نهوة الشيخ الفصل الثامن وثلاثون 38 - بقلم زينب العبيدي

نهوة_الشيخ

بقلم #مولاتي يازينب

البارت# ٣٤

فقار عمي يايمه عمي مات

ام فقار يبوووووو

فقار سديت حلكها اششش يمه اششش جوريتي تموت والله يمه شسوي يمه راح تموت بنيتي ادري بيها

جوريه نزلت وانه جايبه ملابس كل ضني راح اروح ارتاح شويه يم ابوي واغير الجو عليه

طول الطريق واني اباوع العمتي مو طبيعيه احسها تريد تبجي وكلما تحجي خانكتها العبره

كلت يمكن ع حال ابنها هي حنينه اباوع ع فقار الي كلساع يباوعلي بالمرايه بنضره كلها

انكسار كلت يمكن من الي سويته هل نضره مبهمه ماعرفت شنو معناها اله لمن وصلت وشفت

اهواي ناس يم باب بيتنه فز كلبي باوعت العمتي بجت واخيراً طلقت ادموعها

فقار نزل من السياره وفتحلي الباب البگه براسج جوريتي ابوج انطاج عمره

جوريه اهنا احس النفس ضاك بيه وهوا الدنيه كله ما اكدر اشمه حسيت روحي تطلع من

صدري والدنيه ضلمه بعيوني مشيت روح بلا جسد ابصوت عالي وانه اصيح بوووويه يالحنين

اخذني وياك عليك بداعت امي دنيه مابيها انته يعني مابيها حياة مابيها نفس رحت اركض

من لا وعي طاحت العبايه مني ماهتميت الها اصلا مادريت بيها دخلت للطارمه واني اشوف

تابوت بي جثه امجفنه واشوف واحد نايم وياها طول بطول اي منتضر هذا نايم وي الغالي

اخذوني وياكم اهنا رميت روحي ع النعش وبجيت وصرخت ولطمت كل الناس عافونه وطلعو لان انه

ذبيت حجابي وشلعت شعري جان بس فقار وامه ويبجون ويانه اوواحد حسيته من كد الحزن

البي صاير خيال ماخذ زويه من البيت وكاعد حاضن رجليه بيديه ودافن راسه برجليه هذا

سلمان الي هسه اله نزلن ادموعه على ابنه هه هيهات هيهات تشوفه بعد عاش مضلوم وراح

مضلوم بالكوه رفعني فقار عن النعش ولبسني حجابي واجه فارس رفع منتضر بالكوه واخذو

الغالي من عندي صعدو النعش ع السياره عمي سراج وطلعت اني اركض حافيه بالشارع واصرخ اخذوني

وياه عليكم الله اخذوني عليكم الله حفرولي بصفه كبر اهنانه سحبني فقار الصدره رحت الملاذي

وضليت ابجي

راحت عيوني وطلبتك
من بعد ذاك الضلام
بويه شو جابولي نعشك
وين حضنك ارد انام
تدري لبنيه حمامه
واليتم موت الحمام
والتفارگ حضن ابوها
عا الفرح تقرا السلام

كلام عن صاحبة القصه (( طبعاً يوكف الكلام وكل التعابير وكفت حياتي بهذاك اليوم من راح

ابوي راحت الضحكه من وجهي راحت الراحه راحت السالفه اخ يا اخوي اخ يا انكساره اني

اهون حالي عندي فقار الي كلما اطيح اشوفه واكفلي ويصبرني ومن يوم وفات ابوي وفقار كله

يكلي بنيتي حتا يحسسني اني عندي بعد ابو بس منتضر الي ضل ماله احد

جان استوه مكسور ونكسر كسر اكبر من قبل))

اجاني منتضر عفت حضن فقار ورميت روحي بحضنه طحنه ع التراب ونبجي اني ويا

منتضر خويه جوريه راح شمعة سنينج راح دلالج راح الجان يكلج جوريتي

جوريه راح ابونه راح الي جان يتمى يشوف ابنك منتضر راح الي جان يشوفك طفل ومايرضه

يكبرك بعينه

من يموت الاب تصير الدنيه سوده
مكبره يصبح البيت ابلا وجوده
هذا ابويه العشت بالدنيه علموده
ربي لو تاخذ حياتي لو تعوده

