رواية نهوة الدليم الفصل التاسع 9 - بقلم ايه مراد

عش كل شيء واحرص على ان تتعلم من كل شيء تعيشه واعلم انك ربما ستتعرض للألم اثناء تعلمك فلا تخاف فالدروس التي تأتي من الالم ستكون اكثر قيمة .

نهوة الدليم

ايه مراد

...............

طلعنا من الصبح على الانبار اليوم الخطوبه
يسون غدى للزلم الاقارب يعزموهم وبيت العروس يسون
حفله بسيطه بس يلبسها ذهب ويكصون كيكة

جنت الطريق كله نايمه واني بغير عالم ما متعوده
اكعد هيج من وقت لان بالمدرسه جنت انام من وقت
فاكعد شبعانه نوم واني البارحه كله كاعده
بس دخل بحياتي صكر نساني شي اسمه نوم
الليل كله جنت افكر بكلامه

وصلنا على الانبار ماما كعدتني نزلنا من السياره
بس خاله موجوده وصكر كال لبابا امشي علينا بابا
راح عاد
بقينا بيت بابا تريكنا

وطلعنا كلنا على بيت عمو ابو سلام

جنت دايخه وبغير عالم من اكعد من النوم ابقى منرفزه

ام امنه ... فكيها عاد عيب شيكولون ترى عرس عدنا

.... نعسانه اني كلت الج العصر الحفله
خليني بيت بابًا اشبع نوم ما قبلتي

ام امنه ... يمه عيب شيكولون هاي ام حامد تكول
البنات كلها عد صبر انتي هم روحي عدهم
اتونسي شبيج حضي ما مثل هل ناس

... ههههه خلاص ماما بس لا تعصبين هسه اروح وياهم
اتونس ماشي

وصلنا بيت عمو ابو سلام شكد هوسه وناس عدهم سلمنا
واني كعدت يم ماما

دائما اول يوم واحد يحس بضيق ومعاجبه
الوضع واني ما بسرعه اتعود على مكان
ماما ويه خاله وتحجيلها
على مهر صبر وعلى الاساس ياخذون سميه
لفاضل ابن عمي اخو صبر
بس بعد مو هسه 
وكالت خاله ام سلام تريد هديه لصكر وحتى كايله لمرت بابا
ياخذوها ويه صبر بس مرت بابًا كايله لا مو هسه

انصدمت من كالت هيج لعد شلون هيج يحجي وياي و
يتقرب مني وهو يكول عمي منطيج الي
وبنت العم لابن عمها شون هيج يفكر
لعد هو يكول لا تلعبين بمشاعر عدي
وهو امه تريد هديه و هو يتقرب مني

باوعت لماما حسيتها مثلي انصدمت
كانما جان براسها غير شي
او تعرف غير اشياء

اجت خاله منيره من تكريت ويه ابنها صهيب
بس ما شفنا يم الزلم وزوجها هم جاي
بس بنتها تكول حامل ما تكدر تجي بهل طريق

ولو سميه حجت الي زوج عمه كلش منغلق وما يقبل بنات
عمه يطلعون من البيت حتى كالت من يمتى ما نشوفهم لان ما يقبل
فعلمود هيج ما جابتهم وياها

بقيت صافنه بالهوسه واطفال وكلام مرت بابًا
بالي شون صكر معقوله انتي جنت فاهمته غلط
يجوز تصرفاته كانت طبيعيه
لان بنت عمه ويخاف عليه
حتى هديه تذكرت من جانت بغرفته اكيد هي هم تحبه
وعدها مشاعر تجاه زين اني ليش
هيج كل وقتي افكر بي
وكانه صار جزء من حياتي وما تكمل اذا ما هو موجود بيها

بس لازم اسويله حدود وحتى حجي بعد ما احجي
ويا ولا اسلم علي
وما انجمع ويا بوحدنا واذا حجالي كلام
مره ثانيه الا ارزله
ميستحي هيج يحجي ويه بنت عمه
حتى لو اني معشت وياهم بس ابقى بنت عمه
وما يجوز يقبلها عليه

