ناراحيدرة الفصل الحادي وأربعون 41 - بقلم Namarq

رواية : نــارحيــدرة

//// بقلم نمارق رحيم ////

بارت _ 40

شنو نوع العلاقة البيني وبينك؟
لا عايفني اموت ولا مداويني..
شنو هذا اللغز تحبني بس تشتاگ ؟
مارايدني بس تخاف تنطيني !...

⭐⭐⭐⭐⭐⭐⭐⭐⭐

بقيت استمع الها واجمع كلامها وعيوني حمر والحقد والكرهه سود الدنيا بوجهي اباوعلها واهز راسي بصبر

بداخل كل انسان موجود الابيض ،،،، والاسود

النور و الضلام

النقاء والتلوث .....الصفاء والبهاء

كلما چنت ابيض رح تكون قريب ... للاسود

كلما چنت نقي وصافي ،،،،، رح تتلوث

تگول اني ماممكن ٲذي نمله ،،،لكن !!بغمضه عين رح تتلوث ايدك بالدم

وفعلاً كلامك حيدرة الجرح هذا ينزف مستقبلاً ويلوث روحي البداخلي

لوثتني و انتهئ يا حيدرة ...

اصرخت من كل كلبي وصوت هز البيت :- لچ اسكتتتتتتتتتتتتتتتتي

سحبت سچين ودچيتها بقوة غرستها ببطنها وعيوني حمر من الحقد اتجاها ..

لحظات واستوعبت الي سوويته ! فتحت عيونها بوسعن وصرخت من الالم سحبت السجين من بطنها صارت حمره من الدم شمرتها واني كلي ارجف صرت اصرخ لاااااا لاااا لاااااااا

والله مااا ردت اكتلج والله

صرت اكمز واصرخ وهيه متمددة يمي وكلها دم وايديه ملطخة بدمها تخبلت ما عرفت شنو اسوي !!! ما مصدگه سويتها صدگ ودچيتها! كانو حلم

ما ردت هيچي اسووي ما ردت انتي استفزيتيني بكلااامج اي انتي السبب انتي !!

داحچي بخوف نزل حيدرة يدگم بقميصة مفزوع من صريخي وعياطي صارت عينه علئ رقية شافها متمددة ودمها بطولها

جن جنونة اجا ركض بأتجاهي صار يصيح ما مستوعب اني كتلتها ضربني راشدي قوي وبده يخنكني بيده واني اصرخ واگله والله موو قصدي حيدرااااا اسمعنيييي..

-لچ ناررردين شسويتي وعلي رح تنهين حياتچ بيدچ بهاي سوايتچ !!

شالها بسرعة حتئ يلحگ عليها قبل لا نفسها ينقطع وسد الباب صرت أضرب بروحي والوم نفسي ..

والله مو قصدي ماردت اكتلها لحظة عصبية وتهور مني اجيت علمود رغد هيه راسلتني حتى اشوفهم هي الخططت لكل شي اني مو هييييج شلووون لوووثت ايدددي !

سحبت موبايلي وكل جسمي يرجف ما مصدگة كتلت انسانة بيدي بسرعة خابرت علئ سالار وصوتي مبحوح سولفتله وحچيي مخربط مافهم شيء بس انو رقية دچيتها بالسچين

كال رح اجي هسه لاا تسوين شيء كلتله على عنوان بيته كال اندله ابقي بمكانج لاا اطلعين غلقته منه واني ميته بچي وصدك نص ساعة واجاا چان الباب مفتوح دخل يصيح بأسمي

رحت ركض حضنته ودموعي على خدي.. اني كتلتهااا حيدرة اخذها للمستشفئ رح تمووت بسببي شسووووي فدوااااا...

دفعني بعد ماسمع كلامي وضربني راشدي.. لججج انتيي مخبلة شلوون صارت عندج جرأة تكتلينهاا انتييي معقووولة ناررردين اختتتتي؟؟

-سالار ما ااادررري والقران ماادرري شللون سوييتها والله
-الله اكبببرررر
-عفية طلعنيييي من البيييييت فدوواا

جرني من ايدي بسرعة ركبني بالسيارة وصلني لبيت ابوي وهو يسب ويغلط ويخابر على حيدرة مايرد وموبايله مغلق دخلني للبيت وهو طلع

صار الليل و سالار مااجاا واني وحدي افتر بالبيت وگلبي انخفق اجر النفس گوه

طلع الفجر وصارت الساعة بـ7 الصبح اندك الباب بجيت حييييل واني اسأل منو هذا الي دا يدك

تالي اندفع الباب قوي ودخل حيدرة بملابسة العسكرية وعيونة حمر دم وجهه مايطمن
اكيد ما رح يسكت عني !!

