اترك في كل طريقٍ تمُر به حديثاً لطيفاً .. ابتسامةً جميلة .. زهرةً بيضاء ..
دع الأماكن تذكرك بخير، ولو نسيك كل البشر.
نهوة الدايم
ايه مراد
............
كاعده مقابيل الشباك
واني اراقب قطرات المطر وهي تنزل
والحديقه صايره برة مي من كمية الامطار
باوعت بجانب الباب بزونه مكرفصه نفسها من البرد
طلعت ركض برى
اخذتها
حبيبي ليش هيج برى بهل برد
شلتها بايدي
فوتتها جوى جان ماما تصيح
... هاي شنو امنه طلعيها بنتي لا يصيبج منها مرض
... ضحكت ماما عدها فوبيا من القطط اشوفها
بالشارع تغير الطريق مالها
لا ماما حبيبتي ما تاذي خطيه شوفيها شلون بردانه
والجو برى ثلج
... امنه بنتي هم يتخبون تعرفين شكد
اخاف منهم اني وديها برى بالمخزن اخوج
زين لا يتحسس منها
... لخاطري ماما خليها اليوم يمي
طلعت سطل من المخزن
وحطيت جاكيتي الفرو وخليتها بالسطل
وكعدت مقابيلها واخًويه زين يروح ويجي
يرد يشيلها
وماما ما تقبل تكول راح تصير حساسيه عندك
... اكلج ماما شنو ياكلون البزازين
... معرف شنو شايفتني مربية بزارين
كومي الباب يدك شوفي منو
طلعت ركض حتى ارجع بساع ما اريد
اتركها لحضه باوعت عدي
... هلا عدي فوتتت بساع فوت
.... شبيج هيج مستعجله
ركضت على الصاله وصحت اله ... تعال على الصاله تعرف
... السلام عليكم شلونج عمتي خير
شبيها بنتج تخبلت
... ليش هي عاقله حتى تتخبل
باوعت عليهم شبيهم هيج يتقشمرون عليه
.... ههههه جنها هي البزونه عمتي شوفي
عيونها صفر مثل البزونه
... جان ثنينهم ماما وعدي ابن خالو يكعدون
يصنفون عليه لان عيوني صفره وشعري على صفار
وهذا زين كل شويه اشيل ايده وهو
يرجع يشيل البزونه واني ما اقبل
كمت اغار عليها حتى من زين
سمعت عدي يسال على بابًا
باوعت ماما نزلت راسها بحزن حتى هي ما تعرف
يمتى راح يرجع
.... معرف ابني مشفت كم مره جيت على بيتكم
ردت اخبره ماكو ما يحصل
واعرف اهله عدهم تلفون ارضي بس
معرف ليش ماكو
... سهله عمتي ان شاء الله ما بي غير
العافيه ويرجع بخير
... الله يسمع منك ابني شخبار دوامك
امك كالت تريد تزوجك
.... مو وكتها عمتي الي اريدها بعدها صغيره
... التفت على عدي منو تريد تزوج
شنو ما تريد تعرفنا عليها
جان يباوع لماما ويضحك
درت وجهي عنهم واني مشغوله بالزونه
وابوسها وماما كل شويه تصيح
عليه تكلي راح تموتين
جنا كاعدين نتعشى اني و ماما وكهرب ماكو
عالكين فوانيس
اباوع صوت البزونه من الاستقبال تصيح
اني خفت لا صاير الها شي شلت الفانوس
وركضت وماما وراي
ما اشوف الا البزونه مسوية على الجدوليه
الصوف الي ماما جديد قبل
الشتى فاتحه الصوف ومنظفتها
رفعت الفانوس اشوف رده فعل ماما
جانت مصدومة
... ماما حبيبتي على كيفج خطيه مو بقصدها
... امنه كافي طلعيها على الكراج اخاف منها
هسه الغرفه هناك مرتبه فد مره
ودي هي و الطاسه مالتها خليها هناك
واخذي الها اكل
طلعتها بهدوء خفت من ماما لان عصبت فد مره
هسه انتي شبيج الا على الجودليه الصوف
الارض موجود
جان تكول مياو
... مياووو بعينج فهمتي
وديتها ورجعت على العشى جان ماما شايله الجدوليه
كالت بس يصفى الجو اغسلها
كل شويه اريد اروح اجيبها بس خايفه من ماما
واني روحي صارت بيها هو كومة يجون علينا
اوكلهم بس برى ما ادخلهم بس هاي حبيتها كلشش
... كافي عاد دخت رايحه جايه روحي
