رواية نقطة لقاء الفصل الاول 1 - بقلم الكاتبة دينا _ الكاتبة نور

المدرسه. : بنان جمال تعاي اخذي ورقتج

بنان : يمه يمه عزاا خايفه بنات

ساره : ليش متنجبين خايفه وخايفه وبلأخيرر تاخذين درجه كامله

اسماء : هل دروب مو علينه يالسجاجه انتي حتئ لو متقرين وتمتحنين تنجحين خوب اذا قريتي شتاخذين

المدرسه : يلا بنان ماما دتعاي وينجج مو كومه انتو صلوات شلحك اسلم ديلا فضينه تعاي اخذي ورقتج

بنان : اي ست اي اجيت

بنان : جنت خايفه حيل بس لما شفته مي بارد ونزل علئ گلبي طـلعت ماخذه درجه كامله الحمدلله

بنان عمري 19 صف سادس اعدادي علمي طبعا المفروض اني 18 بس اني تاركه سنه فلهذا اني هسه 19 اني شكلي شعري طويل زين لون اسود وعيوني سود وعندي شامه يم شفتي وحلكي لا جبير ولا صغير وعندي غمازه وحده بس خفيفه حيل وملامحي يعني زينه لا بئس بيها وجسمي وسط لا سمين ولا ضعيف وطولي 160

ساره : هاا بشري شكد

بنان : درجه كامله

اسماء : كليليوووش تفأجئنه

ساره: لا

اسماء : طبعا لا بس كليلي بنان ارتاحت الدوده

بنان : شبيكم اووي ترئ والله اني يعني مدري احس نفسي ممجاوبه بس شو تطلع درجه كامله

ساره. : تطلع درجه كامله لو قصدج طردين عيون

اسماء : ترئ صح ساره عيونها ملونه بس تراا متحسد

ساره ضربت اسماء ولج ادبسزز انجبي اني ما احسد

بنان : بنات شبيجن تخبلتن يلاا امشن

..................

روان : ولج يا حيوانه شلون تضربين اختي وتضربين تؤامي ولج اليوم شيخلصج مني بت الكلب يانعال يا ادبسززززز

مروه : ولكم وخري عني ولج شعري وخريي ولكم خلصوني من هايي الكح.. بت شوارع

روان: هاي عليمن كح.. يا ساق... ولج انيي تكولين عليهه هيجج ولجج اليوم شيخلصج منيييي

رزان : روان عفيه وخري كافي تأخرنه خلي نرجع عفيه روان كافي شوفي شسوتي بالبنيه

سجئ : ولج وخري روان يا نعال وخري عن صديقتي

روان. : دتعاي انتي ثانيه

رزان : اباوع علئ روان شلون تتعارك و شلون متخلي احد يحجي عليها وتاخذ حقها وحقنا مربع اووف روان تؤامي واحنه نختلف 180 درجه طبعا عمرنه 17 سنه وطولي 158 انيي شعري يعني عادي وسط وسرح وعيوني عسليات و حنطاويه واني شاطره بالمدرسه گلش عكس روان وبس

.. ......................
بنان : وصلت للبيت تعبانه هوه اصلا اني شوكت جنت مرتاحه طبعا احس نفسيتي تتحسن لما اكون برا المدرسه عكس بالبيت اووف ضيم وقهرر وفوك هذا فراس طلعلي من صفحه ربي خلصني من هل الضيم

فتت للبيت وطبعا كالعاده

جمال : ولج وين جنتي وليش متأخره

بنان. : بابا ترا والله ما متأخره جنت بالمدرسه وهسه طلعنه

جمال : دنعل ابو المدرسه وانعل ابو الي بعد يخليج تخطين الباب

بنان سمعت هيج نصدمت رحت كعدت يم رجله

بنان : بابا عفيه بابا لتخليني اعوف المدرسه عفيه بابا كلشي اسويلك شتريد اسووي بس لتخليني اعوف المدرسه

جمال دفعتها ولزمتها من شعرها وكلت : شوفي لج من اليوم بعد ماكوو مدرسه انسي شي اسمه مدرسه بعد بحلامج انتي تفدين بغير شي

بنان ما فهمت قصده : بس بقيت ابجي واتوسل بس ماكو فايده هذا هوه بابا من احنه وصغار هيج يعاملنه وابد معنده حنيه بكلبه النه