بهاي اللحظة دخل سالار صار صياح بينه وبين حيدرة اصواتهم علت وغلط وفشار..

سالار :- اختي ما تدخل للسجن حيدرة من كككل عقللك ؟؟؟؟

ماجاوبة، واني جسمي كله يرجف ...

تالي صاح،،،، ادخلووو

چان تدخل الشرطة و بيدهم الكلبشات ..!!

سالار :- حيدررة ما تاخذهاا ورررربك لأنسى كلشي يجمعنة بعد انسى الي بينه لك هاااي مرررررتك من كل عقلك تاخذهااا ؟؟!

اجا شرطي، تقدم يمي دفعه سالار ..

وچان يطلع من جيبة بطاقة وگال بصوت مسموع،
:- انا الضابط سالار ما اسمحلكم تاخذوها

ابتسم حيدرة بوجهه و باوعلي، وگالهم :- اعتقلوها فوراُّ

اجه كلبشني وسالار يتعارك وياا ودخل رائد صار يضرب بحيدرة وهو مامهتم الهم طلعوني من البيت سحل ودموعي عشرة عشرة ركبني بالسيارة ودورية الشرطة وراي واني اصرخ بأسم سالاااررر

اجه لزم ايدي وباسني براسي.. گال معلييج ولج اخوج يمج لو اعرف ادفع عمري كله واطلعج لاتخافين لا تبجييين هديتي حيلي..

عافني وشفته من الجام ركب وياا رائد والمسدس بيده وشخط السيارة ..

تذكرت كلامة من كال اني ضابط! بهت لوني وراسي صار جمر حسيته رح ينفجر من التفكير خلصتها بس بچي طول الطريق..

اباوع على ايدي المربوطة ما مصدكة حيدرة هو الامر بأنو ياخذوني عبالي رح يحميني ويضحي بس صار عكس كلشي متوقعته !

نزلوني كبال المركز بقيت واكفة بمكاني تالي اجا حيدرة نزع مناظرة وكالهم روحوا خلص شغلكم الباقي عليه

سحبني من ايدي دخلني بمرر بي غرف هواي وشرطة وضباط يفترون اشكال وكل شخص لازم بيده ملف واوراق ..

راح صوتي من الصياح والبچي فتح باب ودخلني بغرفة فارغة بيها كرسيين وجام ابيض داير مدايرها ..

سد الباب وكعدني خلى المسدس على الميز
وكعد كبالي رجل على رجل وبيدة جكارته يورثها وفرك شعره بحيره ..

كال وهو يباوع على السگف تدرين اخر مرة حققت بهاي الغرفة كان المتهم ابوي حققت ويا كأنو رجل غريب بحيث نزلت عليه اقسى العقوبات وما اهتميت لأي صلة تربطني بي فا ما بالج بنفسج انتي الي تعتبرين زوجتي !

-اني ماا سويت شيءءء
-والي قتلتيها مو بشر ؟؟
-هيه استفزتني
-العذر اقبح من الفعل يعني من استفزيتيني ذيج الليلة كون رافع عليج المسدس وطلقة براسج والسبب انو انتي نرفزتيني حييل ؟ وما تحملت كلامج القاسي موو؟؟ احچچي يصير اي شخص استفزنا وحاقدين عليه نقتله ماكو طرق اخرى؟..

تدرين هاي اغرب قضية جاي احقق بيها زوجتي تقتل زوجتي الثانية! شيء مخيف مو؟ والاحلى انو اني المحقق زوجكم انتي وهي!

-بس اني مو هيج حيدرة انت خليتني اتلوث خليتني احقد حتئ على نفسي ما استغربت اذا رحت لدكتور نفسي لان فعلاً نفسيتي صارت تحت الصفر من وراك كلشيي صار بسببك انت المسؤول على تهوري !

كرهت اليوم الي خليتك تدخل بي لحياتي كرهت اليوم الي نطقت بي موافقة اصير الك ونارك !

