اننا نحتاج الي شجاعتنا الجسميه
مرات قليله جدا في حياتنا
, وذلك عندما يهددنا خطر غير متوقع
.. ولكن شجاعتنا النفسيه هي التي نحتاج اليها كثيرا
, بل نحتاج اليها دائما..
نهوة الدليم
ايه مراد
...............
جنا نغسل مواعين العشى اني و هديه
بابا كال باجر من الصبح نطلع على الموصل وصكر يجي
ويانا و من يمنا يروح على بغداد
.... هديه شعجب تحنين شعرج
.... بابا كلششش يحب الحنه ومن اني صغيره
احني يعني مو من هسه
.... اي دشًوف شعرج كلشش حلوو و طويل
... انتي هم شعرج حلوو
رجعت على الغرفه اني هم اريد
اسوي شعري احمر مدام بابا يحب هذا اللون
بس نحن ابد ما مستخدميها حتى ماما ما تحط ابددد
حنهً
كعدتني ماما الصبح حتى نروح للبيت واني
مشبعانه نوم بزور افتحها لعيني
... ماما مو كانه بعد وقت شدعوه من هسه
نروح خلي على الاقل الديك يصحيني
... ههههه كومي متعلمه على الديك اليوم ماكو
يلا ابوج مستعجل كومي غسلي وعدلي شعرج
واتريكي
... ما اريد ماما
اكلج عندي شغل عد جده خليني اروح عدها
و ارجع بساع بين ما تكملين الملابس
... شعندج من هل صبحيه البارحه مو ودعتيها
... ديلا ماما حبابه والله ضروري
... معليه اني روحي على ابوج هو بكيفه
اني خليني الم الملابس
طلعت برى بابا و صكر وحامد واكفين يحجون
.... بابا اروح على جده و اجي ما اتاخر
....وشعندج هناك بابا دنكوم نطلع حتى نصل من وقت
... بابا والله ما اتاخر حباب بساع ارجع
... يلا اذا تاخرتي اعوفج هاا
... هههههه والله اعرف ما تسويها
طلعت ركض على جده اعرف هي تحني اروح
اخذ منها شويه حتى احط على شعري
مدام بابا يحب الحنه
دخلت جوى ماكو احد
دكيت باب المطبخ جان تجي سميه
... هلا حبيتي امنه شونج فوتي شعجب
عيني مو من عوايدج
... هلا سميه اكلج وين جده بساع عندي
شغل يمها بابا ينتظرني ما اكدر اتاخر
... تعالي جوى نتريك
دخلت على الصاله بيت عمو كلهم كاعدين يربي متت
خجل شنو جابني اني جان اكدر اطلب من بابا
وهو يشتريلي
... صباح الخير
... هلا بنتي صباح النور تعالي تريكي ويانا
... لا عمو بالعافيه بس اريد احجي وياج جده
... هههه امشي على غرفتي
رحت ويه جده على غرفتها
... ها امونه كولي محتاجه شي
... جده اريد منج حنه حبابه
... غاليه و الطلب رخيص جنج على حنه
طلعتلي جده من عدها كيس سلمت على بيت عمو و رجعت على البيت
جانو كلهم بالسياره ينتظروني
... هااا بابا خما اخرتكم
... لا بابا بس شنو هذا الكيس جبتي من عند جدتج
... حنه هاي بابا
... حنه شسوين بيها
... اريد احني شعري
ام امنه.... شنو تحنين شعرج تخربين لونه
... ماما بابًا يحب الحنه واني اريد احط يعني
اريد يصير احمر ما احب لون شعري الاصفر
ابو امنه .... بابا امنه اني احب الحنه بس احب لون
شعرج هذا اكثر لا تخربينه
... لا بابا اعرف انت تحب الحنه واني اريد احط
ابو امنه ... ههههه يا بويه ما يصير تخربين شعرج
علمودي
شفت ابني صكر امنه شكد حنونه
صكر ... اي عمي ماخذه من حنيتك بس مو
شويه مطفيه
