه شيء وادري بي هو يحبج واحس بي
لان اناهم احب،
الحب مو حرام اذا تردينه كولي ..اخوج اني ومثل ابوج لاا تستحين مني

-اي موافقة .

كرصني من خدودي

-كبرتي وصرتي مره نوري رح تنخطب

ضحك ..وراح انطا جواب لرائد بعد يومين اجا رائد للشقه هو وابو قروا الفاتحة وحددوا موعد الخطوبة

...

ناردين

مر يومين وهو ما جاي للبيت واني ما احجي وي احد نفسيتي متدمرة خابرتني نور وسولفتنه انو صديق حيدرة اجا خطبها وهي موفقة فرحناها اني ونبراس وتفاجئنه انو بعد باجر الخطوبة..

اتصلت علئ سالار كال ما اعزم اي شخص منه بس هو يجيب عمامه ورح يجي علينه باجر ياخذنه لاربيل ..

فا كعدنه نجهز ..بنفس اليوم راحت نبراس وياا حسن للمول جابو 3 فساتين واحد اليه والها ولطيبة الصبح اجا سالار وجان حيدرة موجود

صعدن يمه بسيارة سالار ، وگالولي اصعدي بسيارة حيدرة رغم ما ردت اشوفه بس الموقف يحكم مشيت دافتح بالباب اجت رقيه فتحت الباب وصعدت كعدت بالصدر يمه ...

بقيت صافنة واكفة بمكاني ما عندي طاقة للمشاكل صعدت ورا وخالتي يمي ورغد بحضنها درت وجهي للجامه طول الطريق ساكته ما احجي

حيدرة:- بويه ضايجة مني ؟

رقية :- هاا ما ضايجة بلعكس فرحانه

حيدرة :- مو عليج جاي احجي وياا ناردين واسئلها

ما جاوبته لح وياي وگلتله بنتر.. مابييه شيء لعباانة نفسييي

خالتي :- ولج يمعزايه خافن حبله

سمع حجيها وشرك بالمي ..وضل يكحكح

وصلنه لاربيل وسالار واصل قبلنه ..دخلنه للشقه حضنت نور صارلنه هواي ما شفناها

بدلنه وحضرنه الشقه مليناها ورد اجو العصر وجايب عائلته كلها وياا والشيخ عقد الهم وهلهلنه فرحتنا بيها ما ننطيها لاحد وهي همات فرحانة

جابوا عشه كعدنه كلنه نتعشه االشقه كبيرة ونور ورائد بالغرفة لوحدهم ..

ماتدري رقيه هيه مرت حيدرة ما كلنالها ولا فتحنه هذا الموضوع وهي ما سألت ليش اجت ويانا..

...

نور

-نفذت كلامك وهسه اني خطيبتك !

رائد:- حتى تعرفين رائد من يخلي شي اباله يحصله حتى لو صعب وهسه صرتي مرتي

سكتت دنگت راسي خجلانه من قربه..

-إن شاءالله بعد كم يوم عرسنه

-ان شاءالله

-طالعة جميلة الجميلات..

-شكراً عيونك الحلوة..

-ادري

باوعتله صفح ..

- هسه شنيه ماكدر امدح بخلقتي شسوي اذا خلقتي صاكه ههههههه

يابه محظوظ بيج وعلي فرحتي ما انطيها لأحد صرتي ملكي الي وحدي نوريَ..

ضحكت وهو ظل صافن بعيوني بتركيز رجعت دنگت راسي واطكطك بأصابيعي بتوتر..

-فدوة لضحكتج الي ترد روحي.. موكتلج يجي يوم وتضحكين براحتج وتصير سوالف

-بعدني ما مستوعبة كلشي صار بسرعة بسرعة وشلون صرت خطيبتك وبحضنك!..

-احبج مميزتي..

...

ناردين

رجعنه لبغداد الساعه بـ3 الفجر حيدرة وصلنه وراح لبيته هو ورقية ورغد..

وصلنا واذن صلينه وتمددت انقهر من يصير قريب عليها وهسه هما لوحدهم ! واني ساكتة ومتحملة اگول وين تووصل وي شغله !

