نهوة الشيخ الفصل الثالث عشر 13 - بقلم زينب العبيدي

**بعض الاشعار والخواطر هي مو اشعار بس اني هيج اسميها هههههه واكتب عليها بقلمي هي من كتاباتي كلولي شرايكم بيها

#نهوة_الشيخ

بقلم #الزينبيه

البارت #١٢

ام فقارجبت سلاسل واجيت جانت لابسه بدله زيتوني وعليها كرستال منثور ومكياج خفيف

وشعرها مفتوح واصل الجوه خصرها باالكوه رضت انعدللها ونمكيج الها وشكلها كلش حلو

واما تعابيروجهه تصرخ تكول مغصوبه لبست العبايه ونزلتها على وجها كلش

ام فقار ماوصيكم على بنيتي ديروبالكم عليها فدوه

ام مروه بنتج بعيونه خيه بسم الله الله يحفظها من كل عين يله يمه امشينه

سلاسل مشيت واني طالعه الدنيه من عيني شفت واحد ماانتبهت الشكله مايهمني بس جان

لابس قاط اسود لزمني من ايدي وصعدني للسياره سحبت ايدي من ايده ودخلت هوه صعد

ومشينه بسياره واني دموعي بدت اطيح وعيوني ع بيتنه الى ان اختفه من نضري ضليت طول

الطريق وعيني ع الجامه والمره الي ويانه تسكتني وتصبرني حسباله علمود افراك اهلي

ماتدري كلبي عفته يم حيدر وجسمي الواحد ثاني وصلنه ع البيت اتلكتني جوريه جانت كلش

حلوه طالعه

جوريه. هلا سلاسل مبروك يا عروسه

سلاسل كولي ساعة السوده من عرفتكم وان شاء الله تحرم علي هاي لحجايه ولا اتبارك بهاي

الساعه

جوريه رفت ابعيني دمعه على اخوي يربي اسعده ياربي لاتعذبه ربي اني رايحه ومسلمتهم

امانه باايدك ابوي واخوي مالي غيرهم باالدنيه يارب حنن كلب سلاسل ع منتظر اخذتها دخلتها

الغرفته

جوريه. شوفي سلاسل انت انغصبتي واني انغصبت اني حاسه بيج وعاذرتج بس والله ما

امدحلج ابمنتظر لان هو اخوي لا منتزر الكلب الحنين منتظر الحضن الدافي منتظر

الضحكه بوكت الدمعه منتظر الصبور منتظر كل صفاته حلوه انت ماتعرفينه بس اني عشت وياه

اهواي حاولي تكسبينه وتكتشفين معدنه اما ابوي ف ما اسولفلج عنه احن من الام طيب وكلبه

ابيض احنه عائله فقره وبسيطه ضربت ع الحايط باأيدي بس هذا الحايط يشهدلنه طول

عمرنه وعايشين ابسعاده رغم الحرمان بحب وحنان رغم فگدنه امي مابردنه بشته ولا احترينه

بصيف هاي احنه بسطاء مابينه اي تعقيد

سلاسل والعافت كلبها واجت شنو مصيرها شتسوي

جوريه مافهمت.

سلاسل احسن

جوريه. ما اوصيج ابوي واخوي بأمانتج عفتها وطلعت

سلاسل رجعت ابجي ليش محد راضي يفهمني شيفدني هذا كله واني اتمنيت واحد ثاني

عيدان يله بويه فقار امشينه انجيب عروستك

فقار. يله

فقار. رحنه انه وعمي عيدان وعمي رحمن وعمي ابو منال ويانه وفارس و ولد عمي حارث وقسام

و ولد عمي احمد ومحمود واولاد خالي والنسوان راحت حبوبتي وسجى اختي وسرى اختي

وخالاتي ثنين وعمتي الجبيره ام سجاد وبناتها ثلاثه

جوريه. جنت كاعده ابغرفتي واني اباوع الكل تفاصيل الغرفه راح اشتاق الكل ركن بهذا البيت

راح اشتاقلج يمه جنت اشم ريحتج بهذا البيت بعد وين راح الاكيج بس لا انت اهنا بكلبي

عطول يمه ديري بالج ع بابا ونضوري حبيبج اشوي واجتني ام مروه ومروه

مروه. يله جوريتي اجو ياخذونج

جوريه رفت بعيني الدمعه

ام مروه لا لا لايمه لاتبجين لبستها عبايتها ونزلتها ع وجها حتى لايبين وجها طلعنه جنط ملابسها