.... هاا بابا شفت اني ما حجيت هاي كدامك و يحجي عليه
يكول مطفيه حتى تعرف
ابو امنه... لا صكر عليك حشم هاي شيخة العشيرة شون
تحجي عليها
صكر... هذا هو عمي استسلمنا حكها على راسي
التفت على الطريق كلششش بعيد واحس دخت
ماما كاعده يمي بالجهه الثانيه
هي هم صافنه حطيت راسي على كتفها لان نعسانه
كعدتني ماما بعد ما وصلنا على البيت
جنت دايخه كعدت ما اعرف حتى وين
بابا فتح الباب واني راسا على غرفتي حطيت راسي وكملت النومه
كعدت الدنيا ليل ماما ما مكعدتني
فتحت باب الاستقبال صكر وبابا كاعدين
طلعت على الصاله
ماما ماكو اكيد بيت خالو
عدلت شعري ورحت عليهم
... هلاوووو شونكم رجعت الكم منو اشتاق الي
عدي... بدت يعني توج جايه صوتج هرجتي البيت
واحد هيج يسلم
... دروح عيني صوجي اصلا منو كال اسلم عليك
اني دسلم على خاله وجده انت منو حجه وياكم
جده... هلا بنتي تعاي عليه ما عليج منه هذا يغار منج
... اي والله اعرف بي لان احلى منه
ام عدي... شونج امونه شونها الانبار تونستي
... زينه خاله تونست ورجعت اكلج خاله
ما تزوجين عدي بلكي يعقل ونخلص منه
ام عدي... هاج مو كدامج قنعي اذا يقبل باجر ازوجه
.... ديلا عيني تزوج ترى بعدين محد يقبل بيك
هو هسه زين اذا خاله تلكي الك
... انتي ما عليج مني تزوجي واني وراج اتزوج
لا تخافين ما ابقى مثلج انتي وهذا شعرج
جده.... كافي شبيكم كل ما تكبرون عقلكم يصغر يعني
ثنينكم ما تكدرون بلى بعض و من تجتمعون بس هيج
ام امنه.... ماما لو شوفيها هناك بالانبار كله عدي و عدي
مشتاقه لعدي ويمتى نرجع
عدي .... هااا و تكولين ما اشتاقلك
... اي هو جنت اكول هيج لان ما اكو احد
اتقشمر علي يعني لا تفرح ما اشتاق الك اني
عدي... اي مو اني ميت عليج
جنا كاعدين اني وعدي واحد يحجي على الثاني
بابا صاح ماما عاد رجعنا على البيت عدي كال اني هم
دروح اطلع برى
طلعت كدامه اخذت الشحاطه مالته
و زتيها من فوك الحايط برى
عدي ... والله ابد مو صاحيه انتي شنو خبله
جان يمسك شعري هو طويل واني مظفرته
اوكفي يلا كدامي امشي جيبي احسن الج
... انت جيبه ما الي علاقه بيك مو شحاطتك
عدي.... بس انتي زتيتيها وانتي جيبيها يلا كدامي
... اخخخخ شعري شبيك
جان يسحبني من ضفيرتي ويمشي وراي يدفعني حتى اروح اجيب
الشحاطه
ضربته بعكس ايدي على بطنه
عدي... والله من اكول انتي حيوانه تزعلين
وهوً ضربني على راسي
... هاك افندي ها الشحاطه مالتك البسها يلا مشايف
عدي... انتي شيليها او وصليها للبيت نفس المكان الي جانت بي
... ترى زودتها والله البسها وفضنا عاد
ضربني مره ثانيه على راسي شلتها اله
واني ادردم اني اعلمك عدي اذا ما خليتها بالزبل فلا اسمي امنه
بس انتظر
درت وجهي صكر واكف باب بيتنا
جان عدي يهد شعري وصكر واكف يدخن
مشيت وعدي وراي
صكر... فوتي امنه
جان ازت الشحاطه مال عدي وهو دخل على بيتهم
وصكر فات وراي من بابنا
ما حسيت غير بزندي وهو ماسكه
صكر... شنو هل تصرفات هاي بنص اللليل بالشارع ويه
شاب واكفين بنص المحله شنو
ما تستحين