جيبيها للاستقبال
باوعت مصدومة ماما تكلي جيبيها اعرف
هي تخاف منهم بس هم كلبها ما نطاها نعوفها
رحت جبت وخليتها بالاستقبال وبقيت مكابلتها
تالي ماما كالت كافي ارجعي نامي
رحت لفرشتي يم ماما متمدده وزين بصفحتها الثانيه
باوعت للسقف الي الفانوس الي بالصاله مدخل علي شويه ضوء
وهدوء البيت وبس قطرات المطر ينسمع صوتها
.... ماما شتاقيت لبابا يمتى يرجع مو كانو طول كلش هل مره
... الغايب عذره معا يجي ونعرف
... مممم اكلج ماما ليش بابا ما يجيب الشغل مالته هنا
مو كافي كل اسبوع رايح شبيها الموصل
مليانه شغل
.... امنه كافي اسئله ابوج ادرى بالي يسوي
قابل نحن ندخل بشغله
درت ظهري على ماما واني سرحانه معرف وين
افكاري طارت بهل حياة
لحظات مرت سمعت صوت دموع ماما
ما عرفت اعوفها تنفه عن نفسها لو احظنها واحسسها بالحب
اعرف اي مشتاقه لبابا واعرف اكو اشياء هواي هم ما كايلين
الي عليها
بس الي اعرفه ماما تحب بابا وهذا ديكلفها دموع
وجه شاحب و حزن بكل ليلة يظهر على مخدتها
واثار حزنها تبقى الصبح مرسومة على وجها
غفيت بدون ما احجي ويه ماما خليتها تعبر عن حزنها
بدموع على امل انو يخففون عنها شويه
كعدت الصبح ماما ماكو هي متعوده من الصبح تكعد
طلعت على الصاله ريحة العشب و هو متنكع من مطر البارحه
مالي البيت
بقيت لحظات اعبي الرئتين بهاي الريحه والشمس داخله الصاله
طلعت على المطبخ باوعت من الباب
ماما و جدتي كاعدين يشربون جاي بالطارمه
غسلت وطلعت يمهم
... صباح الخير
... هلا بالمدلله تعالي اكعدي اتريكي
.... خلي اجيبلي استكان واجي
كعدت يم ماما وجدتي وهم يتناقشون ويحجون
واليوم جدتي تسوي دولمة يعني كلنا نتغدى سويه
تذكرت البزونه كمت ركض على الاستقبال
جان اشوفها تفتر بالاستقبال
شلتها حظنتها حبيبي بزونتي الحلوه
وهي بس تكول مياو مياو واني اضحك عليها
بقيت مكابلتها ومره اغير فراشها لو اجيبلها مي لو اكل
كمت على صوت الباب لان اني افتحه
جانت جيرانا وحده جديد ساكنين يمنا
... السلام عليكم شونج حبيبتي
... هلا خاله تفضلي فوتي
.... لا بس ردت اسالج كاتي البارحه بالمطر طلعت من
البيت وهي ما متعلمه ما تعرفين وينها كلت يجوز
اجت عدكم
... باوعت عليها مستغربه منو كاتي
.... آسفه ماخذ لساني على كاتي بزونتي بيضه
.... باوعت هاي نفسها الي شفتها البارحه
ترددت انطيها لان تعودت عليها
بس كلت خطيه اكيد هي هم متعوده عليها
اي خاله موجوده البارحه جانت بالمطر واني
دخلتها عدنا بالبيت
دخلت جوى جبتها واني ابوس بيها حبيبتي
بزونتي راح نتفارك
نطيتها لمرت جيرانا وهي تبوس وتحضن بيها وراحت
بقيت واكفه ضايجه استقبلتني ماما وهي فرحانه خلصت
من كاتي لان تخاف منها
واني كعدت بالحوش وما اقبل ادخل ضايجه وماما كل
شويه طلع راسها من الباب تضحك عليه وتدخل جوى
مرر اليوم كله الجووو ثلج والغدى اليوم بيت خالو
على دولمة بيبي
ورى الغدى جنا كاعدين واني
متمدده بنص الغرفه ومحيطه راسي على رجل جدتي
جان يدخل عدي واني بعدني متمدده متعلمه علي
من نحن صغار سويه وكلشي نسوي سويه
هو مو بس صديقي حتى اخويه نلعب سويه
لان مرت خالو اخاف علي لان وحيدها فما تخلي يلعب
وما عنده اصدقاء بس اني
... على الاقل احترميني كوني تعدلي
... دروح مال احترام اصلا نحن ما بينا احترام