-رقية حالتها خطرة وتحت العناية المركزية تدرين اذا تموت شيصير بيج ما فكرتي ؟؟

-مااريد ادخل للسجن طلعني الله يخليك!! انت خايف عليها ؟ لحتى لاا تخسر ابنك الي ابطنهاا مووو اكيد من ضرربتها رح تسقط !! طلعنييي ارررريد اخووي ما اررريد اشوووفك

-دخول هاي الغرفة مو نفس خروجها حالياً انا الضابط حيدرة مو حيدرة زوجچ اتكلمي عن الجريمة الي ارتكبتيها فوراً ..

كلتله بإنكسار وببكاء.. بس اني نارك!

تنهد وسكت شمر جكارته وطفاها بأيده ترك الكرسي واجا يمي تقرب وكعد على الميز..

-عندج عشرين دقيقة تسولفيلي بيها شنو صار وليش اجيتي وكتلتيها لااا تضمين ولا حرف مفهووم؟ وعشر دقايق ادافعين بيها عن نفسچ..

-كله بسببها هيه دزتلي رسالة من موبايلك على اساس انت تريدني اجي لبيتك علمود رغد مريضة!

-عن اي رساله تقصدين؟؟
-"سولفتله "
-تمام هسه اتاكد ..

طلع موبايله وراح علئ الرسائل وگال.. انتي اخر شيء متصل عليج مكالمة وماكو اي رسالة واصلتني!

-وروح ابوية ما داجذب عليك والله يمكن حذفت الرسالة بعدما دزتها اليه انت مو بالاستخبارت وتعرف ف طلع التسجيلات والمكالمات هيه خابرتني وضلت تجاوز وتغلط

اجتلي لكليتي تهددني اعوفنك وضلت تراسلني وبعدها خابرتني !

-هااي شنووو شو ما ادرب؟!!
-سولفتله عليها ..

ظل شاك ومصدوم.. تالي رجع سأل انتي من دخلتي للبيت شلون كتلتيها ليش شنوو السبب الساكتة عنه وما حجيتي؟؟

تذكرت شكلهم المُقرف بالغرفة خليت ايديه على وجهي وانهاريت بالبچي..

-شبيچ ناردين!

-تدري جنت اكلك خاين واكرهك لانو طلعت رقية حامل منك بس بنفس الوقت جنت شاكة بالسالفة وشاكة اكوو غلط جان عندي امل صغير بس من شفتك وياها بوضع مقرف ويخجل ابد ما تخيلتك توصل لهل مواصيل وتطلع صدك عندك علاقة بيها الي شفته ابشع منظر جسمي بعده يرجف بسبه..

-عن اي منظر تحجين ناردين تره مافاهم شيء

-"سولفلته"

بقى ساكت ويفرك بوجهة ..

-لك على الاقل كون كايلي مو تسوي علاقات من وراي لك ما وكفت دموعي بعيونك ؟ ما كلت خطية تحبني ما اكسرها بهالطريقة البشعة ؟

ما فكرت نارك عافت اهلها وراحت تركض وراك ؟ بسبب حبها العميق الك؟ ماتذكرت اني انجرح وانقهر بسرعة؟ ومن شيء بسيط؟ فما بالك جرح سببه خيانة؟ ومنين؟ منك!

لك ماتدري اني يتيمه لاا اب عندي ولاا ام ..
ما قاري ( وان اليتيم فلا تقهر) وانت عيشتي وياك كلها قهر بقهر

جااووبني احججي ليشش گوول حيدررا لا تبقى ساكت!! گومني من الكرسي ولمني لحضنه واني ادفع بي واضربه على صدره..

- شششش ناردينتي اسكتي لاتبچيين

-تقهرني وتريد ما ابچي؟ شنو الي رايده مني حيدرة انت وياي وضدي شنو هالمسألة الصعبة راسي رح ينفجر عوووفني ابتعد عننني..

كعدني ولزم ايديه، :- انا وياج طول عمري وطول ماتزوجتج وصرتي زوجة حيدرة،

.. لااا تخافين اذا طلعت رقية صدك هيچ مسوية وهيه ورا كلشي، فا اعتبري هيه دخلت للسجن

-من كل عقلك تحچي انت شبيييك مخبببل بعدما دخلتني للسجن بيدك هسه تگلي اني وياج طوول العمررر وتريد ادافعلي بعدما اعتقلتني گدام الكللل !!!

داحچي تقدم وضربني راشدي قوي ..

- مره ثانية اذا عدتي هلكلمة لسانج اكصه
واسويها مو بس حچي، اوزني كلامچ ناردين انا مو مخبل انتو الي خبلتوني

صفتت بوجهة ولازمه خدي بصدمة بقيت ساكتة بمكاني وهو خازرني تالي دفع الميز برجله بقوة وطلع وقفل الغرفة ..

