نهوة الشيخ الفصل الثامن 8 - بقلم زينب العبيدي

#نهوة_الشيخ

بقلم #الزينبيه

البارت #٧

وبين ما فقار رايح ع الشغل وعلى طريقه المعتاد يعبر ع منطقه شبه مهجوره لان جديده والبيوت

كلها ماكامله بعدهي قيد البناء اعترضنه سيارتين وحده من كدامه وحده من وراه ،،،

فقار هاي شنوو

نزلو من السياره ٢ جانوملثمين بس ما بيدهم اي اسلاح وفقار هم نزل وهو مستغرب بس نزل

نزلت واحد واثق ومخايف بلعكس جان ضايج من تصرفهم ومتعصب

فقار شكوو انتم منو وشتريدون

حجه واحد منهم بس صوته ما جان مألوف لفقار

الشخص اجينه نحجي وياك كلمتين ورايحين

فقار احجي وخلصني

وبين ما جان هذا الشخص يحجي الشخص الثاني طلع من جيبه كم تراب ورماها بعيونه فقار

وفقار صاح وضل يحاول يفتح عيونه ويفركهن باأيده بس ماكو بهل اثناء هجمو عليه وباالكوه

سيطرو عليه جان هايج ربطو اجفوف ايديه ورا ضهره وبعدين لفو بحبل من فوك لجوه وشدو

حلكه بقطعة قماش ثخينه

وعيونه ميشوف بيهن بسبب التراب

الساعه ١٠:٠٠الصبح

فارس وهو يتريك هذا ابنج واكف مثل العضم ابلعومي حتى بنومتي اكوبس بي

ام فقار مافوك يريدك اتصير رجال وتعتمد ع روحك

فارس خليني عاجبني حالي

ونهض من الكرسي واخذ نقاله ونضارته وسويج السياره وطلع

وهو جايمشي بنفس الطريق لان المعارض تصير ع نفس الطريق شاف سياره فقار

فارس هاي سياره فقار وصل وصف يم السياره

بس وينه فقار شيسوي نازل بهيج مكان شنو الشغل العنده اهنا

نزل من سيارته وراح على سياره فقار فتح الباب انفتح

عجيب ما مقفل السياره لاوالسويج داخل السياره شنو الفلم اف والنقال اهنا وينه هذا

ضليت افتر بسياره درت المنطقه كلها بس ماكو فايده وين راح وعايف السياره مالته خل انتظر

اشوي يجوز يرجع للسياره

وضل فارس ينتضر وبهل الاثناء جان فقار مربوط بغرفه داخل بيت ماكامل بنيانه بس هيكل

والاثنين الملثمين ايعذبونه ويدكون عليه بتواثي وجان هو يصيح مثل الاسد من شدة الوجع ولاألم

الي يحس بي

الشخص. ٢ ها ماراح تعتق بنت عمك وتتنازل عنها

فقار. (ابتسم من بين وجعه والوجع خذه منه حيله )ت ح ل م . خايب لو تكطعني بسيف وترد تحركني ما اتنازل عن كلمتي

الشخص٢. لاراح تتنازل واذا مو برضاك ابهايه ويرفع التوثيه ابوجه فقار

فقار انجانك زلمه وطالع من من ظهر رجال فك اگيودي و واجهني مواجه

الشخص ٢ اسكت لا اكسرها ع حكك

فقار (بضحكه كلها استهزاء) جبان خنيث ديوث ماتسويها

ورجعو ايضربون بي لحد ما ضل ينزف دم من راسه وحلكه وخشمه

الشخص ٢وهو يهمس الصاحبه راح يموت وبعده يكابر شنو انسوي

الشخص ١ مادري شنو من قدرة تحمل عنده وكأنما مو من دم ولحم جنه من حديد على العموم انه رايح

خلي بالك منه زين ترى فقار ذيب شوف اشلون جاي يعاينلي يريد بس. يسمع حسي

الشخص ٢ يله انت روح وخلي انعوفه شوي بلكن ايفكر اشوي ويتنازل

تعب فقار من كد الضرب والنزف والحر لان جان الجو صيف وحار وشفايفه يبست مثل ارض

الصحراء

الشخص ٢ عطشان،،، تريد ماي لزمت البطل واني ابدي الماي باالكاع

فقار ينظرله بنظرة توعد وتهديد وكأنما يكله انچانك زلمه فكلي ايد وحده وشوف لا وما احتاج يدي كلها ابأصبعين اطيرك

فارس أيست من ال ١٠:٣٠ واكف يم سيارة فقار لحد ال١:٠٠الظهر وماكو والتليفونات تتراكع

كلساع واحد يخابر والقلق معتريهم رجعت للبيت وجان الديوان مكتض باالوادم وزلم عماتي الي

هم اولاد اخو الحجي سلمان وگرابته وكل ولد عماتي واولاد خوالي وخوالي كلهم باالمختصر نص

العشيره عدنه وامي شبه متخبله ع ابنها ونسوان المنطقه ايصبرنها

جنه كاعدين بعزاء

حجي. سلمان. اكيد انخطف

حيدر. شيخ. صلي ع النبي وهدي رجال بعرض الحايط منو يكدرله

ابو منال. خل اندوره باالمنطقه الي ترك بيها السياره چود ( يمكن) انلاكي

الشيخ سلمان (بعصبيه) يله روح شلي متانينه روح دورو شيخكم وعزوتكم

الكل. راحو عدا حجي سلمان و اخوه الحجي عيدان

عيدان. عود خويه لو مخطوف من تنضن ايخطفه

شيخ سلمان. انه اعرف من له مصلحه ايسوي هيج

عيدان اي يخوي سمي كول خلي انوديلهم ارجالنه ايكفخونهم حتى يعترفون

شيخ سلمان ابو سراج وابنه هم وار السالفه اكيد بعد نهوة الشيخ فقار ع بنت عليوي اشتد