منتضر شوفي جوريه شوفي ابوي اشجان ضام عنه طلعت ورقه من جيبي

جوريه اخذت الورقه بلهفه اريد اشوف خط ايده افييش ضلت منك ذكره اشتميتها قبل لا اقراها

فدوه اريد اسمع هذا الحجي بحلكك يا ابو جوريه خلي شمايصير بس اسمعه بحلكك وبصوتك

فتحت الورقه وانه ما اشوف من ادموعي جان نص الرساله يكول بالضبط (( بابا منتضر جوريتي سامحوني وابرولي ذمه اخاف ابيوم قصرت وياكم اخاف بيوم اشتهيتو شي وما كدرت اوفره الكم العوض ع الله بويه منتضر صير لختك ابو ابنيتي جوريه انتي امنه ضلي ام المنتضر انه تركتكم بالدنيه بس روحي ما راح تفارگكم سامحوني ضميت عليكم مرضي بويه انه جنت مريض بسرطان الكبد ضميت عنكم حتى لا اخرب فرحتكم ابشبابكم بويه راح اتسئلون ليش ماتعالجت هذا المرض مامنه علاج بس الله ورسوله واهل البيت علاجه وانه مقسوملي اموت بهل مرض بس لاتزعلون بويه انه فرحان راح اشوف فرحتي لاتخافون راح اوصل سلامكم الها واكلها منتضر صار رجال وعليه لعتماد وجوريه نسخه منج جانت هي مصبرتني ع الحياة بدونج وسلموني ع ابوي وخلو يبريني الذمه ((ابوكم))

جوريه احجيلكم عن ايام العزاء طبعا فقار حلف ان العزاء يصير ابيته وكال هذا اقل شي اقدمه

العمي بعد رفض منتضر الشديد حاول فقار وفارس يقنعونه طبعا منتضر املازم لفراش

كلساع يطيح ضعفت بنيته وانهد حيله وعايش ع المغذي وضل هاي الفتره كلها ابيت الشيخ

فقار وما عافوا لا فقار ولا فارس

اما الحجي سلمان ماحضر العزاء ابد من اول ساعه خذو ابوي للنجف هو راح اهناك تصورون

جان يبات حتى باليل يم الكبر اكله الندم بس عكب شنو فات الاوان

اما اني جنت شبه فاقده ماطاحت من عيني ولا دمعه ولاجنت اللطم ولا اصرخ مصدومه وكل

الي يشوفني يبجي ع حالي هاي ثلاثة ايام العزاء هيج كضت

فقار. عيب يامنتضر لاتسوي بروحك هيج انته رجال والموت حق شنو تريد تعترض على امر ربك

عمي الله يرحمه جان رجال فقير ونضلم هواي اكيد هسه الله سبحانه وتعالى راح يعوضه

فارس شد حيلك ياخويه هاي حال الدنيه اذا انته هيج ضعفت منو راح يصبر ع اختك اختك ما

الها غيرك يصبرها كوم اكل واشرب وسترد عافيتك

منتضر. ااخ الي راح مني غالي والغالي ماينسه ابيوم انه ما اعترض على امر الله بس

شيصبر كلبي من يشتاگله اشلون اطب البيته واباوع لفراشه خالي شلون اصيح بويه وما

اسمع جواب ونزلن دموعي وتعبت حالتي وبعدها فقدة الوعي وما ادري عن
شي وما صحيت

اله فقار وفارس يضربون بيه ويغسلون وجهي ابمي بارد

فارس. ياخويه شبيك خل ناخذك للدكتور

منتضر لا ابد علواه من هذا واروح وارا ابوي وامي

فقار لاتحجي هذا الحجي منتضر اختك تموت

منتضر وينها اختي مشتاگ اشم بيها ريحة ابوي

فقار. اختك تعبانه منتضر حيل تعبانه شد حيلك انته وساعدها هسه ارتاح ونام شويه بالكت