جوريه شفت كومه نسوان ماعرفهن

جدة فقار شو يمه شيلي العبايه خل انشوف ابنيتنه

ام مروه شلت العبايه وشفت لوجوه صفنت ضليت اقره المعوذات بكلبي

جدة فقار بسم الله اللهم صل على محمد وال محمدالزهره ام الحسن اتحفضج يمه غطيه غطيه

لايحسدون بنيتنه جيبينه شوي ملح جابولها وذبت علي

جوريه تبسمت هاي شنو جاي تسوي راح تطبخني شنو

عمتي ام سجاد اجت باستني يمه جوريه اني عمتج

جوريه. شبكتها بحركه ماعرف شلي خلاني اسوي هيج ولكيتها تبجي وهي شابكتني وتكول

ام سجاد اخ ياعليوي مشتاقتلك

جوريه. تعالي ياعمه اخذتها ودكيت باب الديوانيه الداخلي

طلع منتظر

منتظر ها جوريتي

جوريه صيحلي البابا

منتظر وانه عيني على الويها ومستغرب كلتلها حاضر وصحتله

علي ها بابا شنو تردين ودرت اعيوني ع البصفها فجأة وكف كلشي حواليه بس الخوه ضلت

ابالي اي شفت امي شفت اختي الي ربتني

علي. يمه

ام سجاد شبكته وضميت راسه بصدري اي يابعد امك واني اشتم اخ ياعليوي يابعد طولي يابعد هلي وطوايفي

جوريه. استوقفني دمعات ابوي الي ماشفتهن اله من ماتت امي وهو يبوس براس اخته وبيديها

ويكلها ليش خويه ليش عفتوني ليش خليتوني وحيد ليش يتمتوني وانتم عايشين وجانت عمتي

اتناشغ وتبجي وهي تكله خويه علاوي والي اسمه الله الحجي حرم علينه انجيب حتى

طاريك وخله غضبه علينه اليوم الدين اذا وصلنالك بس مع ذالك هم امقصرين وياك ياوليدي

علي. خويه ام سجاد بنتي امانتكم هاي وحيدتي هاي ضحكتي ديري بالكم على ضحكتي

ام سجاد. ترى يا خويه فقار زلمه عن الف زلمه وراح يصون بنتك

علي. ماعندي شك هذا ابن الغالي

منتظر. اجيت يمهم يله بويه يردون يمشون

ام سجاد. يعني هذا اوليدك ماشاء الله تعال يمه اني عمتك

منتظر من غير نفس هله عمه

ام سجاد. تعال خل اشبكك خل ابوسك

منتظر ادنيت الها واني كالب وجهي وهي تبوسني وتشم بيه وتبجي وتكول والله ياوليدي الذنب

مو ذنبي اتمنيت اشيلكم وانتو اصغار بس جدك حرم علينه انشوفكم يوليدي مقصرين وياكم وحقك

منتظر. وانه مامقتنع اي تمام يله من رخصتج درت وجهي ورحت

جوريه. عمه عذري ترى الي شافه قسه كلبه هواي

ام سجاد اي عمه حقه

جدة فقار يله يمه ام سجاد مشينه جيبي بنيتنه وتعالي

ام سجاد لبستها العبايه وطلعناها

جوريه. طلعت واني ابطئ خطواتي حتى لا يخلصن بهذا البيت شفت فقار اكبالي وهو لابس

دشداشه بيضه وغتره بيضه وبشت اسود باأيطار ذهبي وساعه ذهبيه ومسبحته الجوزيه

المرصعه باالكرستال جانت بنفس ايده الي لزم بيها ايدي ايدي الي ضاعت اباطن ايده الخشنه

القاسيه صعدني باالسياره وجانو زلم واحديسوق والثاني يمه ما اشوف اشكالهم صعدت

وهوصعد يمي جنت حاسه بضغط واني كاعده يمه حسيت ماكو هوه اتنفسه ضليت ابجي

وتعالت صوت نشغاتي حسيته تقرب من عندي كلش ما اشوف شكله بس احس بي وهمس

فقار صوتج عليش تبجين

حاولت اسكت بس زاد البجي موبيدي مااكدر اسيطر ع نفسي

فقار بنفس الهمس بس بعصبيه كتلج صوتج

جوريه خليت ايدي ع حلكي وخنكت شهكاتي

وصلنه للبيت اجتني المره الجبيره الي ذبت علي الملح لزمتني من ايدي وبيدها الثانيه عوجيتها