صرت اضرب راسي على الميز فاجئني بكلامة شنو يقصد انتو الي خبلتوني صرت افكر والف فكره اجت على بالي.. متناقض

فكرت شلون رح اطلع من المركز على خير يارب ساعدني وسوي معجزة..

...

حيدرة

گعدت على الكرسي بمكتبي الخاص دخل رائد وسالار ..

تقدم سالار خلى ايده على الميز وباعلي عيونه كلها غضب وشرار ابتسمت بوجهه بهدوء قبضت ايديه لبعض وگلتله.. نعم ؟؟

سالار: حيدرة اذا ماتطلع ناردين هسه اگلب المركز كله علئ راسك أختي ما تدخل للسجن فاهم ؟

-ناردين قتلت إنسانه على هذا الأساس هي دخلت للمركز وعلى قيد التحقيق..

سالار: سوي اي شيء لكن ناردين ما تبقئ اهنا حيدرة ورب الكعبة اهدم السجن علئ روسكم!!

-حبيبي ليش محملني الذنب وكأنو أنا الي گلتلها اكتليها؟ وشلون تريدني اطلعها لعب هو؟

ماتطلع بهاي السهولة دام كتلتها رح تبقى بالمركز لحدما تفرج وتكعد رقية وناخذ اقوالها ونمشي بالأجرائات..

وبعدين اطمئن، هيه بغرفة التحقيق مالتي وانا مسؤول عليها وعلى القضية ريح بالك ما يصير عليها شيء دام انا موجود ما تتأذه ..

سالار: اي رايد استلم القضية تدري هذا شغلي مو شغلك بالجريمة والقتل ..

-بس انا زوجها

-واني اخوها

رائد: يابه لاا انت ولا انت اني رح احقق وياها بس لاا تتعاركون فكروا بهدوء بيها وبالقضية وعوفوا عركاتكم مو وقتها خلصوا من هالمصيبة وتالي اتضاربوا براحتكم

سكتت تالي انفتح الباب دخل عثمان متنرفز ..

عثمان: قبل شوي عباس گالي مرت حويدر كاتله رقية لك صدگ تحجون فهموني؟؟

جاوبته..نعم صحيح هالخبر للأسف

عثمان: رقية شنو وضعها لك احچي!

-الضربة مو كلش خطرة هسه هيه تحت المراقبة الدكاترة صح طلعت من العملية بس بعدها صحتها مو تمام ما مستقرة حالتها

-يلكعبة لك حيدرا رقية محتاجينها حيييل خصوصًا هالفترة سوي اي شيء !

-شبيدي اسوي عثمان؟ ننتظرها تگعد ولكل حادث حديث..

صحت ،،،،، حمزززة حمزززة

دخل ودگ التحية: "نعم سيدي ..

-روح ابدالي للأنبار لأن ما اگدر اروح انا واعوف زوجتي الاولى بالمركز وزوجتي الثانية بالمستشفى..

حمزة: تمام تأمر فد ساعة واروح لا يضل بالك

-تمام وأنت سالار ارجع لأربيل

سالار :- اكل تبن ما ارجع .

-لا تعاند يعاقبك الرئيس بشغلك شلون تبقى؟

- رح اتصل علئ حساني يروح بمكاني هم هو عنده خفر

-تمام هذا هو براحتك

...

ناردين

دخل سالار وي حيدرة يحجون وياي ... جابلي حيدرة قمصلته الجلد سودة غطاني بيها لانو باردة خليتها على جسمي وظليت ساكتة ما بدر مني اي تصرف ولا نطقت اي كلمة ..

تالي دخل واحد كال لحيدرة.. سيدي ست رقية كعدت ..

طلعوا كلهم تالي اجا رائد كعد يمي وسد الباب دك على نور و نبراس خلاني احجي وياهن واكلهن ماكو شيء لاتقلقون عليه وغلقته ..

بقى يحجي وياي ويهدئ بيه يكلي لاا تخافين اطلعين ..

-شنو الحكم والعقاب؟

-باعي احنه نكدر نطلعج بسهولة اذا جانت مو رقية ، بس لانو رقية ويانا بالشغل وشخص مهم عدنه مو بسرعة نطلعج ، والأجرائات مو احنا رح انسويها فريق ثاني.. يعني الامر معقد

صح ناردين ادري بيج انتي الي دچيتيها بس ما ادري شنو السبب ليش كتلتي رقية هو شنو الي صار شنو الدافع الي خلاج تتهورين

جريت نفس وقررت احچي.. رائد واثقة بي وهو هم يحبني ويصدك بيه وما رح يجذب الي اگوله فا سولفتله كلشي صار بالتفصيل..ظل يجر نفس ويزفره ويطكطك على الطاولة..

