نهوة الشيخ الفصل التاسع وثلاثون 39 - بقلم زينب العبيدي

شلونهم متابعيني عسى كون بخير دوم وهذا بارت الهم هديه

نهوة_الشيخ

بقلم #مولاتي يازينب

البارت# ٣٥

ام بشار. اسمع يمه بشار هاي مرتك حويرا بس اتجيب بسلامه تاخذ الولد وتنطي المرتك الثانيه

هاي بنت خالتك راح تربي احسن من هايه

بشار صار. يمه مثل ماكلتي

حوريه. سمعتهم والله لو ع كص ركبتي يابشار انه احمل واتنسه واتعب واولد وبعدين تاخذه من

عندي بارده امبرده هيج

ام بشار ياخذه ورجلج فوك ركبتج ويجسحج لشارع الجيتي منه التفتت ع بشار اشو انته

ساكت الها ماتكوم تنعنع ضلوعها شوي

بشار انجبي يالحيوانه اخذه وشتردين اتسوين يعني اخذه وماتشوفينه اصلاً

حوريه. ضليت ابجي وينك يافارس تعال شوف اشجاي يصير بيه

فقار. ها جوريتي شلون تحسين روحج ورا جلست اليوم

جوريه هزيت راسي احسن

فقار. الله يشافيج الي ويرجعج هذيج جوريه الترفه الكلها حياة زين شرايج هسه ادور السياره

واخذج الاي مكان تردينه

جوريه لا شكرا ماابالي اروح المكان

فقار. جوريتي فكيها اشوي وخل انروح انشم هوا اني وياج معقوله مامشتاقتلي انه حبيبج

فقار صارلنه هواي ماكاعدين سوه

جوريه. فقار والله مالي نفس رجعني ع البيت

فقار لا ماراح ارجعج امشي نروح نشتري ملابس للطفل الجاي بالطريق

جوريه. روح انته ورجعني للبيت

فقار ابد حجايه وكلتها ماتصير اثنين انروح يعني انروح

جوريه وبالفعل اخذني فقار. شويه لمن شفت ملابس الاطفال والعابهم شويه دخلت الفرحه الكلبي

فقار من شفتها ابتسمت حسيت الدنيه ماواسعتني الله الله لايحرمني هلبتسامه ياريتها كون

دوم ياربي يا بي شافيلي بنيتي ورجعها مثل كبل

جوريه اشترينه ملابس والعاب وكل لوازم الاطفال ورجعنه ع البيت جانت منال وعمتي ام منال

كاعدات بالحديقه دخلت انه قبل فقار

جوريه السلام عليكم

ام منال ابهمس لاهله ولا مرحبا

منال وعليكم السلام ها جوريه بشري

جوريه الحمد الله احسن شوي ودخل فقار وبيده كومه اجياس

فقار السلام عليكم

الكل وعليكم السلام

ام منال شنو هذا البيدك ياشيخ

فقار باوعتلها بتعجب هذا الابني

منال نحصر كلبي اخ ياربي كاعدين ايجهزون الابنهم فرحانين واني ولا واحد سائل علي

ام منال هااا الله يجيبه بالسلامه حجيتها بالكوه

فقار. اشكرج ياعمتي يله روحي ارتاحي جوريه انه رايح للديوان منولتي بدون زحمه عليج

اتصعدين هاي الغراض انتي وسجى

منال حاضر ياشيخ

فقار الله يخليج الي يالطيبه يله عن اذنكم ورحت

ام منال لطمت ع رجلي الله اكبر عليج يامنال ولج انتي شلون عايشه هيج

منال شنو الي شلون عايشته يمه الحمد الله عايشه ومرتاحه اهم شي فقار يمي

ام منال باع هاي وينه فقار يمج فقار يمج بس جسد وروحه وعقله وكلبه كلهن عند هذيج الماتتسمه

منال ميخالف يايمه انه ادري ابفقار يحبها بس هو هم يحترمني وما امفرق بيناتنه

ام منال يالثوله هسه يحترمج بعدين لو اجا الولد مايعبرج ولج هاي شكلها بدت تتشافه وتسترد