منتكعد اتصير احسن وتككوم اتشوفها يله فارس كوم خل اينام شوي

منتضر طلعو وانه رجعت اتذكر كل شريط حياتي وضليت ابجي شويه وانفتح عليه الباب شفتها

الي ماردت اشوفها ابد ااخ اشجابج درت وجهي ع جهة الحايط

سلاسل. منتضر البقيه بحياتك والعوض على الله هاك جبتلك هذا اكلاص عصير ليمون راح

يشيل من عندك شويه الدوخه وجع راسك منتضر ليش ساكت منتضر فدوه لاتسوي بروحك هيج

اكيد عمي ماراح يرضا انته تئذي روحك

منتضر درت عليه انطيني لگلاص

سلاسل انطيته لكلاص

منتضر ذبيت العصير بالكاع شفتي شلون راح العصير بسرعه من لگلاص اريدج هيج اطلعين

من حياتي لاتخليلج اثر سلاسل ابتعدي عني البيه مكفيني وشوفتج اتزيد وجعي طلعي بره

سلاسل. ادري منتضر مو وكتها احجيلك بس خلي ابالك اني ماسويت شي غلط ولو انته داخل

گلبي جا سامحتني

منتضر بصياح طلعي برااا

ام فقار اجيت على صوت اصياحه شبيك يمه وليدي شبيك منتضر انتي اشجابج اهنا امشي

روحي طلعي براا

منتضر درت وجهي من الجها الثانيه وما رديت

ام فقار يمه خل اسويلك اكل راح اتموت

منتضر انه اكل من هذا البيت هذا البيت الي ما أاواني من انه وصغير هه ترديني هسه اكل

من عنده

ام فقار على راحتك وليدي الله يساعدك ويبرد كلبك عفته ورحت

جوريه احجيلكم بعد مرور اربعين يوم انه دخلت بحاله يسمونها دبريشون Depression هذا

هي حالة اكتئاب شديده جداً ومراحلها جداً خطره قدتؤدي في مراحلها المطوره الى

الانتحار او فقدان العقل هاي الحاله بدت وياي من اول يوم العزاء فقار اخذني هواي الدكاتره

وكالو علاجي بالجلسات المستمره الى اني ماجان الي اي واهس فجنت ارفض اروح ع

الجلسات واضل اصرخ وابجي ف يعوفني ع راحتي وكذالك منتضر حاول هواي يخفف عني

واخذني ويا فتره للزيارات اهل البيت عليهم السلام بس ما جان يحصلون اي نتيجه جنت دائماً

متكئبه ابجي ومعتزله عن الناس اكلي جداً قليل مع اني طلعت حامل بالشهرين ونص الاولى

وحتى لا انسه جزاهم الله خير كل الي وكفو وياي من عمتي ام فقار وجدة فقار الي تحاول دائاً

تخفف عني بسوالفها الحلوه بس ماجنت اتجاوب ويها بالاضافه الى اهتمام فقار الي جداً جداً

مفرط بيه ك إنما طفله وهو امي همل حتى شغله بسببي ويصيحلي بنيتي حتا يعوضني ولو شوي عن حنان ابوي

احجيلكم عن الانسان الي اكله الندم اكل واصبح يتمنى الموت وما ملاكي صارت حياته عباره

عن سجين داخل غرفته وصار اكله وشربه هو البجي والندم والحسرات والاهات هذا الحجي

سلمان الي جانت كلها اتهابه صار ضعيف اضعف من غصن خاوي يابس اطرافه انشلت

بسبب الجلطه الي صابته بعد موت ابوي وصار مقعد ايوكلونه ويغيروله وحتا حاجته من

يقضيها جان يحتاج مساعده بهل شي اجلكم الله اعتزل كل الناس

حتى ديوانه الي طول سنين عمره مافاركه صار مايوصل حتى البابه طبعا اكثر شي جان

مئثر بي لان ابوي قبل لايموت بشكم ساعه جايله معتذر ورايد منه لو كلمه حلوه بس هو اشجازا

غير الاهانه

فقار. جوريتي خل اخذج للدكتور فدوه لاترفضين ولج تعرفين اشجاي يصير بيه من اشوفج هيج

جاي احس روحي تطلع جاي احس روحي انه المريض

جوريه. ضليت ابجي واصرخ كا لعاده عووووفونيييي وخروووو عنييي

فقار يله بس بس خلاص ما اخذج ألاي مكان شبكتها واني امسح دموعها خليت راسها ع

المخده وبستها ع راسها وكمت نزلت الامي واني معتصر كلبي ع حالت جوريه

ام فقار كافي يايمه راح تموت روحك مايصير هيج

فقار. يمه انه روحي راحت وي ضحكة جوريه

ام فقار بس يايمه انته هم عندك مره ثانيه مايصير هاملها هيج خطيه تطلع من البيت ماتمر بيها ومن ترجع كذالك