گال :- تردين الصراحة اني ما اطيق رقية ابــد، ولا احجي وياها دائماً تنرفزني بكلامه الملعوص والمايع وضحكتها يا يابه بلحسين هيج بدي اقلع اذاناتي من اسمعها تحجي

-ليش..

- خوية هذاك اليوم وربج كتلها اثكلي الثكل حلوو، جان شتكلي
..عوج حلكة يقلدها :- لوييش راَئد اونت توغار مون صوتي الي يخبوول

- كفيلج العباس هذا التنعوص بالصوت لو عمداً لو ماكله لمندوزي بصغرها

بس تردين الصراحة اني ما شايف عليها شيء مو زين ولا شاك بيها من قبل لان هيه صارلها اكثر من 4 سنوات تشتغل ويانه ودائماً ايدها بأيدينه خصوصاً حيدرة جانت صديقته

-يا صديقة..تگلي حيدرة يحبني من زمان..

-حشاج هيه بربو* يمكن صدك هي تحبه بس هو لا ابداً لان اني اعرف حيدرة كلش زين ويحجيلي كلشي هو يعتبرها صديقه بالشغل لا اكثر ما مفكر بيها بغير تفكير

-تدري كالتلي عنده علاقة وي ألف وحدة اني جان كل فكري حيدرة ما عنده سوالف بنات ودائماً تركيزه بشغله هسه كل ثقة بي ماعندي ..

-مو اكلج هيه بريو* لا تصدكين بكلامها الي تحجي عن حيدرة والله من عمره كله ما لمس بنيه ولا سوا علاقة وياها غير زوجته الاولى ام رغد وهم متندم..

-لعد ورقية؟

-شنو شبيها

-غير حامل منه هو گالي !

-باعي هاي تختلف والله ما اكدر احجي حلفني ما اگلچ هو يحچيلچ ما اتدخل اني..

-ليش

-هو بعد هذا تفكيره..

- يعني حيدرة ما خانني؟

-خويه هالسؤال جوابه عنده ما اگدر اجاوبج محلفني..

تنهدت وظليت ساكته.. سألته هو شنو يحجيلك عني؟

-صارعني بيج وربج يعتبرج شي خاص اله يمكن عنده اسباب ما تخلي يعترفلج بحبه بسرعة بس هو يحبج لا يابه شنو يحبج وبس غير مهووس بيج

-مهووس هه.. وشنو هاي الاسباب

- زوجته الاولئ ،،، شغله ،،،رقية

تره حيدرة شغله صعب اكثر مما تصوريين حني عليه ولا تظنين بي سوء هواي مصايب فوك راسه ما يكدر يرتاح دقيقة

ضحك وكمل كلامه.. والله شكد ما تشوفينه عصبي ومتناقض واسلوبه جاف وخايس وبس يخزر بس الي ابداخله غيرر يبا غيرر ابداخله طفل وناقصه حنان يمعوده..

هزيت ايدي وهمست :- هو بالنهايه طلعنه اثنينه ناقصين حنيه امداني .

دك موبايله كال :- هاي نويرتي الوكحة..

جاوب وفتح سبيكر ،،، هلاا يابعد گلبياتي وچلاويلي

ردت.. هلو رائد يمتى تجي

- هاا اذا متحضرتلي اجي ركض ولحمزة

سكتت وهو يگولها..كولي شلونك بويه

-شلونك..

ضرب كصته بقهر.. احاااا زين يا بعد الزين كله بويه

- هاي انت شوكت تبطل كلامك السخيف كتلك لاا تحجي وياي هيجي

- حبيبي ادري اني هذا كلامي سخيف بنظرج ماتتحملينه لعد شلون تتحملين افعالي الي جداً جداً سخيفة

ضحكت بخجل وسدته ..

- شوفيلي حل وياها صارلي شهر متزوج وما محصل شيء حتئ مقبلات ماكو

- احس بيك

-شنو ؟

- ماكو شيء اي احچي وياها بعدين وانصحها

طلع ورجعت كعدت بمكاني..

...