صحتها ولج يالثوله اذا صارت زينه خاف هسه مهتم بيها بعدين حتى انتي ينساح ويصير همه

كله جوريه وابنها وانتي تصفيت بالشارع يمه المره لازم ادافع عن رجلاها وماتستسلم ابد

منال. يعني شسوي يايمه انه من يوم الاخذت فقار ادري بي الحب من طرف واحد وهو جان

شرطه اذا اتزوجني ما ادخل ابقراراته او اي شي يسوي على هذا الاساس اتزوجني ونطاني هل معلومه مقدمآ حتا لايضلمني

ام منال. انتي ليش غبيه وعقلج محجر جاي اكلج علاقتج بزوجج بخطر ولج نقذي زواجج

خلي فقار مايلكه غيرج بديل والله ثم والله يامنال فقار مرده يطلكج اذا ضليتي هيج انه امج

واعرف مصلحتج كلش زين واعرف بهاي السوالف

منال يطلكني 😨يايمه والله اموت انه تعلمت ع وجود فقار بحياتي ما اكدر اعيش بدونه

ام منال جا سمعي ولج الي راح اكلج عليه لازم انسوي انه وياج بالحرف وماعندج حل غير هذا

ام منال،،،،،،،،،،

منال لا يمه مستحيل اكدر اسوي هيج

ام منال كيفج ويطبج الف طوب بس مو تجيلي تتبجبجين وتكليلي فقار طلكني واني رايحه

فكري زين انتي جاي اتثيرين شفقت فقار مواكثر يعني ماألج اي وجودبكلبه انتي خدامه

الفقار ومرته ادري انتي موبشر ماتغارين من تشوفينه هيج يتعامل وياها وانتي مايعاملج نفس

الشي ماتنقهرين مو مره انتي

ورا يومين جوريه جنت نايمه كعدت على صوت عمتي ام فقار وهي ادك بلباب هايمه جوريه

شبيج فتحي الباب كعدت واني اتلفت يمنه ويسرا واشوف ملابس امكطعه متناثره يمي والغرفه

مخبوصه خبص هاي شصاير فتحت الباب

ام فقار واني اباوع ع الغرفه الي مكلوبه كلاب من الملابس ومكطعات كلهن

جوريه عمه شصاير شنو هل فوضه منو دخل الغرفه وسوه هيج

ام فقار هاا اي اي هذا فقار جان شوي متضايك ومتعصب مادري شبي

فقاراجيت بسرعه من الديوان صعدت الغرفة جوريه ها يمه شبيها جوريه

ام فقار لامابيه شي بس

جوريه فقار ليش هيج مسوي بملابسك ليش مكصصهن كلهن

فقار انه

ام فقار غمزتله بطرف عيني اي انت مو مساع اجيت منفعل شوي

فقار هاا اي صحيح اي جانت عندي مشكله ويه واحد وطلعت الحركه بلملابس

جوريه شكيت بأمرهم جنهم جاي يئلفون عليه

ام فقار يله يمه رجعي نامي رجعي

فقار اخذت امي من ايدها خير يمه ليش خليتيني اجذب ع جوريه

ام فقار مادري شكلك ياشيخ بس شكله حرمتك اتخبلت وصار بعقلها شي شفت شمسويه

بالملابس كله وتكول مو انه

فقار جوريه هي لمسويه هيج وانتي شدراج يايمه

ام فقار نزلتلي منال تركض وكالتلي ان جوريه تصرخ داخل غرفتها ومن صعدت انه شفت هذا

المنضر ويوم الي اسئلها تكلي منو مسوي بالغرفه هيج يمه حرمتك شكلها تعبت كلش

فقار غمضت عيوني بتعب وتنهدت ميخالف يايمه سايسوها واخذوها عكد عقله لحد مانشوف

اله حل جلستها بعد يومين وراح اكول لدكتور ع حالتها جديده يمه لاتملونها هاي رويحتي يايمه

