اثنى احدى قدميه على الأرض وجلس امامها راكعاً بهيبته وعنفوانه، ناظراً لها بحب عاشق ولهان ذاق طعم الفراق طويلاً الى ان وجد معشوقته متأملاً منها مسامحته، وهي تنظر له باندهاش لفعلته ودموع تتلألأ بمقلتيها لا تعلم اهي دموع سعاده ام غصه آلمت قلبها...
مد يده لجيب سترته واخرج منه خاتمها الخاص الذي كان بحوزته طوال تلك المده...
مد يده ناحيتها ليتمتم بشغف: تقبلي تتجوزيني تاني؟.
سعاده عمت على الجميع بعد كلماته حتى هي رفرف قلبها بفرحه عارمه لكن كبرياءها كان اقوى لتضل تحدق به بصمت جعلهم يطالعونها بترقب حذر...
طال صمتها ليتمتم: هتفضلي ساكته كده؟.
خرجت من صمتها شفقه به لترد بنبره مبحوحه: عايز تتجوزني تاني ليه؟.
اجاب بصدق: عشان بحبك، وروحي متعلقه فيكي، عشان مش قادر اكمل يوم واحد من حياتي وانتي مش موجوده، عشان انتي ذاتي وماضيي وحاضري ومستقبلي، عرفتي ليه؟!.
دمعه متمرده خانتها وسقطت على وجنتها بحراره الهبتها لتمسحها بسرعه قائله: بس انا مش كده بالنسبالك!.
_ صح، انتي اكتر من كده بكتير!.
زمت شفتيها بقوه محاربه دموعها مانعه سقوطها لتهتف بنبره باكيه: هتفضل تحبني كده؟.
_ لآخر نفس ليا!.
_ مش هتمل مني؟.
_ هو في حد يمل من روحه برضو؟.
_ مش هتكدب عليا تاني ولا تخبي اي حاجه؟.
_ وغلاوتك عندي مش هعمل كده تاني وربنا شاهد عليا!.
_ مش هتبص لغيري أبداً؟.
_ يارب اتعمي لو عملتها!.
_ مش هتضربني؟.
_ يارب ايدي تتكسر لو حصل!.
_ مش هتسمعني كلام وحش ويزعلني؟.
_ يارب صوتي يروح وابقى اخرس لو فتحت بؤي بكلام زي كده!.
ضحكت بعفويه من بين دموعها التي لم تقاوم تمردها وتساقطت على وجنتيها ليبتسم بحب مردداً: ها موافقه؟.
هتف الجميع حولهم بصوت واحد: وافقي بقى ياشيخه!!.
ضحكت بقله حيله لتعاود النظر له وبدأت بمسح دموعها بضهر كفها ببراءه كلأطفال...
اسنشقت ماء انفها بخفه وتمد يدها نحوه قائله: ماشي موافقه!!.
هلل الجميع بسعاده لا شيء امام سعادته وهو يستمع لموافقتها ليضحك براحه لم يستشعرها من قبل...
امسك كفها والبسها الخاتم لينهض بسرعه ويسحبها لصدره بقوه لافاً ذراعيه حولها بقوه وحملها عن الأرض وبدأ بالدوران خول نفسه وهي باحضانه الى ان جعل ضحكاتها ترن في المكان...
توقف عن الدوران واوقفها امامه ينظر لها بعدم تصديق لامتلاكه لها مره اخرى بعد عذاب...
احتضن وجهها بكفيه مردفاً بحب: شكراً شكراً شكراً، مش عارفه ريحتيني ازاي دلوقتي، اوعدك انك مش هتندمي والمرادي بجد، بحبك!.
طالعته بابتسامة محبه وحدقتين لامعتين واطلقت تنهيده راحه هدئت قلبها الملتاع بعد ايام اعنبرتها جحيم!!.
__________________________________________
والله اسفه اوي، اسفه اني مش هقدر انزل البارت النهردا، مش عارفه هتصدقوني ولا لا عشان انا زودتها معاكم بجد وحقكم، بس انا اتعرضت لحرق، بطني اتحرقت كلها بسبب خطئ في دوا اخدته غلط وبطني اتشوهت كلها تقريباً، والله العظيم بتكلم بجد، انا كاتبه نص البارت ومقدرتش اكمل بسبب الوجع ومتابعتي مع الدكتور، ربنا يبعد عنكم كل شر يارب بس بجد الوجع ميتحملش، اصبرو عليا الاسبوع دا بس وهنزله ان شاءلله، اسفه مره تانيه...
دمتم سالمين احبتي...
#byan
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!