حيدرة :

دخلت للغرفة متمددة وبيدها كانونه مشكليلها المغدي والاوكسجين وكفت يمها والشرطي يمي لازم الدفتر لحتى ياخذ افادتها حچيت وياها حاولت اهديها ماراضيه تهدئ..

-بابا رقية شبيچ؟

سألها:- بما انو كعدتي رايده تشتكين على المدعوة ناردين جاسم لو تتنازلين عن حقچ..

حيدرة:- اي اكيد ما رح تشتكي عليها ..

رقية :- لا طبعا،، هيه حاولت تقتلني خلاص وردت افقد حياتي بسببها مااتنازل عن قضيتي و اريدها تتحاسب و تنزل عليها العقوبة عليها

خزرتها..شجاااااي تحچين انـتي!!

رقية:- اي حيدرة مثلما سمعت.. اريد تاخذلي حقي منها..

حيدرة:- لج من كل عقلج ادخل ناردين للسجن؟؟

رقية:- ما اتنازل وخلي السجن يربيها..

حيدرة:- اكلي تبن وتتنازلين غصباً عليچ لو اعرف ادخلج انتي للسجن بمكانها ..

- اني ما سويت شيء لويش ادخل ؟؟

- ابقيي اهناا شوي وارجعلج

باوعتله وگلتله.. لاا تسجل شيء إلى ان ارجعلها

-حاضر..

طلعت صار بوجهي رائد سحبني من ايدي وطلعني بره المركز

حيدرة:- هااا يااابه شكووو

رائد:- رقية هيه ورا كلشي

-شنوو تقصد ؟؟

رائد:- "سولفتله على كلام ناردين "

حيدرة:- ما ادري رائد من جهة انا مصدكها بكلشي بس مال رقية تسوي هيج وياي ما جاي اطخ بعقلي لانو هيه تعتبرني اصدقاء بالشغل مو زوج شلون تتقرب مني وانا نايم رغم هذا ما متذكر اي شي

-صدگني هيه لك تشك بناردين تجذب واتألف من يمها ؟

-لا بويه ناردين ما تچذب فزه گلبي هاي الترفه..

-لعد فكر زين وحقق وياهاا

-الله كريم هاك هاي الملفات انطيها لسالار قبل مايطلع وانا رايح ارتاح شوي لا نايم ولا ماكل شيء الله شاهد.. صدگ وصيت محسن على لفات وعصاير اخذهم بيدك لناري ما ماكله شي ادري بيها واجبرها تاكل لا تبقى بدون اكل

ابتسم وگال.. بعيوني تمام حبيبي الله وياك

ركبت سيارتي وصلت للبيت تالي فريت السيارة وتوجهت لبيتي الثاني اتصلت على عثمان

اجا وهو والشرطة.. دخلنه اول شيء شفنا السجين مرميه على الارض..

مادري ليش من شفتها ضحكت حيل، مادري استهزاء لو لان السجين صغيرة مال فواكة

حتئ سجينتها علئ كدها ..

دنكت لبست كفوف وخليتها بالكيس شالوا الفرشه الي كلها دم ..

عفتهم يشتغلون وصعدت طلعت موبايلي خابرت على حسن كلتله شلونها رغدتي طمنني عنها بخير ؟؟

لانو من عرفت ناردين موديها سالار لبيت ابوها وناسيين رغد نايمة خليت حسن ياخذها ويخليها عند طيبة ..

طلعت خاولي ودخلت للحمام اسبح بديت افتح بقميصي انتبهت على ركبتي بالمرايا صايرة بنفسجية استغربت وصفنت بيها بتركيز شمرت القميص مني بسرعة وشفت على صدري اثار وطبعات حمرة وعلامات بنفسجية مقرفة..

طلعت من الحمام بسرعة وانا احاول افكر واتذكر شنو صار ليلة امس صرت اضرب براسي اتذكر واجمع شيء لكن ماكـو !!

كل الي اتذكره اجيت للبيت ورقية جانت تسوي عصير لرغد طلبت منها كلاص عصير بارد اليه وشربته لانو جنت تعبان بسبب الشغل

بعدها ما اتذكر اي شيء نمت لاا ارادياً وفزيت على صريخ ناردين وما كنت لابس شيء اتفاجئت من وضعي وشلون وصلت للغرفة!

