نهوة الشيخ الفصل السابع 7 - بقلم زينب العبيدي

#نهوة_الشيخ

بقلم #الزينبيه

البارت #٦

منتظر لاجوريه لاتبجين مستحيل ايحصل مبتغاه اصبريلي وشوفي

علي. بابا اكعد هذه الشيخ سلمان محد ابكده

منتظر ابعصبيه وبصوت عالي وشيخ سلمان يعني يطغه يعني يدوسنه ونسكت كافي انت

تحملت اهواي من هذه سلمان واجه دورنه وراك يعني لازم نتحمله مثلك بس لا والف لا ماراح

اسكت مثل ماسكتت انت يابه وراح تشوف

ابو. سراج. بويه اوليدي فكر ابعقل ولاتتهور

منتظر اني عمري ماتهورت اتنهدت والتفتت ع عمي ابو سراج عمي هو هذه اقصد عمي عقيل

اشكم ابن عنده واشكم ابنيه

ابو سراج عنده فقار وفارس وعنده سرى وسلاسل وسجى

منتظر تمام متزوجات اقصد البنات

علي انت شتفكر منتظر

منتظر. افكر العب الهم نفس العبه وحاربهم بنفس اسلاحهم

علي يعني

منتظر اي بويه هو نهه على بنت عمه واني راح انهه ع بنت عمي ماكتلي عمي ابو سراج

خواته متزوجات لو لا

ابو سراج هسه اعرفلك

علي. لا عمي ماعليك منه اني اتفاهم ويه ابوي لاتاخذ حجي منظر

منتظر تتفاهم ! مو نفسه ابوك الي مافهمك من قبل ٢٩ سنه الي طردك وتبره من عندك يله

عمي شوفلي بلا امر عليك

علي. استسلم لان شاف ابنه بركان وثاير علمود اخته

ابو. سراج اتصل ابواحد ايعرفه وستفسر منه وسد التلفون

ابو. سواج. ايكول عنده وحده متزوجه اسمهه سرى وعمرها وحده

مامتزوجه تدرس اسمهه سلاسل وحده صغيره هم تدرس اسمهه سجى

منتضر سلاسل تمام

وطلع منتضر وعيونه تجدح نار راد يستوقفه ابوي بس ابو سراج لزم ايد علي وكله ماكو فايده

خلي ايبرد كلبه ترى حقه

بيت الشيخ سلمان

شيخ. سلمان. ها شيخ كول اشسويت

فقار سويت كل الي يرضيك ونهيت عليها وماتتصور الدهشه الي انرسمت على وجوهم

شيخ سلمان عفيه بالذيب خليهم ايعرفون هم مو مال يندكون بينه

فقار. بس ياشيخ انه نهيت عليهه بس مستحيل اتزوجهه لان ما اتشرف اخذ وحده امها بنت

حرام وانه مقبل على زواج وانت تدري هلشي زين

شيخ. سلمان. ع راحتك اوليدي وانه هم مايشرفني وخليه امعلگه بلكت يتعلم درسه ابوها

وبهل اثناء سمعو صوت صياح وعياط بل طارمه

شيخ سلمان شنو هذا الصوت

فقار علمي علمك خل اطلع واشوف

طلع فقار وجده وشافو منتظر ايريد يدخل بس حميد ميخلي جان منتظر مثل العاصفه يرعد

ويبرق ويصيح روح صيحلييي شيخك

شيخ سلمان وانت منو حتى تريد الشيخ

منتظر. بضحكه كلهه مكر انت الشيخ سلمان خليني اعرفك حجه بصوت عالي ويدوي وسمع

كل الي بالبيت انه منتظر ابن علي ابن الشيخ سلمان وانه اجيت انهه على بنت عمي سلاسل

وعشائرياً هي صارت الي ومحد يتزوجهه غيري

فقار. انجب اتخسي تنهه ع اختي اصلاً لاتجيب اسمها ابطرف السانك

منتظر. والله عاد انت واختك تتشرفون انطق اسمكم باالساني واسمع ياشيخ سلمان اضنك

شيخ وتعرف بهاي السوالف وتعرف ابن العم اذا نهه ع بنت عمه اتضل بس اله حتى لو ما اتزوجهه

فقار. حميييد جيبلي اسلاحي اريد اشوف اشلون ينهه عليهه واني صدري يصعد وينزل

بالانفاس

شيخ سلمان لزم ايد فقار كله هدي يا وليدي ورفع العوجيه ابوجه منتظر وكله روح سلاسل الك

منتظر درت وجهي وطلعت بدون اي احجايه

فقار. (فتحت عيوني على كبرهن ) اشلون هيج ياشيخ اشلون رضيت ينهه على اختي وهو ابن وحده بنت حرام

