نهوة الشيخ الفصل الثاني عشر 12 - بقلم زينب العبيدي

#نهوة_الشيخ

بقلم #الزينبيه

البارت #١١

جوريه خابرت على ام مروه وستأذنتها طبعا ما عارضت ابد ورحنه اني ومنتظر ومروه بس

لاحظت مروه طول الطريق ضايجه وتباوع على منتظر يمكن اتحبه لان قبل اشوي من جنه اني

ويها بس جانت فرحانه وتضحك وهسه لمن اجه منتظر ويانه اتغيرت حالتها وحتى تركتني

ومانطتني رأيها باالبدلات الي نختارهن تركتني بس اني محتاره اما منتظر ف يريد ياخذ حي

الله بدله ع العموم اخذنه بدله كلش حلوه خلاها النه بجيس جبير ورجعنه للبيت الساعه ٩:٣٠

اتعشينه اني ومروه وحدنه وبابا ومنتظر سوه والساعه ب ١٠:٠٠ اجت ام مروه اخذتها شبكتها

وضليت ابجي وهي بجت بحركه على فراكي وعلى ضياع منتظر من عندها هيج حسيتها

منتظر اخذت البدله ورحنه انه وي واحد صديقي وكفتله بسيارتي بعيد اشوي( سيارتي

بسيطه ع كد الحال) وهو نزل دك الباب طلعله حميد وانطاه البدله وكله هاي من منتظر

سلاسل اني جنت كاعده ابجي وساده باب الغرفه وعيوني مورمات وفكرت هواي انتحر بس

رجعت العقلي وكلت لاينكسر ظهر اخواني بيه ويكولون بيها عيب وانتحرت ويضلون ايعايرونه

ياربي زين شسوي اني احب حيدر ما متخيله بيوم اصير الواحد ثاني غيره شوي واجتي امي

واختي سجى جايبات البدله

ام فقار يمه هاي دزاها،،،،(تحسرت )دزاها منتضر

سلاسل (بعصبيه)الحقير الحيوان اله عين ودازلي بدله واني باجر باجر اروح للموت برجليه يريدني

البس بدله بدلة عرس الله ياخذك منين طلعتلي

سجى اهدي سلاسل شبيج والله الولد حنين ماطول دزلج بدله وما رضا عليج تنزفين وماتلبسينها

يعني حنين وكلبه ابيض

سلاسل جان اخذتي انتي(حجيت بعصبيه واني ابجي)ليش كال انتي ليش نطق اسمي عساس جايبلي بدله ها

بسيطه يامنتظر الكلب اخذت البدله من ايد امي كتلها ماما بدون زحمه تركني الوحدي

ام فقار طلعنه واني عيني كلها دموع على بنتي ياربي ساعدها

سلاسل اخذت المكص وكصصت البدله وصله وصله واني ابجي واصرخ ورجعتها بالجيس ونزلت

باالخفيه محد شافني ورحت الحميد

سلاسل حميد اخذ هاي البيت عمي علي وتنطي هذا الجيس المنتظر وتكله هاي من سلاسل

هسه روح بدون محد يشوفك

حميد. على امرج طويلة العمر

سلاسل رجعت الغرفتي واني ابجي وادك على وجهي واشلع بشعري

حيدر جنت كاعد وباأيدي نقال الولد الي انكتل وصافن واحاجي روحي ولك يافقار يعني لا

تنازلت ولا متت وخليتني اكتل واحد ما اله ذنب والشرطه ادور علي وياساعه يكشفوني وحبيبتي

باجر تنزف الواحد كلب لا لا هو مو كلب انت الكلب وابن كلب يا فقار ولو ما انت ماجان هو

سوه اسوايته بس والله اعذبك اعذبك على الي سويته بيه اخ ياسلاسل انت الي لو اعرف اكتل