فقار. شسوي يايمه منال خوش بنيه متفهمه موقفي

ام فقار الله يصلحك ياوليدي ويشافي مريتك

فقار يله يمه انه رايح للديوان رحت ع الديوان شفت فارس واكف يم بابا الديوان وجان مصدوم كلش

فقار شبيك فارس

فارس.هذيج هذيج يافقار الي راح تدخل البيتنه هذيج التمشي وي بشار حوريه والله

فقار. انته تخبلت فارس شجيب حوريه البيتنه بعدين هاي زوجت بشار امي دزت عليها لمن

عرفت هي تعرف بالاعشاب وهاي السوالف كالت بالكت تلكه دوه الجوريه

فارس. 😠فقار كتلك انه اعرفها انه رايح اتئكد منها اكيد هاي عيونها انه ما اضيع عيونه اعرف

طولها ومشيته اعرف حتا انفاسها

فقار سحبته من ايده اووكف وين رايح ولك زواجه يمشي وياها كافي لاتصير طايش

فارس سحبت ايدي حيل ورحت بس بهل اثناء دخلت هي ابيتنه ها بشار شعندك اهنا

بشار ها. لا بس جبت حرمتي للشيخه ام فقار طلبتها

فارس. اها يله تكدر اتروح دخلت للبيت

بشار شيخ فارس أااا انته وين رايح

فارس داخل بيتنه وين رايح يعني انت ليش تسئل

بشار لاشيخ بس بس

فارس هي انت موتكضيها بسبسه علي مافرغلك عفته ودخلت امشي بسرعه وانه اتلفت يمنه

ويسره هاي وين راحت دخلت شفت منال بيدها كلاص عصير وصاعده فوگ

فارس منال خويه المن هذا العصير

منال هاي الزوجت بشار ليش خويه

فارس همم لا بس اشتهيته

منال اوديه وجي اسويلك

فارس لا لا خلاص ماريد بس هاي يهي زوجت بشار

منال. ما ادري بس يمكن زوجته الجبيره

فارس يعني هو مزوج ثنين

منال. اعتقد بس شنو هاي الاسئله تحقيق مثلا

فارس لا لا لاتحقيق ولا شي بس امي وين

منال فوك يمها

فارس اوكي تمام ضليت كاعد بصاله انتضر يمته تنزل حتى اتئكد منها

حوريه. عمتي هي منو هاي زوجت منو

ام فقار هاي زوجة وليدي فقار

حوريه. اهاا وهاي لبنيه اشرت عليها

ام فقار هاي منال زوجته الثانيه

حوريه الله يخليهن ويستر عليهن بعد كم جنه عمه عندج اووو عمه عذريني انه فضوليه ترا.

اخاف ازعجتج باسئلتي

ام فقار لا عدي بنيتي اني ماعندي بس هذن وليدي فارس بعده مامزوج

حوريه مجرد ماكالتلي فارس كلبي رف وي لحجايه وين هواي معقوله حبي بعده بكلبك اتمنيت

اشوفك لومن بعيد اخ لوتدري من عرفت بشار جايبني البيتكم مدري شصار بحالي تالي ما

اشوفك حتا لوماتشوفني يكفيني بس اني اشوفك

ام فقار ها يمه وين سرحانه

حوريه ها عمه لا ماسرحانه التفتت ع البنيه شسمج يخيه

جوريه باوعتلها وباوعت العمتي ام فقار شنو اتضنين نفسج انتي جايبتلي دجاله للبيت بيه

جني اني لو مضروره انتم ليش ماتفتهمون الراح مني ابوي 😭يعني راحة دنيتي

حوريه. نعم الله عليج ياخيه انه دجاله بس مقبوله منج ليش انتي مفجوعه وفاكده ابوج خيه اني

جاي اساعدج تهدين اعصابج شوي شوفي ياعمه ترا البيها حاله نفسيه وشي طبيعي الانسان

اذا فكد واحد عزيزي يصير بي هيج

ام فقار تعالي يمه تعالي نحجي بره

جوريه 😭اي روحي روحي كليها هاي مخبله

ام فقار لا يايمه حشاج بس خاف انزعجج بسوالفنه تعالي يمه حوريه حتى انتي منال عوفنها خل ترتاح