الهام : وصلت للبيت ولكيت الباب مفتوح وعياط

الهام : شكو شكو شصاير شبيج ماما بنان ليش تبجين وشعرج وحجابج هيج

جمال: بعد بنان مداوم وهذا قراري

الهام : ولك ليش متخاف الله انت شبيك شنو مداوم هذا مستقبلها خاف الله بيها خاف ولك موو يتيمه

بنان : نصدمت لما كالت يتيمه شنو يتيمه بس غلست

جمال خزرت الهام : من خر* بمستقبلها خوش واني مدا اناقش اني كاعد انطي قرار وبس وينفذ خلص ما اريد اسمع كلام ويلا كوموا صبوا الغده

الهام : اهخخ شحجي كومي ماما كومي بنان كومي بدلي

بنان بگلبي :حسبي الله ونعم و الوكيل شحجي شكول ما اكدر ادعي عليك لان انت ابويه بس شسوي اووفف يربي علئ هل اب الي ميخاف الله

................

حميد : نعم سيدي طلبتني

فهد : اسمع ما اريد نقاش يعني بعد يومين نروح ونكبس علئ المكان واشوفهم ذوله الكواو..

حميد : حاضر سيدي واكو شي ثاني سيدي

فهد : تفضل

حميد : همه بذاك المكان مو بس يكبسلون ويبوعون ويتاجرون بالمخدرا** هناك هم ديبوعون بالنسوان

فهد : قابل ما ادري بذوله النماذج الخر** بس دواهم اذا ما ازوعهم العافيه واعيد تربيتهم ما نعد علئ الزلم

حميد : والله ونعم منك سيدي

فهد : انعم الله عليك ديلا روح من يمي

حميد : حاضر سيدي يلا اترخص اني

فهد اوف يعني ذوله شنو بس بسيطه اني الهم

ندك الباب

فهد : خيرر منو

مؤمل : اني

فهد : اهووو هم انت خير اني اخلص من واحد يجيلي ثاني خيرر شتريد

مؤمل : هسه شبيك درينه انت زلمه خشن و كتله من الاعصاب هسه شسوينالك

فهد : خاف عندك شك

مؤمل : خرب بيومي اذا اني اشك برجولتك

فهد : خاف عاجبك احبلك اذا تريد معندي مشكله

مؤمل : هههههه عود صاير حشاش ابو الفود

فهد : باوع اني ديني طافر وعقل مضال براسي فولي من يمي احسن ما ابتلي بيك ترئ معندي مانع هسه امددك وتشوف شي ميعجبك

مؤمل : شنو حتغتصبني

فهد : شتكول انت

مؤمل : والله سويها انت مو امان

فهد : اي وانت لعد باقي لحد الان شتنتظر

مؤمل : خلي افلت احسلي لان اظاهر انت متحلفلي

فهد : انعل والد والديك عبالك انسه سوايتك مال البارحه هيه هاي هم سوايه سويها

مؤمل : مواعتذرنه وحجينه هسه سوينالك يابه هوه مو صوجك صوجي اني الي جاي ومتعني عليك

فهد : درب يسد ميرد

فهد / عصبي بس متفهم / اما كشكل فهوه طوله 182 وجسمه معضل ضخم بس جسمه مرتب اسمر عيونه بني شعره بني عنده شوارب ومن اقرب اصدقائه مؤمل

...............................

رحاب (ام فهد) : ولكك اووف حيموتني هل ولد اهخ يفهد مخليت حيل بيه

محمد (ابو فهد) خيرج هل مره شنوو

رحاب: شنو شنو غير هذا صارلي ساعه ادك عليه ماكو و اليوم مسوين عزيمه والكل حيجي ولازم يكون متواجد واخاف يصير مثل كل مره وميجي ويفشلنه

محمد : بويه شبيج البارحه حاجيته وكلي اجي اجي

رحاب : خوش نشوف

ياسر نزل من الدرج

ياسر : هاي شنو اشو اليوم الحلوين مجتمعينن كولوا شجنتوا سولفون خلينه اتسامر وياكم ولا صدك نسيت خاف تسولفون شسويتي ذاك اليوم بالغرفه وشلون جبتونه

