نهوة الشيخ الفصل الثالث 3 - بقلم زينب العبيدي

لاتنسون التصويت 😒❤️

#نهوة_الشيخ

بقلم #الزينبيه

البارت #٢

اما الطفله اخذتها القابله و باعتها على ناس مره ورجال اكبار ماعدهم اطفال سولفتلهم قصتها

بس هما ماجان عدهم مانع بالعكس جانو يعتقدون ان هاي رحمه و اجتهم سمو لبنيه فرحه

لان هم فرحو بيها وعاشت هاي الطفله فرحه الي هي امي وي هذول الناس الي دللوها رغم

فقر الحال وتقشف المعيشه وكبرت وصار عمرها ١٥سنه اهنا شافها ابوي وانعجب بيها الي

اسمه علي جان ابوي ابن شيوخ وابن عشاير وناس كلش اغنياء ابن حجي سلمان شيخ

عشيره معروف و ماكو احد مايعرفهم جانت فرحه تطلع للمدرسه و جان علي يتبعا كل يوم

الى ان قوة العلاقه وصارو متعلقين ابعض لدرجة الجنون بس الشي الي ماكاله علي الفرحه

ان جان خاطب بنت عمه بس مغصوب عليها و مايحبها و ابو الشيخ سلمان هو الي جبره

يتزوجها لان عدهم بالعائله بنت عمك او بنت عمتك اولى من الغريبه جان علي خايف ايواجه

ابو الشيخ سلمان لان جان ابو جداً صارم و قاسي و حجايته ماتصير اثنين الى ان اتحدد

العرس بعد ٥ ايام عرس علي و بنت عمه

علي فرحه. اشلون اني ما اكدر ما اشوفج يوم اشلون اذا نحرمت منج

فرحه. علي اشبيك ليش تحجي هيج منو يكدر يحرمني منك ان شاء الله دوم مانفترق

علي. دمعة اعيونه و حجه ابداخله فرحه ماتدرين زواجي بعد اسبوع

فرحه. علي اشبيك وجهك اتغير ترى قلقتني عليك اخاف صاير شي ما ادري بي

علي فرحه مستحيل اسمح بهل شي ايصير و راح اتشوفين

فرحه لزمت ايد علي علي. شنو اشبيك شنو الي ماتسمح بي ايصير

علي. عافها من غير مايحجي ولا كلمه مايكدر و مامستعد يتزوج وحده غيرها يحبها و مجنون

بيها لازم ايواجه الحجي سلمان و الي يصير ايصير و راح علي الابو صاحب القلب القاسي

الي مايعترف بالحب

علي بويه عندي حجي وياك

شيخ سلمان كول شعندك

علي. حجي ارجوك تفهمني الله يخليك اني احب وحده و ما اريد بنت عمي

شيخ سلمان. ضرب الكاع ابعوجيته شنووو اشتحجي ولك

علي. اي بويه انه احب فرحه بنت حجي خلف

الشيخ. سلمان فتح اعيونه ع كبرهن ونظراته جانت مثل النار وكلماته جمرات اتحب بنت الحرام

فرحه بنت الزنه انت تعرف خلف مو ابوها

علي. شيخ لبنيه مالها ذنب ابشي

شيخ سلمان والله لو ع جثتي هم ماتاخذها

علي. شيخ قرار واتخذته و ماني متراجع عنه

حجي سلمان والله وطلعلك اللسان عليوي وتكسر چلمتي

عقيل. اخو علي. (يعني ايصيرعمي. )علي انت شتحجي اشلون زواجك بعد اسبوع وجاي تحجي هذا

الحجي و بعدين اتعوف بنت عمك بنت لشيوخ او تاخذ وحده بنت حرام

حجي سلمان كله فهمه هذا الثور اخوك فهمه

علي بس كلكم اتعرفون هي ما الها ذنب

حجي سلمان (ابغضب شديد) يعني مصر

علي. اي

شيخ سلمان. روح يا ابن سلمان لو احنه لو هاي بنت الحرام

علي. لا بويه دخيلك لاتسوي هيج انه ابنك

حجي. سلمان. وانه ابوك وعيب عليك ترفض بنت الشيوخ بنت عمك وتجيب ع بيتنه بنت حرام

علي بس بويه

حجي سلمان سد حلكك ولاتكول بويه منا الحد ما تختار وهسه اطلع من الديوان ترى النفس

موراضيه عليك

علي طلع من البيت وهو محتار مايعرف اذا هو مستعد يخسر اهله و ناسه او يخسر الانسانه

الوحيده الي فهمته و حبته وتخاف عليه ويعيش طول عمره وي وحده مستحيل راح يحبها مشه ومشه اخذته رجليه البيت