وهي باالكوه تمشي وفقار عافني ودخل للديوان وي الزلم دخلوني للبيت جان بيت كبير بمعنى

الكلمه كعدتني باالصاله صاله جبيره وفخمه واباوع على النسوان شي كارهتني وشي عادي وشي

متقبليني بس شفت وحده تتمنى تاكلني بسنونها واشوف عيونها مدمعه

جده فقار تحجي همس يم اذاني وصوتها باالكوه ينسمع من الضجه مال النسوان يمه انه جده

زوجج ام امه وهاي امه وهاي سرى اخيته وهاي سجاوي اخيته الصغيره وعرفتني ع كل عماتي

وضلت اتعرفني عليهم واني اهز راسي بمعنى اي وصلت يم هاي الي جانت كارهتني وسمعت

تكول هاي السعلوه بنت عمة فقار وخطيبته

خاطب جاليش اتزوجني

جده فقاريمه يجوز شافج حليوه ومزيونه وكلب الرجال يوسع اربع نسوان يابنيتي

جوريه هزيت راسي بمعنى اي بس بعدني ما مقتنعه ضليت كاعده للساعه ب٨ يمهم

ام سجاد يله يمه جوريه كومي اصعدج الغرفتج

جوريه صعدت الغرفتي وصعدو جناط ملابسي كعدت الوحدي محد صعدلي واحسن لان اني

ما اريد احد منهم احسهم كلهم غرب ماحسيت بقرابت الدم الي بيناتنه رتبت الملابس مالاتي وكل

شغلاتي جانت الغرفه حلوه وجبيره ومفروشه فرشه بيضه

ساعه واندك الباب

جوريه اتصورت عمتي اجت كلت اتفضلي

فقار. دخلت واني خال ابراسي احجي ويها واتفاهم ويها فتحت الباب وعيوني ادورها ماكو

اتجهت بعيوني صوب الحمام شفتها اخ اول مره اشوفها رغم اني رحت ونهيت عليها بس

مانتبهت الها وحتى بيوم العقد جانت عباره عن عبايه وتمشي بس هسه انصدمت من شفت هذا

الجمال هل الترافه شي جذبني الها ضليت صافن عليها ضليت اباوع الكل تفاصيلها اعيونها

لملونه مثل ماي البحر وبشرتها البيضه مثل الثلج وشعرها الاسود الحريري وشفايفها الورديه

باوعت الكل تفاصيلها الكل تقاسيمها الجذابه كأنما فقدت السيطره على عيوني وهنا يحتوشن

كل تفاصيلها بتدقيق على كل انحنائه على كل حركه حتى الشامه الي بركبتها انتبهت عليها

جانت مثل بير ابوسط صحراء تلفت النضر اخذت نفس وزفرته نزعت البشت والغتره والعكال

خليتهن ع الجربايه وكعدت

جوريه من اول مادخل وهو واكف ابمكانه ماعرف اشبي بس صافن ويتنقل بعيونه شعور

بداخلي يخوفني ما مطمأنه

فقار. قربي جوريه.

جوريه ماا،،ماا ماجي ما اريدك اكرهك

فقار. عيني ع شفايفها وهي تحجي واركز ع الكلمات الي يطلعن كأنما نغمات طربني مثل

كعدات السمر بتوالي اللّيل جريتها من ايدها وسحبتها ع الجربايه وكعدتها ماعت ايدها الترفه

ابطن ايدي الغليضه

جوريه. ضليت ابجي.