محمد : انجب ولك يا ما مؤدب مو اكوملك

ياسر : بابا ادري انت دتحجي هيج تسوي نفسك هيج حتئ تغري امي برجولتك بس لا تخاف امي مو غشيمه وتعالوا صدك انتو شلون جبتوني يمه خو ما بابا تعبج وغمز

رحاب : عزا عزاااا هذاا شنو السانك الزفر بس لو اعرف هل ولد عليمن طالع جان ارتاحيت

ياسر : تربيتكم بعدد اذا انتي امي وانت ابوي شتريدوني اطلع

محمد : ولك انجب احسلك ادبسزز

زوزو (زهره هيه بيبيتهم ام ابوهم اسمها زهره بس يدلعوها زوزو)

زوزو : فلك فلكك شهل تربيه اشو مستحهه زايخه انت

ياسر : اهوو هاي هم انتي زوزو

زوزو : خاب انجب زوزو الي يسمعك يكول صاحبتك او وحده من كحا** الي تحجي وياهن

ياسر : ولج زوزو انتي مو مال واحد يكلج شي

زوزو : انجب انجب لتخليلي اكوملك ادبسزز ذاك اليوم ذب حفاظته واجه يتمرجل عليه مو اكوملك لعبالك الشيب تارس راسي تراا اكوم واعرف شسويلك

ياسر : والله يزوزو ردت اجاوبج بس كلت خطيه انتِ مره جبيره مو مال اردج

زوزو : بسيطه خلي يجي فهد اذا ما اخلي ينعنع اضلوعك بسيطه وانت كله منج يرحاب انت تربيتج هاي وهاي تنيطهم مجال هيج يصيرون والله تربية رادت تكمل ياسر قاطعه

ياسر : اهوو هم حينعاد السيناريو اليومي مال تربية قبل مثل تربية هسه حفظناها

رحاب : اني شعليه اجتيني اني تربيتي هوه مو هياته ابو كاعد هوه رباه ومنطي مجال اني معليه

ياسر : صح كلام يمه تعاي ابوس راسج امي الغاليه صح شفتي اني تربية ابويه ابويه معرف يربيني لان انتي معرفتي تربي

زوزو : من همداك ومن همداه ابوك يا ادبزز كلكم نفس الاخلاق

محمد : يمه اني شعليه اني

زوزو: اسكت احسلك مو معناه زوجت وهاي صيرر رجال عليه

محمد : ااهوووو اروح اكوم احسلي

زوزو: دروح روح هوه انتي بس هاي فالح بيها مابيك خير تربي ولدك وهاي بنتك الحيه صفره الله يعلم شعدهاا معدها خليك انت نايم ورجلك بشمس

رحاب : والله تربيتي ماكو منهاا وبنتي ولدي مربيتهم احسن تربيه فديتهم

ياسر : عاشت تربيتج يمهه

زوزو : كبر اي والله كبر

رحاب : ماما ياسر روح جيب اختك ريم من المدرسه حلت هسه

ياسر : اهو يوم رجعنه

رحاب : انجب روح جيب اختك عود بس يصير بيها شي كول هم هيج

ياسر : كايم كايم اجيب ست ريم الملكه

ياسر عمري 24 اني شنو بكلبي بلساني والساني فالت حيل وربي وديني النسوان واصلا منو ميحب النسوان بس فهد الادمغ يابويي المهم شكلي اني اشگراني اني الوحيد الاشگر لا جذب ريم الحيه هم شگره المهم مدري عليمن طالع اصلا مرات احس مو ابنهم بس يلا نغلس المهم اني صاك العائله طبعا من بعد استاذ فهد

همام : الله بالخير

زوزو : واخيرا شرف استاذ معقد

همام : بلشنه

زوزو : اي بلشنه

رحاب : تعال ماما اكل كم لكمه

همام : لا يوم ما اريد هناك اكل آليوم عندي قضيه مهمه يلا اترخص اني مستعجل

زوزو : هوه انت بس هاي الفالحه بيهاا
......