والي يملها يعني يملني

ام فقار لا يايمه اشلون انملها هاي مريتك هاي من ريحتك يالغالي

جوريه عفيه عليك يازوجي عفيه عليك يالسويتني مخبله وتوصيهم ياخذوني على كد عقلي

فقار. جوريه. لا انتي فهمتي غلط

جوريه وانه اصرخ وابجي شلي فهمته غلط يافقار سويتوني مخبله فقار انه مو مخبله انه

صاحيه كل الي صار بيه صدمه من موت ابوي وبس فقار ليش تنطي بيه وانه الخليتك ابمقام

ابوي من بعد ماراح صرت اول واحد التجئلك

فقار جريتها الصدري وبستها ع راسها لا يالحبيبه اكص السانه اليكولج عنج مخبله انه لمخبل

ولا انتي ،،،ةانه وياج كل الي صار بيج حاله نفسيه وصدمه بس انه جاي اوصيهم ان مايئذونج

ولايسمعونج حجي يجرح منا لحد ماتكملين علاجج

جوريه. حاوطته بيديه فقار انه تعبت اريد اطيب ماريد الناس تكول عني مخبله

فقار وهذا الي راح يصير راح تتشافين بسرعه ماطول هاي ارادتج مسحت ادموعها وبستها بين

عيونه ديري بالج اشوف دموعج ولج هذن خناجر بكلبي

جوريه بس والله فقار والله مو انه الي شككت الملابس هيج انه جنت نايمه تدري بيه اخذ هذا

العلاج المهدء ويخليني نايمه اغلب الوقت

فقار ميخالف ياحبيبتي انتي او مو انتي فدوه يروحلج

منال وانه ابجي واحجي وي امي بالتلفون ليش يايمه ليش خليتيني اسوي هيج وبعدين ما أثر

بيهم هذا الشي ليش تخليني اسوي اشياء غلط خليني عايشه على نيتي

ام منال هفففف استغفر الله هاي الي راح تسودني ولج انتي غبيه انتي شلي سويتي لبنيه

مريضه واحنه ماجذبنه كلها جم حركه بس حتى نثبت ان هي بعدها مريضه وماتشافت

هلتصرف يالثوله راح تخلي فقار يمل منهاويرجع يلتجئلج ويجي الحضنج وبعدين نيتج الي

جاي تحجين عنها راح تصفيج برا بالشوارع

منال عمره فقار ماراح يمل من جوريه لو تشوفينه وهو جان يتمنى المرض يندار بيه ولا بيها

ام منال ولج يالعوبه هاي هسه بس ورا سنه او اقل راح يملها المريض لابد ينمل ولج طاوعيني

لاتخسرين فقار للابد انتي ماجاي اسوين شي كلها جم حركه نثبت ان هي بعدها مريضه

فقار ها منال تحجين ويامن وليش تبجيت

منال مسحت ادموعي ها لا ما ابجي بس جاي احاجي امي

فقارخوب مابيها شي ليش هلدموع هاي

منال لا اني بطني توجعني شويه وخابرت الامي كلتلي اسويلي كلاص زنجبيل وراح اصير زينه

فقار اذا تحبين اخذج للدكتور

منال. لا لا شكرا تسلم شيخ

فقار منال لاتركون جوريه بحدها خاف اتئذي نفسها

منال حجيت واني ضميري يئنبني انشاء الله شيخ

جوريه. وا سبوع وانه على هذا الحال مره الكه كل غرفتي مكسره ومره لكيت الالعاب الي

شتريناها للطفل كلها مكسره ومرات الكه ملابس فقار واوراق شغله وكلشي يخصه امشككه

ومكطعه ومنثوره والي يئذيني جانو يتصرفون وياي كئني مخبله وفقدة العقل تماماً حتى ماضل