رجال اسمه ابو سراج هو من غير عشيره بس صديق الشيخ سلمان روح ابروح راحله حتى

يكون اله واسطه خير بينه وبين ابو سولف القصه الابو سراج ابو سراج حيل انقهر

ابو سراج. ليش ابوك امعارض هذا اختيارك ولازم يحترم اختيارك يعني انت جبير وتعرف

مصلحتك

علي. هذا الي احاول افهمه للحجي بس هو مايقبل يسمع مني ولا يفهمني

ابو سراج الحجي خلي علي صاير كلش قاسي وهل شي لايرضي الله ولا يرضيني

علي. كفو منك عمي. اني ما جيتك اله و ادري. ان راح اتسويلي حل وراح توكف وياي

وراح ابو سراج للحجي سلمان وكعد ويا وتناقشو بالموضع بس جان الشيخ سلمان اميبس

راسه ولا يقبل

شيخ. سلمان لاااا والف لا هاي لبنيه صارت بالحرام وبعدين هو عرسه من بنت عمه بعد عليه

اسبوع وبس شنكل للناس عاف بنت عمه علمود وحده مانعرفه اصلها من فصلها

ابو سراج. بس ياشيخ سعادة ابنك اهم من الناس الناس ماراح اتعوفك ابكل الاحوال الناس

اتحب تحجي

حجي. سلمان بس يا ابو سراج خلي نفسك ابمكاني اكيد ماراح اتخاطر بأاسم عشيره ابكبرها

ولاتخاطر ابعائلتك وتجيب وحده مثل هاي ع البيتك

ابو سراج. لا غلطان حجي اني لو ابمكانك ع طول راح اوافق لان ادري ابني اذا ما اخذ الي

يحبها راح يضل طول عمره مامقتنع وراح يتعذب ويعذب ويا بنت عمه

حجي. سلمان. لاااا ماراح تقبل هذا بس حجي اللسان

ابو. سراج. لا حجي كتلك راح اقبل

حجي. سلمان بس انه لا اقبل ولا اوافق وماياخذها لوعلى جثتي

ابو سراج. لاتصير باطل ياحجي

حجي. سلمان. لاااه وانه ابن ابوي عليه تكول باطل

ابو. سراج لا ياحجي لحظه،،،،

حجي. سلمان لاتكمل بسك هاي عليها كعده وعشاير ورد اعتبارر

ابو سراج. مو انه اصويحبك ياشيخ هيج تكلب علي

شيخ. سلمان. مادامك تعرفني صويحبك هيج اتقلل من قدري وحشيمتي اطلع بررراااا

وحس علي بالمسؤوليه وتأنيب الظمير عن كل الي صار وراح واعتذر من ابو سراج بس ابو سراج

ما حمله المسؤوليه وكله انت ما الك اي دخل بلي صار وبمرور الايام مامرت هاي

لحجايه مرور الكرام صحيح ما صار عليها افصول بس صار عليها كعدات وعشاير ورد اعتبار

ومن هاي لحجايه اتحولت الصداقه والخوه بين شيخ سلمان و ابو سراج الى كراهيه وحقد

اما علي فاختار حبيبته و عاف ابو وابو جرده من كل املاكه و حرمه من

الميراث اذا اتوفه وتبره من عنده و طرده من البيت وهدده بعد مايرجع ولا ايراوي وجه اتزوج

علي فرحه في بداية الامر فرحه رفضت تزوجه بعد ما عرفت ان كان على وشك زواج وخرب

كلشي بسببها بس محاولات علي المستمره وياها وي اهلها حتا يقنعوها

حصل ع نتيجه وتزوجها جان ابوسراج هو الشاهد ع الزواج مما خله شيخ سلمان يشتاط

غيض ويزيد حقده طلب ابو سراج من علي يجي ايعيش عدهم هو و فرحه لان يعرف ماعنده

مكان ايعيش بي بعد ماطرده ابو بس علي رفض لان يدري بابو ماراح يسكت راح يضغط

على ابو سراج ويأذي ف عاشو وي اهل فرحه لمربينها رغم بساطت بيت الطين الي عايشين بي

بس جانت الفرحه تملي اركان البيت والحب امعبي المكان اشتغل علي عامل ابمحل نجاره

رغم التعب الي جان ايحس بي من الشغل جان هذا التعب يتلاشه مجرد مايرجع البيت ويشوف

هاي الملاك فرحه هي وابتسامتها البريئه ضلوسنه متزوجين وبعد سنه صار عدهم ولد الي هو

اخوي سموه منتظر وبعد منتظر جانت فرحه كلماتحمل بطفل يسقط وحملت ٣مرات ونفس

الشي بس بعد ما صار عمر منتضر ١٢ سنه حملت فرحه وصارت عدهم ابنيه سموها جوريه

لان جانت كلش حلوه فتيمناً بجمال الورده الجوريه سموها بهذا الاسم وهذه جوريه تكون اني

وبعد ماصار عمري شهر انصابت امي ابمرض خبيث الي يسمى سرطان الدم كفاكم الشر

ضلت امي تعاني من هذا المرض و ابوي تعبت حالته ماخله باب ماطرقه طرق ابواب اهل الخير

كلهم بس جان يحصل على ولاشي الى ان اجه يوم وراح ع بيت ابو بعد ١٢ سنه رجع الذاك

البيت لكه عدهم عزاء انخطف كلبه وصرخ ابصوت عالي

يتبع،،،،، بقلم الزينبيه