... وخرر شعليك انت ترى والله ما سوينا شي
وعادي ترى شنو ما شفت شكد برى ناس
صكر... شفت بس العتب مو عليج على ابن خالج الي
مطلعج بنص الليل بالشوارع اني اعلمج
اذا ما قنعت عمي ياخذكم الانبار
.... ترى انت ما الك علاقه و روح قنع بابًا بعد احسن
اني اروح اسكن بيت خالو منو كال الك اجي هناك هاا
صكر ... امنه الي اسوي انتي غلط ما يصير
ترى مو صغير ابن خالج وانتي مو صغيره ما يصير
عفته ودخلت جوى ماما بالصاله حاطه العشى وبابا هم
كعدت وصكر اجى وراي ما باوعت بوجه
وهو يحجي ويه بابا ولا كانو
يا ربي شون هيج يكدر يغير نفسه برى جنت اكول
راح يطك من العصبيه وهنا ويه بابًا يحجي ولا كانه صاير شي
شون يكدر هيج يتحكم بروحه
شلت مواعين العشى وغسلتهم بدال ماما
كملت وكعدت بغرفتي عزلت ملابسي اجت ماما
... كومي امنه ودي فراش لابن عمج على الاستقبال
يريد ينام باجر يطلع من وكت
... بس ما وقت نوم اكو احد هسه ينام
... عنده شغل من الصبح رايح على طريق كومي
و ابوج هم عنده من الفجر شغل يريد ينام
وديت فراش اله بس مجان بالاستقبال باوعت من شباك
الاستقبال يدخن بالحديقه ظهره
جان عليه و بس الدخان مال جكاير مالته تبين
انتظرت هواي ما اجى بابا و ماما راحو نامو وزين
وياي بالغرفه جان يلعب
طلعت برى بالحديقه حتى اصيحه لان كلش تاخر
.... ليش ما تفوت كملت الفراش الك
باوع على الساعه مالته
صكر... ما نتبهت على الوقت هسه افوت
.... شكد جكاير شارب مو زين على صحتك
صكر .... هههه لا اني ما تاثر عليه صديقتي هاي الجكاير
وباجر راح انحرم منها
.... ليش شنو يحرمك
صكر ... ممنوع بالكليه الجكاير
..... انت مو كملت ليش رجعت على العسكريه قدمت مره
ثانيه
صكر ... احب العسكريه علمود هيج قدمت
... شنو زعلان مني ليش هيج تحجي وياي
صكر ... عدنا اذا شخص اكبر منج يحجي وياج ما يجوز
تعوفينه يمشي لازم تحترمين كلامه على الاقل
... قصدك على قبل العشى اسفه
صكر .... انتي ليش تحسبين النصيحه تدخل ترى
اني ما ادخل بحياتج بس انتي غلط الي تسوينه
اغلب تصرفاتج غلط
... شنو الغلط برايك
صكر ... ترى عدي ابن خالج مو صغير ولا انتي
وبالاخير كل واحد عنده مشاعر
... وشنو علاقة المشاعر بصداقتنا اني وعدي
صكر ... تحبينه لعدي اعرف تحبينه ابن خالج
بس اكثر من هاي المشاعر عندج
... اعرف شنو قصدك واني كلت الك من قبل عدي
اخويه و صديقي مو اكثر
صكر... بس سالتي نفسج انتي شنو بالنسبه اله
... اكيد هم نفسي اخته وصديقته
صكر ... لا انتي ما خليتي حد بين صداقتكم انتي و
هو لازم توازنين بين تصرفاتج حتى لا تجرحين الشخص
المقابل
... شنو قصدك يعني عدي ما يحسبني مثل اخته
صكر ... يمكن هسه نفس اخته بس بالمستقبل لا
فالمفروض من هسه تحطين حد
... وانت ليش هيج تنصح بيه اني اعرفه
لعدي اكثر من انت تعرفه
صكر... بالاخير هو شاب واني افتهم علي اكثر من انتي
تعرفينه مو كلشي بالحياة معرفه
.... يمكن كلامك صح
صكر... شعرج حلو هيج لا تخربينه بالحنه
خلي على هذا لونه