صرت اكل بروحي اكل شلوون سكتت ليش ما اصريت ورحت وياهم!

رن موبايلي المتصل( احبه ومايحس بيه)

غلست ما جاوبته.. دك اكثر من مرة خفت لا رغد بيها شي تالي جاوبته..

-خير؟ ليش اتصلت..

-ما نمت

-وشنو المطلوب ما فهمت؟..

-متعود انام بحضنج

-روح لرقاوي ما ترفض اذا كلتيلها

-ولج ما رايدها بس لشغل ليش ما تفهميني شهر واطلكها وافسخ كلشي

-جذاب هذا الشهر رح يصير سنه

-ناردين وعد اطلكها

-اوعدني ما تلمسها !

سكت تالي كال :- وعد

-هيه تفكر بيك وتحبك ومصدكه انك زوجها

-لاا شلون وي تفكيرج ما مفكرة هي هيج وبخصوص لبسها وتصرفاتها هي هيج من زمان !

داحجي جان سمعت صوتها اتكله بتنعوص :- حيدرة مو كلت اسبح لان خلص شغلنه وتم

انصدمت اي شغل تقصد؟ هو وعدني ما يلمسها؟ حاولت اهدئ روحي ما اريد يبين اله اني ماكلتني نار الغيرة ومهتمة اعرف شنو صار!..

-تتهنون..

-ناردين لحظة الشغل بالملفات موو الي ابالچ ولكعبة..

-صحيح..

-وداعة عيونچ ما لمستها!.. قصدها على شغلي انا..

-دروح اسبح وياها عساني لا اهتميت ولا حبيت بعمري..

سديته بوجهه اتصل رفضته مارديت ..نمت وببعلومي غصا لاا اكدر اصرخ ولا كدرت اسكت

ثاني يوم اجا يحجي وياي ما باوعتله تالي لزم ايدي بعدتها ودفعته وصعدت اركض فوك للغرفة واجا وراي بسرعة.. ردت اسد الباب اجا بسرعة ودخل.. يحجي وياي وما ارد تالي لزم ايدي وحصرني بالزاوية..

-ليش ما تباوعين بوچهي من احچي وياچ؟..

-عوووفني وخرر منيي وخررر..

-تدرين البارحة مانمت افكر بيج ادري رح تفهمين خطأ تانيت الصبح يطلع حتى اجي وافهمج الصار.. ترى فهمتي غلطط..

-كلفت نفسك بهالحچي؟ ما اريد اسمع منك شي..

-ناردين وحق ربچ تعبان حسي بيه ما متونس بهالجاي يصيرر بحياتي جاي ادمررر ولحسين جاي ادمررر..

ترك ايدي وطلع من الغرفة.. رحت ورا شفته شخط السيارة وراح..لزمت راسي بألم ما بقى حيل بيه يارب قويني

دخلت بمتاهه ما اگدر اطلع منها ويوم عن يوم حياتي داتتخربط اكثرر وتتعقد..

مر 3 ايام وهو مختفي اشتاقيت لرغد ما شايفتها واني متعودة عليها سألت حسن گال عنده شغل مو هنا

مرن اسبوعين على هالحالة.. صار موعد عرسهم اجت نور من اربيل جابها سالار ...

رحنه اني وياها ونبراس وطيبة لصالون خلينه كلنه مكياج ناعم ما خلينه شيء ثكيل صبغت اطراف شعري وسرحته صار يجنن وتغييرر واضح..

ومكياجي خفيف لبست فستان قصير ماروني.. اجا بسيارته ورحنه لبيت ابونه صارت الحفلة هناك ...وسعاد سامعه بعرس نور وجايه عشتو تذكرت عدها بنيه

زفوها لشقه رائد ... واغاني عاليه

حسن وسالار لابسين نفس الشيء ...وحيدرة ورائد مطقمين نفس اللبس يگول عرسه الادبسزز..

