نهوة الشيخ الفصل الثاني 2 - بقلم زينب العبيدي

كليوم راح انشر الكم بارت او بارتين بس هذا حسب التفاعل

القصه حلوه لاتفوتكم واتمنى تنال رضاكم

#نهوة_الشيخ

بقلم #الزينبيه

البارت #١

قساوة الناس،،،، وضلم الدنيا
قد تحاربنا الدنيا بقساوتها
والناس الذين لارحمة عندهم
بقلوبهم المتصلبه وعقولهم المتحجره
على غلطاً لم نقترفه وليس لنا ذنباً به
انما قدره الله لنا فااصبح امراً محتوماً علينا
فنكون بجبروت الاغنياء وضعف الفقراء
لا نملك لنفسنا نفعاً ولا حتى دفاعاً عنه
لكن نملك لنفسنا رباً لن ينسانا
فكما ابتلانا فهو من سيخرجنا من ما نحن فيه

بقلم الزينبيه

اعود بكم الى زمن بعيد الى زمن جدتي التي تدعى خيريه الي فقدت امها او ابوها وهي بعمر

الاربع سنوات وما عدها اي اخوه ربتها خالتها وي بناتها او اولادها جانو عدها ثنين بنات

متزوجات وثنين بعدهم وحده عمرها ١٥وحده عمرها ٩ سنوات و الاولاد واحد عمره ١٠ والثاني

سنتين بهذاك الوكت جان عمر خيريه ١٤ سنه جانت علاقتها قويه وي خالتها وخالتها اتحبها

وتفضلها ع بناتها عانت خيريه بسبب هذا الحب من بنات خالتها الي يحسن دائماً بالغيره من

عدها ويأذنها جانت خيريه اتكوم ابكل شغل البيت من تنضيف وترتيب وطبخ وغسل ماتخلي

خالتها ابد تلمس شي جانت حالتهم كلش ضعيفه وابيوم من الايام زوج خالتها ادين افلوس من

الناس حتا يفتحله دكان (محل او اسواق صغيره جداً) جان ابطريقه للبيت اترصدوله جماعه و

اخذو كل افلوسه وضربو و عافو بالشارع انتكس واتأذه وبمرور الايام ضل يشرب ويسكر

وتعبت حالتهم الماديه اكثر ف اكثر ضلو ياكلون وجبه وحده باليوم وضلت خالتها تشتغل

بالبيوت وبيوم من الايام حلت الكارثه

الساعه ٦:٠٠ الصبح

الخاله يمه خيريه انه رايحه ع الشغل يمه شري الملابس ولاتنسين الخبز اعجني وخبزي

خيريه. خالتي انتي روحي واني هسه راح اكوم اشر الملابس وبعدها اعجن واخبز

الخاله. اي. عفيه عليج ابنيتي ها او هذا ( تقصد زوجها ) لاتكعدينه خلي نايم شرب اهواي

امس

خيريه. صار. خاله

الخاله. ها ونسيت اكلج الجهال. راحو عند اختهم اني وديتهم لان ماعدنه غده اليوم بس طاسة

فاصوليه نتغده بيها اني وانتي

خيريه على خير خاله

طلعت خالتها وكامت خيريه ع شغل البيت اتنظف و تغسل وبينما هي جاي تشر الملابس

سمعت صوت زوج خالتها و هو بالكوه يحجي

زوج الخاله خ،،،، خ،، خيريه وين خا،،لتج

خيريه راحت ع شغلها اتريد شي عمو

خيريه حست ابرعب و خوف لمن شافت زوج خالتها يتباوع عليها وكأنما ايريد يفترسها ضلت

ترتجف ابمكانه

زوج الخاله اي اريد تعاي

خيريه ها. بس وين اجي

زوج الخاله شيلي افراشي طلعي بالحوش(صحن الدار)

خيريه صار

وراحت خيريه اتشيل لفراش اتفاجأة لمن رادت تطلع وزوج خالتها منعها بجت ع طول وحست

نفسها ابخطر

خيري عم،، عموو ش،ش شتريد

زوج الخاله اريدج انت من زمان وعيني عليج وهجم عليها مثل الثور الهايج وجانت خيريه مثل

الطفل الصغير ماكدرت ادافع عن نفسها و اغتصبها و عافها مثل الكلب اجلكم الله تبجي

وتندب حضها الى ان اجت خالتها شافتها خيريه اورتمت بحضنها او شكتلها و هي تبجي

وخالتها تبجي وياها بس ماجان بيد خالتها شي اتسوي غير ان تسكت وتسكتها وضلت

الشغله سر بين خيريه وخالتها وبعد مرور شكم شهر اكتشفت الخاله ان خيريه حامل احتارت

شتسوي اذا ضلت حامل اكيد مو الصالحها و الناس ماراح تسكت واذا راحت للقابله وسقطت

اكيد الخبر راح ينتشر لان هي قريه اصغيره و بريف فضلت ضامه الخبر

حتا عن بناتها وجانت دائمآ تحاول تخفي خيريه عن الوجود يعني اذا يجيهم احد اتكول

بالمطبخ او نايمه او تسبح و هواي الي تقدمو الخطبتها بس جان الجواب دائماً لا و ترفض هي

وخالتها وحتى كدام بناتها جانت اتمازح خيريه وتكله صاير عندج كرش حتى اتموه للمقابيلها

الى ان اجه اليوم المنتظر او كعدت خيريه من نومتها تصرخ بطنييييي خاله لحكيني خاله

بطني عرفت خالتها ان اجاها الطلك و ماجانت حاسبه احساب الهذا اليوم كلل الي بالبيت

درو وعرفو بالموضوع ضلت خالتها اتباوع على حالتها ومابيدها شي اتسوي اتشوفها اشلون

تتلوه من الوجع و تصرخ وهي طفله وتسمع صوتها و هي تكول خاله دخيلج والله راح اموت

انتفضت خالتها و كالت شلي ايريد ايصير ايصير لبنيه راح اتموت وكله من وراه هذا الكلب

الحيوان ( تقصد زوجهه) راحت جابت القابله وجيبتها صارت عدها ابنيه و سولفت للقابله على

كلشي وكالتلها لاتحجي الاحد عن شي وتاخذ لبنيه وتنطيها الناس ماعدهم خلفه ( ذريه) اخذت

القابله الطفله بس الحدث الي صار بظلام الليل انتشر وي ضوه الصبح والكل دره بخيريه

وماكو ورا يومين اجو خوال خيريه وعمامها اوبيدهم اسلاح ويريدون ايغسلون عارهم حاولت

خالتها تمنعهم ابشتى الطرق بس كسرو الباب ودخلو جانت خيريه بنت ال١٤ سنه تبجي من

الخوف وتكول والله مالي ذنب بس العقول المتحجره مستحيل اتلين ضربوها طلقتين ابراسها

اوكتلوها و هي نفسه و كتلو زوج خالتها

وللقصه بقيه بقلم الزينبيه

يتبع،،،،،،