يخلي لاملابسه ولا اوراق شغله ولا اي شي يخصه داخل غرفتي كله عند منال ويحرصون ان

مايخلون شي جارح يمي حتى لا أئذي نفس ورجعت حالتي النفسيه زادت

فقار يله جوريتي انتي جاهزه ورانه جلسه عند الدكتور

جوريه. واني ابجي روحه لدكتور ماني رايحه وشتريد اتسوي سوي

فقار. ليش يالحبيبه

جوريه. مو انتو تكولون علي مخبله 😭 مو اني انجنيت بالكامل واسوي تصرفات مال مخابيل

وديني المستشفى المجانيين احسن مما ماخذني يوميه للدكتور وتتعب

فقار. لا بنيتي انتي غلطانه منو كال عليج انتي ناقصة عقل لو مخبله حشاج انتي مريضه

وجاي تتشافين ولله الحمد

جوريه واني اصرخ وابجي كافي لتجذب عليه فقار ماكافي تعاملوني هذا التعامل فقار انه مو

مريضه اتصور انتو صرتو مرضه وروح بابا الي اول مره احلف بي ماجاي اسوي هاي

السوالف مو اني الي جاي اسوي هاي الاشياء ليش متصدكوني

فقار سحبتها الصدري حضنتها كافي بنيتي كافي يالحبيبه لاتعبيني بدموعج مثل ما انتي

تعبتي انه تعبان اكثر منج ماتعبان منج تعبان عليج الله شاهد

جوريه وخرت عن صدره ودفعته ما اريد صدرك هذا وحضنك الي دائماً اتلمني اله جذاب هذا

صدرك جذاب يعاملني بحنيه ودفو ويستضعفني ويشفق علي واني ماريده بعد انه اريده

يصدكني

فقار مصدكج يالحبيبه مصدكج بس خل انروح هاي المره واوعدج هاي اخر مره اخذج للدكتور

جوريه خلاص مسحت ادموعي وخليت اصبعي السبابه بوجه فقار بس شوف انته كتلي وعد

وارح اعتبرك مصدكني وراح اعتبرك جاي اتحاجي وحده عاقله مو مجنونه ومنهه راح تثبتلي

انته مصدكني لو لاء

فقار غمضت اعيوني بتعب ااخ ياگلبي لوين بعد تتحمل تعب جوريتك راح تروح من ايديك

فتحت عيوني وكلتلها يله بدلي وانه اتانيج جوه طلعت اتلكتني منال

منال ها فقار اشحال جوريه

فقار. منال تعبت تعبت على بنيتي احسها راح تروح من ايدي

منال. اخخ يايمه لو تبطلين من سوالفج هاي ( بالمناسبه انه ماضليت اشتغل على خطط امي

الي تسويها بس هي مع الاسف استعانت بزوجة بشار الثانيه الي اسمها احلام هاي اشتغلت

عدنه من قبل خمس ايام تقريباً جابوها اتساعدنه لان مرة حامد مريضه هلفتره ونايمه بالفراش)

فقار يله انه رايح

جوريه. رحنه ع الدكتور ورا الجلسه صرفني الدكتور حتى يحجي وي فقار

فقار كول يادكتور شبيها جوريه

الدكتور. للاسف يا اخ فقار بعد ما فكرنه ان جوريه بدة تتحسن وتتماثل للشفاء رجعت انتكست

ومن حالتها الي سولفتها الي انته اضن الي جاي يصير بيه جبير اعصابها تلفت يئسفني

اكلك ان هذا بداية جنون انه راح اكتبلها على دوه شوي اقوه من الي اخذته ومن تولد راح اغير

الها العلاج واخليها تاخذ العلاج الاساسي للجنون عسى ولعلى نكدر ننقذها

فقار جانت الدهشه والحزن والصدمه والاااه والوجع كله من رسم على وجهي انعصر كلبي

هزيت براسي لا وكلت لادكتور مستحيل جوريه ماتخبلت جوريه صاحيه انشاء الله

الدكتور يا أخ فقار انته ولله الحمد انسان مثقف ودارس وتدري اكو هيج امراض وو قدتتحول

صدمه بسيطه الى حاله نفسيه ومن بعدها جنون الي اريدك اتفكر بي هسه ان تواضب على

علاجها ولاتهملها ولاتيئس من رحمة الله دائما خلي يمها بالغرفه طيور وبالاخص الابيض او