... بس بابًا يحب اللون الاحمر اكثر
صكر... واني احب هذا اللون اكثر
حسيت كلبي راح يوكف شنو قصده
بكل موقف نكون بوحد كانه يوجه الي كلام واني ما اعرف
شلون اتصرف شنو الي بداخله زين هو مو يريد هديه
ليش يحجي وياي هيج
ابتعدت منه لان مكدرت اوكف اكثر ويا
.... تصبح على خير اني اروح انام محتاج شي
صكر ... سلامتج الله وياج
... ترجع بالسلامه
رجعت على غرفتي كلام صكر خلاني
بدوامه معقوله عدي يحبني وبعدين اني اجرحه لان
ولا يوم فكرت بعدي اكثر من صديق و اخ
حطيت راسي على المخده زين زت الكره على راسي
... زين كافي هسه وقتك نام شنو ما تعبان
زين... لا تصيحين عليه
... اسفه نام يلا ما يصير تلعب بابًا نايم
كعدت الصبح هدوء زين نايم بعده
طلعت ماما بالصاله هي و جده يشربون قهوه
طلعت غسلت وعدلت شعري
باجر راح اخلص عطله نص السنه ولازم نرجع نداوم
اني وماما وزين الحلو كلنا بنفس المدرسه
اني الثانويه مالتي قريبه
على المدرسه الي ماما تدرس بيها و زين ويه ماما
مرت حياتي عادي نفس كل الايام
نروح اني وماما وزين على الدوام ونرجع سويه
بابا هم كثرت زيارته على الانبار لان منكعد هواي
بالبيت نرجع من المدرسة نكضيها نوم وهو ما يعجبه
فايام الدوام يروح هناك اكثر
صكر بالكلية بس مرات بابا يحجي ويا
يكول ما اكدر اجي
على الاساس بالربيع زواج صبر و سلام
بس ينتظرون ينطون كم يوم عطله لصكر حتى
يجي على العرس لان ما يسون بدونه
اما بيت عمو والانبار ما رحنا عليهم من اخير مره
لان ما عدنا حتى وقتت
بابا يكول بنات عمو وهديه يسالون عليه كل مره
ويكول ليش ما تجون بس ما رحنا
تقريبا رجعت علاقتنا القديمه وياهم حتى اتصال
ماكو بينا
جنت كاعده الصبح بالمطبخ
ماما بالمطبخ تحضر غدى لان بابا راح يجيب صكر
منطينه عطله كم يوم
فالعرس راح يسونه بهاي الايام
واني انتظر عدي راح يجيب النتيجه مالتي
لان خلصنا امتحانات وهو تاخر
ام امنه ... كافي تاكلين بنفسج هسه يجيبها انتي مو
درستي
... خايفه ماما كلش خاف ما انجح والله بابا يبطلني
ام امنه ... هههه شدعوه ترى المدرسات مالتج
كالو شاطره امنه ما ينخاف عليها
دك الباب عرفت عدي اجى وجاب النتيجه مالتي ويا
ركضت على الباب جان واكف بالباب
... ها بشر عدي
عدي... راسبه بثنين
... شون راسبه والله درست كلش زين ليش
عدي... يبووو اشاقه وياج ناجحه والله
شبيج ما صدكتي تبجين
جان يمسح دموعي
عدي ... هششش اشاقه وياج والله ناجحه شدعوه هل بجي
جان يجي بابا و صكر ونحن واكفين
ياربي بس لا شاف عدي يمسح بدموعي
ويضربني على وجهي هسه يزعل
ابتعدت على عدي ومسحت وجهي
يربي صكر بس لا شافنا
هسه هم يسويها سالفه
سلمو على بعض واني واكفه متوتره
ابو امنه .... ها بابًا امنه شونج شبيها عيونج
... بابا عدي جاب الشهاده الي نجحت
ابو امنه ... الف مبروك بنتي فوتي جوى اخذي الجنطه
من ايد ابن عمج
... شونك صكر
صكر... هلا بنت عمي شونج ان شاء الله بخير
اخذت الجنطه مالته مال ملابس
ودخلت جوى وعدي راح على البيت