جده ... تعالي امنه ليش هيج بوحدج كاعده وصافنه احد
مضوجج

... لا جده ما بيه شي

جده... اصيحلج صكر يوديج يم
البنات بيت عمج

..... بس كالت اسمه فزيت وحجيت بسرعه
لا بيبي ميحتاج هسه خلي حامد يوديني
حسيت مرت عمو تباوعلي معجبها كلامي
يمكن

جده... ليش يمه هسه فات جوى يبدل هسه ينزل
خلي يوصلج بطريقه

.... لا هسه حامد اشوفه هو يوديني

نزل صكر من فوك ونحن كاعدين بالصاله وهواي
نسوان
سلم على كلهم بعدين التفت على جده

صكر .... ها حجيه محتاجين شي طالع اني

جده ... هاي بنت عمك امنه تريد تروح
البنات بيت عمك وماكو احد يوديها صيح
حامد بلكي يوصلها

صكر... حامد ابويه دزه ما موجود كومي اني اوديج
بطريقي لان اسلم على خواتي ما شفتهم كلهم هناك

... همست لماما
ما اروح ويا كولي خلي من يجي حامد يجي ياخذني

ام امنه ..... دكومي بنتي ابن عمج يوصلج بطريقه
يجوز حامد ويه الولد مشغولين يحظرون للعرس

.... خلاص جده ما يحتاج اني هنا مرتاحه ما اروح

جان ماما دغني بايدها وهمستلي كومي عيب

كمت واني وجهي مكلوب ما اريد اروح ويا
ولا اتقرب منه

جان كدامي يطلع حتى ما لحكت امشي ويا
هو يركض مو يمشي

صكر... يلا شبيج بزور تمشين على السريع

.... ليش تصيح ترى انت تمشي سريع وما الحك عليك

صكر.... لا والله انتي بزور تمشين عندي شغل يلا

.... راح ارجع اني و انت روح وكمل شغلك

صكر... استغفر الله يا ربي امشي يلا خلاص
بطئنا

.... وليش مصعب عليه شنو سويتلك

صكر ..... ليش مرضيتي تجين وياي هيج اخوف اني

..... بقيت ساكته مو مال احجي ويا
ومالي خلكه اذا هسه حجيت راح ارزله
واعرف ميسكت

صكر .... خيرج شو ساكته مو من عوايدج
شبيج شو من جينا وضعج زين لو لان معاجبينج نحن

..... دومك تفهمني غلط ودوم مراح ابرر خليك
هيج مفتهمني مثل متحب بهواي احسن

صكر .... شصاير احجي

.... مصاير شي وحتى لو صاير منو انت حتى احجيلك

تركته وفتت لبيت عمي مع العلم ما اعرف احد
بيهم بس احسن ما اسمعه يحجي
دخلت للمطبخ طفله صغيره تشرب ماي

انتي بنت انتصار موو وين عمه صبر

.... انتي منو ما اعرفج

.... عمه انتصار تعرفني اخذيني الها

اخذتني للغرفه  كالت هنا كاعدين وميخلونً ادخل وياهم
قافلين الباب
هههه ليش ميخلوج تدخلين....

ام حارث ... هلا امونه حبيبتي شونج

... هلا خاله الحمد لله شونج

ام حارث ... زارتنا البركة امج شونها اخوج وينها
امج ليش ما اجت وياج

.... والله بقت بيت عمو جده ما خلتها فكلت اني اجي حتى اشوف
صبر والبنات كالو هنا

جان صكر يدك الباب

ام حارث ... فوتي بنتي كلهم بهاي الغرفه من الهوسه
مال اطفال قفلنا الباب بس اروح اشوف منو يدك