فرح : بابا بابا شيلني

حسن : عيون بابا تعاي

فرح : بابا اني اهبك اكتر من ماما ( اني احبك اكثر من ماما)

حسن : يوه يوه لتسمعج ماما بس ليش ماما حبابه

فرح: لااع ممه مو هبابه ماما متتبل تتيني تيته ( ماما متقلل تنطيني كيكه)

حسن : مريم مريم ليش متنطين الفروحه كيكه

مريم : اي علمود تتسوس سنونها

فرح : ني ما تتوسس سنوني ني نديفه ما سعلت ( اني ما تتسوس سنوني اني نظيفه زعلت )

مريم : يعمري فروحه حبيبي لتزعلين هاج هاي كيكه

فرح : ياي هاي تيته الي صدوووك

مريم : اي مامي هاي كيكه الج حبيبي انتي وهسه تحبيني اني لو بابا

فرح : اهبج الج اكتر من بابا

حسن : يبوي علئ بنيه اموت وعرف عليمن مصلحجيه

مريم : اسئل نفسك

فرح : بابا ثبيك قصدها ني تالعه عليك( بابا شبيك قصدها اني طالعه عليك)

حسن : ابوس السانج الحلوو شحلات بنتي عليه طالعه

مريم : اي نفس المصلحه

طبعا فرح عمرها حيصير 5 سنوات وحسن اخو فهد وياسر وهمام وعمره 27 وهمه عائله متكونه من ثلاثه وبس

...........................

الهام : يمه بنان اروحلج فدوه كافي تبجين مو مو زين عليج وانتي من گلبج بويهہ آذآ صـآر بيج شـي مـنو يفيدج

بنان : شلون متريديني اصير هيج واني هاي اخر سنه الي ماما اني ما اكدر كلشي ولا دراستي

الهام : شسوين يا ماما هذا ابوح وتعرفيه اذا قفل قفل عوفيها وربج يحلهاا

الهام بگلبها اووف يماما شكد انتي مشلوعت الگلب انتي وخواتج اووف الله ليوفقك يا جمال

الهام : يلا ماما كومي بدلي واني حروح اصبلج اكل من اروح فدوه لهل وجه الحلوو

بنان : تمام

بنان اووف يربي الئ متئ حنبقئ بهل ذل وجماله هذا ابويه اني بنته ليش يسوي هيج والله تعبت مداتحمل ربي افرجها ربي بس لو اعرف اني شمسويه بحياتي

..................

جاسم : انت مناوي تحل من بت ابوك موو جزعتنهآ خطيه

فراس : والله ما اعوفها لو تطلع نخله براسها انت شايف ترافة جسمها وبياضها يابويه يجبون تايه

جاسم : ولك عيب استحي لتحجي هيج علئ عرضك

فراس : يا عرض يا بطيخ الي يسمعك شيكول اختي بت عمي هيه خلك بت ابويه وياريت لو صدك اصلا مجذبين عليها لا بتهہ ولا بطيخ ابويه مـآخذها مدري خاطفها مدري شنو سالفه هيج شي اني سمعت ابويه وامي يحجون بهل موضوع

جاسم : شنو هاي عود صدك

فراس: قابل اجذب عليك بس اسمعه هاي سالفه يابه اذا شفتها طالعه

جاسم : لا لا ما اطلعه لا

فراس : اي عفيه

جاسم : بس انت هم علئ كيفك وياها مو خطيه يلا اروح اني

فراس : خاب دطير انت ثاني ناس فايخه

...................................

ريم واكفه وجان اشوف روان دتعارك و رزان كاعده تفاكك طبعا اني صديقه رزان وروان حيل عمري 17
واني وياهن نفس المدرسه

ريم شفتهن بشارع ديتعاركن وي مروه وسجئ وجان اروح ركض واجر سجئ من شعرها روان دتعارك وي مروه واني وي سجئ وخطيه رزان متعرف المن تفاكك

ريم : ولج انتي شلون بيكم اني مو كتلكم تعوفونه بحالنه وتعوفون روان ورزان بحالهن

سجئ : ولج وخري اهه شعري حجابي وخري

ريم : ولج اموتج عوفي صديقاتي بحالهم

رزان : عفيه ريم عوفيها ولكم كافي روان كافي ريم كافي

روان : يربي انجبي انتي شكد فطيره

ياسر وصلت وجان الكه ريم وياها ثنين بنات ديتعاركن هم وصايرات مالخ من شعر

ياسر : انا اخوك هاي شصاير مالخ دباع هايي ام كفشه شلون دتعارك مو بنيه الي يشوفها زلمه