فقار. عليش تبجين انتي هوايتج الدموع لوشلون

جوريه اكرهك ما احبك ما اريد اضل اهنا

فقار. نصي صوتج من اتحاجيني وشي الثاني انه ماميت عليج عندي حجايتين جاي اكولهن

واطلع شوفي اني بداية الامر لمن نهيت عليج جان الطلب من جدي وانه اصلان ما احب هاي

القوانين وسناين وما أئمن بي بس اصرار جدي علي وهو حسبت ابوي وما كسرت بخاطره كلت فتره

لحد ما اقنعه اعتقج لوجه الله وتشوفين سبيل حياتج بس لمن انخطفت والخاطف جان يكلي

اتنازل عن بنت عمك وهاني وضربني وسفه وانه الهوى يخاف يضرب بيه وحلفت اله اعرف الي

سواها وابجي جمر لذالك اتزوجتج

جوريه واني شكو بهذا كله ليكون حسبالك اني خطفتك

فقار لا تخسين تخطفني حرمه همه زلم وثنين ولو ما باالغدر ماجان كدرو يلزمون اذراع وحده

مني بس ضعاف واختارو يغدروني

جوريه ماكتلي اني شكو بهذا كله ليش اتزوجتني وضلمتني

فقار. شوفي الي ما رضاعلى النهوه اكيد مايرضا على زواجي منج لذالك اتزوجتج بس اوعدج

اذا اعترفتي على الي خطفني من باجر اطلكج وروحي الحال سبيلج

جوريه اعترف ليش واني ما اعرفهم والله

فقار خلي افيدج انه شاك بااثنين عيسى ابن سراج لان جان رايدج وانه خربت عليه واخوج

منتظر لان جان كلش ضايج من نهيت عليج واليوم شفت ضوجته اكثر مما اكدلي شكوكي

جوريه صدك ماتستحي ولك تعرف عن منو جاي تحجي عن منتظر عن اخوي على الي عمره

ما غلط ولا يمشي ولايحب الغلط

فقار بعصبيه حسيت ابداخلي يفور لزمت وجها بيد وحده عصرته حيل حيست اصابعي

اتغلغلن داخل اخدودها الترفه واباوعلها وانه عيوني تجدح نار ولج لاتجاوزين ولاتعلين صوتج

ابمحضري عفت وجها اليوم راح اعديها الج لان ماتعرفيني بعدج بس بالج على بالج تعيديها

جوريه. رجعت ابجي ولازمه وجهي من الوجع ياوحش يامجرم

فقار. اي وحش الي يتجاوز علي اصير اكثر من وحش واكبر سفاح كرامتي وعزة نفسي فوك

كلشي فاهمه سكتت مدة ٣ دقايق تانيتها اتبطل بجي بس ماكو كلتلها كافي لاتبجين وهسه

كليلي من منهم سواها

جوريه مادري بس اخوي مايسويها وابن عمي سراج ماعدهم هاي السوالف مال خطف وكتل

ويجوز مو هما

فقار استغفر الله انت غبيه منو يعني واحد يكلي اتنازل عن النهوه يعني عندج واحد بحياتج

يحبج وتحبينه ومتفقين ع الزواج

جوريه لا. عمري ما فكرت بهاي السوالف ولا مشيت بيها

فقار جا ماكو اله واحد من الثنين ولازم اعرف

جوريه. راح اساعدك تعرف بلي اكدر عليه احجي واني امسح دموعي بس بشرط اطلكني بس

تعرف منو طلكني وتوعدني ماتلمسني ولاتتقرب مني لان انت مو الشخص الي اتمنه اكمل وياه

كل عمري ولامستعده انطيك اغلى شي املكه

فقار. ااخ حجيها يجرح مثل السجاجين كلتلها صار

جوريه لا اوعدني وعد شيخ ابن دواوين

فقار. خليت ايدي ع ركبتي من وره وكلتلها وعد بهاي الركبه الي كلتي يصير

جوريه ترى وعد الحر دين ياشيخ فقار

فقار ولج بعدج ماتعرفيني فقار اذا ايده لامست رگبته و وعد يعني صدك مايخلف وعد لو على

كطع هاي وخلي ابالج حتى انتي مو المره الي اتمناها اتكون زوجتي حجيت هيج من شدت

الغضب الي تملكني من احجايتها ماعرف صار عندي احساس غريب ضوجني كلش بس لا

فقار مايذل نفسه

الكلشي عدنه حدود بس الكرامه
مانذل لاننحني ولانطخ النه هامه
احنه العد والصيت احنه اهل الجهامه
احنه اربات الدواوين وبكل مجلس نترك علامه
علامتنه العگل واحدنه على راسه وسامه
الكلشي عدنه حدود بس الكرامه
بقلمي الزينبيه

اخذت الوصله وجرحت كعب رجلي وخليت بيها نيشان وضمدت رجلي واخذتها ونزلت

،،،،،،

يتبع