شيخ سلمان( زفر غضب )وكال يعني شتريدني اسوي ياشيخ فقار ماتصورته هيج ذكي ويلوي

اذراعي هو ابن عمهه ويحقله ينهه عليها بس اصبرلي انه الي راح اشرده واخلي يتنازل. عنهه

فقار. اسمعني ياجدي اذا اطلب الامر انه اروح اتنازل عن بنتهم ولا ياخذ اختي هذا ابن الحرام

شيخ سلمان لااااه ياشيخ فقار مو شيخ الي يتنازل عن چلمه كالها ابين عدوانه اتولي اختك اهم

شي نكسرهم ابتهم

سلاسل ابصوت كله بجي لاجدي فدوه ليش هيج اتسوي بيه اني مو بنتك ارحم يتمي ع الاقل

شيخ سلمان. لزمها من ايدها وكومها انتي بنتي وضوه اعيوني بس مو معناتهه اكسر احجاية

اخوج ابين عدوانه

سلاسل بس جدو

شيخ سلمان دخلي جوه اش

خليني احجيلكم عن سلاسل👌🏻

هي بنت عمي. الوسطانيه عمرها١٨ سنه طالبه ب السادس

اعدادي هي حلوه وبنت دلال وتحب ابن عمتها بس محد يعرف بيهه يعني علاقه سريه بس

علاقه جاده وعلاقة زواج و ينتضرون اتخلص الاعداديه حتى يخطبها لذالك اتأثرت وضلت

تبجي حيل وانقهرت من عرفت ان منتظر نهه عليها منتظر.

رجع منتظر على البيت وبوجهه يحجي غضب وانتصار

علي. كول اشسويت

منتظر مثل ما سوه هذا الماعرف شسمه

علي تنهد وضل ايدور بعيونه جنه ايريد يحجي شي بس مايعرف اشلون يبدي

منتظر. افتهمه شنو ايريد ايكول

حجه بسرعه اي شفت ابوك واصحه منك ومني طاب بالعمرين وجنه شاب ابن ٢٠ هذا الي شفته وبس

علي. الله يطول ابعمره

منتظر اهااا شنو الله يطول بعمره عمر تفكه يعني

علي. بحزن شديد بعد هو هم ابوي قابل ادعي عليه

منتظر. ماودانه ابداهيه غير كلبك الطيب هذا لو ابوي اطبله ابليل اخنكه واطلع

علي. هههه اتسويهه ولك

منتظر كتلك لو ابوي هو بس انت تختلف عنه ولا جنك من هذيج العائله اصلاً

جوريه. المهم. هسه اني شلون يعني هذا بعده رابطني خل اروح اتوسل ابجدي الله ينطيك

العافيه بابا بلكت اكسر خاطره

منتظر. ابغضب. لج ثوله هو ما انكسر خاطره ع ابنه من اجاله مكسور ويتوسله ايساعده

ابمبلغ بسيط وهو عنده كنوز الدنيه تردينه ينكسر خاطره عليج

جوريه. جا شسوي يعني قابل اقبل بهذا الوحش فار مدري فقار

علي ههههه لج فقار بابا هذه عفته عمره سنه وحده وهو الجبير ماجان اخوي عقيل عنده غيره

