نهوة الشيخ الفصل الرابع 4 - بقلم زينب العبيدي

اذا تفاعلتم راح اصير كريمه وياكم وانزل الكم بارتات اكثر احب تعليقاتكم❤️وتصويتكم❤️لاتحرموني منها
ولاتشوفون هاي البارتات قصيره ترى البارتات الجايه اطول

#نهوة_الشيخ

بقلم #الزينبيه

البارت #٣

انخطف كلبه وصرخ بصوت عالي يااااابه. تلكوه الناس يهدون بي بس سمع الصوت القاسي

الي تعود يسمعه

اتركوه اكيد مجاي للعزه اكيد عنده حاجه وجاي بيها

رفع عيونه لفوك وشاف ابوه الحجي سلمان

علي بويه م،،منو منو مات

حجي سلمان ايهمك منو مات كول بسرعه شعندك

علي دخيلك بويه كلي منو مات

حجي سلمان كتلك كول اشعندك واطلع

بعد محاولات علي لكثيره بان يعرف من الي مات ماعرف فكال

علي يابه دخيلك انت الي يدك بابك محتاج وماترده اني محتاج مساعتك زوجتي مريضه

عدها مرض خبيث وانه امكانيه ماعندي

حجي سلمان حجه بااستهزاء وخله العوجيه على صدره ودفعه موكلتلكم ماجاي للعزه اي صح

ياعليوي اني مارد الناس كلهم بس انت اردك وفلوسي جا حلال مايصير اصرفهن على بنت

الحرام كوم واطلع

علي جان متوقع يسمع هل حجي من ابوه لان محد يعرف قساوته مثله

كام دار ضهرها ومشه بخطوات بطيئه يمليها اليأس والاحباط بس اجاه الصوت من ورا نفس

الصوت القاسي بس هلمره بي دمعه وانكسار

حجي سلمان. تمنيتك انت الي تموت ومايموت اخيك

علي. انصعقت من كلمة اخيك

فگد اخوه الي ما شافه من وضلت حسره ابكلبه شوفته نزلن ادموعه ع خده بس ما

التفت على ابو كمل طريقه وبمجرد ماطلع من المنطقه ارتمه بالكاع وضل يصرخ ياخوووويه

وياخذ من التراب ويحط ع راسه شكد قاسيه هالدنيه الي مرمرت علي

وبعد مرور اشكم شهر وعلي يشوف زوجته يوم عن يوم حالتها اتسوئ اكثر فاكثر بس اجاله

بصيص امل اجه ابو سراج و وياه مبلغ من المال الي جمعه من الناس الخيره وانطاه العلي

علي. عمي ما اعرف اشلون اشكرك لولا الله ثم انت ماجنت اعرف اشراح اسوي وي هاي

الدنيه الضالمه

ابو سراج لا بويه لاتشكرني انت حسبت سراج اوليدي و اي شي تحتاجه تعال ولايردك اله اللسانك

علي. تسلم ياغالي جميلك هذا دين ابركبتي

وعالج علي فرحه وضلت تاخذ العلاج الكيمياوي لكن حالتها مثل ما هي وضلت يوم عن يوم

اتسوئ حالتها و علي حالته الاسوئ وهو يشوف حب حياته يتعذب وهو مايكدر ايسوي شي

ومنتظر جان دائمن يختلي ابنفسه مثل ما اتعود يكعد باالشارع باالضلمه و يبجي اما اني جنت

بعدني اصغيره

وبعد مرور ٧ سنوات

اني كبرت وسجلت باالمدرسه وصرت بصف الثاني ومنتظر صار عمره ١٩ الي يحبني ومدللني اما امي

فتعبت وغيرها المرض وكع كل شعرها وصارت هزيله جلد ع عضم وطريحة افراش بس ابوي

ابد ما عافها رغم بشاعت المرض وسواته وياها جان عنده فرحه اجمل ما خلق ربه وبيوم من

الايام رجعت من المدرسه و اني ابجي دخلت ع امي الغرفتها وهي جانت متمدده باالفراش

وتردد ايات من القران الكريم ولما شافتني ابجي صدقت وفتحتلي ايديها وكالت صدق الله

العضيم تعالي جوريتي يا ضوه عيوني ياحلوه شبيج

جوريه. واني ابجي واشهك وحده اتعاركت وياي بالمدرسه وتكلي امج بنت حرام ماما ليش

هيج. ايكولون اني ماعرف شنو يعني بت حرام بس ادري بيهم جاي يغلطون عليج واني احبج

ومااريد احد يحجي عليج شفت امي بمنظر مستحيل ان انساه طاحت دمعه من عينها.

وابتسمت وكالت

. ماما جوريه لاتصيرين ضعيفه ولاتبجين من كلشي ترا هاي الدنيه صعبه ولي حجه علي

اليوم باجر يحجي عليج ومثل ما ورثتني امي المضلوميه اني راح اورثج ايها بس انتي لازم

تصيرين قويه ومالازم تضعفين لان الله وحده يعلم بينه ويدري احنه ما اخطأنا وطبعت بوسات

ع اجفوف اديه وغمضت اعيونها ونامت اني هذا الي جنت متصورته بس الحقيقه هي ماتت

طلعت اني من غرفتها واني امسح دموعي شافني منتظر وسولفتله وهو كالي مسحي ادموعج

ولاتبجين وهاي الي حجت على امي باجر اروح المدرسه واشتكي عليها شبكته وهوباسني

على راسي

منتظر امي وين

جوريه. امي نامت

عافني منتظر ودخل ع امي بس اشوي وطلع يصرخ و يبجي لااااا يمااااااا اخذني من ايدي

وراح يركض لابوي ع شغله بابا مجرد ماشافنه من بعيد شاف منتظر وهو حافي ودموعه تارسه

وجها طاح الي جان ابيده وطاح على اركباته كأنما عرف الي جاي اخوي يخبره بي

تعبت حياتنه بعد امي ابوي اخ يا ابوي ما اسولف الي صار بي بعد وفاة امي فگد الدنيه كلها

ابفكدها واخوي ما فارك الدمعه وضل مثل ماجان يختلي بروحه بالضلمه ويبجي ماجان يحب

احد يشوفه وهو يبجي اما اني لهسه اذكر لمن جنت اكعد من النوم واصرخ اريد امي واصيح

باأسمها بس ماجانت اتجاوب اصلاً اشلون اتجاوب وهي تركت النه بس صورتها بالبيت

ضل ابوي يرعانه وصارولي هو واخوي بدل الام يدرسوني ويأكلوني ويبدلولي ملابس المدرسه

ولمن يجي اليل ينوموني

ووبعد مرور ١٠ سنوات

يتبع،،،،