ياسر : ولج ريم هاي شنو عوفيها

ريم : ما ما اليوم اله اشرب من دمها

ياسر ولج عوفيها اجيت جريت ريم والبنات راحن ركضن وداباوع علئ ذني الاثنين صديقات ريم شلون ديتنافخن هنه مبينات تؤم لان يشابهن بس وحده محجبه وحده لا ام كفشه ما محجبه

ياسر : ريم شنو هل تصرفات هاا وين كاعدين احنه وانتو شنو جايبين اختي تتعارك وياكم

ريم : ياسر معليهن اني اج داكمل وياسر خزرني

ياسر : لا هنه جابوج وانتي شلون تمشين وي هيج نماذج

روان : اكول مو كأنو حميت زايده عن الزوم احترم نفسك واحجي عدل

ياسر : لا بالله هيهيهي بقت انتي تجين تعلميني شلون احجي

روان : اعلمك وغصبا معليك لان متعرف تحجي وهاي نماذج الي تحجي عليها احسن منك

ياسر : دروحي بابا روحي طلعله السان وكاعده تحجي

روان : ايي وانتي طلعتلك شويه شوارب وصرت رجال براسي خاب دروح روح

رزان : كافي روان امشي

ياسر : يلا حبابه سمعي كلام اخيتج وروحي

روان : اخذت جنطتي ودفعته ورحت

ياسر : ايا بت الكل*

ريم : اووف شبيك وي صديقاتي داكلك اني اجيت

ياسر : انجبي وحسابج بالبيت يلا امشي

.........................

روان : شفتي الحقير شلون ديحجي ويايه

رزان : مو كتلج كافي كافي

روان : خاب انتي ابقي مكفخه للرايح والجاي

رزان حزت هل كلمه بنفسي مكفخه؟ شنو ذنبي اني اذا هيج شخصيتي وادري انو روان مو قصدها بس هيه بس تعصب متعرف احد وتبقه تجرح ومتعرف شتحجي

روان : بس تريدين صراحه صاك حيل بس حقيرر مغرورررر

رزان : روان بدينه

روان عمري 17 طولي 160 عيوني عسليه شعري كيرلي اني حيل احب شعري بس البعض يكلي ام كفشه بس ميهمني اني هواي اسمع حجي علئ انو ليش خواتج محجبات وانتي لا بس اكللهم شي بيني وبين ربي ما احب احد يدخل بي ومو حيل شاطره بدراسه بس عندي طموح قوي وبس
.....................................

بنان : كاعده دابدل وبديت انزع بقميصي شو ما احس غير ورايه شخص انداريت وجان الكه فراس
..........................................

الهام : هاي يمه فراس رجعت

فراس : اي رجعت صبيلي غده

الهام : اي اي هسه

جمال : هاا ولك وين جنت

فراس : بدينه خلي اروح احسلي

جمال : انت ضل هيج ضل

بنان واكفه علئ مرايه اشوف جسمي الي مشوه من كد الكدمات والكتل مال بابا اووف يربيي

فراس شفت الكل كاعد بالصاله والبنات بعدهن ما اجن خلي اروح اخذليي فره علئ حبيب

واكف يم الباب داباوع عليهاا دتبدي تنزع يابويه شهل ترافه لعند هل بنيه مو جسم ضيم مداتحمل خلي اروح اذوق

بنان : انداريت وجان الكه فراس تقرب مني انفاسه صارت قريبه علئ انفاسي كمت ابجي وسد حلكلي وخله راسه بركبتي حاولت ابتعد اعيط اسوي ماكوو ابجي وبس صوت شهكاتي ينسمع

فراس : شهل ركبه الحلوه ولج اهخخ كيمر

بنان : ابجي وشهكاتي واحاول اقاومه بس ماكو فايدهه كام يتلمس بجسمي وكلسع يتجرأ اكثر بلمس
وشك دشداشتي

بنان بگلبي : ربي لا اله هل شي ربي انقذني ربي لتخلي يسوي شي ربي عفيه استر عليه وانتقم منهم

.........................................