خالتي تعبانة فا خلينه رغد يمها لان ماكدرت تجي من رجليها يوجعنها ورقيه هم بقت يمها
بالبيت زين ما اجت خفتاً وراحة

بالرجعه شفت حيدرة ..يخابر ويمسح كصته والتعب كلش واضح عليه تالي ظل يصيح وشمر الموبايل على الكرسي وظل يستغفر حسيت صايرة مشكلة وياه؟..

ردت اروح يمه بس تراجعت ورجعت لمكاني تعبت واني كل موقف يصير ابادر واهتم..

اجا حسن كال يلا امشن نرجع للبيت ...لبسنه جاكيتات طوال لان بارده وركبنه بسيارته

وهو يباوع لنبراس ..رزلته وضحك وهي تنفخ ماتقبل يباوعلها دخلنه للبيت ..رحت نزعت جاكيتي وشربت مي تعبنه وفحطنه من الركص

كلت اروح انام دام الساعث بـ8 العرس خلص من وكت والبنات نامن ..

تمددت بالغرفه وحدي ...سمعت صوت تكسير وصياح من جوا

استغربت ونزلت علئ كيف امشي ..تالي طلع الصوت من غرفتهم وحيدرة دايصيح وكفت ورا الباب اسمعه يحجي وياا رقية بعصبية

فتحت الباب شوي شفته لازمها من ايدها ويغلط ويسب

وهي تكله :- والله ماادري شلون فلت الساني وحجيت لاختي

حيدرة :- ولج شلون اتكليها انتي حاامل شلوون

تجمدت بمكاني!!!! خليت ايييدي على حلگي وشهگت بصدمة معقولة الي سمعته!! لااا ياررربي شنوو حاااااامل !!

اكيد دا يشاقون !! بقيت اسمع الحچي ودموعي على خدي مثل الشلال الموقف چان مثل الراشدي الي صحاني على زماني صحاني على نفسي!!

ركضت بسرعة لغرفتي ميته بچي حااامل من عنده وهو وعدني ما يتقربلها وما يلمسها !!..

وثقت بيك وحبيتك واعتبرتك دنيتي تالي هالدنيا سودتها بعيوني!!..

هذا جزات حبي الجبير اله! من الله يااخذنيي شسويتي بروحچ يا نارردين شسوويتي..

صرت ابجي فوگ الساعة وسادة الباب يمكن طلع برا البيت لان صار هدوء

باوعت الساعة بـ10 مسحت دموعي وطلعت غسلت وچهي رجعت للغرفة دورت على موبايلي لگيته شلته ودگيت على سالار..

رن هواي يلا جاوب انصدم وگال هاا ياستار صاير شي بيج شي؟ ليش متصلة بهذا الوقت..

جريت نفس طويل وجاوبته.. انت بعدك ببغداد مو؟؟ بعدك ببيتنه ؟..

-شبي صوتچ مبحوح لحظة شنووو داتبجيين ياروحي!!..

-هسه تجي تاخذني من بيت حيدرة اذا اتأخرت اطلع من البيت وحدي وبهالليل وهاي انطيتك علم خاف تتفاجئون اذا سويتها..

-اي اني ببغداد يمعودة شصايرر شنو هالحچي شنو اطلعين صلي على محمد متعاركين انتي وحيدرة؟ الوو وينچ ناردين بويه احچي؟..

سديته منه وشمرته رحت گعدت نبراس گعدت مخروعه سألتني شكو شصاير گلتلها لبسي عبايتج اي شي وگومي رح يجي سالار ياخذنه للبيت..

نبراس:- عزه بهالوقت ولج شصاير خاف حلمانه؟..

-نبراس رحمة للعزاز لا تسألين نوصل هناك وتفهمين بس بدلي وانتي ساكتة.. فدوا اروحلچ..

ظليت افتر اروح واجي منتظرة سالار على نار وگلبي ممرود .. طول الوقت نبراس ما نزلت عينها عليه .. تالي گامت وگفت يمي

نبراس:- گلبي حاسني گلبچ انكسر..

بهت لوني وگلتلها بصوت مبحوح والدمعة بطرف رمشي شلون يعني ؟..