.... روحي خاله

دكت الباب فتحتو اخلاص
كلهم كاعدين دخلت سلمت عليهم

سميه... هلا بنت عمي الي راحت ونستنا

... اعرف زعلانه حقج

سميه .... زين تعرفين بالزعل ما اسلم عليج وخري

حضنتها .... هههه كافي والله آسفه هياني اجيت

سميه ... علمود العرس غير والا ما جان جيتي

.... لا مو علمود العرس علمودكم اجيت ترى ازعل
شونج صبر ما شاء الله صايره تخبلين الي يتزوج
هيج يحلو
ابتسمت وهي كلش خجوله

مبروك بالرفاه و البنين معرف معناها بس مشيها سمعت
بابا يكول لسلام

صبر .... الله يبارك بيج يوم الج واحضر عرسج

اخلاص .... ومنو يقبل بيها

.... اصلا ما اتزوج اني ابقى عد ماما

سميه ... هسه فهمينا ليش مجنتي تجين ويه عمي

....والله جان عندي دراسه علمود هيج
ما كان اكو وقت اسفه خلاص بعد ما اكطعها
ابقى كل كم يوم اخلي بابًا يجيبني

سميه ... ههههه ما اصدكج بس نمشيها

.... وهسه شراح تسون تبقون هيج كاعدين

سميه... اي نودعها لسميه خطيه راح تفوت على القفص
على كوله جده

... اذا عاجبها هذا القفص هي نحن شعلينا
ها صبر عاجبج لو لا

سميه... و شرايح الها تاخذ واحد مثل اخويه سلام
والله ما تلكين احسن منه

.... بهاي مع سميه سلام ماكو منه

سميه ... اكلج امنه اخويه صكر ما اجى وياكم

.... بلى وكال يجي يسلم عليكم بس شو ماكو

جان سميه واخلاص و انتصار وياهم يطلعون برى
خطيه كلشش يحبونه ومشتاقين اله
بس شو ماكو صوته مبين التهى ويه مرت عمو بالسوالف

جان شويه ويرجعون

.... ها شفتو

سميه .... يبو جنت ميتة على شوفه الله يحفظه

صبر ... اي لان صكر لو سلام جان محد استقبله اصلا

سميه... وشبيج انتي اخونا ونحبه

.... لا هذا ظلم انتو تحبون صكر اكثر خطيه سلام

انتصار ... والله ثنينهم نفس المعزه بس لان زمان
ما شايفينه

.... شعجب العرس هيج صار فجأة

انتصار ... لا منزمان عاقدين و ابويه كال كافي
ناخذها ونخلص منهم

... هههه الله يوفقكم ان شاء الله عمو يريد يخلص
من سلام وتكع براس صبر
هسه خاله تبقى بوحدها

انتصار ... اني موجوده وياها

... قصدي بنتها الوحيده راح تروح هسه اكيد
يصير البيت عليها وحش

اخلاص ... امنه حضري نفسج عدنا عرس
ثاني عن قريب

... ليش منو بعد يريد يتزوج

اخلاص... هديه وصكر

باوعت الكل تباوع على اخلاص وحتى انتصار خوزرتها
هديه نزلت راسها عود خجلانه

... الله يبارك ان شاء الله
بس مسمعت احد كال مخطوبين اول مره اسمع

... اي مخطوبين وحتى فاتحتهم قارينها على بعض

انتصار ... كافي اخلاص عيب هاي السوالف
مو وقتها والكلام بس نسوان لا تنسين صكر هو يقرر
وعيب تدخلين انتي اذا عرف صكر مراح
يقبل بالكلام هذا

اخلاص.. ما حجيت شي غلط وكلها تعرف

كل ما احجي سالفه هاي اخلاص تسدها بحلكي
شبيها ويايه مدري وحتى هديه حسيتها متغيره
محجت وياي بس سلمت
واحجي حتى مترد عليه
شوفتني صبر جهازها
البقيه شايفينه

كالت ورى الغدى تجي ام الصالون حتى تمكيج
صبر وماخذين الها فستان
وهي حلوه اصلا

سميه ... اني راجعه للبيت اشوف خاف يحتاجون
شي امنه تجين وياي عود نبدل هناك هم
ونرجع