اهلج كلهم اخذت تليفوني واتصلت عليها ايرن ويرن وماترد ليش ياروحي ليش ماتردين اكيد

جاي تبجين طلعت السلاح واني انضف بي وبسته هذا الي راح اكتلك بي يا فقار بس خل

ايصير الوقت المناسب

سلاسل. باوعت التليفون ( طبعاً تليفون سري محد يدري بي حيدر جابه الي حتى نتواصل ) يرن

واشوف اسم حبيبي باالتيليفون اشلون ارد عليك ياروحي 😭شلون شكلك اكلك باجر راح انزف

للموت باجر اكطع رجاي بيك باجر اااخ ياباجر ريته مايجي وماتشوفه عيني

منتظر. الساعه ١٢:٠٠ بليل اندك الباب جنت هستوني كايم اروح انام

علي كمت من افراشي منو. جاي بهذا الوكت ردت اطلع شفت منتظر اكبالي

منتظر انه رايح افتح بويه طلعت فتحت الباب شفت حميد اكبالي

منتظر. انت مو الي تشتغل عند حجي سلمان باوعت بيده الجيس مال البدله

حميد هاي دزتها الك سلاسل

منتظر وانه شراين راسي كلها ادك من الغضب اخذت الجيس من عنده وركعت الباب ابوجه

ودخلت شمرت الجيس باالكاع طاحت البدله من الجيس وهي عباره عن وصل امكطعه دست

عليها وانه اصيح كلبه حيوانه ليش انتي منو اخوج

علي ها بويه منو بلباب وهاي شنوو

منتظر هاااي الي ردتها انت شوف بويه شوف اشلون اتهيني بنت الك،،

علي. لا لا منتظر لاتسب اخوي هدي اشوي

منتظر لابو هيج اهل. ومنين طلعونه احنه ماعدنه احد طول عمرنه

جوريه. (لطمت على اخدودي)عزه ليش هيج

منتظر. نذله حقيره شنو تتوقعين من وحده هيج التفتت ع ابوي صوجي سمعت كلامك هذول

الي يحترمهم ايدوسونه بس الي يدوس ع راسهم ويكسره يحبونه بس بسيطه ياسلاسل يابنت

حجي سلمان اذا ماراويتج انجوم اليل بعز النهار

علي. منتظرررر صل على محمد اوليدي هذا مو تفكيرك انت اكبر من هيج مستوى

منتظر اتنهدت اللهم صل على محمد وال محمد. عفتهم ودخلت الغرفتي ذبيت جسمي على

الجربايه يمكن انه ورطت روحي انه مااتحمل هيج بشر ولا اتحمل اضلم بس لا مو منتظر الي

تهينه ابنيه زعطوطه

جوريه. نمت واني دمعتي على خدي مو هذا الي جنت اريده جنت اريد عرس غير شكل اريد زوج

مو صنف فقار ولا غلاضته بجيت لحد مانمت كعدت ع صوت مروه

مروه. ولج نايمه الساعه ١٠:٠٠ جوريه

جوريه همممم

مروه لاا وتكول هممم اكول كعدي كعدي وخرت الغطه عن وجها

جوريه فتحت اعيوني يووو صدك باالعشره سوده عليه بابا ومنتظر اكيد طلعو بدون اريوك ليش

ما كعدوني كعدت نضفت البيت اني ومروه وطبخت غده وعطرت غرفة منتظر وجهزتها

للعروسه لحد الساعه ب ١:٠٠ يله خلصنه اجت ام مروه وجايبه غده ينطيها العافيه شوي واجه

اخوي منتظر مكسور واهسه اوي ياخويه شبيدي عليك وانت جنت طول عمرك تحلم بعرس

طنان كله منك يا فقار النذل وشويه اجه بابا و تغدينه وكملنه

جوريه. دخل اخوي سبح ولبس قاط وصار اشرد صدك عريس ومزين وكاشخ اجو اصدقائه

خمسه كعدو باالديوان هو وياهم وبابا واصدقاء بابا وعمو ابو سراج وعمو سراج و ولده سوتلهم