رحاب : يمه فهد وينك تعال يلا صار وقت الغده والبيت نكلب بيت عمامك اجوي و بيت عمتك دتعال

فهد : يمه والله افتهمت والله هسه ربع ساعه ويمج اني

رحاب : نشوف نشوف

ليان( بت عمه) بتنعوص : خاله شنو جنتي تحجين وي فهودي

رحاب بوعتلها بكلبي شوف هاي وين وحنه وين : اي جنت احجي وياه

ليان : اووي خطيه اكيد تعبان هسه شوكت يجي

رحاب : هسه فد ربع ساعه يلا حبيبه حروح اشوف المطبخ

ليان گلبها يابويه شكد مشتاقتله واعقم عيوني بشوفته الحلوو وطلته

ياسر : ديلا فوتي فوتي بعدين حسابج بس يجي فهد

محمد : شكو شبيك وي البنيه

ياسر : ماكو شي بعدين

ليان كدام الكل : هلوو شلونج يالحيه صفره كبرانه وصايره شابه

ريم : اي وانتي هم متغيره وصايره عجوز مشعوذه

فرح بضحك : تكصف ولا تبالي عمتي الشكره (تقصف)

ريم اجيت بوستها : اروح فدوه الج والسانج الحلوو والعمتج الحلوه

محمود ( عمها ابو ليان ) : اي شلونج ريم

ريم : الحمد الله عمو وانت شلونكم انتو يجماعه

الكل : الحمدالله

جمانه ( مرت محمود) : هاي شنو ولج ريم حاطه مسكارا للمدرسه

ريم اشو ما اشوف غير كل الانظار اجت بتجاهي وبهل اثناء اجه فهد

فهد : السلام عليكم شنو منو حاط مسكارا

جمانه : اختك حاطه مسكارا للمدرسه

زوزو : مو لما اكلكم هل بنيه ورها شي محد يصدكني

فهد : شنو شو باعيلي ريمه حاطه مسكارا ( فهد الوحيد الي يصيحلي ريمه)

ريم : لا والله فهد شوف والله محاطه وانتي شنو واذا حاطه انتي شعليج وانتي زوزو شنو عندي شي مثلا شعندي حابه اعرف شعندي

زوزو : فلك يفلكج السان الكح**

فهد : اووش كافيي كل مهاي نجتمع لازم صير مشكله وانتي زوزو شنو هل الفاظ شنو تكليلها هيج كلمات

حسن : اي والله زوزو ميصير تكليلها هيج

زوزو : انجبوا انجبوا عود صايرين محطة دفاع الهاي شو سكتواا وانت شنو اجيت كلت بس يجي فهد نتفاهم شمسويه اختك

ليان : يااا هاي شمسويه هل مره ولج ريم وانتي فهودي اعصابك عيوني

فهدي باوعتلها صفح وكلت بكلبي: هاي شبيها شنو فهود شنو عيني ولا وجماله ابوها كاعد واخوها والله المستحه زاحت

ياسر كلت بكلبي بعدين نتفاهم ما اريد احجي كدامهم خلي شغلة بينه احسن ما احجي كدام بيت عمامي وعماتي

ياسر : لا ماكو شي داشاقه وي ريم

زوزو : والله يا الله

ريم : انتو شنو اول ما اجيت استلمتوني هوه اني هم صوجي ورحت عفتهم وصعدت فوك

فهد : هيج احسن

رحاب هاي شكو شصار :

فرح : عمه ليمه زعلت ( عمه ريمه زعلت )

حسن : يابه يابه منج انتي

مريم : ولج فرح سكتي

رحاب : ليش زعلت

فهد : ماكو شي بس هيج بعدين عود يلا روحوا كملوا

رحاب : اوك

فهد كاعد اصعد وجان ما اشوف غير ليان ورايه

فهد : ها خير

ليان : داصعد وياك خاف تحتاج شي

فهد باوعتلها صفح : بصفتج منو ؟

ليان : هاا ما ادري هيج حبيت اساعدك

فهد : لا ميحتاج روحي رجعي محلو تجين وصعدين بغرفة ولد وحدنه عفتها وصعدت والله يا الله هاي ولا عدها ذرة مستحه

ليان بكلبي: شكد متضل تجاهلني وراك وراك بسيطه

......................................