... عمتي اسمعيها شتحجي اكلج جده ليش ما
تعقلين عليها ترى فد مره طوختها
.... عود من نزوجكم انت عقل عليها
.... يوعععع اني اتزوج عدي ليش يابه
شنو ناقصني تك عين تك رجل
اصلا بابا يكول الا شيخ من الرمادي يلا ينطيني
... دروحي عود زين مني راح ارضى بيج
الشيخ يدور شيخه قابل يدور خبله مثلج
... ديلا عيني شبيه ابويه شيخ
ومن ظهر شيخ
همست لجده صح الجمله
... هههه اي صح
هاي بنتج شكد ما تكعد ويه ابوها صايره تحجي مثله
... شعبالج يييي عود امسك الشيخيه واصير شيخة
العشيره ولو بابا كله يكلي شيخة العشيره
.... لا عيني شون عشيرة اذا امنه المطفيه الشيخ
مالتهم
.... اسكت انت تغار عود لان خالو مو شيخ
وبابا يكول ما انطي امنه الا لشيخ
.... دروحي بابا بطرانه
جان يكون عدي زعلان يبووو اني شبيه زعلته
والله مو قصدي بس هذا شبي بساع يزعل
من الصغر بييي تكول الا نزوجكم انتي وعدي ومرة خالو
واني اكعد اتقشمر علي اكول مستحيل اقبل الا شيخ
مثل ما بابا يكول الا ازوجج لشيخ
طلعت برى كاعد بالحديقه عدي عود زعلان مني
.... هههه جنت اتشاقه ليش زعلت
.... دوم نفس السالفه تعيديها شبيج انتي خبله
... هسه ما فرحان نحن اصدقاء ترى شبيك
ما يصير تزعل مني
... ما زعلان بس احترميني شويه ترى كبرنا مو بعدنا
صغار واني اكبر منج
... شنو احترمك يعني اكلك حاضر ابن خالو او
شنو شبيك نحن من صغر سويه وهيج متعوده عليك
بدون قيود حباب
لا تتغير خليك عدي القديم
كمت من يمه رجعت للبيت ماما و زين بالغرفه
نايمه
كعدت اكلب بكتب المدرسه ماما جايبتهم الي
حتى ادرس بالعطله
ولو ولا فتحتهم
طلعت على الاستقبال كالعاده اكعد
اراقب الشارع ولو ما يبين منه شي لان الحايط عالي
فيس الحديقه اباوع الها
وحافظه كل تفاصيلها
فزيت على عدي يدك بالشباك
... ههههه شبيك خوفتني مشوفني صافنه
.... تعالي عمي ابو زين على التلفون يحجي وياكم
كمت ركض حتى بدون ما البس شحاطه ولا
كلت لماما خفت لا ينكطع الاتصال لان كلها
صايره بزور التلفونات الارضيه
... هلا بابا حبيبي ميتة عليك والله
... كلنا بخير وماما وزين هم انت شونك فدوه
ارجع كلنا مشتاقين الك
.... ليش هيج طولت بابًا يعني من يمتى
اول مره هيج طول
... تمام بابا اكول لماما
.... مع السلامه
سديت باسى كلشي ما فهمت بس كال اطمن
ماما هو بخير وما بي شي
... ها شو سده عمي
... معرف يمكن مشغول شو سده
بس كال عرفت قلقانين فكلت اطمنكم
.... مو كتلج بخير لا تخافين ان شاء للله يرجع قريب
رجعت على البيت ماما كن كعدت لان دياذن العصر
كلت الها على بابًا كانت ردة
اهلها بارده يمكن البعد هيج يسوي يخليك كلشي
يكون عادي ولو كان من الشخص الي تحبه
رجعت على مكاني بالاستقبال والمطر ينزل
واني مركزه بنفس النقطه الي بالارض الي المطر
يشكل بركة مليانه مي
درت وجهي على ماما وهي اصلي
رحت كعدت مقابيلها
سلمت باوعت الها وابتسمت
... ادعيلي ماما لان تمطر ودعاء الام مستجاب
... الله يجعل حضج بنتي احلى من حضي
ماما كم سنه انتي طولتي يلا جبتيني
... ههههه شذكرج هسه
... هيج ماما حابه اعرف حبابه كليلي
... على ما اذكر يمكن ٧ لو ٨ سنين يلا
كدرت اجيبج
.... وبابا ما كال ازوج عليج
شعجب
... هاي سوالف مو وكتها عود ابوج من يرجع
يحجي الج
... ماما انتي تعرفين ليش بابا هبة طول