ورود لان ايغير شوي من حالتها النفسيه

فقار اتنهدت بحسره احسها ملت الكون بالاوجاع صار دكتور في امان الله

الدكتور الله وياك الله يشافيها انشاء الله ويحفضها الشبابها

فقار طلعت اول ما طاحت عيني ع جوريه الي تباوعلي بعيونها المتسائلات اتريد جواب

ابتسمت الها بس ابتسامه كلها جروح

جوريه. هممم

فقار. كعدت يمها شوفي يااا بنيتي وام ابني وامي انتي يكول الدكتور زوجتك قربت تشفى

وراح تصير زينه عن قريب غيرلج الدوه شوي اقل من هذاك لان انتي بديتي تتحسنين ووووو

وكال بعد من تولدين بالسلامه راح يقللج العلاج اخف من هذا

جوريه ها شيخ مو كتلي هاي اخر مره اشو صار بعد وبعد شعتبرك ماصدكتني وبعدك مصدك

انه انجنيت

فقار لا ياروحي بس لمن سمعت حجي الدكتور مطمئن طمني فرحت اهواي وكلت اذا اكو نتيجه

هيج جبيره معناها اكيد راح اتصيرين زينه عن قريب جدا جدا فليش نهمل العلاج ماطول

وصلنه هاي المرحله ليش نرجع النقطة الصفر يله يالحبيبه كومي خل نرجع للبيت

جوريه كمت ويا واني مامقتنعه ابد ادري بي معتبرني مخبله تعبت وانه افهمهم ان مو اني الي

جاي اسوي هاي السوالف وهذا شعور متعب كلش بعد ما رجعنه للبيت اتصور فقار ان صعدت

الغرفتي بس الصراحه اني ماصعدت رجعت حتى اسمع حالتي والتشخيص من اللسان

فقار وهو يسولف الامه ااااخ على السمعته راح اتخبل صدك لان محد يصدك اني صاحيه

انفعلت وضليت اصرخ وابجي وانه التفت على فقار مره ومره على عمتي وانه اصرخ صدكوني

صدكوووو ووني ولكم صدكوني انه عاقله مو مخبله واني مابيه شي وبسوالفكم هاي صدك

راح تخبلوني تعبببببببببت رحموووني اني صاحيه لاتنطوني علاج اني مامحتاجته هذا راح

يخرب عقلي

فقار. طلعت من البيت بدون ما احجي ولا كلمه اااخ يادنيه ضيعيني ولاترديني بعد ما اريد

اشوف حالة جوريه هيج تعبت كلش

جوريه. حاولت التجئ هواي الاخوي منتضر بس لكيته يفكر مثلهم اثاري فقار دائماً يوصله

حجي الدكتور ويوصفله حالي لكيته يفكر مثلهم تماماً يفكر اني مجنونه ونفس فقار تماماً

يتعامل وياي بنفس ذاك اللطف نفس ذيج الحنيه بس مايصدكون كلامي

جوريه اتصل اخوي منتضر على فقار حتى اروح يمه يومين حتى ارتاح بالبدايه فقار رفض لان

مايتحمل اكون بعيده عنه بس اقنعه منتضر ان هلشي المصلحتي وراح يغير حالتي وافق فقار

لكن طلب من منتضر تجي وياي احلام زوجة بشار ادير بالها علي وكت يكون منتضر بالشغل

وماجان كدام منتضر الا ان يوافق لان حجي فقار صحيح محد راح يضل يمي او ينطيني العلاج

اذا منتضر راح الشغله وصارت نفس الحاله بهل يومين الي ضليتهن يم منتضر غراض مكسره

اهدوم مكطعه اوراق مشككه هيج اكعد فجئه والكاهن ويتهموني انه الي مسويتهن وصلت

حالتي للتعب المفرط كمت احس نفسي الوحيده الصاحيه ابين مخابيل كلهم مخابيل ولا واحد راد يفهمني

كرهت كلشي كرهت عيشتي كرهت غرفتي كرهت فقار وكرهت منتضر وكرهت كل الموجودين

يمي اعتكفت داخل غرفتي رافقت البجي واستسلمت الوضع

يتبع،،،،،،،