جمال : ها ولجن وين جنتن

رزان : اجينه بابا

روان : اجينه بابا ترئ ما متنه

جمال : احترمي نفسج واحجي عدل احسن ما اكوملج

رزان : كافي روان كافي

روان : ترا محجيت شي اني وكافي تعاملنه كحيوانات احنه مو عبيد عندك

جمال لزمتها من شعرها : ولج سمعيني تحجين عدل احسلج والله اخليج جوه رجلي وادوس عليج

رزان كومت روان وكتلها كافي لتردي امشي

......................................

بنان كاعده ادعي احد يجي شو ما اشوف غير الباب نفتح وطبت من رزان

رزان : هاي شنوو شديصيرر

فراس وخرت عن بنان وطلعت من الغرفه وكلت يابه اذا شفت طالع هل شي بره الغرفه او سمعت اخد دره انهيكم

رزان رحت يم بنان شفته كاعده تغطي بنفسها

رزان : عفيه بنان كافي هدي مو زين عليج منا گلبج عفيه وهہذا فراس سوه هيج بيج

بنان : كامت تبجي رزان رزان راد راد وكامت تشهك

رزان : كافي رحمه الوالديج كومـي مو شلعتي الكلبي كافي تبجين الله ياخذك يا فراس ومشوف يوم زين وحوبت اختي متتعداك

رزان : لعد هوه سوالج شي

بنان بدموع : لا لا

رزان : الحمد الله حروح اكول البابا

بنان : بنان لا لا لدكولين لحد لا عفيه حتئ روان هہاي خبله ومتسكت عفيه ابوج اذا دره يطردنه من البيت لو يكتلني وكله يصير عليه

رزان : صح يطلع منهمـ اووف يربي الله ليوفقك يا فراس تعاي كومي حبيبي كومي

بنان : توعديني متكولين لحد

رزان حضنتها وكتلها : وعد

.........................................

كاعدين علئ اكل

رحاب : كومي فروحه صيحي عمتح ريم

فرح : ماا

مريم : فرح روحي صيحي عمتج عيب

فرح : اهوووو ممه هوش هروح ( خوش حروح)

ياسر : بس لو افهمه بنتك منين جآيبه هل السان

زوزو : اي والله مو السانه مصيبه بعد تربية حسن

حسن : فديت بنتي وفديت تربيتي

فهد : بالعكس خليها هيج شخصيته قويه والسان علمود ميضيع حقها بس تكبرر

ياسر : بس وقحه

حسن : شصير صير فديتهاا

زوزو بقهر : اووف ناقص هل سفره سـرآب واياد اووف راحوا بدون اعذار سوده عليه

محمد : يمه اني مو كايل هل موضوع لينذكر راح ويهہ راح

زوزو : ولك ولك شلون بيك ولك شلون ينسد لو نسيت اخوك بهل سرعه ولج انتي رحاب نسيتي اختج بهل سرعه

رحاب : نزلت دموعها ولج شلون انسه شلون اهخخ

فهد : دكافي هسه ليش كلبتوها مناحه

زوزو : ولك شلون ولك هاي خالتك وعمك يمه سوده عليها اهخ بوكتها كتلهم لطلعون لطلعون محد يمسع وبنتاتهم سوده عليه مثل الورد راحن وياريت لو لاكين جثثهن ماكو راحن اختفن هاي جانت سنتين وذنيج تؤم جانن بعدهن شهرين وماتن اووف سوده عليه

محمد : يمه كافي اني گلبي خلصـآن لاكلسع تفتحين دفاتر القديمه صار الي صار

زوزو :سكتت سكتت

جمانه بصوت ناصي وي بنتها : اهو ذبحتنه بيهم كل مننجمع لازم تذكرهم

ايمن (ابن محمود وجمانه) : يمه كافي صوتج

ليان : والله خبصتنه وهاي تبقه تحجي بناتهم وبناتهم ودائما تكول لو بنت الهام عايشه جان زوجتها الفهد

ليان بصوت ناصي : الحمدلله ماتت

ايمن : انجبي

ليان : انجبيت

فهد : يلا اني طالع

ليان : وين

فهد باوعتلها صفح

ياسر : انتضرني جاي وياك

حسن : مادام ياسر حيروح وي فهد الموضوع صار بي ان وغمز

فهد : انجب

.............................