الحقد بكلوبهم لان جانو يردونها الابنهنم

عيدان. شيخ تسمحلي صحيح اكو عداوه بينك وبين ابو سراج بس ماتوصل لهاي المواصيل

ترى ابو سراج خوش وما يأذي بشر

حجي سلمان شوف ياخوي ترى فقار ماعنده اي عداوات دوم ماشي سيده وعدل وي الناس وما

بي دغش والكل يحبه والعشيره اختارته ع الاجمع هو ياخذ المشيخه بس العدو الوحيد بعد

النهوه هو ابو سراج و اولاده وشوف اذا ما طلعو هم ورا السالفه بس والله والله اذا مس اوليدي

شي ولو ادري انه سبع وابن اسباع بس اذا صار شي لخلي الدم لرچاب واكلب عاليها واطيها

ومر يوم كامل وفقار محتجز من واحد مجهول وهو بلا اكل ولا شرب وبس ايدكون عليه علمود

يتنازل ويعتق بنت عمه اما حالته ف جان مربوط بحبل كاعد ع اركباته والدم يابس ع وجهه

وراسه وجان امتجي راسه ع الحايط ومغمض اعيونه بس بعده يكابر ويقاوم ولا هامه الضرب عنده كبرياء هواي)

منتظر. يابه سمعت بالي صاير يكولون فقار ابن حجي سلمان مخطوف ومحد يدري بي اذا

مكتول او عايش و لكو سيارته ابمنطقه ال،،،،،، وهو ماكو

علي. (بخوف)لا عود صدك وانت منو كلك

منتظر. عمي سراج كال

جوريه. اي گلعه كون مكتول بس واخيراً راح ارتاح

علي. (بعصبيه وصوت عالي)ولج عيب بابا هذا ابن عمج وشيخج يله منتظر كوم خل اندوره

منتظر. اكول اكعد يابه هو احنه نعرف وين ايروح ومنين ايرد حتى اندوره

علي. والحل امشينه للشرطه خل انبلغ

منتظر. لاتخاف. الشرطه والعشيره جاي يدورون المناطق شبر شبر وعلى كولت جوريه گلعه

علي. صدك. انتم ماتستحون وماعدكم دم ولكم هذا دمكم ولحمكم ابن عمكم

جوريه. جان هو كال احنه اولاد عمه ليش احنه لازم نكول

منتظر. انه عن نفسي دم ماعندي اترخص وكمت طلعت

(بمكان الاختطاف)
الشخص ١ شوف. وهو يحاجي صديقه لو يموت من الجوع والعطش لاتنطي شي وانه رايح

ما اكدر اضل يمك اكثر بعد ودير بالك

الشخص ٢ اطمأن مايصير اله الي تريده بس اني خوفي لايموت ونبتلي

الشخص ١ لك هذا يموت ماتصور هذا مثل البزونه سبع ارواح يله يله خلي بالك منه انه رايح

فقار. انه جنت اسمع وشوشت حجيهم ما افتهم الي يكولونه لان يحجون بصوت ناصي ولا

كدرت اميز. اصواتهم لان بلكاد تنسمع وشفت ان هذا الي يضل يمي شوي كلبه رچيچ فكرت

اشوي وكلت خل اخاطر هي موته لو موتين بعد ما راح الشخص الي وياه

فقار. اريد اروح للحمام لو هم مامسموح بهاي

الشخص. ٢ احتاريت هذا اشلون وياه اخاف يروح للحمام واخاف يشرد رفعت تلفوني واتصلت

على،،،،،

الشخص١ ها شتريد

الشخص ٢ هذا فقار ايريد يروح للحمام كلي شالدبره

الشخص ١ انت شبيك غبي مو عندك اسلاح مايهمني اذا يموت او لاء خل ايروح وخلي

اسلاحك مصوب عليه

الشخص ٢ صار

الشخص ٢ شوف فقار اني راح افتحلك ايديك وتروح للحمام بس قسماً بالله اذا فكرت تشرد

ما اتردد لحضه افرغ هذا براسك ورفعت المسدس بوجه

فقار. صار. فكني

الشخص ٢ فتحت ايديه ورجليه وانه امصوب المسدس عليه واخذته الغرفه ما كامل البناء كتله يله ودير بالك تشرد

فقار اباوع عليه وهو واصل الجتفي ابتسمت نص ابتسامه خر ب باالحض هذا زعطوط شايل

مسدس علي كتله دور وجهك لو شنو

الشخص ٢ يله اني يم الباب انتبهت ماكو شباك باالغرفه ومصوب المسدس اتجاه الباب

فقار نزعت حذائي حتى لايصير صوت المشي واضح ولفيت الدشداشه ع خصري وشلت

ابأيدي خشبه شوي جبيره وضليت امشي ع اطراف اصابعي ،،،،

يتبع،،،،، ولا تقف هنا القصه

برأيجن راح ينجح فقار ويشرد منهم لو شيصير ومنو هذول الشخصين
.