منتظر مال فار فار

علي. لا بابا مايصر تحجي عليه هيج هذا بقية عمك من الدنيه

منتظر ضرب ع كصته اخخ على كلبك هنيالك كون تنطيني ايا حتى ارتاح اشكد طيب

جوريه (حجيت واني ضايجه) ماتشوفني اني طالعه علي

منتظر انت انت اصل الطيب بستها من راسها يله كومي ولاتضوجين راح انچلهم واخلي

يجي ويتنازل عنج ورجله فوك راسه

جوريه. شكرا حبيبي اصلاً اني هاي رجوتي بيك رفعت راسي ونعم الاخو

بيت الشيخ سلمان

اجت عمتي ام منال و منال وياها الي خاطبها فقار

العمه. بس يا بوي مايصير هيج جان خليت فارس هو الي ينهه عليهه يعني اله فقار الخاطب

حجي سلمان. اسكتي يابنيتي ولاتناقشين والي صار صار بعدين فراسو مامنه فايده وتدرين

انه محد يعجبني بس فقار

فقار. اطمأني يا عمه انه زواج ما اتزوجهه بس هي شغلة كسرة خشم ورد اعتبار

منال. وهي. تبجي. جدو. اخاف هسه الحجي هيج بس بعدين يصير العكس

فقار. ويمتى فقار كال احجايه ورجع كسر بيها

منال. باوعتله بزعل بس هو ما مهتم مايحب هاي الحركات كدام احد وبعد ما طلعو كل واحد

المكانه تبعته منال

منال. صدك يافقار يعني ماراح تزوجها

فقار. منال اشبيج يعني اجذب عليج وبعدين انه الي راح اخذها وحده وبس

منال. ومنو هاي الوحده

فقار. وحده حلوه مثلج واسمها منال يله روحي

منال. كمزت عليه وباسته

سلاسل. وهي تحجي بالتلفون جاي اكلك اجه البيتنه وضل ايصارخ نهوه ما نهوه

حيدر. وليش حدد سلاسل باالذات

سلاسل ياعيني يا حيدر يعني شنو اتريده ايروح ع سجى الطفله

حيدر. بس هم مو صوجه

سلاسل. لاتقهرني وتكلي مو صوجه اكلك نهه عليه يعني ماراح نكدر نتزوج

حيدر. اي هو مو صوجه صوج اخوج يعني هو لو ما فقار نهه ع اخته عمره ما اجه منتظر

ونهه عليج بس العتب ع اخوج الثور فقار

سلاسل رجائاً لاتحجي ع اخوي وبعدين اكيد هاي اوامر جدي

حيدر ع العموم انه مستحيل اخليج تزوجين واحد غيري

سلاسل يعني شنو راح اتسوي حيدر

حيدر لاتفكرين شراح اسوي بس اتاكدي انه ماراح اسكت

سلاسل احبك

حيدر وانه مجنون بيج

وراح ابوي البيت ابو سراج واعتذر من عمي ابو سراج ومن سراج

علي والله مستحي منكم بس شكول ابوي طول عمره ايفشلني وياكم

ابو سراج وليدي علي انت ليش تعتذر وماله داعي تستحي هل شي موبيدك واحنه نعرف كلش زين

سراج وبعدين احنه الي لازم نعتذر بعد الي صار هم كله من ورانه اقصد لو ماجاين خاطبين

احنه جا مااجه ابن عمها ونهه عليها بحكم العداوه الي بين ابوي وابوك

علي لا هو مو بس العداوه الي بين ابوي وبين عمي ابو سراج هو همه الاول ايعاقبني لان

مااتزوجة بنت عمي وعفتهم على مود ام منتظر الله يرحمها وانه جنت ادري راح يجي يوم ابوي

ايعاقبني ع فعلتي لان ادري بي مستحيل مايردلياها

ابو سراج يله عسى ان تكرهو شيئ وهو خيرا لكم منو يدري يجوز اذا جوريه اخذت ابن عمها

راح اتقربكم وتنتهي العداوات وترجع الماي المجاريها مثل مايكولون

علي عسى ولعلى بعد قطع الارحام موزين

جوريه منتظر يعني انت راح تتزوج سلاسل

منتظر لا بس اذا فقار اخذج انه اخذها وحده بوحده

جوريه ليش اتزوجها انت اول موتريد مره

منتظر لامستحيل اكيد هي مثل جدها واخوها وانه كلش مايعجبني هذا النوع والشي الثاني

اذا تزوجتها راح ياخذج فقار حي ع الصلاة فا انه اكول خل تبدي منه بلكن يتنازل هذيج

الساعه انه هم اعتق اخته

جوريه الله يسمع من حلكك

بيت الحجي سلمان الصبح الساعه ٩

نزل فقار من غرفته وهو لابس الدشداشه البيضه وغترته السوده وحذاء الاسود وساعه الذهبيه

والمسبحه الجوزيه المزينه ب بعض حبات الاكرستاليه الفضيه ونضاره سوده وعطره يمشي قبله

ام فقار عين الله تحرسك اوليدي كلمتها المشهوره الي دائما اتحصن بيها ولدها

فقار صباح الخير يمه

ام فقار صباح العافيه يمه

فقار يمه فارس طلع على الشغل

ام فقار لا نايم كعته يكول مايروح

فقار( اتأفأف بنفاذ صبر) وكال استغفر الله هذا وبعدين ويااه يمته يصير براسه خير يمته يعتمد

على روحه ويصيرمثل الزلم يوم ايروح للشغل و١٠نايم كأن هوايته النوم

ام فقار على كيفك اوليدي لا تتعصب من الصبح وبعدين فارس بعده صغير شوي شوي راح يتعلم

فقار (بتعجب) صغييير هه عمره ٢٧.سنه لبكده شايلين ابيوت وعوايل وانتي تكولين صغير اكول

روحي كعدي وكليله يكول فقار غصبآ عليه يروح للشغل اليوم خال المعرض بيد العمال

ام فقار صار يمه بس انت وين ماشي بدون ريوك

فقار اتريك بلشغل يله في امان الله

وبين ما فقار رايح ع الشغل وعلى طريقه المعتاد يعبر ع منطقه شبه مهجوره لان جديده والبيوت

كلها ماكامله بعدهي قيد البناء اعترضنه سيارتين وحده من كدامه وحده من وراه ،،،،،،،

يبع،،،،،،

توقعاتكم شنو راح ايصير ومنو الي بداخل السياره

تصويت لاتنسون🌹❤️👇🏻