بنان : وره ما اكلنه عشه طبعا دائما يطلع سم علينه ومعدا كرصات و تغمز فراس اي من جوه الميز واني ملتزمه بصمت لان اذا حجيت محخرب حياتي بس حخرب حياة خواتي

وره منخلص عشه اني خواتي نكعد ونسولف عن يومنه وحياتنه ونسئل بعض اسئله نشوف كل وحده وجهة نظرها بهل شي ونكرز حب

رزان : شرايكم بالحب

بنان : شي حلو اذا عرفتوا تختارون شخص صح

روان : مجرد خرافات لا اكو حب ولا بطيخ كله اوهام

رزان : لا روان ميصير هيج تحجين بالنسبه الي احس الحب شي حيل حلوو والاهتمام وثقه تكون الله

روان : جا متروحين انتو بنات كلكم حب وحب والله يا الله مجرد تلهية وقت وبس

بنان : اباوع علئ خواتي شلون دتناقشن كل وحده الها رائي وجهة نظر وميتفقن ابد وكل وحده تفكيرها حتئ الكل يكول هيج صح تؤام بس ميتفقن رزان هادئه ومالها بالمشاكل اما روان عشقها المشاكل وقويه ومتسكت علئ احد ابد ولا تغلس يعني شكد نسمع حجي رزان تسكت اني اسكت مرات بس روان ابد ولا تسكت ولا تغلس تاخذ حقها و حقنا

ردت اغير موضوع حتئ ميتعاركن

بنان : اي شصار اليوم شنو يومكم

رزان : ولج شصار بينه اليوم اهخ كله من روان

روان : خاب ما تنجبين تريديني اسكت والله يا الله

بنان : شو سكتن ثنيتكم وحده منكن تحجيلي

رزان كامت تحجيلي السالفه

بنان : هاي ولج شمسويه

روان : شعبالج اسكت وهذاا الاشكر شايف روحه بويه بودي اخنكه بس بعيدا عن كلشي صاك وحيل صاك

رزان : هوه انتي هذا الهامج

كمنه نضحك

بنان : يلا نامن تأخر وقت حروح اشرب مي واجي

....................................

ياسر : ليش احسك ضايج

فهد : والله تعبان ومنا شغل وهوسه ميت الف شغله براسي ودايخ بيهن

ياسر : وشنو الي مدوخك

فهد : خلي سكته لدوخ نفسك اي شصار اليوم شبيها ريمه ادري انتي مردت تحجي لان متريد تحجي كدام بيت عمي وعمتي فكلي شنو

ياسر : مينضم عليك شي

فهد : انجب واحجي

ياسر حجيتله كلشي

فهد : والله طلعت هل ريمه مو قليله

ياسر : لعد لو شوف ام كفشه الي وياها لعبت خلقه بالبنيه الي يشوف عراكه ولا يكول بنيه زلمه خشنه بس عن الحلال والحرام حلوه حيل حتئ كفشتها

فهد : شنو حطيت عينك عليها اظاهر ولو انت حتئ الهايشه شوفها حلوه اهمشي عدها شسمه

ياسر : ايااا ادبززززز اني ادبززز فهمنه انت ليش

فهد : صوتك ولك انجب احسن مشوف شي ميعجبك

ياسر : حتغتصبني مثلا

فهد : لا شي اقوه

ياسر : ليكون الي فبالي

فهد : مع الاسف الشديد

ياسر : لا ولك هذا العزيز

فهد : دتعال الله جابك اليوم اطلع ضيم گلبي بيك

............................

بنان نزلت اشرب ميي وجان اسمع بابا ديحجي بالموبايل بصوت ناصي ما ادري اخذني فضولي اسمع شنو دحجي

جمال : اي هوه هل يومين اجيبها اي حتئ بطلتها من دوام اي اي نفس المواصفات الي ردتوها ايي ادلل هوه نفس المبلغ اتفقنه عليه اي

بنان : داسمع و دمي وكف هذا شديحجي شنو

الهام : ولك ابوس ايدك لسوي هيج بالبنيه عفيه مو بنتك حرام

جمال دفعها بعصبيه : شنو بنتي دطيري اني وانتي ندري كلش زين ذني مو بناتنه وما اريد اتعمق اكثر ديلا ولي من يمي

بنان : دموعي تنزل واحس نفسي دايخه ذوله شديحجون يربي

نهاية البارت
يتبع ..

إلى اللقاء يا أعز العابرين في قلبي ♡

الكاتبات دينا & نور