نبراس:- ما اعرف بس حلمت حلم مو حلو ومن گعدتيني گلبي عصرني واحساس غريب حسيت روحي واگعة من اعلى العمارة ومن شفت عيونچ وركزت بيهن دريت باچيه.. حسيت هالالم المچ..

-احساسچ بمحله ههه..

شهگت وخلت ايدها على حلگها:-هوو!..

-أي !! سواها خاني وياها !! .

نبراس:- صخام بوچهة وينه هسه؟؟..

-طلع..

نبراس:- شفتيهم بعينچ؟..

-سمعتهم..

نبراس:- شنو سمعتي؟..يعني متمم علاقته بيها..

-مو بس متممها نبراس حامل منه!..

وسعت عيونها من شدة صدمتها ولطمت على صدرها اجت حضنتني وگالت سوده عليه..

-اني ما اريد بعد من هالدنيا شي اريد ربي ياخذني يم بابا..

-ياروووحي اسم الله عليچ صدگيني مايسوى اظفررج بسيطة يا حيدرة.. ما نسكت لا اني ولا سالار ولا البقية اذا دروا بكسرتچ ولو ماعاااش الي يكسررج يكسرون راسه والقران..

-تعبت حيل تعبت..

-گلبي حاس بيچ والنبي احساس التؤام من تكون اختها مو بخير فعلاً.. گومي حبيبتي هالبيت بعد ما ندخل اله..

هزت براسها گمت وخليتها تبدل علئ السريع..

چان گلبي ينزف حسيت سچاچين ببلعومي والوم روحي على كل لحظة عشتها وي حيدرة..

دقيقة بعد ما ابقى بهذا البيت الي خربت حياتي بسببه.. كله من ايدي اني السبب ليش ورطتي روحچ بهالعلاقة..

خابرني سالار جاوبته گال ناردين اني بالباب وصلت هسه اطلعي الباب مقفول فتحي من يمج..

نزلنه وطلعنه محد حس علينه بقى يسئل شبيج حلفته بروح بابا يسكت ويوديني للبيت وهناك اسولفله سكت من شاف حالتي يرثى لها..

وطول لطريق يسئل واني ساكته وبس ابجي ..

دخلت لبيت ابوي ..بيت فارغ ..صرخت وبقيت ابجي تالي سولفتلهم كلشي ..

سالار :- لج خاف ماسمعتي زين

-لا هيه حاامل ورب حاامل اني سمعته يكلها والله

وهو جذاب وحقير اني ثوله وغبيه صدكت بي

دخلت لغرفتي واجت نبراس گعدت يمي .. وسالار مخابر حيدرة وهو متخبل لان طلعت بدون علمه

ورا ربع ساعه اجا، سولفله سالار وهو سكت تالي بقئ يصيح ويكلي انززلي نارردين

واني واكفه ورا الباب من سمعته علا صوته وصار يصيح قوي فتحت الباب.. نزلت من الدرج منهارة.. بلحظتها چنت كارهة اشوفه!..

صار گبالي واكف ولازم ببدايه المحجر ..

حيدرة:- ناردين دقيقة افهمچ انتي فاهمة غلط لا تفسرين وحدچ اسمعيني واحكمي!..

-شششش كل كلامك چذب..

-ناردين اسمعيني لا تعاندين!..

-ما اريد اسمعك بس جاوبني اخر مرة خاف اكون غلطانة وظالمتك هيه حامل لو لا ؟

-ناردين يابه!..

-جاووب حامل لو لاااااا احچي لو ماعندك جرأة تعترف يا جبان ؟ ..

نزعت الحلقه من ايدي وشمرتها بوجهه وكتله ببكاء :- اني حبيتك حيل وانت شنوو قدمتلي بس خيانه وججذب

-لا وعلي لااااا .
-اييي ايييييي .
-وروح العزاز لاااا افهميني !! .

-ايي ايي ايي اني حبيتك بس!! انت واحد بدون ضمير..

صرخت :- هذا وجهي لو رجعت وثقيت بيك مره الثانيه ....يتبع

⭐⭐⭐⭐⭐⭐⭐

حبيباتي قدروا تعبي وصوتوا بالنجمة..

#نمارق_رحيم