جريت بنطروني ونزلت ادكم بقميصي وشفت رقية وشلتها اخذتها للمسشفى

بعد ما اتذكر شيء بس !! ممكن رقية مخليه شيء بالعصير؟ لا هو مو ممكن هذا اكييييد

دخلت للمطبخ دورته كله ماكو شيء، صعدت للغرفه دورت بكنتورها انتبهت علئ كيس شفاق صغير وبي مادة بودرة

اخذتها ونزلت انطيتها لعثمان كلتله :- اخذها للمركز خلي حمزة يشوف شنو هاي البودرة ويخابرني بسررعة

- ماشي رايح
اخذها مني وطلعو كلهم ،،،،

ربع ساعة وخابرني حمزة كال :- هاي بودرة حبوب منوم وكلش قوية تخليك تفقد وتنام بالساعات طويلة وماتحس بشي

سديته منه فعلاً مثل ما توقعت تذكرت الكاميرات الي معلكهن بكم زاوية بالبيت ومحد يدري ورقية ما منتبها ما تدري اكو كاميرات مراقبة .. هسه يتوضح كل شي !

دزيت على حارس يجيبلي فيديو عن ليلة امس انطاني اللابتوب شغلته جانت مغوشه لان تمطر بس ناردين دخلت للبيت وصعدت فوك بالطابق الثاني ..

كلتله..الكاميرات الي بالغرف مشتغلات مو ؟

-اي سيدي كل الغرف..
-كلش زين عاشت ايدك

صعدت للغرفة خليت الدرج صعدت ونزلت الكاميرة جنت مخليها احتياطاً ولتجنب اي شي يحدث بداخل البيت

شغلتها على اللابتوب شفت رقية مخليتني على الجرباية وبدت تنزع ملابسي قطعة قطعة وللاسف ماسمعت شيء لان ماكو صوت واتاكدت انو طبع الحمرة جانت من شفايفها

اتفاجئت ولو جنت شاك ، ليش هيج سوت شنو مصلحتها؟ ليش خلقت هالموقف وجذبت؟

من نفسي ما تحملت اكمل المقطع فعلاً قرفت منها والظاهر انو ناردين دخلت وشافتها وياي وفهمتني غلط..

قبضت ايدي بعصبية وشمرت اللابتوب على الحايط صار اجزاء صغيرة متناثرة

حقيرررة !! فلااا يطلع حيدرة اذا ما اندمج على الي سويتي نسيت انو انتي ممثلة بارعة بهذا المجال شلووون وثقت بيچ وصدگتج !!

بس !! حاليا ما اكدر اسوي شيء لانو الحق وياها لان ناردين دجتها بالسجين والقرار الأ تتنازل او لا ، استعجلت ناري بهالخطوة ..

لعبت لعبتها صح، بسيطة يا ريام الا ارجعج من المستنقع الجنتي عايشة بي يارخيصة

ركبت سيارتي وصلت للمركز ،، دخلت تقدم سالار وگف يمي صار بوجهي لزمني من ياخه قميصي وگال بحزم :- حيدررة بعدني صااابر عليك واكول رح يطلعها نفذ صبرري وانت ساكت ماسويت شيءء !!

-ما ضربتها علئ ايديها وكلتلها اخذي سجين ودچيها هيه دومها طايشة ما تحسب احساب للقادم

-غير بسببك وبسبب رقية خبلتوهاااا لو وحدة غيرها جان كتلتك وياها وسوت موتكم جماعي بس الله موجود وانطاها شويه عقل وما كتلتك

-صير شاطر وطلعها انت ، اذا كدرت

-هيييج صاارت تمام بسيطة..

-سالاااار

دفعني وراح طلع زفرت نفس وكملت طريقي رحت لناردين شفتها تبجي..

-الله بالخير شلونج ناري

- اطلع ما اريد اضووكك

-ها سلاماات

-شوصلنني للمراكز السجن ياررربي اختتتنگت..

- غير من ايدج ومن هذا المطي المتربع بعقلج وفاتح رجليه ليفوك وساد اذاناته، مايريد يسمعني لأنه مطي ابن مطي

-ششششش كافي كرهت حتى صوتك..

-نعم الله عليچ..

رجعت تبچي طلعت صحت على فهد.. جيب ابرة مخدر بسرعة..

-حاضر سيدي..

دقايق واجه ضربتها ابرة بزندها وشلتها بعدما فقدت خليتها بغرفة ثانية علئ مسؤوليتي حتى ترتاح واشوف وين تصفى..

...

بعد مرور يومين بالمستـشفى..

حيدرة:- رقية جاي اكلچ اتنازلي..

رقية:- هه ما اتنازل وكلت محامي اريده ياخذ حقي منها..