ام مروه جاي وعصاير وكيك

مروه. يله جوريه الساعه ٣:٠٠ شنو اتانين روحي سبحي وجهزي

دخلت سبحت لبست بدله لونها بصلي طبعا بناء على طلب مروه كالتلي اريدج اطلعين حلوه

وماريدهم يستصغرونج من لبسج البدله جانت طويله شيفون من جوه ومن فوك امرصعه

بلكرستال شسورتلي شعري ولفته بلورات وخلتلي مكياج ناعم هذا كله واني مالي نفس امبوزه

شسوي وسمعت صوت ابوي يم الباب

علي. جوريه بابا

مروه ادخل عمو

جوريه مجرد ماشفت بابا طاحت ادموعي ومروه تمسحلي

علي والعبره بصدري اذا تضلين تبجين راح اطلع

ام مروه يمه مايجوز تبجين بنيتي

جوريه خلاص ما ابجي احجي ودموعي يصبن مو بيدي اجيت بست ايد ابوي بابا سامحني اخاف اذيتك يوم

علي. جوريتي انت سامحيني اخاف قصرت وياج ياالغاليه

جوريه. انت مابيك اي قصور انت راحتي وجنتي انت احلى شي بحياتي

علي بابا انه اعرف الناس الي رايحتلهم كلش زين انه ما انكر ابوي قاسي وكلش صارم بس

مع هذا لابد بي طيب اريدج تكسبينه وتبينيله انج صدك تحبينه ع محبت ابوج اما مرت اخوي

فهي فقيره ومن اهل الله وانتي وشطارتج اما فقار بويه ترى الناس كلها تحجي بي زين وبهيبته

وبرزانت عقله

جوريه جنت اسمعله و اهز براسي ابمعنى اي

علي. هسه اني رايح اجيب زوجة اخوج لان هم عقدو الاول خويه ام مروه تجين ويانه لان ماكو

ويانه حرمه تدخل اتجيب العروسه

ام مروه اي خويه من عيني

جانت الساعه ب٦:٠٠ راحو يجيبون سلاسل طبعا ابوي وابو سراج و ولده وكفو بسيارت ابو

سراج ابراس الفرع حتى يتلافون المشاكل ابوي راد يروح بس ابو سراج منعه كله انه اعرف ابوك

راح يفشلك ويخرب فرحتكم اما منتظر راح هو واصدقائه اثلاث سيارت وكفو يم الباب وام مروه

وي اخوي منتظر بسيارته اتلكاهم فارس وعم بابا رحمن. دخلهم للديوان

رحمن. بويه منتظر تعال سلم على جدك لازم يطيح الحطب الي ابيناتكم مادامكم راح تتناسبون

وهو يضل جدك

منتظر بس

فارس يله ياخويه لابس ولا شي

دخل منتظر وجان الديوان كله زلم والناس مجتمعين لان اليوم زفة فقار

منتظر السلام عليكم

الكل عدا الجد وعليكم السلام

منتظر وانه واكف من بعيد شلونك يجدي

حجي سلمان هله

منتظر هيج اتهلون بضيوفكم ياشيوخ

حجي سلمان اشوف السانك طويل يا ابن عليوي

منتظر لا الساني مو طويل بس تكدر اتكول انه ما اخاف بس من الله

حجي سلمان ماتخاف وهو يهز براسه للاعلى والاسفل

رحمن اكعد وليدي حياك حميد صب الكهوه

ام مروه دخلت لكيت مره جبيره او وحده ثانيه عمرها باالخمسينات

جدة فقار هله بنيتي دخلي

ام فقار هله خيه شلونج

ام مروه هله بيكم الحمدالله،،،اله وين عروستنه

ام فقار اتحسرت اي هسه اصيحها ورحت

جده فقار انه جده العروسه ام امها

ام مروه على راسي خاله انه جيران بيت ابو منتظر بس هما حسبت اهل

جده فقار يسلم راسج بنيتي كل الهلابيج
وبمنتظر وباابو

يتبع،،،

البارت القادم ب١٢