حوريه شوفي ياعمه هاي المثل حالتها مايفيدها طب اعشاب بس راح اكلج عن شي يهدي

اعصابها شوي عمه دأئماً وكلوها تمر التمر شوي يرخي الاعصاب وانه راح اسويلها خلطه

عشبيه هاي هم تهدي الاعصاب بس هي محتاجه دكتوره اتصور

ام فقار والله يايمه ماترضه اشكد حاولنه وياها

حوريه الله يساعدها ياعمه عذروها اخاف هي متعلقه ببوها كلش ومن راحر اثر بيه

ام فقاراي يايمه اي جانت حاسبته ابنها مو ابوها وحتى هو جان الها ام وابو وصديق وكلشي

الله يرحمه ويغمد روحه الجنه

حوريه يله انه استاذن اي شي تحتاجونه دزو علي انه بالخدمه

ام فقار ماتقصرين وجزاج الله الف خير

منال. انطيتها فلوس هاج ياخيه اعتبريهن هديه هاي

حوريه لا حشه ياعمه ما اخذهن انه ماسويت شي وانتو شيوخنه وع روسنه

منال ميخالف ياخيتي بس هذا حقج

حوريه لا ياعمه والله ما اخذ وهاي انه حلفت يله انه استرخص والله يشافيها انشاء الله

فارس. اسمع صوت وقع اقدام ع الدرج واسمع صوت امي وهي تدعي

ام فقار جزاح الله الف خير يبنيتي والله يبشرج بالذريه الصالحه وينطيج ع كد نيتج

فارس اهنا فز كلبي من سمعت هذاك الصوت وهي تكل لمي مشكوره ياعمه كمت من مكاني

والتفتت عليهن

حوريه. اخ يمه كلبي من شفت ذاك الطول وذيج لعيون الكلها تعب

فارس. حوريتي حجيت بصوت ناصي

ام فقار ها يمه انته اهنا

فارس فزيت من صفنتي اي يمه درت وجهي لان صارت النضرات مشبوها واحنه مو من

عوايدنه لمن ندخل للبيت ونلكه حرمه غريبه لازم انغض النضر وننصرف شفتهن طالعات ورا

حوريه للباب صحت ع منال خويه منال بلكت اكلاص عصير من ايدج الطيبه والتفتت ع امي

يمه فقار يكول يريدله ملابس كشخه شويه عنده كعده بلكت ترحين تحضريله

ام فقار اي يايمه خل اوصل لبنيه

فارس لا لا يمه مستعجل مستعجل بعدين لبنيه هذا هو رجلها بالباب ياخذها بالكوه طلعت

حجايت رجلها من حلكي حسيتها مثل الموس الكطعت وريدي

ام فقار خوش يمه عذرينه يايمه

حوريه حجيت وانه مضيعه لا عادي عمه

فارس بعد ماصعدت امي اجتني منال

منال اتفضل خويه

فارس خرب بالحض منال صعدي ركض ركض زوجج يريد ملابس عنده سفره مدري شنو

الباجر لميله اشكم شغله مرتبه

منال يا سفره. سفرتيش هاي

فارس باع ام حلك اللين خاب روحي رجلج مستعجل

منال بس انته كلت باجر

فارس غلطت هسه بعد ساعه ولج روحي ركض ركض

منال رحت اركض

فارس شفت حوريه تريد تطلع من باب الخارجي صحت عليها بصوت كله خوف خاف تطلع مو هي رغم ان متئكد هي حوووريه

حوريه التفتت بسرعه

فارس اي قسم هاي لعيون نفسها ونفس لدموع

حوريه شلت النقاب واني اباوع الفارس صار يضحك ويسكت للحضه تصورته فقد عقله

فارس حوريتي اي اي حوريتي ولج وينج ولج تعبت الكاع من المشي وانه افتر بيها وادور شبر

شبر عليج هان عليج ياحوريه حبي حتى اتركيني كل هاي المده

حوريه حجيت وانه امسح دموعي ويرجعن يطيحن اعذرني ياشيخ انه على ذمة رجال ثاني ماكدر احجي وياك