كل هل فتره ترى مو من حقه نحن هم نحتاج احد ويانا
يعني او مو خالو جان شنو حالنا
... شنو هل كلام الي اكبر من عمرك لا تخليني
ازعل منج ابوج هذا وهو رايح يشتغل
... اكلج ماما بس لا تزعلين سمعت مره خالو
نكول اهل الانبار الا يسوها نسوان ثنين
وخاف صدك بابا مزوج
ونحن ما نعرف
... حياته قابل اذا ازرج انتي لو اني نمنعه
... شنو بكيفه لعد ونحن شنو حتى يتزوج ما اقبل
والله ما اقبل ولا ابقى عنده اذا
صدك زوج الا اروح لبيت خالو واعرف البيت
مر اليًوم وايام هواي مرت على الاغلب صار شهرين
وقرب شعبان ونحن دائما نصوم الاخيرات من شعبان ونصوم
وياها شهر رمضان
كعدنا عصريه اني وماما وجده عدنا
هي وماما يحجون يمكن على بابا بس بصوت ناصي
سمعت ماما تكول احبه ما اكدر بدونه
ما اكدر اعوفه
عرفت الوضع ابد مو تمام بين ماما وبابا
طلعت على حديقة بيت خالو عدهم مرجوحه دوم اكعد
بيها وعدي يدفعني
باوعت حتى عدي ماكو جنت زعلانه بس شفتى اجى
... خير ان شاء الله شبيج دوم بوزج نازل
... وخر من يمي احسن ترى معصبه
.... ديلا عيني يالمعصبه كليلي ليش معصبه
... بابا راح وما اجى وهو وانا يمكن راح يطلقون
... يا ستار فال الله ولا فالح على كيفج شبيج
هيج تفاولين اذا مشاكل عادي اصير ترى
... وانت شمدريك هاي سوالف مزوجين
عود عساس الاخ عدي عنده تجارب
ونصائح
... ديلا وخري صوج الي ينصح بيج
ديلا اذا عمتي طلقت تجون تسكنون عدنا
وعود اني اعلمج شون تتشمرين عليه
... دروح والله ولا نجي عدكم نبقى بيتنا
وجده تجي عدنا
رجعت للبيت هذا عدي ابد مو مال واحد يحجي
ويا عود يكحلها عماها
ما يكول سالفه بيها حظ
... اكول ماما اليوم نام او نبقى كاعدين الى الصبح
شتكولين
... لا نام وعلى السحور نكعد
... ديلا ولو اريد ابقى بس اخاف بوحدي
.... واخيرا امنه خاتون تخاف من شي
... طبعا اخاف من الظلام ومنج انتي ماما
واخاف بابا يتزوج
... استغفر الله يا ربي كومي شوفي اخوج وينه
كمت على زين
كعدتني ماما على السحور واني بزور فاتحه عيوني
عود اريد ابقى
كعدت اكل ولا اشوف كدامي اي شي
بس اكل
ورجعت لفرشتي دافيه والجو مطر حتى ما صليت
وماما اكلي ابقي صلي ونامي
واني بس حطيت راسي على المخده رجعت النومه
كعدت العصر ماما ماكو اكيد كاعده
هي ما يعجبها ابقى بالنوم تكعد من الصبح و الظهر ناخذ غفوه
واني مو هواي اشتغل لان ما عدنا شغل اصلا
بس تنظيف والبيت ماكو احد يوسخه وماما مهلوسة
نظافه كل يوم نفس التنظيف
باوعت وانا تقرا قران بالصاله
صدقت وباوعت عليه
... ها مساء الخيرات امنه خاتون شيخة العشيرة
... اي ماما حبابه احب هذا الاسم
دوم كولي الي
... تحبين سوالف الشيوخ مثل ابوج
... عود خطا الرجال وين راح اختفى فد اختفاء
... شنو طالعه عيونج هل ايام هل رجال ابوج
اسمه بابا شنو ما بقى احترام
... ديلا عيني ام امنه قابل شنو حجيت اتشاقه وياج
... ههههه والله محد يكدر عليج خاتون
... اكلج ماما حبيبتي احجيلج عليج وعلى بابا
وعلى الايام الخوالي
... هاي جديده الايام الخوالي
.... سمعت بيبي تكولها وحبيتها
احجيلي قصة حبكم وشون بابا حارب العشيرة واخذج
ديلا حبابه حتى تسترجعين ذكرياتج ويه بابا الي
يحبج و يموت عليج
يتبع ......
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!