سالار :- لج ضربتج بسجينه ادري شنو ضاربتج طلقة بس هوو مو صوجج، صوج اختي ماعرفت تضربج زين ،جان ضاربتج وميته ومسدودة القضية وخلصنه منج والله يرحمج

- هذا الي عندي وما اتنازل

خزرتها امرتهم يطلعون.. رايد احچي وياها على انفراد

طلعو .. سديت الباب ..جريت كرسي وكعدت رئستاً دارت وجهة وظلت اطكطك اصابيعها بتوتر

-صارلي يومين ساكت عنج عبالچ ما ادري شمسويه حضرتج؟

-ما مسوية شيء كوله من ناردين..

قاطعتها ..

-ششششش سالفة روحتج الها لكليتها وتهديدج لها والرسالة عبالچ اغلس عنهم ؟؟ والحبوب المنوم عبالج رح اصدگچ واحبس ناردين واطلگها وانتي تبقين زوجتي هذا مخططج؟؟

-ما اعرف على انو حبوب تحجي اني مامسويه شيء و القران

-لج لاا تحلفين شلون تجرأتي ونمتي وياي وانا فاقد مو صاحي؟ لحتى ناردين تشوفنه بهالوضع المقرررف.. شنو من بشر انتي؟؟

-لاااا مو هيييج انت فاهم الموضوع غلط حيدرة اسمع مني

-تبيعيلي مثاليات وخليتيني اشوفج اصدق إنسانه امنتچ على بيتي، وشغلي، وبنتي

حتى اسراري عندج .. تالي هيچ يبدر منچ؟عملتي سوايتچ إن شاءالله تكونين مرتاااحة من كرهتي ناردين بيه؟؟

- بس بس اني احـــبك!!

والله العظيم احببك!! ومن زمااان قبل ما تدخل ناردين لحياتك!! قبل ما تتزوجها!! قبل ما تحبها !!

-شششششش اسكتيييي!! لچ الف مليون مره كلتلچ اعتبرچ صديقة ما مفكر بيج غير شيء! ترحين تخططين من ورا ظهري علمود اتزوجج واطلگ ناردين!!

تتوقعين اقبل بيچ و اعوف ناري؟ تحلمين!! ما ابدلها ولا اتركها ناردين تسوا عندي الدنيا كلها

هي دنيتي الصغيرة ..

-هييي اخذتتك منييي!! الله ياخذهاااا حيدرة كلتلها ابتعدي هيه عاندت ما اتحمل انت وياها سوا !! اني اريدك إليه وبس ما اتحمل هالإنسانه تكون قريبة منك اكثر مني!!

-بعد كلشي سويتي اعتبري نفسج مفصوله من الشغل..

-ما تگدر تفصلني اسراركم كلها عندي مو بكيفك!!

-لو تفتحين حلكج بكلمة رح تعمين على نفسج والفيديو موجود يمي وحبوب المنوم هم اگدر اخليچ هسه بالسجن وتعرفيني اسويها بس بأتصال واحد ما يكلفني دقايق..

اذا صار علينه خطر فـ كتلج على ايدي شاهد الله رح يجي الشرطي يسجل اقوالج من يسئلج تتنازلين جاوبي اي لاا ولكعبة ادمرچ ..

گمت دفعت الكرسي وطلعت..

...

نارديـن:

-سالار فدووا سوي شيء اختنگت!! ما اريد ابقى اهناا سوي شيءء علمود اختك!! دا اموت على البطيء فدووووواااا طلعننننيي..

طلعني مناا حلفتك بروح ابويه ما اريد شيء بعد حتى حيدرة كرهته رح اتركه الها خلي تتهنى بي..

-شششش ناردين لا تبچين ياروح اخوچ والله مكسور ظهري بشوفتچ بهذه الحالة!! هاهيه قررت ..

رح اضـحي في سبيـل خروجـج!

...

رقية :- اتنازل بس بشرط

-شرطيش ؟؟

- طلگ ناردين واتنازل .

-تاكلين تبن يابه وتتنازلين غصباً عنچ..

بهاي الاثناء، دخل سالار بيده اوراق وهو يگول :- حيدرة شرطك نفذته، وصار دورك هسه تنفذ كلامك واطلگ ناردين ....يتبع

⭐⭐⭐⭐⭐⭐⭐⭐⭐⭐

البارت 3000 كلمة ❤
لاا تنسون تصوتون وتعلقون هذا اقل شيء تقدمو اليه احبكم وتوقعاتكم بالبارت القادم ؟

#نمارق_رحيم