ماما طلعت سلمت علي واني كعدت بالمطبخ استحي اروح
يمه كلشش استحي منه شبيه اني من
يمتى هيج اخجل ولو عمامي كلهم استحي منهم
ام امنه ... كومي راح اصب الغده
... ماما خلي لبابا و صكر بوحدهم ونحن وحد استحي
اكل ويه صكر
ام امنه ... هم هيج لان خطيه هسه مشتهي اكل البيت
و خاف نكعد ويا يستحي روحي
حطي المشمع حتى ياكلون علي ودي الشنينه و المي
رحت على الاستقبال و اني ما ارفع راسي اخاف يشوفني
اباوع علي
ماما حطت الاكل ونحن بالصاله بوحدنا
... ماما يمتى تاخذين الي فستان ما عندي
للعرس اي ملابس وحتى الخطبه
ام امنه ... اليوم العصر اطلع ويه مرت خالج
اذا تردين اخذج وياي و هم اشوف هديه حلوه لصبر
... لا ماما بكيفج اخذي الي فستان ما الي خلك سوك
ام امنه ... على راحتج بعد
ماما العصر طلعت على السوك و بابا و صكر هم طلعو
كالو عدنا شغل رحت على بيت خالو اني وعدي كاعدين بالحديقه
نحجي وهو يكول لا تروحين على الانبار
ما يعجبه
اول مره نكعد وما نتعارك جان يحجيلي على الجامعه
والدوام مالته
ويكول كلش طيبه واني اباؤع يربي يمتى اشوف جامعه
كلش حابه اروح ولو مو هلكد شاطره اني
بس عاجبني اصير معلمه مثل ماما وعدي يكول
بس تصيرين بالسادس اني ادرسج
حتى تطلعين معدل زين
سمعنا صوت الباب مالنا عدي طلع من بيتهم يشوف منو
لان باب واحد
بقيت كاعده اني
جان يلتفت عليه
عدي... ابن عمج صكر روحي افتحي الباب
طلعت ركض على بيتنا فتحت باب الحوش اله
... وين بابًا مو جان وياك
صكر ... راح يجيب مرت عمي من السوك
شنو بوحدج بيت خالج
... اي مرت خالو راحت ويه ماما وجده جوى كاعده
جان يطلع يفتح الباب يريد يطلع
... وين طالع هسه اجيت
صكر ... خليني هنا بين ما يجي عمي
بقيت بالحوش انتظر ماما تجي وهذا صكر واكف بالباب
ما يقبل يدخل شبي يعني هيج
يمكن ما يعجبه يبقى وياي شنو قابل اكله
جان يجون ماما و بابا من السوك ماما جايبه كومه ملابس
دخلو كلهم جوى
رحت على غرفتي كعدت اني وماما اقيس بالفساتين
وماما جايبه لهديه هم مثلي
كل وحده فستانين للخطوبه والعرس
... ماما يمتى رايحين على الانبار
ام امنه ... باجر غير لان يمكن اسبوع واحد بس
منطين لابن عمج
جان بابًا يصيح ماما طلعت اشوفه
كال افوت اسبح
حضرت ماما الحمام
ماما راحت على الصاله سمعتها تسال صكر
اذا يحتاج شي
صكر... مرت عمي عندي موضوع وياج ياريت
ما تاخذينه بزعل
ام امنه ... اكيد ابني كول
صكر... شون عايفه امنه بوحدها ويه ابن خاله
ما تعرفين هل شي ما يصير
ام امنه ... بس ابني ترى هي ما صغيره يعني
ما بيها شي وهم دوم سويه
صكر... اي لان مو صغيره المفروض العمر الي
بينهم يكون التواصل اقل على الاقل
احسن
ام امنه ... الله كريم ابني والله ما اجى بالي هل موضوع
صكر... اتمنى ما تزعلين مني
ام امنه ... لا اكيد كلامك صح بس لان نحن من هم اطفال
سويه ما اخذت بالي من هيج موضوع
رحت من يم الباب شنو قصده صكر
ليش يريد يبعدني عن عدي
يتبع ........
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!