... اي والله ملابسي هم بقت هناك بيتكم ما جبتها وياي

سميه ... اخلاص انتي وهديه ابقو ويه انتصار
صبر عود بس نكمل هناك ونحضر روحنا نجي هينا

صبر ... تمام الله وياكم

رجعنا لبيت عمو وشفت فاضل سلمت علي وهاي
سميه ماسكه ايدي متحس على نفسها
من الخجل حسيتها راح تشلعها
بس تفرك بايدي

... همست يم اذنها
ولج سميه ادري تخجلين منه بس شلعتيها لايدي
هههه

سميه ... يا اسفه والله ما حسيت على نفسي

.... اشاقه وياج ولج خاف تحبينه لفاضل

سميه .... لا خيه شنو حب بس استحي منه

.... عاد واذا حبيتي هو زوجج مستقبلا وقاري فاتحتجً

وصلنا بيت عمو نفس الهوسه زادت وما قلت
وفاتحين خيم للزم بس بعيد عن البيت
وهناك بعد اكثر هوسه

دخلنا على المطبخ كايم وما كاعد
خطيه سميه نصدمت لان بيتهم كلش نضيف و ابد ما شفته
بهاي الهوسه

.... الله يساعدكم شون راح تنضفون

سميه ... الله كريم ورى العرس بس يخلص لازم
نظفه زين

اسالج امنه بس جاوبيني

.... اكيد كولي سميه

سميه ... احسج ضايجه خما صاير شي
احد من هنا مضوجج خاف من كلام اخلاص ضجتي

.... لا والله ماكو شي بس اني من اروح لمكان
اول يوم ضايجه بين ما اتعود
محد مضوجني

سميه .... حسبيني مثل اختج اذا احد يضوجج احجيلي ومعليج
باخلاص ترى تحجي من نفسها وهم صغيره ترى
بس هي هيج خشنه تبين

.... لا ما ازعل منها محجت شي بس هم طريق وتعب

سميه ... تجي نطلع فوك اشوفج الغرفه مال سلام

... اذا عادي نروح

سميه ... اكيد عادي

طلعنا اني و سميه على الطابق ثاني بغرفة سلام

مرتبه كلش وحلوه
وفرشه هم ماخذين اله
كلش حلوه الفرشه من وين اخذتوها

سميه ... سلام راح يزور صكر لبغداد وجابها ويا
شكد حلوه

... صبر شافتها للغرفه

سميه ... لا خطيهً من عقدوو بعد متجي عدنا جدتي تكولً ميصير

تعالي خلي اشوفج غرفة صكر هم مدام نحن هينا

... لا ما يحتاج خلي نروح لغرفتكم

سميه ... امنه اشوفج كلش تتغيرين من نحجي على صكر
ليش تكرهينه

.... لا سميه صكر ابن عمي ليش اكره بس خاف خصوصياته
ميحتاج ندخل لغرفته

سميه ... ترى صكر كلش حباب صح عصبي
بس ميحب الغلط وهو اكثر واحد احبه

.... لا والله سميه ترى ليش اكره بس استحي منه كلشش
بس ما اكره يبقى ابن عمي
شكلج ابن عمي والي هو اخوج يضحك عليه هناك
يكلي اهتم بيج وهنا رايد اختي هديه
بس اخوج اكيد دافعيله

رحنا على غرفتهم وسدت الباب كالت اشوفج ملابسي الي
راح البسها
بالخطبه ومال عرس هم شوفوتني
جان يدك باب الغرفه

صكر .... خويه سميه انتي هنا

سميه ... يا هذا صكر يدك الباب

..... هذا شجابه وكفت بصفحه كلت حتى ليشوفني
فتحتله سميه الباب بس مشفته لان صرت بصفحه

سميه ... ها خويه صاير شي

صكر ... اريد ابدل وملابسي كلها بالغرفه
و الباب مسدود امي كالت يمج المفتاح
ذبحنا وكلها الدم اجت على ملابسي