فارس. نسيتي حبي حوريه اعتبر هاي خيانه الي عليج بداعت حبنه اعتبرها خيانه لو لاء

حوريه تصور اكدر انسه شي خليته ادمان لكلبي شي جنت اسمي هواي حبك هواي يافارس

ودنيه حرمتني من شم هواي مخنوگه بدونك الله يشهد تدري شوفتك هاي تمنيتها امنيه لو اعرف

انطي سنين من عمري شتحجي انته يالغالي

فارس حوريه شنو هذا الاثر ع خدج ولج بس لا بشار الكلب سحبت المسدس من لحزام الخاص

مال السلاح

حوريه اوكف ياشيخ هدي على يا اساس تكتله اول شي انه حرمته وبعدين شنو تروح تكله شفت

وجه حرمتك وبعدين انه مو من اليوم انطگ انه شبعت من زوج امي كتل والله بلاني ابشار واهله

الي اصبح بكتله وامسي بكتله هه لا والمصيبه اتزوج هالارعن اقصد هلبشار وزوجته كملت

زيدان الطگ

فارس. والي اسمه الله اليوم لو كاتل لو مكتول

حوريه اوكف ياشيخ عليك بداعت حوريه اوكف

فارس رجعت وانه اتنهد بحسره شتردين اسوي ياحوريه تردين اسمع هذا كله واسكت ولج انه

شاريج باغلا الاثمان وصايره انتي عدهم مثل الخدامه حوريه خليني اروحله هذا جبان بس

اهدده يطلكج

حوريه تنهدت بحسره ماتكدر اتسوي هذا الشي اول شي لان رجل امي مهددني اذا اطلكت

يكتل امي وهو مستفاد من هذا الزواج لان جدك خلا مسؤل عن الطاحونه مالتكم الي

بالمنطقه،،،، وهو شبعان فلوس هسه

فارس جدي ااخ ياجدي سبب كل بلاوينه وكل المصايب بس ولا يهمج جدي موذاك الحجي

سلمان الاولي ماراح يعارض زواجنه هلمره

حوريه ماخليتني اكمل ياشيخ انه حامل وعفته وطلعت وانه دموعي نزلن عشره عشره اخخ

ياهواي مامقسوملي ارتاح بهلدنيه وياك

فارس مالكيت مهرب ماردتها اطيح بس طاحت دمعتي

فقار جنت واكف من بعيد واراقبهم ااخ ياكلبي انكسر من شفت فارس بهل منضر رحت يمه

وهو بسرعه مسح ادموعه ها فارس

فارس. راحت يافقار كلت واخيرا، لكيتها طلعت شوفتها سراب مو حقيقه

فقار. ما اكدر اكلك انساها يافارس لان جذب الحب ماينسي بس اتناساها ما اضن حوريه نصيبك

فارس. فقار انه لا اكدر انساها ولا اتناساها راح اتاني رحمة الله تجيني وتاخذني هيج يافقار

هيج صار الموت الي رحمه ولا اضل بهلدنيه وحوريه مو الي

فقار فارس لاتضعف انته رجال عيب هلحجي ادري الحب مو بيدك بس لاتتمنى الموت اقوا

ياخويه هاي الحياة تاكل الضعيف

بعد مرور ٤ شهور

جوريه صارو يجبروني اروح على الدكتور بالقوه بداية الامر جنت ارفض واصرخ وابجي وهمه

ماجانو يهتمون الهذا الشي ياخذوني غصب عني بعدين استسلمت للامر وصرت اروح ع

المواعيد بانتضام

ومنتضر اخوي سد بيت ابوي وشتراله بيت لان بعد مايكدر يتحمل الكعده وي الذكريات

وطيف ابوي الي مايفاركه هو هم بده يستعيد قواه ويتغلب ع حزنه شوي شوي

وفارس من ع فت مكان حوريه لليوم مافاركت شارعهم اجي اكعد بتالي الليل اهنا حتى لحد

يشوفني ماجنت اشوفها بس ترتاح روحي من احس انفاسها تختلط بهذ الهوا الي اتنفسه

واحس بقربها اكثر رغم هي طول عمرها ساكنه بكلبي

حوريه. انه صرت بشهر ٩ وعلى ابواب الولاده حالتي كلش كلش تعبانه ومعاملتهم اشماجايها

اتسؤ اكثر بالاخص زوجت بشار الثانيه ضرتي عشتو كلش مئذيتني اشلون انه حامل وهي لاء

عساس انه فرحانه بهذا الحمل

يتبعة،،،،