سميه ... اي خويه هسه افتحها الك

راحت سميه تفتح باب الغرفه
واني واكفه بصفحه وادعي لا يدخل للغرفه مو حابه اشوفه
هسه الا يحجي وياي اذا شافني
جان يدخل راسه من باب الغرفه

صكر ... هاي انتي هينا

.... فزيت على صوته اوف شبيه
هسه يكول هاي تخاف مني
اي هنا جنت ويه سميه

صكر .... شبيج شو كل ما احجي وياج صوفرين
صوتي هيج يخوف لو اني اخوف

.... لا ما اخاف ليش اخاف بس جنت صافنه فززتني

صكر ... وين صافنه

جان يعوفني ويروح على غرفته
اجت سميه ونزلنا جوى ديصبون الاكل
وكلها عدلت كعدتها واني امسك الاطفال
واكللهم روحو على امكم بعدين ما يبقى اكل
وهم خطيه مصدكيني كل واحد راح على امه
كعدو يمها

كملو الغدى طلعنا كل المواعين برى
واني و سميه رحنا على غرفتهم حتى نبدل

بس شنو النسوان كلها بغرفتهم بنات خوات مرت عمو
وجناينهم وحتى كرابه بابا

... سميه شون بهاي الهوسه نبدل

سميه ... تعالي وياي على غرفة صكر هنا ولا تكدر نتحرك

رحنا اني وياها ولو متردده بس احسن ما نبقى بالهوسه
ونسوان تنيم اطفالها هناك

قفلت سميه الباب بدلنا
والمكياج ماما ما تقبل احط بس كالت حمره وكحله
وحطيت على خدودي من الحمره وفركتها
وشعري شديته

سميه هم لبست فستان وحطت مثلي

... حبابه سميه بس اريد شي احط على
شعري بين ما نصل هناك لان معندي

سميه ... تدللين انتي ابقي هنا اني هسه
اروح اجيبه واجي

راحت سميه واني خليت الباب ما قفلته
كلت هسه ترجع لان الغرفه قريبه

جنت على المرايه واكفه اعدل حمرتي
جان ينفتح الباب حسبالي سميه

نصدمت صكر وهو هم مبين ما متوقع اني هنا

صكر... منوره غرفتي اليوم

.... اسفه سميه هم جانت هنا
هسه اطلع اني اخذ راحتك

جان يمسك ايدي وما خلاني اعبر

صكر.. اوكفي عندي موضوع وياج

جنت منطيته ظهري ما اكدر ادير وجهي
وهو وراي
اروح اني حباب

صكر ... اليوم راح احجي ويه عمي بموضوعنا

جسمي كله يرجف

... شنو موضوعنا ما فهمت قصدك

صكر ... يعني راح اخطبج

... شنو تخطبني انت شنو تحجي

صكر ... ليش الموضوع بي شي يعني
ليش ما عاجبج او غير احد بالج ترى كتلج
حتى اعرف ردج

نصدمت لعد وهديه اختي ومرت بابًا شون
موقفهم مني اجيت كم يوم وهسه يكولون اخذت صكر

... حباب عوف بابًا اني ما اريد اتزوج
اني هسه عندي مدرسه

صكر ... منو كلج هسه نتزوج اني هم عندي كليه

ما كدرت ارد اي شي علي كلامه صدمه
اني وصكر مستحيل شون نرهم ويه بعض
ردت اطلع جان يكول

صكر ... الحمره كلش مطوختها امسحيها

طلعت من الغرفه واني كلبي يرجف صكر
معقوله يضحك عليه ويضحك على هديه
بس والله هو حباب ابد مو هيج لدرجه يلعب على الحبلين

دورت سميه ماكو هاي وين اختفت
صكر طلع من غرفته مبدل و اني واكفه فوك يم الدرج
جان قبل ما ينزل

صكر ... الحمره لا تنسيها

يتبع .......